امتداد الدرجة الثالثة ذلك الحي المتفرد

Quote: سلام للحبيبه ..عندي عشرة دقائق ارفع البوست واحي الاخ الحبيب وديدي ...الزول الرهيف ومع الغربه زاد رهافه... اتصل بي وما عرفته في البدايه لكن مع قليل من التركيز قدرت اعرفه ..ولمدة ساعتين ونحن ونسه في الامتداد ودخلنا بيت بيت في مربع 4 ولفينا المربعات مربع مربع وسألني عن عبد الحليم نعيم ومدي شوقه وتحدث عن رفيق دربه فلاتي (معاوية) جارنا حيطة بالحيطه منذ ان كانا في المدرسة ومنتخب الرابطه وفريقا ما في السجانة علي ما اعتقد ثم بدأ يجعر بكي بحرقه وكانت لحظات حزن وفرح بالنسبة لي بقدر ما فرحت بتلفونه الا انه احزنني بالبكاء ...اتخيلوا معي 15 سنة لم نلتقي

Quote: الغزيز عماد ..كيف حالك . اتمنى ان تكون بخير وعافيه ..ويبقى السؤال اين انت الان ..وماهى اخبارك وماذا فعلت بك الايام ...؟ امتحان راسه عديل .. اما فاتح وباقر فلقد عادا الى السودان منذ فتره ..ولكل منهم مجاله الذى يكافح فيه .. اتمنى ان اعرف ان كان من رواد المنتدى اى واحد من الشباب الذين عملوا معنا فى تلك الايام ..؟فى تصنيع الشطه او تعبئيه عصير الفراوله لاحظت فى المنتدى رغبه حقيقيه من جانب الشباب فى تقديم خدمه لهذا الحى الراقى..والذى لو كان لدينا كاتب له ملكه الراقى.. اسامه انور عكاشه(كاتب لاجمل المسلسلات المصريه) لو كان لدينا مثل هذا الرجل لاستطاع ان يسطر من تاريخ هذا الحى ملحمه فى غايه الروعه ..ملحمه يمكن ان تصورتماما حال السودان كله ..فلقد اجتمع فى هذا الحى اناس لاتجمع بينهم قبيله او مله او فكره ما .. بل هم ناس من مختلف الاصقاع ومختلف الملل جمع بينهم حى سكنى وكان اغلبهم.. ولاول مره يملك الواحد منهم قطعه ارض فى ارض المليون ميل مربع ... ولكل منهم خلفيته التى اتى منها وجهده الخاصه فى جمع مبلغ قيمه الارض ولكل منهم احلامه الخاصه فى تشيد منزل جميل يليق به وباهله..ولكل منهم طموحاته وهمومه واهدافه..ومعهم اطفال صغار هم اليوم رجال الوطن ..ندعو الله ان يرزقنا به.. اقول لاحظت ان فى المنتدى رغبه من الشباب لتقديم خدمه لهذا الحى ...وتظهر هذه الرغبه فى بعض الصفحات ثم تختفى .. (صفحه تجى وصفحه تروح )..واود ان اتقدم بفكره بسيطه فى تكاليفها وفى مظهرها ولكنها خدمه لاتقدر بثمن لاهل الحى وللمستقبل .. الاوهى ترقيم الشوارع الفرعيه مع ارقام المربعات وتسميه الشوارع العرضيه الكبيره .اشرح ..؟ ماشى .. مثلا .. اول شارع فى الامتداد من شارع زلط الصحافه وحتى شارع زلط شرق لااعنى شارع الزلط الحالى بل الذى يليله اى اول شارع بين بيتين فى الامتداد نسميه شارع رقم واحد مربع واحد حتى بدايه مربع اتنين يتحول اسمه الى شارع رقم واحد مربع اتنين وحتى بدايه مربع تلاته ليتحول الى شارع رقم واحد مربع تلاته ثم نرجع ثانيه الى الشارع الذى يليه ونسميه شارع رقم اتنيت مربع واحد ومن مربع اتنين يصبح اسمه شارع رقم اتنين مربع وهكذا دوليك حتى يتم ترقيم كل الشوارع وكل هذا يتم كتابته فى قطعه صاج مقاسه 30سنتمتر فى 15 سنتمت مضروبه بوهيه سوداء ومكتوبه بالابيض ويتم تثبيتها فى اول الشارع او المربع... اما الشوارع الاساسيه مثلا شارع النص الذى كانت تسير فيه البصات زمان وفيه دكان عبد العظيم نسميه باسم واحد من الذين قدموا خدمه للامتداد ولنقل مثلا شارع عبود وهكذا..فكره بسيطه وعمليه وتحتاج الى نفره عند الانتهاء من رسم الخطه وترقيم قطع الصاج لتوضع باربعه مسامير فى راس كل شارع...نفره اشبه بالنفره لنظافه الحى تلك التى كانت تتم ايام نميرى ..ايام كنا نجمع الوساخه فى الامتداد لنرسلها لحى الصحافه الذين يرسلونها بدورهم الى حى العشره الى يعيد تصديرها الى الامتداد..نميرى الذى جعل الفى مافى..حيث كان فى عهد كل شئ مافى..صلصه مافى ..ملح مافى.. كبريت مافى..بنزين مافى.. سجائر مافى.. ادونا رخصه لى مصنع مافى. .اما اليوم مع ناس..( طناشى) .ادونا صلصه هاك هات مليون جنيه .. ادينا كبريت هاك هات تلاته مليون..ادوونا ملح هاك هات خمسه مليون ..ادونا رخصه لى مصنع هاك ح تورد العندك كله لمده خمسه سنه ومعاهم اتنين شفع للجهاد .. .ياربى ياتو كان الاحسن.. قروشنا عندنا ومافى حاجه نشتريها بالقروش.. ولا كل حاجه موجوده لاكن غاليه ومابتتهبش ..افتونا .. ( محمد المصطفى فريجون ( قرقاش)

Quote: الاخوة الكرام كل سنة وانتم طيبين والامتداد بخير ، واحب اعرفكم باني متابع لهذا البورد منذ البداية وشكرا للاخ طارق حبريل علي هذه الفكرة الرائعة والشكر موصول للاخ عامر وتحياتي لاخوان صديق حمتو وامير الجمري واحمد خضر (اب شمة) وعاطف وديدي اخوكم امير فضل فضل مربع 7 منزل رقم 67

Quote: الاخ / عامر كيف الاخبار والاولاد وكيف محمد وعائيشه وامهم وكل الخوان الممعاك التحيه للاخوان عماد عويس/ الاخ العزيز خالداميقو/ سيد الحوش طارق وكيف اخبارك وعاوزيين رقم التلفون الاخ صديق حمدتو معقول تنسى تنقو / قمبيز باقى الارقام كلااتى علما اعتقد 6/تنقو 11/قمبيز 15/بابكر طاعون 16/ سيف الجزائر 21/ حسن التوم عليه الرحمه على ما اعتقد 31/عبد القادر ود حره والى اللقاء والتحايا للجميع احمد جمعه هنو

Quote: ويا مجدي الجمري الفيك اتعرفت

يا ريس ما تخاف وراك رجال والوضع مطمئن جداً وزولك رفع الرأية البيضاء والعميد فائز إبراهيم مراقب الوضع عن كثب . والحكومة محلها القلب .

عزيزي ياسر حنا :

ألف حمد لله على سلامة الوصول ، وأنت بي هنا أو بي هناك رائع وجميل ، نرجو التواصل لأنك نكهة البوست .


العزيز الكريم القائد العام لقوات الشعب الصحافية المسلحة : عمر عبد السلام .

تحية عسكرية ، ومشتاقين جداً ، نحتاج لمناوارت عسكرية سريعة ـ الريس بدأ يفلت . وجود ياسر حنا بالسودان يشكل خطر كبير على مدينتي الصحافة والامتداد . قف ، نرجو سرعة إعداد الجيش .

Quote: تحية عسكرية ، ومشتاقين جداً ، نحتاج لمناوارت عسكرية سريعة ـ الريس بدأ يفلت . وجود ياسر حنا بالسودان يشكل خطر كبير على مدينتي الصحافة والامتداد . قف ، نرجو سرعة إعداد الجيش .

Quote: تحية عسكرية ، ومشتاقين جداً ، نحتاج لمناوارت عسكرية سريعة ـ الريس بدأ يفلت . وجود ياسر حنا بالسودان يشكل خطر كبير على مدينتي الصحافة والامتداد . قف ، نرجو سرعة إعداد الجيش .

Quote: تحياتي للشباب الحلوين الاخ /عاطف وديدي الشوق بحر (وقعت ليناأخيرا معقولة بس) تحياتي ومودتي لك الاخ/ عادل عوض بلال تحياتي واشواقي . كيف اخبارك واحوالك طمنا عليك ، ايه اخبار الاخوان اسامة عبدالقادر وبدرالدين صالح لو عندك اخبار عنهم وعن باقي الدفعة والله كانت ايام استاذالاساتيذ/ عامر تيتاوي لك الودوالاحترام . طبعا ساواصل معكم وهذا شرف لي(ياخوي انا اتحكرت عديل) تحياتي لود البلد الاصيل عبدالغفار محمد سعيد ومتابع موضوعك في المنبر العام ياسلام لتحليلك للموضوع الاخ /اب شمة كيف اخبارك ، وايه اخبار الجيتار معاك (يا عمر خورشيد) ولاطارت ليك مع مشاغل الفانية ام قد .تحياتي للعريس النقر ووائل وياسر العوض ومحمد قوبة 0 امير فضل فضل - مربع 7 منزل 67

Quote: أحبائي في وطننا الامتداد واجب العزاء الي كل من فقد عزيز لدية (انا لله وانا اليه راجعون ) اخواني الاجلاء الذين يسعون دوما الي جمع شمل أ هل الامتداد من خلال هذا المنبر لكم جمعيا الشكر وانتم ترسمون لوحه جميلة لهذا الوطن الحبيب الاسماء تطول والشوق بحر الي كل اهلنا الطيبين من 1 الي 14 . عن اذنكم احبائي دعوني اخص بالقول اخ عزيزالي قلبي حين رايته في السودان بعد طول غياب وجاء لعزائي في وفاة الوالد لبضع دقائق وهو ذاهب الي المطار . حثيت حين ذلك بمعني الاخوه الصداقة والمحبة الكبيرة بين ابناء ذلك الحي المتفرد , عاطف وديدي شوقنا ليك لا تحده حدود شكرا ليك يارائع علي السؤال . ياعماد عويس دورك ميت ارسلت ليك رسالة علي الميل وعملت طناش وزززز .......... امير فضل فضل ياراجل ياحلو مشتاقين ربنا ماكتب لينا نشوفك في هذة البلد قرب تعال ماتبتعد ........ من جديد بظهور اخونا عبد الحليم حامد ازدان البوست بوجودك يا ليدر .......... اخبار الناس الطيبين عامر تيتاوي احمد خضر صديق حمدتو امير الجمري حاتم حمدتو ........... مبروك المولد اخونا الهادي يتربي في عزك ............. صدق اخونا احمد خضر ياعامر انا افتكرتك صلاح توبس . احمد جمعة هنو احوالك واخبار ناس الامتداد واخبار تمارين العجائز ليكم وحشة وانشاء الكريم سوف اكون عما قريب بينكم . الي اللقاء بدر الدين يعقوب

Quote: ياريس عندى سؤال اولا شكرا على الصوره الجميله والناس الاجمل لكن صلاح والفاضل ديل ذى عاملين شكله ولا شنو

حبيبنا فيصل
عارفنك واقف مع الرئاسة وما بتقصر
الكلام في السدنةالمبارين ياسر


جميلنا امير الجمري
دي على حركات الجيش دي اطلع فوق شوف انت كتبت شنو وكمان بتقول ليه حتة رئيس خت تحتها كم سطر
شوف يا اخوي اي شنكبة عنكبة عضلات تبش

عامرنا يا تيتاوي
الصورة ماخدة راحتها شديد
والتحية عبرك للاخ الهادي ويا ريت تقدر تجر لينا رجلينه لي هنا

مزيدا من التواصل عبر ايميل البوست:
[email protected]

Quote: حتى البيجو صايعين بهناك ناس عمر عبد السلام و عبد الدائم.

(عدل بواسطة omer abdelsalam on 11-19-2006, 07:26 AM)

Quote: حتى البيجو صايعين بهناك ناس عمر عبد السلام و عبد الدائم.

Quote: عبد الدائم سلام انا موش صحبك? خلاص جيب لي من الزول دة اغاني الرطانة عشان ننزلة في بوست الحلفاويين داك تعالو شوفو معي حلفا القديمة قبل الهجرة, لو ما جبت بكسرك

Quote: تعرف اليومة ديك طوالي طبعت الصورة ولما رجعت البيت كانت الساعة 12 بالليل لقيت الحاج نايم قمت ختيتها ليه في التربيزة اها لما صحا الصباح ولقى الصورة قعد يعاين ليها كده...بعد شوية قال ده منو الفي الصورة ده؟ وبعدين ما قلنا ليك المناضل جلال المخفي بيسلم عليك وبالمناسبة الزول ده كل يوم بلاقيه بسال الزول ده رد ولا لسه؟

Quote: بطعم اللمة والنهارات الحنينة والمغربية والشاى فى النار احى كل الرايعين من ابنا الامتداد فى بلاد الله البعيدة...... بالجد احييتم فينا روح التواصل.الاخ طارق وباقى العقد الفريد احيكم

Quote: Dears @ alimtidad; Alsalam alykoom; Abdulgafar Mohamed saeed Nasaruldeen margani(baieera) Adil ali hussain(tango) Mohamed fatahi dawood And many many of the name I could not stop writing them for hours and hours and still there will be some one who I propably forgot his name,,,, My deepest condolence to abdulateef gafar(Mr khissa) and all the family members for their lost. Brother Aadil tango if you remember as we last met in sudan you took my phone # and e-mail so that you are going to contact me,,, I hope u didn’t lose any of these b’cause I haven’t heard any thing from you so far..my love and respect to you and the family…tell me about the new famil y member if he/she arrived or not yet. And to my dear brother abdulgafar Mohamed saeed..thank you very much for your remembrance and nice words, I wish I would have to spend some more time in saudai Arabia with you guys…but the life and carrier challenges always come up with achange. Brother tarig gibreel I remember you every day when I look at my nose….of course you and Dr Tarig Mohamed hussain knows why?? You and Mohamed Abdullah(blooo) used to make agood twin while singing for abul amin….almalhama… Up date me about all those beautiful people and where about are these friends…Mohamed mahagoob karoodi…nasurldeen margani Dr tarig and some body I have been looking for for years use to live long time back in alimtidad and was our class mate I hope you have some news about waleed alrasheed I belive now they live in alsahafa…. Brother aamir titawi of course you will have all the news about alimtidads sons in riyadh please if possible do let me get in touch with Mohamed fathi dawood .and also we need to share with you some stories in almitdad schools specially those who studied with the great teacher muneer almagrabi and from primary school ustaz sid ahmed Alimtidad 1 school..that takes me to mention khalid hassan miseek(the goldsmith) he was gentle and polite and real decent fellow. Mohamed sid ahmed (abig koooz )but very honest and respectful…I Miss you all and these gone and never back days I Think you guys can now establish our own alimtidad web site so every one can share his stories and ideology,,,,let’s spend some little efforts to make this happen true.. I apologise for every one for not being able to write in Arabic(technical issue..nothing else..) Salaam to evey one in alimtidad…. Waleed Mohamed alamin

Quote: رحم الله فتحي كان رجل بعذوبة الكون لا زلت اذكر أنني كنت معه انا وصديق حمد (رحمه الله) وابراهيم الخواض (الله يطراهو بالخير) بعد ما اتونس زين في الشارع فتحي قال يا جماعة هوي انا نعسان عايز امشي آخد لي غمضة وبعديها بي ساعتين جاني الخبر كالصاعقة رحمه الله فقد بكاهو الامتداد كاملا

Quote: الاخ / ود جبريل السلام عليكم ورحمة الله اخبرني الاخ عادل عوض بلال بان هناك بوست خاص بالامتداد فهرولت الي هناك -- وكان ما كان . اجمل ما في الحكاية ان يجزبك المكان والناس وتسترجع الاوان . دخلت البوست فوجدت كثير من المفاجاءت فيصل محمد خليل ( فيصل ود البربري ) رغم اننا اكبر منك سنا فيصل الذي علمنا كيف نشق للدنيا غبارها ونرتاد المجهول . مني عوض خوجلي و أل الخليفه عوض ( بعض الحزن يمكن ان تجليه الايام ولكن هذا الحزن الذي يسكن داخلي استعصي عليها ) فالشهيد / مصطفي - رفيق سلاح - الا رحم الله الشهيد مصطفي عوض خوجلي و الشهيد / اكرم الفاتح يوسف لي عوده قويه ان سمحتم لي ازهري محمد موسي العمده الامتداد الدرجه الثالثه - مربع 14