امتداد الدرجة الثالثة ذلك الحي المتفرد

Quote: وأخيراً تكشفت فصول المؤامرة وظهرت النوايا الحقيقة من وراء تلك الصور التي ظل الأخ ياسر حنا ينشرها في البوست والبراءة تقطر من حروفه وكلماته.

Quote: الاخ /عامر تحيه طيبه من ارض السودان الحبيب بعد ان عدت اليه من القاهرة ارجو ان تبلغ تحياتى لكل الاخوة بالبوست ابتداءا من امير وطارق وصديق وكع وابقاوون وعويس والى الجميع كما سعدنا بحصول الاخ امير على العضويه وهو اهل لذلك مرسل لك رساله من الاخ محمد مصطفى لبدرالدين يعقوب ارجو توصيلها له والى اللقاء جومو

Quote: عبرت ملامحك النضيرة خاطرى فهتفت ليتك لا تزال للريح خمرك للمساء وللظلال والبرق لى والرعد والسحب الخطاطيف الطوال تروى هجير النار تحت أضالعى الحرّى وتلحف فى السؤال كيف ارتحالك فى العشىّ بلا حقائب أو لحاف ؟ ترتاد أقبية المكاتب والرفوف السود والصحف العجاف قامة الكلام ترفض ان تمتد خجلا من طهارتكم ونقائكم نورالدين عطا السيد و محمد حيدر شاكرون لكم اتومسفير النقاء الامتدادى … عزيزى نورالدين ( اخى الاكبر ) : ربما تجد او قد وجدت داخل نفس هذا البوست الامتدادى الممتد بداخل امتداد قلبى رسالة منى الى رانى وفيها سؤال خجول عن عنوانك .. وحالما تعثرت به اتصلت عليك وخفت ان اطيل عليك .. انا اعرف زحمة برامجك بالقاهرة .. وهنا ايضا لست اريد ان اطيل عليك وعلى الامتداديين .. الحالمون باللقاء تحت شجيرات الامتداد ... والزاهون بالذكريات الان ، ضحكات الجميع ترن فى اذنى حتى الان .. وهذه فرصة لن تتكرر لأقدم لك الشكر الجزيل على استضافتى بالقاهرة و هاهنا انت ايضا أو انتم اسرتى التى تستضيفنى .. فى احدى اتصالاتى على متوكل عبدالله عبدالله وجدته فى زحمته الغريبة وبرامجه العديدة ، سألنى عن الاخبار ( بيننا حوالى 600 كلم ) وقلت : نورالدين جاب سيرتك وبعض الذكريات عن الامتداد 2 . رد على بنفس الجملة التى يقولها كلما جات سيرة نورالدين ( خاصة بعد اتصاله على بالقاهرة وعن مكان اقامتى كان قلقا على ولم يتوقف قلقه على الا بعد ان عرف اننى مع نورالدين عطا السيد ) قال : نورالدين دا راجل لطيف خلاص وزول مهذب جدا جدا .. ووعد برد دسم وسرد لبعض الفصول من ذاكرة الامتداد ، وسأحاول ان استكتبه لهذا المنلوج وارسله لك فى اقرب فرصة ممكنة ... ورجاء اهطل بالمزيد من التداعيات والذكريات عن الامتداد ( وطبعا صاحبك متوكل كان داسى مننا قصصو دى ) .. لكن انا اكتشفتها عن طريق استاذى كمال الذى كان يدرسنا الحساب وكان استاذ صعب جدا وطبعا اسمنا ذو التركيبة العجيبة دا عبدالله عبدالله طوالى بجيب آخرك .. فسألنى انت اخو متوكل ومن ديك بدينا القصص .. الاخ / محمد حيدر : اتوقع ان الشخص الذى عمل لك سافوتة هو محمد ( ضيق ) وهذا توقع جغرافى بحت ، وليس لأنه ( ضيق ) ورجاء عدم البخل والكتابة والسرد الممتع وانا اعرف ان صلتك بالانترنت ضعيفة نسبة لمشغوليات العمل لكن العشم سيظل موجودا" .. ( بس بينى وبينك تهديداتك لن تجدى و الصور لن تصلك والكلام حاليا - على الاقل - عن فترة الثمانينات والسبعينات يعنى بصنا لم يأت بعد ولن يتذكر أحد طفولتنا خاصة بعد ان رحل عن دنيانا الكائن البهيج عمار عبدالله محجوب رابع شخص فى حياتى ابكى عليه ) .. شخصية متوكل عبدالله عبدالله هى محط اعجاب كل العائلة وكل الجيران والامتداد حرمنا منه نحن ايضا خاصة بعد ان رحلنا الى اركويت ورفض مغادرة وطنه الامتداد فتركناه للأمتداد وناس الامتداد وان كنا رجعنا فى فترة ما وعملنا محل مناسبات وافراح ( سونيا للأفراح شارع الزلط بجوار بقالة بابكير ) ، وللأسف مسؤوليات الأسرة حرمت الجميع من مواهب متوكل وهو الآن بالمملكة العربية السعودية . وأستحضر الآن قصة طريفة حدثت لى مع أحد الاخوان بحى الصحافة وهو الكوتش عبد اللطيف فكنت ازورهم فى المنزل من اجل اخى حافظ وانحنا الاثنين ثقلاء كما كان يقول لعصام كته فهو يريد ان يتحدث عن الكرة ونحن اذا وجدنا كتب دفنا فيها وجوهنا ونظل نقول له ( ايوه – ايوه ) وهو يتحدث عن فريق العزيمة والهلال .. وفجأة اخرج صورة جماعية من الثانوى وبدأ يتحدث عن الشباب الموجودين فأشرت الى اخى اسامة وقلت ليه : دا اخوى اسامة .. فتغير كل شئ وكانت تلك التعويذة السحرية التى فتحت لى ابواب فضيتهم وخرجت صوانى الشاى واللقيمات والذكريات عن اسامة والامتداد واصبحت ضيفا" مرغوبا" فيه .. شئ غريب والفة عجيبة بين ابناء الامتداد .... تحياتى الى بعض ابناء مربع 12 : ابراهيم المشلى ، عبد المجيد المشلى ، طارق عبد الله محجوب، جمال عبدالله ، بربرينا ، حمدى محمد الحسن ، حسن تعريفة ، خالد كلنقا ، وحسين ، ميسرة صالح ، خالد يحيى ديسكو ، جابليس ، رضا ، محمد سيد احمد ، مدثر ود الخليفة ، عبد العظيم القصير ، ناس عجورة و هشام صالح وبالطبع مولانا محمد حسين الهادى ... و الشكر والتقدير للأخ طارق جبريل .. و دمتم مترابطين ......... لنا

Quote: ما تخاف يا طارق نحن ح نكسح ليك ناس مربع 8 في المنتدى ذي ما كنا بنكسحهم ليك في الكورة ، وأنا بكلم في أولاد مربع 3 علشان يدخلوا الموقع وإن شاء الله عما قريب ستجدهم مالين ليك الصفحات وكاسحين ليك الجماعة المغلبنك ديل ، وبالله كيف أخبار الأخ ناصر قول ليهو عماد عيونو بسلم عليك كثير جداً ، الأخ عماد عويس بلاش فضائح وخليك رايق في علبك إنت عارف البئر وغطاها وهناك ناس متربصين بينا من كل الزوايا أرجو إرسال رقم هاتف الجوال أو الثابت للاتصال بك وسماع صوتك الشجي يا أعز صديق وأنا ما ناسي أيامنا الحلوه ديك بس صاحبك منور طلع كجنونجي بصحيح ، وما بسأل عن الناس خالص ناس الصحافة أخذوه مننا تماماً ، أرجو التواصل يا غالي مع تحياتي لكل افراد اسرتك الكريمة ، وما عارف بقيت عندك كم عيال . الأخ أمير الجمري يسعد الله صباحك وينك يا راجل قاعد في الرياض وكأنك غير موجود لاذم تعمل عملية لركبة دي الميادين من غيرك خراب عك كروي فقط لا غير . الأخ صديق حمدتو وينك يا راجل كيف أخبار الوالدة عساها بخير ـ أسال الله أن يطمنكم ويطمنا عليها ويجعل بشفاءها ، مع تحياتي للأخ حاتم ، ويا راجل أنا بقيت خفيف جداً وخسيت كثير وأسال خالد أميقو وهو ح يقول ليك وبرضو تقول ما بنزل ، ها ها ها ها ها . الأخ خالد أميقو وينك يا راجل الموقع مشتاق ليك جداً وفاقده نكهتك منتظرنك .

Quote: الأخ العزيز طارق جبريل نشاطركم الأحزان ، ونسأل الله الرحمة والمغفرة له و أن يكون قبره روضة من رياض الجنة. ونعزي ونواسي كل من فقد حبيب أو غال عليه، اللهم أجعلهم من أصحاب اليمين وتعزية خاصة للأخ أحمد خالد وأسرته والأخ بدر الدين وأسرته والأخ الطاهر محمد عثمان وعائلته وكل من فقد عزيز لديه. مجدي عبدالله

Quote: أحبائي الشكر موصول لكل من سأل عن صحت والدتنا العزيزة .. ونحمد الله بان صحتها في تحسن .. كما ندعو الله أن يمتع كل أمهاتنا بالصحة والعافية ويخلي لينا صوتهم ودعواتهم الحنينة احمد جمعه ... ألف حمد لله علي السلامة .. عماد محمود لك مني كل التحايا وعبرك تحياتي للأخ علي محمود وفي انتظار حشود ناس مربع 3 وعقبال حشود باقي المربعات حتى يكون الامتداد فوق دائماً ويا جماعة غبت كم يوم جيت لقيت ياسر طائر بفوووووووووووووووووووق ... الزول ده نزلوا . ويا أمير وصديق .. ياسر قبل متحلقو ليهو صلعه ,كان تقصوا جناحتو .. الزول ده بقي خطر جداً عامر تيتاوي رجعتنا لأيام الدافوري والدرقات والله أيام جميله .. والعزل ... الفرق... ودقس ... طبعاً كان أكثر واحد بيزعل ويحرد الدفوري لمن يتم اختياره في الأخر رغم مهارته الفائقة .. بس كان أناني بلغة الدافوري عشان كده كل الفرق بتهرب منو . المواضيع كتيره . بس الشغل ألأيام دي كتير شويه .... دي علي وزن . ( لقيناكم مافي .. وقام وقعد ) أبو اليسر تحياتي للأخ الرائع عصام صالح وأسرته الكريمة ولك مني كل الود والمحبة وتحياتي لكل الأخوان المشاركين حاتم حمدتو

Quote: الأخوان طارق جبريل وحجازي ، احسن الله عزاكم والبركة فيكم وجعلها الله أخر الأحزان ، وأسكنه فسيح جناته مع الصديق والشهداء وحسن أولئك رفيقا، وإنا لله وإنا إليه راجعون . الأخ ناصر جبريل الجماعة ديل واحد عارف ليهم طريق مافي قاعدين يلمو في الريالات قائلنها بتتلمه وإنشاء الله إذا علمت أي شيء عنهم سأخطرك به ، ويا حليل أيام زمان زمن العمدة وأصحابة وزمن الشقاوة والامتداد جميل بكل ما تحمله الكلمة من معنى وربنا يحفظه ويحفظ أبناءه ، بس خسارة الأخ المناضل أمير الجمري رحل منه وفقد بذلك الأمتداد رجل من أكفاءه بس العشم فيه كبير بأن يظل وفياً لذلك الصرح الكبير وأن يتواصل مع أحبائه وأصدقائه وجيرانه وهلم جرا فهو نكهة من نكهاته . سامع يا جمري ، ، ، جيم ميم جيم ميم التقول جمهورية مصر العربية ، ها ها ها ها ها ها . تحياتي لكل أمتداداوي عبر المنتدى الراقي والرائع ودمتم في رعاية الله وحفظه ، وشكراً لك يا حاتم حمدتو وربنا يديم الصحة والعافية على والدة الجميع الوالدة عائشة ويحفظها ويرعاها ويعجل بشفاءها إن شاء الله .

Quote: سلام يا شباب.............. التعازى الحارة لصديقى حجاذى ولاخى طارق ........ومبروك للجمرى العضوية التى ستضيف للبورد بدون شك يا جبنة..................وداير اطمن اولاد حمدتو صديق وحاتم انو امهم بخير وشديدة .......فقد زرناها انا والفاضل بمجرد حضورنا من القاهرة وقضينا معها والاسرة وقتا طيبا.................التحية ليكم كلكم ...................وصورك رهيبة ياحنا...........لكن اتحداك جيب لى الجنكشن ..والمين رود .....مجدى بركية ؟؟؟؟

Quote: بسم الله الرحمن الرحيم ايها الاخوان الطيبين لكم الاحترام والتقدير احسن الله عزاكم يا طارق ورينا يرحمه ويرحم امواتنا و المسلمين جميعا الاخ احمد جمو حمدلله علي السلامه انشالله رحله موفقه باذن الله 0 الواحد بعد شويه من الامتداد ( البوست) زحمة شغل طبعا الزمن مافي يد الواحد وطبيعة الشغل مقرفه المهم جينا تاني وليقنا عماد محمود دخل بقوه علي البوست داير بنتهي من مربع 8 انا ماعارف جنو تحديات كدا ليه عموما ربنا يقويك ياااااااااااااااااااااااااااااعمده تحيه خاصه 0 عندي اقتراح لاولاد الامتداد المتواجدين في الرياض انو يكون لدينا نادي او جمعيه اوبيت زي باقي خلق الله وحسب علمي انو اولاد الامتداد في الرياض كميه وفي ناس كتار مرحبين بالفكره 0 امكن انا ما اول واحد يطرح الموضوع ده واذكر قبل فتره الشازلي عبد الحميد تكلم فيه بس ما لقي تجوب كبير من الشباب 0 عموما اتوقع موضوع زي ده ما حاستفيدوا من الناس الموجوده في الرياض بس ولكن حايمتد الي الوطن الصغير وممكن من خلالو تنفيذ مشروع عبدالغفار بتاع المدرسه النموزجيه 0 وممكن دعم فريق الامتداد ومساعدت الاسر الفقيرة و ووووووووو عموما الموضوع مهم جدا عبدالله عوض عبدالله كع مربعي 8 ,11

(عدل بواسطة طارق جبريل on 05-02-2006, 04:21 PM)

Quote: الأخوة طارق وهبه و الأسره نشارككم أحزان رحيل العم على إستقبلنا إستقبال الآباء و سنذكره و ندعو له كأبناء جايين جاين بالكتابة بس النلقى طريقه نحك راسنا مليون سلام لكل أهل الإمتداد عاطف وديدي

Quote: الاخ عامر عبركم احى الجميع بما ان البوست اصبح يحمل تهديدات واستمال للقوى واستهداف منازل احدى الاطراف ووعيد من الجهات المستهدفه وانحياز لبعض الاعضاءمن الدول المختلفة عماد فى سوسيرا وطارق فى المغرب وعامر فى قطر عصايه ناميه معصايه قايمه وغيرهم واعنى الحرب القائمه بين اولاد حمدتو من جهه والاطراف المؤيده لهم وياسر حنا والاطراف الاخرى التى تويدة من جهه اخرى وعليه وبما اننا ظللنا نراق الموقف ورائينا انه ربما يؤسر على الوضع داخل مدينه الامتداد نرجو من الاطراف الالتزام واللجؤ الى صوت الحكمه وقبول حكم الجاويد من كبار اعيان البوست 1/نرجو تخفيف حدة التوتر وعدم اللجو لاساليب الوعيد والتهديد 2/سوف نكون بالمرصاد لكل من يخرق هذه الهدنه وخصوصا ان هنالك بادره حسنه من الاخ ياسر وهى الرووووووب 3/سوف تقوم قوات البوست الدوليه بالتدخل السريع وضرب كل من تسول له نفسه بالمبادره بالعداء الاخ زعيم البوست وجميع الاجوايد نرجو التامين على ذلك والتحيه لاولاد حمدتو والذين فى صفهم والتحيه الاخرى لياسر حنا والذين فى صفه ايضا والسسسسسسسسسسسسسسسسسسسسسلام جومو

Quote: سوف نكون بالمرصاد لكل من يخرق هذه الهدنه وخصوصا ان هنالك بادره حسنه من الاخ ياسر وهى الرووووووب

Quote: الاخ عامر تحيه طيبه بطيبت اهل الامتداد الشكر للحبايب ياسر حنا وأمير الجمرى وصديق حمدتو للاستجابه السريعه لصوت العقل والحكمه وقبولهم للوساطة ونقول لياسر نشكرك على الاستجابه السريعه وهى من باب خيرهم الذى يبدا بالسلام والشكر موصول للاخ صديق ونقول ليك مافى اى انبراشه بين الاخوان الاعداء وياها المحريه فيكم واى عدوان اخر من باب الغمز اوغيره سوف اتصدى له شخصيا ياحلويين لقد ادرتم مساجله جميله اثرت البوست ويدكيم العافيه بالامس هطلت علينا امطار حدت من درجات الحراره العاليه الاخت حاتم /عماد عويس /اميقم/ عبدالعفار/سيد/ لعل المانع خير جومو

Quote: ايها الاعزاء التحية للجميع واشكر كل من خط حرفا هنا في وفاة عمنا جميعا (الحاج على عبد العزيز) رحم الله الفقيد والهمنا جميعا الصبر والسلوان اكرر تقديري واحرامي للجميع ولا اراكم الله مكروها في عزيز لديكم

Quote: الأخ المناضل العزيز أمير الجمري أولاً ألف مليون مبروك لك العضوية فأنت لها وهي لك ، وتستاهل ياوجه الخير ، والمنبر إزداد نواراً بعد نوري عامر تيتاوي وطارق جبريل . الهجمات المعاكسة من مربع 3 ليست سوى نسمة كما ذكرت لتعطر جو المنتدى الرايع لعشمنا في أولاد 3 لإكمال العقد الفريد لجميع المربعات حتى يصير الإمتداد كاملاً وشاملاً وأولاد 3 قاعدين وسايبين طارق جبريل ناضل براه ربنا يديه الصحة والعافية ويدافع عن المربع . الأخ الغالي صديق حمدتو أنتو حكايتكم شنو مع ياسر حنو بقيتو ذي ناس دارفور كل يوم في رواية جديدة وسوف نتضامن نحن مع ياسر دفاعاً عن حينا مربع 3 ، وبعدين معاك يا صديق ما بلاش فضائح الناس تقول شنو عننا الحين الحكاية كان مستورة فضحتنا الله يفضحك ، وكمان بتجيب أمثال ياخي الستر والفضيحة متباريات ما لقيت الستر ولا شنو ؟ ها ها ها ها ها . الأخ العزيز عامر تيتاوي يااااااااااااااااه سنين والله يا عامر فاكر أيام زمان أيام شارع الوزير عند سمير عبد الرحيم ، ياااااااااااه ايام والله جميله يا عامر بس الظاهر انك نسيتها ، معليش الهجوم الكاسح الذي تتعرض لها عبر المنتدى ما خليك تتذكر حاجة خالص ، الله يقويك وطفلك جميل وهذا الشبل من ذلك الأسد . الأخ طارق جبريل ياخوي شنو الجماعة ديل طايحين فينا كده قريباً جداً جداً سننتصر عليهم . يا أمير الجمري وينك التمرين الفات شريت بدر الدين كعادتك ، ما قلنا ليك الركبة دي شوف ليها حل ؟ ولا خلاص فات عليك الفوات يا جمورة ؟ سلام مربع على جميع أولاد 8 المناضلين ومبروك لكم موقتاً اقتحامكم للمنتدى والقيث في اوله قطره يا طارق جبريل . وسلام لكل أولاد الامتداد الأشاوش وتحية خاصة مني للأخ راشد ( اسنوكا

Quote: ياطارق جبريل..........بداية المشهد رهيبة ...خصمتك بالله تواصل.............بالمناسبة دى عندى مشهد حلو بعنوان (شانقى عبد الله وامير الجمرى) .........سارويه بعد ان ارتوى من جمال مشاهدك..........على فكرة يا طارف ادينى نبذة و فكرة عن الاديب المهول الشاب صديقك محسن حالد.........وياريت تدردقو لينا جاى....فهو راااااااااااااااااااااااااااااااااااائع............................وياعامر يا اريب كتبت عن فاروق كلمات رائعة هو اهل لها فلله درك ودره.................... التحية للعربى الراجل خالد محجوب ..........وياوليد كرنديس يا مهذب وينك يازول ماشايفنك فى الحلة ولا عند ناس ابنعوف شكلك لسا فى هجليج.........يابلد ياعبد الغفار التحية ليك وانت تناضل اكاديميا فى الغربة بجانب جرى اللقمة وتقنرب من حلم الدكتوراة بصبر وقوة..انت قدرها وقدود يافلتة................جومو بركة الجيت.......الامتداد نور..................عارفكم سكتو لى يا عامر وامير.....................مجدى بركية

Quote: العزيز طارق البركة فيكم وآسف جداً على عدم التعزية فى الوقت المناسب لظروف الشغل وكدة لى مدة من النيت يادوب فى الويك اند شفته الخبر ده .ده حال الدنيا نساْل الله ان يلهمكم الصبر والسلوان وللفقيد الرحمة بدرالدين محمد وندسور اونتاريو كندا

Quote: والله يا ناصر نزلت لي صورة ما عارفة مشت وين !!!!! افيدوني .. القاها كيف؟