امتداد الدرجة الثالثة ذلك الحي المتفرد

Quote: ياسر حنا قام تانى جاب سيرة الصور وموية المطر واصل ياجميل الصور ممتعة وياابن الرومية ليك وحشة خاصة حكاويك التاريخية الجميلة مشتاقين للجديد وانسى الهندى فى غيرو كتير فى بلاد الهند والسند وبلاد تركب الافيال فين بلاد تشيلنى وتحطنى على قولة الجماعة اياهم

فهسع ده المجننا انه الزول ده يوم نقوم نلقاه قاعد معانا

تاني في المكتب

Quote: اعلن موافقتى على ان يمنح طلبه فى ( سوق الندى ) لاسباب لوجستية صورة لطارق جبريل صديق حمدتو ياسر حنا

اما فيما تيعلق بابو أنس الصحافي فانا من وجهة نظري الخاصة جدا جدا اعلن رفضي التام لهذا الاقتراح جملة وتفصيلا

وليعلم اهل الصحافة (خصوصا شرق دي ، لأني ممغوص منهم مغصة شديدة، اصلي قبلي كده شفت لي شوفة في حلتهم كانت بتقرا مع اختي يازول عجبتني عجب شديد ولسه ما شفتها زي الناس، يعني يالكلام ده يوم الاثنين يوم الخميس اختي قالت لي ارح وديني خطوية واحدة صاحبتي في الصحافة، اها انا قلت فرصة يا شامية، اها لم مشيت انقرو ما طلعت هي ذاتها، ورجعت حابس ادمعي ) ذلك اننا لا نرضخ للأرهاب أبدا، ويلقوها عند الغافل

عزيزي العمدة

Quote: يخوانا ياسر متربصين بيهو ليه ؟؟؟ كل واجد بفتش ليهو سبب عشان يناوشو ..هسع الراجل ده ما قصر جابلينا الصوره حيه لو ما قفلت الشاشه القدامي دي النامو س كان جانا بي جاي ..

بارك الله فيك ، عليك الله شفت جنس الختا ده كيف، لكن خليهم الايام بتوريهم

بعدين منو القاليك الجوامع كتيرة، والله رغم كترتها دي لسه في جامع الامتداد العتيق في ناس بتصلي برة في الشمس، بعد البرندات والزيادات الاتعملت، انت بس طولت ما شفت الامتداد، ياخي عدد سكان الامتداد على ما اعتقد هسع يكون دقة في المليون لو مافاتوها بغادي ، الامتداد بقى قارة عديل كده

لكن كان الافضل لو استغلوا الجهود دي في توسيع الجوامع القائمة زي جامع الامتداد وجامع مربع 12 وجامع مربع 2 بدل ما ال14 مربع يكون فيها لي هسع 9 جوامع وما بعيد بعد شوية كل ناس مربع يعلموا جامع براهم

(عدل بواسطة Yassir7anna on 06-19-2006, 06:45 AM)