امتداد الدرجة الثالثة ذلك الحي المتفرد

Quote: الامتداداب الطيبين السلام عليكم ورحمة الله وبركاته ، حبابكم عشرة ، يا أخونا شوفوا لينا قضية ( دارفور الجديدة ) دي ، عبد السلام ده كل مرة طالع لينا بموضوع جديد ، تواضعنا وقلنا نأجر ليهو بيت في الامتداد ، قال لينا شوفوا طريقة تدفعوا بيها الإيجار ، وقبل ما نشوف موضوع الإيجار ده طلع لينا بموضوع جديد ، كل ده علشان تساهلنا معاه وقلنا نطوي هذه الصفحة والزول ده يروق في علبو لكن الظاهر ما بينفع معاه اللين ، مرة محطة سبعة ومره خور جانقي ، ومرة ما عارف شنو ، أنا شايف أحسن حل هو الدخول في حرب أهليه لاستعادة الصحافة للامتداد ما هي طبعاً امتداد لينا أصلاً وتنازلنا ليهم عنها كرماً منا كما هي عادتنا واحتراماً لحسن الجوار ، لكن الظاهر الجماعة طلعوا صهاينة عديل وطمعوا في الزيادة خاصة بعدما ما قدروا يعمروها ويخلوها حلوه ذي الامتداد ، علشان كده يا ريس طارق أنا بطلب منك ومن رئيس الوزراء تيتاوي الاستعداد الفوري لشن هجوم مكثف لإعادة الصحافة إلى وضعها الطبيعي كامتداد للامتداد الشامخ ، وأنا من وقت طويل قاعد في تدريبات وتمارين ضرب نار لحدي ما النار زاتها زهجت مني ، عائز الإذن يا ريس لشن هجوم فالقوات جاهزة 100% بقيادة المحارب المقاتل المناضل صديق حمدتو ، وبعد استرجاعها سنولي إمارتها للأخ المجاهد أمير الجمري ، لتصبح بذلك الولاية رقم ( 15 ) للامتداد ، علشان تاني عمر عبد السلام ده يشوف ليهو أركويت ولا جبره يسكن فيها ، تمام يا أفندم. عامر يا عسل جوالي الثاني هو 966502900523 وتصحبوا على خير ، ، ، عماد محمود ( عيونو ) الامتداد منزل رقم 39 مربع ( 3 )