|
|
 Re: (2) امتداد الدرجة الثالثة ذلك الحي المتفرد (Re: طارق جبريل)
|
سلامات
ليكم وحشة .....
يا عمدة
Quote: ياجماعة بصراحة كده في إختفاء غريب وعجيب لبعض الشخصيات الامتدادية وعلى سبيل المثال لا الحصر :
د. حاتم حمدتو .
صديق حمدتو .
أمير الجمري .
عمر عبد السلام .( بعد حصوله على الجنسية طبعاً ) .
عبد الغفار محمد سعيد .
بدر الدين يعقوب .
زرياب .
عماد عويس .
عبد الله كع .
ناصر جبريل .
وزعيم المعارضة : حنا ( بس ده يمكن يكون معتقل ) |
الاختفاء غير مقصود يا عمدة ... والله اسع ما شايفني داكي الحصص في البوست بتاع حبيبنا مجدي
الايام دي اخوك منتظر مولود في اي لحظة يعني حالتي تحنن عديل كدا
وكمان معاي سهام اجرت العملية التانية والحمد لله نجحت
....بس بيني وبينك زعيمنا حنا دا يكون وين وانا بصراحة خايف من تيتاوي!!!!!!!!!!!!!!!
لكم محبتي
| |
 
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
نحن هنا نترقب بشوق قدوم مولود للحبيب ناصر جبريل
في الساعات القادمات بأذن الله ونتمني أن يسهل الله سبحانه وتعالي
الأمر وهذة هي الأم حملته كرها ووضعته كرهاوبينما هي مبشرة بالجنة
وبعدالولاده تسهر علية وترعاه حتي يشق الطريق الي حياته هو أيضا تبقي
سنة الحياة والتكاثر والتفاخر وهذة هي الأمه المحمدية في تناسلها وتفاخرها
نبارك لك ياصديقي المولود رقم 2 وعقبال ماتتلت وتتربع في تربيتهم ولك العمر
المديد ياصديقي ولكل أبنا الأمتداد سلام. ،،، أبوقصي،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
 " target="_blank">[url=http://www.sudaneseonline.com/][/URL]
ياناصر جبريل خوفك على حنا فى محلو
 " target="_blank">[url=http://www.sudaneseonline.com/][/URL]
ليلة القبض على حنا
 " target="_blank">[url=http://www.sudaneseonline.com/][/URL]
حنا فى قفص الاتهام وهناك الكثير من التفاصيل
وجاييكم برواقة
ماقتليك ياعمدة
صاحبك وقع
| |
|
|
|
|
|
|
|
|
 Re: (2) امتداد الدرجة الثالثة ذلك الحي المتفرد (Re: عامر تيتاوى)
|
الريس المناضل رئيس مجلس الوزراء عامر تيتاوي
تحية عسكرية سيـدي ، ، ،
Quote: ماقتليك ياعمدة
صاحبك وقع |
الله أكبر ولله الحمد ..... عظمة يا ريس عظمة .... أها يا ناصر مش أحسن ليك سلم علشان تسلم ولا ح تلاقي نفس المصير . عاش الامتداد الأبي شامخاً بحكومته الرشيدة . التهنئة موصولة لسعادة الريس طارق جبريل .
تخريمة :
يا ريس ناصر ده خلوه شوية كده علشان الأمورة دي وأخوها الجاي ... وبعدين نعمل معاه الواجب ...
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
العزيز أبو مازن:
Quote:
سلام لكل اهل الحي الباريسي نأسف للغياب
الايام دي مشغولين بمنتدي الهلال
العظيم والايام الحلوه مع الانتصارات
الزرقاء مبروك للهلالاب الصعود لدوري
المجموعات وعقبال الاخوان في القافله
الحمراء ..الاخ الفاضل ودجبريل د طارق
مساء الخيرات انشاءالله تكون مرتاح بعد
العوده من ارض الوطن والعيال بخير
وعافيه بس مستنين الصوره الفيه معتصم
العربي مع المجموعه ايام زمان زمن
الشباب مع شباب الامتداد بجدة الموضوع
نزل من دون الصورة ..
سلامي للاخ العريس بدر الدين يعقوب
والف حمدلله علي سلامة الحاجه الوالده يلا
ياعمي ربنا يهنيكم ويسعدكم بوجود الحاجه
الوالده منورين دئما انشاءالله
والسلام لكل الاخوان بالحي الباريسي
داخل الوطن الحبيب وبارض المهجر..
اخوكم أبومازن |
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
الاخ العزيز طارق جبريل
لك التحايا خالصات والشكر اجزلة فقد اصبت الهدف الذى
كان يتمناه كل امتدادى ومشاركتنا معك كانت من اجل رفعة
ذاك الهدف وجمع اكبر قدر من ابناء هذه المنطقة الجميلة
بكم والان كلنا نحصد اكل هذا البوست بالتلاقى بكل ابناء
جيلنا ومن سبقونا ومن هم بعدنا ولو تذكر كانت مداخلاتى فى
الجزء الاول كلها حرص لرفع الهمة وتلاقى الاصدقاء والاستمرارية
وكنا نبث روح الحماس لان هناك كثييرين من ابناء المناطق
الاخرى سيحذوا حزوكم ولابد ان يكون الامتداد فى الرياده والطليعة
وقد كان الحمدلله الرابط خير معين لغير المشتركين وهذا ايضا
جهد مقدر منكم وفقكم الله والشكر ايضا لكثيرين ثابروا لرفعة
هذا الاسم وكانوا حقا كما تعودنا ابناء ذاك الجميل الامتداد.
تحياتـــــــــى لكل امتدادى
اخوكم / ســـــــــــــــــيد
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: سيد محمد احمد سيدنا)
|
(حزن آخر لآل جبريل موسي)
من بوست الأخ محجوب البيلي اليوم تلقينا حزن آخر لهذة الأسرة الكريمة
بالأمس كان فقد ربة الأسرة واليوم يدهمنا خبر حزين آخر أنتقال شقيقهم
متوكل جبريل شهيدأ اليوم الجمعة الساعة الثالث غرقأ نسأل الله أن يتقبله
قبولا حسن وأن يلهمكم أخوتي ووالدي العم جبريل موسي الصبر علي هذا المصاب
العظيم ونقول أن لله وأن الية راجعون لكم الأخوان (طلحة جبريل بأمريكاوالسني
وراشد بالأمارت والدكتور طارق بالمغرب والأخ الصديق ناصر بالكويت وسهام وبالخرطوم
الأخ لطفي والتجاني والأخوات العزاء ونسأل الله لكم الصبر الجميل علي المصاب العظيم)
وأن لله وأن الية راجعون.
،،،أبوقصي،،، مجدي عبدالرحيم فضل
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: HAYDER GASIM)
|
الاخوة الاعزاء آل جبريل وابناء الامتداد
( انا لله وانا اليه راجعون )
الحمدلله على قضاءه وقدره وانا لله وانا اليه راجعون
صدقونى قد فوجئت وفجعت بهذا المصاب الجلل رحمة الله
علية لانى سطرت اخر مداخله للاخ طارق بالامس شاكرا له
مجهوده فى هذا البوست واذا بى صباحا وبعد مداخلتى
مباشرا هذا الخبر الحزين .
رحم الله الفقيد واحسن مسواه الاخير وجعل قبره روضة
من رياض الجنة والهم اسرته واهله واصدقائه وجيرانه
وعموم ابناء جنوب الخرطوم الصبر والسلوان .
ســـــــــــيد
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
إنا لله وإنا إليه راجعون
اللهم أرحمه واغفر له
اللهم وسع قبره وثبته عند السؤال
اللهم أجعل قبره روض من رياض الجنة
اللهم أرحمه رحمة واسعة وأنزله دارا خيراً من داره
واهلاً خيرا من أهله وادخله الجنة مع الأبرار
والهم اهله الصبر والسلوان
تعازينا القلبية للاخوان طارق وناصر جبريل وللاسرة الكريمة .
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: صديق حمدتو)
|
الأخوة الأعزاء طارق ، ناصر ، وراشد جبريل والأسرة الكريمة
بقلوب مؤمنة بقضاء الله وقدره نشارككم الأحزان في وفاة فقيد الأسرة
شقيقكم متوكل ، وإننا إذ نعرب لكم عن أحر تعازينا وأصدق مواساتنا
لنبتهل إلى الله جل وعلا أن يتغمد الفقيد بواسع رحمته ورضوانه ويسكنه
فسيح جناته ويلهمكم والأسرة جميل الصبر وحسن العــــزاء .
"إنا لله و إنا إليه راجعو"
أخوكم
عادل عوض بلال
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: Raja)
|
آل جبريل
ان الفقد عظيم والمصاب جلل وان العين لتدمع والقلب ليحزن ولن نقول الا ما يرضي الله والرسول "انا لله وانا اليه رجعون" ولاحول ولاقوة الا بالله.
رحم الله الفقيد رحمة واسعة والهم آله وزويه الصبر والسلوان
معتصم العربي
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
التعازي لـ ال جبريل.. وانا لله وانا اليه راجعون
اللهم اجعله من الشهداء الابرار
اللهم اجعل قبره روضه من رياض الجنه
اللهم ان حسن زد في احسانه وان اساء اغفر له
واللهم تقبله قبولا حسنا واجعل مقامه الفردوس
ولا حولة ولاقوة الا بالله ...
احبتي انشاء الله اخر الاحزان
عاطف حسين قباني مربع (4) عماد عويس 4
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
العزيز سمير عبد الرحيم:
Quote:
بقلوب راضية بمشية الله وعادل بالقضاء
خيره وشره تقبلنا مصابنا في الأخ متوكل
الذي
توفته المنية شهيدأ ظهر اليوم الجمعة
غرقا ونسأل المولي عز وجل أن يتقبله قبول
الشهداء
وحسن أؤليك رفيقا ويجعل مثواه الجنة في
عليائها وللعم جبريل موسي والأخوان طلحة
ولطفي
والسني وطارق وناصر وراشد والتجاني
والأخوات الصبر في المصاب العظيم وأن نحتسبه
عندالله
وأن لله وأن الية راجعون.
أخوكم ،،، أبو مازن ،،،، سمير عبدالرحيم |
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
العزيز مجدي عبد الله:
Quote:
الأعزاء الأخوان اولاد
جبريل موسى
قال تعالي ( وبشر الصابرين الذين إذا
أصابتهم مصيبة ، قالوا إنا لله وإنا إليه
راجعون)
الفقد إليم والحزن كبير ولكن
الصبر خير ، نسأل الله الرحمة والمغفرة له
ونسأل الله أن يكون من أصحاب اليمين
مجدي عبدالله - جدة
|
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
عائشة فريجون في ذمة الله
انتقلت إلى جوار ربها أول أمس السيدة عائشة فريجون سيد أحمد أخت كل من مصطفى وراشد (رحمه الله) ووليد وحسين والباقر والفاتح وأخواتهم (مربع 2) وابنة عمة طارق فريجون وهشام وزهير وحمزة الأمين حمزة (مربع 1) وعمة كل من محمد وعبد الوهاب وعبد المنعم وعبد الحميد واحمد حجازي (مربع 1) وابنة عم كل من محمد وبابكر وفضل وعبد الباقي وعبد الباسط هاشم ( مربع 4).
للفقثدة الرحمة
وتعازينا لأل فريجون
وأل حجازي
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: عماد شمت)
|
Quote: عائشة فريجون في ذمة الله
انتقلت إلى جوار ربها أول أمس السيدة عائشة فريجون سيد أحمد أخت كل من مصطفى وراشد (رحمه الله) ووليد وحسين والباقر والفاتح وأخواتهم (مربع 2) وابنة عمة طارق فريجون وهشام وزهير وحمزة الأمين حمزة (مربع 1) وعمة كل من محمد وعبد الوهاب وعبد المنعم وعبد الحميد واحمد حجازي (مربع 1) وابنة عم كل من محمد وبابكر وفضل وعبد الباقي وعبد الباسط هاشم ( مربع 4).
|
لها الرحمة الواله عائشة ولكل آل فريجون وآل حجازي التعازي القلبية
كما نسأل المولي عز وجل في فقد غرينة أسامة عبدالله عبدالرحمن ألف رحمة ونور علي قبرها
والله نسأله لكم أن يصبركم علي البلاء وفي الأحتساب إيمان بقضاء الله خيره وشره وأن لله وأن
إلية راجعون،،،
،،،أبوقصي،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: عامر تيتاوى)
|
نترحم علي كل عزيز فقدناه ونسأل الله أن تكون آخر أحزاننا،،،
خزن الوالده أم فريجون وزوجة أخونا أسامة وأن تعم سماءنا،،،
غيمة فرايحية بعدما تلاشة غيوم الحزن الذي سكن الدار الشهور،،،
الفائته وربنا يخلف علينا بالصبر علي كل مصائبنا بخير الدنيا،،،
والآخره ودونكم البوست ما ينزل الي الدرجة الثالثة ،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
طارق سلام..
مبروكة بت ناصر..
طبعا أختك عملت فضيحة في بوست عماد العملو للبنوتة.. مشيت وبقلب جامد جبت أحلى هدية وكتبت الأعزاء طارق وسلافة.. لغاية ما عماد جا سألني من الصباح ده شاربة شنو ..
مبروكة البنية تاني وعقبال الأمور الفي الصورة دي ما يجيبو ليه واحدة زيها ..
ودي لجميع الجبريلاب والإمتداداب..
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
العزيز امير فضل:
Quote:
الاخ/ طارق والاسرة الكريمة احسن الله
عزاكم وربنا يعوض شبابه بالجنة وانا لله
واليه راجعون
معتصم العربي كيفك ياحبيب ومشتاقين تقبل
سلام من الاخوان جمال الجيلي وابرهومة
بالمنسبة ناس الحلة ارسلوا وصايا مع
احمد كاروشا بخصوص توسعة واصلاح الزاويا
واجمعنا بالشباب الموجود في الشرقية
واتصلنا بامير سعيد مكاوي وقال عاوزين
مساهمات من شباب الحي التواجين بالخارج
وانا الان شغال بحصر الاسماء واماكن
تواجدهم المهم سوف اتصل عليك للتوضيح
اكثر 0
احمد خضر كيف احوالك شفت المريخ كيف مع
الشباب التنزاني وانتو شيلو شيلتكم من
الراجيكم الترجي والاهلي
المصري سمهم فاير.
امير الجمري مبرول البنية وصديق حمتو
حمدالله وتحياتي لعادل عوض ولجميع الشباب.
امير فضل فضل
ابوروان
|
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
لا لا لا لا إتفضحت بجد ..
وقمت صلحتا الإسم، وقلت لعماد، وما عرفتا اعمل شنو.. وإتبهدلتا وشلت هم مدامكم وناصر.. خاصة إنه عماد قال لي عماد حنًبك ..
غايتو شوف لي طريقة نصلح بيها الموضوع. لأني المغرب جاياها جايها..
بالمناسبة كنت مخططة أدرس في المغرب لكن أهلي كلهم جوا مصر وقالوا نكون في مكان واحد.
تحياتي
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
لا خلاص تووبة.. تاني لو شفت إسم اي واحد فيكم حأعمل كوبي أند بيست عشان ما أشوت في الآوت.. ربي يحفظكم كلكم
هسع ده ذكرني أسألك: إنت عندك بنوتة ولا لأ..؟ والعريس الحلو ده إسمو منو؟
وبالمناسبة صور الأطفال بتاعت الشباب الهنا كلهم ما شا الله عليهم.. غايتو بيسحروهم.. وعجبتني رهف..
الزقازيق عندي فيها أصدقاء كتااار وكنا بنمشي ايام الإنتخابات وحفلات تخرج أصحابنا.. بتعرف بنات أحمد خالد؟ أسماء وأروى؟ درسوا بيطرة. أكيد بتعرفهم لأنك بيطري (قريتها في البروفايل يومداك )..
أها ناس أسماء ديل بنات جيراننا من إحنا صغار. لما كان أبوي الله يرحمه أستاذ في حنتوب الثانوية. أبوهم كان ناظر المدرسة.
نسيت أقول ليك بجد أنا مبسوطة بتعرفي عليكم وعلى الناس الحلوة الفي الإمتداد والصحافة كمان..
تسلم
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
تسلمي يا رجاء
اروى احمد خالد درست معاي كانت قدامي بي سنة في الكلية وهي صديقة عزيزة
واسماء طبعا عاصرتها في الكلية ايضا
وديل كانوا من نكهات الزقازيق
انا عندي بنت اسمها ريم (كانت خطبتها غادة عبد العزيز لي ولدها)
علي فكرة انا اي عطلة بمشيها السودان لازم امر على القاهرة
يعني ممكن تصلحي علاقتك مع المدام
حقيقي انا سعيد بي معرفتك جدا
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
يا غادة بالله ما تقطعي رزق العزومة بالله أنا ما صدقتا يغفرو لي ..
بالمناسبة شايفاك خطبتي لهاشم وشهاب بنات البورداب كلهم.. يعني هسع لو قمنا إتجدعنًا كده وإتأهلنا لدوري الأربعة ما حنلاقي عرسان لبناتنا ولا شنو يعني ؟
يا طارق ألف مرحب بيك في اي وقت تنزلو فيه القاهرة.. حارسل ليك إيميلي وتلفوني في المسينجر..
ودي
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
طارق ورجاء وغادة كيفكم
الونسة دي زي ونسات الحلة واقفين جنب الباب وهاك يا جديع الكلام
هوي يا طارق دي حلتنا والشابات ديل من خارج الحي ، يعني يعتبر
غزو اجنبي ، وين شفوت الحلة تيتاوي وصديق حمدتو والجمري وفيصل
الشفت العجوز، يعني ياطارف حلتنا الامتداد ما فيها شابات وللا شنو
وبعدين رجاء بياعة اسالني انا الي اتبعت في كمشتاتو، هي بتوريك
الشارع دة وين
انا صاحي
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: عامر تيتاوى)
|
نبااااااااااااارك الي الصديق العزيز ناصر جبريل ،،،
المولوده الجديدة ونسأل الله أن يجعلها من بنياتنا المصونات،،،
رقه وعفاف وجمال وخصال ،،، الأسم رسي علي ،مني ،أم غادة، والأتنين،،،
جميلات لك التهاني ولأم رغد وما داير أقول عروس ولدي جات يقوم ينط عمها،،،
في رقبتي ويقول بلهجة الصعايده البت لود عمها ياأبووووووي ،،،
والتحية لك سيدي د.طارق ومبروووكة البنت الحديقة زهرة أخري من زهرات آل
جبريل تتفتح في بستان أخوي العزيز ناصر والتحية لأخواتنا البوردابيات الظراف
اللطاف رجاء وغادة نورتوا بيتنا ومداخلاتكم سعدنا بها كثيرا وأنتن حمائم البورد
تعطرونه هديل وترفرفون فوق سماء ديارنا بالسلام والتحية لأخونا الأستاذ سري والأستاذ
تيتاوي وأجتمعت الصحافة في الأمتداد وعاطر التحايا لكم أبناء الأمتداد مثني وثلاث ورباع
برباعيات الأمتداد المكون من أربعة عشر مربع نجد فية أنفسنا متربعين ومتحكرين في كل
مربع بومضة من نور هذا الجمال الذي يرسل لنا من ربوع كم يطيب لنا المسير إلية نقبل
ونحتضن أماسية الرائعة ولكم مني ومن قصي ألف سلام ،،،
،،،،،،،،،أبوقـ مجدي عبدالرحيم ــصي،،،،،،،،،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
الأخ ناصر جبريل
صادق التهاني للأخ ناصر وجميع آل جبريل على الأمورة الصغيرة وإنشاء الله تتربى في عزكم وربنا يجعل ميلادها الميمون ميلادا للأفراح ووداعا للأحزان – آمين يا رب العالمين
الأخت رجاء العباسي (العصفورة التي نجحت في استدعاء الربيع على قول صديقي العزيز صلاح شتات)
| Quote: وبالمناسبة صور الأطفال بتاعت الشباب الهنا كلهم ما شا الله عليهم.. غايتو بيسحروهم.. وعجبتني رهف.. |
مرورك بحي الامتداد يسعدنا ويبهجنا ونتمنى دوام رؤياك بحينا المتفرد حتى لا ينقطع الربيع عن زيارتنا – شكرا على كلمات الإعجاب بالصغيرة رهف - بالمناسبة يا رجاء نحن هنا برضو شقيقين (حاتم حمدتو وصديق حمدتو)
الأخ مصطفى سري:
دائما في حالة سؤال عن أخبارك – تحياتنا للمدام وللأسرة الكريمة بالسودان وما زلت في انتظار رقم تلفونك حسبما وعدي للأخ بكري الخليفة
الصديق العزيز أمير فضل فضل
صادق ودي وأشواقي يا أمير وتحياتي للصغيرة روان وللأسرة العزيزة
| |
|
|
|
|
|
|
|
|
 Re: (2) امتداد الدرجة الثالثة ذلك الحي المتفرد (Re: صديق حمدتو)
|
سلام كبير لشباب الإمتداد الرايعين..
مصطفى سري.. يعني الونسة فاتتك عايز نعمل مشكلة.. إنت كنت غاطس وين؟
يا جماعة "كمشتاتو" ده أكبر وأجمل شارع في أسمرا.. وبالعربي يعني شارع الحرية.. كل ما كنت أعدًي فيهو الاقي سري (خالط )..
عامر تيتاوي.. الإمتداد منورة باهلها.. وبجد من أمبارح انا مبسوطة بجيتي للمكان الجميل ده.. وإن شا الله نجي ونحتفل بإنتصار المريخ ..
مجدي.. أول شئ لازم اقول ليك تبخًر قصي.. ما شاء الله..
والشرف لي قبلكم في معرفتكم.. وربي يديم الود..
صديق حمدتو.. أبو رهف.. سلام عليك وأهلك.. بجد أرق ملامح وتعبير لقيتهم في صورة رهف.. وإسمها حلو زيها كده..
ومنتظراكم في بوست الأخوان.. يعني إلا بالصدفة أعرف إنك وحاتم أخوان..؟ إتلومتو
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: Raja)
|
أختنا رجاء ،،،
نرجو لك إقامة طيبة بطيب شذاء من زهرك اليانع حوضه في بيتنا المتفرد
كما عهدناه دوما شجرة يستظل بها كل من عبر مارا للجنوب الخرطوم ومن
قدم من الجنوب ينشد الشمال يلاقية رياح أمتدادية تحمله شجون ترجعه مره
أخري للوطن الصغير الذي ترعرعنا فية وكبرنا بين أرئحيتة الأخوية الصادقة
وإما عن إبني قصي يحفظه الله أنا ووالدته دائمين في تحصينه منذ كان مضغه
وهوالآن يمشي بيننا كمانسمة من جنان وتحرسه آيات من كتاب الله الكريم
بسم الله الرحمن الرحيم
الّّمّ (1)ذلك الكتــبُ لا ريب فيه هـدي للمتقين(2)الذين يؤمنون بالغيب ويقيمون
الصلــوة وممارزقنهم ينفقون.) صدق الله العظيم
شكرا رجاء وبخور من بحور الحفظ العظيم لك إينما حللت قدماك تحفظك عناية الرحمن
بكامل كلمات القرآن ولك أن نعطره بآيات من الزكر الكريم بآية الكرسي وأوآخر البقرة
والزلزلة والأخلاص والمعوزتين وهذة من خالتة رجاء والتحية لكل من طاف بخلده أن يذكر
أبناء الأمتداد وأحبائهم من البورداب الأفاضل . ،،،أبوقصي،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
عزيزنا مجدي بركية:
Quote:
مفروض كان نرشهم جوة الدار يا صديق وامير بس لحظات من الكورة وقفو قلبنا!! طبعا بلد وتيتاوى وبدرواحمد خضر والقردابى ما صدقو الدرون الغالى دة.......كيفكم يا شباب مشتاقين للتواصل الجميل دة ونحن بقينا فقط من المتابعين والمستمتعين بالولوج للمنبر العظيم ده والاطلاع دون المشاركة الفعالة واذددنا استمتاعا بالكواكب الجديدة وعلى راسهم الحبيب مصطفى سرى واحسن الله عزاء الجميع فى مراحيمنا بالامتداد وخارج الامتداد واشفى مرضاهم .... والله يا ابقاوون لو ماسليمان العتوت كجانا انا وصلاح الليلة وخشى معانا الكورة كان ضربناكم مجدى بركية
|
تعرف يا مجدي الناس ديل الله سترها معاهم ساكت
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
Quote: رسالة من السنى بخصوص ميدان مربع 3
قرانا وسمعنا عن الهجمة التترية التى تتعرض لها ملاعب وميادين ومنطقة امتداد الدرجة الثالثة بالخرطوم خاصة
ملعب فريق ربيع تلاتة للناشين وزلط بحجة اقامة مستوصف بالملعب ونحنا ناسف اسد الاحال سف ونتحسر لما ال الية حال الناشين فى السودان من ضياع وتشرد وتغول على ملاعبهم والسوال الزى يطرح نفسة هو من يحمى
اطفالنا ومن يحمى ملاعبهم ومن يقوم على حراستها من التغولات.
ايها القايمون امر الرياضة فى السودان والمشرفون على امر هزا الجهاز الحساس از كنتم حقا تحرصون على ترقية
مواهب الناشين وتعملون على تقدم فى ممارسة شةهم لايجاد مستقبل افضل لهم فلمازا اهملتم ملاعبهم وساحاتهم...
وصممتم عن تجار وسماسرة الاراض ليتلاعب بميادينهم ويصادرو حقهم المشروع بل والوحيد فى ممارسة شى اسمة كرة القدم.
ان الصمت ومجرد الصمت عاى هزة التجاوزات يعنى اعطاء الضو الاخضر لشنق ناشيك فى ميادين الامتداد
ياريس المجلس الاعلى للشباب والرياضة.
نحن ابنا منطقة امتداد الدرجة الثالثة الخرطوم بسلطنة عمان نشجب وندين بشدة التغول على ميادين وملاعب الناشين بالامتداد وعلى راسها ملاعب وميدان فريق ربيع 3 ونقف بقوة مع اهالى منطقتنا ضد الهجمة الشرسة التى طالت ملاعبنا واصبحت هاجسا يورق احلام اطفالنا وناشينا.
الاستاز0 هاشم هارون رييس المجلس الاعلى للشباب والرياضة بولاية الخرطوم نحن فى قمة الشوق لسماع اخبار طيبة من الوطن تثلج الصدور كما اثلج السلام قلوبنا وترسم البسمة والفرحة فى وجوة اطفالنا وناشينا.
وكل عام ووطننا الكبير العظيم السودان بخير ونتمنا للرياضة فى البلاد كل التقدم والازدهار
ابناء منطقة امتداد الدرجة الثالثة الخرطوم بسلطنة عمان عنهم السنى جبريل |
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
يا سلام اللورد الكبير مجدي بركية بيننا ، ويستحق الاستضافة هنا
وواحشنا اوي وطبعا تلقي الفاضل جنبو ما نفوتوا التحايا بتاعتنا
وحقو الزول يبيع الرقم السري ليهو عشان يبقي بين اولاد حلتو
لكن نعمل شنو ما طارق البشاغل البنات وانشاء الله زوجتك تقرا الكلام دة
والعزيز صديق تحياتي سارسل لك رقم الهاتف وحتي ذلك الوقت ارسل تحياتي
للعزيز ود الخليفة، ودقي يا مزيكة
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: مصطفي سري)
|
وعن جمعية التحول الثقافية الاجتماعية التي تاسست في العام 1984 بامتداد الدرجة
الثالثة نحكي ترقبونا ، وايدكم معنا مجدي عبدالرحيم واسامة الخواض احد المؤسسين
ترقبوا ذلك التاريخ العتيد من تاريخ الامتداد اللي ما هو كورة ونادي بس ، وياريت
احدا يستكتب المحامي حيدر عبدالرحمن احد المؤسسين وشقيقه الفنان محمد بوب وعبدالله
ادم خاطر وسمير عبدالرحيم وصاعد مصطفي عالم وبهاء الدين سري،الذين اسهموا بفعالية
في نشأة الجمعية ،وجايكم
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: مصطفي سري)
|
مصطفي سري أخيرا جات الأستجابة
التحول مازالت في الخاطر وستبقي هي البقعه التي أخذنا من نورها
أول شعاع في مجال العمل الأجتماعي والثقافي وجمعت فيها كل ألوان
الطيف الأمتدادي الأصيل من أباء ونزكر منهم علي سبيل المثال لا الحصر
(والدنا العم الصحفي الكبير مصطفي عالم،والعم سري سليمان ،الأستاذ
عبدالله آدم خاطر،الأستاذ أسامة الخواض ووالد هذا الفتي الأستاذ محمد
عبدالرحمن الحسن (بوب) وشقيقه الأستاذ حيدرعبدالرحمن ولانتجاوز الرقم
في هذة الحركة التحولية في مجالنا الأجتماعي والثقافي الأستاذ عبدالرحيم
محمد عبدالله والأستاذ عبدالمنعم أحمد أبوشارب وكل الأسرة الأمتدادية ونخص
الشارع الكبير الذي يضم نهاية مربع 10ونهاية مربع 9 وبداية مربع 13 وبداية
مربع 14 هذة هي بداية المخاض وتوسعة الي شارعين خلف مربعي 9و10وشارعي أمام
مربعي 13و14 وبعدها كان التدفق الهائل من جميع مربعات الأمتدادية بل وسعت
الفكرة وأنتقلت حتي وصلت الي الجيران في الصحافة مربع 40وماحولها بل وصلت
صداها الي شرق النيل حيث أسس بها جمعية شبيهة ونهر رافد لها حتي كتب عنها
علي مستوي السودان ووصل النبأ النظام الحاكم ووجدنا المضايقات وأرهاصات
بل وصلت الي الأتهام بأن هذة الجمعية يسارية تتبع الي الحزب الشيوعي السوداني
وبقية فينا الفكرة وقوية بمرور الزمن وحوت كل الطوائف السودانية وكانت العمل
العظيم الذي أستفادة منه المنطقة(أكاديميا تمثلت في فصول التقوية لطلاب المنطقة
وأجتماعية في النظافة والتشجير الذي باقي حتي الآن ظلا للأجيال الحالية وثقافيا
كانت الجمعيات الأدبية التي خدمة المجتمع في كل قضاياه الثقافية والفكرية وكانت
الندوات في شتي المجالات الختان العادة الضارة وكثير من الندوات التي أستفادة
منها المنطقة وياريت يفتح بوست يامصطفي عن هذة الجمعية القامة السامقة وكثيرين
سوف يعطروننا بتلك الزكريات وهي في الوجدان معنا ما بقينا وصغار الأمس اليوم أمهات
وبل منهم من أصبحوا جدود ونترحم علي رموز هذة الجمعية الذين أنتقلوا الي جوار رب
رحيم والتحية الي من بقوا منا في الوطن وفي بلاد المهجر ولي ألبوم في الأمتداد ٍسوف
ارسل في طلبة للتوثيق وخير من يعينونا الأخوان الأفاضل محمد وحيدر عبدالرحمن وعبدالرحيم
محمد عبدالله والأخ أسامة الخواض والأستاذ عبدالله آدم خاطر وفي الخاطر كل الذين أسهموا
في هذا التحول العظيم محبتي لك مصطفي سري وأنت تعود بنا لزكريات نواضر في الوجدان
والتحية الي الصرح الكبير والقامة العالية إمتداد الدرجة الثالثة وفكرة هذة الدار
المشرعة الأبواب لكل أبنائها والشكر أجزلة للدكتور طارق جبريل الذي أمن لنا هذة المساحة الرحبة للتوادد والتراحم والتلاقي عبر الوسيلة الإلكترونية الأعلامية العظيمة
ومن قبله صاحب هذا المرتع الإسفيري المهندس بكري أبوبكر وفي ميزان الحسنات بأذن الله
أخوكم،،،أبوقـ مجدي عبدالرحيم ــصي،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
حبيبنا مجدي بركية وين ياراجل وحشنا ومشتاقين كثير
اصلا من زمان في اثنين بشربو المريخ صلاح تيتاوي وحسن جهبوز واخيرا انضم اليهم سليمان العتود
بس يابركية مريخكم تعبان وحمام ميت بس ربنا ستر عليكم
تحياتي الي كل الشباب والاخوان بالداخل والاولاد والعم جعفر يديه الصحه والعافية
مودتي
| |
|
|
|
|
|
|
|
|
 Re: (2) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
احبابنا اهل المحبه سلام وشوق
غيب وتعال وتلقي ناس ناصر بزهرات الفرح وانشاء الله للعديل والزين تزفهن كده
لي بيت العدل ...الف مبروك وتتربي في عزكم ..
ياريس انا اتصلت بيك كم مره وتلفونك مقفول عوده حميده وربنا يجعل الوالده
في جناته ...
والله يا تيتا كنت مزنوووووووق قرايه الكبر نسوي شنو؟؟؟؟
الواحد يغيب ويجي يلقي عربات الرش والكراكات تنظيف في الشوارع
بسم الله ما شاء الله اللجان كيمان كيمان والريس راح في شربة مويه
فتحوا حسابات في كل بنوك العالم,,قبل كم يوم مشيت اشيل قريشات من البنك
الصراف سألني انت من وين قلت ليهو من السودان ..السودان اكيد من الامتداد
صاح؟؟ قلت ليهو اي من الامتداد مالك في شنو.. قالي الحق قروشكم بقت تدفق من
الماكينات في الشوارع ..قلت ليهو قول مشاء الله ..الله اكبر عليك
سالتوا المبلغ وصل كم ؟؟ قالي ما بقوليك ..ما سمعت بي سرية البنوك ؟؟
قلت ليهو دايرين نستثمر اه رايك شنو ؟؟ قال نعمل بنك عشان يسهل عملية
تحويل رأس المال ..اا يا خثيث داير تعمل فرع عندنا ..لا ياخوي نحن فلوسنا
في جيبنا ...شوف ليك حاجه تانيه , الموصلات ما في ركشه ولا دفار ولا البتكتل الناس
ديك ,,طيارت صغيره ومروحيات بس .وممكن نشغلها اسعاف عند الضرورة ...
قلت ليهو شوف نحن عايزين استاد عالمي عشان ناس بركيه ديل يخلو تشجيع المريخ
ويشوفوا الفرق الزائره من اروبا والبرازيل ...معناها دايرين هوتيل 10 نجوم
مهابط للطائرات اسواق كبيره داخليه واحواض للسباحه النسوان برااااهن !!
مدارس وجامعات واهم حاجه مساطب عشان نقعد فيها تكون مشجره ومظلله وفيها
كل ماتشتهي الانفس ما دايرين عربات في الشارع عشان تلوث البئه
بعدين ميدان الرابط حيكون ذي ما كان ميدان اثري فقط كل جمعه سبق الحمير
والاخ ياسر صالح تعهد بشراء الحمير من حوش بانقا والمستشفي بتاعة الزول
الاسمه مامون نحوله مركز صحي سمير والجامع نضمه لي انصار السنة عشان الحمير
تلقي راحتها
وبعدين غنم الحلة ودوهن الغابه ديل اكلن مذكرات عوض ابنعوف خلوه يتلفت والامتحان بكره
وعايزين نعمل استوديو شهرزاد علي الطراز الحديث عشان الذكريات ...
احلموا تجدوه .......كدي نخليكم تحلموا
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: HAYDER GASIM)
|
كما أستمحيكم أحبتي عذرا ... لإعادة نشر هذه الرسالة والتي إحتلت
مكانها فى البدء فى بوست الصحافة ... ولما { هبش } أخي العزيز جدا
سيد محمد احمد... ضفافنا التاريخية المشتركة , ألقي بإضاءة عجلي
وشرفنا ... وأظنه لم يعاود ... فهاأنذا { ألحاقه } كما تلاحقني
ظلال الذكري .
Quote:
Quote: الاخوة الاعزاء الصحافاب
الاخ العزيز الغالى حيدر قاسم ( النابغة) كما كان يحلو
لنا ونحن فى الابتدائيه ومدرسة سعدابى بالقوز واستاذ حسين
الاسطوره .
يا عزيزي ... يا سيد محمد أحمد سيدنا ... وهكذا أعهد الإسم
كاملا سالما منذ أن كنت فى العمر دون العشرة ... وإلى الآن , كما
عطا سيد على , والزين الامين الولي ... وعوض عمر والسر النجمي
وحامد حماد خميس . هل تتذكر هذه الاسماء يا سيد ... فجميعهم من
أبناء مدرسة { مجلس بلدي القوز } ... وفى ذكرى مرشدنا ومربينا
الكبير غفر الله له أستاذنا الجليل سعدابي وكذلك أستاذ حسين { الأسطورة }
كما قلت وأضيف أستاذ عبد القادر وأستاذ السر , بل أضيف فراشة المدرسة
الأم الرؤوم { الشام } وكذلك خفيرنا عبد اللطيف وهو يبتاعنا النبق
والقنقليس ... فيما يربط بحماره على الشجرة الوحيدة المقيمة على مقربة
من مدخل المدرسة ... ذكريات وذكريات وذكريات ... رحل بعض رجالها ومايزال
بعضهم على قيد الحياة ... للأموات الرحمة وللأحياء التحية .
رجعتني يا سيد لتاريخ قديم تليد ... لكنه ما يزال حيا وناصعا فى وجداني ,
فلك التحية .
ولخاصة العلاقة بين الإمتداد والصحافة ... فلا ينكرها إلا جاحد , ولا أظنه
موجود بيننا ... فسنظل كما قيض أحوالنا التاريخ وكما إستلزمته الجغرافيا
وكما إستردفه التواصل والحن والكورة والغناء والعشاء ... وما إليه .
شكرا على الإطلال من هنا سيد , فوجودك بيننا يسعدنا وكثيرا ... بس ما تطول
الإنقطاع . مع تحياتي الشخصية لأسرتك الكريمة وتحياتي كذلك نيابة عن أسرة
الصحافة الإسفيرية لرصفائنا فى بوست الإمتداد ... وإن شاء عامرين .
مع مودتي |
ودمنا أعزاء ... أوفياء
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
مدير مدرسة بشير (كعب ابن زهير)
يناشد خريجيها بمد يد العون
تلاميذ يفطرون في حوش المدرسة الكئيب
تخيلوا دة فصل... في مدرسة بشير ... الحال يغني عن السؤال... لاحظوا الزنكي خلف التلاميذ
حوش المدرسة... لا حولة ولا قوة الا بالله...
مكتب المدرسين سابقا وسنة خامسة
يا ريت لو نقدر نحيي عملية الاشتراكات ونقدر نقدم دعم ملموس للمدرسة
اعتقد مبلغ 5 دولار للفرد مبلغ هزيل لكن نتائجه سوف تكون كبيرة جدا
رأيكم شنو
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
اه حلمتوا والا لسع؟
الريس حبابك,,حلمت ب 5 دولار بس ؟؟
انا كتبت للزول داك قلت ليهو اهم شئ الشوارع تسموها باسامي ناس الحله
ما دايرين الاسامي ديك.. ما عندهم طوبة في الامتداد ده. والعشش اهم شئ ترجع تاني
بس حنعملها مودرن شويه فيلات (جمع فيلا ) ونضمها للامتداد يعني حتكون مربع 0 (صفر)
ما حنقدر نقول 15 ولا مربع 1.العشرة وسوقها لازم تنافس ناس عفراء ,,
وسينما مقلقه ممنوع عرض الافلام الهنديه والمصريه
كراسي خاصة لا ال توبس ومن تبعهم اسمنتي ساكت ...
بكري الخليفه قال حيكون المتعهد للافلام الحديثه المكتب الرئيسي في كندا
لكن برضو حيكون مع ناس الاسمنت ...
عماد عيونو حيكون متخصص في افلام فجر الاسلام..(امام ومفتي البوست ..)
احمد جمعه هنو سليم شايفك اختفيت عل المانع خير ...
بالمناسبه الدخول للامتداد بالبطاقات مافي خثاثات يابدرالدين يعقوب
سلم لي علي الحاجه كتير الله يديها العافيه ...
انتوا دي مدرسه والا روضة؟؟؟ افتكرتها من بعيد المدرعات!!!
اتخيل حنا معتقل في المدرسة دي ..الله يفك اسرك ..حنطالب بتقديمك لمحكمه عادله..
تسلموا ياحبايب انشاءالله كلكم امان وعافيه
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: عماد شمت)
|
المنى كثيرا هذا الوضع المذرى لمدرسة
كانت يوما ما رمزا للتفوق فى الامتداد
وكم كانت تعج بالنشاط الادبى والثقافى
والرياضى تملؤها الحياة وتبعث فى نفوس
تلامذتها الشعور بالامان والرغبة الملحة
فى التحصيل الدراسى
كانت هنا مدرسة
والان لا ارى سوى اطلال
تصدق ياطارق جبريل خلال اجازتى تعمدت ان
امر الى جوار المدرسة وانا راجع من المغتربين
فهالنى مارايت فقد اوشك السور الخارجى على ان
يصبح بارتفاع متر واحد ولكننى لم اكن اتخيل
هذا الوضع الماساوى فى داخل الفصول
رحم الله ايام الناظر بشير ورحمه الله
عماد عويس
تانى رجعت للقراية
بس منو البعمل ليك الفتلة
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: Yassir7anna)
|
الأحباب ســــــــلام
والله ياد.طارق المناشده جااابت أحلام يغظه للفنان عماد عويس
وبالصور دي وجب الأسراع في الدعم لهذة المدرسة التي كنا نعمل
بها كل النشاطات الثقافية والأجتماعية لجمعيتنا التحول ومن أهدافها
التأهيل لهكذا صروح تعليمية وخدمية وبالأمس كنا وبالبسيط نصين ونبني
ونطلي جدرانها ونرسم عليها العلم ونكتب قم للمعلم ووفي التبجيلا كاد
المعلم أن يكون رسولا واليوم لا نري جدران يكتب علية ولا فصول تخرج معلمي
المستقبل ومعا للدعم ونحن حاضرون.
عمده والله أحلامك جميلة جمال روحك الفنانه والمشبعه بالدرر وياأخي لو أصبح
الحي كماتصورته في أحلامك أنا في الحلم ببيع 300مترمربع وبمشي حي شعبي آخر
لأنك حولت الأمتداد الي كافوري ومدينة نيل خرطومية ومذيد من الظهور ونحن نحلم
معك بأمتداد نموزجي هادي ننام فية ونحلم بالغد الزاهي للأبناؤنا القادمين
لحمل الرسالة سعدنا جدا بك وخليك مواصل يامبدع وبك تكتمل الصورة الأمتدادية
الوزير الصحفي الرائع تيتا:
نحن مع الدعم وأستغاثة عاجل لمدرسة بشير وعليكم بتفعيل الآلية ونحن مستعدون
معا قلبا وقالبا للأسعاف السريع .
وإلا سوف ندخل الغابة كما نحي ظهور القائد حنا بالأطلاله البهية ومناشدة بالتعديل
الوزاري ! ناصر وأمير الحقوا كانت هناك إتفاقات سرية بدأت في الظهور للسطح وقائدنا
المجري في سبات نحن هنا ياهليل من أجل التغيير وثورة عماليا عالية من أجل مدرسة بشير
التاريخ والي كل الأحباب وأخص المهاجرين بتفعيل آلية الأخوة عبدالغفار وأستنفار الدعم
العاجل .
ونعرج الي مداخلة الزعيم حيدر قاسم:
والقاسم المشترك بين الجارتين حكومة وشعبا وهي في الدراسة وفي التنافس الرياضي ،
والمصاهرة وصلة الأرحام بيننا ونزكر الأمتداد وإلا زكرة الصحافة بل الأسم الحقيقي أمتداد
الصحافة والصحافة هم أهل الأمتداد سابقا وتوالت الأمتدادات حتي بلغت أركويت وشاهد هذا
تسلسل المربعات التي أنتهت في أركويت المدينة المثلثة والضلع الثالث لأمتداد الدرجة
الثالثة ونحن لا ننفصل أبدا فانحي هذا التواصل الوجداني بين المدن الثلاثة.
،،،أبوقصي،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: مصطفي سري)
|
الأعزاء طارق وناس الإمتداد الجميلين..
سلامات ومحبات..
كنت برة المنبر لقيت العركة والكترابة والسموم الحااار.. قلتا أدخل أسلم..
سري مالك يا أبوي..؟ الصيام عمل فيك كده ..؟ أصبر
الليلة برضو عملتا عملة المفروض بعدها أعتزل الكتابة والردود ..
ما حاوريكم في اي بوست لكن هو بوست عزاء.. كنت قايلة الزول الكتبه هو إبن المرحوم.. وصادف إن الزول والده متوفي من قبل.. يعني لولا كده كنت إتلومتا بجد..
وطبعا منظري باااايخ وأنا بعتذر وأبرر ..
هسع لو لقيتو تخريمات ما يا هي مشووها لي لغاية الأسبوع الجاي..
ودي للكل
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: مصطفي سري)
|
يا شباب ســـــــــــــــــلام مربع
الحمدلله الجميع بخير
اخيرا مجدى بركيه معانا المرة الجاية عليك الله اقنع الفاضل
يكتب لينا, مبروك تعادلكم والله ستر , الشباب التنزانى مستواه ذى
الميرغى كسلا .
رجاء المكان نور بيك وخليك مواصله , وسعيدين بى طلتك,
حا نديك قطعة ارض فى مربع 7 جوار الصينى , ومن جاور السعيد يسعد
عامر تيتاوى وعبدالغفار الحاصل شنو.........................
احمــــد خضـــر
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: عامر تيتاوى)
|
تيتاوي سلامات
يعني ما بتسيب حركات الجلابة طوالي طلعت لي وزارة هامشية
ونحن وراكم اعملوا انقلابات اي حاجة انشاء الله تجيب هاشم كرار
وزير برضو نجيكم توش ، ما باتفاقية بالقلع عديل لان الاتفاقيات
لا تحترم ، اها هاشم كرار دة عندنا عنو قصص اوع تجيبو وزير
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: عامر تيتاوى)
|
رجاء
لو تخريمات زى حقت طارق ديك الله يستر علينا
مراحب كتار بيك فى بوست الامتداد وعلى قولة اخوانا
المصريين .. بيتك ومطرحك
احمد خدر
يازول فكوكم للفطور.. متين الرجعة من ام ضريوة
تعرف يااحمودى جماعتنا ديل اصلهم بتاعين حمام ميت
مشتاقين ياابو رزان ياخ ماتجى تصيييييف معانا
| |
|
|
|
|
|
|
| |
ناصر جبريل
طارق جبريل
مجدي عبدالرحيم فضل
عامر تيتاوى
سيد محمد احمد سيدنا
Muna Khugali
مصطفي سري
HAYDER GASIM
بدرالدين يعقوب
عبد الدائم سيد أحمد
صديق حمدتو
عادل عوض بلال
abdulgafar mohd saeed
فيصل محمد خليل
Raja
معتصم عبدالرحيم
omer abdelsalam
أبو الحسين
عماد شمت
غادة عبدالعزيز خالد
Yassir7anna
ahmed khidir
فيس بوك
تويتر
انستقرام
يوتيوب
بنتيريست