امتداد الدرجة الثالثة ذلك الحي المتفرد

Quote: الاخوة الامتداديييون تحية طيبة بدون شك متابع البوست الجميل دة ورجعنا كذا سنة من الزكريات الحلوة الجميلة اخوكم بدرالدين محمد زول قديم وامتدادى اصيل الان مقيم فى كندا حيث البرد والصقيع لكن البوست دة ادانا حرارة الامتداد وحلاتو وحلات ناسو لكن الامتداد دة هو السودان حتى لو اخونا ابو ساندرا قال الديم لانو انا ديامى المولد و امتدادى النشاًة اول حاجة بيتنا كان فى شارع محطة ستة فى مربع 12 وكان تانى ناصية من بيت ناس عمنا المشلى على ما اذكر ودة كان شارع ناس عمنا عبد اللة والد اخواتنا جميلة واخواتها بعد داك بعنا البيت وسكنا مع ناس صلاح ربيع وطارق كان شغال فى كبانية الامتداد هناك جنب شارع 61 واخوهو عبدو ربيع واعتقد ده كان شارع دكان عمنا السر واذكر ولدو ايوب كنا الشارع الخلف ناس عمنا صالح جابر كنا الوكت داك بنشجع فريق الصحراء وكان شعار الفريق فنلة صفراء وخط اخضر جاييى كروس من فوق لتحت من الناس الفى الذاكرة محمد صالح جابر اخو ناس ميسرة و محمود حارس مرمى الاهلى واخونا حسونة دة كان حارس مرمى الصحراءفى ذاك الوقت يعنى محمد سبق محمود فى حراسة المرمى فى الوكت داك درسنا فى الامتداد2 وكان الناظر عبد الرازق كننة وكان وقتها ناظر الامتداد 1 الاستاذ احمد سرحان الشهير بزعمو اخونا عامر تيتاوى جاب الاسم الاول بس من دفعتى الاخوة صلاح وعادل الماحى واحمد و اسماعيل عبد الرحمن نصر من مربع12ولسة متذكر طاحونة جلال ومتذكر ناس عمك حامد وخالتى بت المنى كنا بنشترى منها مجلات ميكى وسمير وسوبر مان والرجل الوطواط ومن الدفعة فتحى تتو وعبد الحليم ومصطفى احمد طاهر وخالد عمر وعادل عثمان فتح الرحمن ثم عادل مدثر واسامة حسن بابكر الشهير ببابكير الان وياسر السمين من الدفعة فى الاتحاد المتوسطة محمد فضل حسين اعتقد مربع6 وخالد عمر مربع 9 والخزين على الخزين مربع 11 واستاذ متوكل شعبان وعاطف فرح المحامى وصلاح حسب اللة اعتقد كان فى الشرطة ديل من مربع8 والياشمهندس فى الادارة المركزية اخونا عماد بدر عبد الرحمن مربع 7 ولسة متذكر استديو الزكريات ونقطة البوليس فى مربع7 من الدفعة فى الخرطوم الجديدة الخزين وفتحى محى الدين وعبد المنعم عز الدين من مربع11والصادق عبد اللةداووْد مربع8 ناصية بقالة ابو خالد على ما اذكر معليش دى ذاكرة زول اربعتاشر سنة ما شاف السودان لكن فى النهاية التحية لاخونا طارق جبريل على البوست الجميل ده ولاول مرة اعرف انو اخونا محمد السر وهو معاى فى نفس المدينة انو امتدادى من الدرجة الاولى والتحية لاخونا محمد سبدنا الزعيم وسوْال خاص ليهو يلمنى فى الايميل بتاع فتحى محى الدين عشان انا الزول بفتش فبهو من اكتر من اربعطاشر سنة وحاكون شاكر وممنون جدا التحية للامتداد وكل ناس الامتداد وكل البحب الامتداد ولسة فى ذكريات حلوة لانو ما دخلنا على الرايطة ابام زمان ناس الساحر والصينى ولسة بص الهنغارى فى شارع الحصحاص الفاصل بين مربع 7 و11 وبيكون غرب شارع الظلط يعنى غرب مغلق عمنا عباس لكم التحية ودمتمْ