امتداد الدرجة الثالثة ذلك الحي المتفرد

Quote: سلام يا اطايب طارق جبريل يا مفخرة تتواصل افضالك علينا ويهل علينا كل يوم قمر جديد .. حبابك مليار يا ريكا يا خالد علي محجوب يا ابن عمي العزيز والله يا خالد شوقنا ليك كتير بالحيل شوق بحر شوق العميان لي متعة النظر.. شايف البياض استوطن اعلى الراس منك و يبدو انها هجرة للاعلى فالقلب ابيض كالحليب الصافي والظاهر حصل التزاوج وتكاثر البياض في قلبك فابى بعضه الا ان يتجه صوب العتمة حتى ينيرها من الخارج كما هي من الداخل .. واحشنا والله يا خلود وكتر طلاتك وامتعنا بذكرياتك الثرة عن الامتداد فانت امتدادياً اصيل .. بس يا اخوي طارق ده زول صغير بالحيل على الذكرتهم ديل وايام الدرقات ديك طارق ده كان في المهد وليداً . ياسر حنا اهلاً بالعودة يا حبيب .. لكن ياياسر ده كلام شنو ده ياخي انت بتتكسر حتة حتة من زمن الابتدائي يدافعو عنك كيف ؟! ذكرتني المتهم الاعترف ووكل محامي المحامي قال ليهو انت وقت اعترفت جايبني ليه؟ قال جايبك تخفف لي قال ليهو اخفف ليك شنو ياخ انا حلاق . فانت تعترف لي بالكسير من الابتدائي انا اعمل شنو يعني اخفف ليك ( انا غايتو بعمل ليك قطعية وما تخاف لانو جون قرنق محل القطعية يعني بنشيلو بالمووووس . كتروا الدعوات يا حبايب لوالدتنا عائشة بت قسم ان يشفيها الله ويجبر كسرها وابشركم بان الاطباء قالو احتمال ما نحتاج لعملية قولوا آمييييييييييييييييين امير الجمري