|
Re: ( فصل الدين عن الدولة ) .. في عز السخانة !! (Re: حمد عبد الغفار عمر)
|
Quote: في جريدة الحياة اليوم هيئة علماء المسلمين تحذر من بنطلون يظهر جزء من الملابس الداخلية و جزء من الارداف دا في السودان في ] |
البنطلون دا اسمو كاشف رقم...
قال ليك واحدة جات لابسة بنطلون من النوع دا. قاموا الشماشة شبكوها ليك كاشف رقم.. كاشف رقم ومباريينها. قامت اتلفتت عاينت ليهم وقالت ليهم "والله أسي أطلع ليكم الشريحة ذاتــــــــــــــــــــــا"
| |
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
Quote: و أكبس للداية السحبت رجلي . |
السحبت رجلك ولا رأسك ....... ( في إطار الغلاط المستدام )
Quote: الغلاط ( أحد أشهر أدوات البلاد في شكم عزم الآخرين على الإستمساك بالحق و المنطق هو : الغلاط المستدام ) .. |
الأخ عماد
الغلاط ده متعبني تعب شديد لكن ........ الله غالب .....
سؤال مستحمي :-
هو لسه في دين ...؟؟؟؟؟ ولسه في دولة ..؟؟؟؟؟
شكراً على الخيط الممتع بك ..وبالمشاركين ....
اسامة
| |
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
مبالغة ... الناس دى ممكونة و صابره ... الرايح ليهو دين والرايحة ليهو دولة كلو اتلقط جا ...
غايتو البوست الخلا خالد عويس يتفكفك كده ابدا ما هين، يا خالد من هنا و لى قدام لو الواحد عاوز يناقشك في اى حاجة يخت ليك اول حاجة كل "فصولات الاديان عن الدول" عشان "تفصل" ... خليك فاصل طوالى ... بتطول العمر و تفرهد الروح و تخليها خدرا طوااااالى ، اسال عمك اب شنب الفاصل ده ... ود البشري في بيت الشمارات بي هناك جاب اخر خالد:
Quote: خلي بالك من النيو لوك لخالد عويس يا عمك دا ما كان تراضي دا |
دي قوية يا شمس :
Quote: قال ليك واحدة جات لابسة بنطلون من النوع دا. قاموا الشماشة شبكوها ليك كاشف رقم.. كاشف رقم ومباريينها. قامت اتلفتت عاينت ليهم وقالت ليهم "والله أسي أطلع ليكم الشريحة ذاتــــــــــــــــــــــا" |
| |
|
|
|
|
|
|
Re: ( فصل الدين عن الدولة ) .. في عز السخانة !! (Re: Abd Alla Elhabib)
|
Quote: ود البشري في بيت الشمارات بي هناك جاب اخر خالد:
|
Quote: Quote: خلي بالك من النيو لوك لخالد عويس يا عمك دا ما كان تراضي دا
|
عصام جبرالله..
والله وماطالبنى حليفة (ياقول حبوبة)ختفتها من كيبوردينى.
ود البشرى كمان ختفها..
ياخ لكن تارى خالد عويس راقد بالغبينة...
نحن دولة داخل دولة ..اها دولتنا (نحن الدولةالصغيرة *)لكن الاقوى ..48 جنسية
تسمع بالدولة لمن تفتح قناة الجزيرة اما الدين دا ما بتسمع بيهو الا طشاااش..
كان نزلت صور هنا فى ناس بمشو الاخرة..
_____________________________________________________ مكان شغلى
| |
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
هو جنس فك آخِر لكن !!!!
الطيب برير
Quote: الدين تحت (بالضرورة)! برضو أنقر ليه؟ لأنو زمااااااااااان لمّن كنا شفّع قدر كدا كانت (حاجاتنا) بتمرق برّه (الهناي) مروق ساي عادي ما مقصود تهوية وكدا أها.. عندنا عمّنا زول زهوجي زي صاحب البوست طوالي بنهرنا وبقول لينا هوي يا زفت ما (تغتي) الدين دا! خلاس..
|
آكان كدا ؟ يبقى الفياغرا دواء اسهال زي ما قال شافعئذٍ متل شفاعتكم دي . . . .
| |
|
|
|
|
|
|
Re: ( فصل الدين عن الدولة ) .. في عز السخانة !! (Re: قيقراوي)
|
الله يجازي محنكم !! انتوا (طبلتي) دي عجبتكم كلكم، والله هسع أشيل كورتي وأشتت !! بعدين ياخ نحن من (أسمرا) موضوع الدين والدولة ده (حسمناهو) ومؤيدنو، بس فاضل (التطبيق). خدر.. يا وغد، انتوا عندكم في هولندا الدين (مملوص) عديل من الدولة..طيب مالك ؟ ويا يابا أريتها دولة السرور، دولة (مؤسسة) فعلا وفيها (فصل كامل للسلطات) !! وياشابكننا خالد عويس مالوا وفك آخرو؟؟ ما من المغسة العلينا، 6 ولا 7 سنين مطلعين روحنا مظاهرات مظاهرات عووك عووك نقوم نطلع عينك ما تشوف إلا النور، خبت وجري وعمارة الأمن وعمارة الطلاب في بحري وبشتنة لحد ما مشيت بيروت شفت المظاهرات الجد جد.اها من يومها وانا ممغوس من الهبل الكنا بنسوي فيهو داك. والله الشيشان ذاتهم لو ودوهم هناك كانوا اتظاهروا ضد حكومتنا!!
| |
|
|
|
|
|
|
Re: ( فصل الدين عن الدولة ) .. في عز السخانة !! (Re: خالد عويس)
|
يا خالد .. ياخي حمدل لالك بالسلامة .. قول واحد . أنا مع فصل الدين عن الدولة ده للنهاية .. و لو بقى فصل ( بكيني ) يكون خير و بركة ياخي .. - بكيني من بكين عاصمة الصين .. مش البكيني السمح داك التاني أبو دلقانتين , شكراً - أها ناس " هِزبوللاه " ديل يا قول عمنا بوش ناس عاقلين .. المقاومة يا كده يا بلاش .. مقاومة بمواقف ( صلبة ) و مؤسسة ياخي .. تطلع المظاهرة تتنخج و تهتف و تجعر و " تمعن " شديد ياخي في ( النضال ) و تدي العين حقها " الشرعي " .. و يصيبك من تلك المظاهرة ريحٌ طيبٌ . مره يا صاحبي في عز الكبع بتاع الإنتفاضة .. و مسخنين نحنا في شارع القصر .. طاردونا المدنيين المسلحين المنتعلين بوكسي أب قبينة .. كسرنا على السكة حديد .. إنقطعوا ورانا .. معانا عمك دنقلاوي قديم لابس أبرول و عمة نتشة و مشلخ .. و البومبان مولع لما ما بتشوف الجنبك و ريحتو ياخي فسيخ فسيخ .. لقينا حنفية .. و إتمخطنا و غسلنا .. عمك يدعك في عينو المولعة ديك و يتمخط و يهز راسو : ( أأوذو باللاه - اعوذ بالله - .. الشي ده " أظرط " من بتاع أربعة و ستين ) . شفت نحنا نضالنا قديم و مهبب كيف ؟ ..
هشام .. شعور الطبلة دي كيف ؟ تكون ( فَصَلَتْ ) .. صح ؟؟ بتتتتت الكلِب يا الطبلة ال الله أداها فصل من جودو و كرمو .. نحنا يفصلنا الشديد القوي .
| |
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
غايتو يا عماد يا صاحبي انتوا بتكتلو ليكم زول تشرطوهو عديل كده بالضحك من البوست ده. أنا زيك تماما، أؤيد فصل الدين عن الدولة، وفصل أي حاجة من أختها. لكن كده، بما أنك صاحب البوست، كده ورينا الدين وين والدولة وين، ياتو الفوق وياتو التحت، الطيب برير غايتو اجتهد، واشتغل شغل بتاع (تفكيك) و(بنى) يعني تفكيكية عديل ! شفت جنس المصايب دي، ومحسن خالد جاك متجدع بيتكلم عن لندن، أتاريهو (الخواجات ..الرجال) هناك السخانة مزلطاهم، هو بي عيونوا المتشتشات بالزيت قام شافم ليك الفي بالو، قووووووم يا محسن خالد اقطع فيهم دوبيت... (بيني وبينك كده خلاص ممكن يضمن جواز سفر بريطاني، ولجوء ((إنساني)) ) حالة متأخرة. اها يا عماد الكبع البداهو عمك الدنقلاوي ده سنة 64 نحن شفنا آخرتو في التسعينيات، والشغلانية آخرها تكون أربعة منو يجدعوك في (كندورة) أو بوكس الأمن وفرحانين تقول قبضوا بن لادن !! عندنا زول جنو طشمة كان في دنقلا، اها بعد قوانين سبتمبر كل يوم العساكر الما عندهم شغلة يمشو يرفعوهو، يوم قبضوهو ومبسوطين خالص، قال ليهم: فرحانين كده قايلين نفسكم قبضتوا جون قرنق ؟؟
| |
|
|
|
|
|
|
Re: ( فصل الدين عن الدولة ) .. في عز السخانة !! (Re: عمر الفاروق)
|
غايتو يا عمر الفاروق !! هسع يعني يعملو ليك شنو؟؟ يعضوك في راسك ؟؟ ما بتخجل من دولتك دي، يا كافي البلاء دي دولة شنو دي، ودا ياتو دين، غايتو إلا دين قاطعو من راسك (دولة) دولة يا راااجل آخرها (تاء مربوطة) يعني دولة أنثى، قايم جايب لينا دولة راجل ؟؟ والله دي إلا دولة محسن خالد الشافها في لندن بي عيونو المتشتشات بي الزيت. اها محسن بي سببو وعرفناهو، انت مالك ؟؟ تاني اوعى تجيب لينا صورة ما فيها (دولة مركزية) مفصولة عن الدين. انت ما شفت دولة (الطبلة) ؟؟
| |
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
Quote: الله يوريني فيك يا عمر .. و ألقاك يوم مشنوط شنطة زي دي , و مزنوق بولندا .. تودي وشك وين اليوم داك !!! غايتو إلا " تقضي الحاجة " بالكرفتة . |
عماد الله يجازيك دولة عمر دي ما ياها الدولة الدينية المتورين نفسنا لينا 20 سنة ضدها. نشيل ونخت وفصل وصور وطبلة يقوم يجيب لينا (دولة طالبان) هنا؟؟ غايتو يا عمر حظك كويس إنو (أتاتورك) مات، وإلا كان شنقك بي كرافتتك دي.
| |
|
|
|
|
|
|
Re: ( فصل الدين عن الدولة ) .. في عز السخانة !! (Re: Emad Abdulla)
|
Quote: الله لا كسبك يا عمر .. يعني كل العالمين دي تشيل و تفصل و تفصل .. لما أنا فرحت باقترابنا من ( ورقة التوت ) .. تجي إنت ياخي تمط لينا الحاجات و تشنقها كده ؟؟ .. و كمان عندو كُسَر بالجنبه ؟؟ الزول ده تحت " رداء الدين " داسي شنو ؟؟ ما تقول و لا كلمة .. خلاص .. عرفنا . يا ربي ما تمحنا يا الله .. و الكفتيرة لشنو كمان ؟؟
عمر ياخ طريقتك دي ما كويسة مع التوجه العام . و فيها ردة عن القضية .
يا خواننا .. رجعونا لحزب الله أب دربُكه و المكسور بالشرطة الظاهرة على آخره ..
..... الله يوريني فيك يا عمر .. و ألقاك يوم مشنوط شنطة زي دي , و مزنوق بولندا .. تودي وشك وين اليوم داك !!! غايتو إلا " تقضي الحاجة " بالكرفتة |
مسرحية دوله بدون دين لعماد عبدالله وعمر الفاروق
قمة المتعة
| |
|
|
|
|
|
|
|