امتداد الدرجة الثالثة ذلك الحي المتفرد

Quote: يا ناصر يا أخوي الحكاية شنو لي كم يوم كدة بكتب وما لاقي مكتوباتي في المنتدى ، ياسر حنا ياخي ما تسخر الأقمار الصناعية بتاعتك دي كده وتشوف لي الراجمات التي دمرت رسائلي دي جاية من وين ، ولا أعمل ليك طلعة كدة من طلعاتك الجوية وأعمل غارات سريعة وأعرف لي رسائلي دي بتمشي وين ؟ أنا غايتو شاكي لي في واحد كدة بس مش عائز أجيب حرفه لأن الناس ح تعرفه ، ومش عائز أجيب أسمه لن الهواء بقسمه ، ظريفه مش ؟ نحن معك يا ياسر قلباً وقالباً وفي خندق واحد وطالما معاك ناصر جبريل ما تخاف ده راجل سياسي من الدرجة الأولى وراجل بتاع حرب عصابات عديل كدة أسالني منو أنا عارفه من زماااااااااااان رجل خطير جداً أنت بس وجهه نحو العدو وخليهو عليهم ، مش كده يا ناصر ولا أنا خرفت خلاص !؟ وبصراحة كدة أنا عندي صواريخ خطيرة جداً تدمر العدو حتى ولو كان في أسرائيل يا سااااااااااتر لا تسمعنى أمريكا وتقول الر جل عندو أسلحة نووية وتفرض علينا حظر كمان ، هو نحن ناقصين ، وقريباً جداً لو لم يصمت أعداءك يا ياسر سأطلق أول صاروخ أرض أرض فقط للترهيب وبعدها صاروخ أرض جو لتدمير أهداف معينه وبعدها غارات جوية مكثفة بصواريخ تحمل رؤوس نووية ؟ ياجماعة حكايتها شنو معاي الرؤوس النووية دي ؟ ياالكيبورت ما بلاش تكتب الحاجات دي الأقمار الصناعية شغال تش والجماعة ما يصدقوا يلقوا ليهم سبب علشان يدخلوا دارفور تجي تديهم فرصة ذي دي ؟ هسه يا ناصر الأمريكان ح يقولوا والله الزول ده من الجنجويد وتبع الحكومة ولاذم نحمي دارفور منه ، هووووووووي يا الأمريكان أنا ما عندي أي سلاح ولا حتى مسدس لعبة أنا بهظر ساكت ما تعملوا الحكاية جد خليكم ريلكس خالص أحسن ليكم تشوفوا كوريا الشمالية والصين وتحلوا مشكلتكم معاهم سيبوا دارفور في حالها .

وعليه نحن في حل من الالتزام الذي قطعناه على انفسنا وعليه سوف نخوض المعركة ضد الامتدادويد (على وزن الجنجويد) المتربصين بنا وعشان تآمنوا كدة هاكم الراجمة دي:
يا ياسر حنا انت كنت بتحوم كتير ليه جمب سوق الندى (سؤال برئ جدا)
وبقية الشمار في الطريق