امتداد الدرجة الثالثة ذلك الحي المتفرد

Quote: أنا المحيرني وفاقع مرارتي والمخليني كل مرة أرجع لموضوع جون قرنق هو إنو ياسر حنّا متذكر حتى عمك بتاع الزبادي العندو عجلة وينساني أنا والدكتورة ندى. بالله دي مش حاجة تخلي الزول يهدده بموضوع جون قرنق كل مرة. علي فكرة في يمين العجلة كان في صندوق خشبي لونه أزرق. الصندوق ده عمك خاتي جواهو ألواح خشبية صغيرة عشان تكون زي رفوف ويقدر يشيل فيها أكبر كمية من كور الزبادي والكورية كانت بقرش ونحن شلة دكان صالح كنا بنضيف عليها بسكويت كرم مهروس مع شوية طحنية ونخلطهم ببعض ونأكلهم مستخدمين حلاوة حربة كمعلقة والتكلفة كلها بتكون أقل من شلن كده. بالنسبة للبصات فقد فات على الأخ ياسر أن البصات التي تمر عبر شارع الصحافة ظلط كانت نوعان: الأول يدخل العشش من محطة ثلاثة (وكانت تسمى لفة العشش وكان بجوارها كشك من أشهر أكشاك الثلج والذي كان يعتبر من الأشياء الثمينة التي يتقاتل الناس في سبيل الحصول على نص أو ربع لوح يطفئ لهيب الحرارة التي لم يكن منها مفر في تلك الأيام سوى الماء البارد. أما البص الثاني فلم يكن يصل إلى محطة سبعة بل كان يصل إلى محطة ستة ثم يدخل مربع حداشر من خلال الشارع الذي يقابل بقالة بابكير حالياً ويعبر مربع 11 ويواصل مسيرته إلى العشرة ويعود من نفس الطريق. إذ لم تكن محطة سبعة قد أكتسبت شهرتها بعد. صديق حمدتو مربع 8 منزل رقم 8

Quote: الاخ طارق جبريل صاحب السبق التحيه والتقدير مربع3 يعنى بالنسبه لى الكثير لقد درست بمدرسة الامتداد 3 وزاملت ابناء عمك يحيى وموسى اقابل صديقل العزيز دطارق محمدحسين بالمسجد وقد اخبرته بما يدور بالبوست ويهديك تحياته بالمناسبه انا زميل لاخواتك بالهيئه القوميه للكهرباء الاخ العزيز عماد عويس الشوق محيط ارجو ارسال البريد الالكترونى الخاص بك وقد طلبت من التوم ذلك وقد ذكر بان البريد بتاعك عماد شمت ات هوط ميل نرجو التاكيد الاخ كالوما بخير وهو بقى جد فاطمه بنتو وضعت ولد قبل 10ايام والزمن عدا فات اما الهادى موسى المع طعميه فقد رحل الثورة ويعمل بالتاكسى بعد رحول العشش والى اللقاء الاخ عامر تيتاوى بمناسبة التلفزيون كان العم عثمان حسين رحمه الله مربع2 كان يحضر عربة السيمنا المتجوله الى الامتداد وهو والد د حسين وصلاح ومنصور وكمال الى اللقاء جومو

Quote: اولا : التحية لكبيرنا فى الغربة (تيتاوى) والذى اتاح لى الفرصة للإطلالة عليكم من نافذته . ثانيا : سلام لكل الامتداديون والتحية الخاصة لشباب الامتداد مربع (14) ذلك المربع الرائع بأهله الطيبين من الكبير وحتى الصغير . ثالثا : سلام خاص للأخوان محمد السر ، عزالدين (شيش) . وأرجو من الأخ رانى السمانى تبليغ الأخ بكرى الخليفة سلام كبير على قدر حجمه . رابعا : أتمنى ان يفتح باب العضوية ... هذه رسالة سريعة للتعرف على الأخوان الامتداديون وسوف نلتقى ... لدى ذكريات جميلة مع بعض الأخوان سوف اسردها لكم فى وقت لاحق . عاطف حسين مربع 14

Quote: الاخ عامر السلام نواصل التوثيق للرعيل الاول من الاداريين بخيت عوض فقيرى د/محمدجباره عليه الرحمه المرحوم امير ابراهيم ابو العلا/السمين/ فاروق عبد الهادى عبد المنعم العطا /حسن سيد احمد مصطفى نقيش فضل ام مغد ونواصل اما الحكام:- اول حكم اسمه احمد ابراهيم استاذ الفاتح مربع7 فضل محمد نور مربع13 تاج السر العجوز والد علاالدين وهشام مربع4 حمندى الله يرحمه مربع8 الدولى كمال بدوى عليه الرحمه عبدالقادر دارجول الطاهر محمد عثمان عائد الطاهر عبيد الفاتح الهادى مربع8 المرحوم حسين سند المرحوم محمد عبدالقيوم ونواصل

Quote: والله أيام يازمان .... ببكى واتحسر عليك وما بقول العشنا كان ولكن ندعو الله ونتمنى ان تكون هناك ايام أخر اولا عزيزى وأخى الصغير عزالدين عثمان سلامى واشوافى الحارة جدا لك فرغم حضورى مرتين للسودان إلا اننى لم احظى بمقابلتك واخرها فى وفاة الوالد فى اكتوبر الماضى اطال الله فى عمر والديك ومتعهم بالصحة والعافية وتحيات خاصة للست الوالدة ولى عتب عليك يا عزو حينما ذكرت للاخت منى عوض خوجلى علاقة الاخ الاكبر لكم ولنا عادل عثمان بالاخ الراحل المقيم فى دواخلنا الشهيد مصطفى عوض خوجلى ونسيتنى انا الضلع الثالث فى هذه العلاقة او الشلة وكم اتحفتنا انت والاخ الاصغر عاصم بشاى الست الوالدة المدنكل ( لبن اوسادة) وكنا فى ذلك الوقت لا شفنا هم ولا بكت عينينا وعموما ( هب انك تاجرا ) اكيد تذكرتها !! وتحياتى للاخ عادل الذى لم اقابله منذ عشرون عاما وانا فى اشد الشوق اليه والتحيات موصولة لحيدر عبدالرحمن ... العزيزة / منى عوض خوجلى ايمكن تكونى بخرتينى خالص لكن كم مرة تقابلنا فى منزلكم العامر بصحبة الشهيد الفقيد مصطفى وآه لو تعلمى كم الآلم الذى اعتصرنى بسماعى لفقد مصطفى الصديق اخو الاخوان من حيث الرجولة ولمفهوم الصداقة عنده وكم تمنيت من الله ان يرزقنى الله بولد ذكر لكى اطلق عليه اسم مصطفى تيمنا بمصطفى الصديق ووالدى معلم ومربى الاجيال الاستاذ/ مصطفى داؤد رحمة الله عليه والذى انتقل لرحمة الله فى اكتوبر الماضى واذكر يا منى ايامنا ومحاولاتك لاثناء مصطفى لتغيير رايه عن دراسة الطيران بعد حادثة الشهيد سمير رحمة الله عليهم جميعا , ونسيت ان اقول انى الآن ابو بنات زى ابو ساندرا لكن انا لى ثلاثة "نقيب" اب لكل من لينا ـ نعمة ـ شهد ) الله يحفظهم لى هم وامهم .. على فكرة من الطرائف معتصم يا منى اصبح صديق لى عن طريق عمدة حلة (14) ابوالزهور ودى شخصية عايز ليها موقع براه واكيد الآن كل الناس اذكرت ليه موقف من المواقف لانه هو والاخ عباس ركس من ظرفاء حلتنا ولا ننسى طبعا ابواسكندر... محمد السر...ـ عزيزى والحبوب الخلوق والحساس محمد السر اه ياليتها تعود تلك الايام طبعا والله يا محمد السر ما تدرى فرحتى ونشوتى بالحصول على طريقة تواصل معك لانى مشيت بيتكم وفى شهر مارس الماضى اسأل عنك وقابلت والدك وقال لى انك فى كندا وما مقصر(....) وبخير حيث انه بطول المسافات والفيافى والمحيطات والبحار التى تفصلنا هى بقوة اشواقنا لشخصكم الحبوب انا والهادى الذى اجاد الله به لى فى هذه الغربة فهو الصديق الصدوق والذى قلما يجود به الزمان فحلاوة صداقته احلى من مهارته فى الكورة وهى ما بتدى حريف مش كده يا صديق حمدتو !! ولى عودة خاصة جدا ليك .. وتعرف يا محمد السر بنهون على بعض انا والهادى بزكريات الحلة والدينمو ياصديق الرميلة تذكر ده لقب ابواسكندر ليك وقال لصادقوه الباك لازم يكون فى الهواء ما ينزل إلا ياكل او يشرب ولنا عودة لموضوع كسر قدمك فى الكورة وكيف نمشى نكلم ناس بيتكم ولكن القصة دى اخليها للهادى ... ما كنت عايز اطول من اول مرة إلا انها شجون وجراح تفتحت بتذكر اعزاء فقدناهم وذكريات جميلة مضت واحباء عثرنا عليهم ولكن عزاءنا اننا حللنا بدار الاخ الصديق عامر تيتاوى والذى هو دار يشيل ويملأ ويدفق كما هو الحال بدارهم العامرة بالامتداد وهو كما عودنا جمل شيل وله العتبى على الاطالة والعتبى مقدما للاطالات القادمة ... عفوا يا محمد السر عندنا هنا فى الدوحة دينمو كامل من تستاو وعادل حسين وبيبو مرورا بعاطف حسين وسويتش والسرير وعقيل وآخر الوافدين عباس عبداللطيف وكافيت . ـ سامى مصطفى داؤد مربع (14) منزل (19)ـ

Quote: الأخ /ياسر حنا أجمل التحايا والامنيات الطيبة .. بصراحة انا من شفت الصورة ما قدرت اصبر وانا اصلى من شوفت اسمك كنت شاكى فيك !!!! ياربى ده ياسر بتاعنا ولا بتاع التانين .. ـ المهم يا عزيزى نحن اولاد دفعة وعشان تتاكد راجع الصورة الصف الثانى من اليمين بعد صبرى محمد سعيد وعادل حسين الهادى عبدالرحيم والصف الاول جلوسا من اليمين سيف الدين عبده حسين وعبدالخالق ثم محمد عبدالكريم بعده انت يا خلبوص هناك من الاسماء التى اتذكرها احمد موسى سونا ويحى ونزار مرزوق وصابر وعبدالرحمن واحمد بشارة وسعيد عبدالهادى ونادر محمد الحسن وخالد محمد على وجارهم جلال واحمد حمدتووسيداحمد ومدثر الحلفاوى و( معتصم) وصهيب وقمر والباقين احاول ان انشط الزاكرة اكتر ...ـ وتقول نصبر بعد عشرة ايام صدقت ماقدرت اصبر عشرة دقائق لانها كانت من اجمل ايام العمر وللعلم انا عندى نفس الصورة ومحتفظ بيها ولنا عودة ’’’’’’’ـ

Quote: الاخ / احمد جمعة السلام والاشواق الحارة جدا لقد سعدت جدا بمداخلاتك الجميلة والتى تحمل ذكريات عطرة ....بس كمان عندى سؤال عن صاحب اللقب الاصلى ( جومو) هل هو مكلك ام احمد جمعة مربع (2) يعنى عايزين نعرف الاصلى من التقليد ولك كل الامنيات الطيبة وتحياتى لناس الكهرباء بالاخص هاشم الطيب وعزالدين هلال

Quote: الاخ العزيز عامر تحيه طيبه وكيف الاحوال والاسرة وعلاء دائما مصدر فخرنا واعزازنا عشان نتجيب الدرر الاخ الفاضل الحريف المهذب الهادى عبد الرحيم فرحنا بطلتك البهيه وتحياتى للعزيز بيلو طبعا جومو الاصلى هو احمد جمعه اسحاق السوق الحر وهو الان يسكن الازهرى ويعمل بالمنطقه الحر بالجيلى وجارة بالحى ميرعنى يسن ولنا عودة الاخ سامى التحيه الطيبه الاخ عاطف حسين وينك يارجل الاخ فيصل خليل شنان يغريل السلام وين ياحضر ماظاهر عماد عويس شنو مانخش على زكريات رابطة الامتداد الفرع الاسابيع الثقافيه التخرج والكورة والزكريات الجميله وجمال الجربوب بالمناسبه ابراهيم جبارة كان حصل ليه حادث حركه وامس الجمعه كانت كرامتو بعد ان كان طريح الفراش لمدة تزيد عن السنه وهويسكن الزهرى جارنا عمر عبدالله كيف الاحوال

Quote: الاخ عامر السلام وربنا يجعلنا فى دار السلام نحاول المساهمة مادام بقت فى صور مدارس وزكريات فى العام1965 قامت اول مدرسه فى الامتداد وهى بمنزل بمربع 8 وسميت مستقبلا الامتداد4 /بشير ثانى مدرسه وايضا بدات بمنزل فى مربع سته ثم مربع 2 وكنا من الموسسين لهاوهى الامتداد3 العام1966 ثم الامتداد 1/2/5 ونشأت كمدارس نموذجيه من ابناء الحى فى الامتداد4 جمال البعيو حسون محمد حسين كسلا عماد حدكه مدرسه الامتداد 3 الناظر محمود اسماعيل عمارة تم متوكل لهم منا الاجلال ومنابناء دفعتى فى الامتداد 3 نجم الدين حسن /قرشى محمد نصر /عبد المجيد مختار جمال صالح مدنى عبد الوهاب هجو وللجميع العتبى فى المرة القادمه والدعوة مفتوحه للجميع للمساهمه والتصحيح ولكم تحياتى اين منى خوجلى احمد جمعه هنو

Quote: ويا تيتاوي ياخ ما تمسك غرفة تسجيلات الهلال حقيقة لمساتك في البوست لمسات إداري محنَّك بمناسبة الهلال دي كفرتَّ لي طارق جبريل دا؟ مريخابي والهلال غلب نسايبو لكن هو ما قصَّر.. شجع الهلال.

Quote: فرحي بيهم ملئ حد الكبابي امتداد الدرجة الثالثة الأصل و الجذور ........ أنا محمد سيداحمد محمد صديق مولود في الامتداد مربع 7 بيتنا كان فاتح في بيت ناس بلاص و جيران ناس زيادة الشيخ وناس علي غريبة .... الانتماء للوطن نبع من هناك .... كنت صغيراً حينها عندما صرخ الوالد الجنية أب عمة شرطوا جاب لينا الحمى شرطوا كنت ادرس حينها في المرحلة الابتدائية الصف الثالث ..... وكان آخر الدنيا في تلك الانتفاضة مركز سمير بالنسبة لي , وكنا نلوح بعلامة النصر لذياك الكمومر الذي يحمل رجالات الجيش ونهتف جيش واحد وشعب واحد ..... النص :: سكن الوالد في الامتداد في أواخر الستينيات بالتحديد عام 1968م قادماً من جمهورية المانيا ليعنل مهندساً بمصنع الخرطوم بحري للغزل والنسيج . ولا تجود ذاكرتي هنا إلا بالقليل من الذكريات التي أنعشها هذا البوست الفنان . أولاً :: الخميس لمة الكتشينة والخروف والشية بالصحن الكبير و بيت ناس خميسة .... ولمة ناس حاج بابكير وعبد الرحمن الفكي ويا ناس السعودية وبالأخص ناس الرياض معاكم أولاد عبدا لرحمن الفكي طلال العملاق والتاج البليد وبتذكر أنا في أولي ابتدائي في مدرسة الامتداد خمسة بنين أستاذ صلاح أستاذ مادة العربي شداه هو وخالي محمد كاموته محمد عبدا لرحمن اخو محي الدين بوب مربع 11 البيت الفيهو حلويات سوهندا حقت ولد من أولاد بابكير عموماً كان لابسين الاتنين لبادة( مردفين ) واللبادة كانت عبارة عن شوال خيش .... ثانياً :: كواست غنم حبوبتي في خور جانقي الفاصل بين الامتداد والعشش ولمن نجيب الغنم البيت وأقول لي أخواتي ذات الأصل الألماني أي والدتهم من ألمانيا انو الغنم أكلوا الورق المجدع في الخور ذي ماهو واحكي النكتة بتاعت الاتنين المساطيل الدخلو الحمام بي كراسات ................واحد قال لي أخوه أنت بتفض سطر ولا شنو ................. ثالثاً :: عمك بتاع القش الكان في أول مربع 11 أنا زعلان جداً عشان نسيت اسمو والله حد الموت وأنا السنة كلها جايب القش منو للغنم .... رابعاً :: عمك بتاع التلج الفاتح في مركز صحي سمير وللأسف نسيت اسمو ..... خامساً :: انتخابات الديمقراطية الاخيرة :: وانا عمري حوالي تسعة سنين كنت لافي الامتداد مع الوالد وكان عربتو شينة شديد بوكس موديل 1978 وقام ناس الحزب المقطعين كالعادة عملوا ليهو توم وشمار احمر و وقعوا في البوكس ملصقات تشير إلي رمز الفانوس .... وأقيمت ندوة تحدث فيها الشفيع خضر والشيوعيين الحضروا الندوة كانوا بساط جداً وكانت العربات الواقفة عن جيرانه الاتحاديين ناس بلاص اكتر من حضور الندوة.... ومازلت أتذكر هتافي من علي ظهر البوكس الفانوس إنشاء الله يفوز , وخسر الأستاذ الشفيع خضر ..... أتمنى أن أواصل ....

Quote: للانديه دور فى حياة المجتمعات وفىالسنين الاولى لنشئة الامتداد قامت هنالك انديه فى الامتداد وسوف اذكر هذة الانديه ارجو ان فات على ذكر واحد منهم مشاركت الجميع نادى الامتداد وقد كان بمنزل بمربع 8 يفتح على ميدان الامتداد يعنى فى الركنالشمالى الغربى لميدان الامتداد مربع 8 لع الريادة فى كثير من الامور المدارس الرابطة المركز الصحى وعشان ناس غرب الظلط مايزعلوا كان اول مركز للشرطة بمربع 7 وكانت تسمى التمنه يفتح على بيت ناس محمد بلو وجارناس عادل عبدالكريم وناس عدلان برضو نادى سلام4 بمنزل ناس ياسر الزبيير حاليا وكان فيه الجمعيه الخيريه ايضا نادى الوحدة بمنزل بمربع 6 يفتح على الميدان الفيه الحمعيه الخيريه جوار منزل محمد عبدالفتاح وهو المنزل الذى تاسست منه مدرسة الامتداد 3 نادى سلام 11 وانا لااعرف اذاماكان تاسس فى منزل ام لا ولكن اعتقد فى المنزل الذى يفتح على النادى الحالى منزل زميل لى سابق يسمى يسن ارجو التصحيح ياابوالسيد ولكن نادى سلام11 النادى الوحيد الذى لازال مواصل واول نادى تم تشييدة فى انديق فرق الروابط نادى الجزائز وكان منزل يفتح على المجلس الحالى فى صف ناس فجدى وممدوح واعتقد انه بيت ناس خالد كركبه الاخ عامر فى سلسلة كتابتك عن فرق الرابطة فات عليك فريق يسمى الكفاح وهو موطنه حلة فريق الجزائر واذكر تماما هنالك لاعب يدعى الشيخ وهو يلعب مهاجم ان فريق العشرة بلاعبيه وجماهيرة بعد نهايه المبارة سكوا......... التحايا للجميع احمد جمعه هنو

Quote: عدنا ...ـ التحايا لكل شباب الامتداد فى الداخل والخارج الاخ احمد جمعة ( هنو)ـ معقول تتذكر كل فرق الرابطة وتحديد البيوت التى كانت اندية لهذه الفرق وتنسى فريق الدينمو انتو ليه حاقدين كده!!! وبعدين رحلت انت ولا احمد جمعة ( الاصلى ) لحى الازهرى عشان تنسى فريق الدينمو العريق المهم انا بترك توضيح مكان نادى الدينمو للاخوان حسب الاقدمية عادل حسين وتستاو وسامى داؤد .بالمناسبة مرة لاعبين فريق السوق الحر مباراة نهائية ضد الجمارك وطبعا عوض ابنعوف اساسى مع الجمارك المهم لما فزنا فى المباراة عوض قال والله انا ما قائل السوق الحر فيهو رجال ـوعند ذكر الاسواق الحرة لابد لنا فى وقفة لنترحم على الفقيد الراحل عثمان سعيد رحمة الله رحمة واسعة واسكنة فسيح جناتة وماقدمة الفقيد للامتداد لايحصى ولايعد ويستحق منا الكثير اتمنى تضاف الجهود حتى نفى ولو القليل مما قدمه الفقيد والذى كان له الفضل فى التحاقنا بالسوق الحرمع كل من الاخوان امير الجمرى ومعاوية فلاتى واحمد جمعة ( الاصلى)ميرغنى يسن وحسين التاج وعماد ( مربع13) وطارق عبدالله (مربع12) ـ اخونا صديق حمدتو عليك الله وصل السلام للعزيز امير الجمرى ( ابوعثمان) ونرجومشاركته وكذلك الاخ معاوية فلاتى ـ ولنا عودة عن فريق السوق الحر يدك معانا يا امير اخونا محمد السر اشكرك كتير على الصورة وتصدق ما عرفت وين او مناسبة الصورة وبعدين انا ما كنت فاكرعندك حركات الاداريين كونك محتفظ بكمية من الصور ,, تحياتى لك مجددا وللاخ انور محمد الحسن حاتقولى انور ده منو البسأل ما بتوه الاخ عماد شمت تنمياتى لك دوما بأن تكون فى سعادة وهنـــــــاء واسعدتنا مداخلاتك الذكية .....) ـ تحياتى لك ولهم وتقبلوا تحيات الاسرة التى تتمنى ان تحافظ على هنــاءك التى هى هبه من الله , مبروك زواج الاخ هشام اخوكم الهادى عبدالرحيم مربع 13 منزل 22