|
|
 تليش وشلهتة عديييييل
|
سلام عليكم يا ناس المنبر جاكم زولا ختري عجاج كرعيه يجري جري
قبُل ما أبدأ لساني يلهج بالشكر يا باشمهندس بكري، لكن يا ولد امي تعبتني تعب شديد خلاس خليتني اتنخج واقشقش في مخاخيتي لامن اديتني الكود، يا زول انت عندك تار مع سودانية المغرب علي قلتم ولا شنو؟ المهم يا جماعة الخير بقيت عضو معاكم وزي ما عارفين الحديد لمن يكون جديد بكون شديد، بالله انطلقت في المنبر دا زي جدول الموية اهابش دا والكز داك لامن رقبتي اتعسمت من الصنقيع جنب الجهاز، وكنت فاكر الناس حا ترحب بي شديد لكن اتاريني طلعت غبيان خلاص ولقيت نفسي زي الماسورة المحلوجة، القصة مُو شلل وكل ناس بترحب بي زولا الجديد ويقدموه للناس انا الكحيان دا ما لقيت لي واحد ينابشني وحتى الناس الهابشتهم ما عبروني، باركتة لي دكتور معز المعرض والله ما ناضمني وتلقاهو قال دكتور الحمير دا كمان طلع لينا من وين، ناوشت "شبا" وسعلتو عن شبا دي لانها قرية ليها مكانة في الفشافيش وبيت الكلاوي واستبشرت خير وقلت لقيت لي واحد بلدياتي أمانة عليكم لي يوم اليلة محل غتس ما عرفتو، كتبت لي بوست عن الحلمنتيشي والله بقا مصنقِر براهو زي الزول الولدتو امه وماتت بي تتنوس ولحقا ابوه بي جلطة، اكان الفنجرية نجود بس الهبشتو كتر خيرا، والنصيحة لي الله دكتور سجيمان ناضمني مرتين في شلاليف نوال الزغبي والانتاية ألتو ديك لكن المسعلة يبدو ليها علاقة بالمهنة حسب علمي انا وهو ولاد حرفة واحدة واصلو ناس بيطرة ديل بيكوسو لي بعضم شديد ليه ما عارف، يمكن والله اعلم كلنا ضُقنا يا لفخة حمار يا نطحة تور يا رفسة حصان يعني بالبلدي كدي أخوان في اللَفِخ، وكمان محسن خالد اداني حنكين كدي، يبدو انه الله حنا علي اخيرا لانه اكتشفت انه "القلب النابض" قريبتي بالصدفة بعد وفاة خالنا "ابراهيم ابو دية" عليه الرحمة.
المهم يا جماعة الخير وأنا متلش قدام الجهاز اشتهيتلي ملاح سبروق بي شبت بي قراصة تكون 10 بوصة ومقطع فوقها بصل وجنبها كورية شحمانة بي الشطة والدكوة وعِمَة قديمة كدي عشان الواحد يقشقش فيها مخاخيتو من الشِطَطْ، وقصة الاكل دي يبدو انها وراثية لانه عندي عماً لي بس يشوف جريد الكرِيگة "الراكوبة" اتحرك شوية يقول لي مرتو: " فاطنة جابتلها زيفي (همبريب يا ناس البندر) قومي سويلنا تركين، ان كان جا هنا من كترة الهمبريب كان كمل تركين الدناقلة والمحس كمان، المهم يا جماعة الخير الفكرة اخدت راحتها خالص خالص والتتليشة بقت شلهتة عديل، وبديت افكر في السفر لي السودان لانه السبروق وين القاهو عند المغاربة احبابنا ديل حتى اكلتم الشعبية اسمها ما بيتنطق يوم قلتها للحاجة "بت ابو دية" قالت لي: انت اظنك مشيت انطلقت في المغرب يا ولد ، والمغاربة ديل كان عرفونا بناكل "التركين" كان رحلوني زمان، نرجع لي موضوع السفر، بقيت اهبش في جيوبي لقيت نفسي اباطي والنجم، فلسطين في الضلوع رسمي، لانه عَقَابْنا في السودان الله يديهم طولة العمر قبل ما ترفع سماعة التلفون زي الناس يقولولك: عافي منك رسلنا مصاريف، وعافي منك دي تقلب قراصة النبق لخوخة والتبروقة تبقى قرمصيص وتخلي العطرون جلكوز والسفة مهلبية وباقي اخوكم قليبو رهيف. واصلوا الحاج ليهو طولة العمر أيي "مَرَة" عجبتوا شُلُوخَا في مروي عرسها وكتر البُطان وبقا يربي ويخرج اما لو كان سمع بي مديدة سجيمان ديك كان ضايقنا نحنا ذاتنا في العرس.
هسا العمل شنو يا جماعة الخير السبروق دا دخل في النخاشيش والجيوب سكن فيها العنكبوت، وبالرغم من اني حلفت ما ارجع السودان دا تاني لانه واحد كدي في جهاز المغتربين كرهني الدنيا ما خلا ليه مصحف ما حلفني فيهو شي عثماني وشي ورش غايتو كتاب الله ما مابينو علا الزول حجتو كتيرة خلاس، والغريبة يحلفني في المصاحف وشلوفتو مليانة تمباك زي طبق الكسرة وليه جضوما منفخة وصدره مخوجج تقول مُعلاق لبن ولو ما الشنب كان قلت انتاية عديل، والله من خلقني ما شفتة لي زكاة كلو شهر "قالوا اسمها زكاة الراتب" ودي ما عارف هي كل شهر حا يحول عليها الحول كيفن.
بالله افتونا يا جماعة الخير في حكاية السفر دي، ولامن يجيني ردكم ما عندي حل غير "محمد كرم الله" واغنيتين يحرقِن الحشا "انا وا مغستي رحل تلوت الليل" و"كُر من حالي كُر قاعدلي في قيزان جَمُر"
صنقيعة:
لا شوفتن تبل الشوق لا ردا يطمن
اريتك تبقى طيب انت والبي كلو هيِّن
طارق جبريل
بيطري ضل طريقه إلى الصحافة بالمغرب
|
|
 
|
|
|
|
|
| العنوان |
الكاتب |
Date |
| تليش وشلهتة عديييييل | طارق جبريل | 11-24-05, 03:06 AM |
| Re: تليش وشلهتة عديييييل | showgi idriss | 11-25-05, 01:07 AM |
| Re: تليش وشلهتة عديييييل | طارق جبريل | 11-25-05, 02:54 AM |
| Re: تليش وشلهتة عديييييل | showgi idriss | 11-25-05, 03:12 AM |
| Re: تليش وشلهتة عديييييل | طارق جبريل | 11-26-05, 07:09 AM |
| Re: تليش وشلهتة عديييييل | showgi idriss | 11-26-05, 10:56 AM |
| Re: تليش وشلهتة عديييييل | محمد الأمين موسى | 11-26-05, 11:43 AM |
 Re: تليش وشلهتة عديييييل | القلب النابض | 11-26-05, 01:10 PM |
| Re: تليش وشلهتة عديييييل | حسن البشاري | 11-26-05, 01:41 PM |
| Re: تليش وشلهتة عديييييل | showgi idriss | 11-27-05, 09:52 AM |
| Re: تليش وشلهتة عديييييل | طارق جبريل | 11-29-05, 06:13 AM |
| Re: تليش وشلهتة عديييييل | طارق جبريل | 11-29-05, 06:22 AM |
| Re: تليش وشلهتة عديييييل | محمد الأمين موسى | 12-01-05, 01:15 AM |
| Re: تليش وشلهتة عديييييل | طارق جبريل | 12-01-05, 02:55 AM |
| Re: تليش وشلهتة عديييييل | محمد الأمين موسى | 12-01-05, 03:26 AM |
| Re: تليش وشلهتة عديييييل | طارق جبريل | 12-01-05, 07:25 AM |
| Re: تليش وشلهتة عديييييل | طارق جبريل | 12-01-05, 07:25 AM |
| Re: تليش وشلهتة عديييييل | طارق جبريل | 11-29-05, 06:32 AM |
| Re: تليش وشلهتة عديييييل | AMNA MUKHTAR | 11-29-05, 06:39 AM |
| Re: تليش وشلهتة عديييييل | طارق جبريل | 11-29-05, 06:44 AM |
| Re: تليش وشلهتة عديييييل | طارق جبريل | 11-29-05, 06:51 AM |
| Re: تليش وشلهتة عديييييل | عبدالله وداعه الامين | 11-29-05, 11:21 AM |
| Re: تليش وشلهتة عديييييل | طارق جبريل | 11-30-05, 04:59 AM |
| Re: تليش وشلهتة عديييييل | Walid Safwat | 12-06-05, 03:32 PM |
| Re: تليش وشلهتة عديييييل | طارق جبريل | 12-10-05, 03:26 PM |
| Re: تليش وشلهتة عديييييل | hatim ibrahim | 12-11-05, 07:20 AM |
| Re: تليش وشلهتة عديييييل | Muna Khugali | 12-11-05, 08:16 AM |
| Re: تليش وشلهتة عديييييل | طارق جبريل | 12-13-05, 03:04 PM |
| Re: تليش وشلهتة عديييييل | طارق جبريل | 12-13-05, 02:56 PM |
| Re: تليش وشلهتة عديييييل | القلب النابض | 12-13-05, 03:22 PM |
| Re: تليش وشلهتة عديييييل | طارق جبريل | 12-13-05, 03:27 PM |
| Re: تليش وشلهتة عديييييل | القلب النابض | 12-13-05, 06:32 PM |
| Re: تليش وشلهتة عديييييل | طارق جبريل | 12-14-05, 08:44 AM |
| Re: تليش وشلهتة عديييييل | فرحات عباس | 12-15-05, 03:10 AM |
| Re: تليش وشلهتة عديييييل | طارق جبريل | 12-15-05, 03:22 AM |
| Re: تليش وشلهتة عديييييل | طارق جبريل | 12-21-05, 05:33 AM |
| Re: تليش وشلهتة عديييييل | منتصر حسن محمد | 12-21-05, 05:52 AM |
| Re: تليش وشلهتة عديييييل | طارق جبريل | 12-21-05, 06:00 AM |
| Re: تليش وشلهتة عديييييل | طارق جبريل | 01-12-06, 09:09 AM |
|
| |
طارق جبريل
فيس بوك
تويتر
انستقرام
يوتيوب
بنتيريست