|
|
 ود جبرين والجاكوزي
|
الحبيبين كيفنكم
باقي شغلانية الصحافة دي مرات ترميك في حتات كدي.. أصلها تودر ضُمة ضُمة
شركة جيليت ألت امواس الحلاقة ديك قالت سوتلها منتوج جديد ودايري تعرضه علي الصحفيين
أها يا الحبان قامت سوتلنا رحلة لي مراكش في فندق باقيلي تسعين نجمة..
وصلنا يا الزينين جارين شنطنا...دخلنا الفندق
شويتين جوا الخواويج ديل يعوجوا في الكلام من هني لا هني
والميزات ألت الموس الجديدي وكيفن فيها تلاتة أمواس فِرِد مرة..
ونحن قاعدين مبحلقين عيونا...
انتهوا من نضميهم دة وادونا كل واحد مكنة وقالولنا لامن تدخلوا وتمشوا علي ((الساونا)) ومن بعدها ((الجاكوزي))
استعملوا الامواس دي للتجربة.. وباكر ان شاء الله نوريكم الميزات..
شلت الماكينة ألتي وادوني معاها بشكير كدي علي العراقي وليهو (تِكَة) في نصه كدي يسموهو (الروب)
ومعاهو كريم كدي فشان نحلقبوا..
دخلت يا الحبان علي ساونة السواد دي.. أصلو الحر دة قرب ياخد رويحتي..
وقلت في نفسي: هو الحر دة أتاريهو ياها الساونة
إن بقى كدي سودان الجن اتاريهو ساونة ربانية حقو نبيعا للأوربيين
شويتين يا الحبان دخلت علي النصيبة الاسمها ((الجاكوزي)) دي
غتسوني في حوض يلمع كدي وكله مرايات وادوني جرايد فشان اتسلابن
بقيت اقرأ في الجرايد... شويتين الحوض اتملا موييي
وبقى يبغبغ فوقي علي بغبيغ حَلَة (اللوبي عفن) قبل الآذان بي ساعتين في رمضان
وحاتكم قلعت عيوني علي القعونجي الشايفالا ضبانة ومنتظري تاكلا
وجلدي دة كله اتلبش... والموييي تشيل وتبغبغ فيني
وقلبي بقى يدق علي الواحد وكتين أول مرة داير يقول للجكس: بحبك
وبقيت استغفر واسبح... يا ربي تنجدني..
رفعت رجلي اليمين بي شويي كدي لقيتها بقت تراري
باقيلي نزلت الخبوب الفيها كله من البغبيغ
شويتين اطمأنيت وكتين البغبيغ بقى شويي شويي
وكتين وقف البغبيغ جاني صابونا ورغوة كدي وبقيت اتمشك
واصلها الليفي ناعمي وعاملي زي الجونتي
ماها زي الليف العندنا داك الشكله علي الموز داك وكله تسالي من جوة
اتمشكت زيييييين واخدتلي دش تاني ولقيت نفسي بقيت اراري
وحات الله ان بقيت جيت الامتداد الوكت داك ابوي ما يعرفني في الدرابزين أليلنا
أها دخلت في عراقي الخواجات دة ((الروب)) وشيلتة موس الحلاقي دي ومشيتلي علي حوضا
سمح كدي يمين استخسرت أحلق فوقه.. يمين أن بقيت ملحتلك فوقو قراصي بي ملاحا أحدر خسارة برضو فيهو
يمين وكتين مسحت كريم الحلاقي في احناكي بالله كبسن البرد
وكريم الجن دة اتاريهو يبرد الجلد...
طلعت موس الحلاقي وبديت احلق..
بالله تنزلق في جلدي علي النسوان البيرقصن في الجليد ديلك..
واصلك لا تنفخ جضمك لا تطبزبي لسانك الحتات المطفقة فشان يتحلقن زين
موس الجن دي اتاريها تتعوج في الجلد دة تعدمه الشعرايي
وحاتكم وكتين غسلت وشي وهبشت احناكي.. لقيتن ناعمااااااااااااااااات علي جضوم أليسا
وبقيت اشوف في وشي في المراية وحسيت اني بقيت من عُلي القوم..
وجاتني الهاشميي مع النعوميي دي وافتكرن نفسي وائل كفوري
لا تاني قلت بشبه نادال أليل التنس ولا راموس مدافع ريال مدريد
وقمت قلعت ((التِكِيي)) الفي ((الروب)) قلت اربط راسي مِتِلُم
شويتين رجعت لي طبيعتي وقلت: ايي تربط شنو يا ود جبيرين وانت الشعر بقى محاذي الاضنين علي حيطة الجالوص الماها تامي
ونص الراس دلجة علي مدرج الطيارات..
اها يا الحبان قمت استغفرت.. واتذكرت الامتداد.. ومعاهو موس الحلاقة الاسمها التمساح ديك
والمكنة ألتها العاملي زي راس الكنش وتتفتح من فوق دي
قعدتلي في كرسي في وسط الحمام واتذكرن وكتين اكون داير احلق في بيتنا
تجيب مكنة التمساح دي وتشوفلك قِلْمَة مراييي من مراية الدولابت الاتكسرت
وتجي تتكلها في بنبر جنب ماسورة الحوش وتقعد تنفخ في جضومك فشان الموس ما تجرحك وتحلق كويس
وتلزلز بي لسانك البُكنات المطفقي من حنكك وتمشي الموس فيها
ولامن تنتهي تلقى وشك كله ينقط دم من حلاقة الجن دي
وركبيك يموتن كله كله من صنقير الحلاقي ام دق دي
ومن غير ما احس لقيت نفسي بقول بي صوت عالي: قادر الله علمه واسع
|
|
 
|
|
|
|
|
|
|
|
Re: ود جبرين والجاكوزي (Re: طارق جبريل)
|
ياود جبرين
ياخي ناس شركتنا عندهم نادي فيهو الحاجات دي
اها محل رفع الحديد ونزيلو عرفتو
محا العوم واااضح
الكور البي يضربوهن بالعصاية عرفتهن
دخلت لا جوة لقيت الساونا واتعرفت عليها
اهااااااا
في حوضا مدور قالو دا الجاكوزي ... ما عرفتو لي هسع وما عرفت استخدامو كيف
كدي اشرح لنا الشي البي تعرفو
| |
|
|
|
|
|
|
|
|
|
Re: ود جبرين والجاكوزي (Re: محمد صديق)
|
Quote: يا حبيب ....سلام
والهندام وين ؟ما ادوكم هندام للتجربة بعد النضافة دى؟؟ |
جورج يا حبيبنا
تتذكر وكتين اشتريتلي جينز في الجامعة وجيت قلتلكم انا
تاني آآآبتكلم معاكم لانه بقيت من عُلي القوم
| |
|
|
|
|
|
|
|
|
|
Re: ود جبرين والجاكوزي (Re: MOHAMMED ELSHEIKH)
|
Quote: في حوضا مدور قالو دا الجاكوزي ... ما عرفتو لي هسع وما عرفت استخدامو كيف
كدي اشرح لنا الشي البي تعرفو |
ود الشيخ كيفنك
انت قالولك انا فارزو
الخرابة دخلوني فيهو والموية تبعبع تحتي
وحاتك قايل نفسي سويتلي نصيبي
| |
|
|
|
|
|
|
|
|
|
Re: ود جبرين والجاكوزي (Re: طارق جبريل)
|
Quote: وتجي تتكلها في بنبر جنب ماسورة الحوش وتقعد تنفخ في جضومك فشان الموس ما تجرحك وتحلق كويس
وتلزلز بي لسانك البُكنات المطفقي من حنكك وتمشي الموس فيها
|
ود جبرين كيفنك
خبارك مع الجك..... ات عملتو فيهو شنو ورينى بتلغرافا منك
والسلام ...........
تحت الجاكوزى :
اتابع كتاباتك اخى طارق من حلمتيش مرورا بى
أي بت شديدة بتحب ليها طُلبة (صبي بناي) , و اقولها لك صراحة اعلنت عليك الحب
مودتى
| |
|
|
|
|
|
|
|
|
|
Re: ود جبرين والجاكوزي (Re: مازن عادل النور)
|
Quote: ود جبرين كيفنك
خبارك مع الجك..... ات عملتو فيهو شنو ورينى بتلغرافا منك
والسلام ...........
تحت الجاكوزى :
اتابع كتاباتك اخى طارق |
مازن يا حبيبنا
ياخي باقي الشي الحصلي ان بقيت حكيتو هني بيرفدوني
الله يجبر بي خاطرك يا حبيب
| |
|
|
|
|
|
|
|
|
 Re: ود جبرين والجاكوزي (Re: مازن عادل النور)
|
ياودجبرين ادوكم معاها معجون حلاقة ولا حلقته بى رغوة صابونة فنيك.
تعرف يا طارق زمان كان عندى عمود بحلق بو بلفّو من ورا ويفتح خشيمه زى التمساح محل بتخت الموس..
دمت بالف خير ياود جبرين يا مكسب
| |
|
|
|
|
|
|
|
|
|
Re: ود جبرين والجاكوزي (Re: Ali Sirelkhatim)
|
Quote: ياودجبرين ادوكم معاها معجون حلاقة ولا حلقته بى رغوة صابونة فنيك.
تعرف يا طارق زمان كان عندى عمود بحلق بو بلفّو من ورا ويفتح خشيمه زى التمساح محل بتخت الموس..
دمت بالف خير ياود جبرين يا مكسب |
ود سر الختم يمين ضحك لامن وقع علي قفاي من شيت التمساح أليلك
| |
|
|
|
|
|
|
|
|
|
Re: ود جبرين والجاكوزي (Re: Ali Sirelkhatim)
|
Quote: دخلت يا الحبان علي ساونة السواد دي.. أصلو الحر دة قرب ياخد رويحتي..
وقلت في نفسي: هو الحر دة أتاريهو ياها الساونة
إن بقى كدي سودان الجن اتاريهو ساونة ربانية حقو نبيعا للأوربيين
شويتين يا الحبان دخلت علي النصيبة الاسمها ((الجاكوزي)) دي
غتسوني في حوض يلمع كدي وكله مرايات وادوني جرايد فشان اتسلابن
بقيت اقرأ في الجرايد... شويتين الحوض اتملا موييي
وبقى يبغبغ فوقي علي بغبيغ حَلَة (اللوبي عفن) قبل الآذان بي ساعتين في رمضان
وحاتكم قلعت عيوني علي القعونجي الشايفالا ضبانة ومنتظري تاكلا
وجلدي دة كله اتلبش... والموييي تشيل وتبغبغ فيني |
يجازي محنك ياود جبرين ياخ
خليتني اضحك انصاص الليالي براي
مازن تعال نعمل رابطة معجبي ودجبرين
| |
|
|
|
|
|
|
|
|
|
Re: ود جبرين والجاكوزي (Re: ياسر بيناوي)
|
| Quote: وحاتكم وكتين غسلت وشي وهبشت احناكي.. لقيتن ناعمااااااااااااااااات علي جضوم أليسا |
يا ود جبرين مالك داير تجيب لينا هوا في الحوش دا .. وهسة يجوناناس أمن المجتمع ونقعد في سين وجيم .. وإنت وين شفت جضوم البت المطرطشة دي .. وهل إنت لمستهم عشان تعرف نعومتهم .. وإنت متزوج أم أعزب .. وإنت فريت الجامعة وين .. طيب ناس الزقازيق ديل ممكن تدينا عناوينهم وتلفوناتهم .. طيب منو الكان ساكن معاك .. حاتم جبارة دا سوداني أم أمريكي .. ونقعد في السؤالات التعسفية ...
غايتو الخواجات ديل كان قروا كتاباتك السمحة دي وفهموها زين كان عملوا ليها وقت إضافي في مباريات كأس العالم ...
| |
|
|
|
|
|
|
|
|
|
Re: ود جبرين والجاكوزي (Re: البادي النور)
|
Quote: يا ود جبرين مالك داير تجيب لينا هوا في الحوش دا .. وهسة يجوناناس أمن المجتمع ونقعد في سين وجيم .. وإنت وين شفت جضوم البت المطرطشة دي .. وهل إنت لمستهم عشان تعرف نعومتهم .. وإنت متزوج أم أعزب .. وإنت فريت الجامعة وين .. طيب ناس الزقازيق ديل ممكن تدينا عناوينهم وتلفوناتهم .. طيب منو الكان ساكن معاك .. حاتم جبارة دا سوداني أم أمريكي .. ونقعد في السؤالات التعسفية ...
غايتو الخواجات ديل كان قروا كتاباتك السمحة دي وفهموها زين كان عملوا ليها وقت إضافي في مباريات كأس العالم ... |
البادي يا حبيبنا
ياخي أليسا دي انا ما افتحلي قناة الا والقاها فيها
وبتاعين الكميرات عاجباهم جضوما يقربوها ليك شديد
بالله جضوم ملساااااء تقول بتستحمى بي عسل
بعدين ياخي ناسك ديل بقوا ما بياسالوا الاسئلة التعسفية دي
| |
|
|
|
|
|
|
|
|
|
Re: ود جبرين والجاكوزي (Re: omer osman)
|
يا ود جبرين الله يجازي محنك
ياخي خليتني أضحك وأعيد القراية للموضوع
وأتخيل نفسي في الجاكوزي داك ، ويصبح وزني خفيف
وأقوم أطفح في موية ملاح أم ُبق ُبق .
كلامك زين إلا نضميك كمان سمح،،،،،
| |
|
|
|
|
|
|
|
|
|
Re: ود جبرين والجاكوزي (Re: ميسرة سيد أحمد)
|
Quote: يا ود جبرين الله يجازي محنك
ياخي خليتني أضحك وأعيد القراية للموضوع
وأتخيل نفسي في الجاكوزي داك ، ويصبح وزني خفيف
وأقوم أطفح في موية ملاح أم ُبق ُبق .
كلامك زين إلا نضميك كمان سمح،،،،، |
وحات ربي يا ريس ميسرة انا سويتلي جنس عمايل
ياخي بقيت من عُلي القوم عدييييييييييل
| |
|
|
|
|
|
|
|
|
|
Re: ود جبرين والجاكوزي (Re: ياسر بيناوي)
|
Quote: يجازي محنك ياود جبرين ياخ
خليتني اضحك انصاص الليالي براي
|
اضحك يا الحبيب
آخرها كوم تراب
تليشة:
جهزتلي المشرق
ختوا في التلاجة لامن اجيك
محبتي التي تعرف
| |
|
|
|
|
|
|
|
|
|
Re: ود جبرين والجاكوزي (Re: محمد علي شقدي)
|
Quote: علي نسق حلم الجعان عيش
دائما ما اربط احساس الارتياح من التعب بالجاكوزي
بالله الكلام ده صاح يا ودجبرين ولا نشوف لينا حلم تاني |
يا ود شقدي كيفنك
يا زول يمين جنس راحة هي
اخوك اتمنى يكون عندهم تلاتة عروض للامواس
| |
|
|
|
|
|
|
|
|
|
Re: ود جبرين والجاكوزي (Re: khaleel)
|
Quote: يا سلام
علي البغبغة لذيذة ياخ
نحن ظالمين الناس ديلك ساكت
هههههههههههههههههههه ههههههههههههههه |
يا خلي ياخي ما قلنا البوست دة ما مشفر
| |
|
|
|
|
|
|
|
|
|
Re: ود جبرين والجاكوزي (Re: محمد علي شقدي)
|
Quote: وحاتك يا ياسر انا وكتين المويي بقت تبغبغ كدي
افتكرت نفسي متعشي بي فاصوليا |
قاتلك الله يا بكري ان لم تفعل الوجوه الضاحكة دي..
مقدما كده نرسل الضحكة نصا: هههههههههههه
--------
يا ود جبرين ياخي انت زول مرصوص في علب بس..
فك الفزورة دي براك.
| |
|
|
|
|
|
|
|
|
|
Re: ود جبرين والجاكوزي (Re: طارق جبريل)
|
والله يا ود جبرين مقدر ظرفك خالس خالس وحالتك النفسوية في اللحظات ديك
لانو مريت تقريبا بنفس التفاصيل عزمتنا شركة بتغير في تصميم الباكنيج لمنتج مشهور.
وأنا مما جوا المطار وساقوا معاي اتنين تانيين بعربية طوييييلة كدة ما اتفاءلت
خمسة ايام الصباح بشرب قهوتي علي شرفة كده مجنونة وبمضي فاتورة الفنجان ب20 دولار
اول ما دخلت برضو عملت الحركات القلتها ديك ولفيت ليك الروب يمين ضحكت علي روحي.
اتذكرت عادل امام في الود سيد الشغال لما كان بهدد ويقول(أقلعه).
رقدت في السرير شرق غرب كدة اتذكرت ايام الابتدائية في الشمالية والجلابية البيضا وبستلة الفطور
انا لله ياخي...وقفت فنيت الروب فننننن في الركن وشفت لي ترينق ودقيت تلفون لاخوي
قلت ليه ياخي شوفوا لينا عروس لانو الوضع الانا فيه قد لا يتكرر .
انا ما عارف الناس ديك عايشة كيف
قلت لي
Quote: وحاتكم وكتين غسلت وشي وهبشت احناكي.. لقيتن ناعمااااااااااااااااات علي جضوم أليسا
وبقيت اشوف في وشي في المراية وحسيت اني بقيت من عُلي القوم..
وجاتني الهاشميي مع النعوميي دي وافتكرن نفسي وائل كفوري
لا تاني قلت بشبه نادال أليل التنس ولا راموس مدافع ريال مدريد |
راموس شنو يا ود جبرين وانت صلعتك واصلة قفاك ياخي
بس ما يكون صوروك بروبك داك وصلعتك والله يا ود جبرين ناس الامتداد البترفع ليهم بوستاتهم يقاطعوك
شكرا للامتاع ياخ
| |
|
|
|
|
|
|
|
|
 Re: ود جبرين والجاكوزي (Re: GamarBoBa)
|
Quote: رقدت في السرير شرق غرب كدة اتذكرت ايام الابتدائية في الشمالية والجلابية البيضا وبستلة الفطور
انا لله ياخي...وقفت فنيت الروب فننننن في الركن وشفت لي ترينق ودقيت تلفون لاخوي
قلت ليه ياخي شوفوا لينا عروس لانو الوضع الانا فيه قد لا يتكرر . |
مرمى الله مابترفع ياقول حبوبتى...
| |
|
|
|
|
|
|
|
|
|
Re: ود جبرين والجاكوزي (Re: GamarBoBa)
|
Quote: رقدت في السرير شرق غرب كدة اتذكرت ايام الابتدائية في الشمالية والجلابية البيضا وبستلة الفطور
انا لله ياخي...وقفت فنيت الروب فننننن في الركن وشفت لي ترينق ودقيت تلفون لاخوي
قلت ليه ياخي شوفوا لينا عروس لانو الوضع الانا فيه قد لا يتكرر .
|
بوبا يا حبيب
يمين بالله دي احلى من الروب دة الف مرة
ياخي الناس دي ما عارف العاجبها شنو في الشنيط دة
| |
|
|
|
|
|
|
|
|
 Re: ود جبرين والجاكوزي (Re: طارق جبريل)
|
Quote: والله انتي من لاقيتي الصادق بقي لسانك سليط
والله احرش ليك ناس الاصلاح والتجديد يستهدفوك في البورد
والسلام أمان |
ياقمربوبا وياودجبرين...
ماتتضايقو ساى محل ودوكم دا ياهو محل انا شغالة والله مرات احس ليك بروحى ماوكلى عديل..
بصبح وبمسي على مناظر ماانزل الله بها من سلطان كان من الضيوف كان من الموظفين,,,500
مرة فى اليوم اقول انا الجابنى هناشنو?
الاكل لغاويس
الشراب لغاويس
اللبس لغاويس
الحياة كلها لغاويس فى لغاويس هنا وكانى بشاهد فى فيلم اجنبى مافاهمة لغتو,
انسو بسسسس,,,حاسة بيييكم
| |
|
|
|
|
|
|
|
|
|
Re: ود جبرين والجاكوزي (Re: عبدالمجيد الكونت)
|
Quote: الشئ ده ياقريبي لا يبقى فيهو كركيييي وانت ماك جايب خبر
يكون كملت على الناس ديل مويتن كلها
|
نان يا قريبي قالولك انا فارزو
انا غتست في موية الجن دي
وبقت تفور فوقي
والله انا قايلن دايرين يسلقوني
| |
|
|
|
|
|
|
|
|
|
Re: ود جبرين والجاكوزي (Re: طارق جبريل)
|
جاكوزى عديل ؟
هى نان عاد يا ود جبريل .
بعد ما كنت بتتمشك بالحيمور فوق كونيات النيل ؟
يا أخى أنا الجاكوزى ده يوم كان داير يكسر كوعى .
الجاكوزى صعب يازول
| |
|
|
|
|
|
|
|
|
|
Re: ود جبرين والجاكوزي (Re: اشرف السر)
|
Quote: الجواكيز بتختلف يا ود جبرين
عاوز احدد كمية الخبوب النزل منك
وريني من الصور ادناه نمرة كم 1 ولا 2 ولا 3
|
يا ود السر بس ياهو زي نمرة 2 دة
وحاتك وقعت فيهو جنبلغ
وبقى يفور علي الاندروس
نان انا مرقتلي جنس خبوب
تقول كنت بحفر في بير
| |
|
|
|
|
|
|
|
|
|
Re: ود جبرين والجاكوزي (Re: سيف الدولة كامل)
|
Quote: حبيبنا ود جبرين,,, سلامات
يا اخي نعيما,, والله ده كان ود شيقوق
كان أتشرق ,, الا بيكح كيفين؟
مودتي |
حبيبنا واستاذنا سيف
كيفنك ياخي
يمين ود شيقوق دة ان بقى دخلوه النصيبي دي
علي يضرب السكلي عدييييييييييييييييييل
| |
|
|
|
|
|
|
|
|
|
Re: ود جبرين والجاكوزي (Re: Osman Musa)
|
Quote: يا أخى أنا الجاكوزى ده يوم كان داير يكسر كوعى .
|
بالله يا عثمان شفتو وكتين يفور علي الاندروس
ياخي يمين انا قلعت عيوني علي الطاعننو ابرة ملاريا
| |
|
|
|
|
|
|
|
|
|
Re: ود جبرين والجاكوزي (Re: عبد الدائم سيد أحمد)
|
يا عبد الدائم
ما يتلخبت عليك الاختساس ساي
الليلت طارق دي قعونجي.. وتدلع بقولهم قعويي والجمع قعو
والشيء الليلتك بتاعت الزهور دي ضفدعة..
شفت الفرق كيف؟؟؟
يا البياطرة تحقونا.. بس ما تفزعونا
بالجاكوزي
| |
|
|
|
|
|
|
|
|
|
Re: ود جبرين والجاكوزي (Re: طارق جبريل)
|
سلام يا دكتورنا
الله يجازي محنك ضكتني ضحك ورجعتني 14 سنة لورا اتذكرت نفس الموقف في منتصف التسعينات
قال قال انا ماشة السودان
اها سالت ذوي الخبرة الواحد يرجع ناير كيف
واحدة روسية قالت لي عليك بالجاكوزي
زولتك خجلت تقول ليها الجاكوزي دة شنو
المهم بعد الساونا
ودتني البنية للحوض اياهو
اول ما جات الموية دافرة الخوفة الدخلت فيني للليلة اظنها ما مرقت
كر علي يا صفية جيتي تغرقي بايدك
وطواالي جيت مارقة كل شي ولا اللعب بالروح ملعون ابو النورة
مرقت ومشيت على الحمام المغربي بنعرفو بعرفنا
المهم ذكريات
تحياتي
علا زعلانين منكم يا ناس لا برة
صفية
| |
|
|
|
|
|
|
|
|
|
Re: ود جبرين والجاكوزي (Re: طارق جبريل)
|
سلام يا دكتورنا
الله يجازي محنك ضكتني ضحك ورجعتني 14 سنة لورا اتذكرت نفس الموقف في منتصف التسعينات
قال قال انا ماشة السودان
اها سالت ذوي الخبرة الواحد يرجع ناير كيف
واحدة روسية قالت لي عليك بالجاكوزي
زولتك خجلت تقول ليها الجاكوزي دة شنو
المهم بعد الساونا
ودتني البنية للحوض اياهو
اول ما جات الموية دافرة الخوفة الدخلت فيني للليلة اظنها ما مرقت
كر علي يا صفية جيتي تغرقي بايدك
وطواالي جيت مارقة كل شي ولا اللعب بالروح ملعون ابو النورة
مرقت ومشيت على الحمام المغربي بنعرفو بعرفنا
المهم ذكريات
تحياتي
علا زعلانين منكم يا ناس لا برة
صفية
| |
|
|
|
|
|
|
|
|
|
Re: ود جبرين والجاكوزي (Re: Safia Mohamed)
|
Quote: اول ما جات الموية دافرة الخوفة الدخلت فيني للليلة اظنها ما مرقت
كر علي يا صفية جيتي تغرقي بايدك
وطواالي جيت مارقة كل شي ولا اللعب بالروح ملعون ابو النورة |
دكتورة صفية كيفنك ياخي
ياخي النصيبة دة والله زي البيسلقوا ليهم في بنجر
غايتو اتاريهم البياطرة ديل فضايح في كل مكان
ياخي ناس لاااجوة عاملين علينا ابو عرام
| |
|
|
|
|
|
|
| |
طارق جبريل
MOHAMMED ELSHEIKH
معاوية عبيد الصائم
محمد صديق
مازن عادل النور
ياسر عبدالكريم محمد
Ali Sirelkhatim
ياسر بيناوي
محمد عبد الماجد الصايم
omer osman
ميسرة سيد أحمد
محمد علي شقدي
khaleel
حليمة محمد عبد الرحمن
GamarBoBa
الشاذلى خيرى عبد الله
Osman Musa
سيف الدولة كامل
اشرف السر
الفاتح ميرغني
عبد الدائم سيد أحمد
ناصر جبريل
فيس بوك
تويتر
انستقرام
يوتيوب
بنتيريست