امتداد الدرجة الثالثة ذلك الحي المتفرد

Quote: بالمناسبة ياياسر اول روضة في الامتداد كانت روضة اختنا عواطف الخضر ام سامي والاستاذة الصحفية فاطمة محمد حمد ل[نانا] ماتخم الناس وكان بجوها الاطفال من كل المربعات.

نحن لما قمنا لقينا روضة دار المجد ، يا خدر ياخ انحن اولاد صغار كلامك ده نحن ما حضرناهو

العزيز طارق

ياخ منو القال ليك جبنة بوك في السودان مافي؟ والله الجبن الفي السودان في الخليج مافي، وانت هسع لغاية ما ترجع السودان بس قاطع لينا زبدة بوك دي

البرلومة العزيزة ندى
انت هسع ما فاتحة ليك بوست بهناك للمقاطعة في زول فيهم جا هببوا ليك غيري انا؟ ولا بس عشان لاقيني قصير يعني ! بس تاني اعملي بوست شوفي الاجيك منو



وبعدين يا اخوانا صدقوني القصة اكبر من جبنة وزبدة ومربى، القصة الجماعة ديل عايزين يفرضوا علينا واقع نحن لازم نقبل بيه وبما اننا كمسليمن مستضعفين في هذه الارض انه انحن لازم نظل صاغرين ومنزلين ويمشوا علينا ارائهم، فعلى الاقل المقاطعة بتوريهم اننا نحن رغم ضعفنا وزلنا وهواننا على الناس ممكن ناثر فيهم وممكن نعمل شئ، لأنو حكوماتنا بصموا بالعشرة وانبرشوا في الارض، فيبقى تحن لازم نقول كلمتنا، لأننا لو سكتنا الليلة الحا يجي بكرة ح يكون افظع

وهمتكم معانا بالله

العزيز صديقوف

والله الف مبروك وان شاء الله تتربى في عزكم. يعني هسع قلت لي ما نقول ليك ابولهب يعني

وهو بالله انا زمان شايف صديق ده لابد ساكت في الاجتماعات اصلوا ما بتكلم اتاريك كنت بسجل ساكت التعليقات دي كانت زمان هسع الكلام في تلتلة والله فعلا كانت ذكريات وايام جميلة وان شاء الله ح ارسل ليك الصور بالايميل عشان تشوف ناس عادل وبدر الدين وحاتم ديل كانوا صغار قدر شنو

ولكم التحايا جميعا حتى نلتقي