امتداد الدرجة الثالثة ذلك الحي المتفرد

Quote: الاحباء فى امتداد العزه سلامى لكم وشفاء عاجل اخى الكبير بكرى الخليفه وربنا يجعله فى ميزان حسناتك وعزاء للاخ سيد محمد وللفقيد الرحمه والمغفره . سوف ابدا باخى وشقيقى الكبير اميييييييييير والله لا تعرف مدى سعادتى وسرورى بحضورك فى البوست رغم الحزن الكبير لرحلكم وانته ادرى مدى حزنى ولكن لقد رحل من دنينا اعزاء واحباء لنا ولكنهم لم يرحلوا من وجداننا وقلوبنا اذا هو المكان فقط وانتم مكانكم فى داخل كل بيت فى الامتداد واذا ضاق المكان فسوف يحملونكم فى اعينهم ورؤؤسهم و شهاب انا جزا منه وهو جزا منى حتى لو تبعدد الخطى كل الشوق اليك والتحيه لك وللاسره وبالله (بقيتو كم ) ودى فيه موقف ظريف سوف احكيهو فى الاخر . كوره بين الدستار وسلام 4 فى الرابطه ومعروف النديا دخلنه الكوره ولسع ما بدة زى الناس لاعب من سلام 4 اتصعلق ......... على اسامه العب وما نشوف الا اسامه لفه ضرب الزول بنيه وقعه فى الارض (ماجعلى ) بقينا ناقصين من اول الكوره فى الوقت داك الردستار كان فيه كم لاعب من العشش ( عم هارون الحلاق) يعنى ان شاء الله العشش كله واقفه معانا ,انا كنته السيرباك وناس السلام كانوا عندهم واحد جراى اسمه الصادق جرى مبالغه يعنى فايت بتاع ربيع 3 والله اسمه نسيته بالله زكيرنا ليه يا طارق .انا ما كان فى طريقه الا العب بالتسلل وفعلا ناس السلام يضربه الباص الطويل وانا اطلع والصادق يجرى والحكم يصفر تسلل وبالطريقه دى ....... الردستار وعن طريق الزول العاب محمد مصطفى لمه فى كورتين من بعيد شات وفى الشبك بقينا متقدمين 2.0 لقيت ما الكوره انتهت الطريف فى الموضوع ونحنا راجعين طبعا شارع واحد ماشين نحنا وناس السلام , ناس العشش بكوركه الصادق يا هرامى الصادق يا هرامى الصادق يا هرامى .......... التحيه لى ابناء الردستار اسامه العب ,محمد مصطفى, شهاب الجمرى, حافظ خليل ,عبدالهادى ياسين, معتز ابنعوف, علم الدين, مصباح ,عزام احمد الراجل, محمد فاصوليا ,تنتونى جهاد, حسين كلوجه ,حاتم و ,خالد سلام امير نصر, منتصر والباقيه المره القادمه (عم هارون الحلاق) لمن الواحد يشوفه وهو يلم التبرعات للسنترليق عشان الامتداد يندهش من الروعه فيا اخواتى الكبار عبد الغفار وبدرالدين احكه المزيد عنه فانتم عاشرته اكثر منى ولكم الود.... اقتراح راقى مثلك وهنا فى المانيا يوجد الكثير من ابناء الامتداد المخلصين وهم لا يمانعون فى رفعت الحى بس فقط وارنا وصلته وين وكيف يكون دورنا .تحياتى لى الاخوان عبدالله كع ونوار وياخى وسلامى واشواقى لى عامر التيتاوى واحمد خضر ولاسرهم ياخى الفاضل ده ما اظن لى عنده ايميل وانته عارفنه عنده الكسل فقومه اعمله ليه واحد عشان ما يكون عنده حجه تانى . الفاتح الجص