|
Re: داير أبقى غنيان ... ممكن نصايح من " المختسين " ؟؟ (Re: Adil Osman)
|
عماد الظريييييييييف والله فاقدنك ،، وبعدين لمن تحلم أحلم لكن ما قدر دا ،، البتحلم بيهو دا الوليد بن طلال مالقاهو ولا سلطان بروناي
Quote: - طيارة خاصة ( لكشيريص سوبرسونيك جيت ) بي حمّام دبل بيد . - جزيرة في الكاريبي .. بشاطيء رملي ستة كيلو داير ما يدور , و بالم تريز .. و المرجيحة البيعلقوها بين شجرتين ديك و تقوم جوزة هنداياية تقع في عِبّك . - يخت 112 قدم في 60 في 45 .. مكتوب عليهو باللون السماوي و بالجنبة و بالإتاليك المايل صمول كابس ( DREAMY ) . فيهو حوض سباحة و شاشة بلازما و مسرح منزلي . - صورة كبيرة لكاترين زيتا جونز ( لو بي " نايت قاوون " ماروني مايل على الفايولت ما بطال ) .. بالعدم بقبل بشاكيرا ( هاف توب أسود و شورت ) .. و بالله الصور دي تكون بريموت كنترول .. شرطاً . - أسطول عربات : ميزاراتي , لامبورجيني , بورشه , اسكاليد , و شوية بي إم على بنزات . - قناة فضائية خاصة .. أشوف فيها الدايرو . - نادي خاص و بميادين غولف و تنس ( كريكيت ما داير ) .. و صالة موسيقى و صالة عرض سينمائية و قاعة رقص ( محاضرات و مكتبات و عوارات .. ما معانا ) و إسمو شنو المدوّر داك حول البيسين .. نشرب . - 1116 جوز جزم ماركات عالمية البتعمل صوت كع كع كع ( أنتقم حق حفانا الفات , أنا و قبيلتي من ورا ) . - بدل و كرفتات و أرياح و هدوم جوانية ماركات : ايف سان لوران , ديور , قوتشي , كالفن كلاين , شانيل ... و كده ( يُعين واحد لِبّيس عام .. و التاني لربط الكرفتات ) . - كوم قروش مرصرصة أطول من الإمباير ستيت .. و أعرض من حديقة القرشي .. و كلو هارد كرنسي أبو ريحة جديدة , رُبَط رُبَط . - بودي قاردات كمية .. بنضارات سوده و حصين سبق . - باربيكيو ياخ .. داير باربيكيو ( بعدين ح أعرفو هو شنو ) .
|
| |
|
|
|
|
|
|
Re: داير أبقى غنيان ... ممكن نصايح من " المختسين " ؟؟ (Re: Emad Abdulla)
|
Quote: شوف يا صديقي .. من الآخر كده أنا قررت إني داير الآتي : - طيارة خاصة ( لكشيريص سوبرسونيك جيت ) بي حمّام دبل بيد . - جزيرة في الكاريبي .. بشاطيء رملي ستة كيلو داير ما يدور , و بالم تريز .. و المرجيحة البيعلقوها بين شجرتين ديك و تقوم جوزة هنداياية تقع في عِبّك . - يخت 112 قدم في 60 في 45 .. مكتوب عليهو باللون السماوي و بالجنبة و بالإتاليك المايل صمول كابس ( DREAMY ) . فيهو حوض سباحة و شاشة بلازما و مسرح منزلي . - صورة كبيرة لكاترين زيتا جونز ( لو بي " نايت قاوون " ماروني مايل على الفايولت ما بطال ) .. بالعدم بقبل بشاكيرا ( هاف توب أسود و شورت ) .. و بالله الصور دي تكون بريموت كنترول .. شرطاً . - أسطول عربات : ميزاراتي , لامبورجيني , بورشه , اسكاليد , و شوية بي إم على بنزات . - قناة فضائية خاصة .. أشوف فيها الدايرو . - نادي خاص و بميادين غولف و تنس ( كريكيت ما داير ) .. و صالة موسيقى و صالة عرض سينمائية و قاعة رقص ( محاضرات و مكتبات و عوارات .. ما معانا ) و إسمو شنو المدوّر داك حول البيسين .. نشرب . - 1116 جوز جزم ماركات عالمية البتعمل صوت كع كع كع ( أنتقم حق حفانا الفات , أنا و قبيلتي من ورا ) . - بدل و كرفتات و أرياح و هدوم جوانية ماركات : ايف سان لوران , ديور , قوتشي , كالفن كلاين , شانيل ... و كده ( يُعين واحد لِبّيس عام .. و التاني لربط الكرفتات ) . - كوم قروش مرصرصة أطول من الإمباير ستيت .. و أعرض من حديقة القرشي .. و كلو هارد كرنسي أبو ريحة جديدة , رُبَط رُبَط . - بودي قاردات كمية .. بنضارات سوده و حصين سبق . - باربيكيو ياخ .. داير باربيكيو ( بعدين ح أعرفو هو شنو |
والله الزول الفقر ده انا بعرفوا زى جوع بطنى.. اقسم بالله تدوه حق رقشة ما يقعد فى قطر يوم واحد..قال لامبرغينى،بورش،برش راسك. متسول جبان.. رايك شنو يا صلاح عبد الله ؟؟ بعد ان وطا راسنا هذا الوغد الذى اراد ان يشذ عن ثوابت حاجة تاجه،،
| |
|
|
|
|
|
|
Re: داير أبقى غنيان ... ممكن نصايح من " المختسين " ؟؟ (Re: Emad Abdulla)
|
عماد سلامات.. الدقن كيف؟ إتّ مقاسك كم؟! (الشي) دا والله مجرّب ما تسمع كلام البقول ليك الغنا غنا والما غنا (شنو كدا ما عارف) هنا لا الكلام ما صاح أسعلني نا أصلي أنا (ما عارف شنو كدا) هنا المعنى يعني غنيت وكده
بعدين شنو الطموح الما كبير دا:
Quote: قناة فضائية خاصة .. أشوف فيها الدايرو . |
تشوف شنو؟ (الشي) بقى ما دايرلو قناة فضائية رااااااااقد مش إتّ قاصد الفقر والمرض والكضب والموت المجاني وكده
| |
|
|
|
|
|
|
Re: داير أبقى غنيان ... ممكن نصايح من " المختسين " ؟؟ (Re: الطيب برير يوسف)
|
عالم كحيانة .. مافي أي زول جا قال راي عملي .. شهر و شوية كلو تمنيات و نصايح الفقارى الما عندها معنى دي .. فعلاً ( الفقري رايو واسع ) . عاملين فيها يعني خلاص الأولاد ناقشين و نجيضين !! بلا مسخرة ياخ .. هو انا زاتي أسألكم إنتو ؟؟ ياخي في حتات تانية فيها الناس المرطبة و بتكتب كلامات حنوني كده و ناعمة و ( لطيفة ) .. ناس رومانسين و حلوين و نضيفين و برااااااااحه .. بوست زي ده كان خشو الحنانات كلهم اولاد و بنات المصارين البيض و قالو كلام مؤسس و عن تجربة و مفيد ياخي .. او بالميت كده كانو سمعو الواحد كلمة ترحمن من نوع : اوووه .. يا حراااام .. بووور يو .. أو واحدة نزلت ليك أغنية تعاطف مثلا .. أو واحد فيهم راضع لبن أمو جدع ليك حاجة كويسة كده في شكل ( خمار ) تودي الواحد لي قدام في طريق القروش الجميل .. كلكم بي بكريكم ده غير الكواريك و الحرابة و النقة الفقر ما وراكم فايدة .. .. ناس متلقين حجج و دايرين شمطات و بس ..
قعدنا معاكم .. ربك زاتو عارفكم قحاطى و لسانكم طويل .. قال ليك خليهم مرزوعين كده .. قروش ليكم مافي .. أها .. خموا و صروا .. ياهو الفقر شبهكم , و متحمدكم لي يوم الله .. خلوها تنفعنا حكاية ( الفقرا إتقاسمو النبقة ) . و العندو نبق فيكم يدينا .. و ذلك أضعف الإيمان .
أهو رجعنا في مسمانا .. مخير الله .
| |
|
|
|
|
|
|
Re: داير أبقى غنيان ... ممكن نصايح من " المختسين " ؟؟ (Re: Emad Abdulla)
|
Quote: عالم كحيانة .. مافي أي زول جا قال راي عملي .. |
عمدة سلااامات يا رئع تعرف مافي طريقة للغنى ألا السبيل واحد فقط لا غير له في واحد أسمو الطيب شيقوق .... تربطو جنب أقرب مكان فيهو لمت ناس كتير الكف بي جنيه ( الجديد ) والشلوت ( 50 قرش ) والقرصا طبعاً دي للبنات ( ب 3 جنيه ) والله بكرة دي تصبح مليونير وجيب القمر بوبا بي ميكرفون يهلل ويسخن السوق
عمدة والله الأشواق بحر للقاكم تحياتي ومودتي
| |
|
|
|
|
|
|
Re: داير أبقى غنيان ... ممكن نصايح من " المختسين " ؟؟ (Re: Emad Abdulla)
|
Quote: و العندو نبق فيكم يدينا ..
|
(الدرداقات) يا عماد رخيسة تشتري 10 وتفرشا للايجار . اليوم بي 1000 جنيه.. بعد سنة يكون عندك رقشة وبعد سنتين رقشتين واحدة يسوقا زول أمين والتانية تسوقا براك بعد سنة يكون عندك امجاد وبعد سنتين يكون عندك اتنين واحدة يسوقا ود ود ولدك والتانية خليها ما بتقدر عليها العمر مشى.. والامجاد بتجيب هايس وبعد سنيييين المال الايص يجيك هايص ونشوفك سايق تاكسي جوي يا عماد حلاة الدنيا عليك عمرك يحسدك عليو نوح
. . الاستشارة الفوق دي مجاني يا عمدة
لو نفعت اطراني
| |
|
|
|
|
|
|
Re: داير أبقى غنيان ... ممكن نصايح من " المختسين " ؟؟ (Re: Emad Abdulla)
|
استاذ عماد سلامات .. عميد رجال المال والاعمال فى السودان هو الشيخ مصطفى الامين عليه الرحمه . كنت معجب جدا بمذكرات الشيخ التى كانت تنشر فى السبعينات . كان بحكى يا عماد للصحفى وهو فى الصورة سافى . حكى كيف حضر من شندى الى امدرمان بمركب . لا كان فى كبرى لا شتين . قال . اها هدومى فوق راسى قطعت البحر من امدرمان للخرتوم . وهاك يا مشغوليات . فى سنة 24 سجنت . خرجت من السجن لقيت ارباح معاصر الزيوت تمام اها بعد داك حولنا المعاصر من الجمال الى الماكينات ...... اها يا عماد عمك بقى من أغنيا العالم فى تلك الايام وبلا كمبيوتر هلا هلا . تحياتى
| |
|
|
|
|
|
|
|