أي بت شديدة بتحب ليها طُلبة (صبي بناي)

مرحبا Guest
اخر زيارك لك: 03-28-2024, 09:44 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة طارق جبريل(طارق جبريل)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-05-2007, 06:37 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: serenader)


    سرينيدر كيفنك
    جابتلها لفان كمان

    يا سيدي تعال المغرب الأيام دي عشان تشوف العجب
                  

09-04-2007, 05:28 PM

ناصر جبريل
<aناصر جبريل
تاريخ التسجيل: 03-27-2006
مجموع المشاركات: 759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    ......... التقيت عوض في اجازتي الاخيرة للسودان


    قال ليك والله بس ترجع السودان ولا بكري يديهو عضوية

    ح "ينكت" ليك حاجات بتحيرك (احسن ليك) وبالصور كمان!!!!!!!!!


    لك مودتي
                  

09-05-2007, 06:42 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: ناصر جبريل)


    ناصر كيفنك والبنيات

    حاولت اتصل عليه اليوم بس رقمه ما بيجمع

    يا سيدي قول ليهو جيب صورك وتعال
    وبنكلم ليه بكري كمان


    تليشة:
    انا غاتس وين
                  

09-06-2007, 01:15 PM

Abutalib Elgorashi

تاريخ التسجيل: 11-26-2004
مجموع المشاركات: 348

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    الجميل الرائع د. طارق
    كنت ما بعرفك ولا كان زمني من زمنك
    لكن هسه حاسي اني كنت عايش معاكم كل التفاصيل من روعة السرد وجمال البناء في القصة والعمارات
    لك التحية ومتابعين من قريب وبعيد
                  

09-07-2007, 03:34 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Abutalib Elgorashi)


    ود القرشي كيفنك
    دحين يا الحبيب اتعارفنا عند عوض
    يديك الصحة انت وعوض


    محبتي الاكيدة
                  

09-05-2007, 01:06 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)


    Quote: رغم حداثة عهدي بالبورد وبوستاته.. شاء حظي أن اعتر في هذا الرائع.. واتابع بكل فرح الطفولة ومرح الصبا سرده هذا الجميل البسيط..
    وحقيقة أمتعتني وأدهشتني..
    هذا النوع من الكتابة الذي يجعلك تحس وكأنك انت الذي تحكي أو أن هذا الشخص كان يسير بجانبك ويحيا تفاصيل حياتك اليومية..
    فهذه الذاكرة هي ذاكرتنا جميعا.. وتلك الأيام جميعنا عشنا بعضا من تفاصيلها.. وهؤلاء الأشخاص كان أحدهم والدي او عمي أو خالي أو جاري..
    وتلك هي امي أو خالتي أو جارتنا :فلانة:..
    حتى أن الخيال يسنرسل جاهدا محاولا تركيب هذا الحكي على تفاصيل وعاها يوما ما وعايش تفاصيلها..
    واصل وسنواصل..
    لك التحية والاجلال..


    استاذتنا اميرة فاروق
    حقيقي انا آسف جدا جدا لم انتبه لمداخلتك
    لانه دايما الواحد بيشوف المداخلات الاخيرة وبيرد عليها
    عموما اكرر اعتذاري الشديد
    شاكرا لك هذا الاطراء الذي لا استحقه حقيقة
    كل ما فعلت انني حاولت ان اكتب عن فترة جميلة جدا
    وعن احداث عايشتها شخصيا...
    لا زلت احسب انها اجمل لحظات حياتي على الاطلاق
    احاول جاهدا ان امد الجسور بين عالم كان رائعا
    وبين واقع مميت...
    اسعدني مرورك...
                  

09-05-2007, 02:52 AM

HAYDER GASIM
<aHAYDER GASIM
تاريخ التسجيل: 01-18-2005
مجموع المشاركات: 11868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    Quote: التقيت عوض في اجازتي الاخيرة للسودان

    وهل عرف إنو هو البطل ... والخائن الله يخونو
                  

09-05-2007, 10:30 AM

خالد الجبل
<aخالد الجبل
تاريخ التسجيل: 08-16-2007
مجموع المشاركات: 412

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    يا طارق
    واااااااا حناضلناااااااااااااا (مبالغة)


    انا يوميا استقبل مكالمات بخصوص المقال دا كانه الكاتبه انا (الشباب بقي ما عندهم موضوع غير طارق وعوض)
    ما تحاول تختم الموضوع دا في رمضان يعني زود المعدل شوية
    كمان عشان تنافس في اكثر المواضيع اثارة وشويق لعام 2007

    مع خالص تحياتي
                  

09-05-2007, 06:54 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: خالد الجبل)


    ود الجبل كيفنك
    الله يجبر بي خاطرك ياخي
    ياخي عوض دة ما نافس مع المهضلمين
    يقوم ينافس كمان مع الفطاحلة الهنا


    محبتي الاكيدة
                  

09-05-2007, 04:10 PM

ناصر جبريل
<aناصر جبريل
تاريخ التسجيل: 03-27-2006
مجموع المشاركات: 759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    Quote:

    وهل عرف إنو هو البطل ... والخائن الله يخونو



    الجميل حيدر ... تتصور عارف ومتابع ... وفي تفاصيل كثيرة بس خلي طارق

    يحكي.....طبعا انا كنت متابع القصة من زمان لكن كانو بيهرشونا لمن يقعدو بالليل يحكو عن الـ"جكس"

    ،،،، الليل كلوا .. قالت لي وقالت ليك و...... نصائح عاطفية وحنك

    .... اسع انا ما عاوز احرق ليكم القصة ساي بعد العرس

    بديكم " الشمار"
                  

09-05-2007, 06:27 PM

waleed dawash
<awaleed dawash
تاريخ التسجيل: 06-04-2007
مجموع المشاركات: 1541

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: ناصر جبريل)

    Quote:
    ،،،، الليل كلوا .. قالت لي وقالت ليك و...... نصائح عاطفية وحنك

    .... اسع انا ما عاوز احرق ليكم القصة ساي بعد العرس

    بديكم " الشمار"

    هاهاهاهاهاهاهاهاهاهاهاااااااااااااااااااااااااااي

    يعني القصه فيها عرس و كده؟ شكرا
                  

09-05-2007, 06:57 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: waleed dawash)



    وليد كيفنك

    اقعد باري لي كلام ناصر دة
    لامن يوديك التوج
    الزول دة من ولدوهو اشتر
                  

09-06-2007, 08:45 AM

ناصر جبريل
<aناصر جبريل
تاريخ التسجيل: 03-27-2006
مجموع المشاركات: 759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    Quote:


    وليد كيفنك

    اقعد باري لي كلام ناصر دة
    لامن يوديك التوج
    الزول دة من ولدوهو اشت



    خلاص ما ح نطلع الشمار!!!!!!!!
                  

09-06-2007, 11:23 AM

Amiral

تاريخ التسجيل: 08-16-2007
مجموع المشاركات: 553

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    Quote: .... اسع انا ما عاوز احرق ليكم القصة ساي بعد العرس

    بديكم " الشمار"




    سلامات يا طارق ... من زمان بنقول ليك زيد السرعة عامل فيها تقيل.... الظاهر اخوك ناصر جاب الموضوع من الآخر... يعني صحبك عوض في النهاية عرس البت... بس بي طريقتك دي صحبك عوض زاتو حيأخذ عضوية في المنبر ويجي يمكل القصة براه...زيد السرعة يا طارق وحاول كمل الموضوع قبل بداية رمضان... انا غايتو من اسع بطالب بحصول صحبك عوض على العضوية في البورد... في حد يثني معاي

    يا ناصر سلامات

    في شمار تاني بعد دا ما خلاص عرفنا الزول عرس...
                  

09-06-2007, 12:22 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Amiral)


    تعرف يا اميرال اقوليك حاجة
    والله ناصر دة بيتكلم في حتة
    وانت فهمت حتة تانية خالص
    موش ناصر دة يكون قاصد انا العرست ما عوض
                  

09-06-2007, 12:34 PM

osman righeem
<aosman righeem
تاريخ التسجيل: 06-21-2007
مجموع المشاركات: 10872

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    طارق
    قول بسم الله
    انت العرست!!!!!
    وعرست من
    سحر؟
    ولله الجكس ديال عوض ؟

    بطل لولوة

    عايزين نخش رمضان مع تلفزيون دبي
    لانو بعد التراويح

    وناصر قريب
    و ما بخذلنا
                  

09-06-2007, 12:58 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: osman righeem)


    ود رغيم
    الله يجازي محنك
    خليك مع التراويح احسنلك
    ان بقيت باريت ناصر تبقى غبيان


    بس انت تابع
    قربنا
                  

09-06-2007, 12:31 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)


    حباب الزينين...
    ضربنا يا الحبان الوليمي الزيني دي...
    رجعنا تاني للاوضة الكنا قاعدين فيها...
    وجابوا الشاي وريحة القرفة والهبهان ما تديك الدرب...
    عوض قالهم طارق ما قاعد يشرب شاي... جابولي كبايي ألت عصير منقي..
    راس الكبايي فيهو شيتا محَترَب كدي وملون علي الصنفرة... وأنا بشرب في العصير
    أختلي منه ضُوقي فيه.. لقيتو سكر... قادر الله... ودة ضرضروهو في زيق الكُبايي دي كيفن ماني عارف..
    - خالة البنيي: يا طارق البنات ديل قالن انتو اكلكم مختلف عن حقنا...
    - إييي أكل شنو... هو نحن عايشين.... نحن مانا في كله كله.... جملة الإيمان نحن مانا عايشين... النبي فوقك خليني ساكت
    - كيف ياخي انا مشيت شفت بيوتكم وعيشتكم والله زي العجب...
    - نحمد الله... نحن نقدر نقول شي غير نحمد الله...
    الغايزني وفاقع مرارتي عوض قاعد يتونس تحت تحت مع جكسيهو... ومرة مرة تضربو في يدو
    الزول الدُمق دة قاعد يقولها في شنو ولا العاجبها فيهو شنو... شئ يعلم به الله...
    شويي جات داخلة الخرابة المغتغتي ديك... والله يا الحبان عندها أكل غريب خلاص
    تشيل اللُقمي وتدخلها من تحت (الشملي) الدارعاها فوق راسها وتاكل... يمين بس فيل...
    - السلام عليكم
    - أنا ما برد على النسوان....
    النسوَّان ديل انفقعن ضحك...
    - ياخي أنا قلت ليك الجمعة الجاية بنتناقش..
    - يا زولة هوووي أنا ماني فاضي لي جنس حديثك دة وحاجة واحدة العارفها... الدين يسر وبس..
    أم البنيي اتوهططلها في كرسي مطرف بعيد كدي وتشوف فينا... باقيلي عندها فهم
    ولا كمان مستغربة في بتها البتحب الطُلبة دة...
    شويتين الحريم شربن شاين وبدن ينزرقن لا جوة واحدة وراء التانية...
    جكس عوض قامت وقالت لي عوض تعال عايزاك ودخلوا لا جوة...
    - خالة البني: عن اذنك يا دكتور عندي قطيعة مع اختي دي... اتونس مع سحر دي بجيكم هسا...
    - سمح.... يا ود الكرسني...
    البنيي صنقرتلها في كرسي قدامي وما خلتلي طريقي لا أتلفت هني لا هني... وحاتكم بقيت زي البتفرجلي في
    كورة تنس عيوني يمشن لي قعر الأوضة من اليمين ويرجعن تاني للشمال ووقتين اقابل عيونها في النص لامن أتنهد..
    - شنو يا دكترة إنت حا تسكت كدة كتير..
    - ياخي هي ونستي شن طعمها.... أنا كل البعرفه الطوب والأسمنت والرملة وهسا كمان الأرانب والجداد والبقر..
    - ممكن أسألك سؤال؟؟؟
    - أتفضلي...
    - إنت مرتبط...
    يا ود حسونة تفكني الليلي...
    - طيب خليني اعكس السؤال إنت مرتبطة؟؟؟
    - لا... ليه؟؟؟
    - يمين أولاد أهلك ديل الكتاحة في خشمهم...
    - ليه يعني؟؟؟
    - يعني أنت زولة سمحة وفيك كل المواصفات الممكن يتمناها أي راجل وأولاد أهلك ديل ما شاء الله مرتاحين
    يعني ما ناقصهم إلا يفاتحوك... و...
    - يعني إنت ما مهم عندك أنا أكون عايزة واحد من أولاد أهلي ولا لا....
    - لا طبعا دة حقك... بس الله عرفوهو بالعقل..
    - ياخي أنا من حقي اختار الزول الانا عايزة اعيش معاهو حياتي ولا شنو
    - أكيد .. أكيد...
    - بس أنت ما جاوبتني..
    - والله أنا ما مرتبط... في حالتنا دي الارتباط صعب جدا...
    - ليه يعني إنت فرقك من عوض شنو؟؟؟
    - مافي أي فرق.. الظروف ياها نفسها... بس عوض مقامر شوية...
    - يعني إنت ما مقتنع بالخطوة العملها ولا شنو...
    - شوفي عوض بيحب أختك شديد.. وشايف إنه حياته كلها متوقفة على قصة نجاح حبهم
    وهو اتصرف على هذا الأساس... بس أنا شايف الطريق طويل وظروف عوض تختلف تماما
    عن ظروفكم هنا... ياخي نحن عندنا حِلِم واحد من ولدونا... نقرأ ونتخرج ونشتغل عشان نشيل أهلنا...
    - ما ممكن تعملوا الاتنين مع بعض...
    - صعب... صعب شديد...
    يمين يا الحبان البت دي عيونها فيها كمية من الحزن تحير عديل...
    - يعني انت ما عندك عزيمة عوض
    - أنا اختلافي مع عوض... انا بشوف الواقع وببني عليهو حاجاتي..
    والله يا الزينين بقيت كلي ماشي موية رغم انه صوت المكيف مالي الدنيا...
    والبنيي القدامي دي وحات الله الما يريدها يبقى غبيان... علي العقل
    بيقول الريدي دي محكوم عليها بالموت... ماني عايز اتشعلق زي صاحبي...
    - دقيقة وبرجع ليك..
    البت جات شايلالي منديلا سمح كدي ومطرز: من زمان كان نفسي أديك المنديل... وما تسألني ليه..
    والله يا الحبان وقفت علي طولي وشلت المنديل منها وعيوني جن في عيونها...
    وحاتكم كنت عايز اكورك باعلى صوت عندي: وووووووب ... وووووووب... ووووووووبين علي...
    .... ونواصل
                  

09-06-2007, 01:00 PM

حسن الجيلى سعيد
<aحسن الجيلى سعيد
تاريخ التسجيل: 12-10-2005
مجموع المشاركات: 1723

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    عزيزى.طارق جبريل ,

    واصل حكايتك إنت وعوض وأهلنا الطيبين المرتاح فيهم والأغبش ناس سمحين بالحيل ,عارف ياطارق قصتك دى كلاسكية وعادية لكن الروعة فى طريقة سردك وسلاسة خطابك ,عارف بوستك دا بقى موضوعنا ومتابعنو زى مسلسل الساعة سبعة....
    واصل يامبدع

    مودتى
                  

09-07-2007, 03:42 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: حسن الجيلى سعيد)


    ود الجيلي ود سعيد كيفنك
    يا زول الكلام الغلاد دة ماني قادر عليهو
    دحين انا راجل طلبة ساكت
    حبيت اقول للناس هني:
    نحن الطلب ديل برضو بيريدونا
    غبش اي نعم لكن حبيباتنا منعمات


    محبتي الاكيدة
                  

09-06-2007, 01:34 PM

Safia Mohamed
<aSafia Mohamed
تاريخ التسجيل: 07-21-2007
مجموع المشاركات: 2365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    عوض اقصد د. طارق ازيك
    كيفنك والوليدات

    تعرف انا قاعدة مصاقرة الشي دة عشان اكون اول زول يعلق برضو لقيت في زول سبقني. لكن التانية التانية اخير من الطيش.

    تاني بالله لما تكون داير تنزل في البوست اضافة "مسنجر" لي عشان اخد السبق الصحفي.

    رمضان قرب زيد السرعة شوية

    مودتي و سلامي

    صفية
                  

09-07-2007, 03:59 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Safia Mohamed)


    د. صفية كيفنك
    رمضان كريم مسبقا
    يا ستي والله قصرنا معاك
    بعد دة بنمسج ليك طوالي
    تحياتي للصغار وابوهم
                  

09-06-2007, 04:05 PM

ناصر جبريل
<aناصر جبريل
تاريخ التسجيل: 03-27-2006
مجموع المشاركات: 759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    Quote:

    يا ناصر سلامات

    في شمار تاني بعد دا ما خلاص عرفنا الزول عرس..


    تعرف زمان كان عوض وطارق بيدونا باسطة عشان ما نتكلم!!!!

    اسع بس خلي الحكاية تتمت واحاتك لو ادوني مصنع ح اتكلم واطلع الشمار

    اهه لقيتني كيف
                  

09-06-2007, 04:15 PM

Raja
<aRaja
تاريخ التسجيل: 05-19-2002
مجموع المشاركات: 16054

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: ناصر جبريل)

    الليلة يا طارق ناصر ظهر..

    ألف حمد لله على السلامة..
    طبعا أنا إتخيل لي من يوم ما لخبطتا في التهنئة بتاعة البنوتة وهو مختفي.. ولغاية هسع حاسة بالذنب..

    يا ناصر لك العتبى حتى ترضى

    ويا طارق مليون سلام وتحية وشوق
                  

09-06-2007, 05:55 PM

Rawia
<aRawia
تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Raja)

    طارق ازيك

    انا حا ابدا اكسر ليك تلج
                  

09-06-2007, 06:18 PM

Raja
<aRaja
تاريخ التسجيل: 05-19-2002
مجموع المشاركات: 16054

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Rawia)

    يا جماعة لازم أحكي فضيحتي العملتها..

    يوم ما جابو "ميادة" لناصر.. دخلتا تووووش. وشايلة معاي أكبر بوكيه ورد.. وطبعا عارفة الماما إسمها "سلافة" فما كان علي إلا كتابة: الأحباب طارق وسلافة.. مبروك البنية وتتربي في عزكم.. قام جا عماد محمود، الله يطراه بالخير، يا جماعة إنتو عماد وين..؟ قام قال لي يا رجاء الوكت لسة صباح إنتي شربتي شنو.. البابا هو ناصر ما طارق ..

    طبعا عملتا التعديل وزي عشرين إعتذار تاني.. لكن من اليوم داك ما شفتا ناصر ده حايم في بوست..
    والزولة الخفتا جد جد تزعل كانت أم ريم، زوجة طارق.. الفجأة لقت راجلها معرًس وجايبين ليهو بت كمان ..

    سماح يا شباب..

    يا راوية.. طبعا طارق ده عامل فيها بيحكي حكاية عوض صاحبه ومن "day one" كلنا نقشنا الحكاية..
    مرات مرات قاعد يمضى بإسم "الطلبة طارق"

    غايتو يا طارق الحكاية دي لو ما إنتهت بالسلامة، أم ريم حتكون خلًصت ليك كل الفرص بتاعت حسن النية (الأولى ميادة والتانية بت العمارات) ..

    الشباب الفوق كلهم.. معليش للتخريمة الطويلة.. الليلة الخميس وما صدقتا لقيت روحي قادرة أكتب..

    ودي للكل
                  

09-07-2007, 04:16 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Raja)


    Quote: يا راوية.. طبعا طارق ده عامل فيها بيحكي حكاية عوض صاحبه ومن "day one" كلنا نقشنا الحكاية..
    مرات مرات قاعد يمضى بإسم "الطلبة طارق"

    غايتو يا طارق الحكاية دي لو ما إنتهت بالسلامة، أم ريم حتكون خلًصت ليك كل الفرص بتاعت حسن النية (الأولى ميادة والتانية بت العمارات) ..


    يا رجاء كدي صلي علي النبي وقولي بسم الله
    انت شربت شنو في امريكا علي قول حبيبنا عماد محمود
    مالك عايزة تجيبيلنا الكتاحي
    بعدين الله بيسألك هسي طارق وعوض بيتشابهن

    ام ريم قاعدة تقرأ في الكلام دة بس انت روقي في علبك

    اظهري ما تغتسي تاني
                  

09-06-2007, 06:28 PM

Hatim Gubara
<aHatim Gubara
تاريخ التسجيل: 11-14-2006
مجموع المشاركات: 704

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Rawia)

    يا ناصر ماتخلي عقلك صغير وأقدر علي خشمك...
    خللي الوله جبريلا يحكي ساي..
    باسطتك عندي... بس أعقل...
                  

09-06-2007, 07:08 PM

Rawia
<aRawia
تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Hatim Gubara)

    انا بديت اقرا الاول ولقيتو بهدل صاحبوا بهدلة غايتو ذكرني (الكسيحة)
    يارجا

    اما كسير التلج سببو براااااهو
    مستعدة بالبوح في الخاص فقط
                  

09-07-2007, 04:25 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Rawia)


    راوية كيفنك

    Quote: اما كسير التلج سببو براااااهو
    مستعدة بالبوح في الخاص فقط


    يا بت الناس نحن بنجيبلك مصنع التلج
    كله لااااا عندك قصرنا معاك


    محبتي الاكيدة
                  

09-07-2007, 04:21 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Hatim Gubara)


    ود جبارة انت حي
    ياخي بليلة دة (ناصر) انا عارف شتارتو
    خليك منه...
    صحبك عوض قال حا يطالب بكري بالعضوية
    وحا يجيب معاهو الصور....


    سلم على البنيات وامهن
                  

09-07-2007, 04:08 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Rawia)


    راوية كيفنك

    Quote: انا حا ابدا اكسر ليك تلج


    ياخي نجيب ليك مصنع التلج لحدي عندك
                  

09-07-2007, 04:04 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Raja)


    يا سلام يا عوض ياخي
    رجاء العباسي كلها هنا
    وخلي بالك يا عوض رجاء مغرمة جدا
    باصحابنا الطلب وجنها طوب


    حمدلله على السلامة
    مالك ما غشيتينا في المغرب
                  

09-07-2007, 05:04 PM

سامي عبد الوهاب إدريس
<aسامي عبد الوهاب إدريس
تاريخ التسجيل: 11-15-2005
مجموع المشاركات: 1509

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    يا جبريلا

    يلا أسرع..

    ما بنقدر على الشحتفة دي..

    تحياتي ليك والأسرة الكريمة
                  

09-08-2007, 12:16 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: سامي عبد الوهاب إدريس)


    سامي كيفنك
    بنسرعلك الحكايي بس انت خللك قريب

    تحياتي للوليدات
                  

09-07-2007, 08:10 PM

Raja
<aRaja
تاريخ التسجيل: 05-19-2002
مجموع المشاركات: 16054

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    طارق يا حبيب..

    سلامات وأشواقات..

    سفرتي كانت قصيرة ومتعبة للغاية.. 10 ايام لمدينتين وإجتماعات متواصلة، إضافة إلى سفر 3 أيام.. وترانزيت في لندن (طبعا كانت أجمل حاجة أقابل هدى أختي).. ورجوع لعمل.. وبالمناسبة الساعة البيولوجية بتاعتي ما إتظبطت لغاية هسع.. يعني ممكن أفضل صاحية لغاية 4 صباحا وأنوم وأقوم للشغل الساعة 8، وفجأة الساعة 4 ضهر تلاقيني بقيت زي "توم بتاع توم وجيري" لما النعاس كتله وعمل العمايل عشان يبقى صاحي ..

    خلينا مع عوض.. طبعا ولا ح أكضب عليك وأقول ليك أنا صدقتا إنو في زول إسمه عوض ..

    تحياتي لريم ومامتها.. وقول ليهم زيارة المغرب دي عايزة ترتيب بمزااااااج.. وأكيد حتحصل
    ولغاية ما تحصل نقدم ليكم دعوة للأردن.. بجد بلد جميل

    تحياتي يا عوض.. أوبس يا طارق
                  

09-07-2007, 11:20 PM

HAYDER GASIM
<aHAYDER GASIM
تاريخ التسجيل: 01-18-2005
مجموع المشاركات: 11868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Raja)

    أظن بالطريقة ده حا نصوم على عوض ... ونفطر فى العمارات

    مودتي
                  

09-08-2007, 01:00 AM

حاتم هاشم
<aحاتم هاشم
تاريخ التسجيل: 08-31-2006
مجموع المشاركات: 1411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: HAYDER GASIM)


    بسم الله الرحمن الرحيم
    ودجبريل سلامات ...
    تسجيل حضور ومتابعه .
    بس انت شكلك يا مان حاتطير الحنان ده منك ساي .
    تحياتي لي عوض


    حاتم هاشم .
                  

09-08-2007, 07:09 AM

مجدي عبدالرحيم فضل
<aمجدي عبدالرحيم فضل
تاريخ التسجيل: 03-11-2007
مجموع المشاركات: 8882

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: حاتم هاشم)

    حبيبنا طارق

    والله أنا عافي من عوض جاب بنات العباسي للحوش تاني

    وحتي ناصر التقول عوض ده ماجاروا جاي بكارو من السودان

    يادوب وصل سلام وتحية رمضانية للعرسان ولكل معلمين الطلب

    والطلب وحضور من معجبي الطلب وزماله المونه وحتي بيوت الجالوص.

    ،،،،أبوقصي،،،،
                  

09-08-2007, 12:28 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: مجدي عبدالرحيم فضل)


    حبيبنا ابو قصي كيفنك
    نان بنات العباسي وكتين جن عندنا في الامتداد واتفاءلنا خير
    جاء ود سري طيرِن لينا من هناك شكيتو علي الله
                  

09-08-2007, 12:24 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: حاتم هاشم)


    حاتم وليد هاشم كيفنك
    الحنان طار من زمان بس ربك رب الخير جاب لينا حنان احسن منه

    محبتي الاكيدة
                  

09-08-2007, 12:23 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: HAYDER GASIM)

    Quote: أظن بالطريقة ده حا نصوم على عوض ... ونفطر فى العمارات


    حيدر وليد قاسم كيفنك
    يا زول من هسي رمضانك كريم في حوش عوض
    لكن حكاية تفطر في العمارات دي ما بضمنها ليك
                  

09-08-2007, 12:20 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Raja)


    رجاء كيفنك
    Quote: خلينا مع عوض.. طبعا ولا ح أكضب عليك وأقول ليك أنا صدقتا إنو في زول إسمه عوض ..

    يا بت الناس مالك عايزة تجيبي لينا الكتاحة

    Quote: تحياتي لريم ومامتها.. وقول ليهم زيارة المغرب دي عايزة ترتيب بمزااااااج.. وأكيد حتحصل
    ولغاية ما تحصل نقدم ليكم دعوة للأردن.. بجد بلد جميل


    يا ستي ريم وامها في انتظاركم انت بس انوي
    والله المغرب ذاته بلد جميل خالص خالص
    وما ممكن تصوري ممتع قدر شنو

    أها خليناك على خير يا (توم) اقصد يا رجاء
                  

09-08-2007, 07:47 AM

ناصر جبريل
<aناصر جبريل
تاريخ التسجيل: 03-27-2006
مجموع المشاركات: 759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    ....... رجاء

    Quote:
    طبعا عملتا التعديل وزي عشرين إعتذار تاني.. لكن من اليوم داك ما شفتا ناصر ده حايم في بوست..
    والزولة الخفتا جد جد تزعل كانت أم ريم، زوجة طارق.. الفجأة لقت راجلها معرًس وجايبين ليهو بت كمان ..


    .......قلت اجي مع عرس عوض!!!!
                  

09-08-2007, 08:30 AM

wadah beshier
<awadah beshier
تاريخ التسجيل: 08-16-2007
مجموع المشاركات: 291

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: ناصر جبريل)

    العزيز صاحب القلم الرشيق - طارق جبريل

    بكل صدق صرت كلما افتح هذا المنبر.ابحث في بادي الامر عن هذا البوست

    عساي اجدك اضفت جديدا في هذه القصة.التي اصبحت بالنسبة لي كالمسلسل انتظر

    الحلقة الاخيرة منه.

    لذا اناشدك بان تكون نهاية هذه السلسلة السلسة الرائعة بروعة كاتبها

    خلال شهر رمضان المعظم.

    كل عام وانت بخير ورمضان كريم.

    عاطر تحياتي - وضاح
                  

09-08-2007, 12:30 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: wadah beshier)


    العزيز wadah beshier كيفنك
    يا سيدي ننهيها ليك مع رمضان ولا يهمك
    وجودك هنا اسعدني وعوض

    محبتي الاكيدة
                  

09-08-2007, 10:34 AM

شول اشوانق دينق
<aشول اشوانق دينق
تاريخ التسجيل: 02-13-2006
مجموع المشاركات: 5332

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    ود جبريل طلعت عيننا عديل كده وراجين نهاية القصة يا شكسبير


    Quote: - يعني أنت زولة سمحة وفيك كل المواصفات الممكن يتمناها أي راجل وأولاد أهلك ديل ما شاء الله مرتاحين
    يعني ما ناقصهم إلا يفاتحوك... و...

    ده كسير تلج يا زول...
    إعترف

    Quote: البت جات شايلالي منديلا سمح كدي ومطرز: من زمان كان نفسي أديك المنديل... وما تسألني ليه..والله يا الحبان وقفت علي طولي وشلت المنديل منها وعيوني جن في عيونها...
    وحاتكم كنت عايز اكورك باعلى صوت عندي: وووووووب ... وووووووب... ووووووووبين علي...


    الليلة!!!

    الفلم سخن كده.

    واصل يا زول نعمل شنو ... رضينا بفتات قصتك البتكتب منه مقطع كل خمسة يوم...

    تسلم يا رائع

    شول اشوانق

    اوعك تفكر تعملوا مسلسل عشان حيكون اطول من ليالي الحلمية
                  

09-08-2007, 12:35 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: شول اشوانق دينق)


    شول كيفنك
    Quote: ده كسير تلج يا زول...
    إعترف

    ياخي المغرب دة بارد ما محتاج للتلج

    Quote: اوعك تفكر تعملوا مسلسل عشان حيكون اطول من ليالي الحلمية

    ياخي اسامة انور عكاشة دة ما بنقدر عليه


    محبتي الاكيدة
                  

09-08-2007, 12:48 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)


    حبابكم يا الزينين...
    يمين يا الحبان مسكت المنديل دة بين يديني وكضمت الكضمي الياها....
    - دكتور مالك ساكت كدة...
    - لا أبدا...
    وحاتكم الكلام أبى يطلع كله كله بس زي معجون أبو صفقة داك لامن يكمل
    وتقعد تعصر فيه فشان تتسوك وأصابعينك لامن يورَمِن
    وما تقدر تطلع منو حِتايي وفي النهايي تحك الفرشي في الصابوني البيضة بتاعة الغسيل ديك وتتم سويكك..
    جاء عوض داخل يتبسم ومعاهو جكسويتو... وتبعتم خالة البنيي...
    - دنقرت علي عوض: قوماك نطلع من هِنيي...
    -ليه مالك...
    - ياخي قوماك وخلاص أنا إن بقيت زدتلي دقيقي هني حا أخطُب رسمي... دحين أمرقني من هِني...
    ابن الهرمة عوض فقعلو ضحكي... بس خالة البنيي ما صدقت وجاتني وفي قعر أضاني:
    - وصلت لااااا وييييييين يا دكتور....
    - أنا لا وصلت ولاني عايش ولاني داير أعيش أنا داير أمشي لي أهلي وإن بقيت مُتة أخير...
    - ضاحكة: كدي قول بسم الله مالك
    - انتو بس خلوني أمرق من هِني وأنا ببقى كويس...
    عوض قام علي حيلو وقالهم: يا جماعة الصلاة قربت ونحن يا دوب نصل عشان نصلي الجمعة
    - سحر: ياخي السواق بيوصلكم ليه مستعجلين...
    عوض ضحك وعاين لي لقاني مبَلِم وعرقي يخر وماسك المنديل وهاجرو في يديني
    ومنطط عيوني علي حبوبة المطر (حشرة تظهر وقت الأمطار) وقالهم معليش نحن نمشي وبنجيكم تاني
    أنا في سري قلتلو ما أظن لأنه إن بقيت جيت تاني هِني قدام سحر دي بمشي قاصد أبوي جبيرين رسمي....
    - خالة البنيي: كدي دقيقة اختي عايزاك يا عوض...
    أم البنيي جات شايلالا شيتا مغتغت كدي ومقصطر وقالت لي عوض دة شوية كعك وديهو لي ناس أمك...
    قادر الله حتى كعكم ماهو ياهو... أليلنا يغتسوهو قبل العيد في جرادل طلس كدي والسكر مضرضر
    فوقه علي الكوكايين ويرفعوهو فوق الفضية وبعد شهرين من العيد تلقاهو معتت ووكتين تاكل منه إن ما بقيت جريت فسراع
    للمستراح يمين الإسهال يصل لي ركبتك زي الدكوة العاصرنلهم فيها ليموني ويكبسك الضبان الاخضر
    داك وينوني فيك بس البقدونس في صحن سلطة الحُمص...
    ودعناهم مع السلامة مع السلامة.... أنا لامن وصلت عند سحر غلبني النضمي كله كله...
    وحاتكم ناقصاني الرِيالي رسمي... مديتلها يدي وسلمت عليها ولامن عيني جات في عيونها
    كنت عايز اقولها: واااااااااااااااامغستي أنا... التراب في خشمي...
    - طيب يا سحر مع السلامة وشكرا على الفطرة الحلوة دي
    - طيب يا دكتور شرفتونا.... ممكن نشوفك تاني
    - إن شاء الله...
    - ضروري جدا خصوصا إجازتك قصيرة... بزعل لو ما شفناك تاني...
    إنت تزعلي... أمال أنا أسوي شنو.... أنبطح في نص الظلط فشان يخفجني لوري...
    ودعناهم وعوض أخدلو حنكين جنب الباب مع الجكس وأنا وقفت بعيد ولمحت سحر
    في باب الصالة أشرت لي تودع فيني بي يدها وأنا هزيتلها راسي ورفعتلا يدي الشايلة
    المنديل.... وعيني لي أبوها بي كرشو الغليدي ديك واقف جنب مرتو... يمين جِقِر
    معرس فارة أم سيسي... لله في خلقه شؤؤن... حكم يعلم بها الله...
    لامن وصلنا الظلط عوض شافني ماشي طوالي...
    - ياخي الشمس مولعة إنت عايز تمشي كداري ولا شنو خلينا نركب ياخي
    - شوف يا عوض لو عايز تركب أركب أنا ماني راكب
    ختيت المنديل فوق راسي ومشيت ومن وراي عوض...
    .... ونواصل
                  

09-08-2007, 01:31 PM

ناهد علي
<aناهد علي
تاريخ التسجيل: 08-16-2007
مجموع المشاركات: 517

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    طارق
    الله يرضاء عليك
    تمها انا ماشة مامورية
    بالي كلة عن عوض مابغطة قرض في ماموريتي دة دحين
    تمه لي انشاء الله براي
                  

09-08-2007, 01:51 PM

Rawia
<aRawia
تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: ناهد علي)

    لا يهل الله محمد رسول الله








    زمان حبوبتنا بت الحسين(الله يرحمها) كانت بتقول كدا لما تندهش


    هي دهشة نصاح لكن
                  

09-08-2007, 04:10 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Rawia)


    يا راوية كيفنك

    حبوبتك دي كانت بتكسر تلج برضو
                  

09-08-2007, 08:50 PM

Rawia
<aRawia
تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    Quote:
    حبوبتك دي كانت بتكسر تلج برضو


    تلج؟

    حبوبتي كان شافت الشفته كانت تتشهد للان(فاغرة فاهها)

    وتاني
    لا اله الا الله محمد رسول الله
                  

09-08-2007, 04:09 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: ناهد علي)


    ناهد كيفنك
    كدي قولي بسم الله وادينا الايميل بنتمها ليك


    محبتي الاكيدة
                  

09-08-2007, 02:43 PM

شول اشوانق دينق
<aشول اشوانق دينق
تاريخ التسجيل: 02-13-2006
مجموع المشاركات: 5332

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    ود جبريل
    شايفك سرعت النسق حبتين ... كويس يا زول الظاهر الضغط جاب حقو...

    Quote: ويرفعوهو فوق الفضية وبعد شهرين من العيد تلقاهو معتت ووكتين تاكل منه إن ما بقيت جريت فسراع
    للمستراح يمين الإسهال يصل لي ركبتك زي الدكوة العاصرنلهم فيها ليموني ويكبسك الضبان الاخضر
    داك وينوني فيك بس البقدونس في صحن سلطة الحُمص...

    ايه الفظاعة ده يا اخي؟؟؟
    خربت القصة كلو كلو بكلام الفوق ده يا زول.

    Quote: ودعناهم مع السلامة مع السلامة.... أنا لامن وصلت عند سحر غلبني النضمي كله كله...
    وحاتكم ناقصاني الرِيالي رسمي... مديتلها يدي وسلمت عليها ولامن عيني جات في عيونها
    كنت عايز اقولها: واااااااااااااااامغستي أنا... التراب في خشمي...
    - طيب يا سحر مع السلامة وشكرا على الفطرة الحلوة دي
    - طيب يا دكتور شرفتونا.... ممكن نشوفك تاني
    - إن شاء الله...
    - ضروري جدا خصوصا إجازتك قصيرة... بزعل لو ما شفناك تاني...

    تعرف لو جيت وتميت باقي القصة وطلع ما رجعت لي ناس سحر ومشيت ليهم تاني زيارة يمين إلا نجيك في المغرب بتاعك الداسي فوقه ده والزمن داك تستاهل ليك دقه وما دايرين حجازين ... دواس بس.

    لسه بجيك

    شول اشوانق
                  

09-08-2007, 04:12 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: شول اشوانق دينق)


    شول كيفنك
    جابت ليها دق كمان
    انت يا اخوي محروق كدي مالك القصي هابشاك في واحدة شديدة من زمان ولا شنو
                  

09-08-2007, 05:17 PM

ياسر الامير ابوجكة
<aياسر الامير ابوجكة
تاريخ التسجيل: 08-06-2007
مجموع المشاركات: 9

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    ياود جبريل ،،، كيف حالك

    طيب و صبي النجار ،،، في البوست القادم (قصة حقيقية ) ،،، عاش نفس الفيلم
    حارسل ليك القصة دي على الايميل لانو سلاسة الحكي عندك ... رايك شنو


    ود الامير
                  

09-08-2007, 05:40 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: ياسر الامير ابوجكة)


    حبيبنا ود ابو جكة
    يا زول الكع لينا القصة وبنعملها سيناريو كويس
    بس كدي دخلنا في الموضوع
                  

09-08-2007, 05:28 PM

waleed dawash
<awaleed dawash
تاريخ التسجيل: 06-04-2007
مجموع المشاركات: 1541

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    Quote: وحاتكم الكلام أبى يطلع كله كله بس زي معجون أبو صفقة داك لامن يكمل
    وتقعد تعصر فيه فشان تتسوك وأصابعينك لامن يورَمِن
    وما تقدر تطلع منو حِتايي وفي النهايي تحك الفرشي في الصابوني البيضة بتاعة الغسيل ديك وتتم سويكك.

    و ممكن تشرط الالمونيوم و تدخل الفرشه ...عسى ان ينوبك من ال بالجمبات نصيب.



    Quote: ودعناهم مع السلامة مع السلامة.... أنا لامن وصلت عند سحر غلبني النضمي كله كله...
    وحاتكم ناقصاني الرِيالي رسمي... مديتلها يدي وسلمت عليها ولامن عيني جات في عيونها
    كنت عايز اقولها: واااااااااااااااامغستي أنا... التراب في خشمي...


    انا يا طارق والله كنت معروف اني بكاااااااااااااااااااي ..
    لكن جنس حقك ده...نبرا و نستبرا يا يابا....
                  

09-08-2007, 05:42 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: waleed dawash)


    والله يا وليد طلعت خبير
    في معاجين الاسنان


    لكن ان بقيت كنت محلي كان عوعيت عديل
                  

09-08-2007, 08:23 PM

Raja
<aRaja
تاريخ التسجيل: 05-19-2002
مجموع المشاركات: 16054

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    العزيز عوض.. آآآخ طارق ..
    سلامات ومحبات..

    الحكاية بقت مولًعة بجد.. عليك الله بطًل الشحتفة وأعمل لينا الـ Happy ending قبل رمضان عشان نعمل العرس في العيد ..





    الغالي أبوقصي..

    رمضان كريم وكل يوم وإنت وأسرتك بخير..

    تسأل منك العافية.. ودايما إنتو في البال..

    ودي الوافر
                  

09-09-2007, 03:47 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Raja)


    رجاء كيفنك
    نحن عايزنها تولع مخصوص مع رمضان
    كسير التلج شغال بي هناك
                  

09-09-2007, 11:51 AM

anas hassan
<aanas hassan
تاريخ التسجيل: 07-21-2007
مجموع المشاركات: 32

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    طـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــارق

    اووووووووووووووووووووووووووووووووووووووووووووووووووووووووب منك

    ما كفــــــــــــــــــــــــــــــــــــــــــــــــــــــــــا يه شحتفــــــــــــــــــــــــــــــه
                  

09-09-2007, 03:48 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: anas hassan)


    انس حسن كيفنك
    يا زول اركز وقول بسم الله
    رمضان لسة ما بدا

    ما فضل كتير
                  

09-09-2007, 08:13 AM

Safia Mohamed
<aSafia Mohamed
تاريخ التسجيل: 07-21-2007
مجموع المشاركات: 2365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    الصديق العزيز طارق


    تشكر يا سيدي على الايميل

    نخلي الجماعة على كدة عشان كل شوية زول يرسل يسالني من نهاية القصة


    طبعا الدفع مقدما

    سلام

    صفية
    المتعهد الرسمي لاعمال د. طارق في البورد
                  

09-09-2007, 01:03 PM

osman righeem
<aosman righeem
تاريخ التسجيل: 06-21-2007
مجموع المشاركات: 10872

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Safia Mohamed)

    بمناسبة الايميل
    عندي تلفون عوض

    مين يحب يستثمر

    د. طارق ممكن تقدم عرضك برضك
    عارف قصة اليهودي
    بتاعت صكوك الغفران !!
    اعمل زيها
                  

09-09-2007, 03:53 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: osman righeem)


    ود رغيم
    انت باقيلي شغال جاسوس
                  

09-09-2007, 03:50 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Safia Mohamed)


    د. صفية كيفنك والوليدات
    ايوة بالله سخني الشغل
    عايز اشتري لي بيت جالوص في السودان
                  

09-09-2007, 01:56 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    من البداية تابعنا عوض ........
    هسة شكلو كدة مسألتو ظابطة ومنتهية ....
    لكن الطلع لينا بي مناديل .. وجرسة .. و ......... وااااااااا ضيقو ده تكون نهايتو شنو؟

    قال مونة وطوب قال.

    زول حنانو وراهو بيلطُم ..... يقوم يمشي (للملطم)؟
                  

09-09-2007, 02:39 PM

GamarBoBa
<aGamarBoBa
تاريخ التسجيل: 03-07-2002
مجموع المشاركات: 4985

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: محمد أبوالعزائم أبوالريش)

    ود جبريل
    من بديت اقرأ قصتك دي وانا يوميا بتلفت شمال ويمين وانا ماشي بشارع محمد نجيب العمارات..بسأل ياتو عمارة في ديل طلعت منها القصة دي....الليلة قمت نشنت علي عمارة كدة (بي مزاجي انا) لانو برضو طلعت من جنبها آفة بتخلي القلب يهضرب ...جنبها صيدلية ؟؟؟ بس هي ذاتها معناه
    نحن ماناس كتابة كتير لكن قصتك قريناها وعجبتنا ...واصل فيها ...بس ارجع الامتداد شوي....
                  

09-10-2007, 10:21 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: GamarBoBa)


    القمر بوبا كيفنك
    الآفة الشفتها دي عاينلها من بعيد
    عشان ما يبقى عليك البقى علي عوض


    اسعدني وجودك هنا
    وخليك متابع
                  

09-09-2007, 07:27 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: محمد أبوالعزائم أبوالريش)


    ود ابو العزائم(مصطفى سعيد) كيفنك

    انت منو القالك عوض قصتو ظبطت؟؟؟؟
    بعدين يا اخوي الملطم اخيرلنا من اللطمي بعدين

    بس انت تابع وشوف منو فينا الصرب السكلي
                  

09-09-2007, 03:58 PM

ناصر جبريل
<aناصر جبريل
تاريخ التسجيل: 03-27-2006
مجموع المشاركات: 759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    Quote: بمناسبة الايميل
    عندي تلفون عوض

    مين يحب يستثمر


    طيب وحات النبي انا كنت مع عوض قبل 20 يوم

    .......يا طارق واصل ياخي....! عارف زحمة الانتخابات ومعسكر العمل .. تصدق الواحد حاسدك على الجو دا!!!!! ( خارج النص) حنين الى المغرب!!!!
                  

09-10-2007, 10:22 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: ناصر جبريل)


    والله يا ناصر مزنوقين مع انتخابات المغاربة دي
    زنقة عدوك بس الله يدي طولة العمر

    البنيات وصلوك ولا لسة
                  

09-09-2007, 10:02 PM

Husam Bashir

تاريخ التسجيل: 06-29-2006
مجموع المشاركات: 28

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    العزيز طارق

    تعرف قطيعتك الكتيرة دى فى عوض وناس العمارات بتوديك النار والدنيا قبايل رمضان. أحسن تجينا عند ياسر أبوجكة فى الجديدة.

    مع التحايا الحارة
                  

09-09-2007, 11:05 PM

Abutalib Elgorashi

تاريخ التسجيل: 11-26-2004
مجموع المشاركات: 348

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Husam Bashir)

    اللذيذ د. طارق
    تعرف انا قاعد الملم في القصة في مستند واحد ولغاية هسي وصلت لغاية صفحة 36 وبالبنط الصغير..
    عموما قدامك ثلاثة خيارين (زي ما بقولو العساكر)
    يا تكملا يا تكملا

    تخريمة
    ناصر ادينا المفيد
                  

09-10-2007, 10:27 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Abutalib Elgorashi)


    ود القرشي كيفنك
    اللمليم أليلك دي ذكرني لقيط التمُر
    دحين يا اخوي ما فضلك كتير ونتملك باقي اللمة
    محبتي الاكيدة
                  

09-10-2007, 10:25 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Husam Bashir)


    ود بشير كيفنك
    ورمضان كريم
    يا زول هو المنبر دة كله قطايع
    وجاييكم بي هناك عندي قصص كتيري عن الجديدة


    محبتي الاكيدة
                  

09-10-2007, 10:41 AM

osman righeem
<aosman righeem
تاريخ التسجيل: 06-21-2007
مجموع المشاركات: 10872

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    طارق
    كل سنة وانت طيب و الاولاد والاهل جميعا

    انت ما مصدق عندي التلفون


    الرقم الخامس من الشمال 9

    احلفلك بي شنو
    وحات سوق التلاته و وحات الجدول الضكر

    الحق نفسك
                  

09-10-2007, 10:45 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: osman righeem)


    ود رغيم كيفنك
    صحبك عوض قال عايز العضوية عشان يجي يفتو هنا
                  

09-10-2007, 10:33 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)


    الزينين كيفنكم...
    صلينا الجمعة في الطريق... ومن طلعت من هناك أصلي ما نطقتلي بي حرف...
    أبيت أمشي للبيت دخلت مع عوض في بيتهم وفي برندة مطرفة كدي لقيتلي عنقريب
    فيهو مخدة انبطحت فيهو وغتيت وشي بالمنديل ونمت....
    صحيت علي صوت خالتي سكينة يصحي فيني: طارق قوم يا ولدي تتغدى
    - خالتي سكينة النبي فوقك أنا لاني عايز اتغدى لاني عايز اتسمم خليني
    - انتو اصلهن النسوان ديل عمللكن شنو لامن جيتو مقهومين كدي انت وصحبك
    - ياخي موش تبيخك دة الفيهو لحمايي في نص الصحن علي قلب الدينمو... ماني دايرو
    - (تضحك) الله لا تكسبك انت وصحبك... أمك (الله يرحمها) من قبيل بي راس الحيطة تسأل منك
    ياخي أُكلَك لُقمي مع الناس... إنت العنقريب دة مالك ما جدعتلك فيهو لحاف شوف شرط ضهرك دة كيفن...
    - خالتي خليني أنا عارف حُبال العنقريب خلت ضهري علي بسكويت العيد كله مشرط.. دحين خليني
    أقولك شي.. إنتو لامن الناس كانوا بيلموا ويسوا في القروش ناس أبوي وعم عبد الله ديل كانوا وين؟؟
    - (ميتة من الضحك) كانوا مبارين العِرِس والضلَلَة وكبابي الشاي والمريسي والعرقي..
    والعجب لامن يكون في شي أليل حكومي تسمعُن: عاش أبو هاشم عاش أبو هاشم...
    ومن الله خلقني ماني عارفي أبو هاشم والمريسي ديل يتلَمَن كيفن...
    - يعني عوض ما جابوا من بعيد ياهو أليل أبوهو
    - إنت باقيلي مشيت وِكِرتَ ذاتك
    - وحاتك يا خالتي أنا الليلي هضربتلي جنس هضريب...
    يمين البنيي علي وش اللبن ناعمي وتقولها في كلاما يدقشك في قلبك لامن يفقهو نصين...
    - إيييي كان كدي خلني اللجر البَنبَر وأقعد جنبك
    - إييي بَنبَر شنو... نان أنا أحكيلك ياتو ولا أخليلك ياتو...
    - النبي يا ولدي خلاص ناوي تغتس مع أخوك...
    - النيي في.. علي أنا ماني عوض... أنا إن بقيت غرقت وجاء واحدا لفحها مني بجن رسمي
    - يا ولدي أصبرلي الشي دة دايرلو سَفِي من صعوط المحسي اليكهرب داك
    - إنت لليلي في جنك دة ما دايري تخلي... أنا أقولك البنيي علي وش اللبن تقوليلي أشوفلي سَفِي..
    - شوف الشناط الجنبك دة أصلي أنا مغزغزة أكياس الصعوط هِني وهِني علي
    بيوت الزرازير فشان تكون قريبي مني وكتين أخدَر ألقاها جنبي...
    - أديتها التمباك.... أنا يا خالتي البنيي نفيستي فيها لكن آبقدر على شيت عوض دة
    دحين وحاتك جيت كداري من هناك أقلب فيهو بي هِني وهِني لقيتو ماهو لافق معاي
    - إييي ديل نسوان قادرات إن بقيت نويت بيحصلنك زي أخوك
    - ما بيبقى يمين جبيرين أقولو كدي علي يقع من طولو وأصلوا إن بقى لي أمي (رحمة الله عليها)
    إن سمعت بالشي بتكضم كله كله.... والله ماني عارف أقبل وين...
    - أييي يا ولدي أمك تقولها روحك وين تقولي عند طارق ما ياكا الحتالي...
    والله يا ولدي طممت بطني بي شيتك دة أنا ذاتي الغداء ماني دايراهو
    - هو غداك شنو طعمو... أنا غايتو ووااااااااااااااامغستي
    .... ونواصل
                  

09-10-2007, 10:59 AM

osman righeem
<aosman righeem
تاريخ التسجيل: 06-21-2007
مجموع المشاركات: 10872

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    سهر الجداد و لا نومه

    طيب

    نعال البقر جيابه
                  

09-10-2007, 04:22 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: osman righeem)


    ود رغيم انت كنت بيطري ولا شنو يا اخوي
    الامثال حقة بياطرة عديل
                  

09-10-2007, 11:13 AM

أميرة فاروق عبد العال
<aأميرة فاروق عبد العال
تاريخ التسجيل: 08-29-2007
مجموع المشاركات: 1129

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    المبدع..
    الممتع..
    الاستاذ طارق جبريل
    لك التحية وانت مازلت تواصل امتعانا..
    انا ماعارفة البشرية دي ضايقي للنهاية ليه؟
    ياخ حلاوة المسلسل في استمراره..
    وصدقوني يومه الينتهي حانقول ياريتو ما انتهى..
                  

09-10-2007, 04:27 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: أميرة فاروق عبد العال)


    أميرة الأميرة كيفنك
    ياخي كلمة أستاذ دي كتيرة علي وما لافقة
    كان قلت طارق الطُلبة بتكون لافقة
    انا برضو ما مستعجل لانه في تفاصيل كتيرة
    الواحد بيحك راسو حك عشان يتذكرها
    وانا حقيقي عايز اكتب كل التفاصل هنا
    لية... والله ما عارف
                  

09-10-2007, 12:10 PM

anas hassan
<aanas hassan
تاريخ التسجيل: 07-21-2007
مجموع المشاركات: 32

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    الاستاذ / طارق

    بقترح انو مسلسل عوض دا يخلص اليومين دول عشان رمضان على الابواب

    وتلحق تنزل لينا المسلسل الجديد اول يوم فى رمضان زى كل القنوات
    ولا ماعندك
    ههههههههههههههههههههههههههههههههههههههههههههههههههههه

    سليت روحنا ما تخلص
    شكلها كدا لمن تنتهى القصه دى نحن نكون خلاص انتهينا


    وشكرا للسرد الرائع للقصه
    ممكن تطبعها وانا بساهم فى الطبع للقصه

    بتصل بوكيل اعمالك لمزيد من التفاصيل ( صفيه)

    دوما
                  

09-10-2007, 04:35 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: anas hassan)


    انس يا حبيب
    خلاص يا سيدي اديناك حق الطباعة
    بس انا خايف القراء يرموك بالبيض الفاسد
                  

09-10-2007, 11:27 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    Quote: وغتيت وشي بالمنديل ونمت....


    أتاريييييك ....

    يعني العمايل العملوها في المنديل كلها شميتا وضربت ليك نافوخك!!
                  

09-10-2007, 04:39 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: محمد أبوالعزائم أبوالريش)


    ود ابو العزائم (مصطفى سعيد)
    نان هو جنس شمشيم
                  

09-10-2007, 11:31 AM

ناصر جبريل
<aناصر جبريل
تاريخ التسجيل: 03-27-2006
مجموع المشاركات: 759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    Quote: والله يا ناصر مزنوقين مع انتخابات المغاربة دي
    زنقة عدوك بس الله يدي طولة العمر

    البنيات وصلوك ولا لسة


    ... تعرف الزنقة دي اجمل شئ والله اسع انحنا هنا معسكر عمل طول السنة لكن من غير طعم

    .....البنايات لسع ( ح يجو مع سهام انشاء الله - مراجعة الطبيب)

    تخريمة

    ......بالله بلغ سلامي لناس حسان..... وغلطان انا الخليت المغرب!!!!!!!!!
                  

09-10-2007, 05:12 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: ناصر جبريل)


    ناصر...
    ناس حسان يغرونك التحايا
                  

09-10-2007, 12:04 PM

شول اشوانق دينق
<aشول اشوانق دينق
تاريخ التسجيل: 02-13-2006
مجموع المشاركات: 5332

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    Quote: انت يا اخوي محروق كدي مالك القصي هابشاك في واحدة شديدة من زمان ولا شنو

    دوبي إتحرقت من قصتكم البقي يدوه لبقية ناس بالإيميل وما ادراك ما الإيميل، اصلوا نحن لسه شغالين بالبريد العادي يعني البريد والبرق (الله يسامحكم)...

    سرع وخلص وبطل حركات يا ود جبريل.


    اكيد شكري وتقديري يا طلبة (صبي بناي) هاهاهاهاهاها... ماشالله الله.

    شول اشوانق
                  

09-10-2007, 05:14 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: شول اشوانق دينق)


    شول كيفنك
    شوف مع د. صفية يمكن تلقى ليك ايميل ايميلين
                  

09-10-2007, 08:13 PM

HAYDER GASIM
<aHAYDER GASIM
تاريخ التسجيل: 01-18-2005
مجموع المشاركات: 11868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    ود جبيرين ... تسلم

    أها يا أخوي تتمها ... ول بكري إغتس حجرا فى الإرشيف ,
    شايفو رفعلنا كرت أصفر .
                  

09-11-2007, 11:38 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: HAYDER GASIM)


    حيدر وليد قاسم كيفنك
    والله القصي دايرالا قعدي فشان تتم
    علي طلبنا من بكري يشيلا لينا لا قدام
    ومان ان بقى ما شالا بنجيبها تاني نختها من جديد
                  

09-10-2007, 08:30 PM

محمد غلامابي

تاريخ التسجيل: 07-30-2007
مجموع المشاركات: 630

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    الطلبة الجميل طارق

    سلام بالكوم والردوم

    الغريبة من سجلت في البورد دا أمر ساكت في البوست بتاعك دا..

    الليلة ....آي

    تصدق دفعت تمن الاهمال ..

    ياخي أنا متابع من شهر واحد

    وأسع نحنا في شهر تسعة..

    مافي زول في الجريدة(السوداني) الا الغفير

    وسي عوض بتاعك دا..

    الساعة دلوقت في البلد 11 مساء

    الله يجازي محنك

    ......

    الذاكرة ماشاء الله عليها

    بعد القصة ماتخلص..

    وعد بتشريحها معك وكل المتابعين

    فهي عندي حوت قيم كثيرة..

    سأعود اليها

    دم بخير
                  

09-11-2007, 11:44 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: محمد غلامابي)


    محمد غلامابي كيفنك
    يا زول والله زيارتك زينة بالحيل
    بعد بالله سلملي علي كل زول في (السوداني)
    وليك علي امشي السفارة واشيل السوداني واعمل ليها ماكيت جديد (قصرنا معاكم)

    ويا ريت تجي تشرح لينا عوض دة وحنانو


    محبتي الاكيدة
                  

09-10-2007, 10:00 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    أبو ريم..

    صدقني كل مرة أتاوق من بعيد لبعيد لعنوان البوست.. الليلة جازفت .. بس جملة الإيمان مجازفتي كانت أحلى من مجازفة عوض قبل ما نعرف نهاية قصته.. أنا ماني شايقي.. لكن أسير لهجة الشايقية الآسرة.. البسيطة الحنينة.. وللصدفة كثير من أصدقائي هم شوايقة أقحاح.. بشم في ريحة حكاويك..لكنة أهالي قرية شيبا.. حتى أسمك كأنه من منطقة شبا.. وشبا هي موطن صديقي العزيز عبد العظيم أبودية.... وشكله كده قريبك أو قريب عوض..

    أنا لا يهمني إن كنت أنت عوض أم لا ولكني أستمتع بكل حرف في القصة...وقرأت ما بين السطور.. وهضمته.. ولكن هناك مواقف فعلا مؤثرة لعل ما ورد في تعيقبك على المتداخلين ووصفك لأمك وهي تنتظرك تحت النيمة يوم النتائج.. رأيت فيها أمي ..نفس الملامح .. نفس الإنتظار القلق.. لله درك فقد أصبت مني مقتلا وكدت أذرف دمعة...

    وقد أستوقفني أنك تكتب في ظروف فقدت فيها عزيزين غاليين.. وأنا أترحم معك عليهما.. يشدني ذلك الصبر النبيل الذي تحليت به..

    مودتي.. ومعاك من المغرب لغاية شبا أو البرصة أو الآراك ذاتها..
                  

09-11-2007, 12:55 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: Kamal Karrar)


    كمال كرار كيفنك ياخي
    يا سيدي الفاضل شبا فرحانة بي وجودك
    عبد العظيم ابو دية في أبو ظبي هو خالي تماما
    أمي رحمها الله ( عائشة أبو دية) كانت تعني لي الكثير
    ليس بالمعنى التقليدي للكلمة لكن منذ أن بدأت أعي ما يدور حولي وجدتها أمامي
    في الوقت الذي كان فيه إخوتي الكبار غادروا المنزل إما للدراسة في الخارج أو للزواج
    فجأة تجد نفسك أمام إمرأة فعلت المستحيل لكي نتعلم
    رحمها الله يمكنك أن تسأل عنها صديقك عبد العظيم أبو دية
    والرابط دة فيه عزاء كبير لي
    وداعا حاجة عشة (الشايقية)
    لك مني الود كله
                  

09-11-2007, 10:19 AM

Safia Mohamed
<aSafia Mohamed
تاريخ التسجيل: 07-21-2007
مجموع المشاركات: 2365

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أي بت شديدة بتحب ليها طُلبة (صبي بناي) (Re: طارق جبريل)

    Quote: المبدع..
    الممتع..
    الاستاذ طارق جبريل
    لك التحية وانت مازلت تواصل امتعانا..
    انا ماعارفة البشرية دي ضايقي للنهاية ليه؟
    ياخ حلاوة المسلسل في استمراره..
    وصدقوني يومه الينتهي حانقول ياريتو ما انتهى..


    دة الكلام

    عزيزي طارق تحياتنا بالله قول لناس الايميلات عليكم بالعناوين والتفاصيل تجيكم بس الدفع بتحويل رصيد زي ما شرح يوسف جبر الله والما عندو مكنة ياجر واحدةز
    سلام

    صفية
                  


[رد على الموضوع] صفحة 5 „‰ 9:   <<  1 2 3 4 5 6 7 8 9  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de