|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: رشا شيخ الدين وعقد الجلاد ... (Re: Hussein Mallasi)
|
| Quote: إلا أن ذلك لم يقلل من أن حضورها المسرحي كان حضوراً طاغياً. |
حضورها المسرحي كان طاغي ما قلنا حاجة..
لكن إصرارها على التحدث بلغة عربية مكسٌرة أثار إستغرابي..
خاصةً إني عرفت إنها إتولدت و إتربت في أم درمان..
و لم تغادر السودان إلا في أوائل التسعينات...!!!!
---
* حقو أنا زاتي أبطٌِل السغالة..!!!!
| |
 
|
|
|
|
|
|
|
 Re: رشا شيخ الدين وعقد الجلاد ... (Re: Hussein Mallasi)
|
Quote: لفت نظري .. و على الرغم من هيلمانة رشا العالمية
إلا أن جميع الأغنيات التي أدتها أغنيات مسموعة!! |
في ذمتك يا ملاسي..
أغنية الخُزعبلات الأسبانية...الغنتها بمُصاحبة الدِنقِر..
سمعتها وين قبل كدا...؟؟!!!
---
* ما قلنا ليك سيب الحركات بتاعتك دي..!!!
| |
|
|
|
|
|
|
|
|
 Re: رشا شيخ الدين وعقد الجلاد ... (Re: طلال عفيفي)
|
سلام طلال الجميل
من اللقطات الأولى ألهمتنى لأكابس حتى أن اتمكن من حضور الحفلة التانية
وقد حصل... فشكرا ليك كتييييييييييير
عندك علاقة غريبة مع الكاميرا,,, بتخلى الواحد مرات يسيب الحفل ويركز مع اللقطات البتصور فيها
تخريمة:
_________________________________
ناردى ما عجييييييييييب لكن
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
Quote: مساء الأربعاء؛ و في نهاية الحفل و بعد انتهاء مراسم تكريم رشا؛ الوافر و الكوبي؛ و بينما الجميع يهم بالمغادرة؛
تحدث أحدهم في مايكروفون الحفل مردداً اكلشيهات شبيه بالذكرى ناقوس يدق في عالم النسيان و نحوها؛
فنقلنا من مسرح مدرسة مجتمع الخرطوم العالمية لمنتدى الخرطوم جنوب دون المرور بوسط الخرطوم!! |
منتدى الخرطوم جنوب؟
____________________________________________
بليت شوقنا يا طلال فى احباب غاليين! (بما فيهم انت) لا كين وين "جانب من الحضور" - ولا مؤاخذة؟
المهم ..
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: تبارك شيخ الدين جبريل)
|
مراحب بالجميع
شكرا لكل الجمال
الحضور.. الالق ..التصوير..
رشا حنينة وحنونه ..
وتملك مقدرات صوتية تفوق حد الوصف حفظها الله
الوافر رائع كما عهدناه
موكر فى الابداع حد السقف.. لك التحية يا نيلو
عقد الجلاد منظومة بديعه..
عتيقة ومعتقة بكل المقاييس لهم الانحناءة
مصطفى السنى حنيــــــــــــــــــن
يحلق بنا دوما فى عوالم نرجسية.. تسلم يا درش
شكرا الاخ طلال
شكرا محنة
تخريمة
على فكره عندى نص حنين لرشا ..
لو وافق الوافر بنزلوا ليكم هنا
تحياتى .. اسماء الجنيد/ مسقط
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: soma)
|
Quote: 
والواحد بيكون عايز يشكر الأستاذ فتحي محمد عثمان مهندس الرحلة والإحتفال ، والذي كان يشرف
على كل التفاصيل حتى النهاية ، لنجلس في حفل شديد الأناقة ودقيق الإعداد .. له التحية والمحبة والتقدير .. |
اتخيل يا طلال لو كان أمين الخرطوم عاصمة الثقافة؛
المهم .. له - فعلاً – التحية و التقدير.
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: Hussein Mallasi)
|
Quote: Quote: لفت نظري .. و على الرغم من هيلمانة رشا
العالمية إلا أن جميع الأغنيات التي أدتها أغنيات مسموعة!! |
في ذمتك يا ملاسي .. أغنية الخُزعبلات الأسبانية...
الغنتها بمُصاحبة الدِنقِر.. سمعتها وين قبل كدا...؟؟!!! |
أنا لم اسمعها يا ممكونة .. إلا أن رشا قد ذكرت
في مقدمتها أنها من مسموعات الشمال الاسباني.
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
سلام ملاسي
رشا عندها سي دي كامل من اعمالها الخاصة وهو بالعربي والانجليزي والاسباني..
هذا المشروع في السودان كان عبارة ورشة عمل لمدة قصيرة جدا مع عقد الجلاد وتقديم النتيجة في هذا الحفل، لا اظن ان الوقت يتسع لتقديم اعمال خاصة.. ولكن رشا تكتب الشعر وتلحن وبالطبع تغني اعمالها لوحدها، وتقديم القديم مش مسالة ساهلة بالمناسبة دي.. الهيلامانة ما جات من عدم
مع احترامي
صادق
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: Hussein Mallasi)
|
Quote: هذا المشروع في السودان كان عبارة ورشة عمل لمدة
قصيرة جدا مع عقد الجلاد وتقديم النتيجة في هذا الحفل، |
و ما يفوتك يا الصادق انو الأغاني المسموعة التي
قامت بغنائها كانت بصحبة الوافر و الكوبي.
_____
الأداء مع عقد الجلاد كان
خاص بأغنيات عقد الجلاد.
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
طلال العزيز .. كيفنك
يا اخوي هووووي و النصيحة ليك يا الله انا حسدااااناك عديل على استمتاعك سمع وشوف بالحفل الروعة ده ..
لكن حقيقي يا طلال شكرا ليك على امتاعنا بالصور اللي خلتنا نعيش اجواءه ..
دائمةسؤال أ. احمد طه ـ متى ما الاقيه ـ عنك و عن احوالك ..
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: Hussein Mallasi)
|
الصور في غايةالجمال
و الحكي نقل جو الحفل و البروفات الاجمل..
سؤال برئ : انتو الوداكم الحفلة دي شنو ؟
قالواالمدرسة دي لما اتبنت استخدموا فقط التراب و
الماء من السودان..
و الطالب فيها بيدفع سبعة الف دولار في السنة ..
ما عارف الكلام دا صحي ام حقد ناس مفلسين
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
ملاسى انا افتكر انو كلامك معقول بخصوص قابلية الجمهور للقديم. والقابلية دى بتسهل على فنانين كتار انهم يركبوا موجة شهرة اكبر مما بستحقوا. لكن الصادق فى اعتقادى كان بيتكلم من منطلق معالجة القديم بى مدخل حديث ومحسوب من نواحى متعددة - بما فيها قابلية الجمهور المتوقعة! - زى معالجات الثيمة اللحنية والإيقاعات والهارمونى وتكنيكات الفوكال والحزمة الوجدانية المختزلة فى القديم كلها! (ربما لأنى حضرت ابومريم وهو بيعالج موسيقى تراثية حتة حتة)
عموماً انا ما بيحق لى اتكلم بى اسمو؛ لاكين البيختاروا الإعتماد على قابلية الجمهور للقديم، بيختفوا من الذاكرة بعد فترة وبيفضل القديم متاح لى لوّاك آخر!
وطعم ابوداوود ما بيضييع طعم كرومة ولا بتجى رشا تضييعم. أهم شى المحافظة على الـ Authenticity والـ Copyright فى نفس الوقت (معليش ماعرفت اقولا كيف بالعربى)
المهم ...
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
Quote: الوافر قطع شك عازف ماهر؛ إلا أن مبالغته في إظهار ملكاته؛ و بتماديه في الزخارف الإيقاعية؛ أفسد
إيقاع أغنية أبو داوود التي أدتها رشا - بمصاحبة مصطفى السني على العود - ففسدت الأغنية و فسد الأداء. |
عشان كدة قالوا ليك تقديم القديم ما ساهل!
أهو الوافر بعد المبالغة (وربما كما تقول بسبب المبالغة) فشل فى كسر حوصلة وجدانك الخاص وأخذك فى معيته إلى "الوافر" وليس "أبوداوود".
المهم ...
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
نسيت أن أذكر أن حفلتي رشا وعقد الجلاد ، كانتا بإستضافة
من مجموعة شركات دال ، التي أحترم جداً إهتمامها بالنشاط
الثقافي ، إذ أحضرت قبل ذلك الأستاذ نصير شمه إلى الخرطوم
وقبلها قامت بطباعة كتاب قيم عن السودان قام بتصوير مادته
المصوور الألماني " مايكل فريمان " ..
وتطرق أذني أخبار عن سلسلة من الأنشطة القادمة وطباعة كتاب
توثيقي عن النوبة ..
أتمنى أن يتواصل هذا الجهد ، وتتسع دائرة المستفيدين منه
والمستمتعين به ؛
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
"مجموعة شركات دال" DAL GROUP لصاحبها "أسامة داوود" وكيل الإمبريالية الأمريكية شبه الحصرى فى سودان الإنقاذ!
لا أدرى كيف ينجو من ألسنة المعارضين اليساريين؟
ربما بسبب عمالة اليسار السودانى للإمبريالية؟
وربما هى مجرد رقوة نوبية يستخدمها!
أو شراء للألسن والذمم من أرباح "الكوكاكولا"!
أو نزعة طفيلية فى أصل الإنسان السودانى، تجعلنا لا ننتبه "ليمينى أو يسارى" ونصبر "على ذلى وانكسارى" إلى الأبد !
المهم ....
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: تبارك شيخ الدين جبريل)
|
Quote: "أسامة داوود" وكيل الإمبريالية الأمريكية شبه الحصرى
فى سودان الإنقاذ!
لا أدرى كيف ينجو من ألسنة المعارضين اليساريين؟ |
| Quote: ربما بسبب عمالة اليسار السودانى للإمبريالية؟ |
| Quote: وربما هى مجرد رقوة نوبية يستخدمها! |
| Quote: أو شراء للألسن والذمم من أرباح "الكوكاكولا"! |
Quote: أو نزعة طفيلية فى أصل الإنسان السودانى، تجعلنا
لا ننتبه "ليمينى أو يسارى" ونصبر "على ذلى وانكسارى"
إلى الأبد ! |
كل الإجابات خطأ؛
أعِد
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
Quote: كل الإجابات خطأ؛
أعِد |
ربما لو حاولت القراءة من أسفل إلى أعلى تتعثر فوق الإجابة
________________________________________
بالمناسبة أضم صوتى إلى صوتك فى تقدير النشاط الثقافى لمجموعة "دال" ....ولكن
يبقى اليسار السودانى لا ندرى ما نفعل به!
المهم ...
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: تبارك شيخ الدين جبريل)
|
Quote: Quote: الوافر قطع شك عازف ماهر؛ إلا أن مبالغته في إظهار ملكاته؛ و بتماديه في الزخارف الإيقاعية؛ أفسد
إيقاع أغنية أبو داوود التي أدتها رشا - بمصاحبة مصطفى السني على العود - ففسدت الأغنية و فسد الأداء. |
عشان كدة قالوا ليك تقديم القديم ما ساهل!
أهو الوافر بعد المبالغة (وربما كما تقول بسبب المبالغة) فشل فى كسر
حوصلة وجدانك الخاص وأخذك فى معيته إلى "الوافر" وليس "أبوداوود". |
أنا في الأول كنت فاكر – برضو – إنو الحكاية حوصلة وجدان خاص؛
أو على أحسن الفروض عدم مواكبة لآخر صيحات العزف العالمي؛
بس محاولات رشا – غير الناجحة - و إشاراتها المستمرة للوافر
ليقوم باستعدال الإيقاع كانت أوضح و أكتر من اللازم.
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: Hussein Mallasi)
|
أخى .. الرائع .. والرائع جدا طلال عفيفى .. لك منى ومن الجميع
التحيات وأنت تتحفنا بهذا الجمال الرائع كروعة أهلنا الطيبون
فى سوداننا الحبيب .. فهذه اللوحات لاتصدر إلا من إنسان مثلك
مرة أخرى لك التحيات والتبريكات على هذا العمل .
أما الشئ والذى أحزننى هنالك الكثير من البشر لايعرفون من هى رشا
أو بنت من هذه الشخصية والتى وصفوها بأن لغتها العربية مكسره .. وهم
لايعلمون بأنها ابنة ذاك الموسوعة الاستاذ المربى والموسوعه والذى
تخرج على يدية فطاحلة اجيال السودان الا وهو المرحوم الرجل القامة( شيخ الدين
جبريل ) وسأوافيكم قريبا بالسيرة الذاتية لهذا القامة .. علما بيننا وفى
هذا المنبر أبناء من صلبه ( زول يازول .. وتبارك .. ومن ثم الاخ ابوعبيده
ورشا .. وجميعهم ولله الحمد ابناء لهذا الاسطورة الرائعة ( شيخ الدين جبريل)
فقط أنتظروننا وستعرفون من هو شيخ الدين جبريل ..
تاج السر
00966508730423
[email protected]
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: ود العجمى)
|
Quote: لا يعلمون بأنها ابنة ذاك الموسوعة الاستاذ المربى والموسوعه والذى تخرج
على يدية فطاحلة اجيال السودان الا وهو المرحوم الرجل القامة( شيخ الدين جبريل ) |
يعلمون ياخوي .. يعلمون .. ما تتعب نفسك ساي!
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
( مصاحبة سعد الدين الطيب لعقد الجلاد بالعزف
جعل لوجود عقد الجلاد ليلة ذاك معنى.)
------
آآآآآآآح .. حمدا لله!
إنتظرت طويلا و ما كنت متوقع إطلاقا أن يعلق أحدهم , و بالضرورة إحداهن, عل الجانب الهام ده من الحفل!
و حكمة الله يجيني الفرج عن طريق ملاسي , حكمتو بالغة!!
سلام على سعد الطيب, كنت متوقع كده.
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: Elmuez)
|
الاخ/ طلال عفيفى
لك الود والتحايا
كان ذلك عام 2000 على ما اذكر..
المكان: فندق القصر.. مكتب المدير المالى
الزمان: يوم خريفى من ايام السودان الجميلة..
ونحن فى مكتب سكرتارية المدير.. كان هنالك من بعيد صوت ينساب مموسقاً ليندلق فى مسامعنا دافئاً.. والاغنية كانت (نارى ونارى.. نارى انا).. قطعاً كان الصوت مختلفاً ومتفرداً..
كانت سكرتيرة السيد/ المدير اجمل من ان تسألها عن ماهية ذاك الصوت.. فتجرأت وقلت لها مفتوناً بالصوت فتنة طغت على فتنتها هى.. لمن كل تلك العذوبة؟؟ فقالت: دى رشا شيخ الدين.. هكذا كأنها كانت علم..
قلت ليها دى اخت تماضر شيخ الدين.. ودى شغلت الناس بادوارها التمثيلية.. فقد مثلت هى والرشيد احمد عيسى، يحيى فضل الله‘ كارلوس و محمد السنى مسرحنا الراقى.. فقالت واخت المقداد كمان والوافر.. سألتها بالله من وين جابت الاسطوانة دى.. قالت جابتها من لندن.. كدا مرة واحدة... قلت لها والبعزف ليها دا منو.. قالت لى دى بعزفوا ليها اسبان كمان..
فعرفت رشا بقامتها السامقة منذ ذلك الوقت..
فقط لم اكن ادر انها احيت حفل هنا فى الخرطوم.. وانا الذى تمنيت ان التقيها مهما كانت الاسباب.. اتمنى ان التقيها فى قعدة فى حوش بانقا.....
شكراً... عفيفى
| |
|
|
|
|
|
|
|
|
 Re: رشا شيخ الدين وعقد الجلاد ... (Re: طلال عفيفي)
|
Quote: عندك علاقة غريبة مع الكاميرا,,,
بتخلى الواحد مرات يسيب الحفل ويركز مع اللقطات البتصور فيها
|
وخلتنـا على البعـد نتنـاسى عشرات البوستات ..
ونتمســك بروعـه الحضـور وبالكلــمه الصــوره
وفي الانتظـــار ..
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
| |
Hussein Mallasi
mamkouna
khatab
AnwarKing
طلال عفيفي
sama7
تبارك شيخ الدين جبريل
Abu Mariam
Dia eldin khalil
Isam Widaa
تاج السر محمد حامد
ود العجمى
شهاب الفاتح عثمان
فيس بوك
تويتر
انستقرام
يوتيوب
بنتيريست