|
Re: لا بنساك... ليل تقيل (Re: طارق جبريل)
|
ود جبريل نان إنت في بلداً ليلها نهار عندنا نقعد نجوعر معاك ولا نراعي فروق التوقيت ، غايتو كان هديتنا على البكا على الأطلال حا تبقي علينا قصة ناس قفا نبكي وهم أصلاً كان كراهيتم في الدنيا الليل أول ما الشمس دي تغيب والدنيا تضلم والجداد يهجد والذئاب تعوي هم في اللحظات ديك تقوم تتفتح قرائحهم الشعرية الواحد تقول قريحته الشعرية من فصيلة البوم أو شغاله ليل أصلها ما بتتفتح بالنهار المهم وأصدق دليل على كراهيتم لليل البغطي الجبال ما قاله إمرؤ القيس: ولَيْلٍ كَمَوْجِ البَحْرِ أَرْخَى سُدُوْلَهُ على بِأَنْوَاعِ الهُمُوْمِ لِيَبْتَلِي فَقُلْتُ لَهُ لَمَّا تَمَطَّى بصُلْبِهِ وأَرْدَفَ أَعْجَازاً وَنَاءَ بِكَلْكَلِ ألاَ أَيُّهَا اللَّيْلُ الطَّوِيْلُ ألاَ انْجَلِي بِصُبْحٍ وَمَا الإصْبَاحُ منِكَ بِأَمْثَلِ فَيَا لَكَ مَنْ لَيْلٍ كَأنَّ نُجُومَهُ بِأَمْرَاسِ كَتَّانٍ إِلَى صُمِّ جَنْدَلِ ويجوا ناسنا يقولو ليك الليل أهواه وأنا والليل مساهرين نحكي للقمرة ويا ليل أبقي لي شاهد (الليل المسكين دا يشهد لي منو ويخلي منو الزيك كتيرين مساهرين العندو ضرس والمدبرس والعندو ملاريا والمسافر وطيارتو إتأخرت والجاهم حرامي والزهجان من الحر والعندو شيك طاير ومواعيدو قرررربت والمستني الموية تجي عشان يملأ المواعين والعندو صبه وعيييييييك من هنا لغاية الصباح..) لكين أظن عمنا سماعين حسن لمن قال: الله ليلي .. شن تشبه بلا الداسنو فى بطن المطامير لدروبك انتى ما شقن بوابير يا قشيش نص الخلا الفوق فى العتامير البكركر رعدو و ديمة سماهو عكير السمح مرعاك يا قش التناقير كان قاعدلو فوق رأي يعني ليلو في الحته دي مو متل ليلك أسود وأبيض وبرضو ولا ليلو إمبيلي حق الهلال دا ليل براهو بعرفوهو الشعراء .
دردقه في بلاط المسطبة: أنا بصراحة ما سمعت التكتح جاني مربع فيهو كروس أحمر وقدر ما أعملت فيهو كليكاتي لم تفلح ولم يفتح لكين تقدر تقول بكيت على الريحه. وسيد الريحه شال الفاتحه في البقرات التلاته يا عديله لي.
|
|
|
|
|
|
|
العنوان |
الكاتب |
Date |
لا بنساك... ليل تقيل | طارق جبريل | 04-27-10, 06:01 PM |
Re: لا بنساك... ليل تقيل | ياسر بيناوي | 04-27-10, 06:32 PM |
Re: لا بنساك... ليل تقيل | عبدالله ابوشوارب | 04-27-10, 06:41 PM |
Re: لا بنساك... ليل تقيل | طارق جبريل | 04-27-10, 07:57 PM |
Re: لا بنساك... ليل تقيل | طارق جبريل | 04-27-10, 07:56 PM |
Re: لا بنساك... ليل تقيل | almulaomar | 04-28-10, 08:20 AM |
Re: لا بنساك... ليل تقيل | SHIBKA | 04-28-10, 08:47 AM |
Re: لا بنساك... ليل تقيل | Baha Elhadi | 04-28-10, 02:31 PM |
Re: لا بنساك... ليل تقيل | طارق جبريل | 04-28-10, 09:43 PM |
Re: لا بنساك... ليل تقيل | طارق جبريل | 04-28-10, 09:41 PM |
Re: لا بنساك... ليل تقيل | طارق جبريل | 04-28-10, 09:39 PM |
Re: لا بنساك... ليل تقيل | almulaomar | 04-29-10, 12:02 PM |
Re: لا بنساك... ليل تقيل | طارق جبريل | 04-29-10, 05:00 PM |
Re: لا بنساك... ليل تقيل | انعام عبد الحفيظ | 04-28-10, 02:42 PM |
Re: لا بنساك... ليل تقيل | طارق جبريل | 04-28-10, 09:44 PM |
Re: لا بنساك... ليل تقيل | محمد كابيلا | 04-28-10, 04:41 PM |
Re: لا بنساك... ليل تقيل | طارق جبريل | 04-28-10, 09:46 PM |
Re: لا بنساك... ليل تقيل | هواري نمر | 04-29-10, 12:27 PM |
Re: لا بنساك... ليل تقيل | Amira Elsheikh | 04-29-10, 12:53 PM |
Re: لا بنساك... ليل تقيل | وليد عبد اللطيف | 04-29-10, 01:42 PM |
Re: لا بنساك... ليل تقيل | طارق جبريل | 04-29-10, 05:04 PM |
Re: لا بنساك... ليل تقيل | طارق جبريل | 04-29-10, 05:03 PM |
Re: لا بنساك... ليل تقيل | طارق جبريل | 04-29-10, 05:02 PM |
Re: لا بنساك... ليل تقيل | حاتم ميرغني فرح | 04-30-10, 07:18 AM |
Re: لا بنساك... ليل تقيل | هواري نمر | 04-30-10, 08:01 AM |
|
|
|