|
|
 Re: (2) امتداد الدرجة الثالثة ذلك الحي المتفرد (Re: طارق جبريل)
|
الامتداداب الأطايب
سلام مربع للأربعطاشر مربع
ورمضان كريم (ولماتنا فيهو كانت سمحة كما انتم)
وعيد سعيد وكل سنة وانتو طيبين
واحر التعازي للأخ مجدي بركية وفاة الخال أنور والله ما عرفت الا اسي من البوست
وتعازي حارة للأخوان اولاد عوض بلال في وفاة عمتم .
وتعازي لكل من فقد عزيزاً ولم اواجبه وتهاني لكل من اكتسى بالأفراح بأنواعها ولم اهنيه
واعتذاري لكم جميعاً بلا استثناء لطول الغياب
والتهاني للأخت نسرين جمال لنيلها العضوية ونتمناها فعالة فواحة ..
وبالله يا نسرين ركّزي لينا على اخبار فاروق سعيد .
التحايا للجميييييييييييييييييييييييييييييييييييييييع (حكومة ومعارضة) وتمرّد
| |
 
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: امير عوض الجمري)
|
| Quote: واعتذاري لكم جميعاً بلا استثناء لطول الغياب |
اهل الأمتداد الأحباب
كل سنة وانتم طيبين رغم أنها جاءت متأخرة
تعازينا للأخ مجدي بركية في وفاة خاله أنور
نسأل الله أن يسكنه فسيح جناته
والله سعدنا وطربت أعضاءنا بعودتك يا أمير
الأمير وليد الجمري سعلنا الطير والحجر عنك
وما لقينا خبر
تخريمة سغيرة
لكن ماشاءالله عثمان يشبه فارس شبه شديد
لكم التحية أهل الامتداد بدون فرز
خالد محجوب
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: خالد علي محجوب المنسي)
|
احر التعازى للاخ عادل عوض بلال
والاسرة الكريمة ولم اطلع على الخبر
الا الان
مبروك اختنا الصغرى نسرين ومرحب
بيك عضوة اصيلة بين اهل الامتداد
واهلا بالاخ العزيز عوض كمبا الامتدادى
الجميل .. وين اراضيك ياكمبا
والف مليون مرحب بعودة امير الجمرى
ويارب دائما بدون انقطاع طويل
بعدين ياخوى اخبار فاروق دى بتلقاها
فى اليوتيوب 
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: عامر تيتاوى)
|
تحايا بقدر مربعنا الذي وصله البوست آخيرا وتحيه ندية للأخ أبوعثمان بعد طول
أنقطاع وعوده جميلة والتحية عبر للأخ خالد ود المنسي أبن خالك الذي دائم التواجد
بيننا ودائم السؤال عنك ونحن أيضا وحشتنا الأبتسامة والله أبوعثمان.
وتحية ثانية للأخ العزيز تيتاوي العامر بالحب وأنا بعد ده بتوهض في المربع حقنا
حتي نقادر الي الجارة مربع 15 الصحافة الجميلة وعبر كل الأحباب نرسل تحايانا الي
بورداب وأحباب الداخل وشنو يامجدي بركية الحاصل علي نجمتنا العظيمة ودايير الكأسين
ياخي ما كتيرة علينا ولا شنو يامرمر ودالجمري وكل الأحباب مريخاب الداخل والخارج.
،،،،أبوقصي،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
الامتداداب الأطايب
الحب والود ليكم كلكم وشكرا وفير يا خالد علي محجوب وعامر وابوقصي للترحاب السريع
واهو نسائم الامتداد وهمبريبو يفتح علينا من كل الجهات ومعاي اسي في الماسينجر الغاليين
عامر وصديق وذكريات جمييييييييلة
وانا الآن في قمة النشوة والمتعة بهذين الرائعين والله سبحان الله يعني الواحد بالجد مرتاح شدييييد
يا رب تبعد العوارض ومسببات الغياب وتخليني مع اهلي الحنان ديل
قولوا آمين
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: عصام علي أحمد)
|
ياســــــــــلام والله اليوم ده عيــــــد عديل كــده أمير الجمري
وبعد هنيئه وجيذة أبن المربع وصديق الشباب أيام التحول الجميلة عصام
علي أحمد (أبودَية) في مربعنا 14 يامحاسن الصدَف البوست في الصفحة 14 و
يصادف دخول أحد أبنا الأربع عشر بالله عليك ياعصام ماتنقطع ذي القطع الفاتت
دي ياخي الشوق بحور عشان أخباركم الجميلة وأنا وعدت أنو أتواجد حتي مغادرت
البوست المربع وها أنا وصديقي عصام وينك ياشيخ المربع المجري فيصل خليل.
،،،،أبوقصى،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
الحبيب الغالي ود الجمري مرحب بعودتك في بيتك ووسط اهلك ... بس تاني ماتطول الغيبة
والعيد الجاب الناس لينا ماجابك وكل سنة وانت طيب مع اولادك واهل بيتك
والله لمتك انت والحبان صديق وعامر زينة خلاص , بحيكم كلكم في بعدي ياحلوين وياطعمين
ود المنسي الراجل الرائع حبابك وعيدكم مبارك
ابوقصي .... لو نحنا مافي شركة واحدة (عيدية بابو وعقبال مليون شمعة للحبيب قصي )
| |
|
|
|
|
|
|
|
|
 Re: (2) امتداد الدرجة الثالثة ذلك الحي المتفرد (Re: ahmed khidir)
|
اهلي الحنان حوشكم همبريبه ضارب ودعوض حامد حمدالله علي السلامه
مبروك الحبيبه نسرين وانشاء الله اقامة طيبه بين الاحبه وبقدومك
يزدان المكان وابوقصي قدم الورود نيابة عن الحي .وماقصر الهميم ...
يابدر دورين انا مجلي من العلي مش كفاية غربة وفراق احباب ...
كانت عندي مشكلة في الموبايل من يوم 1 اكتوبر( وثكرتو) سكرتو علي قولكم ياناس
السعوديه.لذا وجب التنويه عشان ما تقولي دورك بيش ما بترد علي التلفونات
0041794004853 0041794004853 0041794004853 التكرار ده عشان اتاكد
من الرقم يابدر
صور جميلة وتجمعكم اجمل وانشاء الله دائما متلمين ومتعافيين ومتسامحيين
لكم حبي وودادي
| |
|
|
|
|
|
|
|
|
 Re: (2) امتداد الدرجة الثالثة ذلك الحي المتفرد (Re: عماد شمت)
|
أحبائي وناسي الامتداداب الحلوين
كل سنة وانتم في احسن حال وأجمل الأحوال
تحية عطرة لاخواني في المعارضة ياسر حنا / أمير الجمري / ناصر جبريل ( إنضمامي أليكم مسألة وقت فقط ) تتصوروا حكومتنا السجمانة مافي حد فيها سأل عني طوال غيابي ولا حتى رسالة واحدة . حكومة السجم والرماد ( وتسقط ... تسقط حكومة الامتداد ) أها يا فيصل داخلين الغابة داخلين .
واعتذاري لكم جميعاً بلا استثناء لطول الغياب
والتهاني للأخت نسرين جمال لنيلها العضوية ونتمناها فعالة فواحة في بستاننا الوارف وبك تزداد زهورنا.. مع دعواتي لبنات الخليفة بالعودة السريعة لاسقاط الحكومة إياها .... مودتي
عماد محمود
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
الحبايب كيفنكم
- أحر التعازى للأخ عبد الرحيم وعادل وكل افراد
أسرة العم عوض بلال لوفاة عمته.
- علمتى اليوم بوفاة العم محمد سعيد الدنقلاوى بمربع 14
والد الأخ عز الدين واسأل الله أن يتغمده بواسع رحمته ويسكنه
فسيح جناته.
- وأرحب بعصام ود حلتناوياعصام نحن جلاكيم شويه كما وأرحب
برجوع الأخ العزيز أمير الجمرى للبوست، وترحيب خاص بنسرين جمال.
- التحيه لاحمودى والصوره جميله ومليانه ذكريات وماتحرمنا لو
فى صور تانيهز
_ وأذكر الجميع بلقاء 16-11 (أحمودى كلم عبده ساتى)
أنور الشيخ
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: البعيو)
|
أحــرتعازينا في فقيد الأسرة الأمتدادية العم محمد سعيد والعزاء للأبناء عذالدين،مبارك،سمير وبقية الأسرة
اللهم اغفر له وأرحمه
وعافه واعف عنه.. واكرم نزله ..
ووسع مدخله.. واغسله بالماء والثلج والبرد..
ونقه من الذنوب والخطايا كما ينقى الثوب الأبيض..
اللهم جازه بالحسنات إحسانا.. وبالسيئات عفواً وغفرانا..
اللهم أنزل على قبره الضياء والنور.. والفسحة والفرح والسرور..
اللهم أنزل عليه بردا وسلاما..
اللهم انقله برحمتك من ضيق اللحود والقبور..
إلى سعة الدور والقصور.. في سدر مخضود..
وطلح منضود.. وظل ممدود.. وماء مسكوب..
وفاكهة كثيرة.. لا مقطوعة ولا ممنوعة.. وفرش مرفوعة ..
اللهم لا تحرمنا اجره ولا تفتنا بعده واغفر لنا وله ....
اللهم اجعل قبره روضة من رياض الجنة ..
اللهم بيض وجهه.. ويمّن كتابه.. ويسر حسابه..
وليّن ترابه.. وطيب ثراه.. وثبته على الصراط..
اللهم اجعله يمر على الصراط كالبرق الخاطف..
اللهم اظله تحت ظل عرشك..
يوم لاظل إلاّ ظلك ولا باقٍ إلاّ وجهك..
ولا تحرمه النظر إلى وجهك الكريم.. والشوق إلى لقائك..
اللهم احشره تحت لواء نبيك محمد صلى الله عليه وسلم..
واسقه من يده الشريفة الطاهرة.. شربة هنيئة مريئة..
لايظمأ بعدها أبدا.. وبلغه شفاعة الحبيب المصطفى..
اللهم اجعل القرآن العظيم شفيعا له في قبره..
وشاهدا له في الآخرة.. وحجة له يا رب العالمين..
اللهم اجعله من السبعين ألفا الذين يدخلون الجنة بغير حساب..
اللهم اسكنه في الفردوس الأعلى من الجنة مع نبينا
و حبيبنا محمد صلى الله عليه وسلم..
اللهم اسكنه في قصورها.. واسقه من أنهارها.. وأطعمه من ثمارها..
اللهم اخرجه من ذنوبه كيوم ولدتها أمه.. واعتق رقبته من النار..
اللهم اقض عنه كل دين..
اللهم أبدله دارا خيرا من داره ..
وصحبا خير من صحبه .. ..
واجعل له من بعده صدقة جارية .. وعلم ينتفع به ..
واجمعنا به في الفردوس الأعلى من الجنة ..
برحمتك يا أرحم الراحمين ..
يا أرحم الراحمين .. يا أرحم الراحمين ..
وصلى الله وسلم على سيدنا محمد خاتم النبيين والمرسلين
وانا لله وانا اليه راجعون,,,,
الشكرا لك أخونا أنور الشيخ (البعيو)
،،،،أبوقصى،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: بدرالدين يعقوب)
|
الأخوة الأعزاء
تحية طيبة من الأعماق
أولاًَ أود أن أعبر عن عميق شكري وتقديري لمواساتكم وتعازيكم لنا في وفاة فقيدة الأسرة
العمة سائلاً المولى عز وجل أن يتغمد الفقيدة بواسع رحمته ورضوانه ويسكنها فسيح جناته
وأن لا يريكم مكروهاً في عزيز لديكم .. والحمد لله على قضائه وقدره .
وأتقدم بأحر التعازي وصادق المواساة لأسرة المرحوم محمد سعيد في فقدهم الجلل والدهم
مبتهلاً إلى الله جل وعلا أن يتغمد الفقيد بواسع رحمته ورضوانه ويسكنه فسيح جناته ويلهم
الأسرة الكريمة جميل الصبر وحسن العــــزاء .
وأرحب بعودة الدبلوماسي أمير الجمري ...وحمداً لله على سلامة الوجيه عامر تيتاوي من رحلته
من الصين ..وتحية خاصة للأخ الكريم البعيو .
والتحية للجميع
عادل عوض بلال
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: بدرالدين يعقوب)
|
الاعزاء الامتداديون والامتداديات
# تحيات شوق وحب بطول الانهار وعرض البحور وارتفاع الجبال
وكل عام وانتم ترفلون فى اسارير السعاده والهناء
# الف مليون رحمة على موتانا وموتى المسلمين والهم
اجعلهم فى الاعلين بين الرسل والصديقين وملايين التعازى
لكل من فقد حبيب او قريب او صديق .
# طول الغياب عنكم افقدنا الكثير وشكرى الجزيل للاخ محمد عطيه
الاصيل الذى يبحث عنى دوما لاخبارى بكل ما فاتنى وجعلها الله
فى موازين حسناته .
# شكرا لكل من ساهم فى اذكاء نسرين جمال والف مراحب انضمامها
لاخواتنا بنات خوجلى حفظهم الله .
# امير الغائب الحاضر بحثت عنك حتى حفيت وعرفت انك كنت فى جده
ودا كلوا كان عشان نزيد الجمر جمرين بصديقى العزيز عبدالخالق
# الاعزاء لكم حقا علينا وان انقطعنا فان الظروف هى السبب فاعذرونى .
تحياتـــــــــــى
ســـــــــــــيد
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: امير عوض الجمري)
|
| Quote: ابوقصي .... لو نحنا مافي شركة واحدة (عيدية بابو وعقبال مليون شمعة للحبيب قصي ) |
يابدر بدورنا معقول أنا أنساك وهو أنت أنت بتنسي ما أنت ريدنا وحبنا سافرنا في عينيك ولسه قلوبنا بيك متجننه وكان أتصالي إليكم جميعا عبر تلفون المكتب والأخ عصام أداني كل
التحويلات لعل التحويله سقطت دون قصد مني والتهاني العظام عظمة بدرك في سمانا وللأسرة غزير التهاني مباركة العيد وكل أيامك عيد ياسيدي وقلوبنا أبواب من تحاياك مشرعة الدخول وهذة هديتناباقة ورود نهديها لك وللمدام:
،،،،أبوقصى،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: فيصل محمد خليل)
|
يازعيم نقلنا كل المعدات الثقيلة والمدفعية علي الحدود غرب محطة سبعه
تحسبا لأي تدخلات أجنبية تساند سقوط حكومة عماد محمود السابقة وماعليك إلا
أعتلاء منصة الأذاعة وقدم البيان الرسمي وكل التشكيل جاهز والوزراء علي أهبت
الأستعدات صديق حمتو & شخصنا الضعيف & كمندان ناصر جبريل والقائد المفدي حنا
والقائد العائد للقوات المسلحة العمده عماد محمود ونناشد أعضاء السلك الدبلوماسي
بالعوده للداخل راس الحربه الملتهب مصطفي سري وبقية السرب المهاجر عصام علي والآخرين
ونحن قد أغلقنا كل المداخل التي تؤدي الي السفارات الأجنبية والصديقة وترقبوا البيان
رقم (1)..... ونواصل الموسيقي العسكرية....
نرفع التماااام للقائد الهماااام فيصــــــل هليل الطابور جاهز للتفتيش!!
،،،،أبوقصى،،،،
| |
|
|
|
|
|
|
|
|
 Re: (2) امتداد الدرجة الثالثة ذلك الحي المتفرد (Re: فيصل محمد خليل)
|
الأخت الكريمة نسرين
مساءك سعيد، ، ،
سعدت كثيراً بإنضمامك إلى الساحة الخضراء بسودانيزاونلاين وتواجدك بين إخوتك بامتداد الدرجة الثالثة ، أجزم تماماً أنك نسيتي شخصي فقد تركتك صغيرة نوعاً ما . كيف حال الوالد جمال والوالدة والأخوات نجوى ، شوزي ، ناني ، جيهان وهبة ( الهبلة الشيلوها الطبلة ) على قول ( شوزي ) وكيف حال أبني الصغير عادل . طبعاًُ شخصي كنت صديق للمرحوم الراحل المقيم ( حمادة ) فهل تذكرتي شخصي . مع تحياتي للخالة إنعام والأخوان وليد وحمادة وأحمد حسين أوشي .
مودتي واحترامي
تخريمة :
أها يافيصل جاهزين وأبو قصي ح يعمل اللازم . مودتي .....
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: عامر تيتاوى)
|
حبيبنا القائد الهمام
العمدة اولا حمدا لله على السلامة
والامكنة بيك نورت
ثانيا نؤكد على اننا سالنا عليك سؤال الضهبان
ولم ولن نتخلى عنك ودونك الارشيف وكيف لنا ان
ننسى او نتجاهل قائدنا الهمام ولكننا اثرنا
ان نتركك فى استراحة محارب لتعود اقوى واكثر
تمسكا بالقيادة الشرعية وانت احد من ارسوا تلك
الدعائم
اننا نجد الثقة ونتطلع الى المزيد من العطاء
تجاه امتدادنا الباسل
كسرة ياعمدة
Quote: سعدت كثيراً بإنضمامك إلى الساحة الخضراء بسودانيزاونلاين وتواجدك بين إخوتك بامتداد الدرجة الثالثة ، أجزم تماماً أنك نسيتي شخصي فقد تركتك صغيرة نوعاً ما . كيف حال الوالد جمال والوالدة والأخوات نجوى ، شوزي ، ناني ، جيهان وهبة ( الهبلة الشيلوها الطبلة ) على قول ( شوزي ) وكيف حال أبني الصغير عادل . طبعاًُ شخصي كنت صديق للمرحوم الراحل المقيم ( حمادة ) فهل تذكرتي شخصي . مع تحياتي للخالة إنعام والأخوان وليد وحمادة وأحمد حسين أوشي .
|
شكلك كده شايت على قون الربيع وبكرة التوضيح بجيك
ولو ما مصدق اسال عماد عويس
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
Quote: الأخت الكريمة نسرين
مساءك سعيد، ، ،
سعدت كثيراً بإنضمامك إلى الساحة الخضراء بسودانيزاونلاين وتواجدك بين إخوتك بامتداد الدرجة الثالثة ، أجزم تماماً أنك نسيتي شخصي فقد تركتك صغيرة نوعاً ما . كيف حال الوالد جمال والوالدة والأخوات نجوى ، شوزي ، ناني ، جيهان وهبة ( الهبلة الشيلوها الطبلة ) على قول ( شوزي ) وكيف حال أبني الصغير عادل . طبعاًُ شخصي كنت صديق للمرحوم الراحل المقيم ( حمادة ) فهل تذكرتي شخصي . مع تحياتي للخالة إنعام والأخوان وليد وحمادة وأحمد حسين أوشي . |
مرحب بقائد الكاماندوز وكتيبة حركة تحرير الامتداد (عماد محمود وكل سنة وانت بالف خير )
طبعاياعمدة ذي ماقال الاخ عامر تيتاوي انت شايت عكس في شباك ربيع (3)
قبل كده برضو العمدة ود عويس كان شايت غلط والاخت نسرين اوضحت له انها ليس نسرين جمال
المقصودة التي ذكرتموها انت والاخ عماد عويس بل هي جارة لها.. وياعمدة صحصح معانا شوية ولا رمضان
تعبك ياكاماندوز .
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: نسرين جمال)
|
خلي بالك أختي نسرين أنت مع الحكومة ولا المعارضة وفي مارشات عسكرية في الشارع
وحظر تجوال يعني بيت ناااس نسرين جمال صحبتك مابتصلي إلا بتصريح مرور مختوم وموقع
من القيادة العامة ونااااااس الريس طارق مفروض عليهم حصار إقتصادي وسياسي ومافي
طريقة إي دعم لوجستي وهو الآن في المضارب المغربية المفروضه عليه إلي حين التقديم
للمحاكمة العادل وللشارع الحكم .......
والقائد عماد محمود أتي بقواته وأنضم الي الكتائب المسلحه للقائد الهمااام الجمري
أميرنا المفــدي..
........ونواصل......
محدثكم الأميرلاي،،،، أبوقصى،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: عبد الدائم سيد أحمد)
|
Quote: حي المغتربين ازيكم لعلكم طيبين فى حيكم
يا مجدى شفتك بترحب بعماد قلت اجي انتظرو
فى البيت الكبير وافطر معاكم
الزول ده كان غاطس وين الفترة الفاتت
أآآتخيل لي نسرين دى كان ساكنة الصحافة
|
أخي الحبيب عبدالدائم سيد أحمد أنا متخيلك بين دفتري ورقة جمال أزدانت أنورنا شروق
نورت البيت الكبير وأصحابوا وين لقيتك لآمن أراك الزول ده كانت جارية معاهوا تكتيكات
علي أعلي المستويات حتي نزل بقواته الي حينا وفيك الخير السلام لعمر عبدالسلام وين؟؟
دعمك اللوجستي للريس طارق ما سامع الموسيقي العسكرية دي علي كل الأذاعات المسموعة منها
والمرئية دي مافي طريقه لها الآن للحرص الأمني وعدم كشف المواقع لكم التحية متمثلة في أخي عبدالدائم الدائم السؤال عنا طًله ولا أحلي تتحلي أيام عمرك قول آآآآآمين يارب.
،،،،أبوقصى،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
عيييييييييييييييييييك
والله انتو رعية دخاخين ساكت
ياخي زعيمكم غائب ليهو مدة وقافلة معاهو مافي واحد فيكم يقفرو والله الفيكم اتعرفت
يا عمدة يا قائدنا يا همام زي ما قال ليك تيتا راجع الارشيف يا حبيب
والله لمن صوتنا بحا
وفجأة نشوفك غاتس في حلل الملاح بتاعة رمضان في الصور
فيصل هليل والله انت معارض اي كلام
بتظهر معارضتك في الازمات بس
نسرين يا بتنا الف الف مرحي
وللحقيقة انضمامك للمنبر بذل فيه اخونا احمد خضر الكثير الكثير
ودة كان حاجات تحت تحت بيني وبينه وطبعا لا ننكر فضل ابو قصي
عودا حميدا يا جمري
وابو السيد وعصام
ومرحب بعبد الدائم من الجيران
الهم ارحم موتانا واغفر لهم
وتعازينا لاسرهم
يا جمري دخلونا معاكم في الماسينجر دة:
[email protected]
محبتي للجميع
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
http://www.sudaneseonline.com/] [/url]
http://www.sudaneseonline.com/] [/url]
وقعت على هذا الكنز الثمين وأنا أتصفح بالصدفة البوست الذي فتحه الأخ بكري أبو بكر والذي ناشد فيه الأعضاء وغيرهم بتسجيل احتفالاتهم بالعيد السعيد في مختلف انحاء العالم.
وصدق من قال أن أجمل الأشياء هي تلك التي تعثر عليها بينما أنت منهمك في البحث عن أشياء أخرى
التحية للأخ بكري أبو بكر والتحية للدكتور عادل الحكيم الذي أرسل هذه الصور من كندا ونتمنى ألا نكون قد سرقنا جهده أو أعتدينا على خصوصيته ولكن نبل المقصد جعلنا نسارع بإنزال الصور ونحن على يقين من عفوه
والله زمان يا بكري الخليفة وشوقي الليك طوّل ... طوّل ... طوّل ..................... لسه معاي
| |
|
|
|
|
|
|
|
|
 Re: (2) امتداد الدرجة الثالثة ذلك الحي المتفرد (Re: طارق جبريل)
|
سعادة القائد السابق لحكومة السودان طارق جبريل
سعادة النائب السابق لحكومة السودان عامر تيتاوي
تحية تقدير وإحترام ....
البيسأل ما بتوه ولا مش كده ،،، الجوالات دي عملوها علشان شنو !!! يعني مستخسرين فيني ( 5 ) ريال تسألوا فيها عني .... غايتو الفيكم إتعرفت وأرجو الراجيكم ..
تخريمة :
قائدنا الهمام أمير الجمري ... في إنتظار أوامر سعادتكم فساعة الصفر قد حانت ....
ياسر حنا يا راجل أظهر وبان عليك الأمان التخطيط ماشي عال العال وقريباً ستسمع خبر يسعدك بس جهز البدلة العسكرية .....
مودتي
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: عماد محمود علي)
|
قائدنا الهمام
العمدة
لقد فقدت هاتفى القديم فى سوريا واعلنت عن ذلك
فى البوست وطلبت من الجميع تزويدى بارقامهم التى
ضاعت منى لكن سعادتكم كنت ( حردان ) وكما قال
الريس فؤجنا بقائدنا الهمام غاتس فى العصايد الرمضانية
وساعتها كتبنا لك عن اشواقنا واملنا فى عودتكم
المهم نحن ما مستغنين ولسه ما عينا قائد عام على امل
عودك المظفرة بحمد الله
Quote: ياسر حنا يا راجل أظهر وبان عليك الأمان
التخطيط ماشي عال العال وقريباً ستسمع خبر يسعدك بس جهز البدلة العسكرية .....
|
ياراجل انت لسه من زمن حنا الزول ده هسى بقى
امين امانة التظيم بتاع الحكومة
اصحى يابريش
صديق حمدتو
والله فعلا الصور كنز وهى تكشف لنا عن طلة صديق العمر
والطفولة حبيبنا بكرى الخليفة
ياريس طارق بكورى لابس جلابية وشايل كاميرا فى يده
والكاميرا دى بتؤكد انو بكورى ياهو بكرينا الزمان زاتو
ولا ماكده ياصديق وامير
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: عامر تيتاوى)
|
لقطة فعلا تستاهل شكرنا للاخ بكري ابوبكر
حبيبنا بكري الخليفه ياحليلك.. مازالت الابتسامه هي (والضحكه الخثيثه)
رجعتنا للايام الجميلة والزمن المابرجع لك حبي وتحياتي ولاسرتك الصغيره والكبيره
واتمني من الاخوه وخاصة الهميم ابوقصي لضم ودالخليفه لعضوية المنبر
والحي المتفرد ..
يانسرين ويابدرالدين خثاثات انا شايت باللفت (الشمال) لكن عماد عيونو شايت ضفاري
صباح الخير ياعمده اصحي يابريش سالنا عنك كل حته وكل زول والحمدالله جيتنا سالم
وكلك عافيه ...لكن قالوا لي بقيت مطوع خالس ..تسلم وتحياتي للوليدات
شايف غيابكم طول تعالوا نطري الزمان الاول نحكي حكاوينا ونعيد زكرياتنا الحلوة
لكل الذين غابوا عننا فتره طويلة ادونا طلة ونعرف احوالكم و لكم محبتنا
الي ان نلتقي في يوم جديد لكم مني كل الحب والوداد ...
[email protected]
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: خالد علي محجوب المنسي)
|
ود المنسي الجميل ياخي أنت والأمتداد نهرا كوثر عذب مياؤه تجري بهوي شمالي وحب جنوبي
وريدنا ليك ياسيدي شرقي المنشأ وغربي الأستضافة دائما ماتجلسنا في أستراحتك للمحاربين
الأوائل كجنود لك ياملك .
تخريمة:
المجري أبن النوبة الشامخ ده زعيم زعماء المربع كماأسلفت ووالده رحمة الله علية كان بحق لنا ولأباؤنا خير مرشد وقائد للمربع في كل الأعمال الخيرية ولذا طائعين ننزل له
اللواء ومتي شاء رفعه فوق السارية وأسري بنا ياشادي الليل والكل نيااام وأطربنا بعذب
اللغة المجرية كلام وكلام وهذا سر أعجاب النوبيين بكل اللغات وهذة إفادة تشكر عليها أبوالخلد .
العمده ود عويس الشوت في الأوت بطلوا شوية والعمده ود محمود مدافع قل مايليها حتي وهي طائرة خليك من الراكة المستديرة أحيانا بتفك ولا كيف ياصديق وأمير الجمري القاوت اللعين كيف عامل يازول ماسمعت عن رباعيات الخيااام في تلاته .
العزيز بدر يعقوب الزول بقي مايشوت برقده للأبوعلوه أخوه المهاجم الحريف بس عدم التماريين في رابطة الصالحية أدي الي شباك ربيع العمر الزول ده ماكبير لسع نونه
علي قول الفنان الحسين الله يطراه بالخير.
صديق لك أن تشكر بكري الذي أتي ببكري ودالخليفة ولهم مني تحية كبيرة جدا وياعمده
مدونا بكل شي ونحن صوع القلم وأنت مداده .
الريس طارق ود جبريل
هنالك بعض المناشدات والتدخل من دول صديقه وحليفه أدي الي صَون كل جميل لحكومتكم السابقه وبذا نعلن لك بالأفراج المؤقت لا قيد الأقامة الجبرية لأنها تحتاج لكفيل هي
لك وأنت فينا بمكان الآمن دمك وفكرك وحرية التنقل بين مربعات إمتدادنا الحبيب.
وأيضا العفو يشمل الوزير الرائع تيتاوي وحصانته الدبلوماسية نمدد لها سريانها
إلي حين تشكيل الحكومه القادمة بديمقراطية الكلمة وتناول السلطة سلميا وتسلم يامجري
داخل أتبره.
،،،،أبوقصى،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
الاخوة الاعزاء الامتداديون والامتداديات
صباح خير وسلام يجوب كل شوارع المربعات
حاملا ينبوع حب لكم غرسه الزمان فى صدورنا
نتنفسه مع كل لحظه .
اخوتى عذرا وان قطعت التواصل والحكايات بموضوع
يشغلنى الليل والنهار وهو الى متى سنظل حبيسين
للاحلام وكلنا تشتت فى بقاع المكان وهنا اجاهد
لمصلحة هى اهداف وطموحات الكثييرين وهى ماذا
سنترك لابنائنا والزمان لذا فتحت بوست نحو
معوقات الاستثمار واول ما افكر فيه هم ابناء
الامتداد وأأمل منهم ان يمدونا من خلاله بأرائهم
املا فى الاستفادة من الزمن .
العنوان ( معوقات الاستثمار فى البلاد الناميه ( السودان ) )
اخوتى شاركوا فى البوست بمرئياتكم والمعوقات التى
واجهتكم لتعم الفائده لكل اخواننا السودانين فى المهاجر .
تحياتـــــــــــى
ســـــــــــــيد
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: نسرين جمال)
|
Quote: * أبوقصي الرائع عيدية مباركة وكل سنة وانت طيب يا طيب
بس حكاية زعيم مربع 14 ( فيسل محمد هليل المجري ) دي ماجايه
والله لو شفتوا بتنفو من الأمتداد. دا بقى مجري عديل، كل مداخلته
بتصل بي ويقولها لي بالمجري واترجمها له بالعربي وبعد دا بكتبها
غلط . |
 
قصص
وفي رواية اخرى غصص
| |
|
|
|
|
|
|
|
|
 Re: (2) امتداد الدرجة الثالثة ذلك الحي المتفرد (Re: نسرين جمال)
|
أختي الكريمة نسرين
| Quote: شنو الحاكية يا ابو قصي الانتخابات لسة ما انتهت |
أصحي يا بريش ، إنتخابات شنو يا ستي ده أنقلاب عديل بس أمسكي الخشب .
Quote: عايزين نعرف الفائز منو
|
المعارضة طبعاً ...
أمير الجمري ... جاهزين موية ونور .... وكمان حسين عبد الغني ....
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
يا شباب سلام
ينصر دينك يا ابو قصي
بالله كلم لينا (قائدنا) الهمام دة
تعرف يا عمدة والله انا لي مدة برضو فقدت تليفوني وهسا شغال بجمع في النمر بتاعة الناس
والله يا شباب دي دعوة مجددة لدعمنا بتليفوناتكم تليفوني ضربو فيروس (حناوي - من حنا)
مسح لي الزقام الفيهو من زمان ويا عماد مفروض انت تكون مؤمن للريس الحاجات دي
بعد زي ما قال ليك تيتا أمين الحزب بقى حنا والجمري تحت تحت طلب اورنيق عضوية
ونحن لسة باقين عليك
وبعدين نسرين قالت ليك فكوا الحصار وبعد دخولك الضفاري داك مفروض تسمع كلامها
يا جماعة والله عيني باردة على رجوع الشباب كلهم
ناقصنا ناس د. حاتم وراني والنقابي العجوز والاخضر الابراهيمي (جومو) والبقية
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
الامتداداب الأطايب
تحايا واشواق
الريس يفاوضني بشدة للجلوس في مفاوضات لاحلال السلام
وهاهو الآن (يتحايل) علي (بالمصري) عشان اقتنع واقنع معاي
قادة المعارضة
وامسكوا الخشب ..
والله روعة في الماسينجر طارق (والله قاعد نقطع جنس قطيعة)
بس قولوا : آمييييييييييييييييييييييييييييييين
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: امير عوض الجمري)
|
ياجماعة والله لوكنا عارفين الأنقلاب ده بيظهر كل الجمال ده كان سيد الحوش عمل أنقلاب بدري من زمان كمان أن شاءالله تااامين ولاميين وسالميييييين كمان يارب .
تخريمه: أختي نسرين الأسترحااام وقبلناه ولكن الأنتخابات دي بدري عليها شوية بعد ماأستولينا علي السلطة بقوة السلاح بعد داك نطرح الأستفتاء علي الجميع والوطن للجميع.
ياعمدة شايف البيان متأخر الحاصل شنو في الأذاعة يامارشال أجب بتوضيح القيادة العليا في ترقب وإتصال حووووول!
،،،،أبوقصى،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
الامتداداب الأطايب
سلامات يا اروع ناس
الشوق غلب اكتر من لسان حال حاتم الدابي
عشان كده امتدادنا المصغر (امتداداب الرياض) عايزين تفعيل لمقترح اليوم المفتوح
المحدد له تاريخ الجمعة 16/11/2007 يللا يا شباب دايرين الهمة (همة الشباب خاصة) عشان
يومنا ينجح ونصل للمرجو منه ونكوّن كياننا الامتدادي الحا يكون متفرد باذن الله وطالما نحن
ناس نضيفين ونقيين وبشهادة الجميع اكيد كل تجمعاتنا حا تكون بتشبهنا .. والكل في انتظار
هذا الكيان الامتدادي .. يللا هبوا وثوروا وربعوا الاربعطاشر مربع في قمة تجمعات الرياض ..
والدعم وشحذ الهمم مطلوب منكم يا امتدادب المناطق والدول الأخرى عشان نكون نواة حقيقية للعمل
الجماعي والاجتماعي البننهض بي منطقتنا من خلالو ..
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
امير الامير
Quote: يللا يا شباب دايرين الهمة (همة الشباب خاصة) عشان
يومنا ينجح ونصل للمرجو منه ونكوّن كياننا الامتدادي الحا يكون متفرد باذن الله وطالما نحن
ناس نضيفين ونقيين وبشهادة الجميع اكيد كل تجمعاتنا حا تكون بتشبهنا .. والكل في انتظار
هذا الكيان الامتدادي .. يللا هبوا وثوروا وربعوا الاربعطاشر مربع في قمة تجمعات الرياض |
معكم من على البعد واملنا فيكم كبير
طبعا انا عندى عضوية فى ( شباب الرياض )
العزيز الراقى ابوقصى الله يديك الفى مرادك ويحفظ ولدنا قصى
طال ما انتا موفور العافية
القيادة مطمئنة لان المعارضة بتاعة حركات ساكت
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
حبيباي مجدي وعامر
مشتاق ليكم لمن رعفت
انشاء الله الشباب متحمسين جداً وحتى نحن العجائز مليانين حماس
والتجمعين الحصلن ادونا امل كبير في انو حا يكون لينا شان كبير
في الرياض .
ويا عامر مكانك بين ناس الرياض موجود وفي القلوب انت متحكر ومافي واحد فينا يقدر يتطاول
ويقعد مكانك .. وانت معانا ولسة صوتك وهديرو لسة مالين الفجة.
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
سلام مربع
الحمدلله كتير من المختفين
اليومين ديل مسجلين حضور
انشاء الله دائما...
ابوبكر الخليفة
كل ما اتكلم معاه
بيوعدنى حا يكتب فى البوست
واخر مره اتفق معاى
يعمل مفاجاة لى كل الاخوان
ويجى بى الباب عديل
لكن برضو ...........
يظهر اليومين ديل ساكى الدولار الكندى
وانشاء الله المرة الجاية
نلقاه معانا
احمــد خضــر
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: سيد محمد احمد سيدنا)
|
العزيز جدا سيد محمد أحمد سيدنا
اللهم نور طريق الأمتداديون أجمع ودائما ماتلبسنا شرف بكلماتكم التي نتنبرس
بها دليل ومنار طريق بالأمس كنتم له مقوده وها نحن اليوم نرفع رآيته عالية بمحبتكم
ومحبة الأمتداد هي الأكبر مساحة جمال دمت عزيزي لنا الساس والرأس وهاهي المساحة
الأربعتاعشرية تفوح نفحا وعطر ا دائم الشوق لك ياأمتداد الصحبه والجمال نرتع ونهوي
كل من تهوي فالقلب مسكنه.
،،،،أبوقصى،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
الامتداداب الأطايب
سلام واشواق
امبارح اجتمعنا في منزل اخونا عبد الغفار
كان اجتماع تشاوري حول احتفاليتنا بالرياض
باليوم المفتوح بتاريخ الجمعة 16/11/2007
الحضور كان جميلاً بوجود .. بدر الدين يعقوب والشاذلي
وعبد الرؤوف كمال وعبد الله كع وعصام الطلقة وماضي خليفة
والصادق خليفةوعاصم كمال وخالد السمين خالد لولو عماد محود
رغم انو جاء متأخر وعبد الغفار سيد الدار وانا.. واتوزعت المهام
وبحماس شديد الكل رحب بالمهمة وانشاء الله موعودون بيوم حافل وتاريخي
سيكون انطلاقة كبرى لامتداداب الرياض من أجل النهوض بمنطقتنا الحبيبة المتفردة.
وانشاء الله ستوزع الدعوات في نهاية هذا الاسبوع مع رسم كروكي للموقع ..
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
الشباب الحلوين ...كيف حالكم ,, طارق اخوي انت يادوب اكتشفت موهبة ود الجمري بس هو داير ليه اجواء هادئة ذي يوم الخميس و السفارة فاضية عشان ياخد راحته تمام و انت دايما شرك ليه يوم الخميس بالنهار ,,, شمارات تقيلة,,,,,,,, بين المغرب و السعودية..
بالمناسبة دي نطالب كل من يتصل بيهم بكري الخليفة يحرضوه للكتابة فهو فاكهة جميلة...
الاخ محمد احمد سيدنا معقول في الرياض و مانشوفك و يمكن التقصيير مننا و نتوقع همتك معانا عشان ننجح اليوم المفتوح و الايام الجاية حنكون في حاله طواري..
عصام ميرغني مربع 1 مر مرور الكرام بالرياض قادما من الامارات و ماشي السودان و قضينا معاه دقائق جميلة ضمت بعض الاخوان لينا زمن طويل منهم..
شعار شباب الامتداد اليومين ديل في الرياض:: يد بيد لنعكس وجه الامتداد المشرق
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: Ashraf El Bagir)
|
العزيز أخوي أشرف ود الباقر
دي حقيقة الحالة العامة في سودان تأتية فنون الحادثات بالأربع ونتربع نحن في مربع الأربعتاشرة سنة غربة والله نتيجة غير متوقعه وماذا نفعل مع بهاءالدين وتانا وأبالو
يمكن لو لعب المريخ بأمير الجمري وصديق حمتو وطارق جبريل ماينغلب واحد خليك من أربعة
والجاتك في مريخك سامحتك ياجميل لا تعليق اليوووم وغدا تسطع ألاف النجوم وبرضو بنحبك يامريخ ده قدر واقع علينا رغم بعدك ياساطع فلكنا تأتينا شهبك نجيمات فرحنــا وأنت أكبر ساعة الهزيمة وأنت أجمل لحظة الأنتصار بريدوو وبنريدووو كده كيف ياأشرف’’’’
هاردلك كـــــــــــــ مريخاب الدرجة الثالثة مربع مربع من مجدي بركية الي أنــأ ـل
،،،،أبوقصى،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: نسرين جمال)
|
الأخ الكريمة نسرين جمال
Quote: الاخ مجدي ابو قصي
هاردلك نتيجة المريخ
وانشاء الله تقدرو تعوضوها في تونس |
ياأجمل زهرة وأنضر عود بان بيناتنا الجوار وكل الأقدار لعبة في مباراة الأمس
بدأ بالمدرب الفوستري هذا الذي شاااخ عقله ولم يرتقي الي القرأة الصحيحة للخصم
الذي أتي إلية فائزا من بلده وعن التشكيل الذي رمي به كان الخط في الظهر مكشوف
بذاك الأبالوا ومن أمامه التانا الذي لا يرقي لميم ناهيك عن محترف هذا الكلمة التي
أصبح الوسط الرياضي يلوكها ولا يستطيع مضغها وهضمها الي متي يتلاعب هولاء الخيالات بمشاعر
ذاك الصبار التي يدفع ماله ووقته للحبه للمريخ وكانت لقطة يجب أن يتفرج عليها كل
لاعبين المريخ بمافيهم الأحتياطي ودمعة منه أغلي وأشرف من العرق الذي لم يسكبوا لاعبين
المريخ أمس في المستطيل الأخضر ويجب أن يعوعل المريخ عن أشباله كما كان زمن العصر
الجميل كمال عبدالغني ورفاقة وحماسة النجوم المرسومة في وجههم كان بمسابة الضئ الشاهب
المحرق للخصوووم ولا نقول إلا حسبنا الله فيكم يالاعبيين الأمس بالروح الأنهزامية التي
سكبتوها علي مرئ من جمهور غفير أتي ليبتسم فوق النجوم فرح ولم تسعدوه .
،،،،أبوقصى،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
الاخوة الامتداديون والامتداديات
الف صباحات وربنا ييسر اموركم كل صباح
الاستاذ الهمام النشط مجدى عبد الرحيم فضل
الاعزاء موجودون لكن الصباح البال لسع نايم
مع البرد الذى نزل على الرياض ثم فارق الوقت
لكثييرين ونتمنى اول ما يصحصحوا يجوا ويشوفوا
البيت وحزن المريخ برضوا اصاب الهلالاب المثقفين
الذين ينظرون الى انه هزيمة للسودان .
بالامس مشكورين الاخوة الاعزاء ابناء مربع 12 و13
ماضى خليفة الصادق واحمودى وجهوا لى دعوة للقاء
يوم 16 وبحق فرحت كثيرا لسماع صوتهم وسعدت اكثر
بأننى سالتقى بكثييرين غيبهم الزمان عنى فالف شكر
اخوتى على سعيكم بجمع شمل ابناء المنطقه وهذا غير
مستغرب منكم وزمان كان والدنا رحمة الله عليه خليفة الصادق
يدعو دوما لتجميع ابناء الامتداد والان ابنه ماضى وصحبه يحققون
رغبتة رغم بعده عن الديار واتمنى ان يكون فى المناسبه
ما يشير لذلك الشاعر الاب الاخ الصديق الذى فاضت روحه الشابه
قبل ان يكتمل مشروعة لجمع ابناء الامتداد .
تحياتـــــــى
ســـــــــــيد
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
قامت اللجنة المكلفة لحجز استراحة اليوم المفتوح بقيادة الاخوة عبد الله كع والصادق خليفة
وخالد الثمين وعاصم كمال بانهاء العمل المكلفين به بحجز الاستراحة .
وبذلك يكون اليوم المفتوح لرابطة ابناء الامتداد في يوم الجمعة 16/11/2007 باستراحة طيبة
بمخرج 18 وسوف تقوم لجنة التسير بتوزيع الدعوات مع وصف الموقع وعلي الجميع الحرص علي الحضور
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: بدرالدين يعقوب)
|
سيروا وعين الله تحف جمعكم المبارك هذا ونحن من خلفكم قادمون
أخي بدر الدين نرجو أن يكون الأستنفار شمل كل أبناء الأمتداد بالرياض
موفقين بأذن الله.
ونحن بدورنا سوف نتصل بكل من نعرف من أبناء الأمتداد ليتشرفوا بالحضور بعد وصف المكان
شكرا بدر الدين,,
،،،،أبوقصى،،،،
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
الاخ مجدي
تم في الاجتماع التنسيقي الذي عقد في دار الاخ عبد الغفار ,,اختيار مناديب لكل مربع من 1 الي 14
للا تصال بالاشخاص الذين ينتمون لذلك المربع ودعوتهم واحضار ارقام تلفوناتهم واين يسكنون في
الرياض . وتم توزيع استبيان بذلك الخصوص لعمل( داتا) لكل ابناء الامتداد بالرياض ,
وباذن الله, علي حسب ماهو ساري من عمل سوف يكون هنالك جمع غفير من ابناء الامتداد بالرياض لحضور
اليوم المفتوح ,الذي سوف تكون فيه جمعية عمومية لتشكيل المجلس ليكون نواة تسير عمل الرابطة في
الفترة القادمة, وطبعا سوف يكون ذلك بالترشيح من الحضور لاعضاء المجلس وبالله التوفيق .
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: طارق جبريل)
|
الامتداداب الأطايب
تحية من الأعماق
بدر الدين يعقوب العضو الفعال في كل اللجان الحالية لتجمع أبناء الامتداد بالرياض يطلعكم أول بأول
عما يدور في أروقة التجمع .. وله وااافر الشكر ونرجو الدعم المعنوي يا شباب فالعمل القادم ليس بالسهل لكن بعزيمة الرجال كل شئ بيصير كما نحب .. فقط ادعمونا معنوياً.
وعلى فكرة في بوست مفتوح بخصوص (اليوم المفتوح) نرجو رفعه ودعمه .
Quote: الحبايب كيفنكم
والله يا جماعة القطيعة مع الجمري دة لذيذة خلاص
الزول دة قطاع خلاص وعارف خبيرات الدنييي كلها |
ود جبريل .. بالله الكلام عن دعم مساجد الامتداد وترميم المدارس بقى قطيعة !!!!!
اسمع منتظرك بكرة بالله تعال بدري ففي (جعبتنا) الكثير لنناقشه نرجو التبكير بالحضور.
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: امير عوض الجمري)
|
أهل امتداد الطيبين
سلام 4 وسلام11
ليه ؟؟؟ لانو الامتداد كلو ح يكون هنا في الحتة دي ومعاهم ناس العُشرة والعشش كمان ناس الصحافة الزمان ...نار مدورة.
اخبار تثلج الصدر ونحن نري التجمع في رمضان واللقاء الرمضاني ما أسفر عنه رابطة الرياض.
هذا يرجعني بالفلاش باك الي ايام خوالي قضيتها في جدة وكان يلمنا الامتداد بل وكونا شباب الامتداد ولعبنا به دورة الاستقلال -ملعب الصبان , وتلك الايام تدوالها وكان بيننا المغفور له حسين سند طيب الله ثراه, ومن الاخوان علي سبيل الذكر لا الحصر , هيمة,عبدالمجيد مختار,عماد العاقب,حسين خلفالله ,بدرالدين ساتي,عادل عوض بلال,سمير عبدالرحيم,بدرالدين عبدالرحيم,عبدالاله,عبدالرحيم"خروف",ازهري محمد موسي,عوض صالح,عادل صالح,سيداحمد,وكان معنا ناجي حسن صالح وعائد خضر
كانت ايام وكانت مدائن الفهد وكان هيمة وعماد الغاقب وسمير وازهري ركائز التجمع ,اتمني ان يتواصل الجهد بالحب ونكران الزات ونضع ذكري طيبة للامتداد
دمتم
معتصم العربي
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: معتصم عبدالرحيم)
|
تلقيت اليوم اتصال هاتفى من الاخ العزيز جومو ( الاخضر الابراهيمى )
الذى عاد الى اخرطوم بعد زيارة الى الامارات التقى فيها باخوة
الامتداد وفى المقدمة الزعيم والرجل الهميم معتصم عبد الرحيم العربى
وعاد جومو ولسانه يلهج بالشكر لكل الاخوة اللذين احتفوا به اثناء زيارته
وخاصة متصم العربى
ومن جومو التحايا لكل الامتداداب فى البوست
نسال الله الشفاء لابن الامتداد الاخ العزيز حمدتو ( مربع 4 ) وهو يتلقى العلاج
الان فى مستشفى الشعب بالخرطوم ونساله الشفاء لكل المرضى من جيراننا واحبائنا
ونسالكم لهم الدعاء وان يمن الله عليهم بالشفاء
| |
|
|
|
|
|
|
|
|
|
Re: (2) امتداد الدرجة الثالثة ذلك الحي المتفرد (Re: abdulgafar mohd saeed)
|
ها هو الأمتداد بأبناؤه البصمه فية لقاء الأحبة والتوادد فية تراحم بعضنا
والكل فيك مغرم والحب كمان ونغم بالله فيَ أحلي من كده مافيَ فيك كل شئ ياأمتدادنا
إلا كلمة مافيَ دي الوحيدة الما بيحويها قاموسنا.
التحية لكم أحبتي مكان الخاطر الوقف مازاد وعلاه الأمير والغفور والرحيم والبدر ليلة
تمااامه والتحية للعامر بيهو ديارنا وحمدا علي سلامة العودة أخي جومو ودايرين
أنطباعاتك الجميل مكتوبه وممهوره بتوقيعك الرائع .
وكما نتمني للأخ العزيز حمتو موفور الصحة وتماامها وماتشوف شر ياالحبيب وكما دعاء
الأخوان عن البوست المرفوع نحن لوجستيا معه ومعنوية ندعمه وفعليا بكل ما يطلب مننا
حاضرين في حضرة التصَوف الأمتدادي البهئ .
،،،،أبوقصى،،،،
| |
|
|
|
|
|
|
| |
امير عوض الجمري
خالد علي محجوب المنسي
عامر تيتاوى
مجدي عبدالرحيم فضل
عصام علي أحمد
بدرالدين يعقوب
ahmed khidir
عماد شمت
عادل عوض بلال
سيد محمد احمد سيدنا
فيصل محمد خليل
عبد الدائم سيد أحمد
طارق جبريل
صديق حمدتو
ماجدة عوض خوجلى
abdulgafar mohd saeed
Ashraf El Bagir
معتصم عبدالرحيم
فيس بوك
تويتر
انستقرام
يوتيوب
بنتيريست