امتداد الدرجة الثالثة ذلك الحي المتفرد

Quote: سلام يا اطايب زمااااااااااااااااااان في بدايات فصل الخريف لما الشمس تحجبها السحب نص النهار وتنزل مطر دقاااااقة تلقى الناس تلقائياً مرقوا الشارع وعلى مد البصر تلقى ناس واقفين يستمتعوا بالجو الجميل وداك فلان وداك علان وترتفع الأيادي ملوحة بالتحية وفي الجانب الاخر يجيك الرد بكلتا اليدين مرفوعة وباشارات الى السماء للتدليل على رهابة الجو وسماحتو وكل واحد يقوم يمارس هواية معينة تتناسب مع الجو ليزيد من المتعة او يكملها زي ما بقولو يعني البولع سيجارة والبخت السفة والبيشرب كباية شاي او فنجان جبنة ونحن كنا احيانا نستغل هذا الجو البديع وندوّر الدافوري وطبعاً كان كل واحد فينا يحس انو مافي زول في الدنيا دي زيو .. حتى الكلاب حتى الغنم تلقاها ترتع وتتقافز فرحاً بهذه النعمة .. احساس لذيذ ما اظن في زول ما مرت بيهو لحظات ممتعة زي دي .. انا لي زمن طوييييل من الاحساس ده. امبارح وانا اطالع البوست والله والله حسيت بيهو .. يا سلالالالالالام ايه الروعة دي وايه الجمال ده يا ناس الامتداد انتو مليانين ابداع وكل واحد فيكم مسكون بابداع مختلف يعني نحن دولة في حي (فعلاً متفرد ) الحبايب رجعو والموجودين يواصلو الابداع ويطل علينا مشاركين جداد (بضم الجيم) هربا من انفلونزا الطيور .. ويطل هؤلاء الرائعون المبدعون بتحف ولوحات تزين جدران هذا البوست الخرافي بالله شوفو اخونا مجدي خليفة واخاه الاصغر الصادق شوفوا الابداع ده قدر شنو وفعلاً من شابه اباه فما ظلم .. رجع جوووووومو النيّر بجمالو وشفافيتو وروعتو .. رجع الهادي عبد الرحيم فردتي في المدرسة وفي الكورة وفي الشغل (وحاجات تانية حامياني) ويا ياسر حنا انا دايرك ترد لي الدين وتفكني من الهادي (ده عندو صور يعني ما في طريقة انكر) رجع الشيخ سيد وزاد البوست وقاراً .. ورجعت منى فزادته بريقاً .. ورجع اميقو وزاده نقاءاً .. رجع بدر الدين يعقوب فزادقه صدقاً وطهراً. ولا زلنا نطمع في عودة بقية العقد الثمين .. وين نوار ووين النور عطا لماذا قل عطاؤه ووين عمر القردابي ووين ووين وين ؟؟!! طارق وعامر وصديق وناصر وحاتم و عماد عويس.. اعمده اساسية في هذا البنيان اذا غاب احدهم انهار البنيان فالثبات الثبات يا عظماء. ويا الحبيب الحبيب الحبيب مجدي بركية الفاضل ده خليك قريب منو المرة الجاية بجيب ليك ضقله يكركب ( هو طبعا لو شاف عادل امام حا يقول ليهو نفس الكلام .. لكن ما بتحصل حقتك مع تسفاي يا بركية يا حلو ) والسلام .. وإلى لقااااااااااااء امير الجمري