نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 رشا شيخ الدين وعقد الجلاد ...
|
أعزائي ..
قدمت رشا شيخ الدين ومجموعة عقد الجلاد عرضاً إستثنائياً بالخرطوم ،
على مسرح مدرسة مجتمع الخرطوم العالمية ..
هذه هي المرة الاولى التي تقدم فيها رشا - المقيمة في اسبانيا- اغانيها
بالسودان ..
بالإضافة إلى ذلك كان من مواضيع فرادة هذا الحفل إشتراك عقد الجلاد ورشا
في أداء مشترك لمجموعة من الأغاني ، بمعاونة أساسية وطاعمة من عازف
الساكس الكوبي " ناردي " و" الوافر شيخ الدين " الذي ساهم في تقديم
خلفية موسيقية شديدة الطعامة مستخدماً مجموعة من الآلات التي عزف عليها
بإقتدار شديد .
قبل بداية الحفل في 17 مارس الماضي ، عقدت رشا ومجموعة عقد الجلاد سلسلة
من البروفات تشبه الورشة ، تم فيها تبادل نوع من الخبرة والتدريب على
إيقاعات الأغاني الخاصة بالطرفين .
ناردي ، أو " ليوناردو كاستلو " .. من مواليد كوبا الشقيقة (يوليو 1966)
مهتم بالبحث في مناخات الموسيقى النوبية ، إشترك مع العديد من فرق الموسيقى
حول العالم في إخراج نغماتها إلى الناس .
__________
عود وناي ودف ...
ثلاث آلات إشتغل عليها الوافر شيخ الدين بالإضافة للإكورديون
والوافر فنان أريب ، وكام يقولون ( ماسك الصنعه ) ، رافق شقيقته رشا
في تجوالها الغنائي ، وهو مؤلف موسيقي وصاحب نظر جريء في التعامل
مع الآلات التقليدية والنحو بها لمآلات خيالية ومعاصرة .
_________
برغم التباين في الخلفيات الموسيقية ولونية الأداء ، إلا أن رشا وعقد الجلاد
والوافر وناردي إستطاعوا تقديم ليلة شديدة الإنسجام :
لقد شهد - من حالفهم حظ الحضور - أمسية بديعة ..
__________
(نواصل لو الله فتح علينا)
|
|
 
|
|
|
|
|
|
|
|
Re: رشا شيخ الدين وعقد الجلاد ... (Re: fadlabi)
|
فاضلابي العزيز ..
يا صاحبنا يا بعيد ..
فاتتك الليلة ، لكن إحنا ما فتناك ،
إتذكرتك كتير ، في البروفات والحفلة ،
وكمان غتذكرتك أكتر لمن المجموعة غنت
الغنية الجميلة الألفتها بلحن خلاني أشعر
كأني عايش في الستينيات ؛( أعادها الله
علينا باليُمن واليُسر والبركات )
غنوا لنا :
Quote: كل ما نقول كملنا الليل
يطلع بـاكر ليلاً أطول
كل ما نقول خلصنا الشيل
تطلع شيلة باكر أتقل |
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
طلال سلام..
وطولنا في إنتظارك ياخي..
و شكرا علي المعلومات القيمةعن (ناردي )
وكذا الإمتاع البصري ..وأنت دوما تنقلنا معك
حيثما كنت وبصورة لا شعورية..
وللأستاذة رشا شيخ الدين وللعقد الفريد
نزجي كل التحايا وهم يعطرون ليالي الخرطوم..
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: خالد الطيب أحمد)
|
سلامات يا خالد ،
مشكور على تفقد الأحوال والكلمات الطيبة .
أما أخونا ناردي ففنان له العجب .
رئة مليانه بنغمات العالمين ، وروح سارحة
في الملكوت وهايمة ؛
موسيقي مقتدر ، وتدرك هذا لو تفرجت على
أصابعه وهي تلعب ، وشهيقه وزفيره وهو يتعب
ليطلع عليك بألوان من السحر ، تحمد عليها
الله ، وتنام .
___________
الصورة دي تم إلتقاطها
في القاهرة في يونيو 2007 ؛
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: mohmed khalail)
|
Quote: عييييييييييييييييييييييييييييك...
الجماعة عجّزو.. |
والله يا محمد خليل العمر بيجري ، والأعمار بيد الله
زي ما إنت عارف ، وكلنا لها طبعاً .. لكن ناسك ديل
لسه عارفين يخلوا في الباقي من عمرنا امل وحيوية .
إنت كيف ؟
_______________
في الصورة أخينا شمت
وخستكة سريعة !
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: يازولyazoalيازول)
|
يازول .. يا زول ، والله كلامك صح ،
زمان سمعت كلام عن إنو التواصل الروحي
مع العالم والتجول الروحي فيه يمكن
أن يتم بالتأمل ، والإنصات الرهيف
وبالموسيقى برضو ..
انا شفت عازفي الدف في النوبه كيف
بيكونوا غرقانين ، وشفت ناردي ده
وهو بيعزف ، كانوا بيسافر ..
إظنها صلاة وحالة روحية عميقة وصادقة ..
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: Bannaga ELias)
|
العزيز بانقا ..
سلامات وأشواق والذي منو ..
طبعاً كلمة أستاذ دي ، تقض مضجعي عديل كده ..
ما عارف ليه ؟
يمكن لأني منذ ريعان الصبا ما كنت بحب الأساتذة
(والغريبة هم كمان  ) ؛
غايتو ربنا يغفر لي لو كنت مخطئاً في حقهم ..
تشجيعك دافع قوي لي ، وعرفتي بك القليلة
تشير لي بان الدنيا ما زالت بخير ..
حبي الشديد
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: اساسي)
|
شكراً يا أساسي على الكلام الظريف ..
ضياء فعلاً إلتقط لحظة حلوة .. وإنت
ما أديتا تعليقك العجيب ..
طبعاً زولك الفايتاهو ركعة ده ، فاجأنا
بإنو طلع على المسرح بالجلابية ..
ما قلت ليكم كوبي !
| |
|
|
|
|
|
|
|
|
 Re: رشا شيخ الدين وعقد الجلاد ... (Re: طلال عفيفي)
|
طلال
ياخ انت واقع لي في جرح عديل كده ..
و حـــــــــــاسدكـ رسمي و شعبي ..
يا طلال ياخ الصباح وصلت المكتب متأخر بسبب البوست ده ..
يعني أشرب لي عصير و أقراء البوست ده .. ده ما سُكري جاهز !!
_
ياخ الزولة دي انا بريدها عديـــــــل كده ..
عندها صوت قوي و جهور بطريقة مميزة ..
بتغني غربي إبداع .. و شرقي من النخاع .. وسوداني من بيت الكلاوي ..
عدم مزجها بين الغربي و الشرقي دي في حد ذاتها طفرة ..
بس مُقلة جداً و بشوف انها مظلومة شرقياً لانه الاعلام ما اداها حقها ..
أحاسيسها ممزوجة بين :
بنت البلد الاصيلة ..
الافريقية ذات الدم الحّـــــــار ..
حُبها لي مجتمعها برغم بُعدها منو ..
حنينة برغم قوة الصوت ..
بإختصار فاتت كُتار جداً في المكسات دي و ما بيقدر عليهم زول بالهين ..
إختياراتها لكلمات الاغاني بسيطة و معبرة جداً ..
ياخ باختصار البت دي "تكسيرة" عديـــــل كده..
و مكسرني أكتر (الدويتو بتاعها مع الساحر الوافر)..
_
لمن يحب ان يسمع رشا..
رشا شيخ الدين
ود كانت اول تكسيرة هنا في المنبر ( و ربنا سترها ) 
أحب رشا ... ( سالب فؤاي و ما عليك انا في جحيم مشتاقة ليك ) ...
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: فيصل نوبي)
|
رشا يا فيصل عجيبة ..
عرفت كيف تتحرك بمخزونها الداخلي وتجوب العالم ،
حملت أغني أمدرمان والبنات وضفرتها بمزازيك الغجر
والفلامنكو وإيقاعات غرب إفريقيا ..
في أغانيها ، ترمح النايات ، وتدق الطبول ، ويتحرك
صوتها في مناخات مختلفة ، لكنها كلها ، قريبة للقلب ..
جاءت ، يا فيصل ، رشا إلى السودان ، وغنت لأول مره ،
وبينما أتفرج عليها من خلال الFainder حق الكاميرا ،
لمحتها تبكي ، وعيناها تدمع ..
نسايم عطبرة الحلوة من قطار الشوق أبكتها ، والتواجد
وسط الناس .
كم كان هذا البلد ولا زال قاسياً على بناته وأبنائه ..
لماذا تركهم يرحلون ؟
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: Ibrahim Algrefwi)
|
Quote: طلال ، لقد كان الحفل بديعاً رائعاً بنفسجياً،
شُكراً ياوريف يارائع لأنك جعلت هذا ممكناً |
أخينا في الله والسماوات والأرض ، إبراهيم قرمبوز الجريفاوي :
والله عجبتني اللغة البوردابية دي ، والريمكس الفيها ..
أتمنى تكون إنكيفت بالمزيكة والغنا .. شوربة ترم البدن
وتحيي العظام وهي رميم (مش كده؟)..
أها ، رشا سافرت ، وناردي أقلع ، والوافر غادر :
بنشوفك قريب ؟؟
وكل عام وأنتم بخير بمناسبة مولد حبيبنا النبي ، طه ..
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
الاخ طلال سلامات
رشا وعقد الجلاد دي حاجة فوق احتمال عصب السمع والحس
يسمعوهم ديل كييييف ......ودي فيها دهشة تودي لي الصفة
التانية .....
شكرا ليك طلال على هذه النفحات الروحية الرائعة
وعلى التصاوير التحير ...نقول ما شاء الله
ونمسك الخشب .....
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: عمرو كمال ابراهيم)
|
Quote: اها.. شيلو شيلتكم.. انحنا الليلة فاضييييين
ومن الساعة 7
|
وينك يا عمرو ؟
ما شايفنك !
جيت وعملت off line ، ولا الحصل شنو ؟
مشتاقين يا حلبي ..
ولو ما كنت موجود ، خليني أقول ليك
إنو من أجمل الحاجات الحصلت إشتراك
الفنان مصطفى السني مع رشا في أداء
أغنية لعمنا الكبير أبو داوود ..
فسبحان العاطي الوهاب !
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
طلال العزيز
شكرا على التقريلا المصور عن رشا وعقد الجلاد وقد إهدتني نماضر عدد من تسجيرتها لأنني سألتها عن الشابة التي تغني بلغتنا النوبية كأهلها تماما وسمت فرقتها في اسبانيا نولب نيجري وما كنت عارفه انها شقيقتها
يا ريت يا طلال لو لو تنظم لهم جاسة استماع في النادي النوبي او نادي المحس للتتضامن معنا في مآسي الغرق الفات والقادم!!
مامل سعاد
الخرطوم19 مارس 2008
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: Suad I. Ahmed)
|
ماما سعاد ..
يا قمر الحلوين ..
أول مره أسمع " رشا " ، كان عندك في البيت ،
الكلام ده قبل سنين ...
كنت راجع من القاهرة مفطور الفؤاد ، مخدوش الحنين ،
وقلتي لي : أسمع البت دي !
من صوتا وطريقة غناها إفتكرت إنها ممكن تكون من عندينا
و " فديكيه " ، لكن طلعت " ماتوكيه " !
لكن كلو واحد ..
بعد ما سمعتها معاكي أول مره ، مشيت أفتش عن أغانيها ،
لغاية ما إتقابلت معاها ، وشفتها في النمسا ، وبعد كده
في القاهرة ، وأخيراً في البلد المحبوب : سوداننا الشقيق !
ليه البنات ديل بيسافروا ؟
وليه يا سعاد ما عرفنا نجعل من هذا الوطن مكاناً كويس
وآمن ؟
وليه تأخرنا ، ونحن اللذين بنينا اقوى الأحزاب اليسارية؟
لما إنهزمنا ؟
كنا بنحلم ؟ ...
ولا كان الطوفان أعلى من مراكبنا ؟
سعاد
بحبك شديد
في اللحظة دي إنتي باقية لي أمل من ضمن الآمال الخفيفة ..
بضحكتك
وشجاعتك
وصبرك
وأمومتك
وحسن الرأي
وبحبك شديد
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
يا طلال الكلام ده هزاني من جوة شديد
والله العبرة خنقتني..
كل حرف بقراهوا ليك
بخليني احبك اكتر
لاحظ الكلام ده انا لا شفتك ولسه ما بعرفك
اتخيل معاي
لو عرفتك
السيل ده حيصل وين
احترام كبير ليك يا سوداني يا جميل
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
طـــــــلال ...
وينك مختفي من كل الامكنة ؟؟ ...
صحي من طول الغيبات جاب الغنايم ...
رشا وعقد الجلاد ؟؟!! ... دة اتحاد ذري ...
بختكم ... حاسدينكم عديل والله ...
ـــــــــــــــــــــــــــــــ
بالجنبة كدة :
ممكونة ... مشتاقين ...
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: mamkouna)
|
كم احب هؤلاء ياطلا في هذا الزمن الوجيع
كم ادخلتني في هيام وشجن في هذا البوست الانيق
تمنيت اسمع جزء من الحفل...لو قدرت تنزل عمل واحد
عمل واحد لايكفي ..
ولكن..
احسن من صمة الخشم...
قنوع اخوك ...ولا شنو؟
حبي واحترامي
عليش
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: Mohamed Ahmaed Olyesh)
|
شكراً يا عليش على المتابعة ،
عقد الجلاد فعلاً ساهموا في تكوين
وجدان ناس كتير ..
لهم التحية والأمنيات بالتطور
والتماسك والنجاح المستمر ..
بالنسبة للأغاني فما عارف لو ده
هيكون مسموح ولا لأ ، خليني أسأل ،
ولو كان ممكن أكيد هجيب أغاني
حلوة من الحفل ..
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: sanaa gaffer)
|
سلامات يا ثناء ..
فعلاً إستمتعنا بالحفل المذدوج ده ( مذدوج دي صح يا حسين ؟) ،
والواحد بيكون عايز يشكر الأستاذ فتحي محمد عثمان مهندس
الرحلة والإحتفال ، والذي كان يشرف على كل التفاصيل حتى
النهاية ، لنجلس في حفل شديد الأناقة ودقيق الإعداد ..
له التحية والمحبة والتقدير ..
| |
|
|
|
|
|
|
|
|
 Re: رشا شيخ الدين وعقد الجلاد ... (Re: طلال عفيفي)
|
هــذا نسيــج متكـــامل ممتلئ ابداع وانــاقه وحضـــور .
وتحيـــه خـــاصه لهـــذا الكــوبي الجميـــل .
شكرا لكم لمــدنــا بهـــذا الحلـــم .
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال .
د شهـاب الفاتح ـ كوالالمبـور
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: شهاب الفاتح عثمان)
|
عزيزي يا شهاب ،
الحكاية كلها كانت فعلاً نسيج متكامل ،
نسيج مليان بالألوان وأريحية الإنسان
لمن يعرف كيف يمد الجسور بين ثقافة
والتانية ..
" ناردي " كان جوهرة الخاتم في الحفل ،
شاب مليان بالإحساس ، وغرقان في المزيكا ؛
كما إنو الناس الحضور إتجاوبوا معاهو
شديد .. وإنتبهوا ليهوا جداً ..
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: تيسير عووضة)
|
شكرا يا طلال تعيش وتصور وتبهجنا بالمشاركة من على البعد.
والله ده شغل مميز جدنا يا ريت نلقى نسمعه بس.
تخريمه:
عايزك تجينا بهناك في بوست نانسي واوع
تعمل خايف عليها من بعاشيم البورد
شجعها تجينا هنا.
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: تيسير عووضة)
|
سلامات يا تيسير ..
عقد الجلاد فرقة متميزة ، إذ إستطاعت البقاء
والمواصلة في بلد زي السودان وطننا اللئيم
المحبوب ..
وعرفوا كيف يكونوا صِلة وصل بين الثقافات
الموسيقية السودانية المختلفة والجمهور ؛
ده بالإضافة إلى الطرب وإسعاد الناس ..
____________
صورة خلفية
" محمد ، شريف ، أنور "
حفل عقد الجلاد على مسرح
" عبود " ، ببحري / 14 فبراير .
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: تيسير عووضة)
|
احبـــــــكـ يا طلال بكل صدق
قول لشمت المخستكــ وفي زاويه بعيده
معتصم قال ليك غني لي اغنيتكـ بتاعت المعهد ...
والله يا طلال تموت بالضحك ... ولكم جميعا عقد الجلاد وطلال
ورشا والوافر والكوبي وسودانيز وماما سعاد لكم حبي
معتصم
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
أستاذي الفاضل طلال عفيفي
الشكر كل الشكر لك وأنت تنقلنا إلي حيث كان مرتعنا وموطن بهجتنا....
أحلي الأوقات تلك التي كنت أقضيها في حفلات عقد الجلاد حيث كانت عواطفنا وأحاسيسنا تمور مع أغنياتهم الرائعة...
وهاهي الرائعة رشا شيخ الدين تنضم لذاك السرب الشامخ الذي يتنقل بين مواطن الجمال والحب ولا يستقر علي حال...
كامل مودتي وخالص تقجيري
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: Abir Abdulla)
|
الدكتورة/ الجيوكاندا = عبير =
كتب مره غسان كنفاني الى غادة السمان (( اذا كان علي ان اناضل من اجل ان
استرد الارض فقولي لي انت ايتها الجنية التي تحيك كل ليلة كوابيسي التي لا تحتمل
..كيف استردك ? ))
مثل ما اصابني من دهشة وانبهار وانا اراك اول مره فى تلك البلاد البعيده
ها هي عيوني تمارس ذلك التحديق والسفر الطويل .....اكان صيف ام خريف
ام شتاء لا اذكر على وجه التحديد لكن الذى اعرف هو ان تلك اللحظه حوت
كل المواسم والفصول .....هذا الذي تلبسين (الفستان) اعني جميل مثلك ويشبهك
الى درجة التطابق ....الابتسامة الحزينه الخجوله كالمونليزا تماما تارة تحس
انها تبتسم لك وتارة تحس انها تسخر منك ...الم اقل لك انها تشبهك..
بهذا ارجو ان لا اكون قد فتحت علبة الالوان التي تلاشت الوانها امام الماره
وعابرين السبيل ....لكن كان لابد لي من ذلك لتعبير عن ان الحرب قد تقف بوضع
السلاح والاستسلام من اي طرف لكن لن يعني هذا ان الحرب قد توقفت........
انا اعلم انك تفكرين في الهروب ايتها العصفورة نعم اعلم ان اسوار القلاع
لا تناسبك ولا اي اسوار بل تعشقين التحليق بعيدا ....نعم تزكرت شئ فات
علي ان اقوله لك قبل فترة قررت ان اصحب نفسي عبر القوقل الارض الى تلك البلاد
البعيدة ..تغيرت ملامح وتعرجات وغابت اماكن وطالت بنايات ...لكن من ينزع
عني جلد الماضي وعصب الذكريات......عبير انا لست ( فزعان) اي انني غير خايف
الاستاذ /طلال
اعزرني ان اقتحمت هذه الدار عليك لكن قلمي الملعون
حاول ان يستغل ضعفي ليكتب عن اساطير الخريق واورق في جيب القلب
وعبرك كثيرون جملت عليهم هذه الخرطوم
سليمان ابراهيم
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: Hussein Mallasi)
|
سلام يا طلال وشكرا على الجمال, وياريت لو سمعنا حاجة من هذا العمل الواعد !!
شايف بوستاتك كلها بقى عندها "حوار" (بضم الحاء), ولكن حوار "حاسد" ومثبط لهممك !! لاعليك , و Keep up the good work
و خلينا نشوفك تانى
عادل
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: عمرو كمال ابراهيم)
|
ماعارف يا تيتو
العنوان بتاعك فيهو حاجة ما ياها
كان ممكن اكون
كوبا مدريد الخرطوم ـ وبالعكس
او
رشا ورنالدبنبي الوافر الجلاد
يعني ليه الوافر صاحبي ده ظالمو كده
بدون عنوان
افتح قلبي
للتجارب الجديدة
ولي رشا والجلاد وريالدي وللوافر اشواقي
ودام صفانا
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: محمد سنى دفع الله)
|
مساء الأربعاء؛ و في نهاية الحفل و بعد انتهاء مراسم تكريم رشا؛ الوافر و الكوبي؛ و بينما الجميع يهم بالمغادرة؛
تحدث أحدهم في مايكروفون الحفل مردداً اكلشيهات شبيه بالذكرى ناقوس يدق في عالم النسيان و نحوها؛
فنقلنا من مسرح مدرسة مجتمع الخرطوم العالمية لمنتدى الخرطوم جنوب دون المرور بوسط الخرطوم!!
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: معتز جعفر الحسن)
|
Tallal wrote:
Quote: رشا يا فيصل عجيبة ..
عرفت كيف تتحرك بمخزونها الداخلي وتجوب العالم ،
حملت أغني أمدرمان والبنات وضفرتها بمزازيك الغجر
والفلامنكو وإيقاعات غرب إفريقيا ..
في أغانيها ، ترمح النايات ، وتدق الطبول ، ويتحرك
صوتها في مناخات مختلفة ، لكنها كلها ، قريبة للقلب ..
جاءت ، يا فيصل ، رشا إلى السودان ، وغنت لأول مره ،
وبينما أتفرج عليها من خلال الFainder حق الكاميرا ،
لمحتها تبكي ، وعيناها تدمع ..
نسايم عطبرة الحلوة من قطار الشوق أبكتها ، والتواجد
وسط الناس .
كم كان هذا البلد ولا زال قاسياً على بناته وأبنائه ..
لماذا تركهم يرحلون ؟
|
What a great poetic words that expressed our feelings, at least mine...
Thanks Ya Tallal for becoming our voice and our eye that monitor these beautiful people...
mohamed elgadi
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
يا طلال يا بن ام طلال اقعد اعمل فينا عمايلك دى...
الواحد كان مرتاح في كآبتو متيقن و راكز انو مافي حاجة لذيذة و سمحة قاعد تحصل...
تجى انت نابل بي اخبارك و كلامك الكيف كيف ده (وتوجد صور .. كمان) تلخبط لينا حساباتنا و تجهجه يقينا و نبدا تااااانى نقول: القصة دى لسه فيها باقي نفس ...
غايتو .... كتر خيرك يا صاحب، بتعرف شنو البستحق يتصور و شنو البستحق يتكتب ....
اميمة دى حكاية براها .... و معاها لئامة كمان ( غايتو يا السودانيين في الغنا البالاسبانى كلو ما عارفين الا كوانتاناميرا ... والقمتنى حجرا في نص الرويال فيستفال هول وانا جاى "اتراشق" زى صاحبي خدر)
الله يديك انت و كاميرتك و اصابعينك و عيونك اللقاطات ديل العافية و يبعد منك الحساد و ابناء السبيل و العاملين عليها يا طلال يا بن ام طلال
اميييين
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
عيك،
ألحقوا الزولة دي غرقت!
الشغلانة شكلها جينية وأولاد شيخ الدين ديل فيهم حاجة من أهل الله
حيث قال ليك الصادق شيخ الدين لو لحق غرق تاني الكشافة البحرية كلها ما تقدر تطلعوا
يا طلال إعجابي بذكاء عدستك زاد بالشوت دا حبتين
حيث المرة دي عدستك كبشرت أحاسيس ما خطوط وملامح
| |
|
|
|
|
|
|
|
|
|
Re: رشا شيخ الدين وعقد الجلاد ... (Re: طلال عفيفي)
|
عفيفي الفنان
حضرنا الأمسية البديعة
والصور الجميلة ورتنا الحفل بعيون تانية وزوايا تانية شكراً ليك ياخ
لكن ليه يا طلال ما صورت الجمهور ، وده ذاتو ما كان إستثنائي ويستحق التصوير
الجمهور يا طلال صفوة سمحين ونضيفين وماكلين ثلاثة وجبات زي ما بيقول صلاح الأمين
ولسان الحال بيقول إنه البلد دي خلاص أتفرزت كيمان الناس اللي فوق والناس اللي
تحت علي رأي عمنا نجيب سرور ... الله يرحمه
رشا إنسانة فنانة ومبدعة حقيقية وصوتها من أجمل الأصوات الزول السمعها ،،،
وبالمناسبة الإنسان ما شرطا يكون عنده موهبة الصوت الجميل عشان يكون فنان حقيقي
لا في حاجات تانية خالص بتخلي الإنسان فنان حقيقي ،،، ورشا عندها كل حاجة بتخليها
تكون فنانة ،،، وبتسآل معاك ليه بلدنا دائماً بتطرد الناس الجميلين والحقيقيين
ويقعدوا لينا الناس المزيفين ،،، خسارة يا بلد ،،، الحفل ده ملا الزول سعادة
لحين اشعار آخر ،،، شكرا رشا وعقد الجلاد وشكراً طلال عفيفي
| |
|
|
|
|
|
|
| |
طلال عفيفي
fadlabi
mohmed khalail
Hussein Mallasi
tmbis
Dia eldin khalil
اساسي
يازولyazoalيازول
Bannaga ELias
فيصل نوبي
Azhari Nurelhuda
Magdi Ahmed Elsheikh
Ibrahim Algrefwi
عمرو كمال ابراهيم
mamkouna
Mohamed Ahmaed Olyesh
الجندرية
شهاب الفاتح عثمان
تيسير عووضة
Tragie Mustafa
معتصم ود الجمام
bakri abdalla
نها محسن أبورأس
Abir Abdulla
suliman ibrahim
محمد الامين احمد
Alsa7afa_30
محمد سنى دفع الله
Raja
Tagelsir Elmelik
معتز جعفر الحسن
فيس بوك
تويتر
انستقرام
يوتيوب
بنتيريست