|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: لليسار دُر ! (Re: طلال عفيفي)
|
طلال عفيفي
اشعلت وجعاً في الصدر وفكرةً في الراس
انا شخصياً ما زلت انتصر لمجموعة القيم اليساريه باعتبارها خيار حقيقي للانسانيه التي تخسر بشكل فادح امام تحالفات الراسمال والتدين السياسي والعسكر ....مازال اليسار والماركسيه عموماً - يمنحنوني ادوات ملائمه على المستوى النظري للتحليل والتفكير واستخلاص النتائج وقراءة المشهد، هذا مع التأكيد ان ادوات التحليل الماركسي هي ادوات خاضعه للتطور المعرفي ولما تمدها به الفتوحات الجديده في العلوم الانسانيه.... مازال اليسار حتى الان يشعرني بقيمتي الفرديه في اطار المجموع. وان هذا الخيار لايمكن تحققه إلا في اطار عمل جماعي منظم وواعي لما يراد مناهضته وتغييره ... مازال يدفعني للفعل والتفكر واتخاذ المواقف.....اليسار والماركسيه مجموعة افكار قابلة للتطوير والمراجعه والتامل لما تحمله من قيمة نظرية وانسانيه عاليه، من زمن وأنا أحاول أن أغازل ماركس عبر بيانه الشيوعي ، أجدني الآن قادرا على فهم إخفاقات التجربة هناك ، بعد تأمل طويل وقراءة متأنية لمعطياتها .
.. شكراً عفيفي.. قد حركتِ أمور لاتزال قابعة في دواخلنا .. لم تنته .. ولن ..
...
وإذا الأحلام سئلت
بأي ذنب وُئدت
وإذا النجوم حزنت
من بزوغ الشمس يئست
وإذا الجبال اهتزت
ولطمت على صفح الزمان
وندبت
أدركت العصافير لمَ هُجّرت
وغُرّبت
لااعرف لمن هذا النظم
شقرور
| |
 
|
|
|
|
|
|
|
|
Re: لليسار دُر ! (Re: شقرور)
|
سلامات يا شقرور ..
طالما الأحلام بخير ، فالحياة ممكنة ..
أي واقع جميل كان في البداية حلم وإنتظم
بعد كده بالعمل والإصرار على الحياة ..
مش كده ؟
شكراً شديد لمساهمتك الجميلة ..
وخليك بخير ..
[/bue]
| |
|
|
|
|
|
|
|
|
|
Re: لليسار دُر ! (Re: امل احمد عمر)
|
تحية الأمل والعمل يا أمل !
قالوا دي كانت تحية الناس الشيوعيين في اليمن الجنوبي
أيام معارك ظفار ، وهم شافوا في موجز التحية دي إنو
الحلم مرتبط بالواقع والأمل بالعمل ومن كد وجد وأشياء
من هذا القبيل .
في خصوص إرتباط الفنانين بالحزب ، أفتكر إنو الإتنين
( الفنانين والحزب ) قدموا لبعض الكتير وإنو كل طرف
أضاف للطرف التاني ..
مع إنو مرات الفنان بيتزنق ويشعر نفسو عدم المؤاخذة
محشور إذ أنه إنسان بطبيعته متجاوز الأفق السياسي بما
يمكن أن تسميه حالة تماهي أشمل وأكمل مع الكون ..
المهم والبيحصل إنو بتظهر آراء زي رأي الأستاذ جان جينيه
في إستحالة أن يكون الشيوعي فناناً وهو بيعتقد إنو واحد
زي الأستاذ الشاعر بريشت قد أضاع عمره هبطرش بإنتماءة
وإلتزامه بالحزب الشيوعي والخط العام ومش عارف إيه ؛
غايتو كلها أفكار ووجهات نظر ، المهم إنو الإنسان يخلق
تجربتو الخاصة ويعيشا بمحبة وصدق ما أمكن وبعد كده على
الباغي تدور الدوائر ..
يلا سلامات
| |
|
|
|
|
|
|
|
|
|
Re: لليسار دُر ! (Re: osama elkhawad)
|
لا وإنت الصادق يا طلال فـ "نوادر"
بعض الزملاء تُبكى بقدر ما تًضحك
من شر بليتها ، مثل ذلك الزميل الذى
كان "يحرد" الغدا إذا ما إنهزم
ثنائى المصارعة إيفان ونيكيتا
كولوف ، وكان لا يخجل من أن يحكى
وبحسرةٍ تقطّع نياط القلب عن كيف
هُزم "الزميلان" بأيدى المصارعين
الرأسماليين ؟؟؟!!
ويا طلال الحكاية شنو ، إحنا رجعنا
عشان السودان فيه إنتو... تقوم تقعد
هناك بوشك؟؟؟ ياخى ما للخلف دُر خلاص ،
تعال وجيب باقى الحكاوى معاك ، بس بعد
ما تشرب الينسون الساخن ... يا شقى
| |
|
|
|
|
|
|
|
|
|
Re: لليسار دُر ! (Re: عبدالله شمس الدين مصطفى)
|
سلامات يا عبدالله
رجعت للسودان في الايام المنصرمة (إبه رأيك
في المنصرمة دي ؟) ..
أحاول أن أستعيد توازني كالعادة ، وأحلامي
لا تزال ملبطة وممسوسة ، إذ أحلم بحاجات لها
يا صديقي العجب ..
| |
|
|
|
|
|
|
|
|
|
Re: لليسار دُر ! (Re: طلال عفيفي)
|
اعتنقنا الشيوعية بحثاً عن حق ضائع للجماهير و لنا)
لقد صدق صديقك يا أمجد ..
وعندما تتعبني تعقيدات الوضع السياسي الراهن في السودان
بلقى مظلة الإرث الانساني للحزب خير معين على ذلك
لانو الغلابة والمهضومين كتأااااار في بلدي ...
فاكيد قلبو كبير ويسع الكل ..
مودتي
| |
|
|
|
|
|
|
|
|
|
Re: لليسار دُر ! (Re: طلال عفيفي)
|
طلال...
ســـــــــلام
دخلت هنا علي أمل....قلت إمكن الناس ديل لقو شـليل
لا لقيت شليل...ولا شايف التمساح....ولا شبح الدودو.
الناس الفوق دى كلهم عارفين التمساح والدودو وحتى الجن المسلط السكن وحلف مايمرق دا.
لحدى مـا أجى ...أمسكو فى عصام ود جبر الله ...الزول دا أظنو عارف شـليل الجن دا طار ويــــن..لكين بس غتاتة منو ما داير يقول...
وتصبحـــــون على يســــار حــديث
وســــودان حـديث
وحاشا أن أقول جـديدين.....
| |
|
|
|
|
|
|
|
|
|
Re: لليسار دُر ! (Re: SAIF MUstafa)
|
سلامات يا سيف ..
قلت أنك إفتكرتنا لقينا شليل ؟؟
يا راجل ! شليل ده إحنا نسينا إسمو ؛
لكن تعرف ، سألة أن نمسك في عصام قوي
دي ظريفة ، ونصيحة تمام ، انا عن ذات
نفسي ماسك فيهو ، مُخي زي ما تقول كده
بيتكيف لكلامو ..
شكراً يا سيف ..
| |
|
|
|
|
|
|
|
|
|
Re: لليسار دُر ! (Re: طلال عفيفي)
|
طلال يا عفيف ...
كلماتك تمسح عن القلب الاحزان ... و تغسل وجه الصباح بماء الورد
Quote: لا شك , طبعاً , أن الإنسان يساري بالفطرة .. فالنزوع
للعدل والسلام والحرية نزعات إنسانية صميمة |
كملتا الكلام السمح كلو يا طلال ... ابصم بدمي علي ما تقول
الانسان يساري بالفطره يكره الظلم و الضيم ... و اليساري يعادي العنصرية و التميّز
بين بني البشر علي اساس اللون او العرق او الدين لذلك دعوة لك و لضيوف صالونك الانيق هذا
لتشمير السواعد ضد اسقاطات بعض العنصريين بيننا .. من اجلنا من اجل اطفال حلوين قادمين
ضد العنصرية و نحلم بالسلام جميعا
الكوز العنصري علاء الدين يوسف .مثال حي لأستهبال الجلابة في السودان.
اعزرني يا عزيز ربما عكرت صفو الصالون ببعض من دخان معارك الحرية و الخير و الجمال
| |
|
|
|
|
|
|
|
|
|
Re: لليسار دُر ! (Re: خالد الطيب أحمد)
|
خالد سلامات ..
شكراً على الكلام اللطيف الظريف الإنت كتبتو
في حق المكان هنا والكتابة هنا ؛
مشكلة العنصرية دي كمان من المشاكل التي
يشيب لها الولدان ، حاجة قميئة وفيها إرتداد
وضحالة ، وبشعر كمان إنو الإنسان العنصري ده
إنسان بيكره نفسو في المقام الاول ، كذلك
بشفق عليهو من الزنقة الهو مزنوق فيها ، فما
أصعب أن ترى العالم من خلال ماسورة .
المهم ..
بتمنى الصراع في المنبر ده ، وفي السودان
كلو بتحول لصراع ذهني ومنتج ، لأنو والله يا
خالد البيحصل ده شي ركيك .
وإلى لقاء قريب يا صديق
| |
|
|
|
|
|
|
|
|
|
Re: لليسار دُر ! (Re: Amjed)
|
... ماذا يا صاحب ؟؟
ما أسكتك يا طلال ؟؟
أعرف .. تقتلك الكلمات الخناجر ..
و الكلمات التي تتراص جدار و غصة .
لا عليك ..
تحي كلماتك بعض موات فينا يا صاحب ..
من أجل ذلك .. عد .
إن كان في الكأس باقٍ .
| |
|
|
|
|
|
|
|
|
|
Re: لليسار دُر ! (Re: Emad Abdulla)
|
ربما تتعذر الفواصل ...
بين يمين ويسار حين الأمر
يهم كل الناس , لكن أعلم
أن لليسار { تفرده } في
توقيع أحواله بل ومحالته
{ فرز } أفكاره عن خصومه
التقليديين والمحدثين كذلك.
فاليسار كمنطوق إستراتيجي في
سياستنا المعاصرة , هو من إنتاج
الرأسمالية وهي تتزيأ بالقبول
وتفرد للآخر مكانه ووضعه حتى في
داخل البرلمان ... والحادثة آيها
تتصل لأول مرة فى التاريخ بإجتماع
الأنقاض الفكرية ... على هدي إختيار
الناس فى البرلمان الفرنسي عشية
{ تعديل } الثورة وإعادة إستيعابها
كتيار سياسي وليس كسلطة مطلقة, وربما
كان هذا أفصح الدلائل التاريخية على
إنتصار الأفكار الليبرالية وهي تعي أن
بقاءها لا يمكن أن ينفصل عن غريمها
التاريخي ... فنجحت الرأسمالية فى تقنين
الإختلاف وأنابت أفكارها للسعي بين الأمم
على سبيل الإستهداء آنف الذكر ... وهذا فى
حفظ التاريخ ... ورعايته.
فيما فشلت الماركسية فى الأتيان بتصور مشابه,
وإعتمدت على الدوام حالة { التثوير } كخاصية
آيدولجية مطعومة بفرضية الصراع الطبقي ... أو
لأجل الإنتصار للفقراء ... فإعتمرت تجربتها علي
هذا الأساس ... أي كيف يهزم الفقراء الأغنياء,
وكيف يحلون محلهم ... فرضية { عجيبة } إنزوي
تحت سطوتها الإنسان لذاته الفطرية قبل الفكرية
وتوغلت فى أحشاء الفكرة الماركسية مضامين تجريدية
تتعامل مع الإنسان وكأنه { حيوان } إقتصادي محض ,
فجردته عن تاريخه وثقافته ودينه إن وجد ومن نوازعه
الأخلاقية الرامية للعدل من خلال المسلك الإنساني وليس
من خلال { دهم } فكري يستوجز التاريخ فى غير أنصابه,
... أو هكذا كانت الماركسية.
اليسار فى ظرفية المجتمع الإنساني الغابر هو إحتمال
الآخر { المظلوم } وفي إسترفاقية المجتمع المعاصر هو
شكل من أشكال البحث عن فضيلة { غائبة } ... بمعني
إعتماده على إثارة العواطف وهي ترنو للعدل ... لكن
خارج منظومة الواقع وعبر إستدلالات ومرجعيات ذات طابع
فكري أكثر من كونه موضوعي .
واليسار ما يزال معتقلا فى أقبية فكرية عفا عنها الزمن
وألزمها عضير التجربة ... لهذا فهو { خجول } يسترعي
لحظة إستثنائية فى حياة الناس وليس فى غمارها.
لكن ... وفي الإرث اليسار ... صلاة أفقية لأجل الناس ,
وإستعمادات نافحة لأجل فكرة { عمودية } ... وهنا مغايرة
لا تلزم كل الناس ... بل هناإستحضار نظري لهوف لأجل الإستعاضة
عن الواقع الموضوعي بالإبتهال الفكري ... إذن فإحدى مشاكل
اليسار ... غربته بأصاله ... وشفاعته بوكالة .
وربما فى الحديث بقية ...
ما تنقطع يا طلال وإلا فكيف نقيم أحوال الحائط والظلال...؟
مع مودتي
| |
|
|
|
|
|
|
|
|
|
Re: لليسار دُر ! (Re: HAYDER GASIM)
|
طلال .. كلامك سمح وساهل وعميق وصادق .. يستحق
أن يقرأ كلمة كلمة .. كلامك وكلام المتداخلين أيضاً..
لكين قلت ليك: إنتا معلق صورة القذافي دي ليه؟ ..
أنا برضو علقت صورة جيفارا زمنا .. وكانت قراءة
مذكراته تسكرني .. وكنت أقرأ منها لأمي التي
ما كان يهمها جيفارا في شيء بس كانت بتجاملني ..
وواحد قريبي (مزارع) كان معلق صورة لينين في بيته ..
وفي أحد الأيام زاره أحد شيوخ الحله وسأله من
الصورة .. إنتا المعلقو ده المرحوم أبوك؟
فرد عليه: في الحقيقة أيوه ..
يحكى أن الرئيس نميري بعد إتفاقية السلام 1972
زار الجنوب وخاطب الجماهير : الشيوعيين بقولوا
أنا برجوازي صغير .. فرددت الجماهير:
برجوازي كبير يا نميري .. برجوازي كبير يا نميري ..
بمثل لغتك السهلة ونفسك البارد ده يمكن إدارة حوار
عالي القيمة .. ربنا يدينا الوكت نقرأ فرأس المال
أكل كل الوكت .. فلا وقت للحب ولا وقت للحوار الهاديء
| |
|
|
|
|
|
|
|
|
|
Re: لليسار دُر ! (Re: Mohamed Abdelgaleel)
|
سبحانه ..Quote: ولازلت أحاول مقاربة كلماته بما كتبت ، عسى ولعل ،
لكني أكيد أنه يريد تنبيهي إلى حاجة ربما فايته علي .. |
يا وسيم الكلام ..
ما عندي شغلة بالداير يقولو الخواض ..
منيت نفسي بوليمة كلامك .. البيدخل - على القلب و الروح - و ينغز .. خفيفا ثقيلا .
فليقل النحاة و حراس الكلام قولهم ..
و ليقل المتثاقفة و جواسي أحراش النوايا ما يقولون ..
و مثل ذلك فليفعل غلاة الرقابة و الاوصياء .
و ليغضب الخواض مما أقول ..
و تصفح انت بوسامة روحك - كشأنك الدائم -
أتذكر .. وضع الخواض - في ذات بوست لك - شيئا يشبه هذا ..
من إشفاق عليك .. ربما ..
فأمسكت أنت عن الكلام , و كنا نثرثر حينها - كما تفعل الناس -
و نتحادث نتحادث عن هذه الدنيا و أحوال الخلق و البلاد .. في أمانة الله ..
و كنت تصدقنا القول في حميميتك التي نعرف , و صدقك النبيل .
فأصمتك القول حاد النصل .
و ها يفعلها ذات القول بذات نصله .
ياخي يا طلال تعال و قول كل الكلام ..
أو ..
| |
|
|
|
|
|
|
|
|
 Re: لليسار دُر ! (Re: Emad Abdulla)
|
والله نحنا مع الطيور
الما بتعرف ليها خرطة
ولا في إيدها جواز سفر
نحن يا طلال كما قال صمامنا لهذا الزمن
صاحب الريشة التى لونت لنا ملامحنا
مصطفى صوت الناي وإحساس الحياة ونبضها
الذي تواري فقط عن انظارنا
لكنه في دواخلنا ينبض في قلوبنا ويسقي جروفنا
ويفيض لينا أمل بيوم بكرة الجميل
راجينا في الرواكيب الصغيرة
الحتبقى أكبر من مدن
لأجل هذا الوطن
لأجل أجمل الأطفال القادمين
لأاجل الحق
لأجل الأنسان
و لأجلي
لليسار أدور
| |
|
|
|
|
|
|
|
|
|
Re: لليسار دُر ! (Re: Osman Musa)
|
يمسخ الكلام ... عندما يكون ردودا باردة,
... أو كما بدأنا نحس بإنخفاض درجة حرارة
البوست لغياب صاحبه ... مع هذا ... فلطلال
العتبى حتى { يظهر } ... لكن ولأن مشاعرنا
غير قابلة للتأجيل ونحن نمر على { كرمة }
اليسار ... فأقترح مناوبا يحمل أعباء الرد
ويعيد تأهيل البوست فى سياق الزمن الكوني,
وأرشح لهذه المهمة ... أخي عماد عبدالله ,
فمن أحاسيسه تقلع أهليته ... فما رأيكم؟
مع مودتي
| |
|
|
|
|
|
|
|
|
|
Re: لليسار دُر ! (Re: HAYDER GASIM)
|
سلامات يا حيدر ..
لقد إستمتعت وإنبسطت إنبساط شديد بقراءتي
لكل ما كتبت في هذا البوست ..
بشكرك شديد ، وربك يديم علينا متعة الكتابة
والقراءة والحوار ..
تعال نواصل ..
| |
|
|
|
|
|
|
|
|
|
Re: لليسار دُر ! (Re: Osman Musa)
|
العزيز عثمان ..
أموت وأعرف حكاية أبو كديس (رمز الجودة) !
أكيد برضو ورا الأمور أمور ، ووراء أبوكديس
حكاية مخبوءة ..
انا غايتو من دربي هذا سأبدأ في الفحص والمحص
لغاية ما ألقى قرار الموضوع ده ، دعواتك .
سلامات  [/blue
]
| |
|
|
|
|
|
|
|
|
|
Re: لليسار دُر ! (Re: Mohamed Abdelgaleel)
|
Quote: وواحد قريبي (مزارع) كان معلق صورة لينين في بيته ..
وفي أحد الأيام زاره أحد شيوخ الحله وسأله من
الصورة .. إنتا المعلقو ده المرحوم أبوك؟
|
بمناسبة الصور دي يا محمد يا عزيزي ، حدث مرة أن جاء
مجموعة من رجال الأمن للقبض على راجل صديقنا وكان الرجل
محباً للموسيقى ما جعلة يعلق صورة المرحوم لودفيغ فان
بيتهوفن ، المؤلف الموسيقي الكبير !
فما كان من رجل الأمن إلا أن صرخ :
"أيوه سعادتك .. يا هو ده معلق صورة كارلو ماركو !"
مُشراً إلى صورة بيتهوفن ، المؤلف الموسيقي العظيم ..
ولله عاقبة الأمور .
| |
|
|
|
|
|
|
|
|
|
Re: لليسار دُر ! (Re: Emad Abdulla)
|
عماد ..
شكراً على العزومة ..
وفي الكأس باقي شديد !
ذكرتني بواحد أستاذنا كان بيحب يغني في القعدات
مع إنو صوتو زي صوتي ، فكان يرفع عقيرته بالغناء
وهو جالس في نص الشباب ويطلب منهم أن يشيلوا معاه
فيغني ويشيلوا معاه ويفضلوا يشيلوا ويشيلوا في
إنتظار أخينا يدخل ويواصل الغناء فينظرون إليه
ليجدوه ناااااايم !
شفت يا عماد راحة البال دي كيف ؟
اللهم أرزقنا بنومة بين الكوبليه والكوبليه ..
| |
|
|
|
|
|
|
|
|
|
Re: لليسار دُر ! (Re: طلال عفيفي)
|
طلال إزيك
طالعتك كما يجب ياصديق
وأعجبنى نقشك,
فقط
لليسار خاصيته فى كل ثقافه,
ومن المدهش أن تطالعنا أحزاب شيوعية أوروبيه عتيقه بأفكار إشتراكيه تستحق الوقفه, فبعد تغير شكل الطبقه العامله وإنتشار ثقافة الحقوق
والواجبات تجاوزت هذه الأحزاب مرحلة الثأر الطبقى والشعارات الفضفاضه وأصبحت تعمل لصالح مجتمعاتها,
ربمالاذال الطريق أمامنا طويلآ ولكنى أشك فى تمام إخضراره..
| |
|
|
|
|
|
|
|
|
|
Re: لليسار دُر ! (Re: خطاب حسن احمد)
|
طلال سلامات
كدى يازول اكسح على النو احى ديك
أيام معارك ظفار،
تحدث الينا عن الفنانين
زمن الغناء السياسى الممنوع
فى اليمن الجنوبى تلك الايام
ونفس اليسار
الامل
الخوف
الجهل
وصراع الجيران...
يا طلال
خلاف انك فنان كلام
انت كمان رسام
ريشه مدربه
الوداك تبحبت فى جبال الحضارمه شنو ؟
الناس ديك عندهم
تاريخ حركات تحرر جد جد
عندهم تاريخ يسار
يشبه فى جماله
العيون التى خلف البراقع .
اكتب
اكتب عنه حتى لا يضيع بين صمت الجبال
لك ولهم تحية الأمل والعمل والامانى التى لا تعرف الفتر والحب الذى
لا يقف فى حدود ضيعتنا
تاريخ مليان بعطر العود
ودخاخين البارود
طول بالك واكتب عنه
يلا تمدد
انت خبير بشعاب تلك الجبال الصابره
| |
|
|
|
|
|
|
|
|
|
Re: لليسار دُر ! (Re: Osman Musa)
|
Quote: يحكى أن الرئيس نميري بعد إتفاقية السلام 1972
زار الجنوب وخاطب الجماهير : الشيوعيين بقولوا
أنا برجوازي صغير .. فرددت الجماهير:
برجوازي كبير يا نميري .. برجوازي كبير يا نميري .. |
شديدة دي ..
حكى أستاذنا جعفر عباس أنه حدث في إحدى أعياد ( الوحدة ) أيام أب عاج , أن خاطب الأخ الرئيس الإمام القائد الملهم تجمعا جماهيريا في أحد الأقاليم ..
و بعد ان هراهم بإحدى خطاباته الجهبوزية ..
هتف فيهم هاجماً : لا شمال بلا جنوب , ولا جنوب بلا شمال ..
فهتفت الجماهير البسيطة مرددة خلفه : لا شمال ولا جنوب .. لا جنوب ولا شمال .
علق أستاذنا جعفر بـ :
قلت ليهم : أحسن برضو
مساء الخير يا صاحب ..
| |
|
|
|
|
|
|
|
|
|
Re: لليسار دُر ! (Re: خطاب حسن احمد)
|
خطاب !
يا سلام لمن أسمع إسمك أو تجي سيرتك ،
قلبي بيتغسل بالذكريات الجميلة الدافية
وبتذكر حاجات كتير حبيتا بسببك أو إتعلمتها
منك ..
حسه بتذكر الشنطه الجلد والورق والسجاير الدنهيل
الكنا بندخنا في الأسكندرية والدنيا شتا بارد لكن
حميم ..
أقلام الرصاص وأوراقك وصوتك العجيب ..
يا سلام عليك يا خطاب ..
مشتاقين ..
| |
|
|
|
|
|
|
|
|
|
Re: لليسار دُر ! (Re: الجيلى أحمد)
|
شكراً ياالجيلي ..
الطريق امامنا طويل ، ممكن أوفقك طبعاً ،
خصوصاً إننا محتاجين كمان نعرف إحنا منو
وعايزين شنو ..
أنا شاعر إنو حتى إحساسنا بنفسنا غايم
وضبابي ..
جزء كبير من المشوار بيكون إكتمل لمن
نتعرف على روحنا .. أتمنى ده يكون يوم
قريب ...
سلامات
| |
|
|
|
|
|
|
| |
نهال الطيب
طلال عفيفي
Amjed
osama elkhawad
عبدالله شمس الدين مصطفى
امل احمد عمر
SAIF MUstafa
Emad Abdulla
HAYDER GASIM
Mohamed Abdelgaleel
Osman Musa
الجيلى أحمد
خطاب حسن احمد
nada ali
فيس بوك
تويتر
انستقرام
يوتيوب
بنتيريست