محجوب شريف ( عودة المحبوب ) ..
سلامات يا سيد الكل سلامات عليك بين أهلك وناسك والبنات البحبوك والأولاد المغرمين بيك يا حبيبنا ووالدنا الذي أحبنا مليون حباب .. سلامات يا عم محجوب وإنت بتزرع فينا من تاني حبك وحلاوة لقاك عشنا الأيام الطويلة في غيابك مساكين وما إتلمينا ، إلا بيك يا حُبنا .. مرحب بيك في بلد إنت سيدا و أجمل ناسا مشتاقين كتير يا سيد الكل في مدة قصيرة ، إنتشر الخبر يا عم محجوب ، قالوا إنك جاي أخيراً يوم الإتنين ، لترد عنا غربتنا وترجع لينا تاني صبوح الوجه بشوش . إتحركت في قلبي فرحة نادرة ، فأنت سندي ورمزي الأثير ، وبحبك وكأني منك ، ولمن أشوفك بتراودني نزعات وثنية ، داير أبوس يدك ، وأشيل ريحة عمتك في نفسي وأتنفس هواء عرقك الطلق ، بشوفك يا محجوب وكأن لا أم لي ولا أب ، إبتسامتك تملا علي الفضا والدنيا . يا محجوب ، أنا طلال .. إبن النقادة الطيبين ، الحلب المستورين ؛ أبن البلاد التي علمتني كيف أشيل همها ، بحبٍ ورفقٍ ولين . لو أحكي لك كيف قلبي عمران بالحب والمودة والتبجيل والإحترام لو أحكي لك كيف قلبي مشتاق إليك وملتاع هايم لو أحكي لك كيف أنا في رجاك يا سيدي ... لما صبرت وعدت إلينا طوالي والله يا محجوب شريف . ________________________________________________ عصر الإثنين 19 مارس ، عاد إلى البلاد إبنها وشاعرها المحبوب محجوب شريف ، بعد رحلة إستغرقت الأشهر ، طال فيها إنتظار محبيه .. وفي مطار الخرطوم ، ذلك المساء .. تقاطر الناس إلي حبيبهم لإستقباله ، وتلاقى الكثيرون على شرف هذا الإستقبال .. سأحاول هنا ، وبقدر الإمكان أن أشارككم برصد زوايا مختلفة من ذلك المساء بالمطار .. وربنا يسهل .. الأستاذ التيجاني الطيب بابكر ، سكرتير اللجنة المركزية للحزب الشيوعي ورئيس تحرير الميدان الشاعر محمد طه القدال وعلى خلفيته الصديق منعم رحمة الإسم الكامل إنسان : أغنية رددها الشعب طويلاً طارق الأمين ، أحد أجمل أبناء الخرطوم إنتظار عجيب ! الشاعر محمد الحسن سالم ( حُميد ) وخلفه الأستاذ محمد إراهيم نقد الشباب النضير الأستاذ محمد الأسباط ، أحد مؤسسي ومنظري الحزب الجمالي (شباب نضير برضو!) أمنيات بعمر طويل .. آمين تحولت كلمات محجوب شريف إلى شعارات تدفع وترفع الهمه مصطفى والقدال ، يتوسطهما الأستاذ أحمد طه المؤرخ محمد سعيد القدال في إنتظار محجوب شريف عناق بين الأستاذ أبوبكر الأمين ومحمد أمين عمر ومصافحة ودودة بين أبوبكر والأسباط كل ده إنتظار وشوق يا خضر ؟؟ لن تندم أبداً على هذه الصورة يا صديقي الصغير د. الشفيع خضر الأستاذ الشيخ عووضه والتيجاني الطيب ، سنوات من الرفقة والصبر الفتى اللطيف والمناضل الحقيقي ، محمد سليمان حُر ناس (!!) يا عم محجوب ، أمرق لينا .. طارق الأمين وعبد اللطيف عبد الغني يغنيان : الشعب حبيبي وشرياني القدال في إنتظار صديق شمت محمد نور ، مشتاقينا يا محجوب شريف تطلعات ! بتبالغ يا عم محجوب عيون مكحلة بالشوق ومحبة صافية الأستاذه نجاة محمد عثمان تحدق في القادمين ! معروف حمدين ، إنعام حيموره ، خالد ماسا كانوا هناك وكان هناك هذا الشاب الظريف ثم .. ظهر محجوب زي الندى الشعور بالفرح غمر الناس الأستاذه حواء الطقطاقه ، سباقة كعادتها ودامت الأفراح (عدل بواسطة طلال عفيفي on 03-22-2007, 01:29 PM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]