|
|
 Re: امتداد الدرجة الثالثة ذلك الحي المتفرد (Re: bayan)
|
الاخت بيان
كل سنة وانت طيبة , فريق البراعم فريق عريق واذكر من الاسماء اللامعة حسن الاسيد, اولاد جادالله محمد وحسن وعادل وياسر, عبدالواحد وربيع , شمس الدين وعبود وجمال الجيلى ,الفاتح الطيب , حمودة بسطاوى , وياسر وعلاء السمين وابن اختهم المرحوم امير , والمرحوم جكسا , والاسماء كتيرة
كلامك عن نسايبك بيتهم بيفتح على جامع مسيك ومن لاعبى البراعم اولا بيت ناس عبدالواحد وعادل وربيع ولا ناس الفاتح الطيب .
وتحياتى الى زوجك واكيد بنعرف بعض .
احمــد خضــر ( احمودى) مربع7
| |
 
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: bayan)
|
الاخت بيان
الاخ عادل صديق شقيقى عزالدين , شخص هادى ,مثقف ومهذب زمن طويل لم التقية له التحايا والسلام
والتقدير وتمنياتى لكم دوما بالصحة والعافية.
بالمناسبة من الاسماء الذكرتيها د.امال حسان احتفلنا بزواجها من صديفى الفنان التشكيلى الشافعى
دفع الله بمدينة اناربار ولاية متشيجان السبت 7/1/2006 .
احمــد خضـــر مربع 7
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عماد شمت)
|
الاخ/ عماد شمت
وصلتة تب , الجيتار لسع علافتى خاصة جدا بيهو, رغم الجرى والطيران فى ارميكا والايام دى
رزان 7 سنوات بتتمرن وماشة كويس .
لكن برضو منتظر منك المزيد , الايميل والتلفون فى البروفايل .
وفى انتظاااااااااااااااااااااااااااااااااااااااااااااااااااااااااااااااااااااااااارك
احمــد خضــر مربع7
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اعيش فى سويسرا و هى تعتبر اكبر مستعمرة امتداد درجة تالتاويه فى العالم....
زمان كنا بنشوف الامتداد من البص و هو داخل السوق الشعبى كاقليميين وهم، الجامعه لمتنا باغلبية ظريفة من اولاد الامتداد يملو العين مثال ياسر حنا
اهاااا قمنا جينا سويسرا...
شعبكم الهنا ده عجيب
امسك عندك:
عماد عويس الشهير بعماد شمت او العكس
يوسف عبدالله والله لو ما باسطتو السمحة دى
ابراهيم شوكت كيشة الكورة
عبدالحليم ، محمد شوكت البوليس الحقار و خالد شوكت الخرخار ,محمد زروق الما كسر رجلو طفشو بالنقة و الحلق الكبير
ديل كلهم كوم و خالد الجوكى و طارق كبارة كوم
العجيبة لما يدورو فى قصة المربعات :56 احسن من 99 و اولاد 889 متفندفين
و غيره
كويسة لمتم دى معانا بتذكرنا الحلة والفريق رغم البياخات هنا و هناك
سلام لناس الامتداد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الاخوان بيان واحمد خضر
تحياتي
مرحبا بزوجك بيننا ويا ريت يساهم بذكرياته معانا...
احم خضر
في واحد فردتي شديد وولد دفعتي وهو فنان اسمه محمد عبد الله بلال وعنده اخوه اسمه عباس كان في الجيش بالله لو عارف عنه حاجة اخبرني بها هو بيتهم جمب استوديو جاد..
حقيقي تاسفت جدا لموت امير ولد اخت علاء الدين لاعب البراعم كان قد زاملني في مدرسة بشير عليه الرحمة.
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الاخ/ فيصل محمد خليل
ياراجل انت وين اراضيك زمن انشاء الله تكون بخير , وذكريات الايام الجميله وفترة الديمقراطية
المرحوم بدرالدين دجى , عثمان , بابكر الدقونى .
وسلام خاص من اهلك هنا شرف جمبلان وامانى علامة .
احمــد خضــر مربع 7
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: jini)
|
Quote: الصينى (عبد الحميد عثمان نورى)
من ظرفاء السودان وليس الإمتداد فحسب |
الصينى من أظرف الظرفاء... و هو متزوج قريبتو من كوبر قال كل يوم العصر
شايلا هاند باق و ماشة كوبر..
يوم قال ليها يا ولية انتى لو بتتمرنى مع كوبر كلمينى...
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: jini)
|
| Quote: الصينى (عبد الحميد عثمان نورى) |
جني!! إنت كنت في اللجنة الشعبية ولا شنو!! يا زول الصيني زاتو ما أظن متذكر اسمه الحقيقي.. وثلاثي كمان!!
الصيني في بداية التسعينات فجأة كدا بقى أنصار سنة!!.. لبس جلابية قصيرة وخلى الكلام في الكورة وكلامه بقى كلو الحديث الفلاني والحديث العلاني..
صادفت أيام سُنيتو دي عزومة عند ناس إسماعيل عطا المنان.. أها شبك ليك المجلس كلو أحاديث.. ونحن أهل السنة نرى أن، وعلماء الحديث يقولون.. قام عبد المنعم عطا المنان قال ليه: "يا الصيني شنو شابكنا سُنَّة وأحاديث وإنت بتبيع البنزين في السوق الأسود!!" الصيني قال ليه: " جيب لي حديث واحد قال لا تبيعوا البنزين".
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الحبايب الاطايب الامتداديون والامتداديات
السلام جاكم كتييير ومن القلب ادعية لا تهزها الاعاصير
الله يخليكم اهل الوطن الكبير نورتوا بيتكم الصغير
كل عام وانتم بخير وربنا يحقق امانيكــــــــــم
رجعنا اليكم وكلنا شوق للتلاقى لنسبح سويا فى تيارنا
الجارف الامتداد الذى تحلوا لنا من خلاله الزكربات
ارتحت كثير وانا اتنقل بين اسطركم وبلهفة المشتاق
وحمدت الله كثير لان الدعوه للمشاركه انجبت اخوة لم
يشاركوا فى البدايه وهذا الذى اتمناه ان يتواصل
وليكون هذا البوست هو ساحة راحه وسماحه كلما غلبت
الشجون ان نتكىء على مرافئ حنينه0
اليوم التحيه الكبرى لنجمه من بناتنا ظهرت من خلال
المشاركه وكفت العين لوحيدتنا منى خوجلى فاهلا وسهلا
بالاخت بيان وزوجها الاخ عادل ونامل المزيد0
الامتداد ذاك المكان الذى كان يشع خضرة قبل البناء
اذداد يناعة باهله الان واصبح مقصد كل الزوار وواحه
للروح وارفه كلها حنان ، جمعت اهل السودان من كل مكان
واصبحوا الان اهل واخوان0
اخوتى اوصيكم بشحذ الهمم ودعوة الاصدقاء والاحباب ليكون
هنا التلاقى دوما0
تحياتــــــــــى لكــــــم كتيييييييييييير
ســــــــــــــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
أما عمنا حنا فتلك سيرة فى التسامح ،كنت أظنك يامحمد السر لاتعرف الرجل إذ بدا لى أنك لم تتوغل نحو حلتنا آنذاك، إلى أن ضبطتك متلبسابالإشارة إلى مجاورته لهاتيكا. لقد كنت بعد يافع وحنا فى ذهنى رجل أبيض عائد من جهة المسجد بجلبابه الأبيض و عمامته البيضاء، أو مرتديا زيه الأفرنجى راكبا عربته.حنا فى ذاكرنى صورة غائمة، وترويض سلس للتماس بين ديانتين. كان غارقا فى شئون الحى بدمه كله حتى أنه كان فى لجنة التعاون، وفى رمضان له مائدة مع الجمع أمام بيت عمنا المرحوم يونس والد كمال وسيف وأمير. وفى الأعياد يغدق على الأولاد النقود، وحكى لى حيدر عبد الرحمن أخو بوب أنه كان يبره بمبلغ كبير. وقيل أنه كان يتوسط لحل المشاكل العائلية.
ذات نهار نعى الناعى عمنا حنا، حزن الناس وبكوا بكاء لاأول له ولآ آخر، وتهيأوا لغسل الرجل ودفنه فى مقابر المسلمين كونه منهم، ولكن ولدهشتهم جاء مجدى إبن المرحوم وفال أن عربة الكنيسة ستاتى لنقل الجثمان وأن والده سيدفن بطقوس مسيحية وفى مقابر المسيحيين إذ أنه مسيحى.أتذكر مقابر المسيحيين تلك يا محمد السر،ذات الورود والأحجار الجميلة أيام كنا نراها ونحن قاصدين الحرطوم، لقد حجبوها من عينى وطوبوها بسور وسر كبير. المهم أن أهل الحلة إرتبكوا وتساءلوا.. أيقصدون الكنيسة لدفن فقيدهم ؟ بعد لجاج حسم عباس الرضى ألأمر ـ كما حكواـ وركب الناس عرباتهم صوب الكنيسة. فى الكنيسة هال المشهد القس فأضاء وجهه نور الرضا وأغروق قلبه فرجله لآشك صالح فى الدينين. فرغ القس من تلاوة الصلوات، رفع واحد من جيران حنا المسلمين يده:الفاتحة، فرفعوا أياديهم جميعا بالفاتحة ، رفع القسيس يده كذلك . بعدها عادوا إلى الحلة مطبقين على حزنهم وفشوا عليه أياما ثلاث فراشا سودانيا كامل السماحة. إرفعوا أياديكم بالفاتحة واتلواصلواتكم على حنا.
وبعد
كل سنة وانت طيب يا محمد السر ، أتذكر ذات مرة ونحن عائدين من حفل لوردى فى الميدان الشرقى، رجعنا الحلة لقينا ناس مختار قاعدين، طلب منا مخ أن نحضر لهم كوارع وأعطانا القروش ، اشترينا الكوارع وفى طريق العودة وبإيعاز من قمبيز على ما أذكر،أتينا على الكوارع ،مواسيرها والزوى،وكرعنا الشوربة جلها،وبراحة وضعنا البستلةوبها بعض شوربة تحت كرسى مخ وذهبنا إلى أهلنا نتمطى ورحنا فى ثبات عميق،وتركنا مختار يلعن أبو الأولاد الجعانين حتى الصباح حين أكمل شكلته معى.
أيام يا محمد السر .ما عاد مختار يقعدولاصبية بخيانات جميلة
لأربع أيام كنت آكل لحما طازجا مشفوعا بأصناف من طيب الشربوت ، الشربوت الذى وعدت محمد حسبو فجاء بعد الموعد. بعضه حضرته معى منال أختك يا منى عوض خوجلى ،كل سنة وأنت طيبة وقلمك أوسم، مبروك علينا النور عطا السيد يا ود السر وإلى لقاء.
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الأخ يوسف أحمد
كل عام وانت بالف خير وربنا يحقق الأماني ان شاء الله.
العزيز عماد عويس (عماد شمت)
يا خي بالغت عديل كده، تعرف خليتني انا اشيل واعصر في الذاكرة لما قربت تتلحس، طيب من قبيل ما تقول عماد عويس. طبعا اذكرت ايام الصبا وحفلاتك الكاربة بالامتداد وسكستنا في نص الدارة وخصيصا "انا بهواك جون قرنق". طبعا جون قرنق دي ليها قصة طويلة جدا، اول من اطلق اللقب كان عادل بلة وبعد داك مسكوها لي ناس حاتم ومجدي الجمري وفتحي تتو.. وبقى اول ما عماد يبدا يغني "انا بهواك" يجونوا ليك ناس حاتم ومجدي وعادل بلة وفتحي تتو ونبدأ نررد في نهاية كل مقطع جون قرنق... والغربية كانت ماشة مع اللحن والموقف بصورة عجيبة 
لك التحايا العطرة عزيزي عماد وان شاء الله ربنا يحقق الأماني الطيب كلها والشكر على السؤال، والحمد لله جميع الاهل والاولاد بخير وصحة جيدة والجيلاني الآن بالخرطوم وخلاص قرب يبقى جد
العزيزة بيان
كل سنة وانت طيبة وان شاء الله السنة الجاية زي ما عايزة وربنا يحقق ليك امانيك. وبالله لو كان عندك اتصال بلأخوات د آمال حسان ود نجوى محمد علي ارجو ان تبليغهم تحياتي الحارة، طبعا الاتنين كانوا من المؤسسين للرابطة والاعضاء النشيطات اضافة الى عزة وماريا ورجاء وفاطمةوامل . ىمال طبعا في مربع 12 وكان اخوها بدر الدين زول لعاب جدا وعلى ما اذكر كان بلعب في سلام 12 ونجوي في نهاية مربع 7 مقابل مربع 12 وكان في نفس الحي ايضا عاطف حسن خريج زراعة كان ايضا من الاعضاء المؤسسين للرابطة، فتحيايت لهم جميعا.
ود جبرالله كل سنة وانت طيب والسنة الجايا كده زي ما عايز
شكرا ليك على المرور والطلة، طبعا الذكرتهم ديل كلهم اولاد حلتنا وكلهم لعبوا في فريق الوحدة لكن بس نسيت واحد منهم ولا عشان مشى السودان اجازة الا وهو علي العجوز، وبالله سلم عليهم كلهم فردا فردا، وبالمناسبة اتصل بي عبد الحليم في العيد ووصيتو يبلغك تحياتي. طبعا اولاد حلتنا كلهم طلعوا مشوا سويسرا وجزء منهم من هناك مشى امريكا، عشان كده هسع عايزين نعمل تاخي بين سويسرا وامتداد الدرجة التالتة
والتحية موصولة للجميع فردا فردا
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اتتني هذه المساهمة من الصديق العزيز عامر تيتاوي عن الرابطة
Quote: ساهمت رابطة الامتداد بدور كبير وطليعى فى رسم الصورة المنسجمة للمنطقة الصغيرة نسبيا من خلال الاندية الرياضية فى جميع مربعات الامتداد ولعلها كانت المعين الرئيسى الذى وحد القلوب وصقل المواهب الرياضية اولا والاجتماعية وربما الثقافية الى حد ما وقد كانت الرابطة بموقعها الذى يتوسط الامتداد بصورة منتقاة ملتقى لكل الاعمار من الاطفال والشباب والشياب اللذين كانت لهم مواقع معلومة ومشهورة يذكرها الناس حتى الان واود الاشارة فى هذا السياق الى معالم من الرابطة لم تذكر فى مساهمات الاخوة ومن بينها دكان صالح الذى كان يمول الفرق والرواد بزجاجات البيبسى والبزيانوس البارد بين الشوطين وكان معظم الشياب يجلسون بالقرب من واجهة الدكان فى ضل العصرية وهم يخوضون تحديات الضمنة وسط القفشات والعبارات المضحكة
لقد جسدت الرابطة نوعا من الحضور الفكرى والثقافى والجوسياسى من وقت مبكر مع نشاة الرابطة مع نهاية الستينات (اعتقد 196 ويبدو ذلك جليا من خلال الاسماء التى اختيرت لفرق الاحياء وهى سلام 4 وسلام 11 ويحمل الاسم مضامين عظيمة تلك التى تتمثل فى قيم السلام ثم هناك ربيع 3 وربيع 12 والبحيرة والنجوم والصحراء وهى اسماء تعبر عن افاق الاحساس بالزمان والمكان وتبحر فى البعد الجغرافى وتشير الى نوع من الانتماء كالصحراء على سبيل المثال اما البراعم فهى تجسد ايضا فكرة الموهبة الصغيرة والاهتمام بالصغار باعتبارهم املا للمستقبل
ثم ياتى بعد ذلك بعدا جديدا يتمثل فى الاسم الذى اختاره بعضا من شباب مربع 4 لفريق الحى ( الردستار ) وهذا الاسم يؤرخ لحقبة من حقب كرة القدم العالمية والتى لمع خلالها فريق الردستار الروسى الذى ربما زار السودان فى وقت من الاوقات وهذا يشير الى الثقافة اللا محدودة لمن اختار الاسم وينسحب الامر ايضا على فريق ( الدينمو ) واعتقد ان المقصود فريق دينامو كييف الشهير الروسى سابقا الاوكرانى حاليا _ اتمنى ان يطل علينا من يكشف النقاب عن الاشخاص اللذين اختاروا هذه الاسماء الابداعية _ واذا انتقلنا الى شرق الامتداد سنجد فريق الوحدة فى مربع 6 ومعانى الوحدة عظيمة ان كانت تعنى وحدة السودان الوطن الواحد او وحدة وادى النيل مستصحبين قضايا العصر الذى اختير فيه اسم الوحدة كما ان مربع 6 يضم شارعا شهيرا هو شارع جوبا فهو اذن جدير بان يدعوا للوحدة ببعديها الوطنى والاقليمى
واذا اتجهنا من اقصى الشرق الى الغرب القصى مربع 7 غرب الظلط كما يطلق عليه فسوف نجد البعد الثورى الوطنى الضارب فى عمق التاريخ ( ثورة 1924 )من خلال اسم فريق الحى ( اللواء الابيض ) وهذا يعطى فكرة واضحة عن الوعى الثورى والوطنى لتسمية فريق لكرة القدم فى رابطة الامتداد وهو بالتالى يمنح صاحب الفكرة عبقرية الزمان والمكان
اخيرا وليس اخرا نتوقف مع فريق الهدف لنقول ان الانسان بدون هدف فى الحياة لامعنى لوجوده وتلك قيمة من اسمى القيم الحياتية
بعافيتكم يااهل الامتداد والسودان جميع وكل عام وانتم بخير وقريبا نلتقى فى محور جديد
عامر تيتاوى مربع 8
|
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الامتداد….. أشياء عالقة في الذاكرة
(1)
الاخوة الامتداديين
تحية وود
الأخوان محمد السر، عز الدين عثمان، راني السماني وفيصل محمد خليل وتحية خاصة للأخ الأستاذ حيدر عبد الرحمن.
(تطارده الذكريات….فيهرب!!!ماذا هو فاعلا إن أمسكت به؟؟؟؟؟؟).
برغم حداثته مقارنة بأحياء الخرطوم القديمة، كحي الزهور والديوم والسجانة..الخ. حيث يرجع تاريخ تأسيسه إلى أواخر العام 1963، وبرغم من أن كل تاريخه لا يتجاوز ال43 عاما،يمتاز هذا الحي العريق بسحر وجاذبية غريبة، ويتمثل هذا السحر وتلك الجاذبية في انه من اصغر أحياء الخرطوم عامة إذ يمكنك التجوال داخله سيرا علي الأقدام، ويمتاز كذلك بتلك الدقة العالية والنظام والتوزيع المنمق للميادين والشوارع والمنازل في تخطيطه الداخلي، والاهم منن كل ذلك تلك العلاقة المثيرة للجدل التي تربط بين أبناءه، وقد يأخذك ذلك السحر وتلك الجاذبية وأنت (حايم) في شوارعه الترابية الواسعة، وميادينه الفسيحة. وربما تكون أسير ذلك السحر والجاذبية وأنت في غربة أو بعيدا عنه كما في حالتنا، واكثر ما يثير دهشتك وحيرتك هو ذلك الانجذاب والترابط العميق بين أبناءه، وذلك الحنين الدافئ الذي يعبق به المكان حين يجلسون ويجترون ذكرياتهم في الامتداد(ذكريات عن الحب والصداقة وطرائق الكرة) والأكثر من كل ذلك، (وهذه ليست علي سبيل المبالغة بل الحقيقة)، هي مقدرتك علي تمييز أبناء الامتداد من بين مختلف السودانيين متي وأين ما التقيت بهم!!وتنطلق العبارات المألوفة (أنت من الامتداد، أو ده ود الامتداد، او ده بنت الامتداد) وما لم أستطيع معرفته، ماهية السمات الواضحة التي قادرة علي تميزنا من بين كل سكان المليون ميل مربع؟؟ هل هي تلك اللغة أو اللكنة الساحرة التي يتحدثون بها؟؟ أم النظرة الثاقبة الساحرة التي تطل من بين أعينهم المتقدة ألفة ومحبة؟؟ ام انه ذلك اللون الجميل الذي غطي بشرتهم جراء (الحوامة) في تلك الشوارع والميادين الترابية ؟؟؟؟ لست ادري!!!!!!!!.
ولما كان الامتداد، ذلك الحي العريق قد بدا في النهوض كأحد أحياء الخرطوم في أواخر 1963…وكنت أنا وبعض أبناء جيلي قد جئنا إلى الوجود في عام 1964،،أتاح لنا هذا شرف أن نكون أول مواليد الامتداد!!!!.
كان مربع 13 من أواخر المربعات الجنوبية للامتداد (وهم من الغرب للشرق مربع 11، مربع 12، مربع 13، ومربع 14) كنا ونحن صغار نقف علي عتبة باب منزلنا المطل علي الجنوب، حيينها لم تكن كل المربعات قد اكتمل بناءها في صورة الامتداد الحالي. كان يساورني شعور بان هذه الأرض المأهولة بالسكان خلفنا والتي تبد من المربعات الشمالية للامتداد مارة بالديوم، حي الزهور والخرطوم 2 ..الخ تلك الأرض تنتهي عند عتبة باب منزلنا الجنوبي، ومن هنا حيث نقف، تبدأ الصحراء القاحلة بامتدادها اللا محدود، علي مدي البصر جنوبا وشرقا، لم يكن حينها للصحافة جنوبا و اركويت شرقا من وجود، فكنا إذا أطلنا النظر ناحية الجنوب، تظهر لنا من علي البعد أشجار (الحزام الأخضر)… كأعشاب صغيرة بارتفاع نصف متر من الأرض، أحيانا كنا نركض مسرعين من داخل المنزل) يوم او يومين في الأسبوع) نخرج علي صوت(صفارة) القطار المتوجه نحو شرق السودان فيلوح لنا من علي البعد بدخانه المتصاعد أمام أشجار (الحزام الأخضر)… صغير كديدان يدب في الأرض دبا…
ولدنا في هذه الصحراء و عشنى فيها سني عمرنا الأولى، وسحرنا بها !!!! من هذه الذكريات الدافئة أتت تسمية فريق الصحراء فكانت الأرض الممتدة المنبسطة شرقا وجنوبا هي ملاعب للفريق …لست ضليعا كأشقائي (الحارث، الهادي وفتحي(ذمبه)) يطراهم الله بالخير في أمور كرة القدم.. غير أنه وفي اغلب ظني إن من رواد ومؤسسي فريق الصحراء الرياضي هم، هاشم طه، كمال خضر ومحمد علي خضر, حسن الرضي..وخالد ملاح طيب الله ثراه
ولنا عودة أخرى/// مع الامتداد……أشياء عالقة في الذاكرة
1/ نبتة (سنه سنه) السحرية
2/ شارع النص بدايته ونهايته كخط لمواصلات الامتداد.
نور الدين عطا لسيد
مربع 13 منزل 169
يناير 2006
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: فيصل محمد خليل)
|
اذيك يا فيصل عساك تكون بالف خير...طبعا انا من 1994 طلعت من السودان في جولة ماكوكية مابين غرب افريقيا ثم ليبيا واخيرا جيت القاهرة في 1998.. وحاليا اعمل مترجم بمفوضية الامم المتحدة لشئون اللاجئين.. واحتمال اغادر القاهرة قريبا الي وطن اخر..طبعا الارض كلها بقت لينا وطن...طبعا في ليبيا لقيت خليل ابو حواء ومصدق قرجاج وهيلمانة من ناس الامتداد ...ولسع عقابهم قاعد في ليبيا
خلينا علي اتصال
سلام
نورالدين
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
احبائنا واصدقائنا الامتداديون والامتداديات
صباحكم خير وحياكم الله اينما كنتم ويسط عليكم نعمته
اليوم قررت انحت العقل شويه واغربل الطرق وانفض بعض الغبار
واعمل ذى اختنا منى خوجلى فى سياحتها بشارع النص والردميه
ورغم اننا من شارع الظلط سوف نمشى فى طرف الشارع عشان العربات
والسواقين دائما يقولوا الشارع حقهم0
انحصر الامتداد فى سابقه من الكليه المهنيه الى محطة7 ثم الى
الشرق حتى الردميه وعوده الى الكليه ، كنا نحن من اخر الناس
استمتعنا برؤيه الافق الخلاب والارض الخضراء ومياه الامطار التى
كانت تغزونا بدون رئفه لكنها كانت ممتعه لنلهوا فى طينها مما
اكسبنا هذا الحب لهذه المنطقه0
ذكر اخونا نورالدين عطا السيد تسمية فريق الصحراء لتلك
المنطقه الشاسعه وبنفس القدر سمية البحيره لنلك المياه المنهمره
فى الخريف وكانت تهب رياح موسميه تترك كميه كبيره من الرمل الذى
لا يصده الحزام الاخضر مما جعل قيزان الرمال ترتفع مع كل اسوار
البيوت المطله جنوبا0
بعد قيام الامتداد وجدت العشره ضالتها بعد ان كانت قريه صغيره
فى ضواحى الخرطوم فانتعشت تجاريا واصبحت ملاذ اهل الامتداد للتسوق
مما اشركها مستقبلا بفريق كرة القدم واصبحت الان جزء من الامتداد0
تجمع اهل المنطقه من كل الخرطوم القديمه القوز، الحله، الرميله
اللاماب، الشجره، الديوم الغربيه، الديوم الشرقيه، الخرطوم3 وغرب،
السجانه، وطبعا كل هذه الاحياء داخلها اسماء صغيره وكان سكانها
من كل بقاع السودان المستاجرين فكانت الامتداد هى ملازهم من المستاجر
فسارعوا لنهضتها ولا ننسى حكومة الرئس عبود التى وفرت كثيرا من
الخدمات ساعدت فى الانتقال ومن تلك الايام تعايش الناس مع الحلم
الجميل وكبرت الاسر وتزاوج اغلبهم فاصبح اليوم قبيله وهذه اكبر
سمه اكتسبها فخلد الامتداد باهله وسمعته0
سنواصل
تحباتــــــــــــى لكـــــــــــم
ســـــــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
شكرا ليك اخي سيد
عادل منذ ان راى هذا البوست وهو لا يكف عن التحدث عن الشخصيات.
المذكورة بكثير من الحنيين والشوق.. ووعد ان يكتب بعض الذكريات..
طبعا انا من عطبرة و
واعرفه باسمه في الشهادة(الاسم الرسمي) .. فكلما امشى معاه مكان
اذا سلم عليه شخص باسم يا عادل اعرف انه من العائلة او الامتداد
بالاسم الاخر من الجامعة او مدرسة المؤتمر..
عشت في الامتداد فترة بسيطة ولكن اشهد ان الجيران مثل الاهل..
اكثر ما لفت نظري فرق الكورة اذ لا يوجد شخص لا يلعب الكورة هناك..
كيشة ما كيشة لازم يكون في فريق..اذ يخيل الى ان هذه الفرق تحقق
رحم يربط الفريق بالتالي اولاد الحي..
قد رحل "كوجكي" الى الكلاكلة ومازال ياتي ليمارس لعب الكرة في الامتداد
وتحياتي للامتداد حلة حلة وشارع شارع
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
ومرحـب ببـان صـرنـا أخـتين بـدل واحـدة ..
كـنت أخـرج الرابعـة عصـرا في 'عـز القيالة'
ارتـدي حـذاء الرياضـة...أمشي بالخطـوة السـريعة ..أعـبر فيـها ذلك الميـدان الواسـع حـيث يـوجـد جهـاز المغتربيـن..أواصـل حـتي أصـل المـركـز الإسـلامي..ثـم أبـدأ نفس المشـوار في الرجـوع وعنـدما أصـل نصـف المسـافـة تبـدأ اخلاق اهلنـا الطـيبة في الظـهـور... اتفضـلي أركـبي نوصـلك...لأ شـكرا أنا قـاصـدة أمشي..يتكـرر الوقـوف ويتكـرر الشـكـر حـتي أصـل لشـارع بيتنا..ثم افقـد أنـا عـدد 2-3 كيلو مـن تكـرار المشـوار..
مشـتاقين..
مـني
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: Muna Khugali)
|
باركوا لى ياجماعة بقيت عضو كامل العضوية وبكتب بواسطتى مع شكرى الجزيل لراكوبة اول من حملنى الى بوست الامتداد الجميل واخى الحبيب ياسر محمد عثمان وللاخ الملهم طارق جبريل مخترع بوست الامتداد الفريد
وينك ياجنى ماقلنا ليك نحن اتلاقينا مرة عند فضل تليس
وتحياتى لعمار عبد الله عبد الرحمن ود الحلة
اما عماد شمت فحسابى معاهو طويل لانو خسرنى تلفونات ياما للامتداد وسالت صلاح ياخى عماد شمت ده منو وفى الاخر تطلع ياهو زاتو .. عمدة السلام امانة لاولاد شوكت ومحمد زروق والدكتور الفاضل جدا يوسف عبد الله ولاسرتك الكريمة ياعماد شمت يا تمساح ابكبلو
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عامر تيتاوى)
|
عامر تيتاوى
الف مرحب بيك , والله الواحد سعيد جدا اول مايفتح البورد يلقاك عضو ومن غير وسيط
مع الشكر لى راكوبة وكل من ساهم فى انك تكون بيننا,
وفى انتظارك تبدع وتضيف لينا الكثير .
جايك تانى بس خلينى ارجع العجلة وجيك .
احمــد خضــر مربع 7
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: ahmed khair)
|
عجلة عنبر يااحمودى ولا شنو طبعا دة بعرفوا عمك الفاضل لانو كان فى الناصية المقابلة لفيديو الواحة احمودى مشيت ليك بهناك لقيتك بجاى لكن برضو لاحقك ولازم ابل الشوق ياحبيب وانت برضك من اسباب اقتحامى للبورد لانك انسان ماساهل ابدا لنلتقى
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عامر تيتاوى)
|
الاخ عامر تيتاوي
تحية من القلب الى القلب
اولا الف مبرول للانضمام لهذا الشات العملاق بل انت اهل له
اريد ان اذكر بالعهد الذهبي للامتداد في الميدان الاخضر الذي صعد به من الثالثة الى الثانية ومن ثم الى مشارف الاولي:
عمي بابكر الجخس مجدي القوز ومحمد احمد جابر(محمدو) والباقر وعماد غزال وخالد اميقو وعصام صالح وجوطات وصالح و شرف و فاروق و علاء الدين الضقل و المعلم بدر الدين حسان والمرحوم خالد رمنيقة والعب ابوعبيدة والتيره وكل اللاعبين في هذا الجيل والاخوة الاداريين جميعا.
مازال الامتداد شجرة تثمر وتعطي دون اخذ وانا افتخر باني من رحم الامتداد
اخوك الاصغر - وليد كرنديس
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: khallo)
|
وليد كرنديس !! احلى مفاجاة
ازيك ياولى احوالك شهر اربعة 2005 سالت عليك فى الامتداد ولم
احظى بلقاك
طبعا المجموعة التى ذكرتها ذكرتنى ايام جميلة عند صعود الامتداد
الى الدرجة الثانية 89 وما احلاها من ايام ياوليد وكمان ذكرتنى ايامنا
ونحن قاب قوسين او ادنى من الصعود الى الدرجة الاولى ونحن نواجه التحرير موسم 90-91
وقد تمكنا من الفوز فى المباراة الاولى من السنتر ليق فى ستاد الخرطوم على التحرير
1- صفر بهدف صالح (عنبة ) على ما اعتقدولم يحتسب الحكم ضربة جزاء واضحة ارتكبت مع
من قبل مدافع التحرير محمد عبد المؤمن
اما مباراة الاياب وقد كانت فى ستاد المريخ فقد كانت البلد كلها ضد الامتداد
وقالوا كيف التحرير العريق يهبط للدرجة الثانية .. المهم المباراة كانت نار
والامتداد كان لاعب كويس لدرجة انو الحكم الشفقان كان بقول للاعبى التحرير موسى عجب
وكدودة هوى ماقادرين تغلبوا الاولاد الضغار ديل وطبعا الكلام ده قالوه لينا اللاعبين
بعد المباراة التى انتهت 2-صفر لصالح التحرير بعد ان تواطات جماعات وجهات كثيرة
ضد الامتداد لكى يبقى التحرير ولكنه تدحرج بعد ذلك ولكى لا يصعد الامتداد
ويسرق حلمه الذى لم يتحقق حتى يومنا هذا
وطبعا ياوليد انت كانت ليك صولات وجولات فى صفوف الامتداد ومهاجم يتميز يالقوة
واللياقة العالية والروح القتالية وكنت اتمنى لك يا وليد ان تتقدم اكثر
وجيلكم برضو ما قصر فى حق نادى الامتداد
وطبعا يا وليد المجموعة التى ذكرتها فى تلك الفترة ليس من بينها ابوعبيدة
العب لانه لم يسجل فى الامتداد الا فى سنة 92 وقد كنت وقتها عضوا فى مجلس الادارة
ولذلك اتذكر تفاصيل تسجيل ابوعبيدة وحميدة ودفع الله ومعاوية الساحر وهيثم بستم
واخرين
شكرا ياوليد وتحياتى لك ولعمك حارس الامتداد العملاق ( الجخس )
مع سلامى لكل ابناء الامتداد ويللا
خلوا الامتداد فوق
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اخوانى واخواتى الامتداديون والامتداديات
صباحكم عسسسسسسسسسسسسل ومنورين البوست
مرحبا اخونا عامر تيتاوى والعضويه هى اقل ما فعله الاخ راكوبه
مشكورا واتحفنا بالذكريات0
منانا وينك قتستى، يعنى كل عيد بتحبى السباحه خارج حوض الامتداد
ولا شنو المهم كل عام وانتى والاموره بخير0
اليوم بانت سعاد اقصد بيان واصبحتوا ثنائى فريد وسط كوم الاولاد
المهم تجتهدوا عشان نقيظ البلابل0
طارق جبريل انت فى صفاقس ولا دخلت عند القبائل شايفك ضايع
اليومين دى ما ليك حس0
تحياتــــــــــــى لكـــــــم بدوووووووووووووون فرز
وعيــــــدكم مــــــبارك
ســـــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
تحياتي ايها الاحبة
عزالدين عثمان وYassir7anna وعطا السيد اسعدتني مداخلاتكم وبشدة فيا ريت ما تنقطعوا وحقيقي الم الغربة لا يخففه الا هذا الشجن الذي تبثونها بيننا لكم مني كل التقدير والمودة..
تيتاوي انت عايز ليك كم طن كدة من الترحيب فمرحبا بك امتدادي اصيل وتحياتك للمغرب وصلت ولو كان عندك غرام هنا برضو بنوصلوا وتخيل شقيقي طلحة بعد 30 سنة اقامة في المغرب غادر الى امريكا مديرا لمكتب جريدة الشرق الاوسط هناك وخلاني هنا صايع براي....
الزول الرائع ابو السيد انا موجود بس حق قفة الخضار مرات بيخليك تغيب مرة مرة.. وبعدين انا لو عايز اسافر صفاقس شنو البمشي ليه بجي الامتداد جري وهسا ان منتظر شهر 8 بفارق الصبر عشان اجي الامتداد واستمتع بي نالسوا واتجدع في الدرابزين بتاعنا واضرب البوش مع الحبان في عتبة الدكان..
يا اخوانا وين راكوبة والفاتح وديدي ديل ناس بطعم الجمال فارجو ان لا تطول غيبتهم عن هذا البوست..
لجميع ابناء هذا الحي الجميل لكم التحايا
طارق جبريل
مربع 3 منزل 126
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اخي طارق
شكرا...ولكم:
خلال رحلة الترحال القاسية المضنية...تكشفت لنا الكثير من الامور..
وازاحت رياح السنين الغبار عن كل ما اعتقدنابه سابقا في الاوطان ،،،الصداقة،،والحب..تعبنا كثيرا..وبكينا ليال بحالها....غير اننا نأينا بأنفسنا ،،وكلما غطي الوحل احدي معتقداتنا ....لجأنا الي ملامحكم الامتدادية الحاضرة دائما في ذاكرتنا ...فنجـــــونــــــأ.....يــــامنقذينــــــــــأ
مع ودي
نورالدين عطا السيد
مربع13 منزل 169
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
سلامات
كانت هناك ظواهر كثيرة تميز الامتداد استحضرتني الآن حكاية الاسر المنتجة مثلا كانت هناك اسرة في مربع 6 وبيتهم فاتح في الفسحة الجنب جمعية مربع 6 هذه الاسرة كانت متخصصة في بيع الفسيخ والعايز فسيخ يكون مدنكل كله بيمشي يشتري منهم وبرضو اسرة ناس ابنعون جنب دكان بشارة كانوا متخصصين في الفسيخ والملوحة واكثر حاجة كانت تثير انتباهي انه قبل عيد الفطر بايام يعني وكت الخبيز والكعك تلقى الناس كلها ماشة لي دكان بشارة لانه كان عنده اجود سمن بتاع الكعك فتلقى الناس كلو واحد شايل بستلتو وماشي على دكان عمنا بشارة ولا ادري ان كانت هذه الظاهرة لا زالت موجودة ام لا برضو في دكان صغير كدة فاتح في ميدان الردستار كان مشهور بانه عنده صعوط يقول يا ليلي..
ايام ليتها تعود
| |
|
|
|
|
|
|
|
|
 Re: امتداد الدرجة الثالثة ذلك الحي المتفرد (Re: طارق جبريل)
|
احبائنا اولادنا امتدادنا
شوقنا كتييييييييييييير وســــــــــلام أكتتتتتتتتتر
صدقونى اصبحت مدمن للنخاع وكل مره افتش الامتداد بين البوستات
مرات احزن لبعده ، واقوم طوالى اجد نفسى مشارك عشان نكون دوما
فوق وطبعا لم انسى مساهماتكم فى هذا وآآمل ان يتواصل الحماس
ونكون فوق0
* ياود جبريل شكرا وكل عام وانت والاسره بخير وبعدين لو الموضوع
قفه الخضار بنرسل ليك السوق المركزى كله عشان تكفى المغاربه
واتمنى ان نتقابل فى اغسطس لانى بكون بهناك قاعد فى محطة7 0
* جنى وينك شايفك بتنطط فى البوستات ادينا معاك روشتة محبه
شويه واسكع بينا فى الامتداد ويابخيل وين تلغونات ودالحاجه
وعادل الساحر0
تحياتـــــــى لكـــــــــم
ســــــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
سلامات ياابو السيد اشكرك كتير على الترحيب وطبعا ياسيد هناك اسماء ذكرتها قبل كده الناس دى عزيزة على جدا ومنهم عوض محمد عمر لاعب الهدف القديم وادارى الامتداد العتيد بلدياتى وهو دائم التواصل معنافى المسطبة قدام بيتنا على شارع الزلط منذ سنوات طويلة وهو صديق عزيز جدا كذلك الاخ فتحى محى الدين وقد عملنا سوياقبل سفره الى هولندا فى مجلس ادارة نادى الامتدادسنة 92 وعلاء الدين خضر وياما قعدنا قدام كافتيريا الهدف على حدود محطة سبعة ايام جميلة ذكرتنا بيها وطبعا لازم اكون ذكرتك (عامر الهدف )
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عامر تيتاوى)
|
طارق جبريل ياملهم بوست الامتداد الفريد طبعا ده كان السبب الرئيسى فى الانضمام للبورد عشان نتبادل الود والمحبة مع كل الامتداديين ونتذكر تلكم الايام الجميلة وبديعة
اخوى طارق شكرا ليك على التحية والمغرب مشتاقين لها بزاف وما سخينا بيها من باليما واللاجار الى الهنا وحسان والتقدم والعكارى وديور الجامع ومن وجدة لى مراكش وده غرامنا الاصلوا ما بنتهى
طبعا ياطارق لو الامور مشت تمام حنتلاقى فى الامتداد فى شهر 8 وفى الحالة دى ما بنخليك للدرابزين براهو
سلام بزاف للناس اللطاف
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عامر تيتاوى)
|
الحبيب عامر تيتاوي
ياريت نوفي عبدالواحد الريس حقو بمناسبة عضويتك لنادي الامتداد
ناس مربع اربع اين هؤلاء
1/ معاوية جعفر الصادق (فلاتي)
2/ محمد عبدالرحمن الفكي (الشاعر) بيتم في شارعكم يا تيتاوي
3/ امام عبدالرحمن الفكي
بالمناسبة عماد شمت عامل لي التباس
عماد عثمان عويس هو عماد شمت
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
امتدادنا والحلوين صباحكم جميل
والتحايا من جووووووووووووه فيكم قليل
عزيزنا تيتاوى شكرا ليك وطبعا عوض محمد عمر وانا كلنا
امنا سكينه ونحن اثنين فى واحد وطبعا عوض اتعلم القعده
معاكم بعد اغترابنا واتذكر فى احد اجازاتى عاتبته شديد
عشان اخوانى قالوا ما شافوه من يومين وجيتكم عديل بس
ما قاصد شر ومشينا وما خليت ليه امات طه كيف ونحنا ما
موجودين ما يمر يوميين، واخونا فتحى محى الدين راسلنى
قبل العيد ورديت ليه الاميل، اما الاخ الدكتور عامر كان
متواجد فى الخرطوم لوفاة بنته الصغيره رحمها الله فى نهايه
شهر8 وعلى ما اعتقد قرر التواجد نهائيا لوفاة زوجته ايضا
فى السنه القبلها، وفى نفس شهر 8 توفى اخوهم فيصل بليبيا
رحمهم الله0
طبعا تقابلنا فى الليله ديك ومنها، لكن العشم اللقاء فى
اغسطس مع موعد طارق ونقوم نعمل بوست حى وياحبذا لواجتمعوا
البورداب الاخرين، وبالمناسبه فى حلتكم اولاد عمى ناس محمد حسين
ومعانا فى الرياض اخونا عبد الحليم وكان صديق الدراسه صلاح محمد
الوقيع واخوه عماد من اعز اصدقائى بس فرقتنا الايام وايضا
لهم قرابه بالاخ عوض عمر0
تحياتى كتييير للاصدقاء والصديقات وانشاء الله ما نكون ضايقناهم
بالونسه الجانبيه دى وبينا تواصل 0
الشوق بحوووووووووووووووووووووووووووووور
ســـــــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
عمار .. تحياتى
لم تقل الا الحق عبد الواحد الريس علم على راسه نار قدم للامتداد ممثلا فى النادى ما لا يقدمه اى انسان اخر من ابناء الامتداد وهو رجل يستحق منا اكثر من الكلمات وقد كرمه الامتداديون على طريقة الكورة وجعلوه ( الريس ) مدى الحياة ولم ينال هذا اللقب كل من جاء بعده فى رئاسة النادى
وقد تشرفت بالعمل معه فى اواخر ايام رئاسته للنادى سنة 1992 ولمست منه التفانى والاخلاص وحب الناس وسعة الصدر رغم اعتلال صحته فى ذلك الوقت
عبد الواحد الريس معلم ياعمار ومن حقه علينا ان نمنحه المكانة التى يستحق ولو بالكلمات وهى اضعف الايمان
وللذين لا يعرفون الريس فهو يسكن فى مربع 4 الشارع قبل الاخير من مربع 8 باتجاه المستشفى الاكاديمى حاليا ميدان الردستار سابقا جدا حيث كان كشك ابو شنب يقف معلما بجوار الخور الصغير وعلى مقربة من الجامع بمحاذاة سوق الجوهرة
سيد محمد احمد سيدنا
عوض حبيبنا وحبيبك لو جا ولاما جا لانو زول حبوب وراجل من طراز فريد
اما صلاح الوقيع واخوه عماد فهما فى الدوحة منذ زمن
وود عمك وحلتنا محمد حسين هو واخوه خالد عشرة عمر
ياشباب اعزرونى على الونسة الجانبية لزوم فتح الخانات
وطبعا كلو فى الامتداد وناسو
دايما ابقوا فوق
عامر تيتاوى
مربع 8 منزل رقم 1
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اصدقائنا الحلوين صباحكم خييييييييييييييير
تحياتى لكم وربنا يحقق امانيكـــــــــــــــم
طبعا متابعين الناس وراكم جارين وبعد الكلاكله
وصلوا مدنى والان هم فى كسلا يعنى بعد شويــــه
بنسمع بوست اممى المهم اشحذو الهمم لانكــــم
الخير والبركه واشواقكم حركت مشاعر الاخرين وربنــا
يديم عليكم العافيه رفعتوا الرأس 0
تحياتــــــــى واشواقـــــــــى
ســـــــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
ابو السيد كيفنك
السوق المركزي بنجي نمشيه سوى في شهر 8 ان شاء الله وامدنا بالعمر وانا ناوي السنة دي انزل وربك يهون القواسي..
تيتاوي تحياتي
المغرب بلد لا تملك الا ان تحبه انا اتيت اليه زائرا فاذا المقام يمتد بي 16 سنة وزي ما قلت ليك شقيقي طلحة مشى وخلاهو وانا لسا لاصق فيه..
موعدنا شهر 8 ان شاء الله وحا اجي اركلس معاكم في المسطبة ونتونس كل الونسات الدقاقة والكبيرة..
على فكرة في صحفي اسمه خليفة حسن بلة من جريدة الصحافة كان جاء هنا المغرب ومعه المخرج التلفزيوني الظريف خلف الله شكر الله وقضوا معنا ايام جميلة جدا طبعا انا في المغرب شغال في التصميم الغرافيكي والجرائد والمجلات دي من صميم تخصصي وكانت عندي فكرة لاعادة تصميم الجرائد السودانية لكن ما لقيت تشجيع وقابلت العديد من مدراء الصحف في اجازة سابقة لكن وجدتهم غير متحمسين للموضوع باستثناء د. محجوب هارون بتاع الصحافي الدولي وحقيقي مقارنة مع الدول الاخرى التصميم عندنا ضعيف جدا.. وانا كنت اديت خليفة دا نسخ من جريدتنا ممكن لو بتعرفه تشوفها..
على فكرة حتى احاديثكم الجانبية ممتعة ونحن يا سيدي مستمتعين بيها.. واصلوا.
الامتداديون الرائعون
انتم عصب هذه الحياة
حفظكم الله
ولي فوووووووووووق
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الامتداديون الرائعون
تحية وسلاماً وكل عام وانتم بخير
والترحاب يمتد ليشمل الفارس الجديد بيننا الزميل عامر تيتاوي، والذي احسبه إضافة نوعية لهذا المنبر العامر، وأهديكم بعض اللقطات، وإنشاء الله نضيف صور أخرى تباعاً كلما سنحت الفرصة.
محطة سبعة
مغلق العم عباس
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: Rakoba)
|
محمد السر ..بالفانلة البيضاء بالخط الازرق
شعار هلالنا العظيم
ورغم ذلك مازال طارق جبريل يسأل من هو
محمد السر
وهل يخفى القمر فى سماهو
كدى ركز شوية فى الصورة ستجد محمد السر
يتوسط عقد فريق الدينمو
وبالمناسبة الزول الظريف الصينى
اليس هو لاعب فريق النجوم فى عهده الذهبى
مزاملا للمبدعين مجدى..وعادل شاويش
والتحية عبركم لشقيقه صديقى الفراعى
شاهر..وهو من اظرف الشخصيات بالامتداد
ولا يفوتنى ان اذكركم بقريبى
مخرج مسرحية بيت بت المنى بت مساعد
المخرج عماد الدين ابراهيم
وهو من سكان الامتداد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: Rakoba)
|
راكوبة العزيز
زيدنا من انفراداتك الرائعة تحياتى لك ووجودى بينكم شرف لى ويمنحنى متعة التواصل مع الاحباء
طارق جبريل
تخصص مثير للاهتمام ومشكلة الصحافة السودانية الحقيقية فى جوانبها الشكلية تكمن فى نوعية
الورق والطباعة
ومن الاخبار التى سمعتها مؤخرا ان هناك مؤسسات صحافية كبيرة ستظهر الى النور خلال الفترة المقبلة
ووقتها وهذا ليس ببعيد ستجد من يهتم بمثل هذه التخصصات الحديثة فى الاخراج الصحفى والادارة الفنية
بشكل عام لذلك لا تنسى وانت راجع السودان تحمل معك تفاصيل هذه المشاريع الطموحة
بالمناسبة ياطارق هناك صحفيين مغاربة عزوز شخمان ورشيد ساسى لو بتعرفم سلم عليهم
ياعبد المنعم
بالمناسبة الصينى القاصدو انت دة من الجيل الثالث بالنسبة للصينى الكبير
سيد الاسم فمن تقصده هو ياسر حسن خليل اخو شاهر فى مربع 8 اما الصينى المقصود فهو عبد
الحميد الصينى عمدة مربع 7 وفريق اللواء الابيض
وللمعلومية هناك اكثر من صينى فى الامتداد فبالاضافة الى صيني 7و8 هناك صينى اخر فى مربع 1
واسمه حسن الصينى كان دائما يمتطى موتره الفيسبا فى كل نواحى الامتداد وهناك صينى رابع فى
مربع 12 اعتقداسمه مزمل او مدثر وربما هما الاثنين معا لانهما اشقاء ولاادرى ربما هناك المزيد من
الصينيين فى الامتداد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الاخ عبد المنعم سلامات
صدق انا يا دوب ركزت في الصورة وعرفت محمد السر يبدو انه الواحد خرف فعلا زي ما بيقول محمد السر ذاته..
وبعدين عماد ابراهيم دا جارنا طوالي بي ضهرنا وهو اكبر مننا شوية لكن اخوه عطا المنان الدفعة الورانا في بشير..
عزيزنا تيتاوي
تحياتك وصلت لرشيد الساسي وهو الآن مسؤول القسم الرياضي في جريدة الصحراء المغربية شبه الرسمية اما عزوز شخمان فهو في القسم الرياضي في الاذاعة المغربية..
بخصوص الاخراج الفني دة تخصص اصبح مهم جدا في الاعلام خصوصا هنا في المغرب حتى اللازمة تقول (ابحث عن رئيس تحرير ومدير فني ثم فكر في المقاولة الاعلامية) نتمنى انه الجانب دا يتطور في السودان عشان نرجع وما تتخيل الجانب دا في المغرب اصبح مهم بشكل غير عادي ياخي انا خليت البيطرة عشانو وعموما انا لا زلت محتفظ بالمشاريع وان شاء الله حا اجيبها معاي..
محمد السر يا قطيم انا يا دوب الخرف فكا مني ياخي ايام الامتداد 3 المتوسطة ما بتنتهي خالص والله زمن.. مسؤول من الخير وين نادر عوض بلال..
راكوبة.. ياخي انت مبدع حقيقي واصلو (الراكوبة) هي ضل الغلابة وانت بي ابداعاتك دي بتضلل علينا في غربة يعلم الله حا تنتهي متين.. فكن جميلا كما عهدناك..
ابو السيد وييييييييييينك اصحى يا بريش
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
عمار
معاوية فلاتى لاعب الردستار الفنان ونادى الامتداد موجود حاليا فى مدينة الرياض بالسعودية
اما محمد الفكى فلم اره منذ مدة طويلة وبالنسبة لاخيه امام فهو كما اعتقد منذ فترة طويلة فى فرنسا
سيدنا
تحياتى الحارة لعبد الحليم ابوخالد بالرياض وهو من حراس المرمى المميزين فى رابطة الامتداد
وكان يحرس مرمى فريق الردستار لسنوات طويلة وهذه المعلومات حاشية فقط
حتى نبعد شبهة الونسة الثنائية لاننا نريد الكل ومساهماتهم الرائعة
ونقول امتدادنا فوق يلا خلوه فوق
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
في ظل التواصل المستمر مع جميع الاحباب خصوصا ناس الصحافات وصلتني رسالة من الاخ عمر عبد السلام الصحافي بالشرق الاوسط فيها الكثير من الشجن عن ذكرياته ما بين الصحافة والامتداد وهو على فكرة شقيق الصحافية نجاة عبد السلام.. اترككم مع رسالته..
Quote: · الصحافة شرق .. جارة الامتداد..وفريق العزيمة (2 من 2)
الصديق العزيز / طارق جبريل ( أبور يم )
لاشك ان موضوع امتداد الدرجة الثالثة ، والردود حوله من ساكني الحي ومحبيه ، عادت بنا نحن سكان حي الصحافة شرق إلى اجترار ذكريات جميلة مضت و مازالت راسخة رغم مضي سنوات طويلة ، خاصة نحن سكان مربع 40 جيران الامتداد من الناحية الشرقية ، فلم نكن نمر مرور الكرام في طريقنا من قلب العاصمة ، بل كان لنا في الامتداد محطات استراحة من حين لآخر نقضيها مع رفاق المدرسة والأقرباء ، وبالتأكيد في (محطة 7) وشرب الشاي باللبن والباسطة الساخنة وصحن فول في الأكشاك بعد عودة من سينما الخرطوم غرب ليلا منتشين بأفلامها الرائعة .
العزيز / طارق ، اسمح لي بالوقوف عند واحدة من المحطات الجميلة في شريط ذكرياتنا عن الصحافة شرق ، وتحديدا في حي مربع 40 الذي استقرينا في رحابه منذ مطلع السبعينات ، والتقت فيه نحن فتية الحي أحلامنا فأنشأنا فريق ( العزيمة ) لكرة القدم كأول فريق عرفته المنطقة ، فكان سباقا للفرق الأخرى ، واستطاع خلال سنوات قليلة ان يصل صيته إلى خارج حي الصحافة ، وتحول فتيته إلي نجوم ساطعة في فرق الدرجة الأولى والثانية والليق نذكر منهم : التاج محجوب ( الهلال ) حمودة ( النيل ) إبراهيم محجوب ( الزومة ) وغيرهم ، ولا ننسى أن بفضل هذا التيم الرائع ، امتدت علاقاتنا إلى أبناء الأحياء الأخرى في العاصمة ، وكان أول فريق في المنطقة يطبق نظام ما يشبه بجلب ( المحترفين ) من الفرق الأخرى وكسر قاعدة الولاء لفريق الحي والحارة فكان الفريق يضم لاعبين من الامتداد الدرجة الثالثة والديوم الشرقية وجبرة والعشرة وغيرها .
اعتبر ان أهم حدث عرفه فريق ( العزيمة ) ، عندما أعلن الرئيس الأسبق جعفر نميري في واحدة من قراراته ( الهوجاء ) في منتصف السبعينات ، حين حل كافة فرق كرة القدم في السودان ،و أعلن ما اسماه ب ( الرياضة الجماهيرية ) وكان هذا القرار ( الأحمق ) سببا مباشرا في أن كرة القدم في السودان مازالت حتى يومنا هذا تترنح وتخبط خبط عشواء محليا وإقليميا، والمفارقة ان هذا القرار ( الفلته ) كانت له فائدة عظيمة على فريق ( العزيمة ) وقتها ، فقد عاد عدد كبير من نجوم أبناء الحي في فرق الدرجة الأولى وغيرها إلى صفوف الفريق وكانوا نجوما ساطعة في سماء الكرة السودانية ، وهذا جعل ( العزيمة ) قوة ضاربة في المنطقة كلها ، مما جعل ( الأمم ) من الأحياء الأخرى تتكالب عليه ، وكان الانتصار على ( العزيمة ) وقتها يعد حدثا مدويا تتحدث عنه حتى ( ربات البيوت ) في جلسات قهوة الضحى ، ويثير الغمزات والهمسات بين الحسان في حفلات العرس .
وهكذا تركنا حال فريق العزيمة يصول ويجول في منطقة الصحافة شرق ، إلى أن غادرنا الوطن الحبيب للدراسة الجامعية في أواخر السبعينات ، ومطلع الثمانينات كل إلى ديار غربة تحولت فيما بعد من مؤقتة للدراسة إلي مشروع طويل الأمد بالمغرب الجميل ، فيه زواج وعمل وأبناء ، وكانت ( الرباط ) قدرنا ، ومازلنا نعيش معا ( ياابوريم ) في قدرنا المكتوب . ونرجو من العلي القدير أن يرد غربتنا ، ونعود وكل المغتربين من أبناء الصحافة وامتداد الدرجة الثالثة وبقية مناطق السودان إلى الوطن العزيز......... ولكم محبتي
أخوكم : عمر عبد السلام – الرباط
|
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
عمنا نور الدين بحالو هنا؟
سلامات عوافي
.
.
عزرا اذا كان حالي لا يسر
وعزرا كثيرا لعدم،الاتصال في الفترة السابقة..
وللسحاب احزانو. عندما يبكي مطـــر..
.
.
سعيد كتير بحضورك
وسلام كتير لهاله
والي لقياء.
مع فائق اشواقي وكل ما تيسر من موده..
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الحلوين والحلوات اولاد الامتداد
ايامكم كلها طيبات وباقات فرح حلوات وزهور من كل الجهات
كلما تسبحوا فى الزكريات يجرفنا الحنين وتمتلكنا الاهات
والزمن المن عمرنا فات 0
رانى المبدع نورت البوست بالزهور وخليتنا فى احسن الحالات
لك التحيه والشكر0
عمر عبد السلام تحيات لك وكل اهل مربع 40 ولاعبى العزيمه
ولنا صداقاتك كثيره مع ناس الصحافه عموم (الدراسه المواصلات
مناطق السكن قبل الامتداد والصحافه) غير انكم رسميا وعلى
اوراق الحكومه الدرجه الثالثه 0
اها بديك من الشعر بيت حوله تسميتكم الصحافه
اولا كان يطلق عليها فى التوزيع سحب قرعة تاس معليش
والتسميه سببها انو فى سحب قرعة الامتداد كان يوجد ورق فاضى
واى واحد تقع ليهو الورقه الفاضيه ناس اللجنه يقولوا معليش0
ثانيا الصحافه كانت من ابتكار الصحفى احمد محمد الحسن
حسب ما اذكر، كانوا ناس جريدة الصحافه يبحثوا عن الشهره مع
منافسه شديده من جريدة الايام وكل يوم الساعه3 ظهرا يطلبوا
من الناس بعد زيارة اراضيهم يرجعوا لمحطة 7 ويعملوها ندوه
للمطالبه بالخدمات وان جريدة الصحافه سوف تنشر ارائهم وانهم
يملكون كافراد قطع فى المنطقه وبعد كم يوم هاك يافطه كبيره
واذكر مكتوبه بالون الاحمر ( الصحافه) واصبحت الجريده تكتب
للمسؤلين وفى نفس الوقت تحث الناس بالبناء والتعمير لان بدونها
لن يلتفت احد للمنطقه ومن كثرت ما كان الناس محتاجين لبيوت
اوسع وملك حر كانت نظرات الاعجاب للجريده ووقوفها معهم وسرى
الاسم لليوم، لكن الاصل الامتداد ولاحظ النهايه مربع14 والبدايه15
حتى42 ثم من لم ينل فى الخطه كان مع 43 فى اركويت0
يعنى امتدايون اصلا اخذتم جنسية الصحافه بالمواطنه هههههههه0
مرحب مره اخرى ولاعبيكم ابراهيم محجوب والتاج لعبوا مع البحيره
قبل العزيمه والهلال لانهم اصدقائنا من القوز0
اشهر اصدقائنا فى رابطتكم فتاح كمون بدون منازع
مره شات الكوره بدون هويه ابوه قام يصارخ من الخط قال للحكم
اديه كرت0
الامتداديون سرحنا مش كده كده نرجع ونلوم الاحباب بتنا منى وينك
ولا السنه دى كبيسه انقطعتى كتير وحتى سندك بيان ضاعت من كم يوم
والله مشاركاتكم فيها نكهه وتدينا عزيمه وما عندنا غيركم0
راكوبه ربنا يعطيك العافيه والصور معبره وشفنا شمس الامتداد
وجلوس الظلله وعشنا معاها بشقف0
جنى وفقاد والعقد الطويل اخوانا قلن ليكم الناس وصلت كسلا واليوم
ظهروا فى دارفور خلونا فوق كما عهدناكم،معليش طارق نشحذ الهمم
معاك شويه وانا منتظرك فى محطه 7 وطبعا محطه 7 ولا لبنان0[/B]
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
Quote:
رانى المبدع نورت البوست بالزهور وخليتنا فى احسن الحالات
لك التحيه والشكر0
|
سلامات كتر اخونا سيد محمد احمد سيدنا
البوست منور بوجودكـم
وبوجود كل امتدادى، بحالاً زين..
من هناك ابتدينا..
وهنا لنواصل.. ونحب مش الدنيا لا زالت بـخير؟
.
.
لكم حبي وورده صباح وفنجان قهوة مدنكـل..
.
.
راني السماني
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
رانى العزيز
عازمك شاى مع لقيمات فى بلاج محطه 7 البيت مقابل
طوارئ الكهرباء فى شهر8 ولك اختيار اليوم
الدعوه تكون مفتوحه لكل الموجودين فى الاجازه من
ابناء وبنات الامتداد المشاركين فى البوست بالاضافه
للذين نورونا وزاروا الدار0
تحياتــــــــى للجميــــع
ســــــــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
وسط سوق الجوهرة كانت جلسات الاحتفال بالفوز فى مباريات الرابطة ووسط كاسات الحليب الابيض النقى كانت تدور معارك الكلام اللذيذ والتحديات للقاءات المقبلة كانت الروح الطيبة والرياضية هى التى تحكم النقاشات ولم يكن هناك خروجا من النص لان الاحترام والاخوة هى الاساس وليس مباريات كرة القدم
كان معروفا ان بعض المباريات تحمل فى طياتها تحديا مختلفا وخاصة بين الجيران فى المربعات يعنى مواجهات سلام 4 والردستار من جهة والنجوم من جهة اخرى كان لها طعم خاص مثلما الحال بين الوحدة والمعلمين مثلا او سلام 11 واللواء الابيض وطبعا حسب الازمنة وقوة الفريق
واذكر ان لاعبى فريق النجوم والردستار كانت تدور بينهم قبل المباراة مساجلات جميلة وظريفة فالكل يعيش فى منطقة واحدة ولا مفر من اللقاء والتحدث عن التحدى القادم وبين هذا وذاك حدثت الكثير من الطرائف والمفارقات سوف نعرض لها لاحقالدواعى عدم الاطالة
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عامر تيتاوى)
|
Quote: رانى العزيز
عازمك شاى مع لقيمات فى بلاج محطه 7 البيت مقابل
طوارئ الكهرباء فى شهر8 ولك اختيار اليوم
|
سلام الاخ سيد
شكرا كتير علي الدعوه
اتمني انو نتقابل
وساعي جدا ان اكون في السودان خلال الشهور القادمه
منتظر استلام الجواز الكندي بس..
متوقعو يكون في خلال الشهر دا..
لكن غالبا لو مشيت ما حيكون قبل شهر سبعة لانو اسي شغال دراسة..
يلا سلام والي ان نلتقي
مع فائق الشكر
راني السماني
مربع 13
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
رانـى
امنياتى ومبروك مقدما الجواز ودا قعدتوا خاصه
والزمن بينا فى الاجازه ما بعيد 7و8 ونحن بنختار الوقت دا
لانو الزمن المناسب لكل المغتربين الاجازتهم شهر بس ، عشان
لازم يرجعوا مع فتح المدارس فى 9 فى البلاد العربيه المهم
منتظرين قدام الشاميه على كرنيش الظلط0
تحياتــــــــى
ســــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اخوانـــى اولاد امى وابوى الامتداديون والامتداديات
كده ننزل محطة7 شويه ونعيش مع ناسها الغلابه والاغنياء
لان المنطقه ليها حق فى نفس كل امتدادى0
بدايتها للحقيقه والتاريخ تجمعات ناس الصحافه فى البدايات
لانها مكان نزولهم وركوبهم ايام المواصلات لمحطة 9،7ثم عوده الــى
شارع النص ثم الخرطوم (المواصلات بالظلط او النص وبالعكس) وبدأت
الخدمات للعابرين واصبحت بعد زمن وجيز مركز تجمع شبابى كبير0
انس الناس الشاى على كيف كيفك مع ملحقاته ثم تجمع العشاء
والحلاويات والعصائر يعنى منها والنوم0 فى ذاك الزمان لا تبحث عن
الاصدقاء فهم موجودون فى المجمع ثم تتطور العلاقات مع اخرين يعنى
صاحب صحبك صاحبك ومنها كان يعرف الجميع بعضهم لان المدارس برضها
كانت تساهم غير اماكن السكن الاولى0
امتازت المنطقه بالشباب الرياضى كغالبيه وتسمع نقاش الكوره
فى كل كورنر خصوصا هلال مريخ واذكر بعض الاخوان من الصم ونقاش
الاشاره الجميل ووصف اللاعبين وحماس المشاركين فى توتوكوره وكان
هناك جو اخوى صافى وتنام المنطقه وكانها لم تحمل على ارضها ذاك
العدد لكنها تصوا باكرا لترتيب الاوضاع للذين لايحبون ازعاج زوجاتهم
بشاى الصباح وعند البعض اصبح ادمان( اصدقاء وكيف وانس وعشاء)
بدون تعب المشاوير وازعاج الاسر فى البيوت0
نحنا الطلبه كان لنا طقس اخر اضافى وهو بص الزهره ودا مافى
احد يركب غير الطلبه لللحاق بمواعيد الطابور بعدم الوقوف فى
المحطات يعنى ترانزيت والمفارقه والعجيب فيها كانت شلة بنات واولاد
واغلبهم اخوان والماعندو او عندها فالجميع اخوان غير التعاضض
مع بعض والكمسارى غالبا لا يمر على البص اكمله ومرات يدفع ولد او
بنت قدام للجميع وعشان ما تستغربوا البص كان قرش للطلبه ثم تواصل
اغلبنا بعد الدراسه بالتزاوج من احد اطراف الاسره بالاخرى عشان
كده وصفت الامتداد سابقا بالقبيله0
اخوتى هذا قليل مما كان ولنا عوده من زاويه اخرى
للامتداد ولكم تحياتــــــــــى0
ســـــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اخوانا اهلنا الحلوين سحروكم خلاص يومين ما سمعنا حس ولاخبر بالله اتحركوا
خلو الدم يسرى فى الشراين الامتداديه0
طارق زمان لمن قلنا ورونا الجكس النظيف خفتوا من الحكومه واليوم انا
زاتى عندى حكومه لكن اطلعتها على كل الحبوكانات لزوم الفزع وتمسك قوى فى الخشب
وما يكون فى هزه فى اركان الدار ومرات يمكن الواحد يحلم ويتكلم مع قدر فات0
فى بص الزهره دا بالذات كنا اخوة اخوات نحميهم فى كل الملمات رغم لازم ننشن
لقدام وطبعا الحلوين اتزوجوا ونحنا لسه طلبه وكما تعرف البنت تشوفها اليوم تغبى
ليك بعد ثلاثه سنه دا لو ما لقيتا واحد فى الكتف والتانى جاراهو وراء0
تحياتـــــــــــــى ياعسسسسسسسسسسسسسسسسسسسسسسل
ســــــــــــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
العزيز ابو السيد
والله قصة الحكومة دي كتلتني من الضحك
تعرف زمان نحن لمن كنا بنقرأ في الخرطوم الجديدة الثانوية كنا مسمين حديقة القرشي حديقة الحب والوداد وطبعا الناس كلها كانت بتركب المواصلات من جنبها خصوصا ناس الديم والامتداد والصحافة وكانت الحسان ما يدنك الدرب لانه الحتة دي كانت ملتقى لمدارس كتيرة خلاص..
الله يدي حكومتك الصحة باين عليها شايفا شغلها كويس..
ودمت ايها الوديع..
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
ياطارق حبيبى
والله رغم المعرفه من خلال البوست لكن فتحت لينا نوافذ كتيره ودخلت من كل الابواب
وموضوع الحكومات دا لتغير النمط شويه وتحريك المشاعروالنهايه برضوا فى الامتداد0
طبعا من تعليقك انت من الدفع الورانا لاننا نحنا اذا كان السواق عندو مزاج بصبح
بزهور حديقة القرشى ولو كنا نحن فارضين عليه الزهره يكون محنبك وينزلنا بعيد لكن
دى كانت فرصه احسن للونسه مع طول المشوار للمدارس الا اذا كنا متاخرين0
ياطارق دى برضها اظن فرصه للتحليق بالامتداد من زوايا مشاعريه 0
تحياتـى ياغالى ولكل المشاركين وبرضوا عشمنا شحذ الهمم وانتو شايفين
انكم حركتوا مشاعر الاخرين 000 لكم مودتــــــــــى والســـــلام0
اخوكـم/ سيد محمد احمد سيدنا
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
العزيز ابو السيد
انت مالك عايز تكبر نفسك..
الامتداد دا كانت فيه ريدات كتيرة خلاص انا في البيت كان عندي اتنين من اخواني راقدين خل والحمد لله واحد فيهم اتزوج زولته وهسع بنتو اتزوجت..
الامتداد يدفعك دفعا لطرق جميع مكامن الاحساس الدفينة..
ودمت ايها العزيز..
ولي فوووووووووووووق
طارق جبريل
مربع 3 منزل 126
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
طارق جبريل
شوقى وتحياتـــــــى لك والاسره
الظاهر اولادنا وبناتنا محتاجين ماسنجرات عشان انقطعوا اكثر من الازم ونحنا
ماعاوزين التواصل ينقطع بالله شوف اى طريقه وانا متعهد رفع البوست قدر ما اقدر
واظن اصابتهم عين!!!!!!!!!!!!!!!!!0
تحياتـــــــــــــــــــــــــــــــــــــــــــــى
ٍســــــــــــــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
Dear Tariq Gibreel,
Thank you for this post ablut al imtidad aldaraga al thaltha. We moved there since I were in high school and have been there since. We were also 'neighbours' to alimtidad when we lived in 'alkulliyah al mahaniyah' until I was 6 years old. The best thing about imtidad aldaraga althaltha is that the neighbours are kind and warm. Some of our neighbours have become more than relatives .
Thank you bayan for bringing in my name! My old colleague Yassir Hanna remembered everybody since his days in kindergarten and totally forgot about me although I was an active member of the Imtidad students' association.
best to all
nada mustafa
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: nada ali)
|
سلام حار لناس الامتداد...كنت بالسودان وكلمنى الآخ الفاتح وديدى بالبوست الجميل ده لكن لم استطيع المشاركه لضيق الوقت الذى لم يتوفر بعدواكتب الآن بس تسجيل حضور لحد ما يجى الفرج فيصل محمد خليل والنور عطا اولاد حلتنا مع فارق العمر نحن شويه عجايز كده طبعا مربع 14 صحراوى بيتنا فاتح على الصحافه وساكنين فى الامتداد من 64 وجايين من ديم القناودفعتى المرحوم حسن عثمان وعوض دمباوى (فوكس) وعمر عثمان البعيو واحمد ادم نور الدين وخلف الله الزبير بخيت والمرحوم احمد صالح جابر (ابو عبيده) طبعاُ المذكورين من مربعات مختلفه.....علمت فى اجازتى ان الاخ محمد بشير راكوبه قد توفى اسأل الله ان يتغمده بواسع رحمته ...الحكاوى كتيره وبجى صادى .....انور عبد الرحمن الشيخ...مربع 14 ...منزل 137
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: البعيو)
|
احبتي بالامتداد العظيم
تحيه واحترام
لقد ملء قلبي الحزن لفراق هذه البقعه الحبيبه...وحين مروري بهذا البوست زاد شوقي وحنيني لهذه الارض الجميله بأهلها الطيبين .. لم امكث كثيرا في هذه الواحه الظليله..(المصطبه)
ولكن حتما سأعود اليكم وكلي حنين وشوق ياتيتاوي وياسر وعمر عبدالرحمن والحبيب
احمد خضر...عصام جبرالله تعبت معاي يا حاقد ...
وشكرا اخ طارق جبريل متعك الله بالعافيه
لا يفوتني ان اترحم علي كل الاحباب الذين فقدناهم وأسال الله ان يتقبلهم قبولا حسنا ويجعل الجنة مثواهم
الي ان اعود اترككم في رعاية الله وحفظه
عماد عويس
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: البعيو)
|
اذيك يا انور عبدالرحمن... والله زمان..وكيف احوالك عساك تكون بالف خير وعافية..طبعا عوض دمباوي مرة علينا هنا في القاهرة السنة الفاتت وهو في طريقه للولايات المتحدة وكانت معاهو زوجته وقضينا ايام جميلة. وين انت هسع ده ..قاعد ترجع الامتداد اجازات ولا ذينا كده انقطعت منها؟؟؟؟؟ المهم البركة في اللمة..والشكر الخالص للاخ طارق جبريل علي هذه الفلته..
سلام
نورالدين عطا السيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
العزيز ندى بت رابطتنا
قلت لي
Quote:
My old colleague Yassir Hanna remembered everybody since his days in kindergarten
|
اتذكرت الناس من زمن الروضة(قولي ما شاء الله ) ونسيتك انت، معقولة بس، ما ناسيك والله لكن قلت ما اختك مع الناس القدام ديل في الرابطة يقوم عصام جبرالله يشمت فيك
لكن طال ما جبتي السيرة النقوم نفتو
بذكر اول يوم جاتنا ندى في الرابطة على ما اذكر كان لما بدينا الدورة الصيفية في مدرسة مربع 8 الابتدائية، ولي شلاقتها جات لقت ابو قريش ماسك التسجيل فقامت قالت سلمت عليه وقالت لي عايز اسجل معاكم؟ قام قال ليها في سنة كم؟
طبعاافتكرها جاي تسجل ليها في كورس مش جاي تدرس هي زاتها
لكن في النهاية بقت من انشط الاعضاء
لك العتبى حتى ترضي
العزيز عماد
وين الحي بيك؟؟
تحياتي لجميع الشابا معاك بهناك
وحتى نلتقي
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: Yassir7anna)
|
شباب الامتداد ان شاء الله دايما طيبين وبخير ليكم الاشواق والمحبة
عماد شمت ياخى خلعتنا كلامك ده شنو ياخى ما عاوزينك تغيب وياريت لو تواصل
مداخلاتك الجميلة جمال اخلاقك ونحن مشتاقين كتير
ياعمدة .. قرب تعال ما تبتعد
اخوناالعزيز ياسر ماطلعتك من غتستك الا الاخت ندى ورغم ذلك انت قمت بشماراتك المحببة
طارق جبريل بصفتك الاب الشرعى لهذا البوست الرائع تحياتى لك وكى داير فى موركو
اطهلا فى راساتك وخلك ترانكيل
الاخوة الامتداديون
خلو الامتداد فوق
| |
|
|
|
|
|
|
|
|
 Re: امتداد الدرجة الثالثة ذلك الحي المتفرد (Re: طارق جبريل)
|
الاخ العزيز ياسر حنا،
يعنى انا قلت معليش يمكن تكون نسيت تكتب اسمى رغم الذاكرة الحديدية (ما شاء الله) طلعت الحكاية "حقارة" عديل كدة ، و الدليل على ذلك ايرادك لقصة التسجيل. عارف اغلب ناس الرابطة كانوا مسمينّى "ندى البرلومة" لحدّ ما قربت اتخرج. و انت كدة يادوب اديت عصام جبر الله فرصة يشمت فينى، خاصة انه قبل كدة هدد بانه حايكتب عن حكاية الشرابات و الضفائر، الخ  ! عالم مفترية.
لكن فعلا كانت ايام جميلة و فرصة للعمل مع اخوة/ات غاية فى الترابط والنشاط و العطاء والالتزام.
ندى
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
ياناس الامتداد ياحلوين
مشتاقين ليكم كتتتتتتتتتتتير وين اختفيتوا
كدى نتذكر بعض الناس الحلوين وليهم مكانه فى نفوس الكثيرين
فتحى عتمور(فنحى ابو شعر) لاعب وهداف الامتداد الخطير وعلى ما
افتكر بعده لم يسجل اى لاعب نفس السمعه فى التهديف0
ود مالك المدافع الجسور
جميل المدافع والجناح الطائر لاعب الهلال
محمود صالح الحارس الامين الغيور والمدرب الحالى
حسن صالح ( سونه) المهذب الاعب الحريف لكنها مابتدى
عبده ساتى ممثل الامتداد فى المريخ والذى لم تراه غاضبا
نواصـــــــــــــــــــــــل
تحياتــــــــــــــــــــى للجميــــــــــع
ســـــــــــــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الاخت ندا
مرحبا بك في الامتداد وياسر دا ما دام غلت فيك محكوم عليه بعدم المرور من محطة سبعة لمدة اسبوع خصوصا انه وقف مداخلاته منذ فترة واصبح بخيلا...
البعيو
مرحبا ةيا ريت تدينا حبة ذكريات من الامتداد
عماد شمت
الامتداد لا تملك الا ان تحبه وبعمق بالله ما تنقطع
ابو السيد الكلس
والله عافي منك تب ما مقصر خالص والله يخلي ليك (الحكومة) والوليدات..
على فكرة انت لو في السعودية انا عندي اخوي هناك في حائل اسمه لطفي بيشبهك كدة
تيتاوي ايها الرائع
المغرب لا زال كما هو ملهم للجمال بس الناس فيه قلت شديد تخيل تعدادنا في المغرب كله وما واصل 60 واحد..
لا تنقطع يا جميل
ولي فوووووووووووووووووق
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
في اطار تواصلنا المستمر مع احبابنا في الصحافة وصلتني رسالة اخرى من الصحافي الصديق عمر عبد السلام فمرحبا به بيننا واترككم مع رسالته..
Quote: *عودة للصحافة جارة الامتداد(00 معليش- خزلتنا القرعة )
العزيز / طارق
تحية عطرة
قرأت تعقيبكم على مقالي حول الصحافة شرق وفريق العزيمة . وأشكرك نيابة على آهل الصحافة على الإطراء000ولكن رغم أن سكان الامتداد معزتهم لاحدود لها عند أهل الصحافة الذين لهم الشرف أن يكونوا ( امتداد) طبيعي للامتداد الذي سمي بهذا الاسم لأنه بني امتدادا لأحياء الخرطوم القديمة مثل الديوم الشرقية وغيرها .. ولكن نرجوكم يا سكان الامتداد الدرجة الثالثة ألا تعتبرونا مجرد ( ملحقة ) بكم ، وليس لنا تاريخ ولاماضي ولاحاضر ولاغد، أو تصفونا بأننا ( جلينا في القرعة ),وانتهينا00 وقالوا لينا ناس تقسيم الأراضي سامحهم الله ( معليش هاردلك 00 المرة الجاية ) .. وإن كنا جئنا بعد ولادة عسيرة وبعد الصيحة المدوية لجريدة الصحافة في أواخر الستينات وبفضلها أسسنا لقيام مدينة مصغرة اتخذت من عنوان الجريدة اسما لها 00فقد اكتسبنا شرعيتنا واستقلاليتنا ، واعترفت بنا كل الأمم من سكان العاصمة ، بل نزحوا للصحافة بحثا عن آفاق رحبة واكثر تنظيما واتساعا .. ومع هذا نعترف أن امتداد الدرجة الثالثة هو سابق لنا وفيه الخير والبركة .
إما بخصوص فريق ( العزيمة ) ربما انتم سكان امتداد الدرجة الثالثة لم تصلكم كل أصداء هذا التيم الكبير 00 الذي كان مدرسة وصاحب ( استايل ) مميز في المنطقة ..ولا نعتقد ان فريق من فرق امتداد الدرجة الثالثة وصل إلى مصاف فريق العزيمة بمربع 40 بالصحافة شرق خاصة في عقدي السبعينات والثمانينات ..000 ونرجوكم يا سكان الامتداد العودة بذاكرتكم لتلك الفترة والتي احسب لولا ظروف سفر أبناء الفريق للدراسة والعمل بالخارج لصعد للدرجة الأولى قبل منتصف الثمانينات 000وللأبناء في امتداد الدرجة الثالثة كل المعزة والتقدير .. ودمتم ابوريم
أخوكم : عمر عبدا لسلام – الرباط – المغرب
omarelmahdi@ maktoob.com
|
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الحبيب عامر تيتاوي
انت قايلنا ما بنعرف مغربي يعني ولا شنو؟ تقوم تسال طارق تقول ليه كي داير في المغرب
تعرف مرة زمان عندي صاحبي اسمه مرتضى درس في المغرب ومرة ماشين بنفتش في تلفون عايز يتصل السودان المهم في الآخر لقينا تلفون فيه بتين مغربيات واحدة ببتكلم والتانية منتظرة واشوف ليك صاحبي داك صنة صنة شديدة ويسمع في كلام البت وانا عارفه انه ما بتاع شمار والمشكلة انا الكلام ما فاهم فيه التكتح، اها بعد ما البت انتهت من تلفونها اشوف صاحبي يقوم يسلم ليك على البنية وقال ليها الدار لا باس؟ ويقعد يرطن معاها وكلام الطير في الباقير وانا واقف في النص زي الاطرش، لغاية ما مشوا حتن شرحي انه البت امها مريضة وكانت ببتصل بناس البيت وفي النهاية اللذيذة قامت سالتنا قالت انتو مغاربة؟ (طبعا دي برضو شرحها لي) من شدة ما صاحبي كان مجضم المغربي
ندى البرلومة
انا هسع يا اخوانا قلت ندى دي كانت بتلبس شربات ولا بضفر شعرها بالشريط؟؟؟ بس انتو خليكم شاهدين عشان بعدين لم عصام يشمت فيها ما تجي تقول انا القلت
تحياتي لك
طارق جبريل
كيف اخبارك؟
والله ما بخل لكن الشغلة واكل عيش بقى جبار بس الله يدينا العافية جميعا
وحتى نلتقي لكم مني كل الود والمحبة
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الاخ الحبيب ياسر كى داير .. لو ماعرفتها اسال صحبك مرتضى
بفرح كتير لما اقرا كتاباتك الجميلة و( الشحمانة ) دى خليت الاخت ندى تعترف بالضفاير
وعملت فيها برىء جدا .. تحياتى لكما ولرابطتكم العملاقة فقد اسهمتم فى رفع المستوى
العلمى والثقافى فى امتدادنا الجميل
مرتضى دة اظنوا مرتضى مراكش ياخى سلم عليهو لو هو ولا ماهو
الاخ عمر عبد السلام
طبعا الصحافة دى عزيزة علينا وما بنعتبرا ( ملحق ) ولا حاجة ونحن كامتداديين
بنعرف العزيمة واليونتى وترهاقا والزمالك والترسانة فى شرق وفى غرب بنعرف المجد
والمشترى وفى وسط الجزيرة وغيرهم لكن حكاية العزيمة دى عاوزة ليها وقفة
ياخى رابطة الامتداد دى كان بجيها جمهور من الديم والحلة الجديدة والسجانة
والصحافة والعشرة وبعد ذلك من اركويت وقدمت عمالقة ولما كان فريق النجوم على سبيل
المثال يلعب فى نهاية السبعينات واوائل التمانينات تلقى جهور رهيب .. انتو قدمتوا
ونحن قدمنا لاعبين كبار ياريت تذكرنا بمن قدمتهم فرقكم فى الصحافة ونحن كمان بنقول ليك
قى المرات الجاية وشكرا ليك ياعمر وانت واحد مننا وفينا
وفى انتظار المزيد
طارق جبريل
انتو هسه 60 بس انت عارف دفعتنا بس كانت 100 وفعلا انا زرت المغرب فى نهاية 99 ولم
اجد سوى صديقى العزيز نصر الدين جبجبوز الموجود حاليا فى السعودية
تحياتى ياطارق وصافى بركة
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اخونا الحبيب الصحفى عمر عبدالسلام
طبعا انا الكتبت انو الصحافه جزء من الامتداد ودا ما انقاص للصحافه بقدر ما يدل
على وحدة المنطقه وبرضوا للتاريخ اجتماعات التسميه والله انا حاضرها بلحمى ودمى وقدام
بيتنا فى محطة 7 يعنى شاهد على العصر0
اما فى المجال الرياضى وللحقيقه انتم من مؤسسى رابطة شرق بجانب اليونتى عشان
كده مباراة الفريقين كانت اقوى من الهلال والمريخ بس الاعبين المشوا للامام عندكم لم
يكونوا اكثر من الامتداد، وانا بتزكر الملفتين كان التاج محجوب من العزيمه وابوعبيده
والشفيع من اليونتى وديل لعبوا معانافى النيل وابراهيم محجوب قبل سكنه بالصحافه كان
من لاعبى الزومه وبرضوا بقول يمكن هناك لاعبين مشوا قدام لكن لا اعرفهم0
وبالمناسبه انا من سكان الامتداد لكن لو عديت ليك اصحابى تقول دا ساكن الصحافه وليس
له صله بالامتداد لانى لعبت فى الهدف حوالى 3 مواسم وقبلها مع اشبال الهدف 6 سنوات
وعشان زعله بسيطه مشيت الامل وكنت لاعب وادارى بالفريق وادارى برابطه الصحافه حتى
انضمامى للمورده والنيل والرابطه امدرمان وكثير من فرق الاقاليم ايام كانت هامله القصه
والتسجيل يوم واحد وزوقه لفريق اخر حسب العداد0
وطبعا الرابط القوى بين الامتداد والصحافه كانت السكن الاول ثم المدرسه ثم الرياضه عموما
والاهم والملتقى اليومى المواصلات وبعدين تشعبت الامور بالتزاوج وتداخل الاسر بصداقات
الابناء والبنات وبالمناسبه دى اقول ليك حادث فى منزلنا عندما هم احد اصدقائى من
الصحافه بزواج اختى بالامتداد0
طبعا اخوك لازم يكون قدها لكثر الاصدقاء من الجانبين قمت حضرت ليك الحاجات لمايعادل
5 ، 6 الاف مدعوا وهاك ياصيوان بطول 5 منازل مع كل عرض الشارع والوالد زعل معاى عشان
شلته كل صيوان الجمعيه رغم الرجاءات بترك واحد لزوم الظروف وتعهدت لمسؤلى الجمعيه بانى
سوف ارجع وانصب اذا حصل اى مكروه لاى شخص وزعل الوالد كان لماذا كل هذا ومن اين الضيوف
الذين سيملؤن هذا المكان، قمت حسبت ليه كل المعاى فى المدرسه بدون تحديد فصل ثم لاعبى
الكوره بالمنطفه واصدقاء المواصلات وديل كلهم يضربهم فى عدد افراد الاسره(بنين وبنات)
ثم الجيران وبعدين الاهل ومع دا كلوا احسب ممكن كل واحد او واحده يكون معهم اصحاب
او جيران غير عابرى الطريق ومتابعين ناس علوب لانه دا فريق خارج اللسته، المهم الوالد
بالليل طلع الصيوان شاف الهوائل دى الارض ما كفت والناس فى لوارى وعربات وحيط الجيران
طوالى دور على اخوك رغم انى متوسط الاسره وهاك تحقيق انت بتعرف الناس دى من وين ،قلته
ليه دى قبيلتنا الجديده الامتداد والصحافه ابتسم، وقال دى اصلها من ياتوا بلد0
اها شوف الامتداد والصحافه اليوم شحم ولحم فى جسد واحد وطبعا اركويت كملت الاعضاء رغم
انها جاءت بعدين لكن ناسها برضوا من الامتداد والصحافه بعد تكاثر الاسر واقرب مكان لجمع
الشمل اركويت وجبره0
تحياتــــــــــــى اخوتــــــــــــى مع الشكــــــــــــر
اخوكم / ســــــــــــــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
طارق جبريــــــــــــــــــــــــــــــــــــــــل
الحلويــــــــــــــــــــــــــــــــــــــــــــن
الامتداديـــــــــــــــــــــــــــــــــــــــــون
الامتداديـــــــــــــــــــــــــــــــــــــــــات
وينكم غائبيــــــــــــــــــــــــــــــــــــــن
والله مشتاقيـــــــــــــــــــــــــــــــــــــــن
للامام سايريــــــــــــــــــــــــــــــــــــن
تحياتــــــــــــــــــــــــــــــــــــــــــى
ســـــــــــيد
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: سيد محمد احمد سيدنا)
|
اخوة الامتداد الحبيب ابشروا ياجماعة بقدوم الفارس الجديد للامتداد ذلك الحى الفريد
اخونا صديق حمدتو احد الرائعين روعة الامتداد وقد وصلتنى منه هذه المساهمة ( الشحمانة )
واترككم للاستماتع بكل تفاصيلها Quote:
لكم تحية الود والمحبة أخوتي في بوست الامتداد الرائع والتحية تبدأ من الأخ طارق جبريل وليس غريباً أن تخطر له هذه الفكرة الرائعة فالروائع دائماً ما تسجل بأن محل ميلادها هو الامتداد. شكراً أخي طارق فقد جعلتنا نعيش أجواء الامتداد المميزة عبر مداخلات وذكريات الأخوة الأعزاء.
أخوتي، في البدء شكري وتقديري للأخ عامر تيتاوي الذي أتاح لي هذه المشاركة عبر بريده الإلكتروني. وأستميحكم عذرا بأن سأطيل الحديث نظراً لأنها مساهمتي الأولى معكم ولدي الكثير من المداخلات مع عدد كبير من الأصدقاء، بعضهم لم أسمع منه ولا عنه منذ سنين عدداً.
الصديق الصدوق عامر تيتاوي لك الأشواق الندية التي لا تجف أبداً، لم نسعد باللقاء في العطلة السابقة برغم البرمجة بيناتنا ولكن دواعي العمل حالت دون وصولي في الموعد المتفق عليه. لكن إنشاء الله موعودين باللقاء هذا العام في شهر أغسطس كما أِشرت أنت في أحدى مداخلاتك، حيث سيشهد هذا التاريخ بإذن الله زواج أحد الأصدقاء الأعزاء لو سارت الأمور على خير بمشيئة الله. لن أبوح لك باسم هذا الصديق وسأترك أعلان أسمه حتى نلتقي في حوار تلفوني عذب وعبق بعبير الامتداد.
في أحدى مداخلاتك يا عامر أِشرت لمنزل الأستاذ الراحل "الحاج" عبد الحميد يوسف صاحب الروائع (غضبك جميل ذي بسمتك وعلى موج الأثير) والذي سكن فيه أيضاً الفنان صديق عباس وللمصادفة العجيبة صديق عباس له أيضاً أغنية أسمها "عبر الأثير" ونحن كذلك لم يبق لنا إلا هذا الأثير حتى نبث عبره أشواقنا لأهلنا وأحبتنا في الامتداد.
الأخ العزيز ياسر محمد عثمان "حنّا" كده يا ياسر تخونك العشرة والأيام الجميلة وذكريات الرابطة العزيزة وتذكر جميع الأخوان والأخوات وتنسى "اللي في النص" وعموماً يا ياسر احتجاجي لن يكون مهذباً ورقيقاً مثل احتجاج أختنا العزيزة الدكتورة ندى مصطفى "ذات الضفائر الطائشة بين مجلس عشيرة وبين أهل" ولكن سيكون احتجاجاً عنيفاً أقرب إلى الابتزاز. فإذا لم تصحح هذا السرد التوثيقي لمسيرة الرابطة سأجد نفسي مضطراً لأحكي لأصدقائنا في البوست عن سر حكاية "جون قرنق" اها شن قولك .....!!!.
على فكرة أخونا ياسر غير صفاته الإنسانية الرائعة هو إنسان حاضر البديهة وساخر وله تعليقات رائعة. أذكر عند قيام الرابطة كنا نناقش طلب عضوية مقدم من أحدى الزميلات كانت تسكن بالامتداد حتى انتهت من امتحانات الشهادة ثم رحلت مع أسرتها إلى الرياض وعندما دخلت الجامعة كانت تسكن بالرياض لكنها أصرت على الانضمام لرابطة أبناء الامتداد فكان النقاش حول قبول عضويتها فجاء الأخ ياسر بتعليق طريف جعل الأعضاء يوافقون بالإجماع على قبول عضويتها. (قال يا جماعة الزولة دي أحرمت من الامتداد) ههههههههها. تذكرها يا ياسر .....!!!
أخونا القرضابي أو عمر محمد الحسن التحية ليك ولأولادك وتحياتي عبرك للأخوين عماد وعصام "ود عبود" والله يا عمر ما زال الحزن باقي بل هو أسفل الجلد مباشرة مثل "الجمام في رمل الخور" كما وصفه أستاذنا د. محمد عبد الحي لأستاذنا حسين جمعان. أنت أدري يا عمر عن علاقة الأمومة والبنوة التي جمعتنا بوالدتكم الراحلة، لكن ما قد لا تعلمه يا عمر أنه عندما تضم جنبات داركم حدثاً سعيداً فإن أول دعوة تصلني تكون من خالتي "نور" حيث توصي بكري أو أبو عبيدة "ما تنسوا تكلموا صديق حمدتو".
عماد عويس والله طال بينا الحنين وفاض بينا الشجن وحليل لياليك الطروبة وصوتك العذب يشدو "إيه يضر لو تسأل يوم عليّ يا غالي وإنت وحدك عارف همي عارف حالي" في إجازتي السابقة بالسودان زارتنا والدتك العزيزة برفقة والدة الأخ عبد الغفار وسألتها عن أخبارك وتداعت ذكريات جميلة لعلك لا زلت تذكرها.
أخي وزميل دراستي بالامتداد النور عطا السيد، الحمد لله على الأخبار الطيبة التي سمعتها منك وعنك وتمنياتي لك بالتوفيق وسمعتك تتحدث عن خطط ومشاريع أخرى للرحيل ولكن أليس للسودان وللامتداد حنين يدفعك لزيارته قبل أن تنقلك أمواج الغربة إلى شواطئ بعيدة!!! ما زلت ألتقي أثناء الأجازات بالكوتش الحارث وكنت ألتقي الأخ الهادي بالمركز الثقافي الفرنسي في فترات سابقة لكن لم أسمع عن فتحي منذ فترة طويلة، عساه يكون بخير.
العزيز أحمد خضر التحايا والأشواق وشنو يعني من ألمانيا إلى أمريكا وكأنك تبعت طريق كولومبوس وماجلان ولم تمر بقناة السويس وميناء بورتسودان. حتى الزواج احتفلت به بعيدا عن زغاريد الأهل وأغاني محمد "بلو" وتباشير الفاضل سابل. على فكرة يا أحمودي أنا درّست زوجتك بالمركز الثقافي الفرنسي، سلها عن ذلك.
الأخت الدكتورة ندى مصطفى التحايا والأشواق ولست وحدك من كنت ضحية ياسر حنّا أنا أيضاً سقطت من ذاكرته التي ما زالت تذكر كشك أبو دقن وروضة ست فاطمة. ولكن أنا بعرف كيف أخذ حقي منو ولو دايرة ممكن تعملي لي توكيل وأجيب ليك حقك أنا بعرف أمسكو من وين. التحايا للأهل وللأخت نازك والصغيرة "نهلة على ما أعتقد" ولعلها لم تعد صغيرة بس دي لازمة ضرورية حتى لا نبدو نحن وقد تقدمت بنا السنون.
الأخ عز الدين عثمان تحياتي وأشواقي والتحيات عبرك للأخوان بدر الدين صالح وعادل حسن والتحية لأخوك الأصغر عاصم وهو فعلاً كان طفل رابطة أبناء الامتداد البار عندما كان يأتي للأيام الثقافية والاحتفالات وهو صغير مع شقيقتيك دكتورة عزة وعفاف وكانت له مشاركات ما زلت أذكرها " الشعب حبيب وشرياني أداني بطاقة شخصية"
تلغرافات:
الأخ عمار عبد الرحمن: سألت سابقاً عن أخبار إمام ومحمد عبد الرحمن وعلى فكرة هم جيرانا "الحيطة بالحيطة" إمام مازال بفرنسا حيث يعمل بالأنتربول ومن محاسن الصدف إننا تقابلنا في الامتداد خلال عطلتي السابقة في شهر يونيو 2005. أما محمد "الحِمش" فهو موجود بالمنطقة الشرقية بالسعودية ولكني لم ألتقيه منذ سنين طويلة.
الأخ "ود الباوقة" سألت في مشاركة سابقة عن الأخ مصطفى "ود أم بعلو" للأسف الأخ مصطفى تُوفي منذ أكثر من سبع أو ثمان سنوات. له الرحمة فقد كان من أميز حراس مرمى سلام 11 ولعب بعد ذلك لفريق البرنس.
الأخ راني: قلت سابقا أنك ستزور الأخ الصديق بكري الخليفة. كيف وجدته؟ إنشاء الله أخباره على ما يرام. لدينا أنا والأخ عامر حكاوي وذكريات مع الأخ بكري تملأ مجلدات لعلنا نحكي عنها كلما سنحت الفرصة. على فكرة يا منى خوجلي بكري ده يعتبر "عديل" الشهيد مصطفى
الأخت منى عوض خوجلي: بت العمدة وأخت الشهيد طالت الغيبة عن البوست ولعل المانع خير ولك أن تعلمي أنك ملح هذا البوست وفاكهته.
التحية موصولة للجميع أبو السيد وأبو ساندرا وجني وعماد فقاد ومحمد السر وفيصل محمد خليل وراكوبة والأخت بيان وعبد المنعم سيد أحمد و............
ويا جماعة "ما تطولوا الغيبة"
صديق حمدتو
الامتداد مربع ( منزل رقم (
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عامر تيتاوى)
|
احبة الامتداد الحبيب
اود التنويه الى ان عنوان الاخ صديق حمدتو كما ورد فى رسالته كالاتى
الامتداد مربع 8 منزل رقم 8
ولاادرى الزول ابونضارة ده جه من وين لكن برضو مرحب بيهو يمكن يكون ...
بالمناسبة ياجماعة لو فى واحد رايح ليهو زول ممكن براحة يلقاهو عند صديق حمدتو
وهو رجل موسوعى لانه لعب فى الرابطة وكان احدى درر فريق النجوم وكان ايضا من المميزين
فى دورى جامعة الخرطوم فقد درس لغة فرنسية وقام بالتدريس فى المعهد الفرنسى و فى كورس رابطة
الامتداد برغم ان ( راوى ) الموقع الحبيب ياسر نسى او دقس من دقس ( صاح ياصديق ) وطبعا اصبح
ابو اليسر يواجه تهديدا ساخنا من صديقوف كما يحلو لى ان اناديه
بالمناسبة ياجماعة صديق دة مكسب التسجيلات يعنى ( عنتر ) البوست وطبعا برضو مامشينا بعيد
لان صديق من اسرة رياضية موغلة فى القدم فوالده عليه الرحمة المعلم حمدتو رجب كما كانت تحكى
اللوحة المعلقة على الكتف اليمين لباب لمنزلهم العامر فى مربع 8 كان لاعبا فذا لعب فى صفوف
الاهلى السودانى وفى صفوف الترسانة المصرى واخوته الكبار حسن ( سخانة ) علم على راسه نار
فى الامتداد وكذلك الدكتور حاتم حمدتو كان من صفوة المهاجمين فى فريق النجوم والرابطة ككل
وكان ثعلب اقوان اتذكر مرة فى مباراة بين النجوم والصحراء وكان حارس الصحراء طه يريد ان
يشوت الكرة الى داخل الملعب لكنه وبمجرد ان رفعها فى الهواء سنتمترين كان حاتم حمدتو قد
اودعها شباك المرمى الجنوبى لرابطةالامتداد فى مواجهة ( النقطة ) وعلى مرمى ومسمع من رجال
البوليس يعنى (حرامى ) قانونى حرامى اقوان ياسلام على تلك الايام
تحياتى لكم جميعا ...
وخلوا الامتداد فوق
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عامر تيتاوى)
|
ياااخ ما تتخيل دخلتك ده ودتني لي وين...
صديق حمدتو!!!!!! ده طله الواحد من 13 سنة ما شافه..ولا سمع بيها ابدا يعني من ما طلعت من الامتداد والسودان..والله جد انا سعيد جدااني اللاقي لي واحد من اولاد دفعتي في مدرسة الامتداد 3 المتوسطة(الدفعة رقم 3)في المدرسة..والله مشتاقين..وينك يا صديق؟؟؟
ام بخصوصي طبعا والله الامتداد دائما في البال وكنت بتكلم مع حيدر عبدالرحمن من كم شهر كان في القاهرة هنا عن مشاريع وعن اشياء كتيرة يمكن القيام بيها مع هؤلاء الفرسان الامتداديين المنشرين في جميع بقاع الارض ويملاء ودهم وحبهم لبعض سماء الكون..المهم انشاء الله تكون انت بخيروعال العال...
والله يا صديق لسع في حاجات ما خلصتها ..ولازم اخلصها حتين ارجع..وبعدين طبعا ظروف شغلي السابقة(ضحايا التعذيب)والحالية مع مفوضية اللاجئين..خلت الواحد اكثر اندماج في مشاكل كل الناس ..والله يا صديق مستقبل ردئ جدا وانا بعايش الحياة ده يوم بيوم ..
الحارث طبعا ليهو فترة في سلطنة عمان.. والهادي طبعا اخر شوفتي ليهو 1995 بس معاهم طوالي بالتلفون..اما فتحي كنا سواء في جولة افريقية واخر مكان خلينو فيهو في انجمينا في 1996..يعني برضو مرات بكون معاهو بالتلفون...
اخي صديق شكرا جزيلا علي سؤالك وحبيت جدا مرورك علي البوست
نكون علي اتصال
E_mail:[email protected]
Tel:261 92 92
القاهرة
نورالدين عطا السيد
مع ودي
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
العزيز ابو السيد
انا موجود بس المشاغل بتخليك تغيب مرة مرة
العزيز تيتاوي
لك تحياتي وما عارف لميت كيف في الزول دا
عزيزنا صديق حمدتو
ياخي اتحفتنا بي ذكرياتك الجميلة ويا ريت تواصل انت يمكن تكون ما بتعرفني بس انا بعرفك كويس من الرابطة والمدرسة لانك كنت قدامي (شفت الواحد بصغر نفسه كيف) في مدرسة الامتداد 3 المتوسطة وانا كنت بجي حلتكم كتير لانه صديق عمري هو د. طارق محمد حسين اخو عادل وهو على ما اعتقد دفعتكم (عادل) وانا التقيت بي د. حاتم في وزارة الثروة الحيوانية لمن كنت طبيب بيطري وهسا قلبت الشغلانية 360 درجة..
على كل حال مرحبا بك وفي انتظار مساهماتك..
اختنا العزيزة منى خوجلي
سمعتي ولا جابوه ليك مخلية البوست دا كلو عزابة مالك
مودتي
| |
|
|
|
|
|
|
|
| |
ahmed khair
bayan
عماد شمت
طارق جبريل
فيصل محمد خليل
jini
ALGARADABI
Muna Khugali
سيد محمد احمد سيدنا
Yassir7anna
عامر تيتاوى
عمار عبدالله عبدالرحمن
Rakoba
عبد المنعم سيد احمد
rani
nada ali
فيس بوك
تويتر
انستقرام
يوتيوب
بنتيريست