امتداد الدرجة الثالثة ذلك الحي المتفرد

Quote: الأعزاء الأحبة الكرام ، أهل الإمتداد الطيبين : السلام عليكم ورحمة الله وبركاته ، ، ، ،، يا طارق جبريل ما تشوف لنا حكاية عمر عبد السلام دي شنو؟ الزول ده بكره ممكن يجي يقول والله القندراني الواقف قدام بيت ناس طارق ده يجب أن يقسم ( النص بالنص ) لأن الكفر الوراني بتاعو ده كان مبنشر وتم إصلاحه في الصحافة . ولا كمان يطلع لينا بحاجة تاني ويقول بيت ناس طارق ده يقسمو لي فيهو جزء لأنو كان حاضر حفلة السني ، الكرسي الكان قاعد فيهو هسه موجود في الصالون ، الراجل ده متلقي حجج ، بس يا ريت تكون أخذت لينا حقنا منو في ميدان الكورة ، وإن كان ده ما بكفي الراجل ده بقى لينا ذي جون قرن ( سابقاً ) وأهل دارفور حالياً كل يوم جاي بطلب يعني ما بعيد يقول الرابطة كمان بتاعتهم لأنهم لعبوا فيها مباراة في يوم من الأيام. أنا شايف أحسن نديهو بطاقة تموين عديل كده ونشوف ليهو بيت إيجار يمكن يسكت ده جننا ياخي . يا عامر تيتاوي يا وجيه يا أخي أنت راجل تعتبر محامي ( بالوراثة ) ارفع لينا قضية ضد عمر ده لأن ده اسمو احتلال عديل كده هي ناقصة ما كفاية احتلال العراق وفلسطين وأفغانستان ، كمان جايين يحتلوا الامتداد ، ما بعيد حكاية الأمم المتحدة دي يكون هو المدبرها علشان يحتل امتداد العزة والكرامة لأنهم غيرانين منو ومن ناسوا الحلوين الطيبين علشان كده همهم هو بأن يصبح ولو جزء منه تابعاً لهم ولو اسمياً. لكن ده عشم إبليس في الجنة ، أها أنا من الحين دخال الغابة وبدأت تعليم ضرب النار بجميع أنواع الأسلحة المشروعة والغير مشروعة ( الغير مشروعة دي يا بوش ما هي يورانيوم ). دي حاجة تاني خالص حا تعرفها بعدين لما تجي الامتداد. الأخ المناضل مرتضى الجمري يا أخوي الظاهر إنك ملخبط بين ( عماد محمود ) و ( عماد شمت " عويس " ) الله يديك العافية ، طبعاً الأول بالنسبة لك مجهول أما الثاني فهو نار في علم. لك تحياتي . أها يا جماعة أنا عندي موعد تمارين ضرب نار استعداداً لأي طارئ من غدر أو خيانة أو أي هجوم غاشم من الصحافة ( عمر عبد السلام ) . وبعدين السهر قطع عيوني كل يوم أقعد انتظر المسلسل السوداني الرائع ( غادة في الحفلة ) ويقوم المذيع يعتذر عن المسلسل ويقول البلد في حالة طواري اليوم استعداداً لصد أي هجوم عن أجمل أراضي السودان امتداد العزة والكرامة ، أها مع السلامة .