امتداد الدرجة الثالثة ذلك الحي المتفرد

Quote: زرياب لسع مع فصول المسرحية بتاعت غادة بالله يا امير شوف لينا حل للولد دا عاوزين نعرس ليهو!!!! خليهو يرجع لبوست الامتداد تاني !

Quote: عذرا لكل الاصدقاء الاعزاء ويبدو انه الخرف حصل واسالكم العفو العافية واستغفر الله الذي لا اله الا هو واتوب اليه (عدل بواسطة Yassir7anna on 01-07-2006, 05:48 ص)

Quote: لمن نصل 42 عمر عبد السلام بكون بقى (الملا عمر) .. والله يكون في عون (تورا حسين) و (بورا السلمة)

Quote: لكن بصراحة امتدادكم أمااااان ... و فيهوا ناس أصيلييييين ... و الحق يقال ...

Quote: يا رئيس طارق لازم نضع قوانين للبورد ...... اقتراح 1) الداير يحزف مداخلة لابد من استشارة الريس طارق جبريل 2) الداير يعدل مداخلة لابد من استشارة رئيس التحرير تيتاوي

بناء على الحيثيات التي اتى بها د. حاتم:
قرار جمهوري من الرئاسة:
يمنع منعا باتا حذف اي مداخلة او تعديلها الا باذن
كتابي من الرئيس او رئيس الوزراء

Quote: الامتداداب الحلوين مساءكم سكر كنانا ، ، ،، يا جماعة بلاش محاربة البوست بهذه الطريقة ، اختفاء غريب للأعضاء ، كاس العالم وانتهى تاني شنو يا جماعة ، أرجو ثم أرجو أن يستمر الأعضاء في امتاعنا بتسطيرهم الكريم ، ، والله يا جماعة زيدان شوه سمعته بطريقة غريبة ممكن في واحد يعرف لينا سبب طره ، هو طبعاً ضرب اللاعب الخصم لكن السبب شنو ، هنالك اقاويل كثيرة بأن الخصم أساء للاسلام وكذلك أقوال بانه أساء لزوجة زيدان والكثير من الأقاويل ورغم الطرد زيدان نال جائزة أحسن لاعب ، ، غريبة مش كده ( السر في الطرد ) . واعرفه أها فتكم بعافية عماد محمود علي منزل رقم 39 مربع 3 امتداد الدرجة الثالثة

Quote: الأخ المفضال...صلاح شكوكو إجتمعت محكمة الإستئناف العليا بالصحافة صباح هذا اليوم الأغر ... ونظرت فى أمرك على ضوء الحيثيات والبينات المتوفرة ببوست ( إمتداد الصحافة ) , وبناء على مدارسة متأنية قررت المحكمة المشار إليها عاليه ( بالإجماع ) منحك عضوية الشرف الفخرية لإمتداد الصحافة, وهذا مما يؤهل قانونيا وموضوعيا للإنتساب للصحافة, كما قررت المحكمة كذلك أهليتك ( الكاملة ) فى المشاركة فى بوست الصحافة, متى ما شئت وكيفما كذلك.

Quote: كما لا أخفي ( غيرتي ) من بوست ناس الإمتداد, وهو ينمو بسرعة صاروخية متفوقا على أي بوست فى هذا البورد على الإطلاق, فهم يضيفون صفحة كاملة كل بضعة أيام, ويسجلون أعلى نسبة قراء تغريبا ويحافظون على بوستهم دائما فى الصفحة الأولى, فلنستفد من تجربتهم هذه ونتفوق عليها, خاصة وأن الصحافة تتفوق عمليا وعلى الأرض عن غريمها وصديقها اللدود إمتداد الدرجة الثالثة...

Quote: يا لجمالكم .. طبعا انا وناصر زي الزول الصائم (واسي المغرب قاعد يؤذن) يعني فتحنا في المويات فتح جد ولسة ما قبلنا على الصينية والصينية طبعا في 15 .. خلونا نكمل باقي الحلو مر والقمردين ديل في 14 .. وندور في القراصة والعصيدة بهناك .

Quote: وأهلاً بك يا عمر بين أهلك وناسك ومبروك عليك البيت تمليك وليس إيجار وبجوار ناس خالتك كمان ، فتفضل بالدخول لأسرتك وعائلتك صديقي

Quote: ود الجمري الامير خليتني اتسحر (براي ) فاتك السحور بس انشاء الله ما يأثر فيك اليوم ومنتظرك بالفطور

Quote: الريس طارق جبريل ( المايسترو ) يزرع الحب وينثر الجمال كما يوزع الايطالى اندريه بيرلو التمريرات المقشرة

Quote: الأخوة الامتداداب الحلوين السلام عليكم ورحمة الله وبركاته ، ، ، ،، صباحكم حلو حلاوة الامتداد * الحبيب ناصر سلامات ونورت البورد من جديد ، أنت كنت نازل معاهم الانتخابات ولا شنو؟ العذر ما مقبول يا أخوي وده آخر إنذار . وبعدين يا أخوي الفضائح شنو صورة شنو العائذ تنزلها يا أخوي أنا من هسه معاكم قلباً وقالباً بس بلاش الصور دي اصلو في ناس كده قاعدة لي جنب الزلط. * العزيز صلاح شكوكو أهلاً وسهلاً بك في بيتك يا غالي ، نورت ديارك وأبهجت أهلك حللت أهلاً ونزلت سهلاً ، ومزيد من التواصل يا أخي ولا تقطع أخبارك ونور البورد بكتاباتك وخليك من هيصة ناس الصحافة ديل نحن قاعدين ليهم بالمرصاد وراصدين كل حركاتهم أول بأول . ويا صلاح كورتك كانت رائعة وبلاش ( تواضع ) لأنها حقيقة يعرفها كل من يعرف كرة القدم علشان كده إنا عرفتك من أول ما جاء ذكر اسمك ، أهلاً أخي مرة ثاني . * الأمير الراقي الجميل أمير الجمري مساءك فل وياسمين ، شكراً لك على طلب التثنية من أعضاء الامتداد لمحاولة دخولي كعضو فيه ، هكذا أنت دوماً رائع في كل شيء لك مني الود كله. المناضل عمر عبد السلام شايف يا عمرو أولاد الامتداد وصلوا فين ما شاء الله الصفحة ( 15 ) وهذا قليل من كثير ، أستمتع معنا في دارك الثاني وخليك من الجماعة إياهم قبل أن تصبح ( ...... عمر ) ( النقاط دي خوفاً عليك من جماعة العم سام ) . * طارق جبريل يا راقي شكراً لك على كل هذا الانجاز الرائع ومزيد من التقدم للامتداد الرائع ليظل دوماً في المقدمة رغم أنف الحاقدين ، وعقبال ما نصل للرقم ( 42 ) كما قال الوجيه ناصر. يا ناصر الأمير أمير تولى منذ زمن بعيد ( زرياب ) واسماه ( بيبو ) ( راجع البورد ) وتبناه . بعد كده ما تدخل ثاني بين التفاحة وقشرتها ( حلوة التفاحة دي ) ، غادة دي نحن طلعت روحنا خلاااااااااااص مستنين مسلسلها داك لحدي ما بعت التلفزيون بتاعي عديل كده من الزهج كل يوم متخوجج وقاعد قدام التلفزيون لحدي ما ا########## تصبح أقوم أمشي الشغل نعسان، قلت يا ود أحسن تبيعو بدل البهدله دي . ده لو كان مسلسل مكسيكي كان خلص زماااااااااااااان. • الأخ الكريم عمر عبد السلام : ما قلت ليك واسطتك قوية أها شوف بيت ملك عديل وأمير قال ليك شيل البطيخة القديمة وتخوجج ذي ما عايز ، أها تاني شنو خليك من ناس الصحافة ديل وتعال بي جاي بس حرص ما تزعل أمير ده علشان زعلوا بيزعلنا جمعياً والباقي طبعاً معروف. • وختامه مسك كصاحبه الرزين البديع عامر تيتاوي ، تغيب وترجع وتنثر الروعة والجمال بالبوست ، تحمل في حناياك دوماً أجمل الكلمات وأعطر النفحات وأبدع الصور وحلاوة التعبير ، مزيداً من النثر والإبداع يا مبدع ومحمد حلاوته ( ما شاء الله ) كحلاوة والده ( ومن شابه أباه فما ظلم ) .

Quote: مفروض اجيك للسحور لكن جاني صلاح شكوكو وجاب لي معاه رقاق لكن بالونسة معاه نسيت اتسحر الا مع الاذان كده اخدت ل ي جقمتين كبار من الرقاق باللبن .. غايتو بقعدني لغاية العصر والباقي بنتمو في ميدان الرابطة (الصغرى) . وجاييك للفطور والليلة يا خوي ما دايرين قراريص وعصائد .. دايرين لحمة لحمة (حبوب القاوت معاي)

Quote: بخصوص الانتخابات، يازول انا عندي بيان كارب بجهز في اليومين ديل لأسقاط حكومة السيدين طارق وعامر وتشكيل حكومة ديمقراطية، فانت من هسع جهز للحملة الانتخابية وما يهمك بنكسحم ليك كسح رهيب

Quote: لكن ضيوفك في صالونك بكتلوا ليهم زول امور الحجز عندي ملخبطة جدا وشكلي كدة حا اجيكم عن طريق القطرية يمكن الله كاتب لينا قعدة في صالونك دا

Quote: انت بس اسال اختك والوادها وانا راضي بحكمهم وخليني من الناس التانين صدقني ح يدوك معلومات مغلوطة ساكت زي بتاعت سوق الندى

قول الرووب للجعلي انكسار)
بعدين اوعك تنسى انك بديت بالعيب وعايز تطلعنا انا والعزيز عامر من القصر الجمهوري الامتدادي..
اماني يا ياسر ما حا انكت من وراك جنس نكت

Quote: الريس طارق سلامات يا عالي يا غالي ماشاء الله على ريم ومحمد عجوة معطونة في عسل .. وريم تواصل ابتسامتها الساحرة وتخاطبنا بي قلب نظييييف : ابقوا عشرة على الامتداد والبوست .. وهي تحتضن اخاها محمد كما نحن الاهل الامتداد في تواددنا وتلاحمنا.. احييكم جميعا بقلوب طاهرة نقية استعيرها من ريم ومحمد طارق ومحمد عامر وامورة احمد خضر (اطفال نضر بزينون صدر البوست ويثلجون صدورنا) .

Quote: الغريبة يا جماعة ياسر حنا تحدث عن كل القيادات التاريخية لحملة السلاح ولكن لم تحدثه نفسه ولا مرة بالحديث عن الجنرال لازاراس سامبويو والدور الكبير الذي كان يقوم به لوقف العدائيات وتقريب وجهات النظر ونشر ثقافة السلام بصفته وسيط محايد يحظى بثقة ودعم جميع الأطراف. وبعد كل هذا يأتي ياسر حنا ويصنفنا في خانة الطابور الخامس وأعداء السلام !!!. ياسر حنا والله لقيت ليك صورة حديثة بالـ (new look) بتاعك وحا أجيبها إنزلها في البوست هنا قبلما تمشي وتحذفها هي ذاتها كمان عرفتها في ياتو بوست!!!!؟

Quote: ولعلني أكثر سعادة أن أعلم أن مربعكم هو مربع ( 8 ) وأكثر مكاسبنا أن تكون في هذا الجوار الممكون في مباهج الروعة والجمال .

Quote: شفت صورة صاحبك عماد ... ودي صورة ما عرفت فيها غير شقيقي السني جبريل ويبدو انها كانت في مرحلة من مراحل التعليم يعني صورة ( مدرسة)

(عدل بواسطة عامر تيتاوى on 07-13-2006, 01:29 PM)

Quote: خبر سااااااار زفاه لي الحبيب صديق بتماثل والدتنا جميعا الحاجة عائشة قسم للشفاء التام وسبحان الله دون الحوجة لتدخل جراحي فقد التئم الكسر بصورة طبيعية وفي نفس موضعه الرباني ودون تناول اي ادوية وذلك في حالة نادرة .. لكن نقاء سريرة والدتنا عشة وصفاء روحها وطيبتها النموذج وعلو مكانتها واخيرا دعواتكم لها كل ذلك كان بمثابة البلسم والدواء لوالدتنا الحبيبة .. نحمد الله كثيرا على ذلك ونتمنى ان يديم نعمته عليها وان يطيل عمرها وتشوف اولاد اولاد اولادها (آميييييييييييييييييييييييييييين)

Quote: معاك نقول امييييييييييييييييييييييييييييييين ونسال الله ان يديم على الوالدة عائشة العافية والصحة وان ترفل فى ثوب النعيم والسلامة ونحمد الله سبحانه وتعالى على جزيل نعمائه ونبارك الى اولادها وبناتها ولكل من يعرف الحاجة عائشة وان شاء الله اجر وعافية وياامير الله يكتر الاخبار الحلوة

Quote: وتعبتوا معاي يا ناس الصحافة .