نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 القرايي أم دق
|
النبي فيكم يا الحبان شوفتوا قراية البطان الزمن دة كيفنها..
بالله الواحد امه تقوم صباحي وتجهزلو في الغداء اليشيلو معاهو..
يا همبرغر هاجرينو بين جِبنايتين صُفُر في العيش العلي القحف داك..
يا كمان العيش الممصرن العلي (البزديق) داك يدهنوهوا بــ(الكرافت)..
ولا حبات ألات سجك يشووهن ويغتسوهن في (الكاتشب)
ويزرقوهن في العيش العلي ضنب الكــلـب داك..
ولا الخرابة العفن داك اليقولوا (الهوت دوق)..
وبعد دة يلفوهوا بالألمونيوم فشان يبقى سخن لي وقت الغداء
ويهجروهوا في شنيطي صغووويري كدي ألت الأكل..
ويطلعلوم عصير أليل منقة ولا برتكان ومعاهو القصبايي البيشفطوبا العصير ديك..
ويختلولم تفاحيي يا موزايي يا يوسف افندي يا كمان كوميثرايي..
وبعد دة كلو يختولم زبادي دانيت ومعاهو بسكويت عشان الفسحة القبل الغداء..
ودة كله في شنيطة الجن دي..
حليلنا نحن وحليل قرايتنا..
وحات نضري انا مرة جيت من المدرسة للفطور.. لقيت امي رحمها الله ماها في..
دخلت علي التُكل لقيتلي كوريي فوق النمليي فيها روب..
وفي طبق الكسري لقيتلي فطيرتين كبيت فيهن الروب..
وضرضرتلي فيهن سُكر وشلتهن طويتن وانا ماشي علي المدرسة وألوغد فيهن..
والروب ينقط في القميص ومرة مرة اقشقش في مخاخيتي..
والدنيا برد وجضومي علي العليهن مليانات قشروب وماني قادر اضحك من الشقيق..
وأصلو الروب مع المخاخيت والشقيق وكتين نشف
وحات ود الكرسني جضومي زي اليبسوهن بي جبص..
بقيت حنكي ماني قادر احركو..
وأصلو القميص اللبني داك مع الردا اللزرق بقن منقطات بالروب
و(الشدة) من لاااتحت مكودبي والرجلين مغبرات مع الجلسرين..
اصلي بقيت زي أهل الكهف..
اها ورفقاني برضو الماكلو فاصوليي مكرتبي ولا لوبي عفن..
وتعالوا شوفوا من دخلنا الحصة التالتة دي وامة محمد منفوخي وتتنفس من لاااا تحت..
اصلو الفصل دة بقى علي كفاي الجداد ولا مراح النعاج من العفني..
وأصلها الحصي ألت الدين ديك يمين مافي زول حافظلو سورة..
مع ((البنج)) المالي الفصل دة..
واصلو ان كان لي استاذ الدين تلقاهو ممرق وشو بالشباك ويقري فينا..
دة كلو كوم والشنط ألت القرايي ألت البُطان ديل كوم..
بالله نشتري في الشنط السمحي دي وليها (ترتارين)
وليها يد كدي علي (كماشة) الفحم فيها شيتا كدي تطبزو تجيك ناطي
ووش الشنطة يا تلقى فيهو (ميسي).. يا كمان (فولا)..
والخرابة ملياني جيوب.. شي للكراريس وشي للكتب
وشنيطي صغوووووووووويري فيها الأقلام والألوان والاستيكة..
نان هن اقلام.. شي احمر وشي اخضر وشي ازرق..
والعجب في الاستيكة.. وحات نضري ليها ريحي..
ومرة ليها شكل كورة ومرة ليها شكل حصان... تشهيك المسح..
وتاني يا حليلنا نحن..
بالله خرتايي تخيتها ليك امك من باقي الدموريي ألت اللحفات..
وتسويلك ليها سوستة.. وعَلاقة فشان تختها في كتفك..
واصلهن كراسين مافي غيرن.. مجلدات بالجلاد البني داك..
ومبرقعات بي زيت الزلابية.. وصفحاتن مقدقدات من كترة المسيح..
واصلنا ما شفنالنا ترتار غير ترتار صندوق البرنجي داك
البتختو مع الهوا وتجري وراهو النهار كلو..
وكل يوم تحسب في السنين متين تصل سنة رابعة فشان ترتاح من قلم الرصاص..
وقادر الله تقعد تكتب بي قلم الحبر..والحبر يتسايل في أصابعينك
والله بيسألني مرات الحبر يصل لي كوعك..
ومن مسيح المخاخيت مع الحبر تسويلك شنب ضُومة ضُومة..
وأصلك كل يوم تجي ماشي جنب سنة خامسة وسادسة..
وتشتهي متين تصلن فشان يشترولك علبة الهندسة..
وتقعد تسوي في الورود بالبرجل وتشيل تقطعن من الكرسي
وتمشي علي بت الجيران ترميهو ليها في طريقها..
وهي تسكت تتبسم.. وانت تشيلك الهاشميي وتضاحك برااااااك
اها يا الحبان بعد دة كله الشافع يسولوا الفطور..
شي كرواسة وشي كيك وشي عصير..
ويلبسوهوا هدماتا سمحات ومعاهن كرفتة..
ويسوقوهوا بالعربيي لاااعند المدرسة
ووكتين تشوفو نازل وجاري الشنطة أم ترتارات ديك
والشنيطي ألت الأكل في الايد.. والكرفتة تتطابر من هني لااااهني
تحلف تقول مدير بنك
دحين باقيلكم قرايتنا مو ياها القرايي ام دق مع البُطان ديل
|
|
 
|
|
|
|
|
| العنوان |
الكاتب |
Date |
| القرايي أم دق | طارق جبريل | 03-24-11, 06:00 PM |
 Re: القرايي أم دق | omer osman | 03-24-11, 06:09 PM |
| Re: القرايي أم دق | omer osman | 03-24-11, 06:14 PM |
| Re: القرايي أم دق | طارق جبريل | 03-24-11, 06:30 PM |
| Re: القرايي أم دق | omer osman | 03-24-11, 06:37 PM |
| Re: القرايي أم دق | طارق جبريل | 03-24-11, 07:28 PM |
| Re: القرايي أم دق | طارق جبريل | 03-24-11, 06:25 PM |
| Re: القرايي أم دق | خالد كدودي | 03-24-11, 06:13 PM |
| Re: القرايي أم دق | طارق جبريل | 03-24-11, 06:32 PM |
| Re: القرايي أم دق | أحمد ابن عوف | 03-24-11, 06:44 PM |
| Re: القرايي أم دق | sari_alail | 03-24-11, 07:03 PM |
 Re: القرايي أم دق | أيمن التوم حسن | 03-24-11, 07:32 PM |
| Re: القرايي أم دق | طارق جبريل | 03-24-11, 07:37 PM |
| Re: القرايي أم دق | طارق جبريل | 03-24-11, 07:35 PM |
 Re: القرايي أم دق | رشا سالم | 03-24-11, 07:08 PM |
| Re: القرايي أم دق | طارق جبريل | 03-24-11, 07:39 PM |
| Re: القرايي أم دق | طارق جبريل | 03-24-11, 07:32 PM |
| Re: القرايي أم دق | sari_alail | 03-24-11, 08:02 PM |
| Re: القرايي أم دق | SHIBKA | 03-24-11, 09:17 PM |
| Re: القرايي أم دق | ABUHUSSEIN | 03-24-11, 09:32 PM |
| Re: القرايي أم دق | محمد أبوالعزائم أبوالريش | 03-24-11, 09:59 PM |
| Re: القرايي أم دق | الرشيد ابراهيم احمد | 03-24-11, 10:06 PM |
| Re: القرايي أم دق | طارق جبريل | 03-25-11, 10:25 AM |
| Re: القرايي أم دق | طارق جبريل | 03-25-11, 10:24 AM |
| Re: القرايي أم دق | محمد أبوالعزائم أبوالريش | 03-25-11, 11:43 AM |
| Re: القرايي أم دق | Manal Mohamed Ali | 03-24-11, 10:10 PM |
| Re: القرايي أم دق | الرفاعي عبدالعاطي حجر | 03-24-11, 10:49 PM |
| Re: القرايي أم دق | ناصر احمد الامين | 03-24-11, 11:03 PM |
| Re: القرايي أم دق | عزان سعيد | 03-25-11, 06:52 AM |
| Re: القرايي أم دق | هواري نمر | 03-25-11, 07:48 AM |
| Re: القرايي أم دق | طارق جبريل | 03-27-11, 11:57 AM |
| Re: القرايي أم دق | طارق جبريل | 03-25-11, 10:32 AM |
| Re: القرايي أم دق | طارق جبريل | 03-25-11, 10:30 AM |
| Re: القرايي أم دق | طارق جبريل | 03-25-11, 10:28 AM |
| Re: القرايي أم دق | طارق جبريل | 03-25-11, 10:26 AM |
| Re: القرايي أم دق | طارق جبريل | 03-25-11, 10:21 AM |
| Re: القرايي أم دق | طارق جبريل | 03-25-11, 10:20 AM |
| Re: القرايي أم دق | SHIBKA | 03-25-11, 12:55 PM |
| Re: القرايي أم دق | طارق جبريل | 03-27-11, 11:58 AM |
| Re: القرايي أم دق | طارق جبريل | 03-25-11, 10:18 AM |
| Re: القرايي أم دق | عبد الدائم سيد أحمد | 03-27-11, 12:18 PM |
| Re: القرايي أم دق | عبد الدائم سيد أحمد | 03-27-11, 12:33 PM |
| Re: القرايي أم دق | طارق جبريل | 03-27-11, 05:43 PM |
| Re: القرايي أم دق | بشير دفع الله | 03-27-11, 12:53 PM |
| Re: القرايي أم دق | طارق جبريل | 03-27-11, 05:46 PM |
| Re: القرايي أم دق | طارق جبريل | 03-27-11, 05:35 PM |
| Re: القرايي أم دق | shammashi | 03-27-11, 12:29 PM |
| Re: القرايي أم دق | نوفل عبد الرحيم حسن | 03-27-11, 01:01 PM |
| Re: القرايي أم دق | عبدالله ود البوش | 03-27-11, 01:39 PM |
| Re: القرايي أم دق | Mohamed E. Seliaman | 03-27-11, 02:29 PM |
| Re: القرايي أم دق | طارق جبريل | 03-27-11, 06:00 PM |
| Re: القرايي أم دق | طارق جبريل | 03-27-11, 05:56 PM |
| Re: القرايي أم دق | طارق جبريل | 03-27-11, 05:51 PM |
| Re: القرايي أم دق | نوفل عبد الرحيم حسن | 03-31-11, 08:19 AM |
| Re: القرايي أم دق | طارق جبريل | 03-27-11, 05:49 PM |
| Re: القرايي أم دق | ياسر عبدالكريم محمد | 03-27-11, 07:39 PM |
| Re: القرايي أم دق | طارق جبريل | 03-28-11, 11:09 AM |
| Re: القرايي أم دق | محمد أبوالعزائم أبوالريش | 03-27-11, 07:58 PM |
| Re: القرايي أم دق | shammashi | 03-28-11, 12:18 PM |
| Re: القرايي أم دق | طارق جبريل | 03-28-11, 02:05 PM |
| Re: القرايي أم دق | نوفل عبد الرحيم حسن | 03-31-11, 08:28 AM |
| Re: القرايي أم دق | طارق جبريل | 03-30-11, 11:40 AM |
| Re: القرايي أم دق | ABUHUSSEIN | 03-30-11, 04:14 PM |
| Re: القرايي أم دق | طارق جبريل | 03-30-11, 05:52 PM |
| Re: القرايي أم دق | Nagat Sid Ahmed Elshiekh | 03-30-11, 07:18 PM |
| Re: القرايي أم دق | جعفر محي الدين | 03-31-11, 08:10 AM |
| Re: القرايي أم دق | طارق جبريل | 03-31-11, 10:34 AM |
| Re: القرايي أم دق | طارق جبريل | 03-31-11, 10:33 AM |
| Re: القرايي أم دق | shammashi | 03-31-11, 11:36 AM |
|
| |
طارق جبريل
فيس بوك
تويتر
انستقرام
يوتيوب
بنتيريست