|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: العزيز : طارق جبريل بعد التحيه لاشك انك تحمل مسئوليه كبيره جدا تجاه هذه المساحه التى هى فى المقام الاول خصصت لابناء الامتداد فى الداخل والخارج ليكونوا فى تواددهم وتراحمهم مثل الجسد الواحد ودون شك هناك تباين فى وجهات النظر كما هناك تباين فى الاذواق ولكن كل ذلك لايفسد للود قضيه اذا كان بعيدا عن التجريح والمهاترات التى هى ودون شك يمكنها ان تفسد كل شى،،، ذكرت لك فى مداخلتى السابقه بخصوص نادى الامتداد ومايدور من احداث،،، لم اتعرض فى حديثى لتجريح شخص الرئيس اوغيره وربنا يعلم اننى قلت ماقلت بدوافع انسانيه بحته فما بالك لو كانت هذه الدوافع تخص واحد من افراد اسرتى لم اقصد بحديثى عن المصالح الشخصيه شخص الرئيس او قصدت ان له ارباح من وراء الادارة اوغيره فانا اعلم انا الاخ الرئيس يدفع من جيبه لتسيير النشاط فى النادى وهو فى شخصه انسان خلوق لم اعرفه عن كثب ولم اجلس معه من قبل ولكن نحن فى الامتداد تعودنا ان نعرف الاشخاص من خلال حديث الناس عنهم فليس هناك مواقف نبيله يمكنها ان لا تعرف فى الامتداد كل هذه الاشياء علمتها عن رئيس النادى ولم احتاج للمستندات او توقيعات لاعرف معدنه النبيل وحتى الصراع الدائر فى النادى تحفظت فى الاستفاضه فيه فالاختلاف فى العمل العام موجود دون شك فى ذلك اخى طارق،،،،،، ذهبت الى نادى الامتداد وانتخبت الاخ الرئيس وكل مجلس الاداره الحالى بطيب خاطر وكان بامكانى ان لا افعل ولكن احساسى بالانتماء لهذا الصرح العملاق جعلنى اهرول لكى اقدم جزء بسيط احس معه اننى واحد من ابناء النادى وهذا يعنى اننى لست على خلاف مع شخص فيهم يمكن ان نختلف فى برنامج او فى طريقة الاداره او غيره من الامور وقد كانت فرحتى عارمه عندما علمت انهم بصدد اقامة هذه الدوره الاخ طارق الامور فى نادى الامتداد تبدو ضبابيه والرؤيه غير واضحه وعندما اطلقت صرختى فى مساحتك العامره كنت انشد الحقيقه التى ضاعت فى ظل الصراعات كنت اريد ان اعرف لماذا لم تقام الدوره من حقى ان ابحث عن الحقيقه اين ماكانت ومن حقى ان افتح النيران فى كل الاتجاهات وان اصابة هذه النيران اشخاص دون قصد فهى دون شك نيران صديقه القصد منها تصحيح الاوضاع المغلوطه ان وجدت فانا لم اشكك فى سلوك احد اواتهمت احد انما وجهت عدد من الاستفسارات عبركم وهذه المساحه لى انا ولكل ابناء الامتداد ومن حق كل شخص ان يكتب ومن حق الاخر ان يرد دون غضاضات فالسيد رئيس نادى الامتداد بمثابة اخى الاكبر وانا احترمه كثير الاحترام يكفى انه جاء عبر تصويت حر نزيه وانا شخصيا استمتعت بتلك الممارسه الديمقراطيه الراشده الجميله والتى غابت عن وطنى زمنا طويل، وانا اعتبر اننا قد مارسنا فى نادى الامتداد بروفات ساخنه استعداد لمعركة الانتخابات الكبيره فى الوطن اليوم اخى طارق بدات اضع يدى على كل الحقائق المتعلقه بهذه الدوره فصرختى اتت اكلها ولحين اكتمال الحقيقه اود ان اشير ان اللجنه المفوضه لاقامة الدوره لم تقابل الرئيس فى شخصه ولم يرفض اقامة الدوره كماتبين فاللسيد الرئيس العتبه حتى يرضى لانه لم يكن على درايه بالامر وان كنت لم اتهمه فى مداخلتى السابقه بقدر ماكنت استفسره وكنت اتمنى ان يكون الرد عبر هذه المساحه حتى لا يظلم احد والله حديثى السابق كتبته قبل ان اطالع رد رئيس النادى عن طريقك اخى طارق ولك الشكر وله الموده فقد استمعت له ولم اكذبه اما بخصوص حديثك ان يكون البوست جامع لاهل الامتدا لاادرى ان كنت انا احاول ان افرق بينهم وان كنت تعتبر صرختى فى مساحة الامتداد فيها شى من هذا القبيل فتقبل اسفى،،،، كنا نحب ان ننتهج فى المساحه نهج جديد فى ممارسة الحريات عبر هذه المساحه والاخ عوض عمر كان له مطلق الحريه فى ان يرد على كل ماورد فهذا ديدن الاحرار شكرا لك لانك دائما ماتسمعنا وتحسنا وتشاركنا دون ان نرفق لك مايثبت صحة حديثنا،،، تريده بوست جامع لأهل الامتداد ونريده بوست جامع لهم بمختلف الانتماءات وهامش الحريات فلنتفق اولا ان البوست لكل قضايا وهموم ابناء الامتداد بعدها نجتمع فيه مدثر عمر قرجاج الامتداد مربع 14
|
الله يعلم يا مدثر كلماتك خلتني في حالة لا توصف لا قادر ابكي ولا قادر اعبر عن فرحي دي اخلاق الامتداد واولاده التي اعرفها والتي تشربت منها وكن على يقين ان اخونا عوض يبادلك نفس الشعور والاحاسيس زي ما تفضلت وذكرت وتأكد ان الاختلاف في الرؤى لا يفسد للود قضية من حقك تماما أن تبدي وجهة نظرك وتقول رأيك وبشفافية كاملة خصوصا انك ترتجي من هذا رفعة ذلك الامتداد العزيز علينا جميعا... هذا المكان (البوست) يا مدثر هو لكم انتم ابناء هذا الحي ملح الارض.. اختلفوا واتفقوا فيه ولكن في الاخير مهما كانت درجة اختلافنا فنحن ابناء لحي يعني لنا الكثير اسعدتني كلماتك وزي ما قال ليك اخونا عماد عويس قدم طلب للالتحاق بسودانيز اون لاين وسندعم طلبك هنا هذا المكان يا مدثر ليس ملكا لي هو ملك لكم جميعا انا فقط ممكن تقول عتالي بنقل مداخلاتكم من الايميل للبوست
محبتي الاكيدة
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
ما هذا الصمت المريب اليوم من الصباح مافي حركة فى البورد ماعدا اطلالة الاخوان طارق جبريل ، وعماد شمت وظهر اخير الاخ بدرالدين • ناس امريكا معزورين نايمين خخخخخخخخخخخخخخخخخخخخخخخخ.. • امكن اليوم كان حار فى الرياض وجدة والخرطوم . • ولا الكهرباء قاطعة . • احتمال فاتورة التلفون جاءت والمرة طردت كع من البيت ده الاحتمال الارجح. • طيب ناس الدوحة السخانة قلة شوية يعني ماعندهم عذر ليهم . يلا يا شباب حرووووو الصفقه.
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: ارحب باستاذنا الجليل صديق حمدتو طبعا استاذنا الجليل صديق حمدتو درسنا من خلال الكورسات الصيفية لابناء الامتداد بجامعة الخرطوم الكورسات كانت بمدرسة الامتداد 1 الابتدائية بالمناسبة دي بسأل عن اخونا احمد عبد النعيم. |
التحية والأشواق لك أخي معاذ وكل عام وأنت وأسرتك بخير
والله ذكرتني أيام خالدات لا تنسى ابدا وسيرة رابطة أبناء الأمتداد بجامعة الخرطوم والكورسات الصيفية تحدثنا عنها في النسخة الأولى من البوست قبل 3 سنوات تقريبا. أما الأخ العزيز أحمد عبد النعيم فأخباره قد أنقطعت عنا منذ رحيل أسرتهم من الامتداد, غير أني قد سمعت بأنه موجود بمكة المكرمة ولكني لست متأكدا - فالتحية للصديق العزيز أحمد عبد النعيم ولشقيقه حسبو عبد النعيم ولكل العقد الفريد الذي زين ذلك الزمن الجميل
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الاخ العزيز صديق اخر مرة اتقابلنا فيها كان سنة 2002 فى مطار الرياض علامااذكر كنا ماشين السودان فى عيد الضحية اجمل حاجة فى تلك الرحلة: فى واحد معانا الجمعية فى الخبر" المنطقة الشرقية" عرض علي ان اسافر بالسودانية برحلة مباشرة من الدمام يوماالثلاثاء قبل العيد بثلاثه ايام اعتذرت للزول وقلته ليه انو ناس الشركة هم البقطعو التذكرة ممكن بالسعوديةعن طريق الرياض او الخليجية عن البحرين طبعا سافرنا بالسعودية يوم الخميس وصادف فى مطار الرياض لقينا كمية من السودانيين نايمين فى المطار سالنا ديل شنوا كانت الاجابة انوا ديل ركاب السودانية " رحلتين متاخرات". بعد داك عرفت من الزول انو وصل كوستى تاني يوم العيد. الحمدلله ربك ستر كنت عيدت فى مطار الرياض . "السودانية ستهم تمشي وتجي علي كيفها"
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: moaz elsir)
|
كتب فيصل محمد خليل
Quote: انت اخو ادريس و ازهري محمد موسى
اولاد حلتنا |
الاجابة لا يا فيصل كل سنة وانت طيب انا شقيق موسي محمد موسي و فرح و مجتبي منذل رقم 30 مربع 14 جوار ذاية 14 و عندنا في البيت الطاحونة الشعبية و جيرانا بالحيطة عباس محمد خير عيساوي و المرحوم الطاهر رحمة
كدة كفاية
ابوخليل
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: نسرين جمال)
|
الامتداديون والامتداديات اهل القبيلة
وصلتونا قبل الارشفة ولازم يا طارق تسجل
البوست نفسه بالرقم (4) لان الايام لن
تكفى مربعنا(12) .
وعشان كده ندخل تعاربفنا للاخوان والاخوات الاعزاء
الاسم :- سيد محمد احمد سيدنا
السكن :- مربع (12) منزل (227)
مقابل طوارىء الكهرباء ( عمدة محطة ( 7 ) قبل الاغتراب )
المدرسة :- القوز الابتدائية 2 ( سعدابى )
المتوسطة :- الخرطوم جنوب 2
الثانوية :- مدرسة بيت الامانة ام درمان ( كورة وكديت ) سنه اولى ثم العروبه والمعاهد العليا
الهواية :- كورة القدم والطائرة والبنق بونق
( لاعب بالروابط فريق الهدف ثم الامل بالصحافة ومنتخبات الروابط وكل المدارس التى نلت منها العلم
ثم المورده والنيل الخرطومى والرابطه ام درمان ومنتخبات المؤسسات وكثير من الفرق خارج العاصمه
حسب العداد وفريق الشله ايام اللمه الاسرية الجميله فريق الاصدقاء العظيم .
نلنا حظا فى العمل الادارى فى الفرق والروابط وتجمعات الشباب ولازلنا على رؤؤس العمل العام
الرياضى والثقافى والاجتماعى والاقتصادى ( شركة دلائل للتنمية والاستثمار المحدوده ) .
التى هى الان فى طور التحول الى مساهمه عامه وندعوا لها ابناء وبنات القبيلة.
الالقاب :- سيد البطل ( كما يحلو لاسرة الاصدقاء - ســيد مسى (مسى كنايه للوالد) لزوم الاهل
ســيد دلائل لاهل الرياض والشركة - ســـيد ســـيدنا لاعضاء سودانيس اون لاين والمواقع المشابهه)
الاسرة :- تتكون من سته اشقاء وثلاثه بنات
نورالدين ( البحيرة ) - نجم الدين - ذين العابدين - صلاح الدين - نميرى (العمد الحاليين للمحطة)
زينب - نعمات - هدى وعيالهم فى الجامعات الان ومنهم من انتهى .
وبعد كده معزومين عندنا فطور قلتوا شنوا .
تحياتـى بقدر محبتى واعتذاذى بكم .
ســـــيد ســــيدنا
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
مع اطلاله الصفحة رقم 12 والحب والتقدير لمربع 12
تدعوكم رابطة ابناء امتداد الدرجة الثالثة بالمهجر فرع المملكة العربية السعودية
للافطار السنوي الجماعي الاسري بمدينة الرياض ( باسترحة الفارس ) مخرج 18 جوار استرحة طيبة
يوم الجمعة 26/9/2008 م الموافق 26 رمضان وعلي الجميع الحرص علي الحضور
وكل عام والجميع علي الف خير
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
سلام للجميع......... عبر هذا البوست ا رجو من كل شباب الامتداد التدافع لانجاح الملتقي السنوي في افطار رمضان ,, و بالامس كنت ضيفا علي الافطار السنوي لرابطة الصحافة و ما شهدته من نجاح و تنظيم رائع اتمني ان نحققه في ملتقي الامتداد ,,,, و بالمناسبة نقدم الشكر الجزيل للعزيز احمد عوض ( عجوز ) و خالد حيمورة لما وجدناه من دعم و تعاون كبير للرابطة الامتداد و كان اخره تبرعهم بجزء من ايجار الاستراحة و كل الكراسي ,, و انشاء يوم شكركم ما يجي ,,,,,,,, الحاضر يكلم الغائب يا شباب و كل عام ا نتم بخير
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الاخوان ..
عبدالغفار .. بدرالدين
اولا - حمدلله علي السلامه عبدالغفار ..
تانيا - بخصوص الفطور .. الذمن ضيق جدا عشان الناس كلها تعرف وماا تكون مرتبطه ..
ثالثا - انا جاي جاي انشالله .. وده المهم
رابعا - الناس البعيدة .. دعواتكم.. معانا . (دعوة الصايم مستجابه )
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
مجدي .. شوف لينا بكري ده يا خي وين عوض الله - وراشد - وليد - حتي محاسن ابراهيم نصر نسيوتها انا بفضحك الليله ........................( حركات تمبس ) اه انت مش قلته حا تفتفح بوست لكما ل يوسف وينو ؟؟ طيب لمن ما قادر تفتحو بتقول ليه ...!! وما تخلي ناصر جبريل وللا اي واحد يفتحو ليهو .. شنو الحركات ... ولو ما عاجبك كلامي وريني حا تعمل شنو ياخي .. بعدين حتي ناصر ده انحنا بنسال منو طوالي وتعبابنين شالين البوست و معاهو شويه فواكه وقاعدين نكفر ونتمني ليهو العافيه هو يجي المنبر وكايس ليهو اغنيه لعثمان ويفتح لي بوست جم حق الامتداد ..... وما يدخل يقول سلااااااام؟؟؟ .... يا عيب الشوم ...
كل سنه وانتم طيب يا اخواني
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
احبتي الكرام سلام
الاخ مدثر قرجاج قرأت مداخلتك, وردك هذا ان دل انمايدل عن معدنك الاصيل
وشفافيتك وامانتك. وهذا كما ذكر الريس معدن من تربوا في هذا الحي المتفرد
فلنختلف جميعا لاضير ولكن تبقي القضيه محور الاختلاف هي الجوهر حتي نجد لها
مكانة رفيعة ولا نفسدها ..برضو اامل ان تكون احد دعامات هذا المنبر وايماني بك
الحادب لمصلحة الامتداد ..لك محبتي
مجدي .. شوف لينا بكري ده يا خي وين عوض الله - وراشد - وليد - حتي محاسن ابراهيم نصر نسيوتها
والله عيب علينا من عدم المتابعة عشان كده حقو نخليك تتابع مثل هذه الحالات
ونعمل ليك مساعد( ياي) ابوقصي
اه العيد متين يااخوانا؟؟؟؟؟
عبدالغفار عجوز مالو ومال التبرعات والكراسي قوليهو غني بس ......
بدرالدين كنت بتتعبد في غار حراء ؟؟؟؟؟
حبي وسلامي مع دوام العافيه ...
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: إفطار شهي بدر الدين وبورداب مهجر الرياض الطيبين
حقنا دلفري عبر سالم مطعم حار نار |
ابو قصي الحبيب الدعوة موجها لكل الامتداداب بالمملكة العربية السعودية ,,, وناس جده جوه الجك
يعني مافي مفر تكب الذوقة ولو عايز حق التذاكر بنرسل ليك .
وايضا الدعوه موجها للناس القريبين من الرياض مثل مناطق الدمام والقصيم والخرج
* والشكر كل الشكر للاخوان في رابطة الصحافة بقيادة السيد / احمد عجوز والقبطان خالد حيمورة
علي التشجيع والموازرة والدعم .
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote:
شوف لينا بكري ده يا خي وين عوض الله - وراشد - وليد - حتي محاسن ابراهيم نصر نسيوتها والله عيب علينا من عدم المتابعة عشان كده حقو نخليك تتابع مثل هذه الحالات ونعمل ليك مساعد( ياي) ابوقصي اه العيد متين يااخوانا؟؟؟؟؟ عبدالغفار عجوز مالو ومال التبرعات والكراسي قوليهو غني بس ...... بدرالدين كنت بتتعبد في غار حراء ؟؟؟؟ |
والله يا عمدة ضحكته لي جنس ضحك لمن .... ده شنو بالبتقول فيه ده يا خي ههههههههههههههههههههههههههههههههههههههههههههههههههههههها
غار منو ؟؟؟؟؟؟؟؟ لووووووووووووووووووووووووووول
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
الشخص الفي الصورة ده ياعمده ( السيد / عمر محمد الحسن محجوب )
* اللذيذ عمادعويس ( كل عام وانت بالف خير ) رمضان شهر خير وشهر فرحه وايضا العيد فرحه وهذة العشرة الاواخر ربنا ممكن يكتب لينا فيها الفوز بليلة القدر.
احكي ليك نكته عن ليلة القدر ,,,, في واحد ياعمدة قال اذا جاتني ليلة القدر بقول ليها انا عايز اكون ذي صلاح ادريس ,,, ولمن جاته نسي اسم صلاح ادريس كلو كلو ورفض الاسم يجي في راسه ..
بدل يقول صلاح ادريس قال ياربي عايز اكون ذي ادريس صلاح .... والراجل ادريس ده صاحب كارو جاز في حلتهم لا يملك غير برميل فاض وزجاجة جاز ,,,, والزول لمن صحي من النوم الصباح لقي جنب بيته برميل وزجاجة ( اوع ياعمده حظك يكون ذي الراجل ده ) ... قلت لي غار حراء لا غار فريق
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بدرالدين يعقوب)
|
Quote: مجدي .. شوف لينا بكري ده يا خي وين عوض الله - وراشد - وليد - حتي محاسن ابراهيم نصر نسيوتها انا بفضحك الليله ........................( حركات تمبس ) اه انت مش قلته حا تفتفح بوست لكما ل يوسف وينو ؟؟ طيب لمن ما قادر تفتحو بتقول ليه ...!! وما تخلي ناصر جبريل وللا اي واحد يفتحو ليهو .. شنو الحركات ... ولو ما عاجبك كلامي وريني حا تعمل شنو ياخي .. بعدين حتي ناصر ده انحنا بنسال منو طوالي وتعبابنين شالين البوست و معاهو شويه فواكه وقاعدين نكفر ونتمني ليهو العافيه هو يجي المنبر وكايس ليهو اغنيه لعثمان ويفتح لي بوست جم حق الامتداد ..... وما يدخل يقول سلااااااام؟؟؟ .... يا عيب الشوم ...
كل سنه وانتم طيب يا اخواني |
كع يالذيذ ورائق
ناصر ده أمروا عجيب هو القال بيفتح بوست كمال يوسف وزاغ منو وفتح البوست فتح صقلية ماحروف بنجمعا والباقي علي الهندسة بكري يشيد ليها صرح ،،، أما عوض الله ،وراشد،والعزيزة محاسن الناس تواصل في المطالبة بهم ونحن كل الدروب جربناها الكورة في ملعب بكري أبوبكر ولو للعتالة معاكم أيادينا مرفوع بالدعاء في أواخر شهر البركات هذا أن يطلوا علينا الأحباب مجتمعين ،،، بالنسبة للعيد ياعمده هلالوا أختفي وناااس كع بقوا يشجعوا اللون الأخضر أمتداد وبس حتي النظر للسماء خلوه ،،، الجميل بدر ياريت لو أقدر أقول فيك الكلام وأ{كب أجئ لكن الله غالب أخوي
بنعود مع أعواد الزهور أن ربنا سهل وأهو عبدالغفار رجع بالألق لقدام ياناااس ياحلوة
،،،،أبوقصي،،،،
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: بسم الله الرمحن الرحيم الاخ العزيز , معاز السر تحيه و حترام كيف الحال سلامات الف مرحب في البيت الكبير الاخ, معاز اليوم اتصالت بالاخ محمد السر وهو بخير وعافيه بمنسبه سلام كتير االي الوالده التحيه الي الملك عبدالعزيز و الزوجه سسسسسسسسسسسسسسسسسسسسسسسسسسلام عبدالحفيظ الكزو NL,Groningen الاخ , العزيز خالد عبدالحميد {اميقو الف الف مبروك المولده انشالله تشوف جديده الكزو
|
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
طارق جبريل
عاد انا بقدر اقصر مع الامتداد وناس بالذات نوارتها "شفت كيف" كل سنة وانت بالف خير بخصوص الخبيز حكمة الله ده الشيء الوحيد المابعرف لي...عموما علاقتي مع الحلويات ماقوية..
بالمناسبة شفت الصور بتاعت افطار المغرب...والله لمن شهيتونا في الحريرة ...والبريوات والشبكية..."انشاء الله تفنعكم ماتقولوا اديناكم عين"
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
لكم التجله والاحترام امتداداب الرياض
وكل عام وانتم بخير و التحية والتقدير ليكم فرداً فرداً
Quote: معاويه جعفر .. فلاتي مربع 4 |
ويين الزول ده....؟!!
يا فلاتي زمن , وماأجمل تلك الايام . جوطات ,الفاتح الطيب ,التاج عصيده ,...ولششش...
لك ولهم كل التحايا
معتصم العربي
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
Quote: مشيت العمرة واللا شنو ..؟؟؟
يا قدورة ..
وين مختفي ليك مده ..
كل سنه وانت والاولاد طيبين و الحاجه
|
وانت طيب يا كع
والوليدات والحاج وكل الاهل المعاك والفى السودان
والله طبعا ذى ماانت عارف الظروف الفنية ديك
اخر رمضان الجماعة بتغنج وبمشوا الاسواق وبقفلوا الاجهزة
لكن الله كريم مازلنا صامدين وبنحاول نتواصل مع الحلوين
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
Quote: والوليدات والحاج وكل الاهل المعاك والفى السودان والله طبعا ذى ماانت عارف الظروف الفنية ديك اخر رمضان الجماعة بتغنج وبمشوا الاسواق وبقفلوا الاجهزة لكن الله كريم مازلنا صامدين وبنحاول نتواصل مع الحلوي |
الحمدلله........ الله يعينكم مع الفنيات .. والتلاقيط يا حبا
يا خي يديك العافيه .. ويحقق ليك امانيك ..
بوست راشد ..و الديامي صلاح ادي طلة عليك الله
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
كل عام والجميع بخير وناس الشتات السنه الجايه هم واولادهم معنا فى رمضان والعيد الغيبه اليومين الفاتت كنا مع زحمة السوق الشعبى والعربى وكمان ياعمادعويس سوق الكلاكلة اللفة اكبر من السوق الشعبى دى طبعاحاجات انت ما حاضرها وعيشوا معانا الدور الزحمة والغبار وكمان الصورة التانيه الخبيز والصوانى الزمان البتمشى الفرن قلت الناس بقت تخبز فى البيوت مع الافران الكهربائيه يلا ورنا ذكرياتكم وتجاربكم مع الدول التى تقيموا بها ناس الرياض تسلموا الهادى موسى يسلم على جميع اهل المنبر وقريبا سوف يصلكم تلفونه جومو
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
كل عام والجميع علي الف خير وصحةوعافية ... طبعا اليوم عندنا اخر دوام عشان كده قلنا نسلم
ونعيد علي اهلنا الطيبين واخوانا في الخارج والداخل ونقول للجميع عيد مبارك عليكم وكل سنة
طيبين طيبين . وسلام مربع من 1 الي 14
نحنا في الرياض بعد مافطرنا فطورنا الجماعي ودعينا وشكرنا الله علي جمعناهذا انو ربنا يتقبل
منا ويدوم عليناالمحبه و التراحم والتعاضد بيننا جميعا ,,, وامنا علي انو ربنا لو امد لنا في
الاجال الافطار السنوي الرمضاني سوف يكون في الجمعة الثانية من رمضان ... وايضا امن الجميع علي
يكون يوم 7/11/2008 م يوم مفتوح بدلا عن ايام العيد وان يطلق علي هذا اليوم ( يوم الامتداد )
وان يشارك في هذا اليوم جميع ابناء الامتداد وسوف تبداء النفره من بعد العيد .
* وبعد فرحتنا برمضان وفرحتنا بقدوم العيد سوف تكون الفرحه فرحتين بقدوم اخوانا وحبيبنا
صديق حمدتو رجب واولاده الي الرياض ليكون العيد بالنسبة لنا عيدين .
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
Quote: : عبدالغفار محمد سعيد مربع 4 بدر الين يعقوب مربع ... 4 عصام الطلقه .. مربع 2 خالد عمر .. لولو مربع 9 الصادق خليفه مربع ...12 مكرر دوائر خريجين له صوتان كع الكبر حصل والخرف مبكر! عماد محمود .. مربع 3 الصادق خليفه مربع ..12 خالد عبدالحميد .. مربع 7ده لو أميقو الكلام دخل الحوش كع ولو الصيني عبدالحميد معليش! فرغلي اخوان مربع 4 راشد ابنعوف مربع 4 معاويه جعفر .. فلاتي مربع 4 مجدي نجم الدين مربع 12 صلاح دنقل مربع 12 عثمان سبق مربع 6 عبد الروؤف كمال مربع 8 عزت فضل .. مربع 1 عماد غزالة مربع 4 عاصم كمال مربع 7 معتصم الجوكر مربع 7 عصام عيسي مربع 4 والله في ناس نسيتهم ..
كعكوعى اللذيذ عرفنا خليفة الصادق بقيتو 2 بس ياخى عبد الرؤوف كمال سحووووووون غرب الظلط متين رحلوا 8 الظاهر رمضان كسر العضم كل عام وانتم بخير
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عامر تيتاوى)
|
الامتداداب الطيبين اقام ابناء الامتداد فى الدوحة افطارا جماعيا فى يوم الثلاثاء 23 رمضان وسط حضور كبير من معظم ابناء الامتداد فى الدوحة فيما لم يشارك البعض لاسباب مختلفة من بينها سرعة الاعداد للافطار والتى جاءت على عجل فيما تم الاتفاق بين الجميع على تنظيم يوم عائلى ثالث ايام العيد والدعوة موجهة للجميع وبالذات ناس دخان ياقدرة لانو اللقاء سيتم فى سيلين على الشاطىء وكذلك اخونا بنقورى الى افتقدناه فى الافطار وقد شارك فى الافطار الاخوان ابراهيم على ربيع عبد الرحيم عاطف حسين سامى داؤود فرحات عباس الهادى عبد الرحيم عامر تيتاوى محمد عبد الرحيم عادل ابو جقادو هيثم سويتش السر ابراهيم معاذ السر هاشم الادريسى ياربى نسيت زول زى اخونا كعكوعى اللذيذ ياخ نحن شوية خلاس مقارنة مع ناس الرياض الحلوين
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
ياقدرة كيف اظهر يعني في العيد من وين اجيب النت ( نحنا ياقدرة ناس غلابه ماعندنا نت في البيت ) باب النجار ذي مابقولو مخلع ,,, شغال في شركة مقدمة لخدمة الانترنت وماعندي نت في البيت ,,, ولم كنت بدخل بالليل كنت بنحل من الجيران والان الجيران نقشو اللعبه وشفروه
Quote: بدر الدين يعقوب
وانت طيب
يعنى شنو تانى ماحتظهر الا بعد ولاشنو
مزيدا من التلاقى والابداع ياناس الرياض
بالله يابدرالدين تهانينا بالعيد لكل ابناء
الامتداد بالرياض |
تهانيك يابابكر باذن الله تصل لكل شباب الامتداد المتواجدون في الرياض ,,,, واولهم حبيبنا صديق حمدتو القادم من جده ليعيد معنا .......والتحايا عبرك لكل الاخوان والشباب بدولة قطر .
* احمد جمعة هنو حبيب الكل ايضا التحايا عبرك لكل الاهل والجيران والأصدقاء بامتدادنا الحبيب كل عام والجميع بصحة وعافيه وكل سنه وانتم طيبين
(عدل بواسطة بدرالدين يعقوب on 09-28-2008, 02:38 PM)
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: كعكوعى اللذيذ عرفنا خليفة الصادق بقيتو 2 بس ياخى عبد الرؤوف كمال سحووووووون غرب الظلط متين رحلوا 8 الظاهر رمضان كسر العضم كل عام وانتم بخير |
عموري كل عام انت واولادك بالف خير وصحة وعافية والي جميع الاخوة ابناء الامتداد
* ياعامر كعكوعي اللذيذ ده ماشي بالبركة ساكت ,,, ربنا يديه العافية ,, راجل قلبه ابيض
* وسحووووووووووون سيد الاسم ذاتو مجلي اكثر من عبدالله كع وعندو كم سلك كده عريان لو انت الان
سالتو وقلت ليه انت ساكن وين ممكن يقول ليك انا ساكن الصحافه ,,,, ولو مامصدقني اسال اي شخص
في الرياض او اسال كعكوعي شخصيا , لو ماقال ليك نفس كلامي ده انو سحووووون مفوت .
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
شباب الامتداد كل عام والجميع بخير وربنا يحقق كل الأماني
أهل الرياض الكرام تحياتنا واشواقنا وكم كنا نتمنى أن نكون حضورا في تلك الليلة الرمضانية معكم ولكن إنشاء الله سنكون بطرفكم غدا لحضور العيد السعيد وسطكم بعد غيبة عن الرياض أمتدت لقرابة الخمس سنوات.
بدر الدين يعقوب يا حبوب كيف أخبار الاهل والأسرة ؟ إنشاء الله كلهم بخير، يللا بالله جهزوا الزينات ومواكب الاستقبال
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: صديق حمدتو)
|
حبيبنا الجميل بدر الدين ياخ مشتاقين للناس الثلثين على قول مرتضى الجمرى انا طبعا عارف سحوووووووون مفوت من زمان خالص لكين كعكوعى مالو تعرف سحوووون فى اجازتنا ايام عرسك فى السودان كل يوم ناسى حاجة فى عربية صلاح مرة طاقية ومرة عمة مرات يقول ليك تعالوا قيلوا معاى تمشى تلقاهو بايت فى الحاج يوسف ولا سافر فريق زاتو
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عصام علي أحمد)
|
Quote: ربيع عبد الرحيم عاطف حسين سامى داؤود فرحات عباس الهادى عبد الرحيم عامر تيتاوى محمد عبد الرحيم عادل ابو جقادو هيثم سويتش السر ابراهيم معاذ السر |
الاخ تيتاوي كل سنة وانت طيب عليك اللة والسلام امانة كل الاخوة المذكورين اعلاة السلام فردا وخاصة فرحات عباس
الامتداداب كل سنة وانتو طيبين وسالمين و تامين فطور العيد عندنا و الف مرحب بيكم كلكم
يااخوانا اخونا مدثر قرجاج عضويتة مهمة لمن يثني لنجعل لة بوست مجدي عبدلاالرحيم و عبداللة كع لو في وصايا لبكري ابوبكر حايكون معاي يوم السبت القادم في بيتي للاحتفال بالعيدوتنسيق بعض الجلسات الفنية و مقدمالاالدعوة عامة
ابوخليل
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: Ibrahim Mohamed)
|
الاحبة الامتداداب الاطايب بتاعة امير الجمرى .. كل سنة وانتو طيبين ويارب دايما تامين ولامين وربنا يحقق الامانى Quote: كل سنة وانت طيب عليك اللة والسلام امانة كل الاخوة المذكورين اعلاة السلام فردا وخاصة فرحات عباس
|
سلامك يوصل يا ابو خليل وطالما بكرى ابوبكر معيد معاك ياخى ما تشوف لينا موضوع عضوية اخونا عوض الله عمر كمان ولك الامنيات الطيبات
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عامر تيتاوى)
|
كوكبة الدوحة تحايا نواضر بالامس كان معي الأخ معاذ السر ونقل لي هذة التجمهره الرائعة روعتكم وبالله ضموا لكم أبناء خالي عبدالله حسن ومحمدحسن حلبي وقريبي ونسيبي د.بهاءالدين حسن أحمد الآن معيد بالسودان سلام للعامر عامر تيتاوي.
ناااااس الرياض (خبر أكيد راشد أبنعوف دخل الحوش بالباب) منتظرين وحاتك،،،، ياكع شوف ليك بلدعقبال أختنا محاسن وعزيزنا عوض الله عمر
،،،،أبوقصي،،،،
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: AWAD MAHMOUD OSMAN)
|
كل سنة تيبين ... تيبين
ايد موبارك .. الينا .. اليكم
مباركة اهلنا ناس الشيك
كم اشتقنا لها ولمة الصلاة
والجلاليب البيضاء كقلوب الاحباء
وفطور البروش العصيدة الحارة بالتقلية
والكعك البسكويت والسكسكانية والشعيرية
والفطير مااحلاك فى ربوع السودان
Quote: ناااااس الرياض (خبر أكيد راشد أبنعوف دخل الحوش بالباب |
الف مبروك راشد مع قبايل العيد السعيد
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
ابو قصي ... كل سنه طيب و الاولاد
Quote: ناااااس الرياض (خبر أكيد راشد أبنعوف دخل الحوش بالباب) منتظرين وحاتك،،،، ياكع شوف ليك بلدعقبال أختنا محاسن وعزيزنا عوض الله عمر
|
يا خي الحمدلله ..... عموما ... ونشكر بكري الي حين !!!.... بعد عوض و محاسن .... والبلد ما بنخليها ليهو لا وحااااااجه ،،،،،،،،،،،،،،،،،،،،،،،،،،،،،،،،،،،،،،،،،، راشد مشي العمرة امبارح .. و قال جاي لناس المريخ ديل عديل كدي انتو الشيلو شيلتكم .... ( نت 24 ساعه )
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: يا جماعة كل سنة وانتم بالف خير وعيدكم مبارك سعيد نحن ناسنا ديل زي الفلاتة خايف يجرونا لي يوم الخميس |
ياااا دكتور يا خي عيدو مع الناس .... وانسو الموضوع ده .. وبعدين اقضو ليكم يوم .. رايك شنو في الفتوة دي ؟؟؟؟ معقولة يعني مااااا نقول ليكم كل سنه وانت طيبين اللا يوم الخميس وحاتك .. يا دكتور شربنا شاي الصباح المقنن .. وفطرنا ليك فطور زي الليل .. سمك والذي منو ...
اتخيل ام مصعب قالت مشتهه ليها فسيخ !!!!!!!!!!!!!!!؟؟
ـــــــــــــــــــــــــــــــــــــــــ العيد مبروك لحدي يوم الخميس
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
ابراهيم يا خليلي ... كل سنه وانت طيب يا يامان
Quote: يااخوانا اخونا مدثر قرجاج عضويتة مهمة لمن يثني لنجعل لة بوست مجدي عبدلاالرحيم و عبداللة كع لو في وصايا لبكري ابوبكر حايكون معاي يوم السبت القادم في بيتي للاحتفال بالعيدوتنسيق بعض الجلسات الفنية و مقدمالاالدعوة عامة |
ايا ابو خليل.. امريكيا دي .. ما فيها قانون الوساطات واللاشنو ..؟؟؟ الزول لمن يكون قاعد جمبك في بيتك وانتو بتنسقو كدي في الجلسات اكيد معاهو اللاب توب حقو .. بس يقتحو لينا 5 دقائق ويختار لينا 3 واللا 4 باسوورد علي السريع كدي ....
ــــــــــــــــــــ والله مدثر وجودو مهم هنا .. يا غالي العيد مبروك عليك والاولاد
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
مجدي كتب وقال .. كل سنه وانت طيب
Quote: بعود ليك ياكع سلام ملك مربع لكل المزكورين وعيد سعيد علينا وعليكم كمان من بدري قبل الزحمة. |
وكمان تيتاوي .. كل سنه وانت طيب
Quote: كعكوعى اللذيذ عرفنا خليفة الصادق بقيتو 2 بس ياخى عبد الرؤوف كمال سحووووووون غرب الظلط متين رحلوا 8 الظاهر رمضان كسر العضم كل عام وانتم بخير |
الصادق خليفه .. كلامو كتير وعمل لي شخشخه وانا بكتب ( بعدين شال زكاة الفطر ذيادة ) كانت هنالك لفته حلوة من الصادق خليفه في افطار الرياض ... جمع زكاة الفطر من كل الحضور وسوف يرسلها الي الامتداد .. لاناس يحتاجونها ..... جزاه الله عنا خير الجزاء وجعلها في ميزان حسناته انسالله وابقاون .. كل سنه انت طيب .
Quote: عموري كل عام انت واولادك بالف خير وصحة وعافية والي جميع الاخوة ابناء الامتداد * ياعامر كعكوعي اللذيذ ده ماشي بالبركة ساكت ,,, ربنا يديه العافية ,, راجل قلبه ابيض |
وجمااااااااعه بكل صرحه .. الحدود الجغرافيه انا لغيته نهاااائي من كمبيوتري .. اميقو مشي محل عبد الروؤف ... دي شوفتوها ليه ؟؟؟ يا فرد ال 7 قريبه لل 8 في الكيب ورد... وبرضو علي ارض والواقع يعني ما في مشكلة ـــــــــــــــــــــــ
Quote: انا طبعا عارف سحوووووووون مفوت من زمان خالص لكين كعكوعى مالو تعرف سحوووون فى اجازتنا ايام عرسك فى السودان كل يوم ناسى حاجة فى عربية صلاح مرة طاقية ومرة عمة مرات يقول ليك تعالوا قيلوا معاى تمشى تلقاهو بايت فى الحاج يوسف ولا سافر فريق زاتو |
بدرالدين
Quote: وسحووووووووووون سيد الاسم ذاتو مجلي اكثر من عبدالله كع وعندو كم سلك كده عريان لو انت الان |
وبصرحه .. عبد الرووف لو قلته انت الليله اسمك منو .. حايقول ليك عبدالعظيم وبعد تفكير شويه كدي.. صدقني يا تيتاوي .. بدر الدين وثحوون ديل فرد للدين ...
فهتمني يا حبا
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
لا حولة ولا قوة الا بالله العظيم .. توفيت مساء اليوم الاربعاء 1-10-2008 في اطهر بقعه علي هذا البسيطة الحاجه الحرم ... والدتنا و والدة كل من الاخوان .. احمد محمد حسين مصطفي عادل محمد حسين د/طارق محمد حسين باشمهندس / عصام الدين محمد حسين الاخ بكري محمد حسين اللهم ارحمها رحمة ملئها السموات والارض اللهم ارحمها رحمة ملئها السموات والارض اللهم ارحمها رحمة ملئها السموات والارض اللهم اجعل قبرها روضة من رياض الجنه اللهم تغمدها وتقبلها قبلا حسنا اللهم اسكنها جنانك العلي من الصديقين و الشهداء والانبياء والهم ابناءها وبناتها وزويها الصبر والسلوان يا الله انا لله وان اليه راجعون
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
الهم ارحم الحاجة الحرم
Quote: اللهم ارحمها رحمة ملئها السموات والارض اللهم ارحمها رحمة ملئها السموات والارض اللهم ارحمها رحمة ملئها السموات والارض اللهم اجعل قبرها روضة من رياض الجنه اللهم تغمدها وتقبلها قبلا حسنا اللهم اسكنها جنانك العلي من الصديقين و الشهداء والانبياء والهم ابناءها وبناتها وزويها الصبر والسلوان يا الله انا لله وان اليه راجعون |
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
لا حولة ولا قوة الا بالله العلي العظيم يا الله ياخي خبر مفجع يا كع خبر محزن شديد ما اطيب تلك الوالدة اللهم ارحمها وتقبلها قبولا حسنا اللهم اعفو عنها واغفر لها اللهم اجعل لها مدخل صدق ومخرج صدق اللهم ابن لها قصرا في الجنة اللهم اجعلها من عتقاء النار اللهم كن لها ولا تكن عليها
حقيقي خبر مفجع احر التعازي للاحوان: - احمد - عادل - طارق - عصام - بكري وشقيقاتهم
انا لله وانا اليه راجعون
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: الأخ الفاضل / طارق جبريل المحترم رمضان كريم وكل عام وانتم جميعاً بالف خير عبدة محجوب مربع 14 من اوائل الفنانين الذين ظهرو في الامتداد يجيد الغناء مع العزف على العود انسان مؤدب واحساس مرهف مع اختيار موفق لاغاني كبار الفنانين من على البعد له منا التحايا والتقدير ،،،، السندلة الامتداد مربع 13 |
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: NGABY AJOOZ)
|
لا حولة ولا قوة الا بالله العظيم .. توفيت مساء اليوم الاربعاء 1-10-2008 في اطهر بقعه علي هذا البسيطة الحاجه الحرم ... والدتنا و والدة كل من الاخوان .. احمد محمد حسين مصطفي عادل محمد حسين د/طارق محمد حسين باشمهندس / عصام الدين محمد حسين الاخ بكري محمد حسين اللهم ارحمها رحمة ملئها السموات والارض اللهم ارحمها رحمة ملئها السموات والارض اللهم ارحمها رحمة ملئها السموات والارض اللهم اجعل قبرها روضة من رياض الجنه اللهم تغمدها وتقبلها قبلا حسنا اللهم اسكنها جنانك العلي من الصديقين و الشهداء والانبياء والهم ابناءها وبناتها وزويها الصبر والسلوان يا الله انا لله وان اليه راجعون
،،،،أبوقصي،،،،
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
اللهم ارحمها رحمة ملئها السموات والارض اللهم ارحمها رحمة ملئها السموات والارض اللهم ارحمها رحمة ملئها السموات والارض اللهم اجعل قبرها روضة من رياض الجنه اللهم تغمدها وتقبلها قبلا حسنا اللهم اسكنها جنانك العلي من الصديقين و الشهداء والانبياء والهم ابناءها وبناتها وزويها الصبر والسلوان يا الله انا لله وان اليه راجعون
كل عام والجميع بخير
| |
|
|
|
|
|
|
| |