امتداد الدرجة الثالثة ذلك الحي المتفرد

Quote: أنا المحيرني وفاقع مرارتي والمخليني كل مرة أرجع لموضوع جون قرنق هو إنو ياسر حنّا متذكر حتى عمك بتاع الزبادي العندو عجلة وينساني أنا والدكتورة ندى. بالله دي مش حاجة تخلي الزول يهدده بموضوع جون قرنق كل مرة.

Quote: ياسر حنا (ابن الرومية) الروووب ما بتفكك نزل حكاويك الجميلة قبل ما صديق حمدتو او الاخت ندا يرفعوا ملفك لمجلس الامتداد وهناك قصتك حا تبوظ خالص..

وعامر بدل ما يقول ليهم يا اولاد الكلام ده عيب عليكم يقوم يقيف معاهم عليك الله ما لي حق اقول اكتر من كده

العزيز طارق جبريل

شكرا للتصحيح. تعرف انا لي يوم الليلة ما عارف الحد الفاصل بين مربع اتنين وتلاتة. مع انه عندي اتنين من اهلي ساكنين في مربع اتنين الهم ناس عبدالله مكي وكمال شافعي. كثير من الاصدقاء والزميلات، ناس مجدي بركية وبنات عمك عبد الحميد وتاني كان في واحد اسمه ياسر في نفس صف بيوتكم ياطارق لكن بي ضهرها بالاضافة الى عبدالسلام السمين(اعتقد رحلوا الرياض) وحسن سيد أحمد ، وعشان ما ادقس تاني ما ننسى الدكتورة ندى (وهي وين اليومين ديل ؟)

طبعا كل المربعات بتلقى في شارع عريض او منتزهة بتفصلهم، معدا مبرع 1 و2 و4 و8. يعني بين مربع 1 و4 في شارع مربع 8 و 12 في منتزهة مثلا، الا مربع 2 و3 مافي اي علامة فاصلة بينهم . لكن الشئ الغريب بين 10 و14 في شارعين عراض واحد البوديك المركز منشارع الردمية بدا من بيت ناس عاصم جابر وبنتهي بي بيت ناس الصادق تنقووتاني الشارع البعدو هو الشارع الفاصل بين 10 و 14، الظاهر ناس التخطيط كانوا عايزين ينهو مربع 10 من هنا لكن غيروا رايهم وزادهو شوية

بعدين الشارع البفصل بين مربع 4 و8 شارع عادي اللهو بمر بي بيت ناس صديق حمدتو (اها كده قصرت معاك ) وعامر تيتاوي وفي نفس الشارع لكن من الجهة التانية مربع 4 ناس نادر وود عمه واحمد ابراهيم الهم كانو زملاني في مدرسة بشير

العزيز صديق حمدتو

شكرا ليك علىالتصحيح، فعلا كانت هناك مواصلتين في زلط. لكن المشكلة نحن الكان بوصلنا الزلط شنو (راجع اول مداخلة لي في البوست ده )

طبعا زمان كان منم الصعب تنتقل من حلة الى حلة الا ان يكون بينكم وبينهم ميثاق، يعني زي نحن مربع عشرة وتسعة وستة كان ممكن نعبر حلتهم عادي وهم كذلك، لكن يا ويلك لو تمشي اكتر من كده

طبع انا قريت في السجانة الجديدة لغاية بداية سنة رابعة وبعدين انتقلت لي مدرسة بشير، فكنا انا ود جيرنا وصديقي الحميم ماجد بنرجع سوى لما كنا في سنة اولى ، وسنة اولى كانتكلهاتلاتة حصص، حساب عربي دين، والدين زاتو كان يوم بعد يوم عشان كده لما قمنا كان ديناتعبان جدا . المهم في الرجعة بعد ما نعبر الكلية المهنية ومرات نمشي نلعب كورة في بيت زميل الابتدائية في ذلك الوقت وبعدين زميل الجامعة محمد عوض أمان، اتمنى ان يكون بخير، نرجع بيوتنا، اها في الرجعة يلموا ليك ناس اولاد مربع 2 نحن نتخارج من مجموعة نقع في التانية ، غايتو شي خبت وشي بنج وشي فليق وشي جري لغاية ما نصل البيت

يازول الطريقة دي لقيناها ما بتخارج معانا، بقينا من المدررسة نمشي بي بره الكلية على جهة معسكر الجيش عشان نتخارج من اولاد مربع 2، اها طلعوا لينا اولاد مربع تلاتة

بعدها قلنا خربانا ام بناية قش، نمشي نركب البص، اها طلع لينا السم القدر غدانا "اولاد الديم"

اها يازول في الآخر قلنا ما بدها، قلنا يا نسيب المدرسة يا نسرق واخترنا الحيطة الضلها يحرق، بقينا يازولبقينانقعد في المدرسة تحت ضل الحيطة ننتظر لغاية ما ناس ساتة وخامسة يفكوهم لأنه كان فيهم اولاد حلتنا الكبار ناس شرف وفتاح والزين.

ياخي نحن الجري الجريناهو في الامتداد ده موسى جودة زاتو ما جرى قدره