|
|
 Re: (4) امتداد الدرجة الثالثة ذلك الحي المتفرد (Re: ابراهيم محمد موسي)
|
أخي الجميل جني (حيدر محجوب) روعة مربع 14 في كل فرد سكن وأنتقل ولكل الذين يقطنوه حاليا ألفين سلام فعلاً السرد متواصل وما زكرتهم لم يسقطوا من الذاكر بل هم في الوجدان وذاك الصف بدءاً بمنزل دكان علي الشايقي عثمام عمر والد ناااس عادل حلاوة والعم حسن كنيش ومنزل صقراب مهدي ،أحمد،الهادي ويحي ،ومن ثم منزل عبدالله البناء ومن ثم منزل سامي عثمان(داقوس ) وعمي عبداللطيف التيمان عباس ،وعادل،وعلاء والخالة فضيلة ونااس عبدالرحمن جاه النبي ،منصور،أنتيكا ،محسن،مؤمن،معاوية وناااس بادية وإبراهيم،وعمر ،ومحمد وللعم علي شقيق المرحوم محمدأحمد جلود والد معتصم ،وناااس أحمد داؤد (الحلبي ) والمرحوم حاجة هانم وناااس عبدالله صالح الحداد وجنابو قطبي وناااس السر أم بعيره وأعلام لاتنسي جني بس الزاكرة عشوائية تتقلب من كل لون نصيب لك مودتي الحبيب حيدر محجوب ،إبراهيم محمد موسي هل تزكرت هذا الجميل هو حيدر محجوب لا غير أرجع بالزاكرة علها تصحي بك إلي أحباء هم مازالوا بالزاكرة والمربع ياجني من أكبر مربعات الأمتداد إحصائياً بعد 13و11 ثم 14 وتجئ بقية المربعات .
لك عميق مودتي جني وتحية لأسرتك الرائعة.
هي أشجان تأتي عندما نسمع عن أي شخص ينتمي للمربع والأمتداد الحبيب له تجليات خالدة وقد غبت عنه كثيراً وهو مازال يصحبني في ترحالي له شوقي وعظيم أمتناني .
،،،،أبوقصي،،،،
| |
 
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
الأخوة الأمتداداب
نأسف للأنقطاع ... في الأول كان تهكير اختياري من شخصي الضعيف ثم جأءني تهكير إجباري
واليوم الصباح الحمد لله أرسل لي المهندس بكري مشكوراً باسورت جديد ..
أثني رأي أخي معاز سري فيما يكتبه .. ولي عودة لٌلإدلاء في هذا الموضوع .
وأشدد من ازر أختي سارة محجوب في المناشدة لعودة نصفها الثاني الأخت نسرين
ظريف البوست عبد الله كع الشوق مطر لكم ولقفشاتكم ..
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: Sara Mahgoub)
|
صباح الخير ياشباب
ابراهيم محمد موسى
اخونا عادل محمود ماقادر يدخل بالباسورد القديم
وهو طبعا من الجدد يعنى نفس حالتكم انت وراشد ابنعوف
وبكرى مارسل لية باسورد جديد ارجو الاهتمام ومعالجة
مشكلتة مع بكرى وانشاء الله مانعدمك
ـــــــــــــــــــــــــــــــــــــــــــ
نسرين بالجد مفتقدينك فعلا
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: ahmed khidir)
|
الأخ معاز شغلك نضيف زي قال الرئيس والخريطة توضح
مدى جمال الحي المتفرد شكلا ومضموناً
بالمناسبة في الصورة الذي أنزلتها تفاصيلها كالتالي
الأول من اليمن رفاعي عبد العاطي حجر (بورداب جدة)
يليه ، مجدي عبد الرحيم
ثم يليه ، عادل عوض بلال
ويليه خالد الجزولي (عضو سودانيز أون لاين)
وأخيراً ازهري محمد موسى (كان مدرب فريق الصحراء في الفترة التي لعبنا بها بالرابطة)
وهو شقيق عاطف محمد موسى
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الى احبتى واخوتى واخواتى بالامتدادمن 1 والى 14 عدنا والعود احمد وبكم وبنا يطيب المقام احى الجميع دون فرز . بعد غياب دام مدى اسبوعين بسبب فقدان الباس ورد ولاكن احى الاخ بكرى على مجهوده الجبار والعوده من جديد بقوة وبثبات
ولكم جميعا ودى واحترامى وتقديرى
عادل محمود الدمام
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الاعزاء :عادل عوض بلال ، طارق جبريل ‘ عامر تيتاوي ، سارة محجوب شكراً كتير.
كل التحية والاحترام لجميع ابناء الامتداد الاعضاء وغير الاعضاء الذين يطالعون ما نكتب بصورة يومية :
o اخوتي الاعزاء هدفي ان نضئ الطريق لمن بعدنا من اخواننا وابنائنا ، باثراء البوست بالاشياء التي تفتح عقولهم وعيونهم على المستقبل ، وتفادي المشاكل والمطبات التي واجهتنا فى بداياتنا خاصة من الناحية الاكاديمية على سبيل المثال:
لفت نظرهم لاهمية اللغة الانجليزية كلغة عالمية يرتبط بها مستقبل كل شخص باحث عن مستقبل مشرق فى جميع مجالات الحياة "طب ، هندسة ، اقتصاد ، تجارة ، كمبيوتر ،وغيرها من المجالات" لتفادي الخطأ الكبير الذي وقع فيه كثير منا باهماله للغة الانجليزية واعتبارها مادة صعبة وغير مهمة ، يجب ان نوعيهم باهمية اللغة الانجليزية ، والاستفادة القصوي من الوقت فى اتقان هذه اللغة ، يمكن ان نضع برنامج يومي لتعلم كلمة او كلمتين من اللغة الانجليزية .
جميع الوظائف الكبيرة فى الشركات الكبيرة تتطلب اتقان للغة الانجليزية تحدثاً ومخاطبةً.
الالتحاق بجميع الجامعات العالمية يتطلب شهادات فى اللغة الانجليزية.
TOFEL (Test of English as a Foreign Language) .
IELTS (International English Language Testing System ).
طبعا الحصول على هذه الشهادات لا يتطلب مستوي اكاديمي محدد ، او عمر محدد يمكن الحصول على هذه الشهادات فى جميع المراحل الدراسية ، وفى جميع مراحل الغمر .
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: سلام يا ناس يا زوق
كع واصل ابداعك تعرف قبل
موقعة الهكر الاخيره
رسلت ليك رساله فحواها
المره الجايه انا اول واحد برشحك للرئاسه
دا بعد اذنك يا ريس.. طارق
لكن الهكر شال الرساله معاه .
|
يا احمد خضر
اها داير تقوم علي حركات مصطفى سري والانقلابات الفالصو
ياخي انا رئيس على الطريقة الأفريقية
يعني كرسي الرئاسة يحلو مني الحلة بلة
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: omar arbab)
|
Quote:
يا احمد خضر
اها داير تقوم علي حركات مصطفى سري والانقلابات الفالصو
ياخي انا رئيس على الطريقة الأفريقية
يعني كرسي الرئاسة يحلو مني الحلة بله
|
طارق جبريل
انا ما بتاع انقلابات نحنا مظاهرات بس
وخلى الكوره واطه......... وبطل الجرسه
والعب حريف......
خصوصا بعد تشجيع فريق الجندر القادم بى قوه
اها بعد سياسة الكنكشه دى انا سحبته كلامى
وكع نائب رئيس
كدا كيف........؟
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: طارق جبريل
انا ما بتاع انقلابات نحنا مظاهرات بس
وخلى الكوره واطه......... وبطل الجرسه
والعب حريف......
خصوصا بعد تشجيع فريق الجندر القادم بى قوه
اها بعد سياسة الكنكشه دى انا سحبته كلامى
وكع نائب رئيس
كدا كيف........؟ |
كدي خلينا اتشاور مع رئيس الورزراء تيتاوي
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
العوااااافي
بالله يا عماد و ياساره خلو الحركات الميته دي ...
Quote:
عندى لستة مشتبه فيهم بختها ليك على الايميل ( لذوم منع الشمار وكده) |
كونو واضحين .....
مشتبه فيهو .. (كع هو الاتصل بالفكي وعمل شلل اطفال لفريق الرواكيب )
كدي الموضوع انتهي يلا شوف ليكم موضوع تاني ..
يا خونا معصور لي جنس عصره ..
1- زحمه في الشغل .. مع شويه تهديد ..
2-ام مصعب علي مشارف ان يهبها ربها غلاما زكيا ..
3- زحمة شغل مع شويه تهديد
4- حتي الاستاذ مصعب اصبحت لهو طلبات .. وعاملي فيها الود طالب
5- زحمة شغل مزهجاني للطيش وابت تنتهي مع شوية حركات من ام مصعب
ومصعب نفسه ... والوغد احمد
ــــــــــــــــــــــــ
جاي ليك يا معاذ السر ... النقابي العجوز وكمبا سلامات ؟؟
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الرائعون حد الجمال
ابناء الامتداد الاشاوس
ان شاء الله تامين ولامين، وبركة الشفناكم طيبين
والله يا عبدالله كع بس شغلتنا اموالونا واهلونا عشان كده انقطعنا عنكم لكن مافي اي حاجة تانيه وبعد ده ح نعمل ليكم وجع وش عديل كده، وشكرا ليك على السؤال عزيزي
والتحية موصلة للفرد طارق وتيتاوي، وسامع تحت تحت كده قالوا بكري الخليفة معانا، ما قادر الاقيه لي هسع، تحياتي لك بكري اين ما كنت وان شاء الله دايما متواصلين
والتحية موصولة للجميع دون فرز
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote:
الرائعون حد الجمال
ابناء الامتداد الاشاوس
ان شاء الله تامين ولامين، وبركة الشفناكم طيبين
والله يا عبدالله كع بس شغلتنا اموالونا واهلونا عشان كده انقطعنا عنكم لكن مافي اي حاجة تانيه وبعد ده ح نعمل ليكم وجع وش عديل كده، وشكرا ليك على السؤال عزيزي
والتحية موصلة للفرد طارق وتيتاوي، وسامع تحت تحت كده قالوا بكري الخليفة معانا، ما قادر الاقيه لي هسع، تحياتي لك بكري اين ما كنت وان شاء الله دايما متواصلين
والتحية موصولة للجميع دون فرز |
لا حووووووووله ..
الزول الطلع ( لاما مشدوده) لينا كرعينا نار جهنم بس ..
ياخي ندخل من هنا انت تكب الزوغه من هناااااك ..
كنت من ناس البراني ومتابع تجلياتكم منذ بديات القرن
الحالي .. و تمنيت من اكون من بينكم .. ولكن عندما قالها كوني .. وبقيت
والحمدلله .. القوم الاخرنين ركبو تكسي ورجعو ( ياسر حنا ومن لفه لفه )
يازول قدنا عديل كدي ...
ربنا يحفظ لكم اهليكم ويذيد لكم اموالم ويبارك لكم فيها
خميس زي الورد ....
الليله المطر جاكم ...
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote:
بتــــســـــخـــــن !!!
( مـــــهــــكـــرا) ,, ,, |
والله العظيم اشتقنا ليها .. واشتقنا لصباح الخير حقته ...
بالله يادكتور طارق - يا حمد اخضر - ويا ابراهيم ابو خليل - ويا مني يت خوجلي
فكو لينا( نسرين )من الاسر ده ... بجيها تضخم !!!!!!!!!!! 
عماد محمود انت وزير دفاع علي شنو ياخي ؟؟؟
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
يا معاذ سلام
كلام صاح وميه الميه .. والخريطه زاتها زي العسل خليتنا نلفلف في الامتداد ونستعيد اشياء كانت في تلك الشوراع البهيه ...
Quote: عارف نفسي مسيخ وبايخ لكن المصلحة العامة تتطلب ساعات من الجد ولحظات من الهزل؟
|
حاشاك والله العظيم من المساخه
Quote: يا شباب يجب ان نكون قدوة لاخوتنا الصغار وابنائنا :
• خلال مرحلت المراهقة والتي صادفت دخولنا المرحلة المتوسطة ، لم نكن ندري باهمية الزمن وعلاقته بالمستقبل فى تلك الفترة والتي تتكون من خلالها ملامح مستقبل ، للاسف لم يكن للكثير منا شخص يدله على الطريق الصحيح :
o هناك من سلك الطريق الصحيح حيث المستقبل المشرق بناءاً على وجود قدوه حسنه فى الاسرة تدله على الطريق الصحيح .
o وهناك من ضل الطريق لفترة من الزمن ، بسبب الاهمال لفترة بسيطة من قبل الاسرة ، ولكنه وجد اخيراً من يدله على الطريق الصحيح .
o ، وهناك من ضل الطريق الى يومنا هذا خرج ولم يعد ، وهذا الفشل له اسبابه الكثيرة والتي يجب ان ناخذها فى الاعتبار حتي لايقع فيها اخواننا الصغار وابنائنا فى المستقبل |
شوف يا معاذ السر .. طرحك للموضوع ده هنا له تاثير كبير علي ناس الامتداد وحسب علمي ان معظم ناس الامتداد متابعبن البوست وبكل تاكيد .. سوف يلفت انتباه الغافل عن اخوانه وجيرانه مما سوف يشحذ فيه روح المبادره للاخذ بايادي هؤلاء الشباب الي الطريق السليم ..
ولك الشكر لنكت هذا الموضوع المهم ... والله يخدر ضراعك
راجع تاني.......
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: الأول من اليمن رفاعي عبد العاطي حجر (بورداب جدة)
يليه ، مجدي عبد الرحيم
ثم يليه ، عادل عوض بلال
ويليه خالد الجزولي (عضو سودانيز أون لاين)
وأخيراً ازهري محمد موسى (كان مدرب فريق الصحراء في الفترة التي لعبنا بها بالرابطة)
وهو شقيق عاطف محمد موسى |
عادل سلام من القلب ... خوة لله كدا اشواق
الساده الفوق ...
تحايان لهم الرائعين ابناء الامتداد ..
يا حجر .. مكانتك محفوظه برغم الذي كان في بوستك داك..
ازهري .. لدي صحبه حميمه من ناس الصحراء ... تمساح ..ويونس
الفاتح طه ..
ـــــــــــــــــــــــــــــــــــــــ
مدثر ماتشوف ليهو مخارجه .. من الاميلات دي
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
| Quote: والتحية موصلة للفرد طارق وتيتاوي، وسامع تحت تحت كده قالوا بكري الخليفة معانا، ما قادر الاقيه لي هسع، تحياتي لك بكري اين ما كنت وان شاء الله دايما متواصلين |
عييييييييييييييييييييييك
الكوامر دي تاني عمروها متين
ههههههههههههههههه
والله يا حنا ليك وحشة اي نعم انت معارضة
لكن معارضة كندشة ساكت
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: ابراهيم محمد موسي)
|
Quote: عييييييييييييييييييييييك
الكوامر دي تاني عمروها متين
ههههههههههههههههه
والله يا حنا ليك وحشة اي نعم انت معارضة
لكن معارضة كندشة ساكت |
ياود جبرين اعمل حسابك
ياسر حنا ده اعصار جونو زاتو ما مرقوا
ده ياريس طلع مع الهكر
ياسر حنا يعلم الله مشتاقين ليك
جنس شوق
لعلك والعيال وامهم بخير
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: نسرين جمال)
|
كعكوعي :
مشتاقين وكده ...
| Quote: عماد محمود انت وزير دفاع علي شنو ياخي ؟؟؟ |
أها كده كيف :
| Quote: سلاااااااااااااام للجميع انشاء الله كلكم بخير وبصحة تامة |
| Quote: يا عمدة كيف صحتك انشاء الله بخير اها اخبار التمرين كيف انا جاية مستعدة |
نسرين ســـلاااااام ، حمد لله على السلامة ليك وحشة وكده ... غايتو نحن كنا خايفين عليك من جماعة الكادوك ديل ربطوني أنا وسارة علشان كده قلنا نخليك مختفية علشان يقولوا مالاعبة الماتش وتنزلي الميدان وتبهدليهم .. لكن حرقتي الخطة هسع أها يقوموا يربطوك معانا تاني الاقوان الا يجيبوها في نفسهم براهم ....
| Quote: كنت بتمرن كويس في الميدان الجنبنا |
ياكع ما تصدقها ياخي هي بس بتهظر .. يعني بتقول ليك كانت بتشاهد التمارين في الميدان الجنب البيت القريب منها علشان تستعد بعد كم شهر كده للمبارايات الجاية يعني هي لسع ماجاهزة ما تخاف ياشخص نسرين خراج التشكيلة وكده ... ( نسرين ) جيبي أضانك النقول ليك أنا بقش فيهو علشان مايربطوك وكده ....
سلامي للجميع
كابتن فريق الجندريات
عماد محمود علي
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عماد محمود علي)
|
عمـــــدة صبـــــاحــــك نـــور وعـــافية تــــدوم انشــــاءالله ,, ,,
نســــريـــن حمـــدلله عـــلى الســـلامـــه ومـــاتــغيبـــى لــى شينـــه ,, ,,
نـــورتـــى البـــوســــت ,, ,,
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: يا بورداب الامتداد عاوزين نفرز الكيمان
معاي ولا مع الريس طارق جبريل
الما معاي بجيب ليهم الهكر
التحية لكل الامتداديين |
وزير شؤون الاقليات هليل
لو في حاجة محتاجة للنقاش
ما تنشرها للصحافة خليها لاجتماع مجلس الوزراء
............................
- د.حانم حمدتو
- معتصم العربي
- احمد جمعة
- صديق حمدتو
- عبد الحليم
- سيد محمد سيدنا
- عصام ابو دية
- ناصر جبريل
- امير الجمري
- راني
- بنات الخليفة
- مصطفى سري
- عوض كمبا
-وآخرون
مالكم مجافننا
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
نحن نندرج تحتها بس مره مره بنتاوك بالشباك وعارفين المتواجدون بالداخل ينوبوا عننا ويمثلونا خير تمثيل وعامل السن برضوا يؤخذ في الحسبان ياريس .
أبوخليل :
سلام ياصاحبي الصورة ماشاءالله شباب أنت وعثمان وعمر بانقا والعازف العملاق مخائيل تشكر ياجميل واصل معانا وهمتك في دخول عوض عمر ومحاسن نصر ومدثر قرجاج وكمال يوسف جنابو، سمخ
حضور غير متوقع للعملاق ياسر حنا تحية وشوق شديد أنت لو ما الهكر ده ما كان ظهرت ولا كيف علي العموم عيار ثقيل يزن البيت الأمتدادي ونقول مع الريس طارق مزيد من هذة العيارات الجميل ذهب 21
خليك بالداخل ياسر ولا تغيب علينا.
كع وفريقه والفريق الجندري سلام للروعة المفرهدة شوق بالدرجة الثالثة مربع مربع وخريطة الطريق يامعاذ سوف نصلها مربع مربع بس شوية روقه ونجيكم بالباب .
تيتاوي ياجميل شوق لك ولود خضر الرائعه والجابكم يجيب العقاب مصطفي سري مختفي مالك ومجافينا.
أمير وصديق حمتو والدكتور حاتم وصل ولا في المربعات الأربعة عشر مازال يتمرن السؤال محول لصديق حمتو.
ناصر جبريل ياصحبي وينك ؟
الجميع سلام ومحبه،،،،،،
،،،،أبوقصي،،،،
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
العزيز ابوقصي
كيف اخبارك واحوالك؟ والبركة الشفناك طيب
والتحية موصولة للعزيز تيتاوي، يازول جونو شنو انحن توسنامي ذاتو ما بشيلنا، لقيتونا مافي واتفسحتوا في الساحة
العزيز سيد الحوش طارق
كدي خليني اقرا الخراطة السياسية للبوست ده بتمعنخصوصا بعد الغيبة الطويلة وظهور بعد القوى الحديثة في الساحة فالمسالة عايزه ليها صنة وتجميع قوات وكده، وبعدها من اراد ان تثكله امه ويتم عيالة فايلاقنا وراء جهاز المغتربين
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
كتب مجدي ابوقصي
| Quote: تشكر ياجميل واصل معانا وهمتك في دخول عوض عمر ومحاسن نصر ومدثر قرجاج وكمال يوسف جنابو، سمخ |
يامجدي وصلني ايميل واحد من السعودية اخونا في مربع 6 فريق الوحدة
Quote: الأخ إبراهيم السلام عليكم
كيف حالك و أحوالك ،كانت لدي عضوية قديمة منذ عدة سنوات وقد نسيت كلمة السر مع ضغط العمل والحياة وسوف أرفق لك البريد الإلكتروني القديم الخاص بالعضوية
وقد إرسلت أكثر من عشرين بريد إلكتروني للأخ بكري لأعادة كلمة السر والعضوية ولكن للأسف لم يصلني منه أي رد
مع خالص الشكر
مجدي عبد الله محمد أحمد/ الأخ الصغير لمحمود حوته( طبعاً أكيد عرفتني) فريق الوحدة
مربع 6
الأخ /أزهري محمد موسى موجود معنا بمدينة جدة ونتقابل في المناسبات وأيضا عادل عوض ومجدي وسمير وصديق حمدتو وأولاد العاقب وعبدالمجيد مختار وعصا الرشيد وآخرون
الأسم المستعمل مجدي عبدالله محمد أحمد
البريد الإلكتروني القديم هو [email protected] |
مرةتانية يامجدي انا عاوذ ايميل الشباب لوضع الباسورد
ابوخليل
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
عمـــــدة صبـــــاحــــك نـــور وعـــافية تــــدوم انشــــاءالله ,, ,,
نســــريـــن حمـــدلله عـــلى الســـلامـــه ومـــاتــغيبـــى لــى شينـــه ,, ,,
نـــورتـــى البـــوســــت ,, ,,
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: omar arbab)
|
سلام واشواق لكل الاحبة ..
غيابي طال انا عارف لكن الله عالم بالظروف ..لكن برضو بنرجع لاهلنا واصحابنا مهما طال
الغياب ...
شفت المواضيع المهمه برضو الناس لفت وفاتت من بعيد والباقي دقه طناش ذي ماقلت
المهم حارجع تاني مهما بعدت السكة ,,والمشوار ..
ارباب اخوي فاتتك حفلة الف ليلة وليلة في انجمينا (اورليانز) الجايات وبالله سلم ل
علي العروس واعمل حسابك في زول يمد قرعته ,,
حنا علينا وجاء مالو الزول ما كان هارب اه بقي معانا وللا لسع قواصه ....
الكع جيتك بالباب والله البرد جانا عديييييل لكن ما خلاص الواحد ادمن التلج والبرد
اها الاخوان ديل قلنا نجيب البوستات في صفحه عشان الناس تعتل معانا
ياابوقصي الشوق مطر بحاول بكرة اقابلك في المسنجر ,,,
ابوالسيد عودا حميدا اخوي حاولت اتصل بك في وفاة الوالدة رحمها الله فوجدت تلفونك
في مكتب الظاهر انت نسيت التلفون والراجل كان منتظر منك مكالمة ..
يااخوانا اعذروني والله كلها ساعة بس
لكم محبتي وودادي
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: الاخ طارق جبريل
خريطة جميله للامتداد تلك التى طالعناها فى البوست فقد وصفت بدقه متناهيه معالم امتداديه بارزه ومربعاته ال14….. الخريطه مع روعتها احسست انها ليست ذات قيمه معينه على الاقل فى هذا التوقيت، لاادرى لماذا تذكرت انسان الامتداد وانا اطالع الخرطه فهو الذى يملأ كل المساحات فى هذا الرسم الكروكى عندها تيقنت اننا لسنا بحاجه لنرسم اسواق وشوارع ومدارس ومربعات الامتداد بقدر مانحتاج لنعرف هؤلاء الذين يعمرون الاسواق ويملئون الشوارع ويدرسون فى المدارس فيجعلون من ال14 مربع نبضا لاينقطع.
الان دعونا نستعرض اهم معالم الخريطه الامتدايه وعلاقتها بانسان الامتداد ولنرى ماذا حدث وماذا خلفت السنوات فيها …. …رابطة الامتداد التى لطالما اججت تلك الروابط الانسانيه فى الامتداد وذادت مساحات الود على امتداد ذلك الملعب الذى شهدنا فيه احلى الاوقات منافسات ودورات وبطولات ومختلف الرياضات شهدنا روعة نادى الصحراء وسيطرت سلام 4 وفن الجزائر ابداعات سلام 11 وحلاوة النجوم وتألق الاتحاد وانضباط الدينمو اليوم لا يوجد كل هذا ومع ان ميدان الرابطه سيضاء بواسطة تلك الابراج من جوانبه الاربعه وربما يكون هناك نجيل لكن هل تعود حلاوة تلك الايام واذا سلمنا بهذا فبمن تعود بالمعنى الواضح لقد ماتت المنافسه وهجر الامتدايون الرابطه وتفككت تلك الاتيام الجميله فهيهات مع التمنيات بالعوده.
نادى الامتداد منارة الامتداد كان فى الزمن الذى مضى ملتقى لكل الامتداديون توجد به كل النشاطات تنس الطاوله الكره الطائره الفرق الموسيقيه والمسرحيه واسابيع ثقافيه غايه فى الجمال…اليوم نادى الامتداد تحيط به المبانى من كل اتجاه للأستثمار لايوجد نشاط بالنادى سوى الكوتشينه ودخان الشيشه وخلال عام كامل لم نرى او نسمع بنشاط ثقافى غير تلك الامسيه الرمضانيه التى تغنى فيها شاويش امادون ذلك فيقتصر على صراعات الكراسى ولم يأتى حتى الان وعبر الانتخاب الحر الذى اعشقه مجلس اداره يحقق مايصبو اليه الامتداديون واقتصر النادى على مجموعات معينه ظلت تسيطر على النادى لسنوات طويله والبقيه كالضيوف يأتون من حين لى اخرمع التمنيات بالعوده السريعه.
سوق الندى الذى كان مكتظ وتجد فيه كل مستلزماتك اليوميه اليوم لاشى حاله كحال سوق الجوهره …مستشفى الاكاديمى اضافه جديده للامتداد فقط كمبنى يشغل حيزا فى الارض اما كخدمات لانسان الامتداد فلايوجد،، خدمات رديئه الاخصائيون يأتون يو م واحد فى الاسبوع لساعات فقط الاطباء الجدد يتبادلون الرسائل والاغانى عبر البلوتوز وفى وسطهم مريض تقتله الحيره والدهشه وهو يسأل نفسه كيف لهؤلاء ان يعطوه الدواء الناجع ؟ اخطاء قاتله اودت بحياة كثيرا من ابناء الامتداد …اما مدارسنا الحبيبه فقد تهاوت منذ امدا بعيد ولاعجب فى ذلك فالتعليم منهار فى كل مؤسسات الدوله فماذا سننتظر فى الامتداد؟.هذا حال اهم معالم الامتداد التى وردت بالخريطه والان دعونا ندخل مربعات الامتداد لنرى مااصابها........ كان الامتداديون فى الزمن الذى مضى تواصل وترابط ونبل وفضيله كانت الناس نفوسها صافيه وارواحهم جميله بالكاد تحس بالملل او الاستياء ففى ربوع الامتداد انت موعود بشتى ضروب البرنامج المختلفه كنا مجتمع متماسك لكن انظرونا اليوم
الاجيال الجديده تعانى من خطر التصدع والانحراف الاخلاقى والمخدرات صارت خطر يهدد كل الامتداد شباب فى مقتبل العمر ادمنوا دون حسيب ولا رقيب،، الان المخدرات صارت الهم الاول فى الامتداد ودون شك اذا لم نتدارك الامر سيرثها جيل بعد جيل وستكون محصلة الاجيال صفرا كبير نضعه فى خانة الاحباطات والبؤس الذى صار علامه بارزه فى مسيرتنا... الحال هنا فى الامتداد بلغ الهاويه البعض سيقول لى انه حال كل الوطن ولكننى استغرب كيف نكون امتداد الدرجه الثالثه حى متفرد ربما كنا نتحدث عن الماضى البعيد وربما كان هذا البوست الامتدادى مخصص فقط لامتداد الامس واذا كنتم تتحدثون عن اليوم فيوسفنى ان اقول انكم بعيدين كل البعد عن مايحدث هنا وهى دعوة اطلقها لنطلق على هذه المساحه امتداد الدرجه الثالثه ذلك الحى المتفكك الى حين اشعار اخر واذا شئتم اطلقوا على هذه المساحه امتداد الدرجه الثالثه حديث الذكريات مع الوضع فى الاعتبار تلك الصور التذكاريه الجميله من الماضى اما ان نكون متفردين وقد بلغنا مابلغنا فاقول: مالكم كيف تحكمون.
العزيز طارق جبريل هى ليست نظره سوداء كما يمكن ان يقول البعض بل هو واقعنا اليوم فى الامتداد فلاداعى ان نهرب من كل الحقائق السالفة الذكر بكلمات الامل والتفاؤل ظنا منا( انو يوم بكره جميل) فقط بالشعارات وتلك الاغانى المحفوظه ..نحن لا نحتاج لنرسم خريطه للامتداد بل نحتاج ان نرسم تحديات المرحله المقبله تصوراتنا للحلول وحينها يمكننا ان نقول نحن مشينا الخطوه الاوله ومن خلفنا ستأتى خطوات وخطوات فقط نريد ان نحس من خلال البوست اننا فى خطر حقيقى حتى لا نستكين ونستسلم وللذين لم يروا الامتداد منذ سنوات اقولهم تطاول البنيان واختلفت الامكنه وبنيت المستشفيات واضيئت الملاعب ولعل اهم ماحدث ويلاحظ تلك الشوارع المناره والمرصوفه ولكن انسانها مهدوم ..فبئس طريقا مرصوف ومضاء ومنسق يمشى عليه انسانا مهدوم.
مدثر قرجاج
مربع 14
|
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: طارق جبريل)
|
ناس الامتداد ازيكم انشاء الله مبسوطين وباكامل عافيتكم
Quote: نسرين ســـلاااااام ، حمد لله على السلامة ليك وحشة وكده ... غايتو نحن كنا خايفين عليك من جماعة الكادوك ديل ربطوني أنا وسارة علشان كده قلنا نخليك مختفية علشان يقولوا مالاعبة الماتش وتنزلي الميدان وتبهدليهم .. لكن حرقتي الخطة هسع أها يقوموا يربطوك معانا تاني الاقوان الا يجيبوها في نفسهم براهم ....
|
سلام عماد كيف اخبارك انشاء الله تمام والله قلت انزل شوية الملعب مع سارة عشان ما تكون براهم
ويستفردو بيها ناس الهكرز ديل لكن ما عندك مشكلة برضو بنغلبهم
| Quote: ( نسرين ) جيبي أضانك النقول ليك أنا بقش فيهو علشان مايربطوك وكده .... |
عمدة اضاني معاك عشان كع دا ما يسمعنا (كع) ما ترخي اضانك معانا دا كلام سر
Quote: نســــريـــن حمـــدلله عـــلى الســـلامـــه ومـــاتــغيبـــى لــى شينـــه ,, ,,
|
سرور العسل كيف اخبارك واحوالك مع الهكرز ديل
انشاء الله ما يكونوا استفردو بيك لقوك براك
Quote: نـــورتـــى البـــوســــت ,, ,,
|
منور بيك انتي وناس الامتداد كلهم تسلمي يا راقية
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: نسرين جمال)
|
العزيز طارق جبريل هى ليست نظره سوداء كما يمكن ان يقول البعض بل هو واقعنا اليوم فى الامتداد فلاداعى ان نهرب من كل الحقائق السالفة الذكر بكلمات الامل والتفاؤل ظنا منا( انو يوم بكره جميل) فقط بالشعارات وتلك الاغانى المحفوظه ..نحن لا نحتاج لنرسم خريطه للامتداد بل نحتاج ان نرسم تحديات المرحله المقبله تصوراتنا للحلول وحينها يمكننا ان نقول نحن مشينا الخطوه الاوله ومن خلفنا ستأتى خطوات وخطوات فقط نريد ان نحس من خلال البوست اننا فى خطر حقيقى حتى لا نستكين ونستسلم وللذين لم يروا الامتداد منذ سنوات اقولهم تطاول البنيان واختلفت الامكنه وبنيت المستشفيات واضيئت الملاعب ولعل اهم ماحدث ويلاحظ تلك الشوارع المناره والمرصوفه ولكن انسانها مهدوم ..فبئس طريقا مرصوف ومضاء ومنسق يمشى عليه انسانا مهدوم.
لماذا دفن الرؤوس في الرمال ان كانت هي الحقيقة والواقع !!!!!!!!
لماذا التخفي وراء اوهام لا تمت بصلة للماضي الجميل !!!!!!
كنت اعتقد الحزام الاخضر مازال اخضرا ولكن علمت ان الاخضر اصبح يابس وبدل الزهور والحدائق
اصبحت طوب واسمنت ...بيعت بأبخث الاتمان .......
والمستشفي الذي يفترض ان يكون نعمة علي ارضنا صارت مرتع للصعاليق امثال مامون حميدة
ولكن هذا الخراب مؤسس من شاغلي الوظائف العليا من رئيس الجمهورية الي اصغر منتمي لحكومتة
الرعناء ..الفساد استشري في كل البلاد كل البلاء حل علينا من حارقي البخور والصفاقة
لن ينصلح الحال لان الفقر ضرب جزور الانسان السوداني في كل مكان في المليون ميل مربع
وماان دخل الفقر دخل من خلفه الفساد والجريمة ومات الضمير وخرج الاخلاق باقرب الازقه
اخي مدثر كما قال محمد احمد المحجوب الاقتصاد هين وساهل بامكاننا استعادته ولكن ان
ذهبت الاخلاق فلا عودة ..انا لست متشائما ولكن الامر اصبح صعبا والعلاج الناجع اصعب
ذكر احد الاخوان في بداية هذا الملتقي وحكي بحرقة بان هناك اشخاص من ابناء الامتداد منتمي
لجهاز الامن قاموا بممارسات لااخلاقيه مع ابناء الحي ومن هنا عرفت ان الامتداد تفكك وتشرزم وعليه العوض
لان ابناء الامتداد الذين ينتمون لاي جه رسمية نظامية يقومون باحتواء الامور بدون استعمال قوة
او اي سلطة مخولة لهم وحالهم يقول باننا من داخل البيت ويجب ستر ومعالجة الامور بحكمة..
ها نحن امام اشياء دخيلة علي مجتمعاتنا لم نسمع بها وان سمعنا نختشي وندخلها بند العيب حيث
العيب اشد من الحرام لكن.. وصلنا وتساوينا مع الاخريين في بعض الدول كنا نشوفها غريب علي مجتمعنا
هنا نحن نمارس نفس الاشياء فعلينا السلام للاسف ,,,,
الاخ مدثر قرجاج لك التحيه والتقدير في شجاعتك وللاخ معز السر كثير الاحترام وانتما تضعانا في
لب الحقيقه الغائبة واتمني مواصلتكم للمشوار فهذا يحسب لكما في ميزان الخير والمحبة.
انا خارج السودان قرابة ال17 سنة خروج بلا عودة وكما اسلفت اعيش علي الماضي الجميل
ومازالت الصورة هي الصورة القديمة الرابطة والملمات والمسطبة العلاقات الحميميه الجيران
المربعات شلليات الجامعة هكذا شبكة من الخيوط مرتبطه ببعضها البعض تمثل كل الحياة الجميلة
لاخلاف وحتي ان اختلفنا رفعنا الراية البيضاء نعود لمجاري المودة والاخاء بسرعة..هكذا كنا..
اخي مدثر اخي معز وجدنا الداء لنضع الدواء في مكانه حتي لوكان مؤلما ....
سؤالي اين ابناء الامتداد الغيوريين ؟؟؟؟
اين ابناء الامتداد في الشرطة والامن ؟؟؟
اين ابناء الامتداد الذين يعملون في مجال القانون والمحاكم والمجلس البلدي؟؟؟
اين ابناء الامتداد المتعلميين والمثقفيين ؟؟؟؟
اين خريجي الامتداد من الجامعات اصحابي التخصصات المختلفه في مجال الطب وعلم الاجتماع
وعلم النفس الخ ...؟؟؟؟
اخيرا لكم مودتي وكامل احترامي
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
ابو خليل ...
شكلك ز علته .. ما قصدي والله العظيم ...
يا عزيز ي .. بس جاتني في الخاطر حفلتنا حقت زمان والدنيا كلها مهججه
صدقني لي اكتر من سبعه سنه ما حضرته لي حفله ولا جبجبه زي دي ..
عموما لو في النفس شيئا .. من تعليقي لك العتبي حتي ترضي ..
اعتزاري :
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: ناهد بشير الطيب)
|
الأحباب الكرام ساكني الحي الدرجة الثالثة وشعبية هذا الحي الجميل هو من أتي بالتفرد وإن كان التفرد ماضي فأن الحاضر واقع والمستقبل أذهر بالإيمان بأن لنا أخوه سلكوا طريق غير سليم وهنا نقول أن العوامل عديدة ومتداخله منها الأقتصادية ومنها السياسية وهي الأمر وشكلة الأنهيار الإجتماعي الذي تحكون عنه ولعلنا فارقنا الدرجة والحي الأرقي من بين الدرجات الثلاثة والأحياء الشعبية ولكن هذا لا يعني أن نزكر الحاضر بأن بدون ماضي ولا يصل إلي مستقبل نخلقه بأيدينا وفكرنا وإيمانا بأن المعوج سوف يستقيم ومالنا نعرض القصور ولا نعطي إلي الحلول مساحة أمل وأكيد تغيرت أشياء كثيرة وليس في هذا أي شك وبقدر التغيير مازالت هناك إيجابيات نبني عليها وهنا نُرسل رسالة للشباب الغيور بالداخل أن يشكلوا أتيام من المربعات الأربعة عشر مربع يلتقون ويتفاكروا في إيجاد معالجات سريعة وناجعه لهذا الأمر أن أصبح بهذا الحجم المخيف لأن المتضرر هو في نهاية الأمر إنسان وله مساحة خير فيه ويسكن الأمتداد جسداً وعقله في توهان يحتاج لمن يضع خارطة للطريق والطريق ليس بعيد بجهود المصلحين سوف نبني مستقبل أفضل من الذي زكر ومع العلم بأن إيجاد الحلول عمل شاق ويحتاج للشباب المثابر والمؤمن بقضاياه وأن كان في 14 مدثر قرجاج وفي 13 معاذ السر بالتأكيد في عشرة ناجي وفي تسعة محمدو وفي سته شوكت وفي خمسة مصطفي سكوا وفي تلاته معتصم قلاب وفي أتنين عيسي جبريل وفي واحد صلاح وفي أربعه فاروق سعيد وفي 8 الباقر الخير وفي 7 عبدالحميد الصيني وفي 11 خالد عثمان وفي 12 محمود صالح ويمكن أن يشكل الفريق حصر المشكلة ووضع العلاج لها والمعينات تكون بالدعم اللوجيستي من المهاجر والمهتمين بالأمر من عُلماء نفس ومختصي إجتماعيين وذوي العلوم الدينية مثل الشيخ الورع الأخ الهميم علي حسين وأن تُخصص المنابر في المساجد للأمر وأن يعطوا الأباء وقت للأبناء ودمتم.
،،،،أبوقصي،،،،
| |
|
|
|
|
|
|
|
|
 Re: (4) امتداد الدرجة الثالثة ذلك الحي المتفرد (Re: ناهد بشير الطيب)
|
Quote: الأحباب بالدرجة الثالثة (الأمتداد الراقي )
سلامو من 1 إلي 14 |
ياهلا وغلا مرحبتين ستنا ... أهلين ناهد .. بي زيارتك بيتنا نور وبقى كله زينه ....
سعداء نحن بزيارتك وياريت تكتري منها وبالمرة كده نشوف ليك مطرح معانا هنا وتستقري بي جاي
 وفي إنتظار زيارتك مرة أخرى ..... ســـلام عماد محمود علي وزير الدفاع والطيران والمفتش والقائد العام لقوات شعب الامتداد المسلحة
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: يا كمبا سلامات كيف الحال اهو ظهرت اخيرا ياخ انا اببحث عن شخص عزيز من ابناء برى يدعى نادر بشرى وهو من موجود معكم ب لندن هل يمكن مساعدتى بالبحث عنه واكون شاكر
|
اخوي عادل محمود حبابك عشرة بلا كشرة يا ابوضراع
كيف اخبارك ومشتاقين والله ايام ربي يعيده تاني والتحية
عبرك الي كل الناس الحلوين بالشرقية
اها بخصوص ود بري نادر بشري انا حليا برا لندن ذي كلام راشد ابنعواف
في المسيكتاب بتاعة بريطانيا لكن عليك علي اجيب ليك خبره بكرة بعد بكرة
كلمت ود من بري بعرفك اسمو بكري ابوه كان رئس نادي وداي النيل ومنتظر منو
الافادة
مع خالص التقدير
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: AWAD MAHMOUD OSMAN)
|
يا كمبا والله شكرا ليك كتير وما عرفت بكرى ده منو فى الفترة الكنت بلعب فيها فى وادى النيل انا وصلاح وداعة ( حننى) كان رئيس نادى وادى النيل هو مامون مبارك امان شغل سكرتير اتحاد الكرة فى فترة وكان مدير شرطة العاصمة القومية ممكن تدينى تعريف كامل لبكرى ده اضافة الى انو عندوا علاقة ايضا ب المرحوم محمد جبارة والاخ ابراهيم جبارة
المهم ما بتقصر لو قدرة اتحصلت على التلفون الشخص ده او اى عنوان او بريد الكترونى او تلفون ثابت
ولك ودى
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
سلام يا شباب
عايز ارجع بيكم تاني لي حتة الالقاب دي لانه صراحة في ناس كدة والله لي هسة انا ما عارف اسمهم الحقيقي منو زي حنيني في مربع 4 يعني لو قالوا لي اسمه الحقيقي ما حا اعرفه....
حا ابدأ بي ناس مربع 3 و2 بحكم القرب لا اكثر على اساس ان يساعدني اخونا عماد محمود (((عيونو)))
وكل واحد فيكم يدينا القاب مربعه على اساس ان لا يكون هناك تجريح... يعني انا الناس الحا اذكرهم هنا ديل مشهورين بي القابيهم دي في مربعي 3و2 وكانوا عادي ناس بيتهم بنادوهم بيها:
- جمال هجو: ابو الريش
- احمد عبد الكريم: احمد كلوب
- حسن محمد صالح: حسن جهبوز
- ناصر جبريل: سلفر
- تجاني جبريل: تنو
- اسامة عبد الله: القرعي
- السر عبد الله: كاوندة
- ياسر عيسى: طرنزينو
- فيصل الحلفاوي: فيصل جالوص
- اسامة سلك
- عمر ابراهيم: كشكشة
- عطا ابراهيم: عطا منو
- معتصم مبارك: مطاعيمو
- عصام مبارك: البعيو
- هشام مبارك: زرقة
- سامي حسن: تكتك
- حسين حليتي
- حسين ابو الرقيع
- مهدي كندفة
- نصر الدين مجنغ
- نصر الدين نمتي
- محمد كجاجة
- عماد عيونو
- خالد صهيوني
- ياسر جني
- امير ظلفو
- عبد لقادر الخواض (قدورة): مُعَلم
- ياسر البزار
- عبد الخالق ميغا
- نصر الدين جوطاط
- صلاح حسو
يلا يا عماد ساعدني
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
| Quote: يلا يا عماد ساعدني |
حااااضر ياريس :
معاوية : تمبل باي ( رحمه الله ).
محمد إبراهيم : قلاب .
معتصم إبراهيم : زومو .
أسامه قسم السيد : نيقا .
راشد جبريل : إسنوكا .
مرتضى عمران : الكزو .
محمد عثمان عشيري : عربي .
خالد حسن : خالد قزازة .
مجدي عبد الحميد : مجقا .
عبد الكريم محمد علي : كركش .
عصام سيد : تمبل .
حمدي قسم الله : قلوه .
عماد قسم الله : بوكو .
الرشيد محمد علي : كديس .
فيصل محمد سيد : كرفس .
مبارك محمد سيد : زروق .
علاء الدين يسن : القرد .
أحمد إبراهيم : (.........) .
حسن بشير : كتكوت .
عوض سيد : كمبا .
الصادق بشير : نقا .
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
اهدي للجميع هذه الصورة لفقيد البلاد مولانا أحمد الميرغني ,رئيس الدولة السابق و نائب رئيس الحزب الاتحادي الديمقراطي ,سائلين له المولي عز و جل أن يتغمده بواسع رحمته و يلهم أهله و ذويه الصبر و حسن العزاء و إنا لله و إنا اليه راجعون .
الاخوان :
عامر تيتاوي ،عادل هوض بلال ، عماد شمت ، مجدي وعبد الرحيم، مصطفي سري ، صديق حمتو،امير الجمري وجميع الاخوة من هو الشخص الذي يظهربجانبه؟
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
ناس الامتداد
سلام عليكم جميعا
طبعا الواحد متلوم ومقصر معاكم في المشاركه
ولكن ما بيدى والله وانتو عارفين الهكر وكدا وهكر اسمي القديم
لكن الواحد عامل حسابو طوالي نزلت بالاحتياطي وتاني عندي احتياطي
بس الاسم ده مامتعود عليهو ولسه حاسي بيهو كده زي الزول بيقول
مريخ هلال ما هلال مريخ
اخونا كع الف مبروك المولوده ان شاء الله تتربي في عزك
ونسال الله ان يجعلها من بنات الوطن الصالحات
مجدي ابوقصي وينك مختفي ولا دي الرجفه بتاعت يوم 17
قدرة اخبارك شنو طبعا مربع واحد كله القاب حتى مربعكم عنده لقب حله العورة
لكن صراحه من اكثر المربعات نشاطا وحركه وحيويه
وياقدرة بديك سؤال اسم ابوسلبه الحقيقي منو؟؟
الريس طارق جبريل قلت ما بتفرز مربع واحد من مربع اربعه
طبعا ياريس شارع بيتنا هو البفصل ما بين واحد واربعه
يعني البيوت الفاتحه علينا نهايه واحد وانحنا بدايه اربعه
يعني لو جيت من شارع الصحافه زلط ودخلت بي استديو سمعه
شمالك حتي دكان ناس ابراهيم خيري ده واحد ويمينك
حتي ناس التاج محمد حسين وفتحي ده اربعه
طبعا ياريس قلت ليك استديو سمعه انتو ناس قديمين
عشان تعرف الوصف لكن اسي طبعا بوفيه سندس المفتوح
حليل استديو سمعه وايامه
ولكم كل الود
راشد ابنعوف قبل التهكير
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
| Quote: عامر تيتاوي ،عادل هوض بلال ، عماد شمت ، مجدي وعبد الرحيم، مصطفي سري ، صديق حمدتو،امير الجمري وجميع الاخوة من هو الشخص الذي يظهربجانبه؟ |
يا معاذ السر تحياتي
ياخ أنا من قبيل بسأل في نفسي وأقول يا ربي ده منو المتصور مع عبد الرحمن سيد ده !!!
تحياتي لك ولخالك العزيز عبد الرحمن سيد (وبالمناسبة أنا قابلتو في مارس الماضي في زواج شقيقتنا بالامتداد)
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
• تحياتي للجميع ،،،
• الاخ العزيز صديق حمتو
• تحياتي لك وللاسرة الكريمه ،،،
• كم اشتقنا لمشاركاتك معنا لاثراء هذا البوست العزيز علينا .
• الناس كلها بتسال عنك وعوداً حميداً.
• وما زال البحث جارياً عن الاخ العزيز مصطفي سري يا ربي يكون رجع الاهلية تاني ؟؟
• يا عماد تحياتي 8 سنة انا فى الخبر 100% بكون قابلتك .
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عامر تيتاوى)
|
شباب صباحكم نور ,, ,,
ياعمدة ورينا بتصغر الصور كيف ,, ,, تحياتى لفريقنا
نسرين رجلك ماحاره دخلتى وزغته اولادى ممتحنين خلى التمرين بعد الامتحانات ,,
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
يا عموري
والله يا خ نحن ناس كبرنا وبقينا ما بنقدر على المساسقة والجري كلنا ناور ساكت بلعونا كللامنا
العزيز طارق
يا اخوي نحن عندنا عيال عايزين نربيهم مالنا ومال دقوهو شالوا قرشوه
Quote:
عالم جبانات بي شكل !!!! بكاء وفراش واطه ...
|
رئيس اركان العدو
وينك يارجل والف حمد على السلامة وكفارة وسلامة ان شاء اللهK متلومين معاك والله العظيم
بعدين ده تكتيك بعيد المدى، عشان انت تتلخموا وكده ونحن في الوقت داك نكون جمعنا صفوفنا
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عماد شمت)
|
راشد ابنعوف
حمدالله على السلامة
Quote: قدرة اخبارك شنو طبعا مربع واحد كله القاب حتى مربعكم عنده لقب حله العورة
لكن صراحه من اكثر المربعات نشاطا وحركه وحيويه
وياقدرة بديك سؤال اسم ابوسلبه الحقيقي منو؟؟ |
يازول مربع (1) حياتنا على قولة عوض ابنعوف
يازول فعلا مربع كل الناس فية تحمل القاب بس
الزاكرة اصبحت خربة وبنجمع فى قوانا وبنجى نكبهم
- اسلبة .... اسمة الحقيقى هيثم على مااعتقد
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
ابو خليل ...
شكلك ز علته .. ما قصدي والله العظيم ...
يا عزيز ي .. بس جاتني في الخاطر حفلتنا حقت زمان والدنيا كلها مهججه
صدقني لي اكتر من سبعه سنه ما حضرته لي حفله ولا جبجبه زي دي ..
عموما لو في النفس شيئا .. من تعليقي لك العتبي حتي ترضي ..
اعتزاري :
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
صباح الخير
طبعا لقيت الصفحه بعيدة شديد واقتنعت انو كع مشغول مع الامورة الجديدة
الناس نايمه شديد ولا ده البرد ولا ادوكم عين ياناس الامتداد
وين ابوقصي وين امير الجمري وين ابوقاوون واميقو وين ناس الامتدادالام
جومو وين همام في امسترادم طبعا قصدي كمبا ووين معاذ السر
ووين اخونا ابراهيم ابوخليل وباقي الناس كلهم الناس البتجي تتاوق وتطلع
صديق حمدتو والله ليك وحشه وكم مرة سالت منك وقالو كنت في الرياض قريب
ورقمك ما عندي
راشد جبريل مالك عسي المانع خير ولا موسم الفروسيه بدا في الشارقه؟؟
اختنا نسرين برضو غائبه
واختنا سارة شكلك لسه بتجهزي في فريقك التعبان
حبيبنا عماد محمود اظهر وبان وعليك الامان المفروض تظهر الايام
دي ياعماد عشان بعد يوم 17 تاني ما بنشوفك
الريس طارق شكلك شغال تخطيط في مربع واحد واربعه
قدرة اجابتك صحيحه اسمه هيثم
عمادعويس طولنا من رؤيتك شديد وتكون ما متزكرني
وانا اكتر حاجه بتزكرها ليك جلساتك الفنيه بي العود في بيتنا
ومعاك محمد صالح البربري وانت تغني ما خلاص حب وانتهى وطول عمري ما بندم عليه
كانت ايام
ياكع هوي السمايه حددتها ولا لسه انا كلمت ليك الرياض كلها
جمعيه الزومه وجمعيه فريق المحس وجمعية ناوا والقولد
كلهم جاينك الا تعمل السمايه سليقه تعبت معاي يا معلم هع كع
بس كفايه كدا
راشد ابنعوف قبل التهكير
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الاخوة والاخوات الامتداداب الاحباب
لظروف الشغل وظروف خارجة عن الارادة لذلك كان الغياب
والشكر لكل الذين تفقدونا انا ومن غاب معي وانشاء الله سوف تظل الرايه مرفوعه
والامتداد زاخر بابنائهوالامتداد دائما وابدا في حدقات العيون .
* شكرا ود التوم وشكرا عماد عويس والشكر اجزله لابن اخت صديقي العزيز عبد
الرحمن سيد
الحبيب معاذالسر من ايام الخبر وتاني ماشفناك انشاء الله انت بصحه وعافية والبركة فيكم في وفاة جدك المغفور له العم سيد ,,,, الوجيه عبد الرحمن سيد منور كالعاده مع المرحوم احمد
الميرغني . والتهنئية الحارة والقلبية للاخ عبد الله كع بالمولودة الجدية (اية )
تتربي في عزك وعز والدتها
* الترحم علي كل اموتنا واموات المسلمين اجمعين .
| |
|
|
|
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
| Quote: دة الحالة يا حنا ما قلنا لي صديق حمدتو يطلع ليك (((جون قرنق))) |
يا دكتور طارق "جون قرنق قدس الله روحه وسره " ده سلاح الدمار الشامل ونحن ما بنستعمله إلا في ختام المعركة لكن في الوقت الراهن نحن بنستعمل "ربع" السلاح العندنا - وقع ليك الكلام يا حنا ولّلا نفتو هنا هسه دي !!! لول يا حنا وسائل الضغط كترت عليك !!!!!!!!
راشد أبنعوف - كيف أخبارك يا عزيزي والله جينا الرياض ولكن لم نحظى بلقياك - كيف أخبار جنابو عوض والشباب كلهم وبلغهم تحياتي ليهم جميعا - وبالله والليلة شدوا حيلكم وانستروا مع الموردة - عشان ما تمسخوا لينا كورة يوم 17 ساكت
| |
|
|
|
|
|
|
| |
مجدي عبدالرحيم فضل
عادل عوض بلال
بابكر التوم
moaz elsir
عامر تيتاوى
طارق جبريل
ahmed khidir
omar arbab
عبدالله كع
Yassir7anna
ابراهيم محمد موسي
فيصل محمد خليل
سيد محمد احمد سيدنا
AWAD MAHMOUD OSMAN
عماد شمت
ناهد بشير الطيب
Rashid Ali
صديق حمدتو
بدرالدين يعقوب
فيس بوك
تويتر
انستقرام
يوتيوب
بنتيريست