|
|
 وطن السدود .. نفديك بالأرواح .. و ظووووووووط
|
قال الرجل صاحب " المصطبة " في سوق الخدار المركزي :
- شيلو بتلاتة .
- ما بشيلو .. الحكومة قالت ألفين بس .
- الحكومة تقول التقولو .. مسعول منها أنا ؟
- خلاص تديني ليهو بسعر الحكومة القالتو في الراديو .
- علي الطلاق كضاب .. إتّ زاتو الرادي لقيتلو كهربا وين ؟
- راديو العربية .. الله قال حرام ؟
- عربيتك عربية الحيكومة.. و راديكم حق الحيكومة , تسمعو فيهو الدايرنو و تصدقيهو .. وكت ماك داير تشتري أِمِش ساكت آآآآزول هوووي .
- ما تقول لي أمِش .. إتكلم زي الناس .
- زي الناس ؟ أتلَفّظ كويس آآ زول .. زي الناس دي شني ؟ أول قالولك هني أدبخانة ؟
- بني آدم غريب إنت .. شنو الألفاظ المعفنة دي . جيب الزفت الطماطم و بألفين بس و لا كتر خيرك .
- يا زول هوووي .. النَضَمي الكتير خَلّو .. بتلاتة دايرو دايرو .. ما دايرو اتخارجلنا بالله .
- ما بتخارج .. و الطماطم بشيلو بسعر الحكومة . و إنت تسد خشمك ده ولّلا بتتعب معاي .
- خشمي ما بسدو .. إتّو قامت عليكم حكاية السد دي ولّلا شنو ؟ دايرين تسدوها فوق تحت ؟
- نسد شنو يا بني آدم إنت .. إحترم نفسك .. نحنا منو زاتو ؟
- إتّو الحيكومة .. عرفتك من عربيتك دي ..
عليّ الطلاق سديتو الكهربا .. و علي الطلاق الهوا سديتوه .. و أيمان رحمان سديتو الموية .. و سديتو نفسنا .. هسه دايرني أسد خشمي ؟؟
بقيتو سدّادين , كمان رحمة الله دايرين تسدوها علينا ؟
( ثم متجاهلاً لي و مكوركاً بأعلى حِسّو ) :
الناجي هوووي .. كورك للطيب و ود الخزين معاك , تعال آآآ المامون بالله قول لي الطاهر و محمود و ود الفحل اليجو .. تعالوا فسراع ..
آآآناس هوووي .. تعالوا جاي , الحيكومة جاية تسد لينا خشومنا كمان , ياهو الفَضَل .
فطين بت بارا البارح غنت شنو ؟ فطين .. يا فطين , النعيم شوف البت دي وين بالله .. تعالوا أنغنيها لعمكم الحيكومة ده ..
( و إتلم عليّ السوق , الخدرجية و ستات الكسرة و الجزارين و بياعين الأكياس و ناس الموية و بتاع الصعوط و ستات الشاي و بتاعين البكاسي و و و و ) , دورانية كبيرة و أنا في نصها في نص سوق الخدار المركزي بحري , و الشمش تلحم و الكهربا قاطعة و غبار و ضُبّان ..
و عملوني برنامج .. رجال و نسوان و شفع يغنوا :
وطن السدود نفديكَ بالأرواح و ظوووووووووووووط وطني .
....
عليت الراديو في العربية و رفعت القزاز ..
و ظووووووووووووط إنزغمتَ مارق من السوق قليل الأدب ده .
..
هنا أم درمان .
|
|
 
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: doma)
|
جمعة عجيبة يا دومة ..
كلها ظييييييطك ظوووووووطك ..
حتى ( السفنجة ) بت الكلب إنقلبت علي ..
كلما أمشي خطوة مع الكراع العرقانة و السخانة و الغبار ..
السفنجة التافهة تشبكني ليك : ظييييط .. ظاااااط .. نِجطِطططك .. نوجططططططوك .
هسه أنا حفيان ..
أنشوف تاني البيظيييييط شنو كمان تاني في البلد الأم فكّو دي .
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: Rawia)
|
أنا تاني ياني المتغدي في ( أوزون ) .. يا كمان ( سوليتير ) ..
ناس نضيفة و براااااااحه كده و انقليزي انقليزي ياخ ..
و عندهم بوخ باااااارد ينزل عليهم و هم في أمانة الله بشوكهم و سكاكينهم و اللقمة سغمبتوووووتة ..
مافيش خشوم مفتوحة للطيش و لواكة و أمبجغ أمبجغ أمبجغ ديك .
كل شي بالمهلة و السماحة و الروقان و البرودة و الكهربة يا راوية ياخي .
بلاش أسواق و احياء شعبية بلاش كلام فارغ .
....
( سدوا ) نفسي الله ( يسد ) شنو أقول عليهم .
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: GamarBoBa)
|
قبل حوالى الساعة مشيت كارفور ولمن مشيت محل الفواكه اشترى ما رخص منها
لقيت واحدة جنبى بتقول الجو حار جدا الليلة هنا وسالت المحاسب من انو بالطريقة دى الفواكه بتبوظ
فنادى رجل امن واخبرة وذهب ذلك الرجل الى اقصى المكان وعاد وسوس لة
فقل لها الكاشير كلامك صاح درجة الحرارة 24 درجة وحا تتعدل بعد شوية يبدو انو فى زول تلاعب بالدرجات
وهى بتحاسب سالة تانى بانو خلاص الموضوع خلص ورجعت درجة الحرارة الى 22 درجة ...مع اعتذار
وانا كنت تابع الموضوع والغريبة كنت بردان وما كنت حاسى انو درجة الحرارة عالية
فحبيت اشارك فى الموضوع لمن مشيت للكاشير فقلت لة السد السد الرد الرد
فقال وهو مبتسم بتقصد شنو بالفاكهة اللاسمها السد دى وقال لى بتقصد فاكهة سودانية غير المانجو
فقلت لة لا دى فاكهة بزرعة اسامة عبداللة وبتجى فى طيارة الاسبوع الجاى هنا
بس قلت ليهو مشكلة الفاكهة دى ما بتعيش الا فى درجة حرارة 46 درجة فقلت ليهو تعملو ليها قسم خاص
لحدى ما يجيكم الرد الرد ..................
واستاذنت وطلعت ووحاتك الراجل لحد الان بيكون مشدوة فينى ومتاكد حا يقول فى سودانى مسطول
جا هنا وقال كلام بالرطانة السودانية وطلع اللة يساعدهم ..............
عماد عبدالة صباحاتك بيض ومساك خير
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: Siham Elmugammar)
|
ياهو ده الربنا قدّرك عليهو ؟
أنا تاني الأكل بتاع ثوار بيافرا ده ما دايرو ..
الأسكلوب بانيه مالو ؟ و حساء الماشروم بأكباد الدجاج مالو ؟ و شريحة فخذ الضأن بصلصة خليط الخضار بالدرّاق البري مالها ؟
و التحلية قطعة بلاك فوريست مع شريحة الأناناس المدخّن .
ده مش أكل ؟
أنا داير ده .. نفسي في ده , و إن شا الله إن شالله سوف أسعي لتحقيق أهدافي النبيلة هذه ..
و لا نامت أعين الناس أولاد المصارين البُيُض و ساكني البوارج و البواخر و نايرين و تمام التمام .
إنتو يا سهام أكلو السخينة ..
أقعدوا أكلو سخينة كده لمن الله يسوي ليكم ضنب .
أكلوها ياخ ..
الله ينعل ميتين أبو السخينة الجابت لينا الفهاق و البُرجُم و .. الكلام .
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: عماد الشبلي)
|
ياسر طيفور
سلامات
(ظووووووووط In
ظووووووووط Out
___
ظووووووووط = Zoom..)
انت جدول الضرب ما حافظو وللا شنو
قالوا
ظووووووووط + ظوووووووووووط = طووووووووووطين ونص
تقول ظووووووووووط in
وظووووووووووووط out
ياعالم ما تجيش الا بالظوووووووووووووط ظاااااااااااااااتو
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: Abomihyar)
|
| Quote: قال سد خشمك قال.. أها في الآخر السدا منو؟؟ |
شلاقة مني يا أسامة ياخي ..
هم زاتم ناس متلقين حجج ..
قاعدين بي غبينتهم وراجيني أنا يعني ؟
أنا تاني كلمة سد دي بلغيها ليك من قاموسي نوهااااائي .
أهو هسه قالوا البتاع ده جاب سمك !!!
خلى الكهربا و جاب سمك !!
يا خلقنا ما تعولقنا .
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: ثروت سوار الدهب)
|
| Quote: كمان جابت لبها مظوطة |
أريتا مظوَطة عدوك يا ثروت ياخي ..
أنا و الله اللمة و الحفلة التافهة العملوها ما همتني ..
همتني سمعتي ياخ ..
غايتو ربك ربك كريم ما كان في زول بيعرفني الوكت داك ..
بعد فت بعيييييييد منهم و اديتهم عجاج العربية نزلت و عاينت ليهم ..
الله يسامحنا غايتو أديتهم كم شتيمة و إشارات عويرة كده باليد ..
لو كانوا شافوني و لمو فيني .. إنا لله .
يعني غايتو دي بلد .... بتاعت عصابات و بس .
....
ظوووووط دي أتاريها كلمة بت كلب يا ثروت .
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: محاسن أحمد محمد)
|
| Quote: حتفتش لى عمك النذير بتاع البطيخ |
النذير بتاع البطيخ يا محاسن ؟؟
بطيخ و ظوووووط ؟؟
دي ياها آخرة الخوّة ؟
حاج مصطفى بتاع الليمون مالو ؟ ..
بلاش مصطفى بتاع الليمون .. خليهو عثمان الفكي بتاع البرتكان ؟
و الأوزون ح أمشيهو .. شفتي ..
و ياخي ح أدلع رقبتي و أستبرد و أتفنكه و أستجم ..
و ظووووط دي تاني يلقوها في الغافل .
....
قال بتاع البطيخ قال ...
أتطلبي الله يا محاسن بلا فقر معاك .
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: عمر سعد)
|
السخانة في كارفور بتبوظ الفواكه يا عمر ؟؟
عندنا هنا السخانة بوظت أخلاق الناس ..
جات عليها الكهربا المافي .. بقت الحكاية : عايرة و ادوها سوط .| Quote: فقال وهو مبتسم بتقصد شنو بالفاكهة اللاسمها السد دى |
سؤال زي ده في السودان .. طوالي إجابتو : ظووووووووووووووط
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: محمد البشرى الخضر)
|
Quote: كلما أمشي خطوة مع الكراع العرقانة و السخانة و الغبار ..
السفنجة التافهة تشبكني ليك : ظييييط .. ظاااااط .. نِجطِطططك .. نوجططططططوك .
هسه أنا حفيان ..
أنشوف تاني البيظيييييط شنو كمان تاني في البلد الأم فكّو دي . |
ضحكتني لامن طرشتني العشا يا عمدتنا ..
ياخي تاني ما بقرب الحوش ده بعد العشا...
وبعدين أنسى تاني ما تلقى ليكـ بيظيييييييييييييط ... التراب زاته بعد شوية حا تظييييييط ليكـ ...
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: أبو ساندرا)
|
عمدة ازيك ياخي..
بس انت الوداك..
(الظـــووووط) شنو؟؟عفوا السوق!!
بس نحمد الله المرقتك
عربيتك...
كان هسي..طلعوك حرامي و نشال..
واتلمو فيك...
وعينك ما تشوف الا (الظوط)...
النور..النور..ياخي!!
ده الكيبورد الزفت ده...
بلد مبهولة....
بشكل...
كبير
لك الود يا عمدة
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: Hawari Nimir)
|
يا عمدة
صباح ... الظوووووووط
شايفك ، لبدت من كلام بركوتة ، كان ما اخاف الكضب واللفحي كان قلت ليك الجماعة ديل كورس
للعجوز دة ، وانت اللي بديت معاه من خربت ليهو خميسو
واها نسالك انت بتاع الليمون دة ما لقيت الايكون اسمو اسمنا
(حاج مصطفى بتاع الليمون مالو ؟ ..
بلاش مصطفى بتاع الليمون )
ليه بلاش منو بتاع الليمون ... اليس هو من الظووووووطيين
استغفر الله ..
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: أبو ساندرا)
|
Quote: زوووووط
و ب بطيخة ؟
اوعك تكون كاملة وكبيرة ومدردمة
ما أضيق العبارة
ما أوسع
الترمة . |
الكلام دا بدينك!
الدنيا عجورة يوم فى ايدك ويوم فى ايدك التانية!! ما تحرجوناش بقى!
والله يا عماد عبدالله بالغت خليت شنو للرشيد بدوى!
واحد من مذيعينا الاشاوس صاح مهللا ظوووووووط عقب احراز احد لعيبة المنتخب السودانى هدف صاروخيا!!
جنى
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: Rawia)
|
يا راوية يا عباسى سلام
ليكم الله و الشوق للسخينة
الاسبوع ده ضربتها ليك مرتين
مبااااااااااااااااااااااااااالغه
و جنبها صحن شطة برضوووووو بالدكوة
وربطة جرجير
ووووووووب
كدى انقوم نظبطها تانى للعشا
ده زيادة فى شحتفتك
و محاولة لاقناع عماد
____________________________
الظاهر بوست عماد ده فبهو البركة و لحس الصحن
ومن بعده الاصابع
| |
|
|
|
|
|
|
|
|
 Re: وطن السدود .. نفديك بالأرواح .. و ظووووووووط (Re: Siham Elmugammar)
|
Quote: ليكم الله و الشوق للسخينة
الاسبوع ده ضربتها ليك مرتين
مبااااااااااااااااااااااااااالغه
|
غايتو أسألي الشوق عن عيوني
فاطمة العقلي ومنذر أبو المعالي
يقولوا ليك راوية العباسي أحسن من يعمل سخينة في الشرق الاوسط والريجونس المجاورة
مرة كنا برة وجينا بيتنا متأخرين والمطرة صابة(طبعا اهم حاجة في السخينة الانفايرونمنت الحولها)
المهم عملت ليهم سخينة لما رجعوا كلموا بيها أي زول لاقاهم في الشارع
__________________
حقو عشان حركاتك دي الواحد هسة يقوم يعمل سخينة
مع إني قاعدة في أوتيل لكن سويت فيهو مطبخ وصالة لوووووول
وعندي بخور عدني الله يرضى على الادتني ليهو دنيا وأخرة هاولعو بعد البصلة ماتفوح
لكن جنة بلا ناس مابتنداس
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: Siham Elmugammar)
|
سهام و راوية ..
سخينتكن بالله تحت أباطكن و أركبن الشارع .
سخينة قال ..
نقول ليكم الحكاية فيها ظووووووط تقولو لي سخينة و مديدة و ما بعرف شنو و تقلبوها لي طبق اليوم ؟
و اريتو كان طبقاً نعيم ..
أنا السخينة دي كجنتها بي الله واحد ..
من الله خلقني و إنتي يا سخينة الجن باقي لي في رقبتي .. متحمدانا فطور و عشا ..
هسه سويتوها ( أوريجينال فاشيون ) و الرجوع للتراث و حركات الحناكيش دي ؟
مبروكة عليكم .. قوموا إليها ده و البِهِل .. و معاها كمان أم تكشو و القاورمة .
شوفي يا سهام .. سخينتك ما دايرنها ..
و إنتي يا راوية فاطنة و منذر ذمتهم غريقة الجوز ..
ما دايرين يجرحوا مشاعرك ساكت .. لكن من إنقليزيكي الكتير ده تلقيك ما ناقشة ابو النوم في المطبخ .
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: مصطفي سري)
|
| Quote: همتني سمعتي ياخ .. |
ليه يا عمدة .. إنت (شلتو) بي تلاتة؟
سمعت في بعض ما تناقله المتسكّعين في الدوحة بأن (بركوتة) قد استعان بفكي (كيكي) الإسفيري، وعمل ليك عمل (ما يخرّش المية) جراء مساعيكم لتبويظ خمايسه. والشفرة هي: أطلقوا سراح الخميس نسحب ظووط الجمعة.
العهدة على الراوي ياخ
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: عادل خياري)
|
| Quote: خشمي ما بسدو .. إتّو قامت عليكم حكاية السد دي ولّلا شنو ؟ دايرين تسدوها فوق تحت ؟ |
منعول أبوه السد ألعايز يقفل كل المنافذ!!
وحتسكتوا على ( السديد ) ده ياعماد ؟
يسدوها تحت مامشكله
يسدوها بالجنبه ما مشكله
يسدوها بالإضنين برضو ما مشكله
لكن يسدوها فوق دى المشكله
يعنى ما ( نشيش ) ؟
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: haroon diyab)
|
Quote: وطن الجدود نفديك بالارواح وطوووووووووووووط
حتي النقطة شالته....!!! |
[green]
هارون دياب ,,الصغيرات مشكلة
اسى انا بنتى شابكة فى بابا تلفون ومين كدا جاب قون
طبعا عمدة ما بزعل لانه هلالابى جناح النقر,,,
نجى ل ظوووووووووط
ومن بعدو شلوووووووت
طين البيوت
ولحم العتود
متى الناس تجوط
حكام قلوط ( شدد ياعمدة شدد)
عاملين شفوت
نارهم ما بتموت
قصورهم عوالى
ستايرهم خيوط
بالله كيف بحرى, وناس بحرى, انا بموت فى بحرى
والنقل النهرى,,قوارب تجرى,,فى عهدنا البكرى
زمان الفكرى,,ابوداود والوترى,,اصوات القمرى
عقرب والدافورى,,سعد قشرة وكافورى,,
العذبة هواها عذرى,,حلة كوكو مع الفجرى
البنان تقرى,,دار السلام والمجرى,,مايقوما المترى
ود دهاشة والذكرى,,كرتونا يا عصرى,,,
وسوق ستة البدرى,,,اى حاجة بستة,,يارب دلالية الولد فى السعودية
تشيل كل الطبلية وما تفضل شوية ,,وب ستة كل حاجة ب ستة
واسى كل حاجة ب زوووووووط
دحين الكلام دا كله قبل الانقاذ بشوية
لكن مسعول من الخير ياعمدة انت الوداع شنو لبلد الظووووظ
عرس بنوت ولا سقف بيوت,,
تسلم
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: Salah Abdulla)
|
Quote: ونحن ننشد ونقول للعمدة ( بلادك حلوة أرجع ليها ،، ودار الظووووووط ما بترحم )
|
أبو الصلح
والله ضحكتني وخليتني أتم باقي الغنيوة بتاعت الخدرجية
أها هاك :
وطن السدود نعم الوطن
أنواروا كم كم يقطعن
هيا يا شباب هيا ياجنود
هيا أنشئوا هذي السدود
وتني وتني وتني
وطن الجدود نعم الوطن
أفلاموا كم يتدفقن
آن الاوان أن نمتحن
في سبيلو لا نطلب ثمن
ــــــــ
وقس علي ذلك مع الاتعذار بالتأكيد لشاعر الاغنية ولكورال خضرجية السوق المركزي
وكامل تضامني مع الصديق عماد
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: Yassir Tayfour)
|
ياسر إزيّك ..
تعرف الايام دي شغلي خفييييف ، أداني فرقة أهبش هنا ، والحمد لله لقينا العمدة بي ( ظيطتو وظمبليتو ) وقلنا نستغل الظرف وكده.
| Quote: والله يا صلاح -ألأخ الأكبر لعمدتنا- |
صاحبك العمدة ده بيكون قاعد وبيتاوق من بره بره
أها كلامك الفوق ده بيكون ريحو راحة السنين ، وبيجيك نابل هسسسسسسي دي..
أكبر منو؟؟؟ والله من نضاراتك الكبار ديل عرفت نظرك جالي..
| |
|
|
|
|
|
|
|
|
 Re: وطن السدود .. نفديك بالأرواح .. و ظووووووووط (Re: محمد عبد الماجد الصايم)
|
..............................................
ولا تنسى سيرة إخوتنا الشماسة اصلهم باقى بحبو الحفلات جدااااااااااااااااااااااا,,
سلامات يا عمدة,,,
لا ظوط تعلو فوق ظوووووط المظوطة,,,
لا تعليق,,
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: Salah Abdulla)
|
يا عماد سلام
Quote: [سهام و راوية ..
سخينتكن بالله تحت أباطكن و أركبن الشارع . |
والله والله والله ما طالبنى حليفه الليلة دى فطرت بيها
نحن ناس ماشين تحت الحيط
عشان كده ما فى زول بقدر يظوطنا
اها انا ركبت الشارع ما راوية خليتها هى و ضميرها
_____________________________
يزوطووووطكم تطردونا
بس الما بتقدر على مرة راجل تأدب حماتها
او كما قالن
ظوووووووووووط مرقنا
| |
|
|
|
|
|
|
|
|
|
Re: وطن السدود .. نفديك بالأرواح .. و ظووووووووط (Re: Siham Elmugammar)
|
يا عمده
تحياتي
تعرف لي صاحب اسمو ود الناظر زول لذيذ حد الغلط
من 24 الصحافة كان عامل ليهو تربيزه خدار
ويغني خداري الب حالي ماهو داري
في احدي المرات مشينا نزور بت التوم في سوبا
وهو له بطاقة مكتوب فيها السوق المركزي
اظن غفير المستشفي بتاع سوبا بقراها
الامن المركزي وهو لابس جلابية بيضاء جميله وجادع شالو في كتفو
دخلنا كلنا المستشفي ببطاقة الخدار
لكن ما ليهو حق في الغلاط الحيكومة حيكومة الجبهة والدايرهو عملتو غصبا عننا
والخازوووق ركب فينا من الانقلاب
وناس نقد عايزين ان اللاجئين بتاعين اسرائيل يمرقوا منها لانهم ما ليهم حق
لطلب لجؤ في اسرائيل
وعايز عبد الواحد اتراجع عن صحبتو لاسرائيل
اظنو لو صاحب ايران نقد بيكون مبسوط
سيدنا الصادق ضارب شقتو بمدينة نصر جوار شارع عباس العقاد
حيث الراحة والاندياحة وان حبشيه جميله تقدم له خدماته التي يريدها
من اكل وشراب
اما سيدنا محمد عثمان فتعب من الحوامه والان زمن جرد حساب تعبو
الاخرين ممحنين جدا
| |
|
|
|
|
|
|
| |
Emad Abdulla
محمد عبد الماجد الصايم
مصطفي سري
محمد البشرى الخضر
GamarBoBa
doma
Rawia
Yassir Tayfour
عمر سعد
Siham Elmugammar
عماد الشبلي
محاسن أحمد محمد
Salahaldeen Nadir
Hassan Makkawi
خضر حسين خليل
ثروت سوار الدهب
Abomihyar
عمران حسن صالح
أبو ساندرا
Hawari Nimir
jini
خالد عبد الله محمود
عبدالكريم الامين احمد
عمر الفاروق
الطيب بشير
حيدر حسن ميرغني
محمد أبوالعزائم أبوالريش
عادل خياري
كمال سالم
haroon diyab
abuguta
محجوب البيلي
ناصر احمد الامين
طارق جبريل
Samer Osman
Zomrawi Alweli
محمد الطيب حسن
Medhat Osman
أيمن الطيب
فيس بوك
تويتر
انستقرام
يوتيوب
بنتيريست