|
Re: (4) امتداد الدرجة الثالثة ذلك الحي المتفرد (Re: حنين للبلد)
|
يا حنين للبلد هي نان انت الشوايقة متشعلقة فيهم من (((راكوبة))) لي راكوبة كيفن عاد آآآآبتحبيهم النبي فوقك يضريك كان ما حبيتيهم
السودان لسة ما وصلتو لكن لمن اصل بوصفه ليك دة طبعا لو فضيت من العمارات والجري وراء الأطلال لانه النيت دة هناك رفاهية وزي ما عارفة اخوك عنقالي ساكت زول اندراشة وكدة
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: حنين للبلد)
|
ألا رحم الله ( مريم) والهم اهلها الصبر والسلوان
طارق يا سيد الحوش وكل الاخوات و الاخوان وبناتنا والابناء سيروا حتي الربع 14 والف مبروك
ولكن ان يكون البوست كلام و ونسه دون عمل فهذا ما لاحظتة من لحظة دخولي البوست (قريبا) فهيا الي العمل وتعالوا نحسبها (كم مغترب من ساكني الامتداد حاليا وسابقاويكنون له حسن الولاء أو محبي هذا الحي المتفرد ) كل مغترب 5 دولار شهريا -هل ستفيد هذا الحي وكيف ولنبداء بالتامين الصحي و العلاج المجاني لغير القادرين وسوف تستمر المسيرة لتشمل كل جوانب الحياة وهذا هو ندائي الاول وصيحه اطلقها من هنا من جده فهلا استجبتم ......
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: حنين للبلد)
|
أخونا سيد الحوش طارق ولد جبريل الامتداداب نساء ورجال ( علي مقولة ليدز فرست ) البوست جميل جدا وهو يتجهه الي الارشفه الرابعه يديهو طولت العمر هو وكتابو وكل عام وانتم بالف خير .... البوست ونستو حلوة وذكرياتو احلي وكل مربع فية يحكي قصص وشخصيات وتاريخ عريق من الاوائل من رجالات العمل العام الذين بنو المدارس والمساجد ( حسن مالك - محمد موسي العمده -جعفر عابدون - محمد الحاج عمر السمين - احمد محمد عثمان - عوض خوجلي - صالح محجوب - الزبير - السر -الجمري -وكثيرون يجب ان يضيف اليهم كل من يعلم معلومه عن الرعيل الاول هذا الجيل العظيم )
ونكون جادين شويه الا يستحق هولاء التكريم الا يستحقون يوما للوفاء لاهل كل هذا العطاء (اللبنه الاولي)
أخي طارق(الاخوات و الاخوة الاعزاء ) يجب علينا من هذا المنبر ان نخلد ذكري هولاء الرجال وحبيت ان يكون ندائي عبر هذا البوست حفظا لكل حقوقك في هذه المبادرة الجامعه للاهل الامتداد ....ان مبادرة تكريم الرعيل الاول هي حفظ لحقوقهم فهل يجد هذا النداء الاستجابة ....
الرؤيا الثانية - لماذا يظل البوست ( كتحت الشجرة الظليلة ) ونسة وعزاء ومباركات فقط ...لماذا لا نستفيد من ان نجمع انفسنا (الساكنين الان)(أو الذين رحلوا عن الامتداد وبقيت قلوبهم معلقةبه أمثالنا)ان نجمع خمس دولار شهريا لكل متداخل وتنظم بطريقه هرمية الي ان تصل الي من يوظفها لخدمة هذا الحي المتفرد (قد بلغت اللهم فشهد)
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: حنين للبلد)
|
ياامتداداب الزمن الجميل : لكم اجل التحايا واعظمها وارقها وانتم ترفدون هذا المنبر بهذا البوست الذى اصبح لنا قبله ووعاء جامع ولمه امتداديه اصبحت تحذو حولها الاخريات والاخرون. التحيه لقائد ور بان البوست طار ق واصحابه الاعزاء لنا ولهم ( سافصل الاسماء لاحقا) يحضرني في هذا الوقت خبر اتمني ان اجد من داخل هذا المنبر ما يشاركني فيهز شقشيقش محمد ابراهيم(عبقرينو) وهو من المعجبين بهذا البوست غادرنا اليوم وفي رعاية الله مستشفيا الي موسكو. رجائي الانضمام لي في الدعاء له بالشفاء والعوده معافا باذن الله تعاليز علي اى حال هل لدينا شخص من ابناء الامتداد او من بورداب هذا المنبر ليساعدنا في الاطمئنان عليه. ولك الشكر والتقدير اجزله.
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
ابشنب ..
الاقاشي ده ما حسن من طعميتك الاكيد (القدمبليه ) تبعكم ما شالله عليكم .. الواحد مما يخد ليهو نومه ويجي يلقاكم شتتو لي الصفحه التانيه .. عينا بارده .. والله يا حنين للبلد تسلمي يا ختي اسم علي مسمه..
يا ريس بالله تحياتنا للامتداد شارع شارع وزل زول ـــــــــــــــــــــ جني - وابشنب - حنين مش قلت الربع مااااا عادي
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: الاقاشي ده ما حسن من طعميتك الاكيد (القدمبليه ) تبعكم ما شالله عليكم .. الواحد مما يخد ليهو نومه ويجي يلقاكم شتتو لي الصفحه التانيه .. عينا بارده .. والله يا حنين للبلد تسلمي يا ختي اسم علي مسمه..
يا ريس بالله تحياتنا للامتداد شارع شارع وزل زول ـــــــــــــــــــــ جني - وابشنب - حنين مش قلت الربع مااااا عادي |
كع....الوطن حنين بي وجودك
تليشة على قول دكتور طارق جبريل
لينا سنيييييييين من الأقاشي..قلت لي الإمتداد اشهر محل اقاشي فيها وين
ركز معانا ..اقاشي مش نقاشة
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
حنين ..Quote: لينا سنيييييييين من الأقاشي..قلت لي الإمتداد اشهر محل اقاشي فيها وين ركز معانا ..اقاشي مش نقاشة |
اخوك عفن في الغربه ماعارف لي محل .. لكن اقول حاجه خليك اسفيريه . عيشها بالنيه وانسي ... خليتي الامعاء تعمل صيـحات جوع واشتياق للاقاشي ــــــــــ (نقاشه) .. عندي احساس انتي عملتي في مجال البناء والتشيد
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: حنين .. Quote: لينا سنيييييييين من الأقاشي..قلت لي الإمتداد اشهر محل اقاشي فيها وين ركز معانا ..اقاشي مش نقاشة
اخوك عفن في الغربه ماعارف لي محل .. لكن اقول حاجه خليك اسفيريه . عيشها بالنيه وانسي ... خليتي الامعاء تعمل صيـحات جوع واشتياق للاقاشي ــــــــــ (نقاشه) .. عندي احساس انتي عملتي في مجال البناء والتشيد |
كع
ليه مااكون احد بطلات رواية طارق جبريل ......خلي اليجي ينكرني
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
اه ياود نور شن قولك ؟؟؟نطلع اللصقات دي والا نخليها مستورة ؟؟؟؟
حتي ودالمنسي شرد خلي البوست لمن قلت ليهو جيب لي ودنور ..افو ماقلتوا جعل؟؟؟
انت ياودالمنسي صدقت لي علي ابراهيم اللحو في غنا الحماسة. والله لو قلت ليهو اش يخلي
مكرفونه ويجري ؟؟ قال ..يااخوان البنات الجري ده ماحقي ..امال حق منو؟؟؟
حبابكم ياالحلوين بقيتوا علي الجديد ؟؟؟
عبدالحليم شناق طلعت اشاعه ....
بابكر حمدالله علي سلامة الوالده حاتصل بيك انشاء الله سلم لي عليها وبلغ اشتياقي الزائد شوقي ليها
الكع والله متألق دوما وشيال تقيلة ..
عماد اخوي الله يقويك ويلبسك توب من العافيه ...
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: حنين للبلد)
|
عماد شمت الغالي الجميل
إشتياقي ومحبتي عزيزي
كيفنك أخوي ياخي مشتاقييين عديل كده ... وبث ومنتظر منك مكالمة ...
الريس طارق جبريل : ياريس تمشي وتجي بالسلامة ... بس على فكرة ( حنين ) دي معارضة مدسوسة على حكومتنا الرشيدة ، دير بالك ياريس .. رغم أن ( عيوننا ) مفتحة قدر الفنجان .... ما تفلت ساااااي .
مودتي
عماد محمود
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
حنين للبلد وودالصائم
حضوركم اسعدنا جدا
سارة عمر
Quote: لقد سعدت ان تكون اقامتي في هذا الحي المتفرد لمدة 4 سنوات في منزل جدي علي بخيت مقبول والد طه علي من الفراعة وشيخ احمد علي بخيت
اها يا ناس مربع 2 اجمعو هنا
|
تشرف الامتداد بك ال4 سنة دى الظاهر بتاعة جامعة ساكت
دوما ابناء الامتداد مجتمعين وملممومين فى الخير مرحبا بك
بيننا شمعة من شمعات الامتداد وكيف اخبار طة وشيخ احمد أخر
عهدى بة انة مقيم بالرياض ياجماعة بيت على بخيت دا جار ناس
وليد شنقر على الشارع الكبير الفاصل مربعى1&2 فاتح على بيت
عادل كرنديس وناس مربع 2 مقلين هنا ماعدا ميسرة غاندى سابقا
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
Quote: جابوا ياسر كدمبس يا عبدالله كع فى بيت ناس صابر (مباحثية وبمبات ساى) |
طبعا يا بابكر امبارح كنت مع كدمبس قطع مصاريني بالضحك غايتو امبارح لو القيامة قامت انا وهو حنتصدر اتندس النار يا خي الزول ده مبالغة قلت ليهو اسمك اسم دكاترة اتخيل يا بابكر اللافتة دي د.ياسر عبد الجبار شنو ليك
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: sami Alzubair)
|
سامى الزبير
قلت شنو.........
Quote: قلت ليهو اسمك اسم دكاترة اتخيل يا بابكر اللافتة دي د.ياسر عبد الجبار شنو ليك |
كدمبوس هو زاتوا داير لية دكتور
يازول صاحبك دا الا تكون لاقيتوا بالنهار لانوا
بالليل بقى مابعدى مسطبة الشامية د. بشرى
كتب لية نظارة قعر كباية ومانفعت عشان لسانة
الكعب دا كان بضحك فى صاحبنا عوض الله الدون لما
كان بحجز وجاتوا بنية فى عينوا كدمبس شال حالوا
يازول ديل اظرف ناس لما يتلمى كدمبس وصابر وايمن تولى
وشقرطة وبارا والله من الضحك ترجع البيت ما تقدر تنوم ايام
الامتداد الجميلة ياسامى بالله سلم على شلة الشامية ديل كلهم
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
رافقتكم السلامة ياريس
بالله تسلم لي علي المطار أولا ثم المواتر حقت الأستقبال
وشارع المطار ونادي الضباط ونمرة أتنين وشارع اللواء محمد نجيب
والعمارات والمغتربين ومربع ثلاثه من بيت ناااس الطيب واني ونترحم علي صديقي معاوية
ولحد ماتصل نااس الفاتح وديدي وتعرج بناااس فيصل هليل وتصل محطة سبعه وتجي بزلط وتزور
المدرسة المتوسطة الدرجة الثالثة وبابكير وتصل مربع واحدوقبلها ناااس 7 و11 والعشرة
وبعد داك نقعد في درابزين عمي جبريل ونااس عوض ومحمد المكي وأولاد محمد نور ونااس عمر عبداللطيف
وناااس أسامة هاشم وإبراهيم ومطاعيمو ونااس إيمن حمد وزاهر ومزمل قطبي ونااس حافظ عبدالحميد
وصلاح قسم الله ونااس محمد المهدي ووائل دسوقي وناااس هجو والربيع كلوا والمعلمين كمان نااس عاطف جعفر
لك نتمني إجازة ممتعه أبوريم.
،،،،أبوقصي،،،،
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
الشعلة المضيئة ابناء وبنات الامتداد
صدقتم ووعدتم وداومتم وللذكريات كتبتم
ولالسن كثيره اخرصتم عافى منكم دا اصلكم
ابو قصى الامل والعلم والمتابعين
كفيتم وللرب ندعو لستركم من الحاسدين
رفعتم هاماتنا بين الامم واصبح البوست
منارة تحدث عنها الكثيرون وملحمة تواصل
تجعلنا عايشين بين ظهرانى اهلنا الطيبين
Quote:
وتصل محطة سبعه وتجي بزلط |
صدقنى كأنى شايفك لافى مع مغلق حيدر
بس ما مريت وزارة داخليتها لاثبات مرورك
مرحب بالريس بين اهله وعشيرته والوعد فى
جلسة شاى ولقيمات على بلاج الشامية
ولاحقننننننننننننننننك
تحياتــــــى
ســــــــيد
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: Quote: هوووووووووووووووووووي ودعتكم الله وان شاء الله بجيب ليكم الامتداد هنا صور ساكت ابقوا عشرة على البوست
وانا كمان |
طارق جبريل .. واشرف الباقر ..
السودان والله زي العسل انسو لغربه والاغتراب
ــــــــــــــــــــــ ربنا يوصلكم بالسلامه
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
أشرف الباقر
اجازة سعيدة وسلام لكل الجيران والحبان
Quote: امبارح كان عقد اخوكم ابوعبيدة ابراهيم ( ابويا )
|
الف مبروك يا أبويا وبيت مال وعيال
عقبالك ياراشد جبريل عارفك بتتضاير
اصلوا مابنخليك نشيل حسك طوالى
ياريس غمض وخوش واعقد للزول دا وطردا للشارقة طوالى
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بابكر التوم)
|
بنات وأولاد الامتداد وكل أهل الأمتداد الطيبين خارج المنبر لكل السلام مطبوق من أهلنا وجميع حبانا في شندي التحت والفوق
* أمير الجمري يا راجل حرام عليك برضو الدم له حق قول سلاااام ولا بكلم العمدة ( أبوالروس ) * بدر ودناس ست الحوش بس أدينا حق شندي قولة سلام تشفي القلوب وتقرب البعيد * عاشق النوبية وصخرة دفاعها عبدالغفار سلام سلام يا طيب وعلك طيبة * الجميل المافيه كلام وخاتي اللوم الكتيابي ود الخليفة تسلم وتسلم أنت كت حريص علي الواجب وجيتني في حوشي مرات عدد ولن أنسى لك ذلك حافظ العشرة ... * الحبيب أبوقصي وانت الجمال رونقه الزاهي سلامي لك * صاحب الحوش يا من كنت طاقة البصيص لكل هذا الجمع من الجمال جزاك الله عن كل أهل الامتداد لهذا التواصل الطيب * العضو الجديد والجديد شديد عبدالحليم كيفك يا بطل دوماً بتخيلك ناطي في كرة شايتها الزنجي وتنقذها من أصابة مرماك .. * كا الجمال في البوست لكم مني السلام بعد دا نجي للفنان الجميل الحلو ود عويس اه ياود نور شن قولك ؟؟؟نطلع اللصقات دي والا نخليها مستورة ؟؟؟؟
حتي ودالمنسي شرد خلي البوست لمن قلت ليهو جيب لي ودنور ..افو ماقلتوا جعل؟؟؟
انت ياودالمنسي صدقت لي علي ابراهيم اللحو في غنا الحماسة. والله لو قلت ليهو اش يخلي
مكرفونه ويجري ؟؟ قال ..يااخوان البنات الجري ده ماحقي ..امال حق منو؟؟؟ سلام يا عمدة وتحيات مفعمات تغريك السلام والمحبة من شندي ومويس وهوانا شنداوي عليك الله مناسبة الصورة ومتى كانت ومعقول دا عمر بشبه عصام العربي شديد في أيام فقره
تحياتي يا ودعويس
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: Quote: هوووووووووووووووووووي ودعتكم الله وان شاء الله بجيب ليكم الامتداد هنا صور ساكت ابقوا عشرة على البوست |
التحايا للاخوان طارق جبريل واشرف الباقر وهما يتمتعان بالاجازة وسط اهلهم في ربوع الامتداد الحبيب.
* عبرك اخي عامر نزف التهاني للاخ ابويا بمناسبة زواجه وبيت مال وعيال
* خالد محجوب (ود المنسي ) قولة سلام مابتكفي وكل كلمات الغرام ياراجل انت مننا وفينا وليك وحشة
وايضا يغادرنا الي ارض الوطن الاخ والحبيب حاتم حمدتو هو واولاده( اجازة سعيده)
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
عبدالدائم سلامات [QUOTE
Quote: لما كنا فى المتوسطة وننتظر المواصلات فى حديقة القرشى اولاد وبنات الامتداد دايما" كانوا بيضايقونا فى حافلات الصحافة رغم مرور باص العشش فاضى وممكن يوصلهم ما عارف حبا" فينا ... ولا هرشة من اولاد الفلاته ... |
QUOTE] حبا فيكم !!!! اييييييييييييييييي حبا (بالله ضم الحاء وشدد الباء) فيكم ــــــــــــــــــــ بعدين الحافلات الشديدة حقتنا ( اولاد الامتداد)
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
عبدالدائم الدائمأ في قلب الأمتداد بمد الشوق والجميل عمر عبدالسلام ومغربه لم يغيب أبدا عن محطاتنا 14 وبمافيهم 7
وللعزيز أبننا الروعة خالد محجوب (إشراقاتك دائما ما تسبق سيرتك العطرة وقريبك ده بقينا نشوف شماخوا مر من هنا(البحرين)
وقاربوا مشرق.
الزعيم أبوالسيد مرور بطعم جمال 14مربع لك مودتي ياعزيزنا ياجميل عندما تلحق بالركب المغادر إلي حيث الكون بيدور وكوكب من سمانا يشرق
كع أن أنت بتتنسي ماأنت روحنا وحبنا سافرنا بعينك مدن للجمال .
تيتا ياجميل خبر سعيد خبر زواج أٌبي إبراهيم له نهدي باقات ورودنا الجميل بيت مال وعيال ياأبوية
بدر البدور كوكب أزرق سماوي هلا ياهلال ( سؤال وين ود حامد أبو خالد؟)
وللكل تحايا بعطر إمتدادي
،،،،أبوقصي،،،،
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
Quote: ونحنا الداخل المنبر .. يعني مالينا في الطيب نصيب |
الأخ عبدالله انت لك الطيب كله كيف ما ليك نصيب لكن والله كنت أفتكر انك من الأمتداد لاني لا أعرف كل مربعات الامتداد معرفتي كانت بأولاد مربع اربعة وثمانية وبعض الشبابالاخر من بقية المربعات
وانت من وين ؟ من كع ؟
لك التيحة يا طيب وانت الطيبة كلها
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: خالد علي محجوب المنسي)
|
فقدنا من أسبوع ولم أعلم إلا أمس شاب في ريعان الشباب في حادث حركة أليم بالسودان وهو أبن الأمتداد من الأم ويسكن أركويت مربع 61
يجاور شقيقتي التي علمتني بالخبر المحزن ( فالنترحم عليك ياعماد الشباب عماد ضيف الله ) أبن أخت أخونا كمال (الضمانه) نسأل الله له القبول
ونعزي والدته الحاجه (عايدة ) وأخيه جهاد وأخته أبتهاج وأسرته بالأمتداد وأهله بأركويت وكل جيرانه .
أن لله وأن إلية راجعون.
،،،،أبوقصي،،،،
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: الريس طارق جبريل : ياريس تمشي وتجي بالسلامة ... بس على فكرة ( حنين ) دي معارضة مدسوسة على حكومتنا الرشيدة ، دير بالك ياريس .. رغم أن ( عيوننا ) مفتحة قدر الفنجان .... ما تفلت ساااااي .
مودتي
عماد محمود |
.........................................................................................................................
عماد شمت الغالي الجميل
الريس طارق جبريل : ياريس تمشي وتجي بالسلامة ... بس على فكرة ( حنين ) دي معارضة مدسوسة على حكومتنا الرشيدة ، دير بالك ياريس .. رغم أن ( عيوننا ) مفتحة قدر الفنجان .... ما تفلت ساااااي .
مودتي
عماد محمود
اخ عماد.....تحياتي واحترامي
يازول ماكنت متخيلة انه ماخدة من زمنك وقت قدر دا ........وتاعبة عيونك تفتح قدر الفنجان...وده كله لي شنو ...لاحقت لابقت
ياجنا ......يااخي ماكن من الاول تقولوا لينا اتخارجوا من هنا...كان مرقنا وريحناكم...انحنا ماناس ختا ناس محنة وادب وزوق...
قشششششششششة ماتعتر ليك..وادي مخارجة ياود امي البيت لو اهله مامرحبين بيك..شن لزومة القعدة وهااااااااااااادي مرقة
ناس الامتداد الحلوة يلا ودعاكم اللع..انا زااااتي الجابني اتشالق بي جاي شنو؟؟؟؟؟؟؟؟؟؟؟؟ ابقواعشرة على محنتكم....وعلى حكومتكم الرشيدة.
الكشك زاتوا خلينا راس ماله ضيعتوا ديون ...خلوا ليكم اقلبوا محل تلج..........
تليشة طارق جبريل
"عاينوا انا بعمل فيها حردانة انتوا زفوا عماد وشاكلوا قولوا ليه ياخي بالغت يا مان والبت جات كايسة المحنة وزولة ظريفة وكدة.....تعالوا جاريين لاحقني في باب البيت حنسوني كده طيب...
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: لم يغيب أبدا عن محطاتنا 14 وبمافيهم 7
|
كلامك في محلو اخي / مجدي عبدالرحيم فضل بالذات محطة سبعة {7} }نحن سكان الصحافة ، عندنا شعور عميق بان محطة 7 دي جزء لايتجزأ من اراضينا ، وهي بالنسبة لنا { حلايب } اخرى } أو { سبتة } و { مليلية} المحتلتين من الإسبان بشمال المغرب
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بدرالدين يعقوب)
|
انا لله وانا اليه راجعون ولاحول ولاقوة الا بالله توفى فى الدوحة عصر امس الاحد عادل حسين عبد المؤمن بعد معاناة مع المرض الزمته سرير المستشفى والراحل شقيق عمر وعاطف مربع 14 سابقا والطائف حاليا حيث منزل الاسرة وكانت اسرة الراحل عادل قد فجعت فى شهر يناير الماضى بوفاة الابن رماح عادل حسين غرقا بالهند وسيقام الماتم بمنزل الاسرة بالطائف وقد غادر عاطف حسين وزوجة الراحل برفقة الجثمان الى الخرطوم ظهر اليوم الاثنين انا لله وانا اليه راجعون ولا حول ولا قوة الا بالله
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بدرالدين يعقوب)
|
Quote: قلت ليك ماتحنسني....عماد خليتوا ليك انشاء يضوي |
النجم بستمد نورة من القمر ....
Quote: (كع خفف شوية علي الضيوف ) |
يابدر دي ما ضيفة ... دي ست بيت ... وكل البيوت ... ولو ماشالها البيت نشيلها في عيونا ونغطيها برموشنا ... ونتمنى بان يطيب لها المقام ..... ويا ضيفنا لو زرتنا لوجدتنا نحن الضيوف وإنت رب المنزل ....
تهديدة :
كع أي مهاترات ومد لسااااان تااااني أعتبر نفسك في المعتقل .... ومش ح تطلع منو تااااني حتى عودة الريس الرئيس / طارق جبريل .. أعمل حسابك ..
محبتي
الفريق ركن
عماد الدين محمود علي وزير الدفاع والقائد والمفتش العام لقوات شعب الامتداد المسلحة ...
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
انا لله وانا اليه راجعون ولاحول ولاقوة الا بالله توفى فى الدوحة عصر امس الاحد عادل حسين عبد المؤمن بعد معاناة مع المرض الزمته سرير المستشفى والراحل شقيق عمر وعاطف مربع 14 سابقا والطائف حاليا حيث منزل الاسرة وكانت اسرة الراحل عادل قد فجعت فى شهر يناير الماضى بوفاة الابن رماح عادل حسين غرقا بالهند وسيقام الماتم بمنزل الاسرة بالطائف وقد غادر عاطف حسين وزوجة الراحل برفقة الجثمان الى الخرطوم ظهر اليوم الاثنين انا لله وانا اليه راجعون ولا حول ولا قوة الا بالله
نسأل الله له الرحمة والمغفرة وللأهل بيته الصبر علي المصاب وللأخ عاطف وعمر التعازي
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
Quote: توفى بالدوحة عصر امس الاحد ، عادل حسين عبد المؤمن ، الموظف بشركة الجزيرة الاسلامية ، شقيق عاطف حسين بالمصرف الاسلامى و شقيق عمر بلندن ووالد د. حسام بجامعة الرباط وابن اخت اللواء بابكر على التوم ، وصهر الشفيع الطيب المبارك بالمصرف الاسلامى ، وسوف يغادر الجثمان ظهر اليوم بعد الصلاة علية بمسجد المطار الى الخرطوم . ويقام العزاء بالسودان بامتداد الدرجة الثالثه مربع 14 بالخرطوم حيث منزل الاسرة . إنا لله وإنا اليه راجعون ، نسال الله له المغرة ولاسرته الصبر و حسن العزاء . |
لا حول ولا قوة الا بالله وانا لله واليه راجعون اللهم تقبل عادل الخلوق الودود المهذب واكرم وفادته واجعل الجنة متقلبه ومثواه خبر فاجع واليم جنى
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: بكرى الخليفة الكتيابى)
|
سلام للاحبه اخوي العمده بتصل بيك انشاء الله انت دائما في البال
ابوقصي الله يديك العافيه ياهميم تلغونك بالدنيا حديثك كل فنون ...
حنين البلد اهلا بيك والبيت بيتك وزول البيت ما بحنسوه... نزلت سهلا
ياخوانا ما شفت لي واحد من بني جعل ؟؟؟
قلت شنو يا المنسي اقوليك؟؟ انت قريبك ماقاليك اقوليك انا؟؟ كدي اساله ؟؟ بعدين جيب لي
الاجابه !!!!
ياتيتا عايز تودينا في دهيه انت زول قوانيين وبتوزعها في الجرايد ماعارف الملكيه الفكريه؟؟
اللصقه دي عنداللزوم ...بعدين الورده الفي رأسي ما شايفه ختاها الزول التحت اللصقه !!بتجيب هوي
صلاح توبس جايك الدفار ما تخاف ..انت فاكرني انا نايم؟؟علي قولتو..
احمد خضر الفنان الله يديك العافيه وكان حيين بنتلاقي
لحدي ما نتلاقي انشاء الله كلكم عافيه
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
السلام إلي الجميع
الناااس إلي مشت الديار والعندها النية تمشي والعقاب الفاضل إسفيريا سلام كمان
الزوله الحنينه سلام (حنين البلد) 14 مربع بنحي الضيوف ونفرش ليهم العتبات جلوس
العمده ود عويس سلام يافنان كانت لحظات ما أحلاها من عمري سعيدة بينبراتك الله يديك العافية
وهذة البداية الرابعة بدأت سعيدة بأفراح بعض الأخوة وسرعان ما فقدنا فقدين عزيزين الشاب عماد أحمد ضيف الله (أبن أخت كمال الضمانه)
وأبن مربعي العزيز عادل حسين عبدالمؤمن وكلاهما نترحم عليهم وهكذا هي الدنيا أٌناس تصعد أرواحهم الطاهر بسلام إلي باريها وأرواح تخلق من
أرحام وهذة هي رحمة المولي سبحانه وتعالي علي العباد .
ولكم جمعيا محبتي الأكيده وكان حيين بنتلاقي
،،،،أبوقصي،،،،
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
فقدنا فقدين عزيزين الشاب عماد أحمد ضيف الله (أبن أخت كمال الضمانه)
وأبن مربعي العزيز عادل حسين عبدالمؤمن وكلاهما نترحم عليهم وهكذا هي الدنيا أٌناس تصعد أرواحهم الطاهر بسلام إلي باريها وأرواح تخلق من
أرحام وهذة هي رحمة المولي سبحانه وتعالي علي العباد .
ربنا يتقبلهم قبولا حسنا مع الابرار
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
كيفنك يابت كرودي
Quote: ياعبدالله الراجل طلع شيخ برد الواطة اول ماجاء ودعوة كاربة مطرة . بركاتك شيخ طارق ........ وعودا حميدا ومرحب بيك بين اهلك |
الراجل البركة ده خلوه معاكم ولسه الخير جايكم الحمدلله البرد ليكم الواطه وانشالله الاسعار تنزل وكل الامور تسلك ــــــــــــــ
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عبدالله كع)
|
سلام اهل الامتداد ساعود سفره سغييييرة كده وارجع
الكع يااخوي قلل العيار شوية الحنين حنين وانت ياك الضنين
وما بين الحنين والضنين الود فخلي حبل الود يطول الدنيا مافيها
غير الكلام الحلو واحيانا نحن بنفلت لكن بدون قصد او سوء نيه
فيانوارتنا ونوارة ربوعنا خلي النوار يتفتح....عشان في الطل ده نتنسم
عبيركم ونستمتع في حينا المتفرد ليك كل اوراق المحبة الخضراء
قبل ما امشي عايز اعرفه شرد وين ؟؟؟قال قرادابي !!!
العفو والعافيه وانشاء الله القاكم تاميين وسالميين وامين يارب العالميين
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: عماد شمت)
|
Quote: سلام اهل الامتداد ساعود سفره سغييييرة كده وارجع |
ربنا يكتب ليك السلامه وتجي راجع بالف سلامه انشالله .. وماتنسانا من صالح الدعاء
Quote: الكع يااخوي قلل العيار شوية الحنين حنين وانت ياك الضنين وما بين الحنين والضنين الود فخلي حبل الود يطول الدنيا مافيها غير الكلام الحلو واحيانا نحن بنفلت لكن بدون قصد او سوء نيه فيانوارتنا ونوارة ربوعنا خلي النوار يتفتح....عشان في الطل ده نتنسم عبيركم ونستمتع في حينا المتفرد ليك كل اوراق المحبة الخضراء |
يا عما د يا خوي صدقني انا ما قصدته اي حاجه في كلامي .لكن حنين هي شايلة عبدالقادر.
ـــــــــــــ الله يعلم نتشرف بكل من ياتي الي هذا البوست
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: البعيو)
|
Quote: الأخ عبد الله كع احوالك يارجل انا قدمت استقالتى وسوف أعود للبلد بعد حوالى اسبوع ويازول العودة النهائية حاجه صعبه وفيها تلتله عجيبه غايتو وصيتى اى زول يحاول يجهز نفسه تحياتى |
تسال منك العافيه يا زول يا طيب ربنا يوفقك في سودان العزه واتمني لك اقامه طيبه وسط الاهل والعشيرة .. ـــــــــ تسلم وعلي الدرب سائرون انشالله
| |
|
|
|
|
|
|
Re: (4) امتداد الدرجة الثالثة ذلك الحي المتفرد (Re: طارق جبريل)
|
تعازينا للاخ عاطف حسين و الاسرة و للاخ كمال الضمانة في فقدهم الجلل ياريس طارق انتظرني لحد ما اجي في الاسبوع الاول من اغسطس و ياريت احمد خضر يشد الرحال برضو عشان نعيد زكريات اجازة 2006 حبيبي عماد عويس تحياتي و س لامي لاسرتكم و عايزين نسمع صوتك قريب انشاءالله بعد يومين حاتم حمدتو سابقنا للخرطوم و الظاهر الحلة حتكون لامة السنة دي ,,,,,, خالد ريكا (ا لمنسي ) سلام كتير و شوق متجدد احمد خضر ضروري اتصل علي قبلما اسافر تحيــــــــــــــــــــــــــــــــــــــــــــــــــــاتي للجميع
| |
|
|
|
|
|
|
|