|
|
|
 Re: (4) امتداد الدرجة الثالثة ذلك الحي المتفرد (Re: طارق جبريل)
|
أحبتي الكرام
الاسبوع الماضي كنت في صحبة الكريم المفضال أبوعبيدة محمد الحسن(العب)(الكابوي)
بعاصمة الضباب لندن وكانت من أجمل الاوقات تحدثنا تسامرنا بلغة الحب والعشق والهيام
عن محبوبنا الامتداد وأبنائه الكرام وكانت الزكريات حاضرة لكل أماكنه وأوقاته
وقد حملني أمانة السلام مع وأفر حبه وتقديره وشوقه لكم جميعاعلي أمل أن تجمع الايام
ماضي الزمان والمكان من جديد وفي الغريب أنشاءالله
ودمتم
| |
 
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الاخت حنين للبلد
Quote: ياناس الامتداد بنحترمكم ونفقدركم ....يكفيكم انه منكم اميز اقلام نورت البورد ده....ويكفيني منكم الخوة والاحترام....
تقديري واحترامي
|
كل الاماكن في ربوع دياري تتشرف وترحب بيك
والعفؤ والعافية والود والاحترام والتقدير
والبيت بيتك في كل الزمان وأملي أن لاتحرمينا
من طلتك التي أسعدتنا وشرفتنا
وليك كل المحبة
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
سلام اهل الامتداد ثلاثة سلام
شوقي الشديد للامتداد و اهل الامتداد الطيبيب رغم انتقالنا الي جبره منذ سبع سنوات الا اني لا اقول الا اني من الامتداد فقد رحل اهلي الي جبرة وانا خارج السودان منذ 1987 ولكن و حتي تاريخه لا اعرف حتي رقم المربع الذي به بيتنا الجديد في جبرة و مع احترامي و الشديد لجبره و اهل جبره إلا أني لا اكن لهااي احساس فانا امتدادي بالميلاد و المنشأ و الفطره. فاذا سألني احد و السؤال مشروع و متكرر في الغربة (من أين انت في السودان؟) فتكون إجابتي و من دون تفكير (من الامتداد) فانا لا اعرف غير الامتداد و لم اعيش في غير الامتداد و ابحث حاليا عن بيت اشتريه في الامتداد و علي ما اظن إنو هذا إحساس كل من نشأ و ترعرع في الامتداد و كل اصحابي و معارفي من ناس الامتداد و و و و للحديث بقية
طه عبدالله
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: نسرين جمال)
|
نسرين ....
| Quote: والله مشتاقة ليكم كلكم |
ونحن شوقنا ليك محيط من غير ساحل ...
حمد لله على السلامة وإن شاء الله تكون الوالدة قد بلغت تمام الصحة وكامل العافية ... وسعدت جداً بسماع صوتك ...
| Quote: وشايفة البوست منور بي وجوه جديدة تحيتاتي للكل |
البوست نور برجوع ستي ... وتحيات الكل لك ....
تمريرة :
أها رجعتوا الخرطوم ولا لسه في مصر ؟
مودتي
عماد محمود
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: نسرين جمال)
|
| Quote: والله الوالدة الحمد لله احسن كتير ونحن في الخرطوم |
ألف حمد لله على سلامتها وإن شاء الله أخر الالام والاوجاع وما تشوف شر إن شاء الله ، وحمد لله على سلامة الوصول لأرض الوطن .
| Quote: سلام عماد وشكرا ليك علي الاتصال |
ليس بين الاخوان شكر وهو الواجب الذي تفرضة علي خوتي لك ...
مع تحياتي ومودتي
عماد محمود
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بدرالدين يعقوب)
|
حمد الله على السلامة يا أخت نسرين
العودة للوطن والف سلامة للوالدة
وما تشوف شر وأجر وعافية.
Quote: من الامتداد سلام
والله الامتداد فيهو جو يمحن عديييل
|
حمد الله على السلامة ياريس وانشاء الله
وجدت كل الاسرة واهلنا ناس الامتداد
بالف خير قالوا بردت الجو عقبال الامطار
التوثيق اهم شئ
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
| Quote: وين؟ أمير الجمري وصديق حمدتو والعمده ود محمود؟ |
أبو قصي الرجل الانيق .....
مبروك التعادل الذي بطعم الفوز ... وهاهم اشاوشة الكرة السودانية ، فتية المريخ ابطال مانديلا ودار السلام .. نحن لها.. نحن لها .
والشكر موصول لاحبائنا الرشاشات ... الذين تجردوا من التعصب وهنونا بهذا النصر ... وعقبال ليهم إن شاء الله .
مودتي
عماد محمود ....
تمريرة :
نسرين ... شكر لك وأعتز وأفتخر بخوتي لك ... وأتشرف بأن أكون أحد اعضاء هذه الاسرة الكريمة ...
عماد
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
اهلنا الحلوين ناس الامتداد الف سلام
الغالية اختنا نسرين الف حمدللة للعودة للوطن والامتداد
وحمدللة سلامة الوالدة وربنا دايما يكتب السلامة.
بابكر التوم النتيجة جميلة ومنتصرين فى مبارة الرد انشاء الله
صحبك بعد بكرة مسافر السودان ابو اللول
كنت مع اتصال امس مع طارق وببلغ سلامو للجميع
ود كع سلام خاص صراحة نشاط ما عادى وقرط على كدا
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
| Quote: ود كع سلام خاص صراحة نشاط ما عادى وقرط على كدا |
راشد سلامات يا حبا
صدقني لمن القي البوست حقنا معفوص تحت بتجيني حالة
من القشعريره مصحوبه بي رجفه الملاريا ديك وشيئا
من الهضربه عشان كدا بقوم اشوت ليك اي بوست قدامي
وبخلي الامتداد فوق .امكن عشان النشاط
ــــــــــــــــــــ
انت لسه ما لقيت مرة ؟؟(وجه دايرك تعرس)
تضامنا مع الاخ بابكر التوم
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
سلام يا شباب
والله الامتداد زي الورد
امبارخ انا ومعتصم العربي واحمد جمعة (جومو)
جنس ونسة جنب الدرابزين والله ما خلينا حاجة
ويا كع اتفقنا نشحتفك ونصور ليك دافوري العجايز
يا جماعة حنين دي مالكم معاها ياخي
عندها حق الفيتو عندنا
ويا حنين قائدنا عماد دة زول تختيهو في الجرح يبرأ
اما كعاكيعو دة زول قلبه حليب بس
تليشة:
يا ناس تليفوني وقع في الموية
وهسي حايم من غير ارقام الناس
فيا ناس الداخل اضربوا لي عشان اسجل ارقامكم من جديد
طبعا نفس رقمي الختيتو في الاول
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
ياريس ....
Quote: يا ناس تليفوني وقع في الموية
وهسي حايم من غير ارقام الناس |
دى مافى زول سبقك عليها وكمان دى حالتها لسة ماخرفت كويس
وجابت ليها مطرات من النوع ابو كديس اعمل حسابك الموبايل هين
ما تقوم تمشى ليك جنب ادبخانة عتيقة وتقع لينا فيها كمان
دا وشنو ياكع
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: لا خير في ود امريء متلون * إذا الريح مالت،مال حيث تميل
وما اكثر الإخوان حين تعدهم * ولكنهـــــــم في النائبات قليل |
الاخ كع............بالجد الكلام ده شين منك...ماصاح يااخي اتجاوزت ليك حاجات كتيره تجاه شخصي بعضها ارجعته الى الهزار والدعابة ..والاخر الى سوء الفهم المالي المنبر ده...وبعضه الى شبه يقين في داخلي انك زول ماكعب لكن بس عدم موضوع منك ساي ...ونظام المكجنو تحدر لي في الضلمة..والاخر تجاهلته بقصد عدم وضع الامور في زاوية ضيقة يصعب بعدها جبر الخواطر...
لكن بالجد ياكع البتسوي فيه ده مابشبهك يازول...خليني انا...
ياود الحلال انا جيت هنا بكل نوايا طيبة والباب الفتحتوا ودخلت توووش في حوش البوست ده كان باب اسفيري لامجال فيه لخلق عداوات او اي مشاحنات لاداعي لها...وبالجد مرة مرة كدة بحاول اقيف عشان بس احدد انت جادي ولا بتهزر...
لكن ياكع
لا معرفة لك شخصية بي ولايحزنون ياود اناس...ماصاح انك تخلق عداء من راسك وبدون اي داعي يعكر صفو البوست الاجتماعي اللطيف ده...ويخلق جو ماحلو...ولابتستاهل القصة كلها من اولها لي اخرها...
لكن
الابيات الكتبتها فوق دي في ردك للدكتور الراقي طارق جبريل ماوفقت فيهابالجد....ودي ماانا ياكع
عموما
شكرا لك ان كان هذا رايك فيي...واتمنى ان توفق في المنحى الذي انتحيته....
وصدقني بالجد ماعندي اي شيء اضيفه ليك..غير...ربنا يسامحك يازول...الله يسامحك..هي ماناقصة كمان نعمل لينا تشاحن بالنت..القصة مابتستاهل ياكع...مابتستاهل
طارق جبريل
شكرا للكلمات اللطيفة منك...ساكون في الخرطوم بعد يوم...اتمنى ان يكون الجو كما سمعنا في اليومين الماضيين...
تليشةيا طارق جبريل
"القصة شنو كل ماتكتب من جنب الدرابزين....اجازتك كلها حتقضيها فرجة على دافوري العجايز 
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: يا جماعة حنين دي مالكم معاها ياخي
عندها حق الفيتو عندنا
ويا حنين قائدنا عماد دة زول تختيهو في الجرح يبرأ |
الاخ طارق
شكرا لكلماتك الماغريبة عليك
عماد بش شوية اتحسس لكن بالجد ماكن عندي دخل في الموضوع بس ظنيته اسه بقى مافي اي لبس
اجمل التحايا لك وله...
وامنياتي انت تقضي اجازة سعيده وسط الاهل والاصدقاء
بالمناسبة
ناس العمارات بالله اخبارهم شنو؟؟؟؟؟؟
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: حنين للبلد)
|
أختنا الغالية حنين هنا ....
ياسلااااااام وأنا أقول ياربي مالو البوست ده ريحة الجمال فيهو ورزاز المطر بجيهو ...
حللتي أهلاً ونزلتي سهلاً ياهو بيتك وستو كمااااان ...
كع :
أرفع قلمك عن حنين ياكع يابجيبك بالباب عديل ... حنين لديها حصانة دبلوماسية ، أعتبر ده أمر عسكري واجب التنفيذ .. أي عنكبة شنبكة ح أوريك العين الحمراء الماشفتها قبل كده ... أظهر الروح السمحة الفيك واعتذر لي أختنا حنين ... يكفينا فخراً تواجدها هنا معنا وماهكذا تورد الابل يا كعكوعي ...
حنين ... عبد الله ده راجل عسل عديييل كده .. بس عياره فاااالت علشان كده دائماً بنشيل منه الكلاشينكوف ... والله رجل أخو أخوان وأخوات بس بحب الهظار وكلامه ده كله هظار × هظار .. وراجل ذي ما قال ليك الريس طارق ( قلبه أبيض من اللبن الحليب ) وبحب الهظار كثيييير بس كلماته بتخرج دراب والما بيفهمه بيزعل منه بس نحن طبعاً تعودنا عليه علشان كده مابنزعل منه بس صدقيني راجل عسل عديييل وقلبه مثل قلب الطفل الرضيع ... ولما تعرفه أكثر ح تصدقي كلامي وكلام الريس طارق ...
| Quote: عماد بش شوية اتحسس لكن بالجد ماكن عندي دخل في الموضوع بس ظنيته اسه بقى مافي اي لبس |
بكل تأكيد لاني عارف قلبك أبيض من الحليب ونفسك أذكى من الزهور ... وحروفك أجمل من العسل .. وتعجبني مشاكساتك ....
كعكوعي ... بطل الراجمات بتاعتك دي ... أختنا حنين لسه ماإتعودت عليها ... أمر عسكري ....
تمريرة :
| Quote: ويا حنين قائدنا عماد دة زول تختيهو في الجرح يبرأ |
شكراً ياريس لقد أخجلتم تواضعنا ... حنين في العين والرأس نشيلها في عيونا ونغطيها برموشنا والبرشها بالموية نرشه بالدم .. أخت ونعم الاخت .... ح إتصل بيك ياريس ...
كعكوعي : نفذ الأوامـــر ....
عماد محمود علي
وزير الدفاع والطيران والمفتش والقائد العام
لقوات شعب الامتداد المسلحة
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الفوق..
دي اول مداخلة لي اليوم
دخلته لقيت الدنيا مخرمجه والشغلة بايظه
القائد...
تمام سيادتك ..
حنين للبلد ..
لا اذكر انني زعلته او زعلت اي انسان في الدنيا
وكان زعلت لي زول والله ما بكون قاصد ومن هنا اسف
لاي زول زعل مني .. وحتي للماااااااا زعل اسف (دي لي الزمن )
حنين
عماد شمت
طارق جبريل
عماد محمود
امير الجمري
مجدي عبدالرحيم
بابكر التوم
كلكم ............ اسف جداجدا
ـــــــــــــــــــ
ودي رؤؤسكم ابوسه
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
كعكوعي ....
أصيل طول عمرك وأخو أخوان وأخوات ....
وبما أنك نفذت الأوامر وفي إتصال هاتفي لي مع الرئيس والقائد المظفر طارق جبريل فقد تم ترقيتك إلى النائب العام لجمهورية الامتداد الديمقراطية ... مبروك وهنيئاً لك بهذا المنصب الذي صادف أهله ....
وإلى الامام من أجل رفعت الامتداد ....
عماد محمود علي
وزير الدفاع والطيران والقائد والمفتش العام
لجمهورية الامتداد الديمقراطية
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الاخوان
عماد
كع
مجدي
ربنا يهدي كل النفوس....ويزيد العشم بين الناس
للامتداد انشاء الله مكانها في القلوب وفي زيارتي القصيرة للوطن...
تحياتي عبركم لكل شباب الامتداد
عماد.....شكرا ليك
مجدي ....سعيدة بمروري بي شارع حلتكم
كع...نحنا البينا عامرة....
وايه الدنيا غير لمة ناس في خير او ساعة حزن
تسلموا كلكم
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
حنين
| Quote: "بالجد يا كع النظرية شنو؟؟؟؟؟؟؟؟ |
القائد العام ده ختري شديد
والكيبورد بتاعو مليان حنان و سنين للدين
خلاني اشيل جبل التاكا.. ومرة كمان
وعندو حنك ..لا اله الا الله
.. بعد ما شلته التاكا.. ومرة
نزلتهم .. ورفعتهم 3 مرات
ـــــــــــــ
كدي اتخيلي الفليم ده
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: حنين للبلد)
|
صديقي الوريف وأخي الحبيب عبد الله كع ( كعكوعي )
Quote: القائد العام ده ختري شديد
والكيبورد بتاعو مليان حنان و سنين للدين
خلاني اشيل جبل التاكا.. ومرة كمان |
تشيلك عافتك إن شاء الله .... وشكراً لهذا الاطراء الذي لا استحقه وتستحقه أختنا ( حنين ) ....
حنين أينما نزلتي وحللتي يحل البهاء والنقاء وينور المكان حتى ولو كان في السودان ( الكهرباء قاطعة ) .... تمشي وتجي بالسلامة وترافقك الدعوات الصالحة ونتمنى بأن يسعفك الوقت لزيارة وطننا الصغير مدينة الامتداد ....
مع خالص مودتي لكم .....
عماد محمود علي
وزير الدفاع والطيران والقائد والمفتش العام
لقوات شعب الامتداد المسلحة ...
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: راشد جبريل)
|
| Quote: عماد محمدود ليك وحشة |
راشد ( إسنوكا ) ياخي مشتاااقين ، وين الناااااس ياخي أجدعنا كده بتلفون تلفونين كده .... وإن شاء الله ما تشوف وحش ياغالي ... طبعاً أنا إتصلت بالريس ( طارق ) وهو جميع الاهل وناس الامتداد كلهم بخير وصاحبك شغاااال لحوووووم سااااااكت لامن خشمنا هنا مطق .... غايتو الله كريم علينا .
مودتي
عماد محمود
تسحيبة :
وين المعارض الكحيان ( ناصر ) لسه ما شم العافية ولا بعمل في تكتيك تاااني .
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
سلام
ليس تحيز الي مربع 8 ولكن انه دوما يكون له قدم السبق في
اعمال الخير والبر وتواصل الاجيال .. اتصل علي الاخ عبدالحفيظ
من هولندا وافادني انو الشباب في المربع يعملون الان في برنامج لتكريم
رموز المربع امثال العم المريخابي الاصيل السر محمد بابكر .. وذلك
لخدماته التي ظل يقدمها للمربع كثر من الثلاثون عام لم يكل ولم يتعب
وكله نشاط .. وان تكريم هذا الانسان هو اهلا له ويستحقه لانه عمل
بكل تجرد ونكران زات .. فله منا كل الاحترام والتقدير
وربنا يسعده في ايامه ..
ــــــــــ
برجع تاني..
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
فوق
فوق
فوق
مرفوعه للقوة 14
أنتو الريس ده مالوا ما دخل قاعد لينا في الدرابزين زي ما قال ود الصايم شيل كراعك منو مييل شديد ياريس تعال الحوش ده من الداخل والنت متوفر هنا ولا المغارب شاااي وزلابية والنهارية مقيل في الدرابزين والضفرة مرشوشة وهاك ياعنقريب هباب وريحة دعاش الخريف معاهو نفس عميق ملعونه دي غربه!!
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: AWAD MAHMOUD OSMAN)
|
إمتداد المحبه صباحكم رائق ومشرقة شمسها
لعلي أري خيط فجر جديد ملئ بالأحباب والصحاب
عوض العزيز حضورك دائما يشرح صفحات الحوش ويرش لنا رزاز من مطر وغيث
أخونا كع حارس البوابة الأمتدادية لك محبتنا ياجميل واصل كفاح فلنلتقي بجيل البطولات ونقدم
التضحية معاً،،،
أسلك طريق خريص وأعمل حسابك من الجسر الممتد معك حتي وقت الغروب ننتظرك .
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: Sara Mahgoub)
|
أختي بت محجوب كرودي
قالنا نجئ لي كع بالنيو لوك ده عسي يرفع عننا الدخان
وقالوا الكبريت أنعدم والبرنجي كمان بأمر وزارة الصحة
المحلية والهيئة الأقليمية عشان النفس يطلع وينزل بسلاسة
وكمان عشان الدافوري الغباره في السماء ووسخ ملايات بيتكم.
بالله القلع لسه بيعمل ودافوري مربع 8 قائم يااااخ وين الريس
د.طارق يدينا أخبارهم وأنت عليكِ بمربع 9 ودافوري ناااس محمدو
وناجي الطيب وخرخرة عامر أبنعوف لك غوالي المعزة سارة.
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
قدورة
| Quote: ياكع فترتا ولا شنوا |
والله كان فترتا ماعااارف !!!
كمبا.
Quote: كع الله يديك العافية
حضورك حضور لكل الجمال والبهاء |
بالله شوف بابكر وراشد قالو شنو ادوني احساس
انو اخوك شفط عدييييل كدي
ابو قصي ..
Quote: أخونا كع حارس البوابة الأمتدادية لك محبتنا ياجميل واصل كفاح فلنلتقي بجيل البطولات ونقدم
التضحية معاً،،،
أسلك طريق خريص وأعمل حسابك من الجسر الممتد معك حتي وقت الغروب ننتظرك . |
متابع صاح الصاح.. بس شويه تهديد كدي اليومين .. عارف النظريه ياحبا..
والله الجسر ده زاتوو الجايب لينا الفقر يا شيخ ..
راشد ..
| Quote: ود كع الظاهر كبرتة او يكون فايروز الدوحة وصل ليك |
 
شكيتكم علي الله انت و بابكر .. لالالا ناس الدوحه حساسين خاالص دايرين النت في البيت ولا المكتب
نحنا النت بنزكو ليك في اي مكان.. لا فايروز ولا حزنون يا حبا
بنيت كرودي التضغير هنا للتمليح
Quote: ياود عبدالرحيم غيرت شعارك مالك انشاءالله خير ........
نسأل كع وله منو يخوانا ؟؟؟؟ |
انت برضو ما خاته الجني ابصلعه ده ..نيو لوك مميز
ـــــــــــــ
والله اليومين الفاتو ديل شويه تهديد .. ورمان العربيه بايظ
احتراااااااااااااااامي
| |
|
|
|
|
|
|
| |
AWAD MAHMOUD OSMAN
عبدالله كع
مجدي عبدالرحيم فضل
Taha Babiker
بابكر التوم
طارق جبريل
بدرالدين يعقوب
بكرى الخليفة الكتيابى
امير عوض الجمري
محمد عبد الماجد الصايم
فيصل محمد خليل
NGABY AJOOZ
فيس بوك
تويتر
انستقرام
يوتيوب
بنتيريست