امتداد الدرجة الثالثة ذلك الحي المتفرد

Quote: بطاقة حب وتقدير لكل الامتداداب (الساكنين ملك والساكنين ايجار والزوار والقاعدين عند ناس عمهم والقاعدين عند ناس خالهم والقاعدين مع عمتهم والقاعدين مع خالتم والعند ناس جدهم والقاعدين والقاعدات عند اهل صاحب ابوها في بلاد المهجر وحتى الراحلين زينا كده) وحتى الجايين يسكنو في بيتنا كلكم اهديكم من الحب بقدر عظمتكم حب قدر الحروف الحايمة في بطن الكتب زي ما قال العميري . صديق حمدتو : توام روحي انت اخوي الصغير سنا والسنة واربعة يوم شوفني كم مرة شفت فيها الشمس قبلك لكن تظل اخوي الكبير مضموناً . دكتور حاتم : والله انا عارف وقع الخبر ده كيف على آل حمدتو جميعا وانت ما شفت خالتي عشة بتعمل في شنو لكن زي ما قلت يا رائع يا جميل انو المسافات ما بتفرق لان القلوب والدواخل مليانة ومسكونة او نقول هي اصلا مكوّنة منكم وبيكم وانتو اجمل واسمى من انت تفرق بينا اي مسافات وبالمناسبة مفروض تذكرني مع ناس رابطة الامتداد بالجامعة لانو انا كنت احد اصدقاء الرابطة ومرات كده كنت خطاط الرابطة .. متذكر؟. طارق جبريل انا اواصل شكري وتقديري وتحياتي لك انت عملت حاجة عجيبة صراحة ربنا يحفظك ويخليك و برضو ما بنخليك دايرين ابداعاتك ومهنة توصيل المشاركات دي عبء نحملكم ليهو انت والحبيب عموري واصلكم جمال شيل وشيالين تقيلة الحبيب الراقي الجميل في كل حاجة ياسر محمد عثمان والله شوق شديد لشوفتك ولغاية اسي يترائى امامي تهاديك جيئة وذهابا من مربع 10 لي مربع 8 طبعا دي كانت اجمل ايام الحياة والذ فترات عشناها وكانت تربط الناس علاقات نقية وحميمة وانا طبعا بحكم علاقتي بي حاتم وصديق كنت احد اصدقاء رابطة طلاب الخرطوم ومن خلالها توطدت العاقات وبقت حلوة حلا شديدة .. وانا معاك في خندق واحد وما تخاف من صديق ونوم قفا ( وجون قرنق مات) لكن تظل ذكراه في الوجدان .. وللا شنو عامر تيتاوي انت انا وانا انت ومرات الشوق بخليك تجتهد وتفتش للكلام وتلقى الكلام لما يكون داير يطلع يلقى الزول القايلين فيهو الكلام مقامو كبير فيتقهقر حياءاً وخجلاً فيبتسم الصمت منتصرا مطمئنا لئللا كلام يمكن ان يكسره فالمقام يزداد كبرا ونمواً.. لك التجلة يا غالي مجدي بركية مرحباً بك يا الغالي وازدان المنبر بطلتك وارجو ان تنفض غبار الكسل عن الفاضل وعن صديق الامتداداب عادل كدو وبلغوا التحايا الشديييييييدة عماد عويس وعمر محمد الحسن وكل الناس الحلوين تحيات بحجم الحب الكبير الذي يجمعنا ولنا عودة امير الجمري

Quote: بسمالله الرحمن الرحيم الرحمه لي كل فقداء الامتداد سلامات الي من 1 ـــــــــــ 14 وين ناس مربع 11 مربعي الجديد في الامتداد نجم الدين العربي لؤي محجوب صالح جباره حسين مارسيدس عارف احمد فقيري عبدالله كروري والاستاذ عادل عوض الله وينكم ياناس القبيله عبد الله عوض عبدالله كع مربع 8 – 11 النجومــــــــــسلام 11

Quote: بسم الله الرحمن الرحيم الأخوة في الوطن الصغير الأمتداد تحية طيبة وتحية خاصة للأباء الشرعيين لهذا البوست ( طارق جبريل وبقية العقد ) بالأمس تداخلت في مداخلة صغيرة مرتجلة و أظنها لم تجد طريقها إلى البرد ، لكن اليوم أحاول أعتصر بعض الذكريات و الاشياء علني أنعش بعض الذكريات الجميلة في الامتداد الجميل الانيق و أبدئها بالذين كانو ولا زالو في قلوبنا رغم رحيل بعض منهم وبقاء أخرين ( أخص بقعة صغيرة قطنتها في بداية السبعينيات وهي آخر مربع 4 و بداية مربع 8 و ما جاورها ) أبدأ بأبائنا وهم الجمري ، حسن مالك ، حمدتو رجب ، العم عثمان عويس ، جنابو أحمد نوار ، ، إبراهيم جبارة ، على فرغلي ، علي أبو ، محمود الكنزي ، حماد أبو أدية ، الريس عبد الواحد، عبد الأسد ، وأبو شوك ، و الخليفة (والد بكري ) وأسد الله (والد أبو عاقلة الله يرحمه) عبد الفتاح (والد محمد تلي ) ود الأسيد (والد عثمان طلوشة) والعتبى لمن فاتني ذكر أسمائهم وربنا يرحم من توفى ويديم الصحة و العافية لمن بقي منهم . الدكاين المشهورة هي دكان بشارة ( السمنة البلدية+ الشكولاته ) دكان صالح ، بقالة توتو (كانت أول بقالة لأحد أبناء جبال النوبة بالعاصمة بالخرطوم ويسمى مصري توتو و يسكن مربع 4 في شارع ناس محمد جمعة هنو جيران ناس محمد حسين كسلا وعثمان طلوشة والبقالة كانت في مربع ثمانية بالقرب من دكان اليماني الفاتح على مركز صحي سمير (سارة و غنيمة)و دكان اليماني الثاني بفتح علي الزلط بالقرب من أستديو شهرزاد (أستديو الهادي ) و طاحونة الوادي و حلواني البصري ولهذا الحلواني ذكريات جميلة حيث كان يرتاده كبار نجوم الكورة في السبعينات المشاهير منهم . و الرابطة هناك كان لها نكهة خاصة قفشات أعمامنا بالرابطة وقوة الرابطة في ذلك الزمن خاصة فريق النجوم الذي كانت له صولات و جولات خاصة نغمة غالبين نكسب درون نكسب مغلوبين نكسب و أذكر من الدرر الذين لعبو له قاسم نوار حارس مرمي ( طبعا الخانة حكر لأولاد جانبو حيث لعب بها قاسم ، نوار كاتب هذه السطور وهشام ربنا يرحمه و يغفرله و يبدل شبابه بالجنه) عادل شاويش ، مجدي قطيط ، الشاذلي ، حاتم حمدتو ، عابدين (جنتو ) ، دفع الله العب ، الصيني ، الصادق ود المرين ، عصام الدحيش ، الباقر ، أشول ، الفاتح الجوص ، محس . حيث خلف كل من المذكرين أعلاه خليفة من بعده في التيم حيث أذكر الخلفاء لهذا التيم هم نوار ، صديق حمدتو ، أمير الجمري ود أبو + جمال كجول ، خالد اميقو ، عبد الله كع ، سالم ، حميدة ، النصير ، على القرعاني ، عادل صالح ، ميرغني يسن ، هشام السر (شمامة) صلاح (جنابو) شقيق الصادق ود المرين حاتم (كديس ) فايز (الحصان) عادل ( الحلبي ) عبد اللطيف (ابن خالة طارق احمد أدم بيتهم بفتح على الزلط جوار اسبيرات عبد الحميد ، فراشة و العتبى لمن فاتني ذكر أسمه حتى يرضى لأن الكبر حصل وذاكرة خربت بقت ما زي حقت المرجع بتاع الأمتداد احمد جمعة و تيتاوي وصديق حمدتو . وسوف أعود مرة آخرى أنشاء الله لأحي بعض الأخوة الذين ظهرو لنا بعد غياب أخوكم: نوار محمد نوار مربع 4 منزل رقم 169 المرحوم أحمد نوار اسو [email protected]

Quote: بسم الله الرحمن الرحيم صبا ح الورد اخي طارق جبريل احتمال انت ماتكون متزكرني لكن انا متزكرك تمام التمام انا طبعا ساكن في مربع 8 وجار صاحبك الدكتور طارق محمد حسين وكنت بتخدو ليكم قعده معانا جم شجرة عمك محجوب الفضل وانت راجع بيتكم من المدرسه وازكر تماما انك عرفته اولاد الحله كلهم لانك زول عشري طبعا الان طارق بيقي دكتور وجراح لا يشق له غبار وعادل اخوه في السعوديه الرياض ومتزوج وعندو ما شاء الله 3 عيال واخو الاصغر عصام في كمان الرياض وبرضو مزوج وعند 2 واخوهم الاصغر بكري موجود الان في الرياض والحمد لله . لك الشكر الجزيل وربنا يحفك للامتداد سلام للاخوان عامر تتاوي / حاتم حمدتو / صديق حمدتو/ مجدي بركيه / امير الجمري/ الفاتح الجوص/ خالد اميقو / بدر الدين يعقوب/ عبد الغفار سعيد/ عادل تنقو / وسلام خاص لك ولشباب الامتداد عبدالله كع 8ـ 11 وين ناس مربع 11

Quote: أم قيردون و أب صنيفه

Quote: تلقى الأخ الزميل سيد محمد أحمد سيدنا خبر وفاة خالة زوجته في السودان .. "إنا لله وإنا إليه راجعون" أحسن الله عزاءكم أخي سيد وجبر كسركم .. وألهمكم الصبر الجميل .. أسأل الله تعالى أن يتغمد الفقيدة بواسع رحمته وغفرانه .. وأن يسكنها عالي جناته مع عباده الصالحين .. آمين ..

Quote: أعزائي شباب الإمتداد تحية طيبة تحمل معها كل الحب والود لكم جميعاً لو كان الأمر بيدي لكتبت لكم يومياً رسالة تحمل بطياتها الكثير من العشق لهذا المكان الجميل ولكن كثيراً أفكر بالكتابة لكم ويخونني الزمن وظروف العمل وأحياناً الصغار وبصراحة حتى عندما أجد الفرصة وأريد أن أقول شيئا فأحس بأنني قزم صغير لهولاء العمالقة وأين ستكون كلماتي ومساهماتي منهم والله هذه حقيقة فعندما أقراء للأخ عامر أو طارق أو أولاد حمدتو المبدعين وكثيرون آخرون( ياسر /أبوالسيد/أمير الجمري/مجدي بركيه /محمد جمعه هنو/ عماد شمت/النور عطا/ أحمد خضر( أين أنت)/سامي داؤد / الهادي. أولاً أقول لكم بأنني قد تضررت كثيراً من هذا الموقع ، وسوف أوضح لكم لماذا؟؟؟؟؟ عندما أحضر للعمل أول شئ أقوم به هو فتح الموقع وقرأته مما أثر سلباً علي عملي، وأصبحت لا أكون أميناً في أداء عملي بسبب هذا الإمتداد ثانيأ المداومة على فتح الموقع بصراحة أعاد إلى ذكرياتي ماضي جميل كنت قد نسيته مع زحمة الحياة ومشاكلها ومشاغلها الكثيرة ، وهذا الماضي عندما أقارنه مع ظروف غربتنا الآن أحسن بحسره وألم شدي د لأن في الماضي كانت المقارنة دائماً ماتكون ما بين أوضاع السودان السيئة وخصوصاً بعد حكومة الإنقاذ كوطن و الترحال إلى بلاد المهجر فكانت كِفة الترحال إلى بدلا المهجر هي التي ترجح ولكن الآن أصحبت المقارنة مابين الوطن الصغير الإمتداد والمهجر وبصراحة الميزان يرحج كفة الإمتداد ، ولذلك أصحبت أكثر قلقاً وهما وحزنا، لذلك سوف أقوم برفع دعوي قضائية على صاحب فكرة الموقع الأخ طارق وأطالبه بالسعي الجاد لعمل موقع site للإمتداد ونحن مستعدين للمساعدة والمساهمة. أخي طارق أعتقد بأنك أستلمت عنوان الأخ محجوب وقد علمت بأنه كان موجود بالسودان (الإمتداد ) قبل شهر تحياتي لكم جميعاً من مربع 1 إلى 14 كنت أريد المواصلة ولكن ظروف العمل اعاقتني( اللهم رد غربتنا و أحسن أوطاننا وغير حكامنا "هذه ليست سياسة" ) مجدي عبدالله جوال 504852707 966 + [email protected]

Quote: . 00000عزيزى طارق جبريل كلنا كبرنا والراس اتملي شيب والحمد لله . واقسم لك يافرده انت رجعتنا اكتر من عشرين سنه ل وراي لان الزكريات الجميله هي زكريات الطفوله وبدايات الشباب. والله كل يوم الوحد بدخل المنبر وترجع بيه الزاكره الي اشباء جميله وبريئه ولك الشكر ياود جبريل لانك اخرجتنا من قرف الغربه والمعاناة اليوميه ورجعتنا الي امتدادنا لك الود انت فاتك ربه واحده بس ياحليلك ـــــــــــــــــــــــــــــــــــــــــ نوار ياااااااااااااااااااااااااااااااااااااااا سلاااااااااااااااااااااام البدايه سلام من الاعماق لك والشوق مسافات اطول من سنين اعمارنا الرحمه لنا والي اخونا الصغير هشام فرقع والي كل مراحيم الامتداد (امكن اكتر من 15 سنه لم نتقابل عزيزي( شوف الدنيا نوار نسيت عبدالرازق لعب في النجوم ايام النجوم نجوم الكوتش الكبير جداجداجدا احمد محمد عبدالله عوض كع مربع 8 منزل 63 سابقا مربع 11 منزل242 حاليا

Quote: الاخ علي محمد الخير لك التحيو والود انتو يا علي اسرة جميلة وودودة وكل الامتداداب يحملون لكم حب كبير على مر الاجيال وانا للاسف ما تشرفت بمعرفتك لانك اعتقد اصغر مننا شوية لكن يحيى طبعا صديق عزيز جدا ومقرب جدا من اشقائي الكبار الله يرحمهما وطارق صديق عزيز جدا علي واسرتكم طبعا تربطها صلة قوية جدا بالراحل المقيم السيد عثمان سعيد يعقوب هذا الرجل العملاق الذي طالت خدماته الجليلة جل اهل الامتداد وكانت له ايادي بيضاء على اغلب شباب الامتداد وضحت جلية في اكبر مصلحتين حكوميتيين وقتها الا وهما الجمارك والاسواق الحرة وبالاخص الاسواق الحرة كنا نحن شباب الامتداد نكسو الاسواق الحرة حلة ذهبية شهد جميع من زاملنا وهو من خارج الامتداد بانن صفوة وكان التعامل النقي الصافي الذي يميزنا عن بقية الزملاء هو ديدنا وكان كل الشباب يتمنى ان كان من الامتداد مما خلق صداقات كبيرة جدا بين هؤلاء الشباب وشباب الامتداد حتى المن خارج الاسواق الحرة وزي ما قال دكتور حاتم بقينا نجي نلقاهم حايمين في الامتداد مع اصحابنا الما شغالين معانا .. فلعثمان سعيد الرحمة والمغفرة ولك اخي علي التحية والتقدير واستأذنك اخي علي ومن قبلك الغالي طارق جبريل في ان احيي احبائي واعزائي زملاء الاسواق الحرة من الامتداد .. ميرغني يسن، الهادي عبد الرحيم، احمد جمعة، عصام فرغلي، معاوية جعفر فلاتي محمد فتحي، طارق عبد الله محجوب انعام عوض ونجاة محمد الحسن وهبة محمد الحسن وانا خايف اكون نسيت ناس فلهم المعذرة ويا الهادي ساعدني بالذاكرة ومالك اختفيت فجأة ؟

Quote: الأخ البعيو .. تحياتي واحتراماتي لك .. حركت فيني حنين شدييييد تجاهك رغم عدم معرفتي بك الا انك صديق شقيقي المرحوم عثمان الذي كان يمثل لي المربي والموجه والناصح والصديق والشقيق والمسلي والذي كانت احضانه هي ملجأي وملاذي وكانت حياتي به ذات بهجة وهناء وكان خبر رحيله هو وابنه (امير) المسمى علي كان رحيلهمااثر حادث حركة الييييييييم بالرياض السعودية فاجعة لم ولن استفيق منها مهما حاولت الايام ان تلهيني وتجرني لمقاصد النسيان الذي هو نعمة كبرى خاصة في مثل هذه الحالات لكن يظل عثمان هو معلمي في الحياة ومرجعي حتى بعد مماته .. له الرحمة والمغفرة ولشقيقي الاكبر بابكر والذي وافته المنية ايضاً بالرياض اثر ذبحة صدرية فزادت الامي وجروحي والرحمة قبلهم لوالدي الحبيب عوض حامد الجمري والد كل الامتداداب امير الجمري اسف للتخصيص لكن البعيو اشعل فيني هذا الحنين واتمنى ان التقي به ويجتر معي ذكرياته مع المرحوم ..و انا على ثقة بانها ثرة

Quote: احر التعازي لشيخ المنبر سيد محمد أحمد سيدنا .. ونسأل الله ان يتغمد الفقيدة بالرحمة والمغفرة وان يسكنها فسيح جناته وان يلهم الها وذويها الصبر والسلوان امير الجمري

Quote: الاخــــــوة الاحباب تحيــــــــة طيبـــــة اتمني وبكل سرور الاشتراك في هذا الموقع الجميل والذي لا يضاهي روعه, هذا الامتداد الفريد في كل الاشياء الرائعه والمتفرد بابنائه, هولآئك الدرر الرائعة ,واللذين ابدعوا ومازالو و سيظلوا يبدعو,وهاهو هذ1 , .الموقع يؤكد ويؤرخ ولكم جل التحايا (معتصم عبدالرحيم سعيد (العربي الامتداد مربع 7 اللواء الابيض ثم فريق الامتداد العظيم

Quote: الريس حاتم ياخي حاتم سيد احمد ده كان ساكن في مربع 2 او 3 مع ناس عمه ولا خاله وهو في نفس الوقت بيقرب لي ناس عمك حسين سالم والد ناس منال وعصام في مربع 9، يعني مافي طريقة انت دقست دقست تطلعوا ملف جون قرنق انا بطلع ملف حاتم وعاصم وعادل وانا هسع رسلت ليهم ايميللات وطلبت منهم توكيل عشان ارفع الدعوة باسهم

الباك الانا قاصده فعلا اسمه عبد العزيز (دي يمكن تشفع ليك)

Quote: اخي الغالي عماد عويس تحياتي واشواقي لرؤياك وسماعك .. بابكر عليه الرحمة توفى 6/11/2000 ربنا يرحمو ويغفر ليهو وانا متأكد وعلى يقين انو فقدي فقدك وهو بمثابة شقيقك الكبير وربنا يصبرنا جميعاً على ابتلاءاته . طارق جبريل يا زول يا حبوب يا سمح يا زين لك الود ويسأل عنك ومنك الخير وفعلا غريبة الناس كلهم اختفوا في لحظة واحدة و نتمنى ان نرى ابداعات الامتاداب الاطايب في اقرب فرصة لان البوست صار المتنفس الاساسي لنا والشق الوحيد البدخل لينا النور في عتمة الغربة .. ( والله يا طارق العملتو مو ساهل والتمثال شوية عليك وبس نقولك ليك الله يسوي ليك الفي مرادك يا ابو ريم ) . ياسر حنا وينك يا حبيب ؟ اوعى تهزك تهديدات الولد الشقي صديق حمدتو وانا عارفك صنديد وقولة جون قرنق مات تلاتة مرات ميها صعبة عليك بس وصيتي ليك بعد ما تقولها تقرا الرقية الشرعية .. تحياتك وصلت لمجدي الجمري وهو يقريك السلام والاشواق . عامر تيتاوي (تتوة) كما يحلو لجمال سعد يبدو انو انفلونزا الطيور وليل الشجن في الغناء السوداني رحلوك من الحي المتفرد .. نرجو العودة السريعة رغم توجه انظارنا صوب (سحر العيون) في الغناء السوداني . الفاتح محمد علي سابل تحياتي لك شقيقي الصغير فانت شهاب وشهاب انت وشهاب لمن لا يعرفونه هو شهاب الجمري حتالتنا وهو اقرب الناس للفاتح سابل وطبعا في شبه كبير جدا بيناتم والفاتح طبعاص شقيق حبيبنا الفاضل محمد علي سابل لهم التحية ثلاثتهم الفاضل وشهاب والفاتح. نوار حبيبنا والله والله طارق ده ما عارفين نجازيهو كيف يعني الراجل ده قرّب المسافات بين الناس بطريقة ما عادية وخلانا نشوف الناس بقلوبنا ونسمعهم بي عيوننا زاحيا فينا ذكريات كادت عثرات الزمن ان تطويها لكنه طارق دق على نواقيس الزمن الجميل وايقظ فينا الطيبات فله الانحناءة .. لا زالت الكرات المقذوفة بيمناك يا نوار محلّقة متخطية خط النص لولبية نبذل كل ما عندنا من مهارات لانزالها واستلامها لا زالت ترتد امامي من قائم زمنا جميل بالحيل كنا نجوماً وكان الكل في الامتداد نجوماً ويكفي ان يكون الشخص امتدادياً فيكون نجماً يا حليلك يا نوار زز ارجو مواصلتك لينا وترطيب قلوبنا وتطمينها بروائعك كما كنت تطمئنها وانت تحرس عريننا ايها الحارس الاسد. مجدي عبد الله .. لله درك يا فنان يا خلوق يا حريف يا انسان يا محترم . منى عوض خوجلي .. اين انتي ايتها الشمس ؟ لماذا الافول!! اتمنى ان تذيبي السحاب فينهمر علينا غيثاً يغسل همومنا ويزيد بهجتنا بهذا البوست وتسطعي من جديد وتنشري الضوء والدفء .. فأنتي رقم .. رقم .. رقم . ((صديق حمدتو عامر تيتاوي طارق جبريل حاتم حمدتو بدر الدين يعقوب عبد الغفار خالد اميقو عبد الله كع عماد عويس عمر محمد الحسن سيد سيدنا فيصل محمد خليل احمد خضر الراقي ياسر حنا نوار نار صلاح تيتاوي عادل محمد الحسن الهادي عبد الرحيم سامي مصطفى محمد السر عاطف حسين عماد ابو الروس عصام ود عبود مصطفى سري وجميع آل سري تلك الاسرة الرائعة جملة وتفصيلا وكل الامتداداب من 1إلى 14 )) روض يتعشق بعضو زهور وزهور وزهوووووووووووووووووور ونلتقي احبتي امير الجمري

Quote: بسم الله كان والله يوم كئيب عشان ما دخلنا الامتداد سلام يا احلي ناس عماد عويس تحيه من اعماق والشوق مواسير مكسره امبر الجمري حمد علي السلامه ياناس ( جا برا تحيه خاصه الي الاخ عامر تتاوي واخونه سلام الي حاتم واخوه صديق ـــــــــــــــــــــ ياسلام ياعامر تتاوي لمن عمك محمود يقول او اواواوااااااااااااااااو ـــــــــــــــ والله انا كنت بنتظر الشوط ينتهي عشنا ناكل برتكان عمك جعفر الله برحم عبدالله عوض كع مربع 8و11

Quote: ناس الامتداد طبعا الليلة فتحت الايميل لقيت اني ممكن اشارك معاكم ، والف شكر للاخ بكري

Quote: عامر تيتاوى وينك يازول انا ماهرشونى لكن ده تكتيك مرحلى صاحبك لمن يقراء الكلام ده حايرجف ومابينوم Mr. Coooooooooo

Quote: منى عوض خوجلي .. اين انتي ايتها الشمس ؟ لماذا الافول!! اتمنى ان تذيبي السحاب فينهمر علينا غيثاً يغسل همومنا ويزيد بهجتنا بهذا البوست وتسطعي من جديد وتنشري الضوء والدفء .. فأنتي رقم .. رقم .. رقم .

Quote: اشكر الجميع علي التهنئة بزواجي وعقبال الباقين والله السعادة غمرتنا بتداخل الاخوان / مجدي بركية والاخ/ الفاتح سابل الظاهر يا عامر تيتاوي المسطبة انتقلت الي المنبر واحتشدت مدرجاتها بسكان الامتداد من كل جانب من دول المهجر اسال الله ان يصلح حال بلادنا ونجتمع في امتدادنا الحبيب خالد اميقو مربع 8

Quote: بسم الله الرحمن الرحيم الف سلامه يا ود الخليفه ربنا يجعلها لك كفاره سلام ياطارق ياجبريل.............. بالنسبه لمجدي عبدالرحيم يعمل معانا في مجموعة الراجحي السعوديه (شبكه نت في جده اما البقيه الله اعلم مسئولين من الخير وين احمد الساكن مربع 6 الكان بسلم علي الامتداد كلو عبد الله كع

Quote: الاخــــــوة الاحباب تحيــــــــة طيبـــــة سيل من الذكريات هنا وهناك وفي هذا الامتداد القارة ,وهي بالتأكيد ذكريات عطرة مفعمة باريج عبق الاخوة الصادقة و موشحة باوسمة النبل الخالدة في اذهان كل من عاش او جادت له الحياة بالمرور عبر تبر هذا الحي الفريد,والتحية لكم مرة اخري احبتي راعيي هذا المقام العامر اين تقودني الذكريات هذة الفينه فهى تتدافع , مابين مدرسة المربي الخالد في الاذهان المغفور له باذن الله بشـــير الامتداد 4 ,وما اروعها من ذكريات ,ومابين الرابطة وفرقها والامتداد الفريق و ذكريات الاب الفريد عبدالحميد عثمان نوري -الصيني-,تلك الشخصية التي لن يجود الزمان بمثلها مرة اخري ,وهناك الكثير من مربع 1 الي14 مربع. ,ذكريات طفولة ودراسة وذكريات كورة ولاتخلو كذلك من الشقاوةاللذيذة ولكنني اظن باني سوف اوفي بوعدي الي اخي وصديقي الغزال الاسمر حاتم حمدتو ذلك الفتي الابنوسي الذيي قلِ ان لا تراه مبتسم المحيا ودائما ودوود المعشر عف اللسان وتجده دائما متأنقا, واقول ذلك وانا الذي زاملته لعبا و حي ودراسة, وعدته ان اكتب للتاريخ في اخ عزيز علينا اهل الامتداد اكتب عن الموهبه الفذة عادل شـــاويش, اليوم رولاندينو حديث كل العالم واظن يتفق معي الكثير في ذلك رولاندينو حظي بمدربين ونقاد ورعايه وهاك ياعلام حيث صار يتحدث ذهبا ,وهو مبدع حقيقه مافي شك,ولكن لكم ان تقارنو مابين الموهبه الحقيقيه والله لا ابالغ ان قلت ان كل ما يفعله هذا البرازيلي الان كان يفعله عادل شاويش وفي رابطه الامتداد ,ما من مدافع او مهاجم او حارس مرمي لم يعجب بلعبه قبل ان يذق طعم الغلب لانه فعلا كان يتغلب علي نفسه والكره قبل ان يغلب الفرق الاخري كان احسن من يجيد لعب الهوا والباصات البينيه و كان يلعب ويحاور بجسمه علي بعد ياردات ويمر كما يمر البرازيلي اليوم ,لعبنا مع عادل ولعبنا ضده وفي كل الحالات كان يسحرنا بل اجزم القول لم يكن في الامتداد من يفوت مبارة النجوم فهي كانت دائما مبارة قمة ولايهم ضد من . اتحسر علي الكره في بلادنا امس واليوم ,امس عادل شاويش يلعب في الرابطة ثم للاهلي وكندوره ياتي من الحصحيصا وغيرهم من كادوقلي ليس تقليل من شأن هولاء ولكن اين بعد النظر, احبتي اعزروني وتقبلوني ان لم أكن واقعيا في نظر بعضكم ولكن عزري ان حب الامتداد في دمى واهله اهلي واحببت ان انصف اخي عادل شاويش واكرمه وان جاء ذلك متأخر . لك التحيه يا عادل التحايا ابوشمة-عامر تيتاوي- امير الجمري-الهادي عبدالرحيم-صديق حمدتو -فلاتي-يركية ولكم جميعا- Fax to: -لطفي -علي احمد علي -عصام احمد خليفه-نادر حسن-فتحي تتو- شوكت- هيمة-عبدالرحيم محجوب-الفاتح الطيب والبقيه تاتي ولكم جل التحايا (معتصم عبدالرحيم سعيد (العربي مدرسة الامتداد 4 بشــــير الامتداد مربع 7 اللواء الابيض ثم فريق الامتداد العظيم

Quote: الشباب الحلوين الاخ والصديق/ بكرى الخليفة مربع8 بى كندا تماثل للشفاء بعد ان لازم سرير المرض وحمدلله على السلامة . تلفون بكرى كندا 2049555265 احمـــد خضـــر مربع 7

Quote: البوست جميل ضواي الف حمداً لله على سلامة حبيبنا بكور البسك الله تاج العافية يا (تاريخي) .. بكري الخليفة مساحات الفرح الشاسعة في سماء الامتداد يزرع الابتسامة في احلك اللحظات يستبدل الحزن بالفرح باريحية يسكن جواك من اول لقاء . نتمنى ان يتم الله الشفاء عليه وان يمتعه بالصحة والعافية. معتصم العربي .. ما اروعك كنت مضرب مثل في الاخلاق الرفيعة في رابطة الامتداد وكنا نستمتع بادائك الرائع في المستطيل (البني) كما استمتاعنا واستمتاع الجميع بعادل شاويش الفلتة وبجواره فردته الحريف النحيف مجدي الجمري والذي كان يمثل ثنائي جميل مع عادل قل ما يجود الزمان بمثله ومن امامهم راس الحربة الفنان حاتم حمدتو قاهر الحراس ومدغدغ الشباك ( اسألو طه قون الصحراء) وبقية عقدهم الفريد قاسم والصادق مرين والشاذلي واحمد عبد الحفيظ والباقر وابو الدفاع وعابدين .. ده كان فريق احلام عديل كده .المهم يا معتصم انت كنت من افذاذ الرابطة ولا تقل شأناً عن هؤلاء .واصل يا رائع وامتعنا بذكريات جميلة نستريح فيها كما شجرة الصيني الرمز . احمد خضر يا راقي يا بديع انت في الوجدان قابع ولك في القلب مكانة كبيرة وود بحجمك .. عاطر التحايا لك ولاسرتك وقبلاتي لصغيرتك التي تزين صدر البوست مع محمد عامر وريم طارق وهدى عمر . ياسر : تمارس عليك ضغوطات من عدة جبهات (صديق ومجدي وطارق) لكن سنظل معا في خندق واحد وانا طبعاً قوات حماية ( بس انت كمان ساعدني شوية) انشاء الله تديني طلقة طلقة . المتفاني خالد اميقو : تحياتي وفعلا البوست بنفس الق المسطبه ويزدان يومياً بزهرة فواحة العطر من زهور الامتداد ونقول ((آميييييين لآخر دعواك)) (اسألو نادي الامتداد عن تفاني اميقو . عاااااااااااااااامر تيتااااااااااااوي .. الجمال والروعة والله فضلة خيرك وانت الفن والجمال والروعة الله يخليك يا مفخرة. تلقيت اتصال جمييييل من زول سمح بالحيل الا وهو الحبيب مجدي عبد الله وكان حوار جميل زاد من اعتزازي بهذا البوست الكيان ( ويا طارق انا لولقيتك ما حا اقدر اعمل ليك حاجة غير اعضيك عضة بتاعت فورة بطن شديييييييدة جداً ) لكن بعدها برضو سانحني امامك ..مشكور يا جميل. يا الغائبين عليكم الله اظهرو وعطرو سماء البوست فقد ارهقنا الشوق بالسؤال عنكم ( بابي انت وامي يا حبيبي يا رسول الله ) ونلتقي احبتي امير الجمري

Quote: بسم الله الرحمن الرحيم عدنا ليك والشوق دفرنا يا نشوق روحنا ودمرنا السلام أهلنا في الامتداد والله بصراحة ما اظن يجي بوست زيو تاني واني على ثقة على ان هذا البوست سوف ينال جائزة افضل بوست للتواصل في سودانيز اون لاين . الأخ/عبد الله كع : سلام يارائع كيف الحال والله ما ناسي زول وخاصة الكوتش احمد محمد (أخصائي الفلوكسواجن ) وعبد الرازق لكن زي ما قلت ليكم الكبر حصل و لكن بوجودكم سوف لن ننسى اي واحد من العقد المنضوم . الأخ/ صديق حمدتو : والله الشوق بحور شاسعة تمدد لحد الحد برضو ما تشفي شئ من حتى والله طارق جبريل ده مش يتعمل ليهو تمثال وبس .... ربنا ما يجيب يوم شكره . لمانا في لحظة ما توقعنا أن نلتقي فيها أصلاً ربنا يديهو الصحة و العافية . برضو يا صديق لقطة من لقطات اعمامك بالرابطة من عمك جعفر بقول ( ود جنابو الليلة ساقنو البنسلين بالكوز) . يا صديق تتذكر مباراتينا مع اشبال الهلال بأم درمان والإمتداد بالرابطة وكم كانت نتائجها ؟) بالله وريهم الحاصل شنووكان نجوم اشبال الهلال منو . الأخ/ اميقو : وينك يا خلوق كيف الاخبار و الاحوال والله زمن اتمني من الله أن نجتمع في ساعة خير ، وتحياتي للشاذلي وكل من يحوي قربكم العامر بالغربة. الأخ/ تيتاوي : متعك الله بالصحة و العافية ويا حليل زمان نتمني ان نربي جيل جديد يحمل نفس السمات والخصال التى ورثناها و تسلم ياشفيف و دمتم زخرا ً للإمتداد . الأخ/ عماد عثمان عويس : والله الشوق كثير ليكم و ما ليهو حد مرحب بيك في بيتكم و هذه سنة الحياة تجمع لتفرق و العكس ، برجو طبعاً حتى الان بالسعودية منذ العام 1989م . انا طبعاً رحلت من الإمتداد بعد زواجي لكني لم انقطع عنه ابداً دائماً اشكل حضور وفي مرة قابلت الأخ عبد عويس وقلت ليهو عاز تلفون لعماد او الأيميل وقال لي بشوفو ليك عند التوم وحتى اللحظة لم يصلني و لكن قول ليهم ( دقستو ) والله البركة في طارق جبريل و البوست بتاعو ده اللمانا كلنا في دارنا ومرتع صبانا الأمتداد و جمعنا زي العقد الذي اتمنى ان لا ينفرط مرة اخرى ، تحياتي لأسرتك إلى أن نلتقى في رسالة منفرده. الأخ/ أمير الجمري : عاطر التحايا و الاشواق . لقد فجعت حقاً لترككم الأمتداد وبيع المنزل ( قلعة الجمري) والله ياامير حقيقة نزل علي هذا الخبر كاصاعقة على وعشت لحظتها في ذهول وتوهان في اللاشئ ولكن ما ذا نقول ؟ ولكن عزائي في وجودكم بيننا و اني على ثقة في انكم لم تبارحو الأمتداد شبراً لأن الأمتداد يجري في عروقكم مجرى الدم و انت كذلك فيه ، والله يا امير انا معك في قولك عن طارق جبريل ما عارفين نجازيهو كيف ، والله يا امير عندما اجتر ذكريات النجوم كأنها شريط يمر أمامي انظر إليه لأنه من امتع الذكريات التى نعيشهاوستظل خالده لنحكيها للأجيال و انشاء الله سوف نكون في تواصل حميم و لكن أه من رحيلكم هذا . الأخ/ بكري الخليفة : سلامات يا رائع ربنا يديك الصحة و العافية و سلامتك . وسوف أعود مرة آخرى أنشاء الله لأحي بعض الأخوة الذين ظهرو لنا بعد غياب أخوكم: نوار محمد نوار مربع 4 منزل رقم 169 المرحوم أحمد نوار اسو [email protected]

Quote: أولا تحية و سلام لكل من سكب حرفا في هذا الملتقي الجميل و رغما عن انه شهادتي مجرووحة في حق الاخ طارق جبريل الا اني لابد ان اشكره علي المبادرة الرائعة و نحن نري البورد ينجح في نفض الغبار عن شوامخ الامتداد ليثروا بفكرهم و ترحيبي الخاص باخي مجدي بركية و عايز الفاضل سابل كمان يحدثنا فهو افضل من يتحدث عن الامتداد بخبراته الثرة و علاقاته الممتدة في كل اركان الامتداد احبايئ لدي اقتراحين و أأمل ان يجدوا القبول : الاول عدم زكر اخبار وفيات او مرض احد الاصدقاء او الزملاء الا بعد ان نتأكد من الخبر حتي لا نسبب ازعاجا لاسرهم او اقاربهم و الاقتراح الثاني أن نفكر في بعض المشاريع التي تفيد سكان الحي و قد حلمت كثيرا بمدرسة ابتدائية نموزجية تخدم اهلنا في الحي في ظل الترهل و التدهور الذي اصاب المدارس الحكومية و نجاح الطبقات المقتدرة في تحويل ابنائهم الي المدارس الخاصة تاركين ابناء الغلابة يبذلون فوق طاقاتهم لتعليم ابنائهم .... الفكرة التي تراودني ان نحدد مدرسة معينه حسب مساحتها و عدد فصولها و نقوم بتقديم دراسة عن طريق المتخصصين من ابناء الامتداد في كيفية تحويل المدرسة المحددة الي مدرسة نموزجية ذات مستوي تعليمي ممتاز ,,,,,,, اقتصر الخوض في المقترح لعدم الاطالة و اطلب من الجميع ان يقدموا اقتراحاتهم و ان نتفق في طرق الدعم بكل انواعه لاحقا عايز اخيرا ان اقدم تحية خاصة للحبيب احمد خضر احمودي و اقول له لقد طال الغياب و نتمني ان نلتقيك اخوكم عبدالغفار محمد سعيد مربع 4

Quote: تحية طيبة لكل الأخوان .... ومرحباً بالفرسان الجدد ... نوار ... والله مشتاقين ... سعدت بظهورك الجميل ... واصل يا رائع .. ناصر جبريل .. مرحباً بك مغرداً في سماء الامتداد الصافي ... تعرف يا ناصر .. لو طارق كان لقي بدل الريال جنيه كان .. ما مشي المدرسة .. ولا رجع البيت تاني .. معتصم العربي .. وعدت وأوفيت .. وهذا عهد أهل الامتداد دائماً .. الوفاء , الإخلاص , والمحبة ودمت يامعتصم .. أما أخونا عادل شاويش (( أبوشوش )) ده الفن .. والإبداع ... طبعاً عادل بمتع نفسو في ألأول بعدين الجمهور ... شفتو الواحد كان محظوظ كيف .. نص فيهو عادل شاويش .. ومجدي الجمري .. ودفع الله عبد الكريم .. ده ما بخلي رأس ألحربه يكون مبتسم أخونا د. طارق جبريل قدر ماعصرت الذاكرة إلي ذلك اللقاء أبت تجود حتي بالقليل .. وأبت إلا أن تحصرني في أبداعك ... وفي ذلك الشخص الجميل ... بس أن شاء الله ما أكون أنا السبب في هجرك البيطرة ... عشان بعد ذلك اللقاء بعشرة سنوات .. أنا ذاتي هجرة البيطرة ...... لكن ما زال الحنين إلي المهنة باقي .. والعودة حتمية بس زيد في إشراقك ... وتحياتي وسلامي للصديق الغالي عديلك ((عبد الوهاب حجازي )) وأبو النسب حاتم سيد أحمد ... وكلنا في انتظار مداخله منو حتي يرجعنا إلي تلك الأيام الخوالي ألأمير .. أمير الجمري .. ليك والله وحشه شدددددددددديدة ...... وشووووووووووووق . أبو اليسر .. خليك قريب يا حبيب .. وأوع تغيب .. وأتحفنا بروائعك .... أناخايف النص المجهجك ده بعدين تقوم تشربوا براك ..... عرفت تحتمي بمنو ... عماد عويس .. يا عمدة برنه من عودك بتحرك الامتداد كلو .. ما قدرت تحرك لينا يوسف عبد الله . وعلي ذكر الفن .. أخونا المبدع وليد إسماعيل حسن .. ده مش كان بكتب جريدة براه .. يا عامر ده كان بكتب مسرحية كاملة ويخرجا ويجيب أولاد الحلة ممثلين .... الغريبة كان بعمل الدخول بقروش نحمد الله كثيراً علي شفاء الأخ الغالي بكري الخليفة .. والف حمد الله علي السلامة حاتم حمدتو