|
|
 Re: (4) امتداد الدرجة الثالثة ذلك الحي المتفرد (Re: طارق جبريل)
|
الاخوات والاخوة الاحبة
عدت بعد مشوار الحزن الاليم والفقد الجليل ..عدت لاسير في دروب الحياة من جديد
وكما ذكرت ياريس مافي شي غير الدعاء وانشاء الله اخر الاحزان ....امين يارب.
الاخ د. طارق عثمان(بون) سمعت رسالتك ولك مني كل الشكر والتقدير لشخصك الكريم وانا في انتظار
تلفونك ,,,
جومو حاتصل بيك خلال الايام الجاية باذن الله تحياتي للاسرة الكريمة
بسأل عن الاخ الحبيب عماد عيونو كيفنك اخوي ؟؟ برضو حاتصل بيك انشاء الله ..
ياكع وين مدثر قرشتوه؟؟؟ وين المحاسن ؟؟
ليكم جميعا حبي وكثير اشواقي
| |
 
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عماد شمت)
|
يا عماد الحمدلله علي كل حال .. والف ورحمه نور علي الوالد
سألي ربي يلهمك الصبر والسلوان
يا عمدة بكري عمل ميت وماااااا شغال بينا الشغله ..
....
وابراهيم الساكن جارو الحيطه بالحيطه ما اداهو اي اعتبار
الزول الظاهر عليه داير ليهو واسطه .... واللا ما كدي !؟
ربنا يسعد ايامك
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
| Quote: وكما ذكرت ياريس مافي شي غير الدعاء وانشاء الله اخر الاحزان ....امين يارب. |
الحبيب عماد عويس ربنا يرحمه ويغفر له ويجعله في جنات الخلد
الدعاء يا عماد ما تنساهو من الدعاء والصدقات دي البتنفعو
يا اخونا اخونا سيد محمد سيدنا سمعت انه كان بي عافية شوية
ان شاء الله اجر وعافية
يا ناس الرياض طمنونا عليه عليكم الله
تعرفوا اليوم الواحد بدأ يومه باجمل حاجة
اتصال من بابكر يوسف جبر الله (مربع 3) اتصل بي من جنب بيتنا
وبيسلم عليكم واحد واحد
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
حباب اهل الدار ..
الحياة لازم تستمر...........ياريس ..اه عملت شنو مع بطنك ...؟؟؟غايتو عندنا بطن جاهزة بنرسلها ليك
الكع سلام حااااار من حبيبنا عمرارباب وقاليك مزنووووووق زنقة كلب في طاحونة
لكن طاحونة فرنسية ...بسلم عليكم كلكم واحد واحد واخص الكع حارس البيت الامين...
الكع اخوي بكري ابوصلعة ماناوي يرسيها البر عشان كدة لازم نعمل مظاهرات امام السفارة الامريكية
امير الجمري وانا اقول صوتك مالو بقي مصوف !!! اتاريك بتبلع الخروف بي صوفو
امال مرض الملوك ده جاء من وين؟؟؟؟احسن ليك تأكل الاخضر السهل الممتنع وده ليك برضو ياريس
سيدنا سلامتك وربنا يواليك بالعافيه وتعودلينا وتنور بوستينا...
الدكتور حاتم كيفنك اخوي انشاء الله دائما لابس توب العافيه ..
معليش ياجومو اليوم أتاخرت شوية لكن لازم اتصل بيك اللسان ليهو رافع ...
ليكم مني كل الحب وكل الامنيات الطيبة
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عماد شمت)
|
Quote: الكع سلام حااااار من حبيبنا عمرارباب وقاليك مزنووووووق زنقة كلب في طاحونة
لكن طاحونة فرنسية ...بسلم عليكم كلكم واحد واحد واخص الكع حارس البيت الامين... |
تسلم يا شمت ........ والحمدلله طئنتنا علي الزول بصلعه ... اتخيل كل الناس بسألو عنو
انعبل ابو الفرنك زاااااااااااااااااتو
| Quote: الكع اخوي بكري ابوصلعة ماناوي يرسيها البر عشان كدة لازم نعمل مظاهرات امام السفارة الامريكي |
تعرف يا شمت .. اي زول بي صلعه بتاع حركات .... ( ما كلهم ) ... السفارة وين نمشي ليها ؟؟
هو كان راجل يفتح ليهو بوست ..
Quote: بيك اللسان ليهو رافع
|
قرقر
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
أستفهااام قائم لم أملك له جواب
غير خطاباتي المطويه داخل مظاريف العشم أخوي عبدالله عوض كع لك القومه ياوطن شامخ
الصديق عماد عويس
إن شاء الله آخر أخزانك ياحبيب وربنا يتقبلوا في دار قرار وجنات خلد بيمين كتابه يارب
ولا تنسي صالح الدعاء له وأكثر من الصدقات علي روحه بالتلاوة والتصدق بالمال أحيانا
لك ياغالي ندعوا معك بالمغفرة والقبول رحمة الله عليه .
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
Quote: حتي بابكر قدرة بقي بخيل في مداخلاته ..
|
*
اها ياكع ،،،
النقطة دى تنفع والله ياكع وياريس اخوكم
مشغول مع اخونا متوكل والشغل والوايرلس
برضوا معلصج ،،،،،،،،،،،،
ــــــــــــــــــــــــــــــــــ
بالمناسبة ياكع الان بتحدث مع صديقى عارف محى الدين
وبسلم عليك بحرارة ،،،،،،،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
الحمد لله انك تمام يا بابكر ..
يا سلام( عارف ) الزول الحبوب الراقي .. تحياتي اشواقي له وناس هولندا و المانيا كلهم
باللاي لو عندك صورة ليهو نزله هنا ..
بالمناسبه كلمته عبدو الكزو قبل فترة يرسل لينا صور الناس دي ونشوفهم بقو عاملين كيف
نجم الدين عثمان( العربي) واحمد الكاس وكل الشباب الفي هولندا والمانيا ....
سال الواحد الاحد ان يجمعنا الامتداد قريبا وكلنا صحه وعافيه ...
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: احمد جمعه)
|
اللهم أرحم عمناوالد عبدالجليل ياسين وأسكنه فسيح جناته مع الأبرار والصديقين ولأهل بيته الصبر وحسن العزاء ولعبدالجليل وعماد خالص التعازي انا لله وانا إليه راجعون
جومو لك المعزه
عارف محي الدين الرجل الهدف لك تحيات كل الفراعه والورغنه ياخي مافيها شيشه(النادي)
أبوخليل أظنك جليته واقفه شكرا قدرة علي هذة اللقطه وعلي ما أظن عارف فيها نحف حد الوقف
أخونا أبوالسيد لاباس عليك يارجل شدة وتزول يارب
الريس كلنا ذاك البطن والغياب أكيد بعزر شرعي (وين عماد عيونو فكوا أسره)
عماد عويس تيانا لكل دول أوربا مجتمعه ولطيورها نُغرد أغاريد الشوق والمحبه
معاذ السر مهكر علي ما أظن (ربي يفك أسروا)
أبوخليل (بالله وراء بكري ده حتي يأتينا عوض عمر ومدثر وكمال يوسف ومجدي عبدالله (حوته)
ومزيد من البيت الأمتدادي
كده ياكع ماقصرنا معاك عتاله مجانيه وين أنتو نااااس الرياض غيابنا لا يزكر مارنه بالرياض ؟
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: احمد جمعه)
|
اخى جومو التعازى موصولة الى الاخ عبد الجليل ولااسرتهم الكيمة بمربع 4
وانا لله وانا اليه راجعون اسال الله له المغفره ويسكنه فسيح جناته مع الشهداء والصديقيين
جومو لو امكن تلفون اخونا عبد الجليل حتى نتمكن الاتصال به
مع خالص شكرى وودى واحترامى
عادل
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: احمد جمعه)
|
Quote: توفى لرحمة مولاة والد عبدالجليل يايسين بالامتداد مربع 4
وعماد بالسعوديه يوم الجمعه
نسال الله له الرحمة
والمغفرة |
انا لله وانا اليه راجعون ,,,الرحمه والمغفره للفقيد العم يسين وان يلهم ذويه واهله الصبر
التعازي للاخون عبد الجليل وعماد وكل الاهل
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
يا بكور وياكع والله مداخلا تكم اجبرتنا ان ندخل
كيف ياكع اجواكم فى الرياض وكل امتدادابنا لك التحايا وللجميع دون فرز
ويابكور والله الشوق ليك بيكتر كل يوم وطولنا منك شنو اوعا تكونوا مبسوطيين بالتعادل مع الشمال القطرى لانو القرعة وقعتكم برضو مع الشمال العطبراوى بقيادة فاروق جبرة ودفاعكم المشطوب ههههههههههه؟
والله كورتكم مع قوى الحرس اول مرة نسمع الحكم يترك الملعب بسسب سوء سلوكم وتجيبوا حكم من المشجعين يحكم الكوره ده حال الهلال وحال ريسكم ومنير البله ده مطرود البنزلوا تانى شنو هههههههههههههههههههه
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
| Quote: كده ياكع ماقصرنا معاك عتاله مجانيه وين أنتو نااااس الرياض غيابنا لا يزكر مقارنه بالرياض |
ما قصرته يا قريبك بس ما تغيب
والله يا ابو قصي ناس الرياض .. نحنا زاتنا ما لاقينهم وحاتك العالم دي ما عارفنهم بمشو وين ؟
وحاتك قرفنا من اولاد بمبا يا خي (دي خليها في سرك )
مبارح قابلته ليك عماد غزاله وبسلم عليك
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
| Quote: عارف محي الدين الفردة اللئيم |
والله يا ابو خليل ... بالغته عديل كدي .. يا خي عارف ده بس بقي ضعيف شويه
الظاهر هولندا دي ما فيها مطعم الشاميه .. واللبن بالحلبه
ما تنسي قرجاج ............ افلع ابصلعه بي طوبه يا قريبك لو البلد ديك فيها طوب !
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
Quote:
كع كيفك كدي اجي مكة وما تجوني بشيل حالكم في المنبر
وين حاجة سارة مالك اخبارك مقطوعه |
نسرين يا فرده يا منقرضه .. متين جايه مكه بس ؟ عشان نكرهك الشرق الاوسط زاتووووو
صدقيني ما بنديك فرصة شيل الحال هنا ... حا نقعد ليك في العظمه الله الحج عندنا زي المسلسلات
ما بنتهي والعمرة دي ممكن تكون 3 مرات في الاسبوع ... يعني عاملين الدرب ساساقه يا ختي ..شيلي شيلتك ..
صاحبتك الحاجه ساره الدعت لي في ( باب شريف ) ... !!!!!!!
هسي تجي وتقول ليك مشغوليات وكدا ومعاكم في البال والخاطر ... !!!!!!!!!!!!
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
Quote: يابكور وياكع والله مداخلا تكم اجبرتنا ان ندخل
كيف ياكع اجواكم فى الرياض وكل امتدادابنا لك التحايا وللجميع دون فرز
ويابكور والله الشوق ليك بيكتر كل يوم وطولنا منك شنو اوعا تكونوا مبسوطيين بالتعادل مع الشمال القطرى لانو القرعة وقعتكم برضو مع الشمال العطبراوى بقيادة فاروق جبرة ودفاعكم المشطوب ههههههههههه؟
والله كورتكم مع قوى الحرس اول مرة نسمع الحكم يترك الملعب بسسب سوء سلوكم وتجيبوا حكم من المشجعين يحكم الكوره ده حال الهلال وحال ريسكم ومنير البله ده مطرود البنزلوا تانى شنو هههههههههههههههههههه |
نحمدو يا قريبك ... الا نجرجركم كدا عشان تجو .. الرياض( زفت ) و السعوديه وجع قلب
ده تمرين يا حبا .. اه بعدك اتظعمطو 6 / 3 ..
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
Quote: مش قلته ليك انت بخيل ... يا قريبك انا متاكد عندك كميه من الصور بس و ميت بيها براك ..
الراستا ده ماشاء الله بقي كدا عينا بارده ...
انشالله يكون اتزوج ..عبدالله كروروي فردتو بقي ابو عيال ونجم الدين العربي حضرته عقدو في
السودان قبل سنتين ...غايتو لو ما اتزوج لحدي هسي بكون( عنس ) قطع شك
|
كع ،،،،،،،،،،
يازول بخل شنو ,,,
والله صاحبك عارف محى الدين والجوص ديل مدورنهم فى العرس دا
لما فترنا خلاص ،،،
الظاهر ساجورهم قوى
انا ونجم الدين كرهنا عارف طبعا سودانيز مابتفتح معاهم من التهكير الاخير
ابراهيم احمد موسى ،،،
برسل الاميل لعارف بس هو عاوز رقم تلفونك الارضى عشان يتصل بيك ،،،
ــــــــــــــــــــــــــــــــــ
عادل محمود العريس ،،،
الشوق شلالات والله ....
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عماد شمت)
|
الحبيب عماد عويس
تلفون جليل شغال وانا اتصلت عليه للتاكد
وكمان عماد اخوة وصل السودان
ابو قصى
كع
بابكر الريس
نسرين
ابراهيم
عادل محممود
المتداخلون دائما
لكم وسام الانجاز
البقيه الباقية من غير المتداخلين
لكم وسامالانجاز بس ناقص
حضوركم لتشرفونا ونشرفكم بالتوشح به
ماطولوا الغيبه
جومو
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: احمد جمعه)
|
الاحبة ابناء الامتداد الجميلين
لكم التحية جميعاُ بدون فرز
وخالص العزاء للصديق الجميل عماد عويس في فقدهم الجلل
وايضاُ التعازي الخالصة لصديق الطفولة والشباب احمد جمعة
وكل الذين فقدوا في غيبتناالطويلة دي .
والتهاني القلبية للعزيزة نسرين وان شاءالله بيت مال وعيال
بجيكم راجع بي مهلة .
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: احمد جمعه)
|
Quote:
تلفون جليل شغال وانا اتصلت عليه للتاكد
وكمان عماد اخوة وصل السودان
ابو قصى
كع
بابكر الريس
نسرين
ابراهيم
عادل محممود
المتداخلون دائما
لكم وسام الانجاز
البقيه الباقية من غير المتداخلين
لكم وسامالانجاز بس ناقص
حضوركم لتشرفونا ونشرفكم بالتوشح به
ماطولوا الغيبه
جومو |
جومو .. سلام ايديك العافيه ياقريبك ... يا ريت لو كل الناس بتجي تسلم بس !!
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عماد شمت)
|
| Quote: والله صاحبك عارف محى الدين والجوص ديل مدورنهم فى العرس دا لما فترنا خلاص ،،، |
قال: قال ابو الشوش (لاعب النجوم الفنان ) كل من تاخر عن الزوج
يتبع الي عمك ( اب كرفته ) !!!!!
رواه: عابدين جنتو والصادق ود المرين
الجوص كيفنو بالله ؟؟؟؟
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: فيصل محمد خليل)
|
الاحباب الامتداداب
سلام وشوق وهردبيس
يا جومو ان شاء الله الاسرة تكون تجاوزت الاحزان الاخيرة
والله يجعلها آخر الأخزان يا رب
تعرف مشتهي لي ونسة في المسطبة وصحن بوش معاكم
يا جميع انتو فريق الامتداديات دة مالو وقع رز كدة
هههههههههههههه
الحاجة سارة والعروس نسرين مسجلين غيابات تقيلة
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: ابراهيم محمد موسي)
|
الامتداداب الأطايب
مليون سلام وسلام .. ومليون تعازي ومليون تباريك .. ومليون امنيات بالشفاء
مشتاق ليكم كتير كتير وواحشني شديد شديد .. بس مشغول جداً وناس الرياض عارفني .
لدرجة اني حتى المنبر ما كنت بدخل ولا بقعد قدام كمبيوتر ..
جيت اسلم عليكم كلللللللللللللللللللللللللللللللللللللللللللللكم بدون فرز زي ما طلب حبيب الكل عبد الله كع .. وعجبتني جداً الصورة يا بابكر التوم (الخلوووق) ..
اتمنى انو الواحد يلقى طريقة يداوم على الظهور في ميدان الامتداد الفسيييييييييييييح ده ..
احبكم كلكم بلا استثناء ..
جومو مشتاق لي قعدة جنبك في المسطبة والله .
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: امير عوض الجمري)
|
كع الدويره دي من صائد النجوم والله خلت أمير يجئ يوقع هِد في المرمي طوالي
والله أحلي من كده مافي وفيصل أهدانا صورة العم سري سليمان ورجعنا لزكريات عظيمة خالص الله يديهم العافية
ما أظن مصطفي يغيب أكتر من كده تحياتنا ليهم كتير وأخبارهم معي علي مدار اليوم كلهم بخير (فيصل البركة فيكم في خاتتكم ونسيبة
أخونا ياسر الصيني وعاصم البربري )نزلت بوست عزاء هنا الظاهر أتهكر مع الهكره الآخيرة ومالميت فيهو تاااني .
تحياتنا لهم جميعاً
وأخص جومو
والنقابي العجوز (حبيبنا خضر)
ونسرين جمال
وكل الكوكبه المتواجدة معانا لهم عميق الوُد
وأبوخليل يا كع بقي تأثيروا علي صاحب الحوش ذي ناااس الأنقاذ؟
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: امير عوض الجمري)
|
| Quote: جيت اسلم عليكم كلللللللللللللللللللللللللللللللللللللللللللللكم بدون فرز |
يازول
الحمدلله السمعنا طقطقات الكيب ورد حقك
الناس تقع وتقوم في السؤال عنك وعن اخبارك
ربنا يجيب الباقي يااااااااااااااااالله ..
(عثمان جنني ياخي بالانجليزي جاب لي الفلايت )
,,,
راشد برضك منزوي ليك مدة .... اخبارك
شكلك خطبته ؟!
،،،،،،،،،،،،
ابو خليل .. برضو بنسال منهم.... تيتاوي بالغ والله انشاالله المانع خير !!
ومعاذ شنو ياخ ؟؟؟
كمبا ؟ بالله شوف لينا ابو عبيدة العب ده وين ؟؟
وراشد ابنعوف الرادار بقي موظف كبير في شركة كبيرة ( ورمي السماعه خلاس)
الحاجه سارة ... ليك يوم دعـــــــواتك حقت باب شريف دي رجعتنا سبعه سنه لي ورا...!
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
ابوقصي ..
| Quote: وأبوخليل يا كع بقي تأثيروا علي صاحب الحوش ذي ناااس الأنقاذ؟ |
لا لا ياخي .
ايديهو فرصه تاني والاخيرة لو ابوخليل ده ما جاب الباص من بكري
خلال اسبوع . مدثر حيكون شريكو في باصو ....
,,,,,,,,,,,,,,
لا حولة ولا قوة الا بالله ..
اللهم ارحمها وتقبلها . تعازينا لاخوان محمد بربرينا والصيني وفيصل محمد خليل
كل من له علاقه بالمرحومه
،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
يـــا يـابـا يـاقمـرى البـهل وحيـاة عيـونى المشتهـاك يـا يـابـا.. ..
التحية لى والدك وربنا يجمعكم قريب أنشاءالله .. ..
( كع بقيت زى الشوايقة الواحد من ما يسافر يم يم طيب فايتين اماتكم مالكم ؟؟)
طارق كل يوم معدتك شكلو الكبر دخل عليك !!!!!!
بعد كدا لاعب ما اظن والاحتياطى نص نص لكن مشجع اكيد .. ..
نسرين مشتاقين لسع عند وعدى .. .. ..
ابوقصى مختفى شديد بتعمل فى انقلاب على الرئيس ونايبو !!!!
عمدة مالك محاربنا وله انت النائب الجاى ( تحريشة ياكع ؟؟؟
تحياتى للجميع .. .. ..
ومحبتى الاكيدة .. ..
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الاخوان / الامتداديون
تحياتى لكل اهل الامتداد العريق ...
والله عندنا محبه خاصه لهذا الحى الجميل باهله ...
ولدى زكريات جميله مع هذا الحى . حيث كنت احرص على قضاء اجازه المدارس بالامتداد بمنزل الحاج التقى ابراهيم وديدى .عند عمتى تومه سعيد وهو اخر منزل فى الامتداد على شارع الصحافه شرق. وازكر جيدا احداث المرتزقه سنه 76 وكيف صحينا صباحا باكر على اصوات الرصاص وقال حينها عمنا ابراهيم وديدى انها لاستقبال الرئيس نميرى لانه قادم من زياره خارجيه وكان حينها باستطاعتك رؤيه مطار الخرطوم وشارع مدنى من منزل الحاج ابراهيم . وازكر سقوط الدانات العشوائيه على بعض مناطق الامتداد وخاصه الفسحه التى تفصل الامتداد عن الصحافه فى المنطقه بين محطه سبعه وشارع الصحافه شرق . وازكر ان منزل (ابوسروال )لو لم تخوننى الزاكره كان ضمن البيوت التى سقطت بها دانات عشوائيه وهو يقع فى الصحافه البيوت المقابله الامتداد
وازكر موكب الرائد/ ابو القاسم محمد ابراهيم عند قدومه من مدنى . وقف الموكب بالامتداد وتحدث مع بعض سكان الحى قبل مواصله سيره . وازكر ان هناك فريق رابطه اسمه الصحراء
تحياتى للاخ سيف وديدى بالسعوديه والاخوان حاتم ورضا والفاتح والاخت / امينه ابراهيم وديدى وعمر وللعمه الحنونه تومه سعيد واسره المرحوم عبد الرازق والعمه منى عبد الواحد والاخوان / عصام وصابر ميرغنى والاسره وجميع قاطنى حى الامتداد الرائع
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: Tarig Mohamed Saeed)
|
مرحبتين طارق محمد سعيد
Quote: الاخوان / الامتداديون
تحياتى لكل اهل الامتداد العريق ...
والله عندنا محبه خاصه لهذا الحى الجميل باهله ...
ولدى زكريات جميله مع هذا الحى . حيث كنت احرص على قضاء اجازه المدارس بالامتداد بمنزل الحاج التقى ابراهيم وديدى .عند عمتى تومه سعيد وهو اخر منزل فى الامتداد على شارع الصحافه شرق. وازكر جيدا احداث المرتزقه سنه 76 وكيف صحينا صباحا باكر على اصوات الرصاص وقال حينها عمنا ابراهيم وديدى انها لاستقبال الرئيس نميرى لانه قادم من زياره خارجيه وكان حينها باستطاعتك رؤيه مطار الخرطوم وشارع مدنى من منزل الحاج ابراهيم . وازكر سقوط الدانات العشوائيه على بعض مناطق الامتداد وخاصه الفسحه التى تفصل الامتداد عن الصحافه فى المنطقه بين محطه سبعه وشارع الصحافه شرق . وازكر ان منزل (ابوسروال )لو لم تخوننى الزاكره كان ضمن البيوت التى سقطت بها دانات عشوائيه وهو يقع فى الصحافه البيوت المقابله الامتداد
وازكر موكب الرائد/ ابو القاسم محمد ابراهيم عند قدومه من مدنى . وقف الموكب بالامتداد وتحدث مع بعض سكان الحى قبل مواصله سيره . وازكر ان هناك فريق رابطه اسمه الصحراء
تحياتى للاخ سيف وديدى بالسعوديه والاخوان حاتم ورضا والفاتح والاخت / امينه ابراهيم وديدى وعمر وللعمه الحنونه تومه سعيد واسره المرحوم عبد الرازق والعمه منى عبد الواحد والاخوان / عصام وصابر ميرغنى والاسره وجميع قاطنى حى الامتداد الرائع
|
وأنت صاحب بيت ومعك نحي أسرة أبراهيم وديدي ونخص الفاتح وله وحشه
دي زكريات لم تنسي وفي بيت العم أبوسروال توفي له طالبان كان يدرسون الجامعة آنذاك يرحمهم الله
مودتي لك طارق
،،،،أبوقصي،،،،
نفس المربع 14/4
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
| Quote: ابوقصى مختفى شديد بتعمل فى انقلاب على الرئيس ونايبو !!!! |
سارة كرودي بركة الشفناكِ طيبة وبخير (أنقلاب شنو الريس بيتنحي براهوا عشان الكبر والمرض بس بيحل محلوا محمد وليدو يعني مملكة جبريلية خالصة ماركة مسجلة تلاته شلوخ )
وبعدين وزير الدفاع عماد عيونو ماضين معاهوا أتفاقية !
العزيز جومو الله يديك العافية بالله صوت الداخل ده ماينقطع
والجاب أمير يجيب الباقين ...............
كع نحن رشحناك ساكت ماعشان تسد الغياب يافرده ماكفاية مابطالبك بحق العتالة كان زمان شتتنا البلد ياحبيب والتحية عبرك للوالد عوض عبدالله أحمد كع ونحنا كلنا ذاك النفر في شوقنا والتحية لوالدي الحاج عبدالرحيم فضل
ولكل الأمتداد
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
| Quote: ياخي جاهو برجم وحا يغيب من المدرسة اسبوعين |
ود الجمري الزول الحنين (وبس )والله جيتك دي ما ساهله . بالله كل ما تلقي نفسك داير تقعد جم المسطبه تعال
وتضرب البوش بتلقي جومو قاعد .. واحتمال تيتاوي برضو يكون ومتحكر قاعد وصديق و بكري الخليفه وووووووووووووووووووووو
ياخي الف سلامه وربنا يحفظو ...
هسي طين البحر ححتجيبو من وين ؟؟؟؟
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: ود الجمري الزول الحنين (وبس )والله جيتك دي ما ساهله . بالله كل ما تلقي نفسك داير تقعد جم المسطبه تعال
وتضرب البوش بتلقي جومو قاعد .. واحتمال تيتاوي برضو يكون ومتحكر قاعد وصديق و بكري الخليفه وووووووووووووووووووووو |
يا اللللللللللللللللللللللللللللله يا عبد الله مالك داير تطلع (.........) .لمة زي دي تاني الا في الجنّة غايتو.
| Quote: ياخي الف سلامه وربنا يحفظو ... |
تسلم من كل بلاء .. والله جني وجن عياء الشفع ده يا كع بتعبني بالحيل .
| Quote: هسي طين البحر ححتجيبو من وين ؟؟؟؟ |
هههههههها والله جبناليهو دواء ابيض وقالوا تختو بس محل الحبوب برقعناهو ليك بي زرقتو دي بقى كفر عديل .
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: امير عوض الجمري)
|
سلام للجميع بدون
امير الجمري حمدلله علي السلامةياريت ما تكرر الاختفاء دا تاني
العزيز كع
اخبارك واخبار العيال انشاء الله كلكم بخير
لا انشاء الله اول ما اصل مكة تكون اول المنتظرين هناك
الحبيبة سارة
كيفك انشاء الله بخير عارفة الايام دي امتحانات الاولادعشان كدا عزراك
لكن برضو لسة في انتظار تنفيذ وعدك
دكتورنا الجميل طارق
| Quote: الحاجة سارة والعروس نسرين مسجلين غيابات تقيلة |
والله ما بيدي بس الوالد الايام دي بي عافية شوية راقد مستشفي
عامل ليهو عملية ربنا يرفعو لينا بالسلامة
تحياتي
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: نسرين جمال)
|
Quote:
كع نحن رشحناك ساكت ماعشان تسد الغياب يافرده ماكفاية مابطالبك بحق العتالة كان زمان شتتنا البلد ياحبيب والتحية عبرك للوالد عوض عبدالله أحمد كع ونحنا كلنا ذاك النفر في شوقنا والتحية لوالدي الحاج عبدالرحيم فضل |
مجدي :
اشكرك علي الترشيح ... عشان الامتداد بسد ليك ام الغياب .. (بس تشمو حق العتاله ده قدحه يا مان ...)
التحيه للحاج عبد الرحيم من خلالك سال ربي يديهو الصحه والعافيه
بالله شوف لينا موضوع مدثر ده ... ابصلعه ده الظاهر خت الورق تحت التربزه .
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
الامتداداب الطيبين
سلام وشوق شديد لكل واحد فى امتدادنا الجميل
وفى البوست
يعلم الله الشوق غلب لكن ماباليد حيلة
والله كعكوكى الجميل يستحق وسام الخدمة الطويلة
الممتازة فى عتالة البوست والانابة عن كل من
غيبته الظروف ومشاغل الحياة ورغم مشاغله كمغترب
يكابد الحياة والشوق لكنه كان دائما يرفع راية
صامدون هنا ربنا يديك العافية ياكعاكيعو
يسلم ليك الوالد ويشفى والد بنتا نسرين
ويحفظ للجميع احبتهم
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عامر تيتاوى)
|
| Quote: سلام وشوق شديد لكل واحد فى امتدادنا الجميل وفى البوست يعلم الله الشوق غلب لكن ماباليد حيلة |
يالله ....... الله يجيب الباقي ( ياسر حنا - صديق حمدتو - ............الخ وبعد الخ دي مصطفي سري )
حبابك تيتاوي ,
ومبروك الجديد الشديد ربنا يحفظو ..
(ياخوانا سبحان الله اي واحد لمن يغيب ويرجع للبوست ده . كان لي مراد اقوم احضن الكمبيوتر ياخي )
مبالغه موش !! لكن جدجد ..
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: امير عوض الجمري)
|
| Quote: يا اللللللللللللللللللللللللللللله يا عبد الله مالك داير تطلع (.........) .لمة زي دي تاني الا في الجنّة غايتو. |
والله ماشالله انت لسه صابر ؟ يعني انت لسه ذيتك ما طلع
هي الجنه دي زااته متين ؟ عشان نرتاح من القفرف ده ونتلم مع ناس الحلوين
| Quote: والله جني وجن عياء الشفع ده يا كع بتعبني بالحيل . |
ربنا يشفيه وخوانه انشالله ...
ياخي بتدي الزول ده عين ....( ماشالله )
ــــــــــــــــــــــــ
الناس ديل بشيلو شنط سفر للمدرسه ليه ياخي ؟؟
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الاخوة الاعزاء اهل القبيله
سلامات وتحيات وتشكرات
الف شكر لكم على تفقدكم والغياب عنكم فتره
وهى الاقدار لا اكثر
Quote:
يا اخونا اخونا سيد محمد سيدنا سمعت انه كان بي عافية شوية
ان شاء الله اجر وعافية
يا ناس الرياض طمنونا عليه عليكم الله
|
شكرا ياطارق يا عزيز دائما سباق واللوم علينا
لكن نعمل شنو مع تعليمات الدكتور وحاول تبعد
عن اجهاد العيون واليوم دى سرقه واخوك لابس نضاره
سوداء لزوم تقليل الضؤ
تحياتــــى لكم اعزائى وشكرى على سؤالكم
اخوكم / ســــيد ســــيدنا
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
الأخت نسرين سلامة الوالد وإجر وعافية أن شاء الله
عودة المخضرم سيد سيدنا وماتشوف شر ياغالي والعيون دي ربنا يحفظه
تيتا ياجميل الله يحفظ عبدالعزيز وأخوانه ولي طلتك علينا شبابيك قطار الشوق
كع المتواجد القوي وأيضا أختنا نسرين دائما تعطونا روح البيت الأمتدادي الجميل
لكم جميعا تحية البيت الجميل ولوطال الغياب بينا نرجو أن تجدوا لنا العُذر ،
كع شرفني هنا ( ا نـــعتا قُ الكـــائنِ )
من شدّة الولف ، مبارين حق الحرف كان بنديهو حقوا محاولة.
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
سلامي للجميع انشاء الله كلكم بخير
الاخوان تيتاوي وكع ومجدي الله يسلمكم
لكن الحمد لله الوالد اتحسن كتير
الاخ سيد سيدنا الف حمدللع علي السلامة
بالمناسبة الايام دي اخونا الفاتح الجوص متواجد بالسودان
وعبر البوست بنتمني ليهو اجازة سعيدة في امتدادنا الجميل
وعقبال كل المغتربين يجونا في اجازاتهم
تحياتي
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: نسرين جمال)
|
Up
عشان نصعد بالتيم الأولي موسم2009
سارة أنقلاب بدون تأمين جانب القائد عماد محمود علي محالفوا الفشل وبعدين منتظرين محادثات الدوحة ووزيرناتيتاوي والناطق الرسمي مسجل غياب صديق حمدتو والمعارضه غياب تام حنا وناصر والزعيم فيصل خليل شكلوا جلكن نشوف ولي العهد ونعمل معاهو فروض الطاعة بس تيم الجندريات شكلوا أتفرتك من أول لقاء بس الجهاز الفني عايز سياقة ومدرب محترف ويكون من إيطاليا وارشح باجيو
نبارك للقلعة الحمراء توهجا في كيجالي وعقبال مانشوفا في الثمانية والأربعة ثم النهائي شايف ناااس كع وبابكر التوم عملوا نااائمين لا مبروك ولا حاجة الجماعة من كيجالي ولا شنو ياريف؟؟؟؟
التحايا للجميع
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
Quote: امتدادية
ثم حضرت كالعاده فى ذلك الصباح برقتها المتناهية وابتسامتها الحالمه وذلك البريق الذى فى عينيها،يكاد لايخبو! بل يتوهج ويشتعل...هى اميرة من اميرات ذلك الزمن العتيد أمتدادية الوجه و اليد واللسان تخفق معها القلوب وتتسارع الانفاس مع خطواتها الواثقه المتأنية ،تعانقها كل الشوارع وتحتضنها كل البيوت وتهتف باسمها الازقة.. زهرة فى مقتبل العمر فراشة تطل فى كل صباح ونستمد من رحيقها الحياة والامل.
...الجميع ينتظرها بفارغ الصبر يترقبونها من على البعد لتملأ كل هذه المساحات الشاغرة ، ومع ان الطريق الذى كانت تمر به فى كل صباح ممتلى بالاشجار والاسوار الجميلة المنسقة وصراخ الاطفال وهمهمة الماره الاانه كان يبدو كصحراء ممتدة واسعة قبل ان يعانقها وتختلط انفاسها بنسائم ذلك الصباح البهيج الذى كان يحملها ...كل الاشخاص الذين يظهرون دونها هم ذلك السراب الذى كانوا يحسبونه هى ثم لا يلبثوا ان يبتلعوا شى اشبه بالجفاف حينما يخيب ظنهم.
هاهى قادمة حاملة معها الفرح تحفها مواكب اللهفة والشوق تترقبها العيون وتهفو لها الارواح وتصمت كل الشوارع تحية وتجلة لها وهى تزرع كل هذا الحبور ...دائما ماتسبقها رائحة عطرها الى المكان فينتبه الجميع ويعدون العدة، ويكتمون انفاسهم مااستطاعوا لانهم على يقين ان انفاسها ستملأ المكان. . لحظات من الترقب ودقائق من الصمت وساعات من الانتظار الغير ممل انتظار ممزوج بالأمل وهو دائما مايمسك بتلابيب الصبر ويكتفى فقط بهزها من حين الى اخر ليس على سبيل العجلة او الملل انما يكون الشوق قد بلغ مابلغ لرؤية تلك الامتدادية فهى دون شك هزت الشوق ورعشة المتشوق .
هاهى تمر من امام الجميع وتلقى عليهم السلام وكأنها تغنى اجمل الالحان لكن لااحد يرد التحية بمثلها السنتهم متلعثمة وقلوبهم شتى فيكتفى الجميع بالتحايا القلبية والامانى الطيبات ومن وراءها يطلقون لأفكارهم العنان وكلهم يجمعون على انها(جميلة ومستحيلة).
لقد مضت وعطرها مازال يملأ المكان وانفاسها مازالت اكسجين المنطقة مضت بعد ان سكبت السعادة فى كؤوس ملؤها الحيرة والامل ...نعم لقد مرت من هنا وداست على كل القلوب بحنانها المفعم وانوثتها الطاغية وادبها الجم ....مضت وتركت الجميع يترقبون شمس غدا جديد وصباحها الوضاح.
الاخ طارق ادام الله علينا الخير-الحب-الجمال
مدثر قرجاج
|
مدثر كينك ياخ
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: الاخوان الاعزاء بدار الامتداد الحي الباريسي سلام للجميع وبصفة خاصة الاخ عبدالله كع الرجل النشط وكل الاحباب من المملكة العربية السعودية الي المغرب العربي والخليج العربي وسوداننا الحبيب
ابو مازن |
عييييييييييييييييييييييييييك
يا حبيبنا انت وين
| |
|
|
|
|
|
|
|
|
|
امتداد الدرجة الثالثة ذلك الحى المتفرد (Re: طارق جبريل)
|
الاحبه
تحيه طيبه
ازهرى لك التحيه نتمنى ان نكون قد اسهمنا
بشى من تاريخ الامتداد
مدثر تحيه طيبه
عادل محمود(تتالى) بابكر التوم(قدرة)
راشد ناصر طارق عماد محمود
عبدالغفار(بلد) بدرالدين يقوب (ابقاوون) نسرين احمد جمعه(جومو) عماد عويس خضر(النقابى) عبدالحليم
عوض (كمبا) عمر محمد الحسن (القرضابى) خالد محجوب (المنسى)راشد علىابنعوف
عامر محمد عبدالرحيم(تيتاوى)اميرعوض حامد خالد عبدالحميد(اميقو)عبدالله عوض (اميقو)
حاتم حمدتو رجب/ صديق/عمر شخ الدين(بابان)
معتصم عبدالرحيم(العربى)احمد خضر
معتصم عبدالرحيم(ابوقصى) ازهرى محمد موسى عادل بلا ل معاز السر مصطفى سرى ياسر حنا منى خوجلى
سارة محجوب عصام احمد على فيصل خليل ابراهيم محمد موسى جنى البعيو
ياكع ويابو قصى ياريس تموا الباقى اللهم زيدنا ولا تنقصنا
ناسف اذا كان نسينا احد من بورداب الامتداد
نتمنى دخول مدثر قرجاج وعوض احمد عمر
توفى لرحمة مولاة والد الاخوان بدرالدين تمساح نصرالدين جوطات مربع 3
لة الرحمه والغفرة
لكم التحايا
جومو
| |
|
|
|
|
|
|
|
|
|
Re: امتداد الدرجة الثالثة ذلك الحى المتفرد (Re: احمد جمعه)
|
انا لله وانا إليه لراجعون
الدوام لله في ملكه وتصعد الأرواح في ملكوته بشفاعة الحبيب محمد صلي الله عليه وسلم وبرضاء الله عز وجل العزاء لأخوان بدرالدين ونصرالدين
جبرالله كسركم
العزيز جومو : لك منا التحية والتقدير وتحية لكل أبناء المتفرده
مدثر دائماً مانستظل تحت ظل حرفك وندلف في مسام الروح لك الشوق مدرارا ولمربع وحشه طويل عمرها عشر سنوات عِجاف بالله أحكي لنا من منزل
عمنا سري سليمان سابقا نمرة 1 إلي منزل إبراهيم وديدي ثم عرج بنا إلي الصحافة وسط ثم شرق حتي تشرق شموس الغياب حضور ياراقي .
آخيراً ظهر أبو مازن (طارق دي عملها كيييييف ماعارف؟)
،،،،أبوقصي،،،،
| |
|
|
|
|
|
|
|
|
|
Re: امتداد الدرجة الثالثة ذلك الحى المتفرد (Re: نسرين جمال)
|
Quote: توفى لرحمة مولاة والد الاخوان بدرالدين تمساح نصرالدين جوطات مربع 3
لة الرحمه والغفرة
لكم التحايا |
الرحمه والمغفره للفقيد واسرته الكريمة ,,,والعزاء موصول للاخوان بدر الدين ونصرالدين
وجكسا .
انا لله وانا اليه راجعون
* الاخ جومو تحياتنا ,, لو امكن تلفون الاخ نصر الدين
| |
|
|
|
|
|
|
| |
عماد شمت
عبدالله كع
ابراهيم محمد موسي
فيصل محمد خليل
بابكر التوم
طارق جبريل
مجدي عبدالرحيم فضل
بدرالدين يعقوب
NGABY AJOOZ
امير عوض الجمري
moaz elsir
Azhari Mohamed
عامر تيتاوى
سيد محمد احمد سيدنا
فيس بوك
تويتر
انستقرام
يوتيوب
بنتيريست