|
|
|
 Re: امتداد الدرجة الثالثة ذلك الحي المتفرد (Re: البعيو)
|
العام 1974 في شهر أغسطس حينما بدءنا الرحيل إلى الإمتداد ونحن
الأمدرمانيون مولدآ ونشأة حيث بيت الجد الأكبر بحي الركابية بأمدرمان
وبيت الوالد بحي الهاشماب.. ولقد بدأ لنا الإمتداد أول مرة كحي فالت
لا ضابط له مقارنة بتقاليد حي الهاشماب الصارمة للصبية من أمثالنا
فلا لعب فالشوارع بعد صلاة المغرب.. لا أكل في الدكاكين أو المطاعم..
ممنوع الذهاب جهة النيل والعوم بتاتا .. ولا يبدأ الدافوري إلا بعد هجعة
الآباء بعد الغداء.. ثم المذاكرة اليومية والهوم ورك ففي حي الهاشماب
التفوق الدراسي مطلب هام لإستمرار علاقاتك الإجتماعية بأقرانك .. وأذكر
وأنا في الصف الثالث الابتدائي أن تدحرج ترتيبي من الثالث إلى ال14
فما كان منى إلا أن توجهت إلى منزل جدي في الركابية طيلة العطلة
الصيفية.. حتى لحق بي أقراني من الحي بالعودة إلى الهاشماب.
أما في الإمتداد فلقد بدا لى الحي أكثر حرية وصخبا فالإمتداد مقسم إلى
مربعات ولكل مربع فسحة كبيرة كمنتزه لأهل المربع حيث يلعب الصبية في
هذه الميادين النظيفة الكبيرة كرة القدم والكرة الطائرة وشليل وكل
أنواع الألعاب الممكنة كان هذا أكبر مكسب لنا عوضا عن الأزقة الضيقة
في الهاشماب والتي كنا نلعب الكرة فيها... والبنق بونق في النادي
في الإمتداد لا توجد أزقه فالمساحات بين البيوت واسعة تبدو كشوارع
فسيحة تسمح بمرور شاحنتين في وقت واحد ..كان الحنين يقتلنى إلى
أمدرمان و والأصدقاء والهاشماب والركابية والمسالمة وأنواع الأنشطة
الأحرى مثل دار الرياضة بأمدرمان حيث كان بيتنا يفتح مباشرة على أبوابها
واللعب في حدائق الرفيرا وسينما الوطنية أمدرمان وأمدرمان وحلواني
ميامي وخيرات وليمون حسن قرشي وحبيبتى التي هي في المسالمة ..
كان التغيير ليس سهلا لأفراد أسرتي.. ولكن شيئا فشيئا بدأنا التعرف على
الجيران في الحي والذين هرعوا في اليوم التاني لرحيلنا الحضور إلينا
مباركبن مهنئين يحملون الطعام والهدايا.. معرفين أنفسهم لنا..فهذا
هو العم محمد أحمد حمد الجار الملاصق والشايقي الكرفابي يأتي مباركا
ويحمل صينية ملأي بالقراصة والدمعةواللحمة والجار الآخر عم أحمد البشير
ثم توال الجيران للسلام ضرار.. مجذوب.. الحاج سعيد.. حمزة.. حسن عبيد
عبد اللطيف مزيجا من مربعي 2 و3 .. وشيئا فشيئا بدت تتكشف لى ليبرالية
الحي وبعده عن القمع الإجتماعي والسياسي فلقد كان حي الهاشماب يسير
على وتيرة سياسية واحدة منذ ضلوع عدد من أبناء الحي في إنقلاب مايو 69
وتبوأهم لمناصب دستورية رفيعة ( أبو القاسم محمد إبراهيم أبو القاسم
هاشم عثمان أبو القاسم وأصدقاءهم مثل مامون عوض أبوزيد و فاروق عثمان
حمدالله وخالد حسن عباس والذين هم من الموردة إيضا) ونتيجة لهذا الحشد
الدستوري الرفيع أن تحول معظم أبناء الهاشماب والموردة إلى تنظيمات
مايو الشبابية مثل طلائع مايو وكتائب مايو ثم إلى الإتحاد الإشتراكي فيما
بعد..ولقد كان أبوالقاسم محمد أبراهيم حادآ وقامعا لأبناء الحي من
المعارضين خاصة بعد إنقلاب 22 يوليو 71 فلقد غادر عدد من أبناء الهاشماب من أعضاء الحزب الشيوعي السودان إلى لندن هربآ من سطوة أبوالقاسم محمد إبراهيم.
| |
 
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: malamih)
|
بدا حي الإمتداد كحي ليبرالي ترتكز قاعدته إلى الفئات العمالية والموظفين ذوي الدخول المحدودة وهو تصنيف بدايات توزيع أراضيه وتخطيطه
أبان حكومة عبود عام 1964 حيث جاء هذا التخطيط فريدآ متجنبا مساوئ
تخطيط الاحياء الأخرى..حيث أدخلت الخدمات إليه من ماء و كهرباء قبل بناء
المساكن...بدا هذا الحي كحي ليبرالى حيث تعدد الإتجاهات السياسية بين
أفراد مجتمعه بالإنضمام لتنظيمات مختلفة .. من أقصي اليسار إلى أقصي اليمين.. وبدأ إندماجنا في هذا المجتمع الجديد حيث بدأنا أنا وشقيقي
في خلق تماذج إجتماعي رياضي بين الهاشماب والإمتداد.. فأستطعنا تنظيم
مباراة ودية بين فريقي الهاشماب والإمتداد إمتلأ ميدان فريق المعلمين
عن آخره لمشاهدة نجوم الهاشماب آنذاك مصطفى النقر .. عمر إنجليزي ..
أحمد محمد صالح..فريد ملة.. فيصل الزين ..هاشم محمود .. الزين هيبة
عاصم نجيلة.. شجر.. شكاك.. ود مالك.. وإنتهى اللقاء بفوز الهاشماب
3-1 .... أواصل
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اخونا مجدي
Quote: )أحبتي التحية لكل أبناء البيت)
سيبقي الود بين القلوب ولن تخبو
معانيه قد صار كالنيل في جوانحنا
نهر من الصدق يروينا نبقيه عمرا
جميلا لايفارقنا وان كبرنا سنين
العمر ترويه ونرسله الي الأحباب
في كل وادي وننثره بين القوافي
ورودا لأكرم من أحبهم فؤادي
بريد الشوق يخبرهم بأني أقدرهم
علي رغم البعاد ومني لهم ألف تحيه
علي ماوصلوا اليه وهي صفحه من
صفحات أمتدادي المشرقه وعقبال
ماتصلوا التسعة عشر بعد المئة ودمتم
أحبتـــــــــــــــــــــــــــــــــــــــــــــــتي
أخوكم.أبو قصي
مربع14
منزل رقم4 |
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
Quote: سؤال:
هل البوست ده لناس الامتداد
ولا شله من ناس الامتداد
سلام |
اخوي البعيو حرام عليك
ياخي هو الامتداد كله ما شلة واحدة
ويا سيدي عشان تطمئن البوست دا لي ناس الامتداد كلهم
صغار وكبار شرق وغرب
وزيادة في التأكيد نحن عملنا ايميل خاص للبوست
لي ناس الامتداد الما عندهم عضوية في المنبر
عشان يراسلوناويتواصلو معانا ودة الايميل:
[email protected]
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
احمودي يبارك لكم رمضان
Quote: الأخ العزيز/ طارق جبريل المحترم
والأسرة الكريمة
تحية طيبة وبعد،،،
بمناسبة حلول شهر رمضان المبارك يسرني أن أقدم إليكم ولجميع افراد امتداد الثالثة أطيب التهاني وأخلص التمنيات، سائلا الله بأن يعيد عليكم هذه المناسبة الكريمة باليمن والبركات.
وكل عام وأنتم بخير، مع خالص تحياتي،
أحمد محجوب العوض (احمودي)
امتداد الدرجة الثالثة
مربع 13
الرياض - المملكة العربية السعودية
|
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
احبة الامتداد
رمضان كريم وكل عام وانتم بخير
تصوموا وتفطروا على خير حلو مركم
ابريكم رقاقكم عصيدتكم كسرتكم قراصتكم
كركديكم بليلتكم ... ووو
ياريس طارق .. حريرتكم ومشبكيتكم
اخوى وين الصور لو انتا نسيت انا مانسيت
ونقول زى ماقال البعيو صورتك الخايف عليها
ونحنا ما
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
Quote: ياريس طارق .. حريرتكم ومشبكيتكم
اخوى وين الصور لو انتا نسيت انا مانسيت
ونقول زى ماقال البعيو صورتك الخايف عليها
ونحنا ما |
عزيزنا تيتاوي رئيس وزراءنا الموقر
والله عندي مشكلة في انزال الصور وما عارف
المشكلة وين هل عندي في الجهاز ولا من المنبر
الحكاوي كتيرة بس ربك يسهل تنزيل الصور
يا جماعة عماد عيونو القائد العام مختفي
في ظروف غامضة اخاف ان يكون اختطف من قبل
عصابة حنا سات
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
أبت الأحزان أن تغادر مربعنا المكلوم وقبل أن تجف دموعنا على رحيل ركن من أركان الامتداد إلا وتسيل مرة أخرى وهي تنعي ركنا آخر.
فجع مربع 8 فجر أمس الجمعة بوفاة الوالد والعم صالح سعيد عطية والد الصديق العزيز المهندس عادل صالح (عادل بله).
صادق التعازي باسمكم نرسلها للأخوين عصام وعادل وجميع أفراد أسرتهم ونسأل المولى عز وجل أن يرحم العم صالح ويسكنه فسيح جناته مع الصديقين والشهداء وحسن أولئك رفيقا وأن يلزم أسرته الصبر وحسن العزاء والتعازي موصولة لعضو البوست الأخ العزيز صلاح شكوكو
وإنا لله وإنا إليه راجعون
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
نسأل المولى عز وجل أن يرحم والدنا صالح سعيد وأن ينزله منزلة الصديقين والشهداء وحسن أولئك رفيقا
أحر التعازي لأخي وصديقي عادل بله
وصادق تعزينا للأخوان عصام صالح وصلاح شكوكو
وأن يلهمنا جميعاً وأسرته الكريمة الصبر وحسن العزاء
(وانا لله وانا اليه راجعون )
| |
|
|
|
|
|
|
|
|
 Re: امتداد الدرجة الثالثة ذلك الحي المتفرد (Re: حاتم حمدتو رجب)
|
سيدي الرئيس طارق جبريل
السلام عليكم ورحمة الله وبركاته ، ،، ،،
Quote: يا جماعة عماد عيونو القائد العام مختفي
في ظروف غامضة اخاف ان يكون اختطف من قبلعصابة حنا سات |
مخلصكم القائد العام لقوات الشعب المسلحة ينعم ولله الحمد بكامل الحرية ويصول ويجول حيث يشاء ، فقط سيدي الرئيس نجري هذه الايام مناورات مع حليفتنا مدينة الصحافة بقيادة القائد المظفر عمر عبد السلام لاستخدام الاسلحة الحديثة التي أوصلتموها لنا من هناك . لم نكن نود التحدث عن ذلك حتى لا يدخل النمل مساكنهم . والتمارين القتالية تجري على قدم وساق ، فإطمئن قائدنا المظفر فجنودكم على أتم الاستعداد لمرحلة الصفر .
التحية للجنود البواسل المرابطون في الثغور ولا نامت أعين الجبناء . والله أكبر ولله الحمد .
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اخونا عبد الله عوض
Quote: بسم الله
وين ناس ؟
الفاتح الجوس
محمد حسبو
امير الجمري
خالد اميقو
وليد ولد بوليس المويه بتاع مربع 12
الصادق خليفه
وووووووووووووووووووووووووووووو الخ
افيدونا
عبدالله متابع يوميا لامتدانا المتفرد
مربع 8-- 4
|
Quote: بسم الله الرحمن الرحيم
رمضان كريم ييييييييييييييييييييييييياناس
ياحليل رمضان السودان كل واحد جايب صينة فطورو وفيها مالذا وطاب من قراريص وعيصدة وحلو مر كركدي
يييا سسسسسسسسسسسسسسسسسسسسسسسسسسسسسسسسسسسسسسسسسسسسلام
جاجات رهيبه الواحد محروم منها 10 سنوات والله يام ياذمان
عموما تصومو وتفطرو علي الف خير
وتحية لكل ناس الامتداد والصحافه كمان
سلام لكل الناس
وما تنسونا من صالح الدعاء
عبدالله كع 11- |
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
إنا لله وإنا إليه راجعون ولا حول ولا قوة إلا بالله العلي العظيم
اللهم ارحم العم صالح سعيد وأسكنه فسيح جناتك مع الصديقين والشهداء .
التعازي للأخوان عادل وعصام صالح وصلاح شكوكو . ولجيران الفقيد ذلك الانسان
الذى سيفتقده الجميع
احبة الامتداد
وصلتنى الرسالة التالية من الاخ جومو للتو وهو يحمل فيها نعى العم صالح
وقد نعاه الاخ صديق
Quote: الاخ /عامر تحيه
كيف الحال والاحوال مبروك البنيه
وتتربى فى عزكم
توفى لرحمه مولاة والد عادل صالح عادل بله
لك التحاي
|
اما التهنئة فهى بخصوص المولودة التى ابصرت النور
يوم الاربعاء الماضى الخامس من رمضان بحمد الله وقد
اسميناها عائشة تيمنابام المؤمنين وتاسيا بالوالدة
التى رحلت عن دنيانا قبل عامين لها الرحمة والمغفرة
وليت حفيدتها ( تشيل ) الاسم وان يحفظها الله سبحانه
وتعالى ويرعاها وكل ابنائنا وبناتنا
عامر تيتاوى
| |
|
|
|
|
|
|
|
|
 Re: امتداد الدرجة الثالثة ذلك الحي المتفرد (Re: طارق جبريل)
|
ســعادة رئيس مجلس الوزراء
ألف مليون مبروك سيدي البنية النيرة ، وألف مليون حمد لله على سلامة المدام وربنا يعمر منزلكم . وإن شاء الله عائشة شايله إسمها وربنا يجعلها من الشريفات العفيفات الطاهرات المتفوقات .
حفظها الله لكم وبقية أفراد الأسرة الكريمة . تحياتي .
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عامر تيتاوى)
|
ياريس عشان ابيت تنزل لينا الصور جيبنا الجار وابو النسب
يمكن تحن علينا
عموما ياريس يمكن انزال الصور فى حال استعصت بالموقع عن طريق
موقع اسمه مركز البوم لتحميل الصور ويمكنك الوصول اليه عن طريق
الجوجل وساحاول انزاله لك فى مداخلة اخرى
دايرين نشوف الصور ياجميل
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: ناصر جبريل)
|
القصيدة ادناه لشاعرنا سيد احمد الحردلو هدية لناس الامتداد الحلوين ول تيتاوي بمناسة المولودة جعلها الله من بنات الوطن الصالحات
حصل
سيد احمد الحردلو
، يا جَنَا .. أبداً جَرَالَكْ أمرْ مِن هَذَا القبيلْ ،
إنك مسافر فى بلاد بره .. وزول عابر سبيلْ
تلقاك بنية حليوة .. زى موية السبيلْ ،
والدنيا حرْ ..
والجوف عليلْ ،
تنده عليكْ
يا ماشى زى الغابة .. يا زولْ .. يا جميلْ
وَقفْ .. وهاكنى معاكْ .. وسافِرْ .. يا جميلْ ،
- أيوه حَصَلْ ،
بس المطرْ كان قاجى .. والليل كان جميلْ
والبندقية .. جزيرة الطِليان ..
يمين . . مليانة شيلْ
والبحرِ رايقْ .. والمزاجْ . .
والجيب تقيلْ ،
وشربنا . . ناماً شُفنا ايطاليا مدنقرة فى المحيطْ،
وتقول ياليلْ
ويمين – حلفنا – نعومْ .. وكان الكيفْ تقيلْ
وا########## ليلْ
يا زول حَصَلْ .. زى ما حَصَل . .
ما الدنيا ليلْ
والزول مسافرْ
والطلايناتْ ديكْ . . يا ليلْ ،
- أيوه حَصَلْ
. . . بَس المطر كان قاجى .. والليل كان جميلْ
| |
|
|
|
|
|
|
|
|
 Re: امتداد الدرجة الثالثة ذلك الحي المتفرد (Re: نيازي عبدالله مرحوم احمد)
|
سـعادة السادة / الريس ونائبة الميامين حفظهم الله
السلام عليكم ورحمة الله وبركاته ، ، ، ،،
| Quote: الليلة مشيت ودخلت على المدير وقدمت استقالتي عدييييييييييييييييييييييل كده |
تم رصدها ونقلها عن المدعو ( ياسر حنا ) يفيد فيها بتقديم إستقالته من العمل ونيته بالتوجه إلى السودان . قف . العملية برمتها تدخل في إطار آخر . سنوافيكم به لاحقاً . والله أكبر والعزة للوطن .
الجنرال
عماد محمود علي
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
الامتداداب الأطايب
سلام وشوق شديد .. ولهفة للقياكم الحبيبة على نفسي ..
الشكر لكم جميعا بلا استثناء للسؤال عني كتابة في البوست واتصالاً على الهاتف ..
لكن الغياب هذه المرة كان مبررا على خلاف السابق .. كنت مشغولاً جداً سوى في العمل أو في البيت .. وحتى مجرد الاطّلاع على البوست كان متناثراً وعلى عجل .. ورغم ذلك اتلذذ به واتزود منه كثيراً .. لكم من الود ما يفوق مودتي ومن الحب جله .
اسأل الله ان يرحم عمنا صالح سعيد ويسكنه فسيح جناته مع الصديقين والشهداء والعزاء للأخوان عصام وعادل بلة واخواتهم واشرف ابن اختهم والتعازي موصولة للأخ صلاح شكوكو ..
الحبيب عموري (عشة مبروكة) ويارب تشيل اسم الكريمتين (ام المؤمنين) عائشة و(أم الأخيار والأحباب والأخلاء) عائشة والدتنا جميعاً .. وأقرّ الله بها عيونكم وجعلها من المكرمات .ً
تراحيب بالأخوان .. نيازي وعلاء حيمورة والبعيو وكل من جمّل هذا البوست وعطره بمروره.
وساواصل باذن الله معكم وبكم .
دمتم تاجاً في رأسي
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
العزيز عبد الله كع
> بسم الله الرحمن الرحيم
>
>
> ياسادة يا كرام مايحلو الحديث الا بزكر النبي عليه
> الصلاة والسلام
>
> اجتمعنا انا والاخ عادل صالح في منزله العامر في مدينة
> الرياض عشان نشرب معاه موية رمضان وكان يوم حافل
> بالزكريات
>
> الجميله عن امتدادنا المتفرد وعنا كل شي في الامتداد
> وكانت البدايه من حيث بداية الامتداد (مربع 1) والي
> نهاية الامتداد
>
> وطبعا عادل صالح هذا عندو محن عن الامتداد وجكس
> الامتداد والله عموما كانت زكريات وليتها تعود.
>
> دخلنا بيت ناس فيصل طواف وبدر الدين ابو صلعه والمرحوم
> خالد رمونيغه وخالدسلام ويكش وعمك محمود اووو
>
> ودة مربع 1 ومشينا مربع 2 ناس طه غليظ وسيد احمد وجميل
> ومجدي بركيه معاويهوطبعا في اسماء ضاعت من الزاكة ولكن
>
> الاشكال محفورة في المخيخ . وبعداك مربع 3 مجك
> ونصرالدين جوطاط ومحجوب عكود وممو والرحوم طمبل باي
> وسامة شيتا
>
> ومدثر الطويل وبرض في اسماء ضاعت مع الذمن العفن وجينا
> لي جيرانا ناس اربعه وبدينها بروضة ماما صفيه وانتهينا
> بعمك فتحي
>
> المهم نايس اربع ديل اقرب لينا في اي شي حتي عموما
> اكتر الكلام كان عن اربه وناسه وسلام اربعه والردستار
> والنجوم وبعدها خمسه
>
> الحبيب المرحوم ركوبه الحكم وقرشي وفراشه ومدرسة
> بشير ثم 6 الرحوم حسين سند ةالسلاوي وشباب الربع
> كلة وحفلات سته الرهيبه
>
> ومشينا لي 7 وطبعا عادل مقتول في سبعه زورنا الصيني
> ومونيا ونقيش ونوبه وعادل مكاوي وناس بابكير وعيال
> الجيلي وحامدطاعون
>
> وجينا حيث مسقط رؤوسنا قلب الامتداد 8 اخذ الوقت كلو
> يااللللللللللللللللللللللللللللللللللللللللله
> ساعتين في 8 من منزل رقم 1 الي المنزل رقم181
>
> لفينا الربع بيت بيت وطرينا هو زول زول الصغير قبل
> الكبير الاموات قبل الاحياء
>
> وغدا نواصل الجلسة الرمضانيه في يقية مربعات الامتداد
>
> عبدالله كع
>
> مربع 8 ومربع 11
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: Yassir7anna)
|
Quote: يا جنرال اثيت مالك بترجف
حنا دا شغل تكتيكي و الجماعة يلعو الطعم |
 
عزيزي ناصر
ده لما تشوف حلمة أذنك ، مفتحين وعيوننا مفنجلة ونسير وفق خطط مدروسة مسبقاً من قادتنا الأشاوش . وتكتيككم فشنك ذيكم .
Quote: وزير دفاع حكومة العدو
العزيز عماد عينو
{quote]تم رصدها ونقلها عن المدعو ( ياسر حنا ) يفيد فيها بتقديم إستقالته من العمل ونيته بالتوجه إلى السودان . قف . العملية برمتها تدخل في إطار آخر . سنوافيكم به لاحقاً . والله أكبر والعزة للوطن |
ولدينا المزيد والمزيد مع الريس ، فقط إنتظروا ، ويا أيها النمل أدخلوا مساكنكم .
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
بسم الله الرحمن الرحيم
(( ولنبلوكم بشيء من الخوف والجوع ونقص من الأموال والأنفس والثمرات وبشر الصابرين ... الذين إذا أصابتهم مصيبة قالوا إنا لله وإنا إليه راجعون .... أولئك عليهم صلوات من ربهم وأولئك هم المهتدون .. )) صدق الله العظيم ..
بعد الرضا بقضاء الله وقدره .. والإمتثال لإرادته الغالبة .. لا نملك إلا الشكر والعرفان نسدي به لأهلنا وجيرانا في كل مربعات إمتدادنا الحبيب على وقفتهم المشرفة ومواساتهم الطيبة لنا في فقيدنا عميد الأسرة الوالد المغفور له بإذن الله (( صالح سعيد عطية )) .. تلك الوقفة التي خففت عنا الألم والمصاب .. وكانت خير بلسم لنا في تضميد جراحات الحزن والأسى وهذا ليس بغريب عليهم فقد ظلوا دوما في مكمن الأخوة والتعاضد مترابطين متعاونين متلاحمين في السراء والضراء بارك الله فيهم وسدد على طريق الخير خطاهم ..
ونيابة عن كل أفراد أسرته الكريمة خاصة الأخوة (( عصام - عادل بله )) أتقدم بجزيل شكري وتقديري لهذه المشاعر الإنسانية النبيلة والمواساة الطيبة التي كان لها أبلغ الأثر في تخفيف أحزاننا ومصابنا الأليم .. سواء كان ذلك حضورا أو إتصالا أو عبر هذا البوست .
والشكر والتقدير لكل أبناء وبنات حي (( الأمتداد )) ولكل تعازيهم الرقيقة مما يدلل على نقاء معدنهم وحسن ترابطهم في شتات الأرض المختلفة .. وبصفة خاصة نسدي تقديرنا للأخوة الأعزاء المتواجدين بالسودان والذين ضربوا لنا مثالا حيا في المؤازرة والتعاضد والمواساة والذين شكلوا حضورا طيبا طيلة أيام العزاء ..
كما يمتد شكرنا لكل الأحباء في الأحياء المجاورة الذين كانوا معنا وبيننا مواساة وسندا وعضدا والذين كانت لوقفتهم هذه أبلغ الأثر فينا .. داعين الله أن يجزيهم جميعا حسن الجزاء .
ونبتهل للباري الكريم بأن لا يريهم مكروها في عزيز لديهم وأن يحفظهم من كل سوء .. وأن يتقبل صيامهم وقيامهم وأن يجعلهم من عتقاء هذا الشهر الكريم .. وهكذا هي الدنيا لا تستقر على حال
وإنا لله وإنا إليه راجعون ولا حول ولا قوة إلا بالله ..
=
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: صلاح شكوكو)
|
انا لله وانا اليه راجعون ..رحم الله عمنا صالح عطيه وادخله فسيح جناته مع الصديقين والشهداء
اللهم اجهل قبره روضه من رياض الجنه ...
التعازي موصولة للاخوان عادل وعصام والاسرة الكريمه والجيران وللاخ صلاح شكوكو التعاذي هذه سنة الحياة فقط نسأل الله
ان يجعل مؤاه الجنة ..
عماد عويس
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
أحبائي
لكم مني كل الود
| Quote: الحبيب عموري (عشة مبروكة) ويارب تشيل اسم الكريمتين (ام المؤمنين) عائشة و(أم الأخيار والأحباب والأخلاء) عائشة والدتنا جميعاً .. وأقرّ الله بها عيونكم وجعلها من المكرمات .ً |
شفت أسم عائشة ده جميل كيف ... ربنا يحفظها وأخوانها ويجعلها من الصالحات
الزعيم طارق جبريل
إلف حمد الله علي العودة ..... وبدأت بشائر الرحلة الميمونه تهل يبدو الصور غنية ... بس يا حبيب النظر عندنا بقي خفيف ... شوف لينا طريقة لتكبير الصور دي ..... ولا أنتو شايفين كويس ومستمتعين ........... يالله احكو لينا
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
كيفنكم يا قبيلة انشاء الله كلكم تامين وسالمين ....
مبروك العروسة يا تيتا ربنا يحفطها ويكبرها لينا يارب حاجزين ...
يادكتور انت كبرت والا شنو ؟؟سلامة نظرك ...والله انا جبت لي مكبر مخصوص عشان اعرف واحد من الناس ديل ما قدرت ..
اظنه الريس داير يشغلنا بي الصور دي ...
يا ناصر يااخوي شوفوا لينا حل لرمضان نطل عليكم كل يوم لكن مع عدم الاكل والشراب ما في( تريقه والله)
عماد عيونو ياخوي انت عايز تلملم كل الحسنات في رمضان ...طيب خلي لينا شويه ...واصحي للون البوست بقي ينزل لنهاية الصفحة
الثانيه يعني كمان كم يوم نلقاه في الارشيف .....
شايف حنا داير يرجع السودان افو ...وعدتوه بي حاجه الزول ده ؟؟؟
ليكم مني السلام كتير خالس خالس ....
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
Quote: المولودة التى ابصرت النور
يوم الاربعاء الماضى الخامس من رمضان بحمد الله وقد
اسميناها عائشة [/QUQuote: المولودة التى ابصرت النور
يوم الاربعاء الماضى الخامس من رمضان بحمد الله وقد
اسميناها عائشة |
العزيز الفاضل / عامر تيتاوي
الف مبروك المولودة
آسف الأنني لم اطلع على الخبر إلا مؤخرا
إن شاء الله تتربى فى عزكم
وجعلها الله من الصالحات والبارات لوالديها
وفخرا ومجدا للآل تيتاوي .
--- اخوكم عمر عبدالسلام
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
Quote: المولودة التى ابصرت النور
يوم الاربعاء الماضى الخامس من رمضان بحمد الله وقد
اسميناها عائشة [/QUQuote: المولودة التى ابصرت النور
يوم الاربعاء الماضى الخامس من رمضان بحمد الله وقد
اسميناها عائشة |
العزيز الفاضل / عامر تيتاوي
الف مبروك المولودة
آسف الأنني لم اطلع على الخبر إلا مؤخرا
إن شاء الله تتربى فى عزكم
وجعلها الله من الصالحات والبارات لوالديها
وفخرا ومجدا للآل تيتاوي .
--- اخوكم عمر عبدالسلام
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
العزيز عماد عويس
Quote: اظنه الريس داير يشغلنا بي الصور دي ...
|
اقول ليك حاجة والله انا فيهم واحدين كتار ما عرفتهم ولمن صورتهم خجلت اسألهم من اسماءهم
بس في واحدين متذكرهم كويس وحا اعمل عليهم علامات واقولهم ليك منهم:
مصطفى حودة- طلال لطف الله- حسام لطف الله- احمد جمعة(الاخضر الابراهيمي)- عبد الرحمن مالك- فيصل الطويل- عثمان اخو مصطفى سكو- عابدين
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
ياريس الصور دي ما واضحه د.حاتم قاليك جاب مكبرات صوت وصوره ما قادر يشوف و لايعرف الاخضر الابراهيمي من كوفي انان .
انت ياريس عملتها متعمد عشان الرعيه ديل كلما يدخلوا البوست كل همهم يتعرفوا علي الاشخاص ويضيعوا وقتهم في البحث وينسوا
المواضيع المهمه ...عملت لينا شنو في مليشيات الباعوض المتمركزه في الخيران. واقعه نهم وتخريب ومص دماء ؟؟؟
حنا راجع يبدو انه حنا للسودان !!!ويمكن انت وعدته بوزارة ...ياربي شنو؟؟ امن ولا ارصاد جويه ؟؟ يخيل لي القصر حيتملي بالرعيه
من مستشارين !!!!الامتداد كله حيكون في القصر يابختنا ....
بسأل عن عماد محمد علي (عماد حديقه ) ياجومو الراجل اللذيذ ده وين وغزافي عبداللطيف ؟؟؟؟؟دلوني عليهما ...
حسون وفركة اليدين واردليس ....
فريق الامتداد العريق وصل وين ؟؟؟؟ الامم الافريقيه !! مافي تقارير عن نادي الامتداد يا جومو !!!!!!!!
تسلوا من كل سوء
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
سلام للاحبه ...
ياريس انت الصور دي ماخده من الجو ؟؟؟
غايتو رقم 1 جمال حسن سعيد الممثل ..
2 شكينيبه ...زمان كان في واحد اسمه شكينيبه ..مش كده يا عبدالفغار ؟؟؟؟
3 اعتقد انه ده عمك لطف الله ...طلال ده ولدو ...
4 عصام الطلقه بارودي
7 بس عشان طويل حقاره منك ..
8 جومو مغمد بعرفه لكن برضو طشاش ذي الشايفه في حلم
10 طلال لطف الله امال وين عماد
الباقين ديل ضيوف .؟؟ما من الامتداد عشاشه ..
ياريس جيب لي صوره صوره عشان افهم حاجه ..انا الصوره الفي راسي صوره قديمه مهترئه بشوفها طشاش طشاش
الميدان ده وين؟؟؟.
ااميرنا جلسة الاستماع للفنان عثمان حسين متين؟؟؟؟ ما تنيسي تسجل لينا شريط وتحياتي لفيصل الصحافه
يا تيتا كيفك وعشوشه ؟؟في واحد صاحب علاء الدين اخوك بسأل عنه بشده وقال عايز الايميل بتاعه او بتاعك الزول ده جارنا بالحيل
ناصر رمضان قرب انتهي شوفت لينا حل ما مشكله انشاءالله السنه الجاية ...
تسلموا
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
احبة الامتداد
تحايا كبار
اخوتى واعزائى الدكتور حاتم حمدتو 00 عماد عويس 00 ياسر حنا 00 عمر عبد السلام
عائشة بخير وتقبل اياديكم اعمامها الطيبين 00 ربنا يحفظكم جميع
الريس طارق جبريل
بالغتا عديل فى الصور الرائعة والفريدة دى ذكرتنا بالذى مضى وهذه الوجوه الطيبة
ذاك وطر مضى لكنه باق فى نفوسنا ما بقينا احياء شكرا ليك ياريس وتحية لكل هؤلاء
الامتداداب الرائعين ... يااااااااااااااااه
اما المصطبة فشوقنا اليها يسبقنا كل يوم وبالامس اتصلت باخى صلاح وقال الليالى
الرمضانية عامرة وبرفقته اخوة اعزاء ومن بينهم الاخ ميرغنى ابقيقة وهو يشكر كل
كل من واساه فى وفاة الوالدة وطبعا شوقنا للمصطبة مليانة مافاضية وربنا يجعلها
عامرة دوما بابناء الامتداد الطيبين اسرة واحدة واصرة لا تنقطع وقد اوثقت رباطها
السنوات الطوال
الحبيب عماد عويس والله مشتاقين ويارب شوفة
معذور ياعمدة فانا برضوا عرفت الناس الفى الصورة بعد ما قالهم الريس طارق جبريل
اما الميدان فهو ميدان الوحدة والمعلمين خلف مدرسة فاطمة عبد الرحيم اما العمارة
البيضاء فى الخلف فهى اعتقد بيت ناس عاطف ... سيدة الداية اما العمارة البيضاء فهى
بيت ناس صابر وطارق شريف وفى الوسط بيت ناس عثمان بشير سابقا وهذا صف اول بيوت
مربع ستة .. والله اعلم
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: حبيب نورة)
|
Quote: ناس الأمتداد
ماشاء الله
تسعتاشر صفحة ما أتكتبت في منهاتن
ربنا يزيد |
حبيب نورة .. ازيك ياحبيب
والله اسمك ده عاجبنى من زمان
هى منهاتن سمحة زى الامتداد
ياحبيب انتا من الليلة زولنا
ومن ناس الامتداد وليك نشرع
كل الابواب ونفرش شوارع الامتداد
عشانك ياحبيب
شكرا على المرور وان شاء الله
اقامة دايمة ويللا للصفحة 20
لسه الكلام كتير وتسلم ياحبيب
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
العزيز ملامح
مرحبا بك امتدادي اصيل
سردك فيه كمية من الجمال لا توصف
بس عندي طلب صغير يا ريت لمن تجي تكتب تستعمل إضافة رد بدلا من رد
بس عشان تسلسل المداخلات ونقدر نتابعك كويس
عزيزنا تيتاوي (الطيب صالح)
يا زول الامتداد مليان حاجات حلوة بس انت اصبر لي وانا حا انزل ليك صور تجنن
حبيبنا عماد عويس
الميدان زي ما قاليك تيتاوي هو ميدان المعلمين والوحدة
والبيوت الوراهو زي ما وصفها ليك بالضبط
حبيب نورة كيفنك
والله الامتداد دا حي بذاكرة امة
نحن مانهاتن دي ذاتها ما فاضين فيها
يا جماعة في غيابات كدة ما مريحة:
- صديق حمدتو
- امير الجمري
- ناصر جبريل
- زرياب كنيش
- ابو السيد الزعيم
والبقية
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
احبة الامتداد
اليوم يطل عليكم من نافذة التلاقى الجميل فى بوست الامتداد
واحد من انبل ابناء الامتداد واجملهم خلقا واصدقهم اخوة
ابوعبيدة محمد الحسن محجوب الشهير ( العب )
ولا اعتقد بل اجزم اننى لست وحدى فى شوقى لهذا الانسان الرائع
والمتفرد والله شوقنا للعب بلا حدود واملى ان التقيه ولو على
صفحات هذا الملتقى الجميل لامتدادنا المتفرد
وابوعبيدة الى جانب اخلاقه النبيلة ومعشره الطيب وكونه اجتماعيا
من الدرجة الاولى فهو كذلك ايضا كان لاعبا ماهرا ومبدعا ومتالقا
وقد كانت بدايته مع فريق الردستار فى رابطة الامتداد ثم انضم الى
فريق برى بالدرجة الثالثة او الثانية لا اذكر على وجه التحديد ثم
كانت عودته الى مكانه الطبيعى فى الامتداد فارتدى شعار نادى الامتداد
فى الدرجة الثانية فى نهاية العام 1992 وقد شارك مع الامتداد فى
العديد من المباريات وترك بصمته منذ مشاركته الاولى مع الفريق ولا ذلت
اذكر مشاركته الاولى مع الامتداد فى 2-11 -92 وكانت المباراة امام
الحماداب وانتهت بفوز عريض للامتداد 4-2 تقاسمهما ابو عبيدة ودفع الله
عبد الكريم وكان هو نفسه يلعب مباراته الاولى مع الامتداد فى ذلك الموسم
وقد عرف العب بعلاقاته الاجتماعية المتعددة خارج وداخل الامتداد وقد حافظ
على حضوره الامتدادى الجميل حتى بعد رحيل الاسرة الكريمة الى الرياض
ولم يكن فى ذلك العب وحده بل كافة اخوته الاحباء عادل وعمر وعماد وعصام
وبكرى واسامة فلهم جميعا محبتنا ومودتنا
ابوعبيدة الان يقيم فى لندن
وللحديث بقية
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عامر تيتاوى)
|
اخي العزيز عامر تيتاوي ( رئيس مجلس الوزراء )
يسعد صباحك سيدي ، ، ، ،
هذا اللاعب الفنان ترك بصمات واضحة في رابطة الامتداد وكان من اللاعبين المبدعين داخل ذلك المستطيل ، سطر إسمه بأحرف من نور وتركت معاملته الإنسانية البحته محبة كبيرة له عند الجميع ، صغاراً وكباراً ، له منا كل الود والتحايا ونتمنى فعلاً أن نلتقي به ولو عبر الحروف . لك مني كل التحايا عزيزي .
حاولت أمس الاتصال بك وكان جوالك مغلق لك ودي .
| |
|
|
|
|
|
|
|
|
 Re: امتداد الدرجة الثالثة ذلك الحي المتفرد (Re: طارق جبريل)
|
النجدة يااهل الإمتداد..بوست الصحافة راح فين ؟ اوع يكون وقع في الخور ؟
---------------------------
الأحبة في حكومة الإمتداد المؤقرة
نناشد الريس ( طارق ) والجنرال الشرس ( عماد ) ورئيس الوزراء الحازم ( عامر تيتاوي )
فجأة وبدون سابق انذار .. اختفى بوست ( الصحافة من المنبر ) ولى كم يوم دايخ ابحث عنه دون جدوى
ماذا حصل .. وقع في الخور ام في ( خور جانقي ) يبدو ان المتمردين عن حكومة الإمتداد حليفتنا قاموا بهذه المهمة في جنح الظلام
نستجد بكم ياجيراننا الأعزاء ، نرجو تحرك كل قوات الإمتداد الضاربة بحثا عن بوست جيرانهم الضائع ورئيسه حيدر قاسم
افيدونا ..
--- ابوانس الصحافاوي
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: omer abdelsalam)
|
أخي العزيز المناضل عمر عبد السلام
هذه عمائل الجماعة إياهم فعندما عجزوا عن ضربنا في الامتداد ذهبوا لضرب حلفائنا بمدينة الصحافة الراقية من الخلف ، ولكن هيهات أن يتم لهم مرادهم . الآن تم تجنيد كل القوات الباسلة بمدينة الامتداد لاسترداد الموقع الخاص بكم إلى مكانه الطبيعي , دقائق معدودة ويتم إعادة الحال إلى حاله وعاشت حكومتي الصحافة والامتداد ولا نامت أعين الجبناء .
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عماد محمود علي)
|
Quote: النجدة يااهل الإمتداد..بوست الصحافة راح فين ؟ اوع يكون وقع في الخور ؟
---------------------------
الأحبة في حكومة الإمتداد المؤقرة
نناشد الريس ( طارق ) والجنرال الشرس ( عماد ) ورئيس الوزراء الحازم ( عامر تيتاوي )
فجأة وبدون سابق انذار .. اختفى بوست ( الصحافة من المنبر ) ولى كم يوم دايخ ابحث عنه دون جدوى
ماذا حصل .. وقع في الخور ام في ( خور جانقي ) يبدو ان المتمردين عن حكومة الإمتداد حليفتنا قاموا بهذه المهمة في جنح الظلام
نستجد بكم ياجيراننا الأعزاء ، نرجو تحرك كل قوات الإمتداد الضاربة بحثا عن بوست جيرانهم الضائع ورئيسه حيدر قاسم
افيدونا .. |
السيد / الرئيس طارق جبريل
السيد رئيس مجلس الوزراء عامر تيتاوي
السلام عليكم ورحمة الله وبركاته ، ، ، ،
بعد الإستنجاد الذي قام به إخوتنا وحلفائنا في مدينة الصحافةالديمقراطية ممثلين في القيادي العظيم عمر عبد السلام ، وتنفيذاً لأوامركم السامية لنا بضرورة القيام بعمليات عسكرية عالية الدقة والتنظيم لإستعادة موقع حلفائنا من الخونة المارقين ، فقد قامت قواتكم المسلحة بشن هجومٍ كاسح مستعملة فيه كل الاسلحة المشروعة من راجمات وطائرات مروحية وحربية وعربات مصفحة ودبابات وذخيرة واسلحة ثقيلة وخفيفة، وتمكنت قواتكم الباسلة ولله الحمد من إسترداد الموقع المغتصب من قبل العدو وإعادته إلى إخواننا في مدينة الصحافة دون أي خسائر في صفوف جيشكم الباسل . قف . نهنئكم سادتي بهذا النصر العظيم الذي لما كان سيأتي لو توفيق الله أولاً ومن ثم جهودكم العظيمة لما توفروه لنا من أسلحة ومعدات متطورة ساعدتنا كثيراً في تحقيق تلك الانتصارات . قف . متمنين لكم ولاخواننا وحلفائنا في مدينة الصحافة دوام التوفيق والازدهار والأمن والأمان . وعاش تحالف الصحافة والامتداد ولا نامت أعين الجبناء , والله أكبر والعزة لصحافة الامتداد .
اللواء أركان حرب / عماد محمود علي
القائد العام لقوات الشعب المسلحة الامتدادية
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
عاطف وديدي بعد غيبة طويلة
Quote: محبه وسلام تعازفقد عزبزي لكل من
إن حاولت تخصيص السؤال و التحية بالأسماء فبالتأكيد حأحتاج لل 19 صفحة السابقة لكن من وقت لآخر أكتشف أني حي
مبروك للصدبق نور الدين عطا السيد التومات مبروك للأمتداد البنتين الأمورات
كل الحب لك أنت بالذات يا البتقرأ و تسأل
أخوكم عاطف ودبدي مربع1 |
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
Quote: بعد الإستنجاد الذي قام به إخوتنا وحلفائنا في مدينة الصحافةالديمقراطية ممثلين في القيادي العظيم عمر عبد السلام ، وتنفيذاً لأوامركم السامية لنا بضرورة القيام بعمليات عسكرية عالية الدقة والتنظيم لإستعادة موقع حلفائنا من الخونة المارقين ، فقد قامت قواتكم المسلحة بشن هجومٍ كاسح مستعملة فيه كل الاسلحة المشروعة من راجمات وطائرات مروحية وحربية وعربات مصفحة ودبابات وذخيرة واسلحة ثقيلة وخفيفة، وتمكنت قواتكم الباسلة ولله الحمد من إسترداد الموقع المغتصب من قبل العدو وإعادته إلى إخواننا في مدينة الصحافة دون أي خسائر في صفوف جيشكم الباسل . قف . نهنئكم سادتي بهذا النصر العظيم الذي لما كان سيأتي لو توفيق الله أولاً ومن ثم جهودكم العظيمة لما توفروه لنا من أسلحة ومعدات متطورة ساعدتنا كثيراً في تحقيق تلك الانتصارات . قف . متمنين لكم ولاخواننا وحلفائنا في مدينة الصحافة دوام التوفيق والازدهار والأمن والأمان . وعاش تحالف الصحافة والامتداد ولا نامت أعين الجبناء , والله أكبر والعزة لصحافة الامتداد .
اللواء أركان حرب / عماد محمود علي
|
التحية العطرة ياجنرال
اشكرك على الإستجابة السريعة للنداء
عاد بوست الصحافة الى قواعده سالما بفضل جهودكم الجبارة وتحركاتكم الحاسمة والفاعلة
ونطلب منكم كشف المزيد عن المؤامرة الكبرى لضرب تحالف حكومتي الصحافة والإمتداد
وان شاء الله سنردم تلك الحدود الوهمية بيننا ( خور جانقي ) ونحوله الى حديقة سلام وملتقى بين المنطقتين الجارتين
وعاش نضال الشعبين : الصحافى والإمتدادي
وثورة حتى النصر
------- ابوانس الصحافاوي
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: omer abdelsalam)
|
سلام للكل وست الكل
يا حنا يااخوي مالك علينا !! هسع وزارتك دي يلقوا ليها حيوانات وين؟؟؟؟
الحيوانات شردت ومرقت من البلد ما فضل الا الحيوانات الضلوعه ناشفه !!!!!! اه ديل دايرين ليهم وزارة ؟؟؟ يعني( المأكله)
حتكون عضام ساكت ...خرخرت ما عايز ...
انا كنت في الديش في المدرعات اه ياوزاة الدفاع يا الداخليه ......نبني لينا عمارتين تلاته انشاء الله تقع فوق راسي ....
ياسلام ابوعبيده محمد الحسن محجوب ياحليك ويا حليل ايامكم ,,,,,,,,اتصل انا منتظرك ....
اخيرا ظهرت ياوديدي وينك بنسال عليك دائما بالله كيفك والاسرة الكريمه تلفوني عند حمزة بن عمي ...
ياريس لو الصور الباقيه ذي صورك دي احسن ما تجيبها تشحتف روحنا ساكت ..
اه فتكم بعافيه
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
يوميا باخذ طلة علي البوست بس كميات الحزن العايشتها في الشهور الماضية منعتني من المشاركة (وفاة الوالد وفاة عبدالاسد وفاة صالح سعيد عليهم الرحمة وكثير من الاحزان...
وانشاء اقدر في الايام الجاية اكتب عن الجيل الجديد في الامتداد العايشة في تلك الايام الحزينه
سلامي للجميع وخالص شكري لاهل الامتداد الجنة التي دخلتها كهلا وفرحة بجيرتهم
اللهم ارحم موتانا الوالد عبدالله والعم صالح سعيد والعم عبدالاسد برحمتك الواسعة
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
وديدي معه اخبار حلوة
> أبو عبيده يسلم على كل أهل الأمتداد
> أهلى و أحبتى فى الأمتداد العظيم السلام و الشوق
> الأكتر من مطر لندن للجميع
> صدقوني أنا بسأل و مشتاق لامن فترت بس أهى ظروف حتما
> ح تعدي الله
> يدينا الصبر دايما والله في سيرتكم مع الأخ عاطف
> وديدى و دى وصية منى يطمن الجميع
> في الأمتداد و الخليج سويسرا و ألمانيا و كل العالم
> الأمتدادى وديدى أقترح
> أرسال صورة حديثة لكن أوعدكم ده ما ح يحصل أحسن
> الصلعة بقت زي محل القون
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
لأول مرة اخونا عادل عوض بلال
الأخ الأستاذ طارق طبريل
السلام عليكم ورحمة الله وبركاته
يطيب لي ونحن نتنسم شذى هذه الأيام المباركة أن أبعث لكم وجميع سأكني
إمتداد الدرجة الثالثة بأسمى آيات التهاني سائلاً المولى عز وجل أن يعيدها
علينا وعليكم وعلى الأمة الإسلامية باليمن والخير والبركة .
هذه أول مرة اطلع فيها على البوست الخاص بأبناء الامتداد وحقيقة استمتعت
بكل ما
ذكر فيها وحركت بداخلي ذكريات جميلة ليتها تعود
ومن خلال هذه ا لرسالة أود أن أنقل تحياتي الخاصة لبعض أصدقاء الدراسة وقد
ورد
بعض منهم في هذا البوست واتمنى أن تدوم بيننا الرسائل وهم :
عاطف وديدي مربع (1)
النور عطا السيد مربع (13)
صديق حمتو مربع (
وغيرهم
وتحية خاصة للأخوان أحمودي مربع (13) وعصام تكاري مربع (12)
وتقبلوا خالص تحياتي وتقديري ،،،
مخلصكم
عادل عوض بلال
امتداد الدرجة الثالثة مربع (13)
مزيدا من التواصل عبر ايميل البوست:
[email protected]
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: showgi idriss)
|
تحيه شوق ليكم اهلي الحنان
تحيه خاصة للحبيب العائد عمر عبدالرحمن.. كلنا في كوم من الاحزان ربنا يصبرك ..
وانت في وسط مابين عمي عبدالاسد وعم صالح عطيه ووالدك ربنا يتقبلهم قبولا حسنا ويجعل مثواهم الجنة...
مجدي اخو اخوان وبتهم بيت كرم عل اتلوم كان مفروض ياشوقي ادريس يجيب معاه (القناوي الكبير مليان بالشر بوت من دنقلا )
بتاع دنقلا ده خليه علي الله ساكت !!!
و الخروف ده من رعيتي انا . وافقت علي الثروة الحيوانيه بتاعة حنا سات وعماد عيونو ...وهسع بديت اعمل اتصالات مع
دول الجوار عشان ارجع كل الحيوانات المرقت بي غادي ..مهمة صعبة ربنا يقدرنا علي المسؤلية ...ازبحوه بي الطريقة الانسانيه ...
تعرف الخروف ده ياريس لو ما كان من مجدي بركيه كنت قلت ليك دي رشوة عدييييييييييييييييييييييييييييييل كده ........
عاطف وديدي بسأل عليك الليل وتجمو حتي انوار الصباح داير طلتكم دائما انت وابوعبيده
بدرالدين اخوي انت وين يازول ؟؟؟والله خمثين وضاعت .....تذكر ليالي رمضان في الزمن الجميل داك .....
وين هارون وابراهيم والفيس (اسماعيل ) مازالوا بالامتداد ام رحلوا مع العشش ....!؟؟؟؟؟
ياحلوين انا ماشي طالع مستعجل لكن بجيكم راجع .......تسلموا من كل سوء
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: فيصل محمد خليل)
|
Quote: عمر عبد السلام في حكومة الظل التحية موصولة لفخامتك
|
اخي / فيصل محمد خليل
التحية لك
وكل عام وانت بخير
من حكومة الظل نجدد دعمنا لحكومة الأمتداد ولحكومة حلفا كمان
* تخريمة : قبل ساعات قليلة التقيت بالريس طارق في ( لمة ) فطور سوداني بالرباط . سالني : الا ترى ان اختفاء الجنرال المهيب / عماد المفاجئ عن البوست يدعو الى القلق ، ليس من عادة اللواء الشرس الأختفاء هكذا لااحم ولادستور
اتفق مع مع الريس طارق : اين انت ياجنرال ؟ ابحث معنا اخي فيصل ، الأمتداد والصحافة في خطر !
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: omer abdelsalam)
|
رأيسنا زينة ....شفت ياريس ياحبيب الخروف ده ريئاسي ... مع اني بقيت وزير الحيوانات من الليلة ما في هديه خرفان ولا جداد ..
حبيبنا شوقي الشربوت ده من صلب عاداتنا في الشمال في ايام الاعراس ... العريس المقندل وجيبه مليان بيعمل حوالي 28 لـ 32 زير قناوي
العريس التعبان 18 زير ..( انت عارف الزير والواحد بشيلوه اربعه كبار ..يعني معضلين ..).اسألوا عبدالغفار محمد سعيد
الزير القناوب مخصص فقط (للدكاي ) الدكاي شراب من البلح مسكر تبيت معاك لي تاني يوم .. بعداك بجي النبيت ده لو كترت منه يبيت معاك
ثلاته ايام ...ثم الشربوت ده خفيف ما بسكر ...لكن عرقي دنقلا بالذات الجاي من القولد ده رقم واحد في السودان ..مش كده يا عامر تيتاوي
(عامر من القولد خليهو يفتي ليكم )
ياخوانا العيد ده عيد الحلاوه ولا الخروف ؟؟؟؟ الخروف ده الجابو هنا شنو؟؟؟؟ بركيه دقس...
فيصل بن عمي وانت كمان بخير وانشاء الله ربنا يعيدو عليك وعلي الاسرة وانتوا موفرين الصحه والعافيه... مشكلتي مازالت مع السماعه
وما قادر امشي اجيب لي واحد تاني لحدي ما نتلاقي التحيات للاسرة الكريمه...
الفاضل سابل ساعدنا شويه نحن في انتظار قفشاتك ....سلم لي علي ناس الدريشاب !!!
الفريق عماد عيونو معتكف وداير يخش الجنة ..
وين الحلوين وين راحوا ما طولوا الغيبه ....
لكم مني اسمي ايات الحب والوداد وربنا يمتعكم بالصحه والعافيه
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
Quote: الجماعة ديل تانى الا نغنى ليهم
يجو عايدين انشاالله عايدين يالله |
والله يا تيتاوي لو القصة كدي انا هسا بنقلب عشة الفلاتية
واغني ليهم وعماد عويس يعزف لينا بس كيف هم يجوا
انت يا اخوي اولاد حمدتو وود الجمري محاربننا ولا شنو
بعدين غياب القائد عماد عيونو مخيف جدا كما اشار صديقنا في
حكومة الصحافة ابو انس الصحافاوي خصوصا مع غياب المدعو
ياسر حنا وزمرته المرتزقة (ناصر) الامر فيه ان كبيرة
سوف اصدر تعليماتي الى كل قواتنا الباسلة للبحث عنه
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
اخونا عادل عوض بلال
Quote: أخي العزيز طارق جبريل
تحية طيبة
في وهج إشراقات النور والضياء وعلى مشارف غار حراء ومن جوانح تهيم بالرؤى
وتتطلع إلى القبول والرضى .. من مواطن الكرامات ومهابط الوحي والرحمات من
جوار
البيت الحرام وكعبة الإيمان ومآزر القرآن وقبلة الإسلام ، يطيب لي أن أبعث
إليكم بأسمى التهاني وأجمل الأماني بعيد الفطر المبارك الذي قد عم عبيره
وقرت
القلوب بدرر خيراته المنثورة ، داعياً ليعيدكم الله إلى أمثاله وأنتم
ترفلون
بثوب الصحة والعافية .
أخي العزيز وأنا أطلع على البوست القديم بتاريخ 18/1/2006م وجدت هذه
الفقرة :
(محمد السر يا قطيم انا يا دوب الخرف فكا مني ياخي ايام الامتداد 3
المتوسطة ما
بتنتهي خالص والله زمن.. مسؤول من الخير وين نادر عوض بلال..) وهو استفسار
عن
شققي الأصغر نادر عوض بلال . وقد قمت بالاتصال به قبل خمس دقائق واخبرته
بستفسارك عنه وقد أفادني أنه بيدورك عليك منذ سنوات وطلب مني تزويده برقم
الهاتف الجوال الخاص للاتصال به ورقمه كالتالي : 00249122036705
ولكم شكر وللأخ محمد السر والذي كان أخر عهده به في المملكة العربية
السعودية
عام 1991م وانقطعت بعد ذلك وسائل الاتصال بنا أرجو أن تبلغ أخي محمد السر
التعازي في وفاة شقيقته انعام أسأل الله له المغفرة والجنة أكرر لكم شكري
على
اهتمامكم لجميع الرسائل التي ترسل من أبناء الامتداد وهذا ليس بغريب فهي
ثقة
تستحقونها ومسئولية أنتم أهل لها .
وتقبل خالص تحياتي
أخوكم عادل عوض بلال
المملكة العربية السعودية جدة ـ شركة دله البركة
|
العزيز عادل كيفنك
بالله تحياتي لي نادر بشدة ودا موبايلي في المغرب:
0021267445928
واشكر لك اهتمامك
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: طارق جبريل)
|
عــــــــــــــــــــــــــــــــــــــــــــــــــــــــــــيـــــــــــــــــــــــــــــــــــــــــــــــــــــــد ســـــــــــــــــــــــــــــــــــــــــــــــــــــــــــعيــد
ياخوانا ما تفتكروني انا بتاع( سنة -شربه )انا حياتي ما دخلت خمره في خشمي مش عشان حرام لكن من نفسي ما فكرت فيه .. وهناك سبب
يمكن يكون هو الخلاني ما اقرب علي السكر .. عندما بدأت الدخول في طريق الفن وعمري 17 سنة عارضوني اهلي اقاربي مش اسرتي
بان الفن يعلمني الصعلكه وانا في هذا العمر ..الا اني سألت والدي وقلت له سأغني من وراء ظهرك ولن تراني. اريد ان اعرف رأيك خليني من
الاهل ؟؟سكت الوالد ثم قال لي امشي غني لكن اياك والخمره ...وانا علي وعدي حتي هذه اللحظه ....
حبيبنا الريس عشان كده انا اشرقت في الفطور وقلت الجايب سيرتي منو ؟؟؟
انا ماشي جيت ارفع البوست ....الفريق عماد لربما اختطف من قبل جهه غير معلومة ...!!!!!!!!!!!!!!!!!
عيد سعيد وكل عام وانتم بخير وانشاء الله برينا يحقق امانيكم وتكونوا موفوين الصحه والعافيه
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عماد شمت)
|
احبة الامتداد
كل عام وانتو كلكم طيبين وسالمين
فيصل محمد خليل يارب دايما بخير
مسؤل من الخير وين اخونا المنسى
عماد عويس ياخوى انا من القولد
لكين سؤالك ده محول للاخوة اصحاب
الاختصاص
Quote: ياخوانا ما تفتكروني انا
بتاع( سنة -شربه )
انا حياتي ما دخلت خمره في خشمي مش عشان
حرام لكن من نفسي ما فكرت فيه |
عفارم عليك ياعمدة
بعدين ياخوى شتحت البوست بعيد سعيد
يارب دايماسعيدواسرتك الكريمة
الريس طارق وابو انس الصحافاوى لسه عيد
الرباط زى زمان ولا اتعولم
نيازى كل سنة وانت طيب
showgi idriss
ليك التحية وكل عام وانتا بخير
ليك مدة مابنتا
اميروصديق وناصر وحنا وعماد
وحاتم والغايبين
وين الحلوين وين راحو
كل سنة والجميع بخير
| |
|
|
|
|
|
|
|
|
|
Re: امتداد الدرجة الثالثة ذلك الحي المتفرد (Re: عامر تيتاوى)
|
أحباءنا ناس الإمتداد
كل سنة وإنتو طيبين ,
العيد مبارك عليكم ,
آمل أن يعيده الله عليكم
وعلينا بالخير والبركة ,
نتمناكم التوفيق وحسن
البخت ورضى المولي ...
نسألكم والله عن أخونا
أمير الجمري ... إن شاء الله
طيب ومتعافي ... بلغوه تحايانا
مع الود الآلق
| |
|
|
|
|
|
|
|
|
 Re: امتداد الدرجة الثالثة ذلك الحي المتفرد (Re: طارق جبريل)
|
Quote: لريس طارق وابو انس الصحافاوى لسه عيد
الرباط زى زمان ولا اتعولم |
الصديق / عامر تيتاوي
وكل الأحبة في بوست الإمتداد
عيد كم مبارك سعيد
عيدنا في الرباط اصابه ايضا فيروس العولمة
وبدا يفقد بريقه ..وابتعد الناس عن طقوسه وتقاليده الجميله
ولكن نحن في الجالية السودانية نحاول بماتبقى لنا من نفس
الحفاظ على القليل منها .. حتى تظل وجوه و ابتساما ت الأجيال الجديدة مشرقة
| |
|
|
|
|
|
|
|
|
| |
محمد أبوعاقلة الطريفي
طارق جبريل
عامر تيتاوى
صديق حمدتو
ناصر جبريل
فيصل محمد خليل
نيازي عبدالله مرحوم احمد
امير عوض الجمري
Yassir7anna
صلاح شكوكو
عماد شمت
rani
omer abdelsalam
حبيب نورة
عمار عبدالله عبدالرحمن
showgi idriss
HAYDER GASIM
ahmed khidir
فيس بوك
تويتر
انستقرام
يوتيوب
بنتيريست