امتداد الدرجة الثالثة ذلك الحي المتفرد

Quote: ياسر حنا كيفنك انت وولادك انا يا زول جبتة خبيراتك كلها وتاني لو غبتة اكثر من يوم بفتو وانا عارف بقول في شنو والله امير الجمري ذاته ما يفكك.. شكرا ليك على الصور الحلوة دي

اتفكيت من صديق واخوه جاني ود جبريل


اها يا طارق شفت من الليلة، وان شاء الله اترفد زاتو ، البوست ده انا بقيف ليه ديدبان بس،

بس استر علي الله يستر عليك دنيا وآخرة







ده هسع البحلني منو شنو؟؟؟






العزيز عماد عويس

الصور دي من موقع قوقل www.googleearth.com عندهم صور للدنيا كلها من السماء تمشي بتنزل برنامج يويرك الكرة الارضية دي شارع شارع مشكلة الامتداد لم تعمل زومين الصورة ما بتكون واضحة، ياريت تحالوا معنا لو تقدروا تطلعوا صور لشوارع الامتداد اكثر وضوحا


العزيز محب

كيف اخبارك وينك انت؟

تعرف نحن لهونا كان برئ جدا، ياهو الا حفلات الاعراس والتخرج واعياد الميلاد، تعرف عماد عويس مافي شي طلعوا من السودان الا حفلات اولاد الامتداد ، المسافر عمالين ليه حفلة، الجاي عاملين ليه حفلة العتدو ملاريا عاملين ليه حفلة، لمن ما صدق اتخارج مننا

لكن بمناسبة الحفلات دي، زمان لما كنا في ااتخرجنا في الابتدائي كان عاملين حفلة لتكريم العشرة الاوائل في المدرسة وانا كنت من ضمنهم، المشكلة في نفس اليوم جيرانا كان عندهم عرس في نفس اليوم والمشكلة الكبرى عندهم جكس جاي من بره، واخوك كان مكسر حتة حتة، اها قعد قدام بيت العرس وابيت امشي حفل التكريم يازول ابوي بعد ما مشى هناك وزاعوا اسمس واماجيت زعل زعل شديد خلاص، اها جيت امشي الحلفة كانت في النادي قال لي يمين بالله ما تمشي، يازول شيلك حنسك ختك المهم كل الوساطات فشلت، في النهاية مشيت دكان عم النور اشنريت لبان شكلت كان معاي التاج عصيدة وحمادة، قلت ليهم عليك الله ادوه ليها قول ليها الزول ده لمت فيه ملاريا عشان كده ما قدر يجي وانا كنت عارف انها بتحب لبان الشكلت

اها شفت اللهو ده كان برئ كيف