أنثى بتوب .. إنه الصيف , آمنتُ بالله

مرحبا Guest
اخر زيارك لك: 03-28-2024, 09:43 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عماد عبد الله (Emad Abdulla)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-14-2007, 08:06 AM

Muna Khugali
<aMuna Khugali
تاريخ التسجيل: 11-27-2004
مجموع المشاركات: 22503

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Omar Bob)

    Quote: أنثى بلا توب - عندي - هي وردةٌ بلا عبير عابق



    ازيك يا عماد..مشتاقين





    احضار الكوتيشن ما هو الا محاصره بريئه!
                  

08-17-2007, 09:58 PM

شمس الدين خواجات

تاريخ التسجيل: 08-19-2006
مجموع المشاركات: 198

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Muna Khugali)

    Quote: تحياتي لي محمد خير طه .. و خالد طه ( ناس كبار .. يمكن ما تعرفهم ) ..

    خارج النص جدا ,,
    والله ياعمده ,,
    اول ماخلقت هنا ,,
    وشفت صورتك المشعلقة دى ذكرتنى ,,
    بخالد طه ,,
    ماعارف لشنو ؟؟
    تبا لهذا الاحساس العفن ,,
    ودى ياعمدة ,,
                  

08-18-2007, 09:43 PM

mohmed khalail
<amohmed khalail
تاريخ التسجيل: 06-14-2007
مجموع المشاركات: 4509

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Muna Khugali)

    ازيك يا عماد

    you are ont alone

    اغنية لمايكل جاكسون رهيييييييبة..رومانسية..هادئة ..مفعمة بالاحاسيس..زي انثى بالتوب

    ياخ اسمعها عليك الله من يوتيوب ولا اي حته في النت حتعجبك يا الما براك.

    محمد
                  

08-18-2007, 10:24 PM

عثمان سيد أحمد
<aعثمان سيد أحمد
تاريخ التسجيل: 05-11-2006
مجموع المشاركات: 607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Muna Khugali)

    Quote: أجمل الإناث عندي هي تلك التي تشع .. ضؤها التوب ..
    أنثى بلا توب - عندي - هي وردةٌ بلا عبير عابق .



    يا عمده يا رائع 00


    ما كتبته يا صديقي إيقاع معطر وعبير عابق


    والتوب وما أدراك ما التوب

    واللابس التوب 000




    مع مودتي 000
                  

08-25-2007, 11:03 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Muna Khugali)

    رايك شنو في التوب دا يا عماد

                  

08-14-2007, 08:40 AM

معتصم الطاهر
<aمعتصم الطاهر
تاريخ التسجيل: 11-26-2004
مجموع المشاركات: 3995

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    Quote: ( سقط النصيف ولم ترد إسقاطه .... فتناولته و اتقتنا باليد ) ..
    يا بركة إلهي و سيدي ..
    يقعد ينملص كده , و هي تقعد تتقينا كده ..


    انت فى دى نسيت يا ولد ..
    يتغطي بسواعدو ويحنو كأنو واجع
    قول الروب ..
    لما وقع التوب ( وبس) أتغطت بسواعدها وانضبت التقول عندها مغص ..
    قول التوب .. أسف الروووب ..



    و دخول منى خوجلى بعد غربة
    كلفحة (توب الجيران) للقهوة فى بيت النسايب ..
    الزولة دى أنا بريدهالوجه الله و الأرض ..
                  

08-14-2007, 09:35 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    تعرف ياعمدة التوب حلاتو في البيت

    لامن تجي لي صحبتك او حبيبتك وتتلقاك بي توب..

    الشيماء قبل اربعة سنين اتلقتني بي توب في صباح الله وشايلة كباية الشاي
    ان انسى لا انسى التوب ولا الشيماء ولا الوطن ولا مطر تلك الليلة..
    البت في التوب شي تاني بصراحة..
    وشيماء في التوب كانت وكانت..

    ذلك سر التوب ان تبصر في كل حسنٍ اية لله..
    عن الصادق الرضي بتصرف لطيف..


    وقال علي بن عبد الرحمن .. واجمل من لبست توباً في عموم الخرطوم هي نازك بت نجم الدين
    كان يومها مشغولا بسلامة المعز ادم وقد قبض عليه رجال الدين بالقرب من مسجد الجامعة وهو يهم بركوب حفلات بحري..
    اتاني مقتسما معي هم السلامات..
    فادركنا المغارب ونحن عند القوز..
    فوصلنا دار اعزتنا..
    فاذا بالتوب واذا بنازك
    واذا بنا ننسى امر المعز وكنا نظنه وقتها قيد الاستجواب وعلى حافة القزازة..
    يازول قعدنا شربنا شاهينا..
    نسينا المعز والوطن والجامعة ومالى ذلك
    وانشغلنا بالتوب عن اوبة المعز..


    ـــــــــــــــــــــــــ
    انثى بدون توب دي زي الشرا في القندول...
                  

08-14-2007, 09:41 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    انتو في زول شايف الضبانة الفي مداخلة Gazalot دي ولا انا براي المعفن؟؟
                  

08-14-2007, 11:17 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: DKEEN)

    .
    Quote: انتو في زول شايف الضبانة الفي مداخلة Gazalot دي ولا انا براي المعفن؟؟
    شكرا يا عز ..
    المعفنين بقوا إتنين .



    ثم .. ياخينا ده " حمار البنات " ..
    حاول تركز .


    .
                  

08-14-2007, 11:27 AM

esam gabralla

تاريخ التسجيل: 05-03-2003
مجموع المشاركات: 6116

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    تلاتة

    الببارى دكين بوديهو...

    انا افتكرتها في الشاشة ... هشيت ... لسه لايصة

    نضفت النضارة ..لسه لايصة

    قلت خلاص الفرج جا... انا جنيت


    تطلع ضبانة منعم!!!!!
                  

08-14-2007, 05:01 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: esam gabralla)

    ذبابة على المك
    وضبانة منعم
    انا قتا البورد عفن ..بكري الظاهر تلاجتو ماشغالة..

                  

08-14-2007, 12:35 PM

جمال سالم

تاريخ التسجيل: 10-27-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    ياعمده ...
    هم توبين
    توب بني شنقيط
    وتوب النشره الجويه في الفضائيه السودانيه
    وده ظاااااااتو البخلينانعرف احوال الطقس احيانا

    فلنقف في هذي اللحظات دقيقه احتراما لست التوب وليعش سوداننا(علما) ولا عالما
    ولاشنو مابعرفو داك بين الامم

    ياخي الدمام حاره خلاس ورطوبه الف ماتعرف الحاصل ذاتو شنو؟؟
                  

08-14-2007, 06:06 PM

خالد علي محجوب المنسي
<aخالد علي محجوب المنسي
تاريخ التسجيل: 04-10-2006
مجموع المشاركات: 15968

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: جمال سالم)

    Quote: قايل الفوق ده نضمي ؟؟ .. ( الطير يرقص مذبوحاً من الألم ) ..


    الحبيب عمدة
    تحية طيبة
    قيل يطلع الكلم الطاعم ممن دواخله حلوة وطاعمة ... كنت من مرتادي هذا البوست تقريباً يومياً لكي اتذوق طعم كلمك الحلو
    وليس الكاتب من يكتب دقش كبيرة ويجعلنا مسطحين لكن فن الكتابة ينبع في تطويع الكلم وصهرها ثم ثنيها ومن ثم تشكيلها ... وقد اجدت في ذلك

    وما أحلاك وانت ترقص طرباً وانت تعاني ألام الذبح ... اننا بنقول تبرى وتستبرى من الذبح
    لولا عذاب امرء القيس ما قراءنا ماابدع من شعر ولولا معناة الطيب صالح ماراى النور موسم الهجرة للشمال لولا الأحساس المرهف من ترنم شادي بروائع القدال والأمثال كثيرة

    لك التحية عمدة وفقك الله واجرى سيل مدادك حتى تمتع امثالنا عبر نافذة صغيرة من منبر يعلو وجهه ضغائن واحقاد وعدم وعي

    ولك التحية مرة اخرى

    خالد محجوب
                  

08-15-2007, 00:12 AM

Gazaloat
<aGazaloat
تاريخ التسجيل: 05-14-2003
مجموع المشاركات: 891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: خالد علي محجوب المنسي)

    Quote: ذبابة على المك
    وضبانة منعم


    شوف يادكين
    دى اسمها حقارة!!
    البخلى ديك ذبابة ودى ضبانة شنو!؟؟؟
                  

08-15-2007, 06:34 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    يا عمدة مذ القطفة الأولى عرفت أن هذا البوست حا يرفعك فوق
    ويودينا التوج
    ومن يوم مداخلتي لما كان البوست لسع طازج
    والتوب مكوتو حارة
    ما زال كأسك الطويل يتعتعني
    وكذلك تفعل بي الأغنيات

    عمك إبراهيم موسى أبا ، مليون رحمة تتنزل عليه ، عندما { عز التوب } قال
    { وكت يتشال وينفرا }
    عارف ، نبهني خال ضالع بالصبوات
    قال لي أخطر وقفة ، فدعة بتحصل وكت التوب ينشال وينفرا
    من اليوم داك أنا بتأمل

    و { زغرد فوقنا شلال فرحة }

    منعني عنك الشديد القوي
    لكن تعال صالة نادي السد الساعة 6 ونص
    ح تشوف العجب

    و
    { إستثنيت جنته }
                  

08-15-2007, 07:15 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    عُمدة ...

    سؤال للتاريخ:
    متى ظهر التوب الربط؟

    طبعاً التوب المبحبح داك بتكون ستو مرتااااحة جواهو. أما التاني ده فبتكون ملولوة وهو ملولو فيها لما تبقى زي عيشة الريف.

    برضو في حاجة نحن الرجال ما بننتبه ليها (على الأقل شخصيا ما بنتبه)، بس دايما النسوان يقولوا ليك فلانه دي بتلبس التوب بالشمال. ؟؟؟
                  

08-15-2007, 07:24 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)
                  

08-15-2007, 11:50 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15087

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    أينك يا بني آدم
                  

08-15-2007, 12:02 PM

هشام المجمر
<aهشام المجمر
تاريخ التسجيل: 12-04-2004
مجموع المشاركات: 9533

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    يا عماد يا مسخوط

    سلام

    هاك دى

    خمسة شهور تمام والهلَ طوبة
    روحي مشحتفة وياربي توبـــــة
    عبلوجة التري القلبت هبوبَ
    ردودة روحي انا اللافحا توبه


    ابراهيم ود الفراش

    و بنيتك ديك اظنها القال عليها نفس الشاعر

    دغس من غير كحل عينيها زُرق
    تقول ود الجدي الأماتُه بُرقْ
    تشابه الفي اب عدار الدابو كُرقْ
    حسارَ شواني خلي كبدتي حُرقْ

    اها بعد حريق الكبد فى شنو؟ ده مافى مكيف ببردو.

    (عدل بواسطة هشام المجمر on 08-15-2007, 12:23 PM)
    (عدل بواسطة هشام المجمر on 08-15-2007, 12:25 PM)

                  

08-15-2007, 12:49 PM

salah elamin
<asalah elamin
تاريخ التسجيل: 04-07-2005
مجموع المشاركات: 1423

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: هشام المجمر)

    اتصل بي صديق عزيز قرأ هدا البوست
    لمن نفسوا اتقطع دا على حد تعبيره

    لكن دي ما القصة
    القصة حصلت لي وانا ماشي دات يوم بشارع لوزان بجنيف
    ودا شارع بعرفه عصام جبرالله كويس .
    القصة وانا ماشي في الشارع دا ومن على البعد
    شاهدت زولة لابسة توب
    فهرولت ناحيتها ولما وصلتها كان فعلا نفسي قد اتقطع
    فتحدثت اليها بلغة عربية سودانية

    لكنها جاوبت بالفرنساوي .
    وانا المسكين بعد نفسي الاتقطع دا كله عرفت انها ما سودانية
    وطلعت من موريتانيا.

    وفيما بعد حكيت القصة لزول صاحبي مثقفاتي

    قال لي
    دا الانتماء يا زميل.
                  

08-15-2007, 01:16 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: salah elamin)

    ..

    كل العابرين هنا ..
    ود و تقدير و احترام ..
     
    أنا خاوي تماما ..
    الصيف عبرني .. و لم يتجاوز ..
    أقام عندي .. و خلّف الصي .

    جفاف يعلم الله ..
    و مخير هو صاحب الأمر .


    فعذراً كثيرا منكم ..
    البوست لكم ..
    و سأستعين بالكتمان .



    .
                  

08-15-2007, 01:18 PM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    أوبسسسس

    بوست رجال!!
                  

08-15-2007, 01:46 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26230

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Tumadir)

    ليت راشد منكم يتمعن في مداخلة تماضر!
                  

08-15-2007, 02:34 PM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    غايتو يا ملاسي هو واحد من إحتمالين :
    1- إما شايفة كل المتداخلات الهنا ديل رجال ساكت
    2- أو دخلت من ورا

    والإحتمال التاني أرجح عشان البوست من ورا كلو عتالة

    لكن انت يا راشد
    ما وقفك في كل البوست التمام ده غير تعليق تيما ؟

    يا ملاسي ، الله يستر عليك لو جاك أخو عماد
    والله يسترك لو جاك أخو كيكي


    أما
    لو جاك

    بلانس

    قدي زرة كلب في المولد يوم الزفة

    البركة بالجية
    وقديمآ قالو :
    يا مطول الغيبات كتر الجيبات

    أهو دي جيبتك ؟
                  

08-15-2007, 02:45 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26230

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: أبو ساندرا)

    كتبت تماضر:
    Quote: أوبسسسس بوست رجال!!

    فكتب ملاسي:
    Quote: ليت راشد منكم يتمعن في مداخلة تماضر!

    فرد ابو ساندرا:
    Quote: 1- إما شايفة كل المتداخلات الهنا ديل رجال ساكت


    فتأمل!!
                  

08-15-2007, 03:37 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Hussein Mallasi)

    .

    فتأملنا ..
    و بيننا " راشد " عبدالرحيم ..
    و بعدين .. !!!!




    .....
    خلاص جيت لفقرك ؟؟



    ..
                  

08-15-2007, 09:02 PM

خالد علي محجوب المنسي
<aخالد علي محجوب المنسي
تاريخ التسجيل: 04-10-2006
مجموع المشاركات: 15968

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    Quote: برضو في حاجة نحن الرجال ما بننتبه ليها (على الأقل شخصيا ما بنتبه)، بس دايما النسوان يقولوا ليك فلانه دي بتلبس التوب بالشمال. ؟؟؟


    سلام وتحيات / ابوالعزائم

    والله ظاهر وما بندسه وتلقى ستو مشيتها دي معوجة وصفحة وشها معوجة مع لفة التوب بي الشمال
                  

08-16-2007, 05:54 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: خالد علي محجوب المنسي)



    خميسٌ حرون ..
    الله يدينا خيرو ..
    نبدأه بالنداء .. ( و الغريق ينادي القشة ليتعلق بها .. ) .
    سينادي شيخنا أبو صلاح .. ( و هو نداء النياط التي مزعها مَنْ مزع ) :

    ياجـوهـر صـدر المـحافـل
    روحـي معـاكي تلـطفـيـلا

    ما الـنور الـفي حـليـهو رافل
    في حُـق نـهدو قـلوبنا قافل
    كالظـبي الفـي مـقـيلو غافل
    تـارة يميـل والتـانية جـافل
    وجـهو يــنور والبـدر آفـل
    فـوق للـبدر يزيــد نفـيلا

    يــا النـور خـدك لاح مـقابل
    للـشعر الـطال لـيلو سـابل
    سـهـم الحـاظك ليـنا نـابل
    بـي كل شي دون هجري قابل
    ينسـب نـوحي عـلي البلابل
    وانــت القــمرا بتنـسبيلا

    ليك جوز عين نعسـان وكاحل
    خصراً مـيّل وصـدر راحـل
    لـي وجـداً لي جسـمي ناحل
    بـحر الشــوق مـاليهو ساحل
    بيـني وبـين الـنوم مـراحل
    ويـن للطيــف انا القي حيلة

    الـفـرع الـبـتـّنـي راتـل
    طيرو ينوح في غصـونو حاتل
    أهـوى نـديم لي فكـري شاتل
    الاسـد الـفي القيــد ينـاتل
    يـتـأكد مـاليـهـو كـاتـل
    غـير مكـحـول ظبـي النتيلة

    ضاوي سـناك لي بريقو راسل
    لاح بـين عـنابتين عـواسـل
    صدرك يـرجح وكـتفو خـاتل
    رنـا طرفـك للسـيف يمـاثل
    بـيهو يجــنـدل كل بـاسـل
    ساحـبة دغـس وخدود اسيلة

    يالـمـرنوع الـكـتفو هـادل
    في دروعو ولمـعـاصمو جادل
    انـا سـاهر والـليـل سـادل
    شـرط الـحاكم يبــقي عادل
    لا اقــبل بـهـواك مـبـادل
    كيف اعشـق وارضـي البديلا

    امـنـع طيفـك لي يـقـاتـل
    داخـل قلبي انا لــيك مـنازل
    يالائــم لاتـبـقـي عـاذل
    انا في الحـب لي روحـي باذل
    هل عـاشـق يـسـمع لعاقل
    خلـّي نصيــحـتك عني زيلا

    فوق الجـمـر و دمـعي باهل
    كيف نار تشــعل في مـناهل
    ضاق بي الكـون مع انو ماهل
    نومي تصعّب ووجـدي سـاهل
    لو بي حـالة دهـري جـاهل
    في الانجـم اســأل سـهـيلا

    لـي طيـفك مالقــيت وسائل
    غير بسط النســمات رسـائل
    اغـرب شـي واعـجب مسائل
    حلـم الصاحـي ودمـعو سائل
    لو شـكيـت في امـري سائل
    الـبدريـن كـونـك مـثـيـلا

    موقـد شـوقي ودمـعي هـامل
    جمر الحب لي جـسمي شـاعل
    ضاق بي الكـون مع أنه ماهل
    حتـي الطـيف لـي لا يـجامل
    مـع كـلاً مــا كــنت آمـل
    دمعــي تحنـني بي الأنـامل
    هل يرضيـك كـده يا جمـيلة


    قال ذلك و استغفر الله لنا ..
    .........

    ( صالح عبدالسيد .. يا أبا صلاح ..
    كيف يبقى الشعر وتفنى المُلهِمات )*

    * علي المك .


                  

08-16-2007, 06:44 PM

Omar Bob
<aOmar Bob
تاريخ التسجيل: 02-02-2005
مجموع المشاركات: 2543

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    Quote: كتبت تماضر:

    Quote: أوبسسسس بوست رجال!!


    فكتب ملاسي:

    Quote: ليت راشد منكم يتمعن في مداخلة تماضر!


    فرد ابو ساندرا:

    Quote: 1- إما شايفة كل المتداخلات الهنا ديل رجال ساكت


    فتأمل!!

    يا عمده
    انا لمنض قلت ليك في مداخلتي السابقه
    " يا اخينا ما قديتنا بكلام المراهقيين بتاعك ده او نحو ذلك "
    كنت امثل دور الفقاره في ظل غياب صاحبها والذي كنت اظن ان غيابه سيطول
    فقلنا نسرح ونمرح علي كيفنا لكنه خيب ظننا واهو جاتك الفقاره بالجد جد
    يلا شد حيلك
                  

08-16-2007, 07:12 PM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Omar Bob)













                  

08-16-2007, 07:18 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: خدر)



    هش .. هش .. إش إإإإشششششششششششش ..








    طيب : عَرْت عَرْت






                  

08-16-2007, 07:20 PM

ابو جهينة
<aابو جهينة
تاريخ التسجيل: 05-20-2003
مجموع المشاركات: 22455

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    عماد

    Quote: و خطاكي و الهدب المكحل و فتنة التوب الانيق

    الللللللللللللللللللللللللله .. أمانة ما كِتِل راجل ..
    أو لربما هي خطرفات الصيف , أو فلنقل جوع الكائن المغلغل جواي و انتهاز أب فرار الشجن للسانحة ..
    كله وارد .
    التوب يا وردي ؟ .. التوب !!!
    تذكرت كل الكائنات الساحرات اللائي عبرنني مبرقشاتٍ بتياب توقف شعر قلبي ..


    التوووووووووووووووووووووووووووووب
    و بس
                  

08-17-2007, 01:05 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    الشكر لي جازولت..
    بعدين جيب لي الضبانة دي..
    او تعال نتعاور!!
    قايتو ..عشان مااطلع البوست برة خالص..
    ماما كانت تقول ..
    هبة لو لبست البنطلون جميلة ..
    والفستان ..
    والاسكيرت والبلوزة ..
    كلو فيها مظبوط(وإن كان القرد في عين امو غزال )
    هذة حتى لااتجاوز حدودي..
    المهم اظن لو لبست التوب حااخربو بي حاجات المعمل واقع من راسي.
    عشان كدة انتو غنو ودوبو ونحن نتفرج بس..
    لكن توب مافي تاني..
    عندي رغبة اخربو ...

    هبة الحسين

    (عدل بواسطة هبة الحسين on 08-18-2007, 04:07 PM)

                  

08-16-2007, 09:59 PM

عوض حمزة
<aعوض حمزة
تاريخ التسجيل: 06-26-2006
مجموع المشاركات: 656

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    عماد هوووووووى
    ده كعب شنو الخلاك تفور وتدفق قدر ده ؟؟
    بشتنتنا رسمى وشعبى


    Quote: أشهد انه كان " سمحاً " حين تمشي .. سمحاُ حين تخلف رجلها .. سمحاً حين تجدعه تحت الطاولة بإهمال ..
    كل أمره سمِح .. و نضيفاً و مُتمراً و لونه كلسان الأطفال ..


    لا حولة ولا قوة لاحولة لاحولة
    عماد ماااااك نصيح
    اصلو شنو !!!!


    عوض حمزة
                  

08-16-2007, 08:28 PM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    Quote: عارف يا خدر ..
    اللعين " صديق الموج " عرفني على عالم " محمد ود الرضي " ..


    عماد... العزيز..ياخدر

    عمكم ود الرضى بقول:
    تعطل البارزات ايابا...... كمان تشحتف عريض تيابا
    تهم بسرعة وكفيله يابا الجمال قال خلاص قفلنا بابا
    شرح المتون:
    اى ان نهديها يلجان قبلها لبروز فيهما مما يعطل مقدمها، يعنى الصدر بصل اول بعدين باقى العفش..
    وعندما تدبر يتقاصر الثوب ويرتفع الى اعلى ويتشحتف طوله مما يشحتف روح الاوغاد امثالكم...
    شكيتكم وود الرضى على الله!!!
    وهى هميمة عند كل امر يتطلب الوقوف ولكن ما ينوء بالعصبة اولى القوة
    حمله يتجاذبها قعودا....استغفر الله يا عماد....
    انتهى شرح المتون من اقوال المجنون...

    اما العبادى وهو اقوى شعراء الحقيبة كلمة(قول كثير من الراسخين فى علم الحقيبة) يقول:
    الخصره مال واتنا...ضيع جماعة متنا
    التوب شبك فى التنه..يا اخوانا نحن كتلنا

    بالله ياعماد حصل شاهدت منظر التوب عندما يشبك فى التنه(وهى النتواءت التى فى الخصر)
    وعن ذات التنن يقول العبادى فى قصيدة اخرى:

    جسمك جميل يا بتنا...زى القطيف الانتنا
    قالتلى عددت التنا...هن سته غير التنتنه

    هل تعرف التنتنا ياعمدة؟؟؟؟؟؟قول يا لطيف ووااااااااااااااااااااااى

    والقطيفة عندما تنثنى تكون انصاف دواير املوده وهو ما انتبهت له تلك
    الملهمة وهى تعرف مقاصد العبادى النبيلة واى جزء يصف حين يقول
    زى القطيف الانتنا ...لا حوله....

    عماد يا فقرى اه من هذا التوب الذى يظهر سوف يؤجل توبتنا طويلا
    اوده كثيرا وخصوصا الذى يربط عند الوسط ونحن امة وسطا...

    عماد مفروض الفى عمرنا ده يمشى صلاة الجمعة من يوم الاثنين مالك علينا
    ماكنا عوراء وقاعدين بوم ساكت لا حولة من طمستك القديمة قدم الدهب دى!!!
    تعقل متين انعل ........ابو اهلك زاتو !!!!
                  

08-16-2007, 10:05 PM

قاسم المهداوى
<aقاسم المهداوى
تاريخ التسجيل: 11-26-2004
مجموع المشاركات: 8640

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: صديق الموج)

    يا عمدة
    سلاااااام
    وزحمة الوان
    سطو جانبى:
    هبوط اضطرارى ... لالقاء التحايا
    والتمركز فى بوستك هذا ( بوستينك)
    شفتا كيف .... ولا كــــــبف!!!!




    قاسم

    شعارنا وردة لكل مواطن( اغبش )
                  

08-17-2007, 09:19 AM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: قاسم المهداوى)

    Quote: اى ان نهديها يلجان قبلها لبروز فيهما مما يعطل مقدمها، يعنى الصدر بصل اول بعدين باقى العفش..

    احد الخبثاء سمي ذلكـ الوضع
    (أجرن .. انا بلحقكن)










                  

08-17-2007, 11:09 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: خدر)

    .

    ولي الأمر .. أبو ود التوم ..

    زي البتقول عليهن ديل , بيشبه كلام الخالة المسرعة لاحقة تحصل الحريم الفاتنها لبيت البكاء ..
    قامت عملت سريعاً مارش و الحاجات الشايلاها قدامها ديك كتيرة جداً ياخ .. و تجلبغ لط لطط لط لطط ..
    وقفت و غزت كيعانها و قالت ليهن : ما بيت البكا ده , خليتو ليكن .. أها أمشن إنتن

    غفر الله لك ياخينا ..
    و معاك صديق المنعول ..



    .
                  

08-17-2007, 02:20 PM

رأفت ميلاد
<aرأفت ميلاد
تاريخ التسجيل: 04-03-2006
مجموع المشاركات: 7655

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    عليك الله يقول كعب رجلا طشش عيونو وخم نفسو وشحتف روحو
    تجيب ليه ضبانة يا دكين




    عليك بالتوب ما أحلى
                  

08-17-2007, 03:01 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: رأفت ميلاد)




    أرجوك يا رأفت ياخ ..
    إنت عارفني زول عندي راي في القضايا " الكبيرة " الزي دي ..
    ما " بتحشّر " فيها ..
    فبالله ما تهظر بالأساليب التركيعية بتاعتك دي .
    نحنا بتاعين فراشات ساكت ..
    يعني حدّنا القضايا الهامشية و كده .


    منعم الجزولي و دكين و خدر بالله لموا لينا ضبابينكم دي عليكم .


    شكرا يا ابن خالتي ..
    نردها ليك عصافير إن شا الله .

                  

08-17-2007, 03:31 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)



    ود عدلان ..
    زماااااااان .. كنا بنذاكر في بيت ناس عبدالرحمن بربر لأنه عندهم ديوان ..
    و عندهم مسجل ناشونال ستة طن داك ..
    نذاكر كده ه ه ه ه ه ه .. بعدين نريح بوردي - و بربر كان عندو شريط واحد قادينا بيهو - و بعدين نتعشى فول .
    الكلام ده في تالتة ثانوي و نحنا ياداب حِبيبة صغار كده و منفوشين .
    هشام عتيق و بربر و عثمان عبدالله و أنا .. و التلاتة كاتلانا زولة واحدة في حي الزهور ..
    كبيرة و موظفة و بتلبس توب و أي حاجة ..
    نقعد نساهر نعد النجوم و نسرح لامن ربك يفغر لينا , و نسمع الشريط داك كل واحد مقبل على الحيطة و عاملين روميوهات جد جد ..
    بربر يصر يسمع : كل كلمة من شفايفك أحلى غنوة عشان مرة قالت ليهو : عليك الله وقف لي تكسي .
    عثمان عبدالله داير يشغلو ليهو : أنا أستاهل وضعتك في مكانا ما مكانك ( و كان شافها مرة بتتكلم مع فضل سيد الدكان ) .. فانجرح .
    هشام عتيق يغسل وشو كل ما يسمع : كفى يا قلبي أنسى الفات و عيش من تاني وحداني لأنها هرشتو مرة : يا شافع رووق .
    أنا بقى بتكسر في : بالذي شد وثاقاً لوثاقي ( و أتخيلنا أنا وهي ماسكين جضوم بعض و بننطط في سعادة أبدية ) لأنه قالت لي قبل كده : يا ولد , بجضمك من جضومك الكبار ديل .. عوير ده .

    ياخ وردي ده بيبوظ الناس ..
    هسع أنا لو ذاكرت بدون غنا كنت طلعت دكتور .

                  

08-17-2007, 04:50 PM

Gazaloat
<aGazaloat
تاريخ التسجيل: 05-14-2003
مجموع المشاركات: 891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    ياعماد
    انا مابتاع ضبابين
    انا بتاع انثوية ساااااكت
    هاك الانثى دى!!!

                  

08-17-2007, 05:41 PM

بدر الدين الأمير
<aبدر الدين الأمير
تاريخ التسجيل: 09-28-2005
مجموع المشاركات: 22928

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Gazaloat)

    Quote: جمعة ..
    يوم من أيام الله الصيفية ..
    و أغسطس شهرٌ ولدت فيه .. و عانت فيه أمي مني و من الصيف و رائحة الديتول و الحلبة ..
    أيام الله الصيفية هذه تجوز فيها المغفرة من السماء على ساكني جنوب مدار الجدي , و جنوب الصحراء الكبرى .. و جنوب القلب .
    فيها قالت الأرصاد الجوية أن الظل حرارته ستٌ و أربعون .. قلت سجم البلد .
    ألوذ - أنا الزاحف الكبير - بغرفة معتمة .. لا رقراق فيها لحزمة ضوء تحمل من شمس الله القائظة في الخارج .
    المكيف يئز في رتابة ..
    عندي " فردة " جئت بها من السودان في عام ما .. مطبقة و بيضاء و باردة و ناعمة .. أتلفلف تحتها .. و أسمع البي بي سي في كسل لذيذ ..
    مللت برويز مشرف و القوات الأفغانية و الأسرى الكوريين و القوات الهجين و صوت رئيسنا و اجتماعات السلام و د. خليل و مذيعة البي بي سي النخناخة , بوش العبيط و دقات بيق بن , و ........
    هنا أم درمان .. - أو هناك -
    مذيعة بايخة في أمدرمان .. تنهر المستمعين من صباحات الله , هي في الصوت البارد .. و البزعي في الإعداد ..
    ثم .. " مراسل أم درمان من أسواق الخضار " صوته زي القزازة لما تحكها في الظلط .. يضرس و كريه .
    ثم ناس مطار الخرطوم و حركة الطيران .. و كل يوم يقول المذيع العكليتة لتلك البنت المسكينة : أرفعي صوتك شوية .
    مونت كارلو فايقة .. فرنسيون حلوووون و .. ما عندهم موضوع ..
    جمعة , و أغسطس و إجازة .. " الغلطة السرية " ..
    رحم الله الخواجة كنتاكي أبو قُجة .

    هذا صيفٌ بائنٌ بكرٌ .. لهباته أشداء على الكاسحين , على المرخمين رؤوفٌ رحيم .
    آنسني وردي - و هو ضنين الجية هذه الأيام .. الأيام التي يصير العبد فيها إلى منتصف العمر - ..
    سمعت طرفا من نقق المذيعين عن الحفل و عن الحفل و عن الحفل ..
    فقلت : ما بطال , جو باردٌ و صنة تلف الدنيا و إذاعة مرض .. شكراً يا صيف .
    كابلي زهجني .. صوته فاتر و بايت و كعب شديد ياخ .
    كان أسوأ الفقرات .. و كمان ما حافظ و بشتن الغنا .. الله يسامحو .
    صبرا يبل الآبريه مافي .. ؟ الحق على الصيف .. طويلٌ و مطاطي .

    صمتٌ .. ثم :
    :كل الطيوب الحلوة يا مولاتي و الجيد الرقيق
    و اللفتة و الخصل اللي نامت فوق تسابيح البريق
    و خطاكي و الهدب المكحل و فتنة التوب الانيق

    الللللللللللللللللللللللللله .. أمانة ما كِتِل راجل ..
    أو لربما هي خطرفات الصيف , أو فلنقل جوع الكائن المغلغل جواي و انتهاز أب فرار الشجن للسانحة ..
    كله وارد .
    التوب يا وردي ؟ .. التوب !!!
    تذكرت كل الكائنات الساحرات اللائي عبرنني مبرقشاتٍ بتياب توقف شعر قلبي ..
    في فصول ما من العمر - مسرحية العمر دراما مملة , بفصول ورا فصول ورا فصول -
    ( س . أ ) .. البنت لم تكن بنتا .. كانت إحدى أسلحة الدمار الشامل , تهابلت مرة و انا محوص في كعب رجلها .. أي و الله ..
    لم يكن " كعبا " قاتلني الله ..
    أشهد انه كان " سمحاً " حين تمشي .. سمحاُ حين تخلف رجلها .. سمحاً حين تجدعه تحت الطاولة بإهمال ..
    كل أمره سمِح .. و نضيفاً و مُتمراً و لونه كلسان الأطفال ..
    عاينته كتير حتى ظننت أني سأورثه ..
    ثم .. فجأة و بلا مقدمات ولا خجلة :
    ........... ياخ عليك لله خليني أرسمك ؟؟ .. أو بالميت أرسم رجلك السغمبتوتية دي ..
    الله يرضى عليك وافقي ..حاضر ؟
    لم أرسمها طبعاً , و بدلا عن ذلك نفرت و فزّت البنية الفزة الياها ..
    و كان التوب ذو الورقات البنية الصفراء المرسومة كبيرة على قاعدته البيضاء يهفهف لي و يتماوج في تماوج تقاسيم جسدها و نتؤاته السعرانة .
    هذه خطرفة صيف .. الله يسامحك يا وردي ياخ ..
    ( ل . ص ) لم تكن تمشي كالنساء , صلاح حمادة قال لي و هي تقترب منا في الممر الضيق بين مكتب العميد و استديو التلوين , و قد كنا - مبسوطين شوية - : البنات بتمشي في خطوات شينة الإيقاع : .. جنيه .. جنيه .. جنيه , البت دي الله يسألني بتمشي : دولار .. ريال .. ين .. مارك ..
    cat walk بتاع حنانك !! .. ده إسمو ركوب الجن .. و خلاص قفّل .
    : صباح الخير .. - قالت -
    سكتنا , طلعت من توبها و هي بتعبرنا حاجة كده عدمتنا النفس .. ما تعرفا عطر , همسة , سكين , لبعة .. كاس طويل .. الله أعلم .
    ما معروف سوى أنه شيء تقيل و خفيف و لين و حلو و معطر و .. صلاتي على النبي ..
    االمهم كابست كلام أقولو : صتاب الخور .. التوب خير , الحلو .. يا ..... منعم .. منعم ..
    و قمت جاري ..
    ورا الحيطة , أديت نفسي كف ..

    هذا صيفٌ بحمى .. يشبه الملاحم العظيمة ..
    أجمل الإناث عندي هي تلك التي تشع .. ضؤها التوب ..
    أنثى بلا توب - عندي - هي وردةٌ بلا عبير عابق .
    لعن الله الصيف و الحر و خمسينية وردي .. و الحلنقي الذي يهابش في حتات ما كويسة .. و يجيب سيرة البحر ..
    و آخر قولنا مثلما قلنا أولاً :
    و خطاكي و الهدب المكحل و فتنة التوب الانيق .


    و ... الزول الإخترع المكيف ده .. الله ح يوديهو الجنة .
    تراهنوا ؟؟



    ياليتنى كنت كاتب هذا البوست
                  

08-17-2007, 06:45 PM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 20348

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: بدر الدين الأمير)

    الامير بدر الدين ..

    تف من خشمك ..

    هذه واللة ل ( جرسة ) من عماد

    سار بذكرها الركبان
                  

08-18-2007, 04:20 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: بدر الدين الأمير)

    ..
    Quote: ياليتنى كنت كاتب هذا البوست
    أدفع و شيل يا ود الأمير .
    حلالك ..


    و ما تنسانا من صالح الدعوات . ..


    .
                  

09-19-2007, 10:48 AM

haroon diyab
<aharoon diyab
تاريخ التسجيل: 06-20-2007
مجموع المشاركات: 23215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: بدر الدين الأمير)

    العمدة ياقربي
    صباحك ابيض
    Quote: ياليتنى كنت كاتب هذا البوست

    شفت صاحبك بدر الدين سبقني عديييييييييييييييل كده لكن ياعماد انت رائك شنو في العبايات الطلعت لينا في البخت دي .... انا اكان علي ضعيف جدا قدام تياب بت خالتك دي.... لكن بصراحة كده الواحد لمن يشوفه بالعباية التقول معرس ليه كمساري بتاع حافله ... وبعدين يااخوي التوب ده ماعنوان كل شئ جميل وانت سيد العارفين في الحتة دي .... بس العباية دي نستن حاجة اسمه ... توب المرقة .... توب الجيران .... توب البكاء .... وتوب عثمان سيد الدكان ... وده اخطر واحد .
    عد لنا سريعا....
    في انتظار عينيك كملت الصبر كله ....! دي ماليك يااخوي .
    هارون دياب
                  

08-22-2007, 10:06 AM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Gazaloat)

    Quote: ياجازولت..
    بقى فيها عنف رمزي ضد الانثى.



    ولانه الصيف وان كان فى بلادنا هذه صيف من شجن آخر... فريت فردة جدتى ودثرت بيها روحى
    وهناك ثمة نسمة من توبها وتوب الحبوبات الحنينات... ده فى البدء

    وفى النص ماتخلينا نجيب معاولنا ياصديقنا جازولت ونفكك كلامك الفوق ده...



    فى الختام سلام لصاحبنا عماد وهو يؤمن بالله فى الصيف الحارق
                  

08-17-2007, 05:58 PM

احمد معتصم الطيب
<aاحمد معتصم الطيب
تاريخ التسجيل: 04-27-2005
مجموع المشاركات: 2103

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    ياعمدة لو ماذاكرت بالغنا
    دا كنت حتكون زوول جاف وقلبك حجر
    وماحتشوف التوب ولا كنا أستمتعنا بالكلام
    عن التوب وماكناكشفناك أنت وبربر وعثمان عبدالله
    مجرجركم توب من حي الزهور ومكسركم قدور دا.

    دى منو المجهجة الشباب يا أبو جضوم
                  

08-17-2007, 07:40 PM

بدر الدين الأمير
<aبدر الدين الأمير
تاريخ التسجيل: 09-28-2005
مجموع المشاركات: 22928

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: احمد معتصم الطيب)

    Quote: الامير بدر الدين ..

    تف من خشمك ..

    هذه واللة ل ( جرسة ) من عماد

    سار بذكرها الركبان



    صديقى دكتور محمد المشرف
    خليني من جرسة عماد في
    ناس فتحو بوست للجرسة وحملو
    المسؤلية لعماد يعنى أخير جرسة
    عماد قالها بالباب والدور والباقى
    على القالوها بالشباك وبرضو نقول
    الجرسة داخل البوست على مسؤلية صاحب البوست


    تنهدات: الكلام للشاعر المطبوع حميد
    لا تقلق الابواب
    وخلى لهوى كما الهوى ينساب
                  

08-17-2007, 07:54 PM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 20348

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: بدر الدين الأمير)



    اما بوست الجرسة بتاعى فقد ذهب وادراج الاسفير ..

    اما عماد ..

    ف .. لم يزل يرتاد المشارق

    ومن سموم الصيف لاحلو بارق ..

    وقاك الله سيدى الامير بارقات الصيف اذ يجئن بثياب مربوطة ..

    مخارجة :-

    أخى عماد .. السترة والفضيحة متباريات !!!..
                  

08-18-2007, 04:02 PM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    فوق هذا التوب
                  

08-18-2007, 05:31 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    يقول الشُـراح ..

    فتنة التوووووب الانيق مقصود بيها:

    هفهفة التوب عند العناصر المعلومة عند المرة..


    فما من مرة إلا ولها ربطة توب معلوم وخاص..
    بعضهن يقصدن ان يكون التوب ربط، فتكون المؤخرات لامعة مصقولة صلبة كماالغدر..
    وبعضهن يسقطنه عمدا عند الكتف الايسر ليستبين الناظر ملامح البرتقالة اليسرى ومن ثم ُيعمل خيالة لليمنى..
    وبعضهن يجعلن من التوب بستانا من الالوان فيختلط عليك كل شي عند النظر..
    فلا يكاد الناظرُ يستبين وجهها من بين ازاهير الرسم المرسوم والنقش المنقوش ..
    ومن احوال التوب ان تجعل للفستان فتحة عنقٍ واسعة لتغرق فيها ذمم الرجال الناظرين..
    اوفستاناً قصيرا ُيشتت بصر الناظر اليه الى جهات السرحان وعالم الدخان ..
    فالتوب له فلسفات لايعلمها إلا الموغلين في علم هفهفة العناصر وتجار سعد قشرة الاولون..

    فارحمنا ياعماد من بوستك ده...
    شهيتنا العرس والجرتق..
                  

08-18-2007, 06:32 PM

Gazaloat
<aGazaloat
تاريخ التسجيل: 05-14-2003
مجموع المشاركات: 891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: DKEEN)

    Quote: بعدين جيب لي الضبانة دي..
    او تعال نتعاور!!


    اذا جئنا للتعاور فخذى هذه على سبيل التصبيرة
    والحكمة كلهن بلا تياب!!

    فى دينك وايمانك فى باليه اجمل من كدا !!!
    الشى بحيرة البجع!!!!!!!!!!!





    كما وانك ياهبة لو لبستِ خيشة حتكون فيك مظبوطة!!


    تم التعديل بمشاورة صديق

    (عدل بواسطة Gazaloat on 08-18-2007, 09:59 PM)

                  

08-18-2007, 06:52 PM

Gazaloat
<aGazaloat
تاريخ التسجيل: 05-14-2003
مجموع المشاركات: 891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Gazaloat)



    شُفتَ ياعماد التوب الماخمج؟
    رسالة لندن بس!!!
                  

08-18-2007, 06:59 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Gazaloat)



    جابت ليها ضبانة بقر كمان ؟؟؟
    غايتو يا منعم خليت الشغلة كوشة عديييييل .


    أها , خليناهو لامن نلم لينا في بف باف .


                  

08-19-2007, 02:22 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Gazaloat)

    ياجازولت..
    كده ماتمام معاك..!!
    بقى فيها عنف رمزي ضد الانثى.
    الذبابات حتقدل
    ..

    (عدل بواسطة هبة الحسين on 08-19-2007, 02:26 PM)

                  

08-19-2007, 03:48 PM

Gazaloat
<aGazaloat
تاريخ التسجيل: 05-14-2003
مجموع المشاركات: 891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: هبة الحسين)

    شوفى ياهبة

    وخذيها منى قالة، انا مسؤول عنها يوم الموقف العظيم

    العنف ضد المرأة يجب ان يواجه بعنف مضاد!!!
    لا احب الانثى المستكينة الخانعة...
    احب المصادمة و....احترمها..
                  

08-18-2007, 06:54 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Gazaloat)



    فيا عموم الناس هنا ..
    و أخص سيد الوجعة دكين .. ( الذي أصدأه الحنين و الشوق .. لمنو ما تعرف !!!! ) .
    صاحبي يا الموجوع .. ماذا تقول فيمن " رأى " , و هو ما رأى - بإخلاص و عِنية - ولا حاجة ..
    ياداب رقراق الباب .. و على الماشي ..
    فأصابه ما أصاب من الرمي الثقيل ..
    توباً خلى شيخنا الوقور يتحسس معالق جوفه التي شقتها موساً مجلوخةً , و يحن حنين الأبل ..
    و يدفق يدفق يدفق ..

    شفت الحسن الحافل رافل
    في ثياب العز والعـز كافل
    رانع واحل , تايه غافل
    لادن هادل , ضامر كافل

    هادئ و ساكن , آمن قادل
    بهجة هيبة حاكم عادل
    لافح فره , وطارح سادل
    ليلاً عسعس كاسى الهادل

    بوبح جيدو وأبصر واقل
    ظن مراقب صدق العاقل
    قَلَب المخضوب فوق الفاقل
    تَلّ اليُمنىَ ومشى متتاقل

    رنا متخاوف بارِق لجّ
    بعضو فى بعضو ترادف لجّ
    نصفو تثنى وآخر لجّ
    لاطم أمواج من غير لجه

    رفع الأهداب ُشفت محور
    نوره تدفق صعد أتدور
    فكّر في شئ فضل أتصور
    بَسَم النوار فتّح نوّر

    فيه تأمل أيسر بند
    لدن المثمر غصنو البندى
    مايقو ترقرق شهر الهندي
    فوّح مِنهو العرف الرّندى

    .....
    منعم الجزولي هش ضبابينك دي سريع ..
    قلنا تيااااااااب .. الجاب سيرة جزارة منو ؟؟؟


                  

08-18-2007, 08:14 PM

بدر الدين الأمير
<aبدر الدين الأمير
تاريخ التسجيل: 09-28-2005
مجموع المشاركات: 22928

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    Quote: أدفع و شيل يا ود الأمير .
    حلالك ..


    و ما تنسانا من صالح الدعوات . ..



    عماد نعم أشترى البوست
    بس ليس برمته
    وبرمته وحكايتها المشهورة ذلك الاعرابى الذى ضاع بعيره
    حين سئم العثور عليه قال علا الملأ انه سوف يبع ذلك
    البعير بعشرة دنانير لمن يعثر عليه وقد كان العرض مغري
    للبحث وبالفعل هنا من عثر على البعير وعاد به لصاحبة وقال
    لصاحب البعير لقد وعدت ان تبيع البعير لمن يعثر عليه بعشرة
    دنانير وها انا قد عثر على البعير فرد صاحب البعير اونا عند
    وعدى ببيع البيعير لك بعشرة دنانير ولكننى لا بيع البعير من
    غير رمته والرمه هى ( السلبة) وثمن الرمة ألف دينار من هنا
    جاء المثل التحوطى أي (برمته)
    وأنا ياصاحبى لا أرغب فى البوست برمته عندي خيار وفقوس وبين
    البايع والمشترى قد لا يفتح الله
                  

08-18-2007, 08:38 PM

HAYDER GASIM
<aHAYDER GASIM
تاريخ التسجيل: 01-18-2005
مجموع المشاركات: 11868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: بدر الدين الأمير)

    يا لجمالك يا هذا العماد ,

    فكيف صعنت من تلك الطرقة ... فضاءآ للأدب الرفيع
    ومعملا للفكاهة ومفرعا للوله ومضخة للفرح ومطرحا
    للخواطر الطيبة ... الألوفة ... فهنا عالم أجمل من جهيض
    أحلامنا ... وأفعل من تضاريس واقعنا ... وألهم من صحائف
    فكرنا ... فيا رسول الجمال ... إسعى بيننا وقيد على دفتر
    أحوالنا إحتمال الطمأنينة ... وهي تنسل من مسام ثوب هفيف
    أو كعب لطيف أو دمع زريف ... قل لي بربك ... كيف يكون
    الذباب فى حضرة الجمال ... ملهما ... وعلى غير عادته ؟؟؟

    هذا البوست أجمل مخمل سوداني ... فى إسفيرنا المعاصر .

    برافو عماد ... وكل الرهط المبين
                  

08-18-2007, 08:45 PM

بدر الدين الأمير
<aبدر الدين الأمير
تاريخ التسجيل: 09-28-2005
مجموع المشاركات: 22928

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: HAYDER GASIM)

    Quote: كيف يكون
    الذباب فى حضرة الجمال ... ملهما ... وعلى غير عادته ؟؟؟
                  

08-18-2007, 09:04 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: بدر الدين الأمير)

                  

08-18-2007, 09:09 PM

ابراهيم عدلان
<aابراهيم عدلان
تاريخ التسجيل: 01-04-2007
مجموع المشاركات: 3418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    يا بدر البوست دا

    ONE BACKAGE


    TAKE IT ALL OR LEAVE IT ALL

    وللسمسار عمولة و أهلنا في السوق قالوا الحاري و لا المتعشي
                  

08-18-2007, 09:16 PM

بدر الدين الأمير
<aبدر الدين الأمير
تاريخ التسجيل: 09-28-2005
مجموع المشاركات: 22928

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: ابراهيم عدلان)

    Quote: يا بدر البوست دا

    ONE BACKAGE


    TAKE IT ALL OR LEAVE IT ALL

    وللسمسار عمولة و أهلنا في السوق قالوا الحاري و لا المتعشي



    أبراهيم عدلان
    لك التقدير

    بس أنا خايف تبقى عليك حكاية جحا
    وبوخ الشواء وسماع رنة الدينار
                  

08-18-2007, 11:34 PM

الجيلى أحمد
<aالجيلى أحمد
تاريخ التسجيل: 03-27-2006
مجموع المشاركات: 3236

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    Quote: أجمل الإناث عندي هي تلك التي تشع .. ضؤها التوب ..
    أنثى بلا توب - عندي - هي وردةٌ بلا عبير عابق


    حلاتن ياعماد
    لاتوب ولاحاجة..
    ضؤهن يشع فى الأعين وتعكسه بشرة تعبد الشمس والضوء والظلام
    نساء بلا (توب)
    كاملات الحضور والجمال ..

    الله ياعماد حين يعبرنك
    فتحتار هل الذى مر جسد أم خيال
                  

08-19-2007, 00:11 AM

salah elamin
<asalah elamin
تاريخ التسجيل: 04-07-2005
مجموع المشاركات: 1423

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: الجيلى أحمد)


    الثوبُ الذي تقترحه الطّلاقة، على جسدٍ أنثويٍّ كافأته الحياةُ، هو كائن حي.
    هذا يعزز من اليقين لديّ بأن الثياب لم تُبْتكر لتقي الجسد، بل لتحاوره




    او كما قال صحبي عادل القصاص
    ربنا يرضي عنه
                  

08-19-2007, 03:42 AM

ابراهيم عدلان
<aابراهيم عدلان
تاريخ التسجيل: 01-04-2007
مجموع المشاركات: 3418

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    في البدء

    كانت الفركة

    ام صفيحة

    وزن عشرة

    شغل نقادة

    و الفركة غير الفردة يافردة

    الفردة الكمالي و الزوق العالي وارد النوراب دا لبس ناس امدر مع التوب البنغالي ابوزيق

    قبل اكتشاف الساكوبيس( الزراق فوقا تقول حرير) و الزراق ساكوبيس بصبغة النيلة
    و اول من استورد الساكوبيس الحاج محمد احمد عباس
    اما الكرب السادة فدقش سوق الله و اكبر ايام ( ناصر- قذافي- نميري) صنع المحلة الكبري و اجوده ما سمي يومها بمصر البيضا
    او ما عرف عندنا بي توب الجارات

    كان ذلك عهد ما قبل التواتل السادة الملونة و اجودها السويسري ثم الانجليزي ابو اسد وارد مانشستر
    قبل ما يفتح عمك عبدالصمد دكانوا بتاع شبردبوش و يرسل الرسالة
    حرفنة امرأة السودانية ادركتها فابريكات الفرنش و اليابان فتنافسا في شيفون يمر من خلال دبلة الزواج دلالة اللين و الجودة

    الكاروهات في الثياب لكبار النساء و عادة يتأرجح اللون ما بين اللبني و الابيض و الرمادي
    ودا ال( dress code) و الالوان الفرايحية خاطفة اللونين و ما حذا حذوها من ذوات الورود و الجاكارد فللمتزوجات

    و التوب يا مان 9 متر عشرة ياردة من فتقتين
    كان هذا قبل دخول الساري الهندي
    وقبل ثقافة النحافة و الرشاقة

    أها بعد دا كلوا فتشت لي ضبانة عشان اختها ما لقيت


    علي فكرة بربر برضو كان بذاكر بالتسالي قال علمو مجدي فليتة
                  

08-19-2007, 04:41 AM

HAYDER GASIM
<aHAYDER GASIM
تاريخ التسجيل: 01-18-2005
مجموع المشاركات: 11868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: ابراهيم عدلان)

    كنا ذات مرحلة فى الإسكندرية ... نحصل العلم والتجربة على وجه السواء ,
    وحدث أن إحدي { صديقات } الجبهة الديمقراطية آنها , كانت دوما تلزم
    نفسها بلباس التوب , حتى إستقرت هئية الناظر إليها على هذا الأساس ,
    لكنها إختارت ذات يوم أن تظهر في مناسبة طلابية بلباس الموضة
    { بلوزة وإسكيرت } ... وإنقضى ذاك المساء ولم نكن نعلم أن كان في
    خضمه شئ يتصل بصديقتنا تلك ... إذ أصبحنا ... ونحن نسمع
    إسما جديدا لتلك الزميلة ... فبدل { ن... } أسماها الكيزان ... البت النست
    توبا .

    ... في جزائية البعد الثوبي ... خارج نطاقات المعهود
                  

08-19-2007, 05:41 AM

Gazaloat
<aGazaloat
تاريخ التسجيل: 05-14-2003
مجموع المشاركات: 891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: HAYDER GASIM)

    Quote: أها بعد دا كلوا فتشت لي ضبانة عشان اختها ما لقيت


    يا ابوخليل
    ضبانة شنو !! كلامك دة محتاج لى انثى لابسة توب ( السرتى ابوحباكة ) ..

    (عدل بواسطة Gazaloat on 08-19-2007, 03:38 PM)

                  

08-19-2007, 05:48 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    Quote: قلت خلاص الفرج جا... انا جنيت


    عصام جبر الله ..

    الفرج ليس في الجن..



    اصحى يابريش
                  

08-19-2007, 07:14 PM

رأفت ميلاد
<aرأفت ميلاد
تاريخ التسجيل: 04-03-2006
مجموع المشاركات: 7655

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: DKEEN)

    Quote: بس ليس برمته
    وبرمته وحكايتها المشهورة ذلك الاعرابى الذى ضاع بعيره
    حين سئم العثور عليه قال علا الملأ انه سوف يبع ذلك
    البعير بعشرة دنانير لمن يعثر عليه وقد كان العرض مغري
    للبحث وبالفعل هنا من عثر على البعير وعاد به لصاحبة وقال
    لصاحب البعير لقد وعدت ان تبيع البعير لمن يعثر عليه بعشرة
    دنانير وها انا قد عثر على البعير فرد صاحب البعير اونا عند
    وعدى ببيع البيعير لك بعشرة دنانير ولكننى لا بيع البعير من
    غير رمته والرمه هى ( السلبة) وثمن الرمة ألف دينار من هنا
    جاء المثل التحوطى أي (برمته)
    وأنا ياصاحبى لا أرغب فى البوست برمته عندي خيار وفقوس وبين
    البايع والمشترى قد لا يفتح الله
    شكرآ يا بدر الدين الأمير على المعلومة
    جديدة وجميلة .
    إشتريناها بى رمتها

    نطلع من جوة التوب شوية وأدفع ليك التمن بطريقة (المبادلة)

    دى قريتا عند شوقى بدرى طازجة كانت محيرانى (إنشاء الله ما براى)

    "سيد الرايحة يفتح خشم البقرة"

    الرايحة بقرة من المراح ناقصة . يفت خشم بقرة ويشوف بقايا العشب لتحديد مكان المرعى الذى كان فيه القطيع ويحدد مناطق البحث .

    نرجع للتوب ودكين بفتش محل ما بتهبهب ويحك . الله يعرس لي هو ساكت يا خوى
                  

08-19-2007, 07:30 PM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 20348

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)




    لا ثوب يعلو فوق ثوب المعركة ...
                  

08-19-2007, 09:09 PM

محمد حيدر المشرف
<aمحمد حيدر المشرف
تاريخ التسجيل: 06-20-2007
مجموع المشاركات: 20348

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: محمد حيدر المشرف)




    وفى ذلك , فليتنافس المتنافسون
                  

08-19-2007, 10:57 PM

معتصم الطاهر
<aمعتصم الطاهر
تاريخ التسجيل: 11-26-2004
مجموع المشاركات: 3995

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    Quote:
    Quote: Quote: قلت خلاص الفرج جا... انا جنيت




    عصام جبر الله ..

    الفرج ليس في الجن..



    اصحى يابريش


    يا جماعة لو فكت كلمونا ..
                  

08-20-2007, 01:13 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: معتصم الطاهر)


    مطر الخرطوم ..
    البلد مخرفة ..
    يا ناس يا محظوظة .. و مبلولين .
    الساعة تلاتة العصر .. في خليج السموم هنا .

    ليس هو ذات العصرا أب تياباً فراشات في شارع النيل ..
    الدنيا غيمة .. و البلد مغسولة و بتلمع .. و بتنقط .
    و ريحة .. ريحة هوا خريف لي الله سيدنا ده .
    و الخُضرة خُضرة .. و الزُرقة زرقة .. و الصُفرة صفرة ..

    إنت حكمة , إنت آية وللا إنسان
    إنت صاحي وللا نايم وللا طرفك من طبعو نعسان
    إنت راحى إنت روحي إنت إنسان
    عيني يا صاحي وإنت إحسان
    إنت نادي إنت هادى إنت ميسان
    إنت ظافر إنت ضافر أسود وفرسان ..... ( أأأأأأوووووووووووووووو ) ..
    إنت شادن إنت لادن إنت فتان
    إنت ضامر إنت سامر إنت هتان
    إنت نادر إنت ناضر إنت بستان
    إنت صافى إنت نافى زور وبهتان
    يا حياتى ويا مماتي هاك سطران :
    الصبابة ومُر عذابا وقلبي أقران
    انت ساهي إنت لاهي إنت بطران
    في دلالك في جلالك يا سامي وكران .......( أأأأأأووووووووووووووووكككككككككك .. حي .. حي ) .
    ياصفاى ويا وفاى هاك برهان
    عن غرامي وطول هيامي السابنى ولهان
    عزّّ قربك .. أما بعدك مالو لي هان
    قلبي خافق هل توافق قدري ينهان
    ياحبيبى كن طبيبي امرى حيران
    طول نهاري ثم ليلى ساهي سهران
    طال عذابي و صاح غرابي جوى عكران
    دمعي هامي وشوقي نامي وفرشي نيران
    إنت حالي إنت عالى إنت سلطان
    إنت ساطع وانا ساجع بى غناك طان
    طال انينى وفاق حنيني الحان لأوطان
    والبلومنى فى هواك ياسيدى غلطان ..
    خلي اليلومني ..
    خلي اليلومني .

    هذا بكاء الرجال منغماً ..
    لا يقال مثله إلا للابسات التياب ..
    ساحنات التجلد .. ساحقات العزايم ..
    الهابشات الزول في صنقور قلبو ..

    سترك و رضاك يا رب .

    ..
                  

08-20-2007, 07:17 PM

عصام الدين حسين حسن

تاريخ التسجيل: 08-21-2006
مجموع المشاركات: 194

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    إنت ساطع وانا ساجع بى غناك طان
    طال انينى وفاق حنيني الحان لأوطان
    والبلومنى فى هواك ياسيدى غلطان ..
    خلي اليلومني ..
    خلي اليلومني .

    كنت حيران من أين أبدأ حتى لا أنتهي في مستنقع أولئك ، فأسعفني العمده بأبيات أقل ما أجد فيها موقفي من إبداعه، ذلك الإبداع الذي في قامة وردي وغيره من المبدعين ولكل إبداع أدواته ، عماد يفوق أمثاله من المبدعين بأنه تعمق في البساطة والتواضع فحملته إلى العلا ، فهو عبارة عن كم هائل من تراكم الجمال ، مر من خيران الأحياء إلى كلية الفنون الجميلة مصنع قمم الجمال ، أعرف منهم ود الشيخ أميرهم المميز وأستاذ الأجيال ميرغني وداعة ، وأستاذهم جميعاً أستاذ علم الجمال الرائع محمد عثمان مكي العجيل ،

    كنا نرى كما يرى كل من حولي من جيلي بأن الإنسان الحقيقي من صقل في ذلك المكان الذي رأى فيه عمده تلك اللوحة ، أنهم يرون بغير أعيننا ، فكل شيء بدون شك مباح لهم فلا هم عبدة الأجساد ولا هم أزلاء لنشوة اللحظة ، أنهم أعمق وأصدق بنظافة ، فهم ورثة الأنبياء لجمال بتجرد يحملونه دون إشتهاء ،

    في تلك الليلة الأغسطسية حين داهم المخاض أمك يا عمده كانت على وعد مع الفخر والإعتزاز ، كما بك نحن نفتخر الآن ، بلا شك كان ميلاد لعظيم جميل نقتطف الآن ثمره لنستمد منه النقاء والتواضع وكذلك القوة .

    لم أكن أرغب في الدخول ما بين البايع والمشتري ، إلا أن مثل هذا الإبداع لا محل له من البيوع فهو أمر ذاتي يشبه سيدو دون غيره ، لكن الظاهر بأن هناك أناس إختلط عليهم الأمر ،

    إستمر عمده وغوص في حقيبة الذهب الخالص وليت الصيف يصبح طول السنة ، فأنت كما صانع المكيف كل أبدع في مساحاته .

    لك مني وداً بعمق جمالك ، وللمتداخلين المحافظة على الجودة ومن لا قدره له على ذلك الأفضل عدم المشاركة .
                  

08-21-2007, 01:57 PM

عبدالله داش

تاريخ التسجيل: 02-17-2007
مجموع المشاركات: 1454

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    آمـــنت بالله



    مكانك هنا

    up
                  

08-21-2007, 11:41 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: عبدالله داش)



    .. و قد كانوا مأذونين باللجؤ إلى القتل الرحيم في حال " الهوبليس كيسات " العشقية و كثرتها ..
    حتى أمست زمانئذٍ وباءً متفشيا بين أبناء الطبقة الوسطى , مضاف إليهم المغنين المطاليق , و الغاوون الذين يسمعون القول فيتبعون أشجنه .
    و كان للشغلة أسطواتها , فليس مباح لكل آدمي ان يقتل قتلا رحيما من شاء من عتاة العشق و معاتيهه ..
    في كل صباحات البلاد ممددة جثث الشهداء ( بفعل الحيكومات .. و المحكومين .. و حكحكة العشق ) .
    و صباح صباح تخرج التياب أسرابٌ عاصيات .. عصية ..
    فيصب الدمع و تكثر النهنهات و التوحوح و التمخط من ذاك الذي أذاني ..
    و الذي حاولت أنساه و قلبي زاد في جروحو .
    فما يجيء الليل ( بكلكل عصام جبرالله ) إلا و ينشط أخصائيي القتل الرحيم :
    أبوداوود و وردي و عثمان حسين و أحمد المصطفى و كابلي و الشفيع و ابراهيم عوض و عركي و زيدان و العاقب و التاج مصطفى و صالح الضي و الكاشف و منى الخير و صلاح محمد عيسى و وووووو ..
    فيدوك واحد طعنة نجلاء بين الحشا و الحشاشة ..
    بينهم محشورة مزيكا كالحتف , تسدحك على قفاك , حتى لتلتف ساقك بالساق ..
    و تشقك العبرات شقا ( إن لم يشقك العرقي و جور الحبيب ) ..
    تقوم بعد داك تهود أنصاص الليل في الدروب الترابية ..
    تهوهو فيك الكلاب و يستنطقك عسكري السواري .. و يرثى لحالك الحرامية ..
    يا ود الـ ..........................

    أدناه إحدى أدوات القتل الرحيم الماضية ..
    ما زلت ألاوز أسمعها ..
    رغم إكمالي لجرعات التطعيم و الحصانة ضد الغزو الجرثومي لوباء التوب ..
    و بتلات زهرته الحاضنات لسبلات العين العنية التي ترمي بحَورً كالقصر ..
    و تويج الفم - الشكية ليك يا الله - و الذي ردح فيه عمكم خلف الله حمد رحمه الله , فقصّر عمره :
    ( أقيس الفم بودعة و ألقى الودع واسع ) .

    أدخل ببطيني الأيمن ..
    مع مراعاة فروق الحبيبات .. و الوعود الهوائية :

    .......
    ياضنين الوعد أهديتك حبى من فؤاد يبعث الحب نديا
    إن يكون حسنك مجهول المدى فخيال الشعر يرتاد الثريا
    كلما أخفيته فى القلب تنبى عنه عيناك ولا يخفى عليا
    أنا إن شئت فمن أعماق قلبى أرسل الألحان شلالاً رويا
    وأبث الليل أسرار الهوى وأصوغ الصبح ذوباً شاعريا
    لا تقل أنى بعيد فى الثرى فخيال الشعر يرتاد الثريا

    كان بالأمس لقانا عابراً كان وهما كان رمزاً عبقريا
    كان لولا أننى أبصرته وتبينت ارتعاشا فى يديا
    بعض أحلامى التى أنسجها فى خيالى واناجيها ملياً
    ومضة عشت على أشراقها وأنقضت عجلى وما أصغت الىّ
    كلمةٌ خبأتها فى خافقى وترفقت بها برا حفيا
    من دمى غذيتها حتى غدت ذات جرس يأسر الأذن شجيا
    وأفترقنا وبعينى المنى غالها الدمع فما أبصرت شيّا

    إن تكن أنت جميلاً فإنا شاعر يستنطق الصخر العصيا
    أو تكن أنت بعيداً عن يدى فخيالى يدرك النائى القصيا
    لا تقل إنى بعيد فى الثرى فخيال الشعر يرتاد الثريا



    نحمدك يا رب .



                  

08-22-2007, 09:53 AM

عصام الدين حسين حسن

تاريخ التسجيل: 08-21-2006
مجموع المشاركات: 194

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    حاجة بثينة تلك المرأة الرقيقة إرتبطت بالإستاذ حسين حسن بعمق عاطفي ، قد يكون جمال الأستاذ وإحساسه المرهف أحد أسباب هذه العاطفة بالإضافة إلى أنه يعتبر من المميزين من جيله خريجي بخت الرضاء في بداية عهدها ، علمني الدرس الأول بأن الحياة تراكم من الخبره تستشرف آفاقها بإتقان المراحل التي تمر بك أو تمر بها ، وبأن تستشف من وراء الكلمات ما إذا كان هناك وعداً ولازمه ضنين ، أنت ياعمده لن يضن أحد بوعدك إلا أن الأشياءتأخذها طيور تتغني بإلحان فارغة من الإبداع وترقص في إيقاع خلاف إيقاعنا ، ومناي أن لا ضنين وعد يلتقيك في مسارك ،
    أخبرتني حاجة بثينة بأنها وفي بداية الإنتقال من الطفولة إلى ما بعدها بأن الأستاذ عثمان حسين هو من يخاطب وجدانهم ، فكان لها مع ليالي الغرام قصة ، وبعد أن إستغفرت الله فاضت بقصتها: أنهاقد كتبت كلمات الأغنية وحملتها لوالدها الشيخ الورع حسن سنهوري لإيصالها لأحد قريباتها في مدينة مدني حيث أنهم حينها بمدينة أربجي عندما كان يعمل الشيخ حسن مساعد طبي بها، وشيخ حسن أكله قلبه بأن في الأمر شيئاً وفتح الخطاب ليقرأ ليالي الغرام فكانت نهايتها مع المفردة حتى إرتبطت بحسين حسن بدون غرام ،
    حبي لهذه الأغنية وللجمال وإن كان حسياً في مفرداتها إلا أنها الأقرب إلى قلبي ، وعندما سمعهاالمرحوم جعفر عطا المنان ( ربنا يرحمه رحمة واسعة ) رقرقت دموعه وقال ألا ليت أيام الشباب تعود ،
    عمده لك مني إحتراما دائماً ..
                  

08-22-2007, 12:01 PM

nagla kamal

تاريخ التسجيل: 12-14-2004
مجموع المشاركات: 24

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    عماد عبد الله ...

    إنك تعطي الأنثى حقها ... و لو بكعب رجل ...
    و تهدي الرجال ضحكة صافية لما قد يصادف تعبيرك هوى في نفسهم ...
    ما أروع صيفك رغم الدارجة لدرجة و التي لا يجيد الرسم بها كثيرون غيرك ...معك أتسآل ِلمَ للرسامين أقلام كالفرشاة
    ترسم وجداناً أصدق من كل الألوان ! ...

    تكسر حواجز اللغة الصعبة ببراعة متناهية ...

    قلما وضعني نص كهذا أمام الضحك الحلو فشكر بلا حدود ...


    ( لكن تِكِسرك )... بلغة عصام حسين !!! في التوب و ستات التوب عينة !!!
                  

08-22-2007, 01:12 PM

Gazaloat
<aGazaloat
تاريخ التسجيل: 05-14-2003
مجموع المشاركات: 891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: nagla kamal)

    Quote: ( لكن تِكِسرك )...

    هذه تسمى عند اهل الباطن بالطعنة ال (نجلاء )!!!!!!!!!!!
    اما اهل الحظوة فيعدونها من جنس ( البشتنة ) وقد يعقبها ( رقاد الواط*ة) أو لايعقبها بحسب درجة انفعال الخِـلِّ بـِخِلِّهِ. ومن ذلك قول دليل العاشقين وشيخ الشعراء سماحة الامام آيات الله العبادى حين سمع احد المغنين ينوح انصاص الليالى:

    اقيس محاسنك بمن

    فاستعجب سماحته وقال
    ( الشى ترزى!!)


                  

08-22-2007, 12:44 PM

Rabab Elkarib
<aRabab Elkarib
تاريخ التسجيل: 10-15-2002
مجموع المشاركات: 1406

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    لاخ عماد وضيوفه

    ابت نفسى الا ان تشاركنا صلحة الكارب (لها رحمة واسعة)
    بقصيدة التوب

    شكرا صلحة

    فانت باقية فينا ما حيينا

    هاكم القصيدة
    رباب



    أجمــل ما فيــك يا بنيـــة

    يا بت حلتنــا يا ســمحــة

    يا البي كلــك أنـا مفتــون
    وســبب الريدة يا صيــدة

    يا طعم الدنيا يا عيدها

    لبــاس التــوب... نطيــف أبيض

    وبــي جنب الكتف مقلــوب

    وبيــن الخطوة والتطــريــز

    وخـــــط المكــوة شــكلو لذيـذ

    بحــس بي اللــفتة واللمــحة

    واشـــوف في طيه ســـوداني

    ولــونو الناصــع ألــواني

    درب بيــتنا

    وباب الأودة ورانـــي

    وامشــي معــاك خطــاي تبراك
    ومُعجــب بيـــك
    وبــي ترابــاً تــحت كرعيـك

    والاقــي عيــوني تهتــف بيـــك

    يا نخـــلة

    يا التـــوبك بقـــاك أحلـــى

    بشــوف في ضفايرك أجمـــل ليـــل

    وبيـــن أعطافـــك دعاش الســـيل

    وايــام الدراســة زمــان

    زمــن بنوتنــا شبه الخيــل

    ووليداتــنا مويــة النيـــل

    سايــل ريـــدة ما شـــحَ

    زمــن ليــل الســـهر فنـــان

    وأطيــاف الجمــال غيــطان

    وظــل الأغنـــية الســــــــودان

    يــدواي الوجعــة والوحــة

    بشــوف فوق القــوام تاريــخ

    ومســاير

    وخديــداً جميــل خــايـل

    والــزي البــديع ومليـــح

    والحــاضر

    وشكــل الخُصــلة والتســـريح

    وفــي مغزى الكــلام تلميــح

    لــروح آمالــنا الوافيــة

    ونيــة أُمــنا الصـــافية

    والجغرافيــة والعــافية

    وفـــي لحـــن الكـــلام قافيــة

    وحجــى الحبــوبة داك طاعــم

    الخاتــي اللكنــة ماهو مســيخ

    وصــوت مركوبها في دروبها

    ونغمـــــة الـــحس

    والبــحة

    وجمــال هنــدامك الراقــي

    لوحة تشــيلها أحداقــي

    ورســم أقــلامي واوراقــي

    وفرحــة تطل من أعمــاقي

    زمــان المدرســـة الأول

    والترتيـب كمان أول

    وحاصــل القســمة دون باقــي

    والفســتان والطرحــــــة

    بشــوف في القــدلة أحــلامي

    تغازل ضــلك الرامـــي

    تباري الطلعــة والنزلة

    وتقــول لبيــك يا دوحــة

    يا كــل الدنيــا قدامــي

    زمن شــافع ..وكـت يافــع

    مــلامــح أهلنا واســامي

    وابــوي الفــي الطبــع مهــيوب

    وطعم الشــاي لبــن محلـــوب


    وعيـــد الفــطر والأضحى

    مفـــتون بيــك يا بنيـــة

    يا رشـــة مطــرة بي غــادي

    وحوش حــدادي مــدادي

    وضُــل اســمارنا والنــادي

    يا ســت التــوب يا لابســاهو

    يا لابســـاني أنــا معــاهو

    يا خايـــل فيـــك والمطــرح

    يا عامــر بيــك يا مســرح

    يا أحـــلى هبـــاتي يا فرحــــة
                  

08-22-2007, 02:20 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Rabab Elkarib)

    .
    حاتم يوسف ..
    طيب المسا ليك ..

    شن قولك فوق القوالة الكبيرة بحجم ديوان غزل ..
    تلك التي بهلها شيخنا الحاردلو و هو يقطع في حشاه ما ارتكبت البنية من جرمٍ في حقه ..
    فانبرى يحمحم في مرجل قلبه بلا وجيع يسر إليه بالشكوى :

    ( يا خالق الوجود
    انا قلبي كاتم سرو
    ما لقيت البدرك المعني
    بيهو أبرّو
    قصبة منصح الوادي
    المخضر درو
    راحت قلبي تطوي
    و كل ساعة تفرو ) ..

    بدويٌ قح رماه التوب و صاحبته ..
    بين الطي و الفر كما ترمي خرمة السفة قبيل مدفع الفطور ..
    ( أجمل ما تكون الأنثى و أشهى وهي تفر التوب عشان تصلحه .. متضارية من الأعين الراصدات ) .
    يا تلسكوبات أعيننا أمّات دميعات ..
    ياء المنادى هذه التي تعبت مع الذين يرفعون عقائرهم كواريكاً و شكيةً لأبو إيداً قوية :
    ( يا عيوني كفاكن دموع .. قالوا شوف ناس آسيي ممنوع )

    جياتك قليلات ..
    و السلام ليكا و عليك .

    .
                  

08-22-2007, 02:54 PM

Nadia Elsir

تاريخ التسجيل: 12-26-2005
مجموع المشاركات: 1396

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    Quote: يا خالق الوجود
    انا قلبي كاتم سرو
    ما لقيت البدرك المعني
    بيهو أبرّو
    قصبة منصح الوادي
    المخضر درو
    راحت قلبي تطوي
    و كل ساعة تفرو ) ..


    و كمان

    ( يا عيوني كفاكن دموع .. قالوا شوف ناس آسيي ممنوع )


    و قبلها ضنين الوعد !


    مجايبك دى كلها من عينة الغنا البخلى الزول يلاوز منو و يتحاشه ! مالك علينا يا عماد عبدالله ..........شكيتك يا يابا لى لا نام و لا اكل الطعام !
                  

08-22-2007, 05:27 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Nadia Elsir)

    Quote: شكيتك يا يابا لى اللا نام و لا اكل الطعام !
    ده " الصايم ديمه " يا نادية ؟؟!!

    ( الموز روى ..
    قايم سوا ..
    فاطرك ضوا ..
    يا ناس بالنار قلبي إنشوى ) .
    شفتي الشوشوة الإحترافية دي ؟؟
    هؤلاء قوم فرط الصبابة رافعهم منازل ..
    كلهم على ليلاه غنى ..
    لكن ليلى الشيخ ود الرضى ليست كالألايل ..
    ليلته :
    ( لـيلى قـدرك ماانجهل ليلى سعدك هدا شهرو هل
    بـالطرب كـل عـقل انـذهل .. المهل ياليلى المهل ) .
    يا نادية .. أمانةً في ذمتك دي ..
    أرأيتي جرسةٌ أحرّ من : المهل يا ليلى المهل ؟؟؟
    ثم هذه الموسقة السودانية في مفردتها المتجلية ..
    عبقروا القول هؤلاء المواطنين ذوي الهبشة :
    يقولون باللسان الرطيب أربعات أربعات فوق شان ليلى :

    ليلى ليلى ليلك سدل
    ليك عليل الصبا إعتدل
    النجم بي بهاك ليلى دل
    والفهيم بالآيه استدل

    فيك كـل الخير انبهل
    والعفاف المزجو الجهل
    بي السرور كل وجه استهل
    والجميع لله ابتهل

    ليلى قدرك ماانجهل
    ليلى سعدك هدا شهرو هل
    بـالطرب كل عـقل انذهل
    المهل ياليلى المهل ...... ( لا حول و لا قوة ) ..

    المبطر مال واعـتدل
    والمرجرج فاض بالبدل
    جوري تيه إن جورك عدل
    انا لا اروم عن جورك بدل

    المدلل مـهما فـعل
    الجبين النافي الزعل
    الخدود النورن شـعل
    ياسعادة الأم والبعل

    ماح رتل فوق هيبه ونفل
    خرّ بدرو وطمح الكفل
    بي المنير التام ماأفل
    إسـتقل ورفد الحفل



    مربع الشعر أب سموم ..
    حيطانوا - يا مسجون - أربعات أربعات ..
    فوق شان أمات تياب .. صقّاعات الروح ..
    ( أريتن يربّعن لينا للضبيحة ) .

    هسه انا أعمل شنو ؟؟؟

                  

08-22-2007, 08:54 PM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    هنا كانت سهــــــــــــــرتي ........

    ....
                  

08-26-2007, 01:04 AM

Nasr
<aNasr
تاريخ التسجيل: 08-18-2003
مجموع المشاركات: 10759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    والله زي ما قالت سودانية إنت أظنك ما براك
                  

08-28-2007, 07:57 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Nasr)

    .

    Quote: والله زي ما قالت سودانية إنت أظنك ما براك
    و غنانا جاز الديوم :
    براي يا خلا .. أنا من عيني النوم قلّ ..
    فظننا خلةٌ هذه حسناء تستأهل التشهي و الجرسة .. فتجرسنا سماعياً ..
    و كان الأمر لله ..
    لكن يا نصر .. خذ هذه الحنية في مزمار أبا داوود .. و النواح النبيل :

    بالله يا أهل الهوى
    فؤادى حابو ليه
    جيبولى من حبو الدوا
    والحب دواهو ايه

    بالله يا أحلى الأنام
    بالله يا أجمل سمير
    بالله يا أول غرام
    بالله يا حبى الأخير
    حباك قلبى وانكوى
    والحب دواه ايه

    بالله يا سارى الغمام
    يا جاى من وادى الحبيب
    أنزل على قلبى سلام
    أبرد حشاى واطفى اللهيب
    فؤادى ذاب وانزوى
    والحب دواه ايه

    تسحرنى يا ناير الخدود
    ساحر الوجود مالك عليّ
    أنا دمعى فاض من الصدود
    على الخدود من مقلتىّ
    ما نابنى من حبك سِوى
    دلال وصد وتيه

    يزغرد بها أبو داوود ..
    فترتد زغرودته في صوت " أمي الزلال " و مقولتها التي بقيت في صوت أبو داوود من بعد غيابها الأبدي :
    الله يبرد حشاك يا جنى حشاي ..

    لكن صاحبات التياب ما بردن لنا حشا يا نصر ياخي ..
    يبرد حشاهن إن شا الله ..

    ..
                  

08-28-2007, 09:01 PM

salah elamin
<asalah elamin
تاريخ التسجيل: 04-07-2005
مجموع المشاركات: 1423

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)





    قال ... توب .. قال

    يا زول انا لا معاكم ولا حاجة.
                  

09-18-2007, 07:20 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: salah elamin)


    صلاح الأمين ياخ مطيت صفحة بكري ..
    و أنا نططت عيوني في جمال هذه البنية الصاقعة .
    رمضان قالوا كريم .. فهو كذلك .

    التوب المهفهف فوق أم الضفاير طلع فشنك يا أبو صاح ..
    لا ضفاير هنا ولا يأفكون ..
    لا توب ولا بطيخ ..

    كل النساء إناث بالوراثة هنا ..
    و بس .

                  

09-18-2007, 07:22 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    Quote: كل النساء إناث بالوراثة هنا ..
    و بس .



    عوجة والله!
                  

09-18-2007, 11:12 PM

غادة عبدالعزيز خالد
<aغادة عبدالعزيز خالد
تاريخ التسجيل: 10-26-2004
مجموع المشاركات: 4806

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Ishraga Mustafa)

    عماد.. مليت عينك بالوان التياب ولا لسة؟

    وهو الصيف في كل يوم، وكل شهر بالسودان
    فكن دوما مؤمنا يالله

    دم بخير يا صديقي

    غادة
                  

09-19-2007, 06:46 AM

salma subhi
<asalma subhi
تاريخ التسجيل: 06-29-2006
مجموع المشاركات: 4817

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: غادة عبدالعزيز خالد)

    Quote: انثى بثوب






    رمضان كريم استاذ عماد وكل سنة وانت طيب
                  

09-19-2007, 10:15 AM

معتصم الطاهر
<aمعتصم الطاهر
تاريخ التسجيل: 11-26-2004
مجموع المشاركات: 3995

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    غايتو سلمى دى قاصدا تجهجهنا ساى يا عماد

    لو لاقيتا ما بوصيك عليها ..

    جازيتك على عيونك ..
                  

09-19-2007, 11:22 AM

MOHAMED EL-BEELI
<aMOHAMED EL-BEELI
تاريخ التسجيل: 06-17-2007
مجموع المشاركات: 442

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    عمـــــاد ..
    انت كاتـــب جميل
    وانــا احبك حباً جميــــل.
                  

09-19-2007, 01:25 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: MOHAMED EL-BEELI)


    إشراقة ..
    غادة ..
    معتصم ..
    البيلي ..

    شكر الله سعيكم ..
    نجيكم في السمح يا رب .


    إنعام عبد الحفيظ ..
    وحدها تلبس ثوبا.. لقيتها ..
    وحدها تلبسه مع سبق الإصرار و .. الأناقة الحاشمة الجميلة .
    فلها الأجر و المثوبة .

    لقيتني قد أذنت في مالطا .
    كم يختلق الكائن الغلبان منا مِن لداياتٍ حتى لا تتفنقل طنجرته بما فيها ..
    و يبقى دفّق مويتو على الرهاب ( و الرهاب " التخوّف " مرض نفسي قبل أن يكون سرابا يحسبه الظمآن ماءا ) ..
    و صار كل ما كتبه الكاتبون في الثوب ..
    و كل ما حلمت به أعلاه و ما فتل الفاتلون من كلام .. هو محض تُرهات .
    فلقد إنقرض هذا المخلوق أو كاد ..
    و لم تتحوط له الناس بعمل محميات وطنية للتوب ..
    ولا حزاما أخضر يقيه شر زحف صحراء الفوضى ( و قد زحفت على كافة مِن قيمة و إرث ) ..
    فتعالى الله أرحم الراحمين ..

    شكر الله سعيكم تاني ..
    ولا نامت أعين العولمة ( أو الخلقنة ) .

                  

09-19-2007, 02:30 PM

مجدي عبدالرحيم فضل
<aمجدي عبدالرحيم فضل
تاريخ التسجيل: 03-11-2007
مجموع المشاركات: 8882

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنثى بتوب .. إنه الصيف , آمنتُ بالله (Re: Emad Abdulla)

    الأخ عماد عبدالله

    أظن العولمة لبست قرمسيس الكلام

    وأتكرَفت رحيق السلام أنثي السودان


    ودخلت ليك من الرَقراق ضوء شارد

    بين منسوجات القطان وحرير التوبه

    والغفران ساجد بين تراتيلي وخشوعي.

    مدد ياصوفيَة النساء والحســان.

    ،،،،أبوقصي،،،،
                  


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de