(4) امتداد الدرجة الثالثة ذلك الحي المتفرد

Quote: سهر تقيل عاداك الريس بقيتى من ناس الليل واخرو ...

Quote: سهر تقيل عاداك الريس بقيتى من ناس الليل واخرو ...

Quote: اليوم عرفت هذه الفاجعه كنت خارج المدينه امي الحنونه لك الرحمه

Quote: لاالله الا الله والله فجعت اليوم عرفت هذه الفاجعه كنت خارج المدينه امي الحنونه لك الرحمه والله القلب يدمع وانا لفراقك لمحزونون مالي اصبحت افقد اهلي واحبابي وانا بعيد في الصقيع هذا انا محزون محزون العزاء لاخواتى ليلي وعازه واخواني حسن حاتم صديق

Quote: لازم تعمل ليها استيضاح وخصم كمان

(عدل بواسطة عبدالله كع on 04-10-2009, 12:14 PM)

Quote: نلملم لينا شوية حسنات

Quote: وبعدين الريس شايفه عايش في ظلمة في الصباح زولك طلع بتاع صيوانات محل ما يلقي اثنين ثلاثة يدق صيوانه ويقعد يبكي ...زولا ولوف بكاي ..نشتغل ليك شوية يالريس

Quote: الاخ طارق لك كل الود استمتعنا كثيرا خلال زمنا ليس بالقصير بمطالعة هذا البوست الجميل ودون شك كان لك القدح المعلى فى لم الشمل حتى وصل الامتدايون بهذا التواصل الرائع عنان السماء وصار منبر الامتداديون فى كل العالم، ولا اذيع سرا اذا ذكرت لك ورغم مشاركاتى الكثيرة عبركم وامتنانى لك بأنك دائما ماتستقبل افكارنا وانتقادتنا وهمساتنا وخواطرنا بصدر رحب واريحية الا اننى حتى اللحظه لا اعرف الموجهات العامه لهذا البوست وماهى الخطوط الحمراء وهوامش الحرية داخله وماهو الذى لايجب كتابته ولا الحاصل شنو ياناس؟؟؟ المهم الشعور انو انا مافاهم بدأ يتسرب فى دواخلى وجانى احساس انو انا شرير وبتاع مشاكل وباقى الناس طيبين ....بعدين خلينا نمشى لأعضاء البوست الباقين الاخوان الحلوين النظام عندكم شنو؟ وموجهاتكم كيف لو سمحتو؟ برضو شغالين بنظام ابعد عن الشر وغنى ليهو .......والله ياجماعه انا مافاهم وشكلى دايش ومحتار ومستغرب وعندى فكرة اخنق نفسى لكن ما اموت بس يمكن تموت جواى افكار ياريت تكون اوهام ...وبرضو عندى فكرة انو فى عنف نبيل وقضايا تهم الناس ودايما فى كل الدنيا فى ظالم ومظلوم غنى وفقير طيب وشرير ...الخ كل المتناقضات الموجوده فى الدنيا عشان كده لازم يكون فى صدام حقيقى بين الحاجات دى....يمكن ياربى الامتداد يكون مافيه شر ولا ظلم ولا فقر معناها نحن حى افلاطونى . انا غايتو عشان اكون واضح معاكم كل الافكار الاطرحت فى البوست كان الفشل حليف دايم ليها لانو اصلا نحن ماعندنا اتجاهات واضحه ويبدو انو الافكار بتكون وليدة اللحظه او ونسه او مكالمة تلفون تتطرح وتولد وهى ميته والله العظيم كلها افكار جميله لكن تبدو مستحيله ولمن افكر فيها ،مره اسرح ومره افرح ومره تغلبنى القرايه ومرات كتيره قلبى ينزف من جواى ... اضرب ليكم مثل بسيط قبل فترة فى موضوع جميل اطرح وهو (مساعدة الاسر الفقيره فى الامتداد) شفتو الفكره حلوة كيف لكن ماحاتنجح لانو مافى ادوات تنفيذ او مافى وضوح ممكن تتعمل كيف ناس يقولوا لموا قروش وناس يقولوا صندوق وماعارف شنو ...لكن تخيلوا معى اخوتى رفقاء الدرب لو تحول البوست الى صحيفه بهيئة تحرير كامله تستقبل كل المواضيع الساخنه عليكم الله حرف السين ده اضغطوا عليهوا شديد لانو دى منطقة الالم يعنى انتو ممكن تمشوالأسره معينه وتنشروا ظروفهم والحوجه بتاعتم على البوست طبعا بالرموز عشان مانجرح زول وبعد داك يكون فى رغم هاتف العايز يدفع انشاالله جنيه يضرب فيه واكيد هنالك عشرات من ابناء الامتداد فى الداخل والخارج يملكون قلوب مفعمه بالحنيه ويحملون قيم سمحه واكيد حايستجيبوا وبعد فترة الموضوع حايسلك والاسر تانى هم الحايصلوا لى للبوست....بعدين عشان نكون اوضح المشاكل ماكلها حوجه وفقر فى مواضيع على صفيح ساخن ممكن نتعامل معاها داخل البوست بحياديه تامه ،،،عليكم الله ياناس البوست ماتتحسسوا منها يعنى البلد وحسب ماهو ظاهر بقى فى هامش بتاع حريات يعنى لو الواحد لقى ليهو جريده كده كاربه وناس مابتخاف ممكن ينتقد قيادات كبيره اقل واحد فيهم بكون والى الخرطوم بالمناسبه مواصلات الصحافه شرق وزلط حولوها الموقف الجديد ودخلت العولمه بقرار من الوالى وممكن نصعد درجه تانيه يعنى نبقى امتداد الدرجه التانيه لاننا طولنا درجه تالته لكن برضو لو حصل كده شكلنا حايكون عندنا تمثيل فى الدرجه التالته تمثيل اجبارى بالمناسبه نحن شيخ الدرجه التانيه غايتو خلينا نمشى فى الدرب البطابق فيهو خطانا صوت حوافرنا. يااخوانا بصراحه متين حايكون فى حاجات حقيقيه حاجات تستحق المتابعه ومشاكل تعرض من اجل الحلول وانا غايتو بقيت فى البوست تحت عناوين كتيره تحت عنوان لاوصلت ليك لا الرجعه تانى عرفتها ) ولا قدرت اقرب من ضراك لاقدرت لى فراقك اصل) ولاقدرت اطولك شان اجيك لا قدرت من غيرك اكون)يعنى من الواضح مشكلتى بتتلخص فى المقدره وسمحه المقدره .. لو انا نسيت زول يذكرنى انو فى مشكله حصلت واطرحت وسوقناها فى البوست لمن وصلناها طريق اللاعوده للأسف مافى مش عشان نحن عاجزين لانو فى ضبابيه فى التوجه وهمنا كلو انو مافى زول من ناس الامتداد يزعل حتى لو كان على باطل شاعرنا( كامل عبد الماجد) قال:مرات اديهو كلمة تزعلو ساكت كده لوجه الله وبى قلب حديد بعد داك ممكن يبتسم وممكن ينهزم وفى الحالتين ماخسارة. طولنا عليكم الكلام ياشباب فى حجة الوداع دى لكن البوست بقى صديقنا شديد وحبيبنا عديل والزول لمن صديقو يتخلى عنو يبصدم والجرح بكون كبير وغائر خصوصا وقت الشده نحن ماجينا لصديقنا عشان ينصرنا لا بس عشان يسمعنا ... بعدين انا بستغرب والله ماتخلوا الناس تقول العايزه تقولوا مادام مافى( قزف ولاتجريح) والداير يرد يرد والداير يشتكى يشتكى كل زول حر وبعدين لو جنحوا للسلم فاجنحوا والله العظيم يااخوانا انا هسه عندى كلام داير اقولو وماقادر عشان يمكن ياثر عل كل كلامى الفات ويتلغى ولا يطلع لى زول يقول اسحبوه الحاصل شنو يااخوانا ماحانقدر نواصل كده مع الرقابه الخنقتنا فى كل مكان دى ولا عشان انا المغنى الحزين وماعندى كلمة السر اكون تحت رحمة الاخرين خلاص لله يامحسنين كل زول يدينا حرف خلينا نكمل كلمة السر دى خلاص اكتملت كلمة السر هى( الحرية) لكن ياخسارة لمن جربتها فى البوست بتاع الامتداد ابت تفتح انشاالله المانع خير ياناس الرقابه. يا اخوانا بصراحه انا بعلن انسحابى من المشاركات عبر الايميل بتاع البوست لحدى ماترفعوا الرقابه ماممكن كده والله اخر الكلام عدم النضج هو اعتقادك انك تملك كل الاجابات والحكمه هى معرفة انك لاتملكها الضعف ان تحاول فرض سيطرتك على كل من حولك والقوة ان تتقبل قيمة كل شى الفشل هو ان تعتقد انك تتقدم بالدوس على رقاب الاخرين والنجاح هو ادراكك انك عندماتساعدهم على الارتقاء انك ترتقى بنفسك انت ايضا فى كل لحظه انت قادر تمام على العيش بالحكمة بالقوة بالنجاح ليست مسألة فرصه بل مسألة اختيار ........................ مدثر قرجاج

Quote: وعد يانسرين باذن الله .. .. الايامات الجاية معاك وبى الاولاد .. .. ودى الاكيد .. ..

Quote: سارة ونسرين احلى صباح لبنات حينا الجميل بوجودكن

Quote: العزيز الدكتور طارق جبريل آمل أن لا يكون كسابقه ما اشار اليه الاخ قرجاج في المداخلة .... حيث يبدو ان الاخوة والاخوات ابناء وبنات الامتداد تعودو على ان يكون البوست هو بوست اجتماعي رياضي ... دونما الولوج في مواضيع تهم الامتداد كما الحاصل فعلا على ارض الواقع .. شاكرا لكل الاخوة والاخوات الذين ساندوني في الحصول على العضوية ... ولكن يصعب علي الاستمرار مع قلة مشاركاتي في البوست الذي اطمح ان يكون غير ما هو عليه الان . أكيد التقدير والإحترام عبدالحليم حامد نعيم

Quote: كع الموجوع في جهازهو المسروق

(عدل بواسطة نسرين جمال on 04-26-2009, 10:25 AM)