|
Re: هام وعاجل :بورداب الرياض..يسقط حمزاوى..انا خالكم الاعلى (Re: ayman haroun)
|
Quote: المتواجدون الان بالمنبر العام 236 شخص » (10 )عضو و (226) زائرا
»Abureesh »Ibrahim Adlan »Khalid Saeed »Murtada Gafar »سجيمان »عبد الله عقيد »عبدالكريم الامين احمد »عبدالوهاب همت »محمود ريحان »هشام هباني هذه الصفحة يعاد تحديثها كل 120 ثانية. |
إنته مع منـــــــو؟ .. الخال صديق الموج ولا الخال صديق الموج
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: حبيبنا صديق الموج اهلا بيك والف مرحب بما اني كنت متوقع ان تدخل وترحب انت في البوست الخاص بي لانو انت من اوائل الذين شكرتهم ويعد ده كلم ناس الرياض عشان يفجو لي السهلة وانا الخال والعم والجد ... وامسكو الخشب |
علاء الدين حيموره انت لسع بتحبى فى البورد عايز تبقى خال طوالى فى يومين...يا اخوى امسك فى كوع خالك بتصل كان الله هون،،،
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: احمد الشايقى ابن اختى اهل العقل ما يروحو البدفنو الزول بى روحو حمزاوى ده ماقادر يحل مشكلته وكم قال المثل( وفاقد العرس لا يعطيه9 خليك مع خالك وان شاء الله تصل مثنى وثلاث ورباع |
البارح في المنـام
في الرؤيـا , شاربين القهـوة مع صـديق المــوج ,اللهـم اجعله خيـر
فرزتـو الأصـوات يا جماعـة؟
أحمـد الشايقي
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: برقية عاجلة
خالص وقوفنا مع الخال صديق الموج والذي أسميته هكذا منذ اول مداخلة لي معه |
صلاح شعيب ود اختى الكلس ياخى احب بانت وابوكدوك ونص العباسية عشان خاطرك تسلم يا ابن اختى من كل شر..والله لو عارف انا بحبك قدر شنو ما تصدق مش من البورد من زمن كتبت كتابك عن مصطفى سيد احمد ومعاى نسخة لا تفارق عيونى كلما حننت لبانت وايامها على فكرة نحن اولاد حلة او حاجة زى دى.... فكر حذر وحا اقول ليك لى قدام،،،
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
اسه بس اتاكدت يا تمبس انو ذمتك اضيق من خرم ابرة . لا يغرنك ود الموج يا اخوي ود الموج زاتو ذمتو اضيق من ذمتك و ممكن يفكك في اقرب زقاق . اسمعو يا طابور خامس و انقلابيي الرياض و مرجفيها : الخال حمزاوي وسعنا نطاق زمتو و ماعونو الخؤولاني ليشمل طعوس نجد و سهول الاحساء و شواطي الخليج و ارض الحجاز و يتمتد لتغطي الربع الخالي و جبال عسير . عليه ،،، نمهلكم حتي يوم الاربعاء الخامس و العشرون من شهر الاسد 1384 هـ ش الخامسة مساء بتوقيت جبل البركل . اذا رددتم خؤولة همزاوي الي ما هي عليه حتي هذا الموعد فقد فعلتم ذلك صاغير غير مشكورين . اما اذا رفضتم ذلك ، لا نملك لكم غير الفيلق الرابع عشر قطاع شرقي مجوقل تحت امرة ملازم اركان حرب كبكبة وتحنيس بدري محمد بدري باسناد من سلاح الجو الملكي النوبي بقيادة العقيد الركن مشاكل عوض هارون .
صادر في الثاني و العشرون من شهر الاسد 1384 هـ ش تحت ختم و توقيع
Quote: - لواء معاش انــا اموت ركن .. عمك تنقــو .. |
Quote: - عميد طبيب ماعون فكري واسع حمد فتح الرحمن . |
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: القوات المساندة للانقلابيين ( وان عدتم عدنا) |
ادريس ان شاء يا يابا انت امك ما تضوق نارك....الرسول كان ما لحقتوا لى تورابورا. وبالعدم اطفال قانا وكمان ما تتوصى على طابور الخيانة واقضى على كل الرطانة باستثناء ابو جهينة عشان معانا و الباقين ما تبخل عليهم بالجبخانة اضرب شتاء او سخانة ودكين بعد الضرب وديه السلخانة ويسقط حمزاوى ولا نامت اعين الرطناء
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
يعنى ياجماعة الدائرة الشريرة حنخلص منها متين؟ يعني يا دكتاتورية مدنية يا إما إنقلاب؟؟؟ انقلاب أخونا صديق الموج زي انقلاب هاشم العطا تماماً، بالرغم من أن الراحل هاشم العطا كإنسان له قلب وحلم كبيرين، إلإ أن ما قام به لا يخرج من دائرة الانقلاب!! والانقلاب ياجماعة عمل فوقي سيفضي في النهاية إلى دكتاتورية من نوع آخر!! حبيبي حمزواي سيظل حبيب قلبي!! ولا أريد تكرار تحفظاتي عليه كخال!! خال فاطنة ممكن، لكن خال للبوردات عموم دا طموح أكثر من اللازم!!! لذا أسمحوا أن اقترح التالي: شكوها جديد ولموا كل البورداب والبوردبايات وسووا لينا انتخابات لهذا المنصب الحساس (الخال شريك الوالد) مع إفساح المجال لكل من يأنس في نفسه الكفاءة والأهلية أن يرشح نفسه إلى جانب الخاليين الذين يحاولان فرض نفسيهما عبثاً على الناس بالعافية والغدوات الدسمة والشعيرية (مع إني بحب الشعيرية ياود الموج) وليس بالجدارة.... بس لو المسألة صفت عليهما أنا حاتوكل وأصوت لود الموج!!! بسبب اللغة المشتركة!!
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
جمال هباني Quote: حمزاوي الايام دي بيكون مع اخبار النيل |
ان شاء الله تمشي روتو وما ترجع ونسمع اخبارك من عند باكمبا خالد سعيد Quote: عجبوني الليله جو .. بالطيارات طمـــنو |
يا اخوي الفيك اتعرف . . وحنكلم الحكومة في البيت (محسية) وما حتطول بلح الشام ولا عنب اليمن ادريس خليفة
Quote: القوات المساندة للانقلابيين ( وان عدتم عدنا) |
أضرب أضرب يا ادريس بالكيماوي يا ادريس لا حرب بدون طيران حارب حارب ود الموج خالد فضل
Quote: بس لو المسألة صفت عليهما أنا حاتوكل وأصوت لود الموج!!! بسبب اللغة المشتركة!! |
يا ود خادم الله أنا ما عندي اخت اسمها خادم الله قال لغة مشتركة قال لغتكم دي ذي كلام الطير في الباقير ألكع لي المناقل والشكينيبة والمدينة عرب والجضول في العزازي ومكتب 65 الترعي والميه ملياني عليكم دينكم حسع فهمتو حاجة
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: إني بحب الشعيرية ياود الموج) وليس بالجدارة.... بس لو المسألة صفت عليهما أنا حاتوكل وأصوت لود الموج!!! بسبب اللغة المشتركة!! |
خالد فضل
الله اكبر الله اكبر.. هى للشعيرية هى للشعيرية هى للشرعية هى للشرعية ابن اختى خالد تسقط كل قداحة التركين موعودون انتم بمصنع شعيرية لكل حله.وحلة لكل شعيرية وسوف نحول خط انابيب البترول الى ماسورة تتساقط عليكم شعيرية طريا كلما هززتموها. وبعدين شعيرية ما خمج مثل جدولات صبايا لبنان او يزيد الله اكبر يسقط حمزاوى والماجورين واعداء الشعيرية والشرعية،،
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: حبيبي حمزواي سيظل حبيب قلبي!! ولا أريد تكرار تحفظاتي عليه كخال!! خال فاطنة ممكن، لكن خال للبوردات عموم دا طموح أكثر من اللازم!!! لذا أسمحوا أن اقترح التالي: شكوها جديد ولموا كل البورداب والبوردبايات وسووا لينا انتخابات لهذا المنصب الحساس (الخال شريك الوالد) مع إفساح المجال لكل من يأنس في نفسه الكفاءة والأهلية أن يرشح نفسه إلى جانب الخاليين الذين يحاولان فرض نفسيهما عبثاً على الناس بالعافية والغدوات الدسمة والشعيرية (مع إني بحب الشعيرية ياود الموج) وليس بالجدارة....] |
ذكرت البورداب قبل البودابيات معناها يا بوي انتا مع الإنقلابيين .. لأن الخال حمزاوي أوصانا وما بننسي الوصية:
البوردابيات أولاً .. وموضوع خولنة حمزاوي دي لم تعد قابلة للنقض بعد أن أحكم غذلها .. فبالله عليكم يا جماعة .. أوقفوا هذا العبث .. ومن كان لديه شعيرية فليمهد بها الطريق لإنتخابات السنة الجاية .. وكأني بك يا صديق الموج تقول الشعيرية وانتا بتعمل إقلاب وإبدال وبتقصد حاجات تانية حامياني الله يكفينا شرك.
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
ديل نحنا القالوا فتنا وقالوا متنا وقالو للناس انتهينا نحن جينا ونحن جينا
10 عربات لاند كروزر 5 حافلات 3 بص ( عدد 60 راكب ) من بورداب الدوحة جاهزين للتحرك والدعم العاجل ،،،،،، وقطعا سنحسم المعركة ،،،،، لصالح الشرعية و الديمقراطية وصاحب اللغة الرفيعة رجاء : نرجو نشر البرنامج الانتخابى ------------------------------------- تلغراف عاجل : عماد عبد اللة احرجتنا ولكن لن نخذلك سيفنا معكم وقلوبنا مع على لحين نشر البرنامج الانتخابى
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: يامعاويه ياخوي صديق ده تربية اشلاقات (يعني الانقلابات جاري في دمو) , وانا كنت شاهد علي انتخاب خالنا حمزاوي , والرفض كان من صديق واحمد حنين ,لكن اجندة الرفض مختلفه , يعني المسالة محسومه واسال حكيم بورداب الرياض الصديق محمد عبدالجليل |
بهاء الدين بكرى: خلى هضربتك دى ورينا مقتنيات مصطفى سيداحمد مشت وين؟؟
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
شكرا شعبى ...شكرا ابناء اخواتى شكرا على هذه ال99.99% التى منحتمونى اياها اتمنى ان اكون عند حسن خوؤلتكم ارجو ان بنقرع هذا الحمزاوى والمتخازلين وبقية الطابور الخامس لاتفرغ للانجازات والعمل ان شاء الله. الحمد لله فقد قال الشعب كلمته وحصحص الحق وصحصح الناس الكانو نايمين... لم اسمع راى عمر الفاروق وعبد المنعم عمر ولكن لايهمنى رائهم بعد هذه النسبة غير المسبوقة الا عند صدام وحافظ الاسد لعمر الفاروق نقول: اصبر يا يونس شلبى فالعيال كبرت،،،
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
كتب صديق الموج بعد فشله في المعركة الانتخابية Quote: شكرا شعبى ...شكرا ابناء اخواتى شكرا على هذه ال99.99% التى منحتمونى اياها اتمنى ان اكون عند حسن خوؤلتكم ارجو ان بنقرع هذا الحمزاوى والمتخازلين وبقية الطابور الخامس لاتفرغ للانجازات والعمل ان شاء الله. الحمد لله فقد قال الشعب كلمته وحصحص الحق وصحصح الناس الكانو نايمين... لم اسمع راى عمر الفاروق وعبد المنعم عمر ولكن لايهمنى رائهم بعد هذه النسبة غير المسبوقة الا عند صدام وحافظ الاسد لعمر الفاروق نقول: اصبر يا يونس شلبى فالعيال كبرت،،، |
علي بالزواج الزول دا مؤتمر وطني
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: حمزاوي)
|
Quote: يامعاويه ياخوي صديق ده تربية اشلاقات (يعني الانقلابات جاري في دمو) , وانا كنت شاهد علي انتخاب خالنا حمزاوي , والرفض كان من صديق واحمد حنين ,لكن اجندة الرفض مختلفه , يعني المسالة محسومه واسال حكيم بورداب الرياض الصديق محمد عبدالجليل |
بهاء تحياتي .. فاتك كتير .. المؤامرة كبيرة ولكن التركين المستورد والبرنامج الذي أعده حمزاوي على نار هادئة جلبا له زخماً ضخماً للدفاع عن الديمقراطية وتوهط على كرسي الخؤولة وأصبح صديق وجماعتو لا يروا بالعين المجردة .. فلا تهتم.
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: Mohamed Abdelgaleel)
|
Quote: غادة خالد عبدالعزيز Quote: هل يتيح دستور الخؤولة الرياضية بالتصويت من خارج المنطقة؟؟ أنا أسم بابا (خالد عبدالعزيز) مش غريب علي الرجل العظيم يخلف غادة |
طيب يا "عم " حمزاوى انا اسمى غادة عبدالعزيز خالد مش خالد عبدالعزيز لا بد من ان تعرف اسماء المصوتين فى الدائرة الانتخابية و ان لا تفتح امامنا المجال للبحث عن ناخبين آخرين يعرفون اسماءنا و احلامنا "فيلطشوا" الاصوات منكم
ننتظر ردكم
ودى غادة
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
ابوبكر سيداحمد Quote: متحيز لحمزاوي يشيل شيلتو معاكم |
ابن عمي جعلناك مساعد الخال لشؤون النوبة بالخليج وما وراء البحار كلتومة رسلت لي تركين كتير محمد عبدالجليل
Quote: وأصبح صديق وجماعتو لا يروا بالعين المجردة .. فلا تهتم. |
أن للمتقين مفازا صدقني ود الموج ومجموعتة صاروا مثل النفتلين حينتهوا بالتبخر غادة عبدالعزيز Quote: انا اسمى غادة عبدالعزيز خالد |
وهل تخفى القمر هذا تعظيم مش غزل عقلك ما يروح بعيد يا ود الموج ما نحن المحس بنقدم الجد على الأب وذلك للاحترام وتبادل الود طبعاً بنت القائد الجسور . . بابا وذكراه في حدقات عيوننا أتحداك قول كلام ذي دا يا ودالموج عشان يفصلوك من المؤتمر الوطني بكره اسحق بله
Quote: ما يهمك يا خال وراك رجال. كضابين ساكت في واحد بقدر أقيف في طريق الموج وإنت الموج من جهتين(أم و أب). |
ضاع العمر يا ولدي حنعمل ليك سماية جديدة اسحق وبله ما تجي . . ذي المرة المشلخه وراكبه لاندكروزر ليلي علوي
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: حمزاوي)
|
Quote: غادة عبدالعزيز Quote: انا اسمى غادة عبدالعزيز خالد وهل تخفى القمر هذا تعظيم مش غزل عقلك ما يروح بعيد يا ود الموج ما نحن المحس بنقدم الجد على الأب وذلك للاحترام وتبادل الود طبعاً بنت القائد الجسور . . بابا وذكراه في حدقات عيوننا أتحداك قول كلام ذي دا يا ودالموج عشان يفصلوك من المؤتمر الوطني بكره |
__________________
بورداب الرياض "عثل بث"
كل الود غادة
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: غادة عبدالعزيز خالد)
|
Quote: ابوبكر سيداحمد
Quote: متحيز لحمزاوي يشيل شيلتو معاكم
ابن عمي جعلناك مساعد الخال لشؤون النوبة بالخليج وما وراء البحار كلتومة رسلت لي تركين كتير |
يا حمزاوي يا قريبي ( حاشية : الموج دي حقت صلة الرحم ما بالك يوديك بعيد وتقول الرطانة بيتامروا )
اكثر من تلاتين سنة وشئون النوبة شايله لحد ما بقيت اتاتي زي ما شايف في المنابر النوبية تقوم تزيد عليها تركيين كلتومة وعمة الموج التحتها باسطة .. وبعدين انت قالو ليك الربع الخالي اتحول بحار ما ان وراه وما شايف بحار عشان كدة مافي سمك ولا تركيين ... شوف ليك طريقة انتخابية من بتاعة ناس بعانخي الدعاية فيها جعاريين وموميات بدل الباسطة والتركيين واكيد الموج حيخليها ليك مالجعاريين فيها عفاريت ( الخواجات كانو بيغشونا كدة في حلفا علشان ما نجي جنبها فيشيلوها مع الدهب واهو افلسنا وقاعدين وراء بحارك الصحراوية )
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: ما يهمك يا خال وراك رجال. كضابين ساكت في واحد بقدر أقيف في طريق الموج وإنت الموج من جهتين(أم و أب). |
اسحق بله ابن اختى العزيز.....مشكور ستة شهور يعن خروج وعودة عديل وانا عارفك يا ود اختى وما همانا مادام ود بله معانا والموضوع ما محتاج زولك سكت سكتت فار وما تراه هو فرفرة المذبوح ولانامت اعين الحمزاء،،
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
عزيزي صديق
Quote: الاخ العزيز ابوبكر تكفى هذه الضمنية لاثبات وقوفك مع خالك
|
اليشوف عمتك يقول بس من الجنرالات البيجو بالليل راكبيين حمير حديد لكين طلعت سياسي نجيض ..اول جعلي سياسي يصل الي سدة "الحكم" ماشي كعابي ..يعني دحين شن نسوي مع اهلي الرطانة ..انا قت ما متحيز وانت دورتها وشكلتها وعملت ليها ضمة يعني علشان عربينا ضعيف خليتها ضمنية .. عرفنا سكوتية جابها جعلي من قبل ودحين ضمنية جبتها انت الجعلي التاني ..
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
ابوبكر مسكاقمي Quote: علشان عربينا ضعيف خليتها ضمنية |
ودالموج دا زول آراب ساي ومأخذ شاكوش من واحدة محسية لمن كان في الثانوي انت حسع ما شايف كل الحلوات وبنات الحور في المنبر واقفات مع قريبك حمزاوي ألحق يا ود الموج قالوا النيل هايج عشان تأكد اسمك وتقدل مع الورل عشان حمزاوي التمساح غايب يا خسارة يا ودالموج ويا خسارة العشا والباسطة في مطعم ريم شارع غبيرا العام الشمار كتير وانا قاعد يصلني كتير
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: وهل تخفى القمر هذا تعظيم مش غزل عقلك ما يروح بعيد يا ود الموج ما نحن المحس بنقدم الجد على الأب وذلك للاحترام وتبادل الود طبعاً بنت القائد الجسور . . بابا وذكراه في حدقات عيوننا أتحداك قول كلام ذي دا يا ودالموج عشان يفصلوك من المؤتمر الوطني بكره |
حمزاوى ده لا تعظيم لاغزل ده تذكير عديل غادة انثى قدر ده وتقول ليها وهل تخفى القمر....
غادة ولا يهمك ونقدر ليك وقوفك مع خالك صديق وسوف نسلمك امانة المراة المسلحة فى التنظيم بتاعنا فقط جيبى الخطط العسكرية من درج ابوك والهدف هذه المرة ما الكرمك حدنا كرمة موطن هذا الرطانى المشوطن المدعى عليه من الجميع حمزاوى بن ام حمزاوى سبب البلاوى والذى يجأر بالشكاوى هذه الايام ولا من مغيث...يسقط حمزاوى سقوطا مؤسس،،،
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: لكن التركين المستورد والبرنامج الذي أعده حمزاوي على نار هادئة جلبا له زخماً ضخماً للدفاع عن الديمقراطية وتوهط على كرسي الخؤولة وأصبح صديق وجماعتو لا يروا بالعين المجردة |
محمد يا اخوى شابكنا تركين تركين ..انت من النوبة ياتا؟؟ وبعدين ما دام فى تركين ما حتشوف بعد ده بالعين المجردة حا تشم شم خالى ولا ملىء بطنى...يسقط الماجورين والطابور الخامس وحمزاوى،،،
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: صديق انت كبرت وعامل السن ليه اثر سلبي في توازن الامور عشان كده خلي المسألة دي علي انا |
علاء الدين انت ما خليفتى...وبى علاء الدين حيمورة يكون انضربت اخر معاقل حمزاوى...لانى مرة اخذته معاى منتدى الصحافة قام قال لاولاد الصحافة انا كنت مدرس فى الصحافة وحبوبتى كانت بتبيع الفطور هناك وجدى ساكن فى مربع 39 والله لو حبوبتك كانت بانية المدرسة يا حمزاوى ما عندك طريقة بعد كلام عمدة الصحافة علاء حيمورة ده..الله اكبر يسقط حمزاوى كما سقط حمورابى من قبله ولا نامت اى عين،،،
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
الى حمزاوى فى تقوقعه الابدى..سلم تسلم نحن اليوم كما حسن نصر الله فقد اثلج صدور اعداءنا نصرنا ..اليوم سوف تبدا الانجازات.. تمبس ومعتصم واخرون حضروا نفسكم لوليمة الانتصار..بلا شك الشعيرية ست موائد اهل العوض جاهزة ..ابشركم هناك خدمة (تيك اوى). يسقط حمــــــــــــــــــــــــــــــــــــــــزاوى،،،
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: Quote: ما يهمك يا خال وراك رجال. كضابين ساكت في واحد بقدر أقيف في طريق الموج وإنت الموج من جهتين(أم و أب).
اسحق بله ابن اختى العزيز.....مشكور ستة شهور يعن خروج وعودة عديل وانا عارفك يا ود اختى وما همانا مادام ود بله معانا والموضوع ما محتاج زولك سكت سكتت فار وما تراه هو فرفرة المذبوح ولانامت اعين الحمزاء،، |
اسحق ما رديت ليك فوق العمى اليبلاء عدوك
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: ابوبكر ما كنا كويسين والا قال ليك مسكاقنى كتل قلبك الدم بدا يحن طيب ..ايلو،،، |
ياالموج .. جينا طافيين ساي نعاين ونتمنظر فيكم ونرجع اهو خليتونا ساكنيين.. اصلو انت وحمزاوي بتزاولو واجابات الخال متيين ما دام مقضنها كلها انتخابات وشعيرية وتركيين وسعوط ؟
باخي عندنا شغلات وبناء جالوص وشيات مع ود الشايقي في مكانا غير خلصونا من انتخاباتكم دي واعملوها مجلس خيلان بالتدوير زي مجلس السيادة زمان يوم انت ويوميين حمزاوي ( ما قريبي والهوا شمالي وبرضو هو حيصرف شعيرية وتركيين وباسطة اكتر منك ) .. بعديين ما جاوبتو علي سعالي انتو ما عندكم بنات اخوات كلهم ابناء اخوات الا البنية الصغيرونة الشاطرة وكتابة دي بتاعة الحلفاية ما خايفيين تجيب ليكم جنيات حسن بشير نصر وكل الدياشة بتاعيين الحلفاية ويطرشقو انتخاباتكم وتبقو لايصيين زينا مغتربيين ديمة ...
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: abubakr)
|
Quote: ألحق يا ود الموج قالوا النيل هايج عشان تأكد اسمك وتقدل مع الورل عشان حمزاوي التمساح غايب يا خسارة يا ودالموج ويا خسارة العشا والباسطة في مطعم ريم |
إني أرى رؤوسا قد أينعت وحان قطافها وهمزاوي لصاحبها ..
يا همزاوي أنا شايف صديق نازل تقيل وانتا غايب وأخاف أن يأخذك بليل وعشاء .. صحصح .. ففجائعنا في التقاعس عن الهبة لحماية الديمقراطية قديمة!!
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
أعـــــــــــلان هــــام وعـــــــــاجل لبورداب الرياض وماجاورها بمناسبة تثبيتنا في منصب الخال لبورداب الرياض وفوزنا الساحق وسقوط وفشل وانهيار (انهيار عصبي) المدعو صديق الموج . أنتم مدعون لتناول طعام العشاء وحضور الحفل الساهر التي تحييها المطربة الواعدة هاجر جبره اليوم الاربعاء 16/8/2006م باستراحة النخيل بحي العزيزية شارع حائر جوار الثلاجات . الرجاء الحرص على الحضور والهجيج والجبجبه حتى الصباح تمبس حينزل الكروكي
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
بورداب الرياض الأعزاء والله مشتاق ليكم كتير حدثني ابني طلال عن هذه الشكلة ، والاختلاف الواقع على الخؤولة من بعد عودتنا إلى الوطن ... ونسأل الله لكم التوفيق والوحدة والتماسك ... وكنت من قبل قد قلت لكم أن أمركم شورى بينكم ... وبيني وبينكم حمزاوي زول نشط ومتابع ومواصل ،،، بس أم وليداتو في السودان ودي مشكلة كبيرة ... وصديق الموج زول حلو ولذيذ ورايق وأم وليداتو معاهو في الرياض ... بس بيني وبينكم زوغانتو كتيرة ... وعلى وزن طعام معاوية أدسم ، والصلاة خلف علي أقوم ،،، يمكنكم أن تحكموا ،،، وبيني وبينكم هي ( عوّة في ضُلف ... ) أبعث لكم بأحر التحاياوبالغ الأشواق ...
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: MASSOUB)
|
الأخ العزيز تولوس
Quote: وانا بدوري اعلن بان مهيرة السودان غادة عبدالعزيز خالد هي خالة جميع بورداب حوش بكري .... عدا محمد عادل وبقال.... نسبة لخالتهم تراجي
|
خالة البورد دى كتيرة شوية اية رأيك ببت خالة البورد
الأخ العزيز معتصم
Quote: يا غادة إنتي أصلو ما بتنسي .. |
فى زولا بينسى شية و منقة الا يكون ما نصيح و لا زلت اطالب بالتحقيق
العم العزيز ود الموج
Quote: غادة ولا يهمك ونقدر ليك وقوفك مع خالك صديق وسوف نسلمك امانة المراة المسلحة فى التنظيم بتاعنا فقط جيبى الخطط العسكرية من درج ابوك |
و حااااات الله ما بفهم فيهن حاجة خايفة اغلط و اجيب ليك خرايط البيت
اها بلف على الجيران و بجيكم
غادة
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: الواعدة هاجر جبره اليوم الاربعاء 16/8/2006م باستراحة النخيل بحي العزيزية شارع حائر |
كانت هفلة زي الدبستك .. احبك ياخال..
لواء اركان خال دكين
ود الموج وزي ماقالت فاطمة احمد ابراهيم: الصادق ما بشمها..
اها انا بقولا ليك: انتا الخولنة دي ماحقتك ولابشتمها..
الخولنة دي سيبها لي اسيادا.. نحنا اهلها..
| |
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: بورداب الرياض الأعزاء والله مشتاق ليكم كتير حدثني ابني طلال عن هذه الشكلة ، والاختلاف الواقع على الخؤولة من بعد عودتنا إلى الوطن ... ونسأل الله لكم التوفيق والوحدة والتماسك ... وكنت من قبل قد قلت لكم أن أمركم شورى بينكم ... وبيني وبينكم حمزاوي زول نشط ومتابع ومواصل ،،، بس أم وليداتو في السودان ودي مشكلة كبيرة ... وصديق الموج زول حلو ولذيذ ورايق وأم وليداتو معاهو في الرياض ... بس بيني وبينكم زوغانتو كتيرة ... وعلى وزن طعام معاوية أدسم ، والصلاة خلف علي أقوم ،،، يمكنكم أن تحكموا ،،، وبيني وبينكم هي ( عوّة في ضُلف ... ) أبعث لكم بأحر التحايا وبالغ الأشواق ... |
اها يا اخوى انت مع طعام معاوية والا واقف وراء على،،، التحايا لفوزية وخليها ترسل شروط الخوؤلة لى انعام دى عشان ما تفشلنى باقى انا خال الرياض ضمنتها باقى لى خوؤلة العالم الاسفيرى،،
| |
|
|
|
|
|
|
| |