|
|
 Re: نيمة ود جبارة ونفيسي بت بغداد.. (Re: طارق جبريل)
|
كانت حبوبتي تعتني بنا كثيرا منذ أن نصل إلى شبا...
كانت تحنو علينا ربما بصورة مبالغ فيها.. كأننا لن نعود مرة أخرى..
حتى أنني كنت أخشى لحظة فراقها وأنا أغادر شبا..
كنت أتجنب تلك اللحظة ما حييت.. لكن لا مفر... لا مفر مطلقا..
فالدموع والنحيب ذلك اليوم كانا يغرقان شبا في الأحزان..
****
بعد أن نستمتع بـ«اللبيني المقننة» و«القرقوش» من «تُكُل» خالتي نورا
نكون على استعداد تام لانتظار تعليماتها بالخروج من البيت وبداية «المتعة»
في أن «نندلى لاااااااااتحت».. هناك حيث ندمائها: عوض السيد كنيش،
احمد ود جبارة، احمد نعمان، غفور، جادين ود صافيات وصافيات..
فما أن تتوكأ عصاها وتنادي: يا طارق.. يا المبروك.. اندلاااكم لااااتحت..
ألا ونكون جاهزين لمتعة الصباح اليومية هذه..
كنا نمر أمام بيت «بت الشام» فتدفع حبوبتي باب بيتها لتسلم عليها:
- بت الشام كيفن أصبحتي.. طيبي..
- أهلا يا نفيسي.. أدخلي.. وحلاتو دة ود جبرين
- أيي دة طارق ولدي
- الرسول فيك تدخلي خليهو يشربلو شاي معاي
- دابن شربوهوا ودعناك الله مندلين لااااتحت عند «نيمة ود جبارة»
- الرسول فيكي أن ما دخلتو
- الرسول اليغمتك آآآبدخل لا تخصميني
- هههههههه طيب خلي ود جبرين اليدخل
- ود جبرين آآآآبيختاني.. يقوم واحد من البُطان ولاد الهرمة ديل يضربوا بي شي
- هو في شافعا بيقدر يهبشلو وليد هول بت بغداد ههههههه
- كدي اليهبشو زول إن ما بقيت طهرتو من أول جديد
- هههههههههه الله يعدل ختوتك لامن تجيبي لينا يوم
- سمح ودعتك الله..
- في مان الله
كنا نزور كل البيوت التي في طريقنا إلى نيمة ود جبارة ونسلم على أصحابها..
كانت هذه طريقة حبوبتي في تفقد القرية وأهلها..
ما بين بيت بت الشام وفاطمة بت الخضر ود كنيش وعبد الرحيم محمد عمر
ومكاوي محمد أحمد وحواء بت الخضر ود كنيش وفتح ود بلولة وعوض السيد كنيش..
ما بين كل تلك البيوت كنا نقضي أكثر من ساعتين قبل أن نصل إلى «نيمة ود جبارة»..
لكن بيت عمتي فاطمة بت الخضر كان يستحوذ على معظم الوقت..
ما أن تراني إلا وتحضنني وتبكي:
حلات طرووووق ود جبريرين حلات ود أخوي الزين..
كانت امرأة مليئة بـ«حنية» أهلنا ودموعها تسبق كلماتها..
***
حين نصل الشارع الذي يفصل بيوت القرية عن غابات النخيل نكون قد
أدينا التحية لكل أهل القرية..
ما أن نظهر أمام نيمة ود جبارة حتى يصيح ندمائها:
المرة القاهري... بت البغاديد..
ثم ترد هي عليهم:
هو في زولا قاهر متلكم إنتو.. الله لا كسبكم..
ثم تُخرج «ريال» من «محفضتها» وتلتفت إلي:
يا طارق أمشي دكان «العوضابي» جيبلي سيجارة وأملالي حقتي دي صعوط
قول لـ«النقر» يسويلك الصعوط السمح ما يغشك أنا عارفاهو ود الهرمة دة..
واشتريلك حلاوة انت والمبروك..
نتركها كي تتوسط أصحابها ونسرع لنحضر لها ما تريد..
غالبا ما كنا نجدهم عند عودتنا يضحكون حتى تدمع عيونهم من حديثها..
في أحد المرات وجدناها مسرعة إلى بيت جدي أحمد ود بغداد..
وهناك أصوات بكاء وصراخ هنا وهناك..
حين وصلنا وجدنا جدي يتلوى من الألم ويحيط به رجال القرية..
لم تُعر اهتماما لأحد وسألته: يِحمد أخوي الصايدك شنو
كانت ترجف وتتصبب عرقا..
- ردت عليها زوجته: كان قاعد يصلي ولدغته عقرب
- إن شاء الله يصلوا عليك..
إنت جنسنا دة وين قاعد يصلي.. الله لا كسبك ان كان داير تكتلني..
ههههههههههههههههههههه
ضحك المسكين وهو يتألم وضحكت القرية كلها لحديثها..
هكذا كانت «بت بغداد» لها في كل يوم طرفة حتى أصبحت ذات صيت هنا..
|
|
 
|
|
|
|
|
| العنوان |
الكاتب |
Date |
| نيمة ود جبارة ونفيسي بت بغداد.. | طارق جبريل | 11-09-12, 11:07 PM |
| Re: نيمة ود جبارة ونفيسي بت بغداد.. | طارق جبريل | 11-09-12, 11:13 PM |
| Re: نيمة ود جبارة ونفيسي بت بغداد.. | محمد الكامل عبد الحليم | 11-10-12, 03:16 PM |
| Re: نيمة ود جبارة ونفيسي بت بغداد.. | على احمد النعيم | 11-10-12, 04:36 PM |
| Re: نيمة ود جبارة ونفيسي بت بغداد.. | طارق جبريل | 11-10-12, 11:33 PM |
| Re: نيمة ود جبارة ونفيسي بت بغداد.. | طارق جبريل | 11-10-12, 11:32 PM |
| Re: نيمة ود جبارة ونفيسي بت بغداد.. | طارق جبريل | 11-10-12, 11:34 PM |
 Re: نيمة ود جبارة ونفيسي بت بغداد.. | اسماء الجنيد | 11-11-12, 01:05 AM |
| Re: نيمة ود جبارة ونفيسي بت بغداد.. | عصام مدنى | 11-11-12, 09:44 AM |
| Re: نيمة ود جبارة ونفيسي بت بغداد.. | طارق جبريل | 11-11-12, 10:13 AM |
| Re: نيمة ود جبارة ونفيسي بت بغداد.. | طارق جبريل | 11-11-12, 10:12 AM |
| Re: نيمة ود جبارة ونفيسي بت بغداد.. | عباس الدسيس | 11-11-12, 02:46 PM |
| Re: نيمة ود جبارة ونفيسي بت بغداد.. | محمد الكامل عبد الحليم | 11-11-12, 04:30 PM |
| Re: نيمة ود جبارة ونفيسي بت بغداد.. | aydaroos | 11-11-12, 04:35 PM |
| Re: نيمة ود جبارة ونفيسي بت بغداد.. | وضاحة | 11-11-12, 04:39 PM |
| Re: نيمة ود جبارة ونفيسي بت بغداد.. | طارق جبريل | 11-11-12, 04:50 PM |
| Re: نيمة ود جبارة ونفيسي بت بغداد.. | طارق جبريل | 11-11-12, 04:49 PM |
| Re: نيمة ود جبارة ونفيسي بت بغداد.. | طارق جبريل | 11-11-12, 04:48 PM |
| Re: نيمة ود جبارة ونفيسي بت بغداد.. | طارق جبريل | 11-11-12, 04:46 PM |
| Re: نيمة ود جبارة ونفيسي بت بغداد.. | وضاحة | 11-11-12, 08:04 PM |
| Re: نيمة ود جبارة ونفيسي بت بغداد.. | عمر مصطفى مضوي | 11-11-12, 09:45 PM |
| Re: نيمة ود جبارة ونفيسي بت بغداد.. | طارق جبريل | 11-12-12, 10:32 AM |
| Re: نيمة ود جبارة ونفيسي بت بغداد.. | عصام مدنى | 11-12-12, 10:39 AM |
| Re: نيمة ود جبارة ونفيسي بت بغداد.. | maman | 11-12-12, 01:42 PM |
| Re: نيمة ود جبارة ونفيسي بت بغداد.. | طارق جبريل | 11-12-12, 05:16 PM |
| Re: نيمة ود جبارة ونفيسي بت بغداد.. | محمد الكامل عبد الحليم | 11-14-12, 09:41 PM |
| Re: نيمة ود جبارة ونفيسي بت بغداد.. | طارق جبريل | 11-12-12, 05:09 PM |
| Re: نيمة ود جبارة ونفيسي بت بغداد.. | يحي قباني | 11-12-12, 05:15 PM |
| Re: نيمة ود جبارة ونفيسي بت بغداد.. | طارق جبريل | 11-12-12, 05:18 PM |
| Re: نيمة ود جبارة ونفيسي بت بغداد.. | طارق جبريل | 11-13-12, 00:39 AM |
| Re: نيمة ود جبارة ونفيسي بت بغداد.. | طارق جبريل | 11-13-12, 10:12 PM |
| Re: نيمة ود جبارة ونفيسي بت بغداد.. | نورالدين الفحل | 11-14-12, 10:18 AM |
| Re: نيمة ود جبارة ونفيسي بت بغداد.. | طارق جبريل | 11-14-12, 12:22 PM |
| Re: نيمة ود جبارة ونفيسي بت بغداد.. | طارق جبريل | 11-14-12, 12:18 PM |
| Re: نيمة ود جبارة ونفيسي بت بغداد.. | صلاح أبودية | 11-14-12, 11:29 AM |
| Re: نيمة ود جبارة ونفيسي بت بغداد.. | طارق جبريل | 11-14-12, 12:34 PM |
| Re: نيمة ود جبارة ونفيسي بت بغداد.. | طارق جبريل | 11-18-12, 00:12 AM |
| Re: نيمة ود جبارة ونفيسي بت بغداد.. | معاذ حسن | 11-18-12, 11:11 AM |
| Re: نيمة ود جبارة ونفيسي بت بغداد.. | اباذر النضيف | 11-18-12, 01:15 PM |
| Re: نيمة ود جبارة ونفيسي بت بغداد.. | طارق جبريل | 11-18-12, 05:04 PM |
 Re: نيمة ود جبارة ونفيسي بت بغداد.. | إبراهيم عبد الحليم | 11-18-12, 05:07 PM |
| Re: نيمة ود جبارة ونفيسي بت بغداد.. | طارق جبريل | 11-19-12, 02:06 PM |
| Re: نيمة ود جبارة ونفيسي بت بغداد.. | طارق جبريل | 11-18-12, 05:02 PM |
| Re: نيمة ود جبارة ونفيسي بت بغداد.. | طارق جبريل | 11-19-12, 02:06 PM |
| Re: نيمة ود جبارة ونفيسي بت بغداد.. | طارق جبريل | 11-21-12, 11:51 PM |
| Re: نيمة ود جبارة ونفيسي بت بغداد.. | طارق جبريل | 11-26-12, 05:50 PM |
| Re: نيمة ود جبارة ونفيسي بت بغداد.. | طارق جبريل | 12-02-12, 12:55 PM |
| Re: نيمة ود جبارة ونفيسي بت بغداد.. | عبد الدائم سيد أحمد | 12-03-12, 09:45 AM |
| Re: نيمة ود جبارة ونفيسي بت بغداد.. | طارق جبريل | 12-03-12, 09:20 PM |
|
| |
طارق جبريل
فيس بوك
تويتر
انستقرام
يوتيوب
بنتيريست