|
كتب الكاتب الفاتح جبرا المتوفرة بمعرض الدوحة
|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: حتمال يا ود حلتنا ابن الفاضلاب يكون عنده كتاب الكتروني EBook متل كتاب بت مصطفي
فهي ادتني كتابها وسافرت ولمن استخدم هذا الجهاز الغريب بيكتب لي الرد مرتين وثلاث واقوم
انا ادخل مرة ثانية واشطب الرد واكتب شطب للتكرار ....
ودمت بخير وصحة وعافية |
يا بـ سـ مـ ات
وأنت تكابدي مرارة الغربة من الحبان والأهل
أسمعي كلام الشيخ الشاعر المرهف عبدالقادر الكتيابي
شاعر قصيدة لمحتك التي ترنم بها الفنان مصطفى سيدأحمد عليه رحمة الله
غُربــــــة
ترانا هوينا في الغُربات
علي عين اللَّهب عِنيَة وحِراقة روح
وما مِن صحرا بقَّت فيها نار الزيت
ولا براق توهج وين ...
ووين مايكون ...
ولوَّح بي عسى ويا ريت
حزمنا رِحالنا طِرنا وراهو من البيت
عشان البيت ...
جبرنا المُر ...
علي حالّنْ بِقالنا أمَرْ
والله الغُربة ما بِتسر
سُواة المستجير بالنار
لقينا الغُربة سِجن الحُر
ترانا علي الصحاري البكما يا أم الحسن
سردبنَّا لي المكتوب
نسيح ونسوح
شنو الوكّرنا في ها الضيقة بأسم الدين
بعدما كان وكُنا صحابة
كان أخلاق
وقولةحق
وكان تُقابة
كان سيرة شرافة ولوح
صِبح لوحات علي الأسوار
ومليون ميل !!!
بقت زنزانة وين بنروح
شنو القسمنا بي الكيمان
علي ستين ....
وعلي بيتين ...
وكل قطيع علي جناحين
وكُل جناح علي ريشتين
شنو الخلانا لا حاضرين
ولا غايبين
وما بين بين
بقينا الليلة بي عسكرنا
بي سُكرنا
بي لوز القطن
بي زيتنا بالجامعات
تطير عيشة الوهم والهم
تطير العطشة بين نيلين
وين بنروح وين بنروح
ورانا عيون صغار وكبار
وكمين تار
خنق بي العبرة حلق الشارع المبحوح
ومرهون الوكن يا يمة
فوق رأس الوطن والقوس
يبس ...
كسر سهام النار وجفَّ البوح
شنو الوكَّرنا في ها الضيقة
يا صاب السهم في الدَّروة
يا صب حشاك محروق
ولو جاز المراد يا يمة
ولو كان اليمين مطلوق
يمين ما بنشنق فارساً
متل ود أبـ كريق في السوق
حليل السوق
حليل الشارع المخنوق
حليلك يا وطن مسروق
| |
 
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
Quote: انتو ماعارفين اميرة عَيَّنتني الفا للفصل ده؟
وعَيَّنت بت عبدالرحيم نايب الفا علا بت عبدالرحيم
حنينة بِتسيب الفصل يهرجل ـ وانا هسع قعَّدت ودشيقوق
وودالبوش في الكنبة الورا ماشايفنُّهن حردانين وما قاع يرفعوا
إديدينهم ,, تاني كان ماشاركوا بنادي ليهن ولاد كٌبار من رابعة
عشان يشدوهم علي الكنبة |
زمان عشة الفلاتية كان بتقول أنا وأخوي الكاشف
في سنة 2014 أنت قلبتها أنا وأختي عشة
قادر الله الخلق ودباشري
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
| Quote: ياخ احب دين كسلا وناس كسلا ... وحبيت عشانكم كسلا .. |
كســـــــلا اسيرة القاش
مدينة لها في الفؤاد معزة أستنشقها كل لحظة وكيف لا وكانت أول
صرخة لي في هذه الدُنا هناك وفي مدفن صرتي
وقسي المسافة بين شندي وكسلا تصلي لوزن المعادلة شوقاً عارم يهدم كل ما يقف أمامه فعل القاش
عندما ينحدر من الهضبة الأثيوبية
تسلمي يا منى بت عمسيب على هذا الفيديو الجميل الذي جمع بين قمتين توفيق صالح جبريل
الفنان المبدع عبدالكريم الكابلي
وهنا أسحق الحلنقي وياسر بورتسودان في حبيت عشان كسلا
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
الإمام في الخُطبة بتكلَّم عن الحور العين
والجماعة وكأن علي رؤسهم الطير لان الامام
لسانو حلو وحديثو جذاب غايتو ريَّح ليك الناس طاب
أها في النص التاني من الخطبة قال ليهم وكمان ابَشِّركُنْ
بشارة تانية: ثبت بالحديث انه نِسوانكن بتاعات الدنيا ديل
حايكونن معاكن في الجنة ويبقن حور هِن زاتِن...
واحد نط قال ليهو : يامولانا صلي صلاتك ساكت ده حديث ضعيف
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: سليمان القرشي)
|
Quote: سلامات الفاضلابي وجميع الاخوة والاخوات
تعرف يافاضلابي عندنا عم لينا قال
والله مابندور حور عين بندور نسوانا
ديل الا يصلحوهن لينا شوية بس
ههههههه |
ودالقرشي وهي حقيقة
تخلق المرأة التقية عندما تدخل الجنة بهيئة أجمل من الحور العين
ابشرن بي الخير يا بنات مصطفى وعبدالرحيم وبت عمسيب ونجضن شغلكن
عندنا بت خالاً لينا سمعت بهذا الكلام قالوا الرمأة التقية عندما تدخل الجنة
تخلق في هيئة أجمل من الحور العين وتخير هي زوجها إذا يريدا ان يكونا معاً
ردت بدون ما تشعر
( تاني عصام ) زوجها اسمو عصام
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: الإمام في الخُطبة بتكلَّم عن الحور العين
والجماعة وكأن علي رؤسهم الطير لان الامام
لسانو حلو وحديثو جذاب غايتو ريَّح ليك الناس طاب
أها في النص التاني من الخطبة قال ليهم وكمان ابَشِّركُنْ
بشارة تانية: ثبت بالحديث انه نِسوانكن بتاعات الدنيا ديل
حايكونن معاكن في الجنة ويبقن حور هِن زاتِن...
واحد نط قال ليهو : يامولانا صلي صلاتك ساكت ده حديث ضعيف |
قريبتن لينا كان سمحة وجميلة لكن فاتها قطار الزواج
وكما قال الشاعر محمد طه القدال
القسمة تفوت أحلّى البنوت
لا الغايب عاد
لا لحِقن خيلهن في اللفة
أها يال الفاضلابي كلما تجيها حق الورثة في أمها من الجناين تلم ( لمت قروش كتيرة )
قريبتا في الأمارات قالت ليها أنت يا فلانة عندك القروش تعالي عدي ليك أيام معاي
قالت ليها ( بَري يا أختي أخير لي أمش أحج وأنجض شغلي اسوي لي شي أدخل بي الجنة والما لقيتو
في الدنيا ألقى قدامي هناك ههههههه )
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
Quote: الله نلقى لينا ساعة سويسرية او عطور باريسية يسلمية))..
ودمتم بألف خير وصحة وعافية |
قطع شك
دي بت مصطفى الأميرة البي الدين تسوي الزين
وأنتِّ تستاهلي
ربنا يديمها مودة صادقة بينكما
ولحين ميسرة ترجعي تعلقي علي ودحلتكم
زمان كتب مقال طريف في جريدة الصحافة كاتبه دكتور محمد الريح ( حساس محمد حساس )
قال كل أغاني البنات حمادة تعال لي
حمادة مع السلامة
وحمادة حمادة لما بقينا نغير من حمادة
هسي نحن ذاتنا بقينا نغير من ناس الحلة هههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: قاعدبن ..
نمشي وين ؟؟ ..
الدهب شنو يأخ الانا بمشو ليهو ....
الدهب ده ماسورة ليها بلف ( رداخ ) ..
تمشي تحفر تتردخ ..
وتجي راجع يد ورا ويد قدام .. ( ده لو ما انهدمت فيك بير ) ..
أو هكذا كان حال واحد قريبي ..
بعد ما جاء راجع من الدهب ..
حانف وشو .. |
اسمع سمعت بي قصة الراجل الجاري ورا الجماعة اللقوا الدهب
أقيفوا أقيفوا أدوني حق الجهاز
ههههههههههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
لا تسألوني لا ....
كيف كان المُلتقى ....
وكيف في دُربها مَشيتُّ
وكيف طاف الثقر في إبتهالٍ
وكيف في مِحرابها صَليتُّ
لكن
عن حبيبتي بقولكم
يلا صفقوا كلكم
هي
صبية العِطر يشتهيها
أمذنبُ إذا أنا أشتهيتُّ
سافرت في عيونها دهوراً
فما إرتوت عينايا ما أرتويتُّ
دا
حبيبتي أُغرودة العذارى
ورنـة الأفراح إذ غَنيتُّ
...
...
أجمل منها ما أحتوى فؤادي
العبق الصادق ما أحتويتُّ
وعن حبيبتي بقولكم يلا أصنتوا كلكم
فلا تسألوني لا
كيف كان المُلتقى
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: ثبت بالحديث انه نِسوانكن بتاعات الدنيا ديل
حايكونن معاكن في الجنة ويبقن حور هِن زاتِن...
واحد نط قال ليهو : يامولانا صلي صلاتك ساكت ده حديث ضعيف |
>>>>>>>>>>>>><<<<<<<
ما دام قلت كدي يا خالد( حافي كده) نبدأ بود حلتنا ابن الفاضلاب
بتعرف يا ود الفاضلاب الزول النط وقال للأمام الكلام ده بيكون كرهان زوجته من قبل ما يزوجها
ويكون تزوجها غصبا عنه .. لكن البيحب زوجته حب صادق ما بيبدلها بحور العين في الجنة وبيتمنى
زوجته تكون معاه في الدنيا والاخرة..
عليك الله شفت صورة الخطيبة العاوزة تتم زواجها من زوجها الذي يحتضر في المستشفى .. والله دموعي
نزلن ولهسع ما قادرة اوقف الدموع....
كدي بعد كده نجي لناس الحلة الجنب حلتنا..
الحبيب خالد محجوب..
ما في شك ان بنت مصطفى ما بتقصر ابدا .. وهي في ذكراكم دائما .. ومن هسع انا ضامنة ساعة سويسرية لكن ما يسلمية..
ما قادرة اسمع الأغنية الأخيرة عشان المايك ما شغال عندي اليوم.. وبنحاول بكره..
ودمتم بألف عافية وصحة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
| Quote: حتى ود الفاضلابي بقى تغيان زي ود البوش |
عربي مسنوح ـ جاءهم واعظ في فريقُن
الواعظ شابكن ليك التقوي ـ واتقوا الله
ومن يتق الله يجعل له مخرجا
والعربي شايف كلام الواعظ ده ودار زمن ساي
قال للواعظ: يامولانا انت من مُغْرِبك التغوي التغوي
نحن يمين من كترة ماتغيانين عينَّا دي صَارِّنها بلا وَقِيعة
Quote: بتعرف يا ود الفاضلاب الزول النط وقال للأمام الكلام ده بيكون كرهان زوجته من قبل ما يزوجها
ويكون تزوجها غصبا عنه .. لكن البيحب زوجته حب صادق ما بيبدلها بحور العين في الجنة وبيتمنى
زوجته تكون معاه في الدنيا والاخرة.. |
امال يابت عبدالرحيم تقولي شنو للمشي زار مرتو في المستشفي اداها كتاب عذاب القبر؟
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: عربي مسنوح ـ جاءهم واعظ في فريقُن
الواعظ شابكن ليك التقوي ـ واتقوا الله
ومن يتق الله يجعل له مخرجا
والعربي شايف كلام الواعظ ده ودار زمن ساي
قال للواعظ: يامولانا انت من مُغْرِبك التغوي التغوي
نحن يمين من كترة ماتغيانين عينَّا دي صَارِّنها بلا وَقِيعة |
أهل الأميرة وفيسل هليل
كل جمعة يجوا الجامع والأمام ماسك ليهم في خُطبة واحدة
حكم تارك الصلاة
مرة في واحد زهج منو وقف لي في نص الخُطبة وقال لي
يا شيخ لو عندك حديث غير دا قولوا يا شيه (شيخ ) بدون نقط
الناس دي البتقول ليهم الكلام دا بصلوا ولوما بصلو ماجو هنا
أمشي قول كلامك في السوق هناك موش هنا
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
| Quote: في خطوة إنسانية كبيرة، أصرت فتاة على التمسك بالزواج بحبيبها وهو على فراش الموت، ولم يتبقَّ له في الحياة إلا ساعات معدودة. |
هي فعلا خطوة انسانية ـ لكن المرة دي خوزقت نفسها
لان بقا عليها التزام اخلاقي تحبس نفسها علي هذا الرجل
فاذا حاولت الزواج بعده يبقي يا ابوزيد لاغزيت ولا شفت الغزو
المرة راجلها قال ليها بعد اموت والطوب الـ في قبري ينشف
عافي منك ممكن تتزوجي بعدي ـ بعد إنصراف المشيعون
اتسحبت بالليل وشالت ليها هبَّابة وصنقرت جنب القبر
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
المرة راجلها قال ليها بعد اموت والطوب الـ في قبري ينشف
عافي منك ممكن تتزوجي بعدي ـ بعد إنصراف المشيعون
اتسحبت بالليل وشالت ليها هبَّابة وصنقرت جنب القبر
>>>>>>>>>......................>>>>>>>>>>>>>>>>>
,وهاك دي كمان نكتة ثانية عن عدم وفاء بعض الزوجات.. لكن الحمد لله هي نكات في سبيل التسلية وما هي حقيقية..
زوج مريض وقال لزوجته : بالله لمن انا اموت ما تخلي زوجك الجديد يلبس جلابيتي دي لأنها عزيزة علي..
زوجته قالت ليه:" اطمئن وارقد قفا هو ذاته جلابيتك ما قدره!!!!!!!!
ودمت بعافية وصحة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: عربي مسنوح ـ جاءهم واعظ في فريقُن
الواعظ شابكن ليك التقوي ـ واتقوا الله |
الواعظ مرة كان في حلتنا عندو محاضرة للنساء
عنوانها حق طاعة المرأة لزوجها
أها يا الفاضلابي قال ليهن طاعة الزوج واجبة في كل شئ وحتى لو رأى زوجك أن لا تذهبي لبيت أهلك
لانه يرى في مشيتك إلى هناك مايعود بالضرر لحياتكم الزوجية فيجب أن تطيعيه
قامت ( السرة بت طه علي حيلا ) وقالت لي :
يا مولانا راجلي يقول لي ماتمشي بيت ناس أبوك وأطيعو
قال : ليها ايوا
قالت : والله ما أطيعو يطيعو الجن اليخلي امشي وينضم برا
قال ليها: يا حاجة دا ما كلام جبتو من رأسي دا كلام والرسول
قالت لي : طقع شك غلتانين
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
Quote: سلام
الشلوخ كان الناس بشوفوها رمز للجمال
وشلخها يحبس الدمعة
وشلخها يخت الاصبع
لكن بعد الاستعمار واحتكاكنا بغيرنا بدأت مقايس الجمال تتغير عندنا
وكلام عتيق غريب ولا اعتقده صائبا . بل بدأت الدعوة لنبذ الشلوخ بين معترض و موافق |
يا اب سن شوف كلام غير دا سماحة شنو في الشلوخ
هو الشلخ كان فقط سمح في السمحة ودقة الشفة سمحة في السمحة
لكن في واحدات زي الصبر مع الشلوخ
والسادة لونو خمري
وبعدين هو السمح سمح لو قام من النوم
والشين شين لو دلكو كل يوم
ناس عتيق كان يصورواجمال المرأة في شلوخها ويلفتو نظر البشر على ان الشلوخ حلوة وكيف يكون
كلامه غريب يا حفيض
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
سلام ودالمنسي
صور الامر كأنه قل للمليحة في الخمار الاسود
الوقت داك الناس شايفنها سمحة .. بدلالة ما ذكرت من امثال
كدي عاين
حصلت لاقت صور لنساء مجتمعات لم تحتك بالعولمة وفيها تشويه للوجه مثل اطالة الشفة بوضع معادن دائرية تثقب الشفة .. او اطالة للأذن بوضع مثقلات .. او اطالة العنق بوضع اطواق معدنية .. نراه قببحا ويرونه من علامات الجمال
ما داير اكرر بداهة القول ان الامر ينظر له في تاريخينه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
Quote: سلام
الشلوخ كان الناس بشوفوها رمز للجمال
وشلخها يحبس الدمعة
وشلخها يخت الاصبع
لكن بعد الاستعمار واحتكاكنا بغيرنا بدأت مقايس الجمال تتغير عندنا
وكلام عتيق غريب ولا اعتقده صائبا . بل بدأت الدعوة لنبذ الشلوخ بين معترض و موافق |
يا اب سن شوف كلام غير دا سماحة شنو في الشلوخ
هو الشلخ كان فقط سمح في السمحة ودقة الشفة سمحة في السمحة
لكن في واحدات زي الصبر مع الشلوخ
والسادة لونو خمري
وبعدين هو السمح سمح لو قام من النوم
والشين شين لو دلكو كل يوم
ناس عتيق كان يصورواجمال المرأة في شلوخها ويلفتو نظر البشر على ان الشلوخ حلوة وكيف يكون
كلامه غريب يا حفيض
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
إلى بــ ..... بت عبدالرحيم وبت حلة ناس الفاضلابي
دحين بت مصطفى معيدة وين
ماتقولي لي معيدة في سويسرا
هناك بتلقى ليها وين عضم تكدو والله إلا تضحي بي شوكلاتا سويسرية
ولا ساعة ههههههه
لو أتصلت بك قولي لها كل سنة وأنت طيبة وعافية ولك مثلها يا بت عبدالرحيم
كل سنة وأنت طيبة والسنة الجاية ربنا يديك الفي مرادك وغطيك ويحفظك
ودي هدية مني اقدمها باسمك لبت مصطفى في غربة داخل غربة الغربة غُربات
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
طبعاً جمال الشعر في ان ترسم صورة القبح جمالاً
كهذا الذي جعل النساء يتسابقن لاغتناء الخمار الاسود الذي
كانت سوقه بايرة ـ
قل للمليحة في الخمار الأسود ماذا فعلت بناسك متعبد
قد كان شمر للصلاة ثيابه حتى وقفت له بباب المسجد
الله أكبر الله أكبر
يا داعيا لله مرفوع اليد متوسلا متضرعا للمنجد
يا طالبا منه الشفاعة في غد قل للمليحة في الخمار الأسود
فسلبت منه دينه ويقينه وتركته في حيرة لا يهتدي
ردي عليه صلاته وصيامه لا تقتليه بحق دين محمد
ردي عليه صلاته وصيامه لا تقتليه بحق عيسى وأحمد
او كالمتنبي عندما راى زلزال مصر بعين مختلفة عن العيون التي تراه دماراً
فقال :
ما زلزلت مصر من كيد ألم بها ** لكنها رقصت من عدلكم طرباَ
وذاك الذي قال:
وما كُلفة البدر المنير قديمة ولكنها في وجهه من أثر اللَّثم
ولحين ميسرة يامكوك بجيكن صاد
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
إلى بــ ..... بت عبدالرحيم وبت حلة ناس الفاضلابي
دحين بت مصطفى معيدة وين
ماتقولي لي معيدة في سويسرا
هناك بتلقى ليها وين عضم تكدو والله إلا تضحي بي شوكلاتا سويسرية
ولا ساعة ههههههه
لو أتصلت بك قولي لها كل سنة وأنت طيبة وعافية ولك مثلها يا بت عبدالرحيم
كل سنة وأنت طيبة والسنة الجاية ربنا يديك الفي مرادك وغطيك ويحفظك
ودي هدية مني اقدمها باسمك لبت مصطفى في غربة داخل غربة الغربة غُربات
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
كل سنة وانتو كلكم طيبين وسالمين ومعيدين عيدا سمح وما عيدا مسيخ زي اعياد امريكا
وبنت مصطفي ماشة تعيد العيد السمح في السودان وقالت عندها جولة في شمال السودان
وحتزور قري ومدن كثيرة ما قدرت احفظها لأنها صعبة ولكن متذكرة منها جزيرة سمت
وسقدان واردوان وحبراب حيث ان اهل والدها كلهم منتشرين في تلك القرى والمدن وحتزور
مدينة بركات في الجزيرة والحصاحيصا وفداسي واخيرا الخرطوم...
وانا مسافرة للعيد المسيخ في ولاية ايوا الأمريكية لقضاء 5 ايام اجازة العيد للخروج من زحمة نيويورك
وكل سنة وانتو طيبين ودمتم جميعا بالف خير وصحة وعافية..
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
صاحبة الحوش الأميرة بت مصطفى كل سنة وإنتِّ طيبة والسنة الجاية ربنا يحقق الأماني
الحبيبة منى بت عمسيب عيد مبارك عليك وهنيئاً لك العيد وأنت وسط جمال زهورة يا
وردة
الحبيبة بــ ...... بت عبدالرحيم تفرح وتزدان أُيوا ومدنها بقدومك وعيد سعيد
يا التي مكانك بيننا لكن نسوي شنو لي أبـ رويس بكري نحن حا نقدم أما يعطيك
باسورد أو نقوم بإعتصام من الكتابة كلنافي هذا المنبر
وضاحة انت اساساً جيتي مرة واحدة شربت شاي ومرقتي قاعدة لافا لي زي ........
لكن برضو كل سنة وأنت طيبة والسنة الجاية إن شاء عـ ..... تميها انا قاصد عربية
هههههههههه
العزيز ود الفاضلابي عيد سعيد وكل سنة وعيالك جنبك تراهم يكبروا وتفرح بهم جميعاً
الحبيب ودالبوش طبعاً جاي معيد معي في الأمارات لكن برضو نقول لي كل سنة وتفرح بنجاح
وسعد ابناءك يا رب
العزيز ود أبوسن يا جميل يا راقي كل سنة وأنت طيب والسنة الجاية والي في ظل ديمقراطية طاهرة سمحة
علي بحر أبيض وجيهتكم ديك مابعرف هسي سموها ولاية شنو
العزيز ود شيقوق قالوا العيد صفاء ولولا كدا كان قطعتو معاك لي يوم يبعثون لكن هدنة لحدي رابع يوم في العيد
ونرجع لابعرفك لا بتعرفني
ود القوز وللقوز ما نسينا ولي القوز ليس نجهل عيداً سمح في قوزك يا جميل
بدر وسلمان ( دا اسم بص سفر زمان بين شندي الخرتوم ) كل سنة وأنت طيب وشنو بس حجة وزوغة تاني ما شفناك
في الإسكايب وظهر وبان وبطل تقلة
يا جماعة مشتهي لي زول وهو زولنا ابوسنينة الزول دا مالو خاصم المنبر وكل سنة وأنت طيب يا ابوسنينة
الحبيب عبدالقادر المحسي يا جميل يا حلو كل سنة وأنت طيب والأسرة الكريمة وتحيات كتار للوالدة وقول ليها
كل سنة وأنت طيبة وإن شاء الله ربنا يحفظها ليكم بصحة وعافية
العزيز ود القرشي يا زول يا طيب كل سنة وأنت طيب السنة الجاية زي أو كما تحب يا سيدي
ولكل من مرَّ بهذه التكية ونحن منجمين في ونسة كلها مودة وحنان وصفاء وطهر نقول كل سنة وأنت طيب أو طيبة
وعيد مبارك
Quote: جزيرة سمت
وسقدان واردوان وحبراب |
يا بت عبدالرحيم دي أسامي جزر ولا أسامي اقباط
ذات يوم سألني فيسل هليل يا بت عبدالرحيم
يا خالد أنت لما تمشي بودابست بتنزل مع منو
قلت له بنزل مع اصدقاء بعرفهم ( ونسي .. ووديع .. ونديم )
قال لي ديل سودانيين ولا نقادة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: سليمان القرشي)
|
Quote: ودالمنسي ياحبيب
كل سنة وانت طيب وربنا يحقق
كل امنياتك والعيد الجاي باذن الله
نشوفك في الوطن انت وكل الاحباب
ويتعاد عليكم وانتم تامين ولامين
ومامشتهي لي حاجة في الدنيا
دي الا انجمامة معاكم في ضل
شجرة كبيييييرة ونتونس في
الدنيا دي ياخ ومعانا كل الناس
الحلوة المرت علي البوست دا
سلمتم |
يا سلاااام حا يكون أسعد في حياتنا عندما نلتقيكم حقيقة والعين تشوف العين والإيد تسالم
يا ود قرشي
اصلو الأميرة حالفة تعزمنا في مطعم أمواج ونتلمى ولمة المودة وحلوة وربنا يديم المودة بيننا
وكل سنة وانتم طيبين أنا جاي بعدالعيد بإذن الله بي 3 أسابيع تلفوني 00249912296208
في السودان لكن طبعاً المقر بكون في شندي البندر دا بنجي كف كووووف ومعتدل مارش مكجنو كجنت اليابا فضيل
ود البوش كان مفروض عيد معنا في الأمارات لكن حالت الحجوزات بينه وبين الحضور ورب لقاء أخر ان شاء الله
تحياتي ود قرشي
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
الأعزاء والعزيزات والأصدقاء والصديقات
كل عام وانتم بخير وربنا يحقق كل الأمنيات وطبعا العيد في بلاد الغربة
دائما مسيخ ولا اهل بزوروهم ولا خرفان بيشووها والناس من اول يوم
تلقاها رجعت الشغل ..
التحايا والأمنيات للحبيبة منى عمسيب وربنا يحقق الأمنيات ..وبت مصطفى بتبلغكم عاطر التحيات والأمنيات)..
ويا ود حلتنا نسيبك ده داير ليك الخير في الدنيا والاخرة .. لكن فعلا
امنيته ليك ضحكتني ضحك شديد والحمد لله ما تماها " مع الصديقين والشهداء"
ويا ود شندي خالد محجوب .,... نحن ما لقينا خرفان عشان نعمل منها شية .. وكثيرين
هنا ما قدروا يشتروا الخرفان اولا بسبب الغلاء .. تلقى لخروف الكان ثمنه 150 دولار
بقى ثمنه 350 دولار والخروف الكان ثمنه 200 دولار بقى ثمنه 450 دولار.. ( استغلال
حوجة المسلمين في هذا العيد المبارك)..
وطبعا انت يا ود كوستى عبد الحفيظ ابو سن الكان عندك العيد السمح وانت بتعيد في السودان..
وبت مصطفى تهديكم عاطر التحيات والأمنيات الطيبة
واكدت لي انها تعتز جدا بالصداقة التي كونتها عبر هذا الفضاء الإسفيري .. وقالت لي :" يا بسمات افتحي
سورة النور واقرأي الآية 61 حيث ان الله سبحانه وتعالى جعل الصداقة في محل الأهل والأقارب..
( وهي طبعا موسوعة في الثقافة الدينية والثقافة الشعرية والثقافة الأدبية والتاريخية )..
وفعلا رجعت للسورة ووجدت هذه الآية تنص:"
:" ليس على الأعمى حرج ولا على الأعمى حرج ولا على المريض حرج ولا على انفسكم ان تأكلوا من بيوتكم
أو بيوت آبائكم أو بيوت أمهاتكم أو بيوت إخوانكم أو بيوت اخواتكم أو بيوت أعمامكم أو بيوت عماتكم أو بيوت أخوالكم
او بيوت خالاتكم او ما ملكتم مفاتحه أو صديقكم ليس عليكم جناح ان تأكلوا جميعا أو شتاتا فإذا دخلتم بيوتا فسلموا على
انفسكم تحية من عند الله مباركة طيبة كذلك يبين الله لكم الآيات لعلكم تعقلون""
وهذا يعني ان الله سبحانه جعل مكانة الصديق في مكانة الأهل .. يعني لمن نجيكم زيارة في بيوتكم ممكن ناكل معاكم بدون حرج..
وان شاء الله الله يديم المحبة والصداقة والود ...
ودمتم جميعا بألف خير وصحة وعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
Quote: الأعزاء والعزيزات والأصدقاء والصديقات
كل عام وانتم بخير وربنا يحقق كل الأمنيات وطبعا العيد في بلاد الغربة
دائما مسيخ ولا اهل بزوروهم ولا خرفان بيشووها والناس من اول يوم
تلقاها رجعت الشغل .. |
وأنت طيبة وعافية في صحتك وتقدم في الدراسة
ويخقق لك الرحمن الفي مرادك
الغربة حالة الفقري يا بــ ... بت عبدالرحيم وأسأليني
أنا معيد قريب التلتين أويزيد
عيد بعيد عن الأهل
| Quote: التحايا والأمنيات للحبيبة منى عمسيب وربنا يحقق الأمنيات ..وبت مصطفى بتبلغكم عاطر التحيات والأمنيات).. |
بت عمسيب هي وين الزولة دي طاشا
تغتس وتقلع وتقول هسي بجيكم صادة وتغتس بيعدلا تاني
عيدك مبارك يا بت عمسيب
Quote: ويا ود حلتنا نسيبك ده داير ليك الخير في الدنيا والاخرة .. لكن فعلا
امنيته ليك ضحكتني ضحك شديد والحمد لله ما تماها " مع الصديقين والشهداء |
"
الغاضلابي عندو المحن
لا برضي العجب لا الصيام في محرم
Quote: ويا ود شندي خالد محجوب .,... نحن ما لقينا خرفان عشان نعمل منها شية .. وكثيرين
هنا ما قدروا يشتروا الخرفان اولا بسبب الغلاء .. تلقى لخروف الكان ثمنه 150 دولار
بقى ثمنه 350 دولار والخروف الكان ثمنه 200 دولار بقى ثمنه 450 دولار.. ( استغلال
حوجة المسلمين في هذا العيد المبارك).. |
بإذن الله نرتبها السنة الجاية كلنا ونتقابل في السودان يا بت عبدالرحيم ونتلم
لمة حلوة
Quote: وطبعا انت يا ود كوستى عبد الحفيظ ابو سن الكان عندك العيد السمح وانت بتعيد في السودان..
وبت مصطفى تهديكم عاطر التحيات والأمنيات الطيبة |
مسكين بقن علي السنة دي 3 خرفان لما بقى يكتب عيد ( عبد )
عندو بوست عنوانه نكتة العيد كتبها ( نكتة العبد )
ههههههههههه
Quote: واكدت لي انها تعتز جدا بالصداقة التي كونتها عبر هذا الفضاء الإسفيري .. وقالت لي :" يا بسمات افتحي
سورة النور واقرأي الآية 61 حيث ان الله سبحانه وتعالى جعل الصداقة في محل الأهل والأقارب..
( وهي طبعا موسوعة في الثقافة الدينية والثقافة الشعرية والثقافة الأدبية والتاريخية )..
وفعلا رجعت للسورة ووجدت هذه الآية تنص:"
:" ليس على الأعمى حرج ولا على الأعمى حرج ولا على المريض حرج ولا على انفسكم ان تأكلوا من بيوتكم
أو بيوت آبائكم أو بيوت أمهاتكم أو بيوت إخوانكم أو بيوت اخواتكم أو بيوت أعمامكم أو بيوت عماتكم أو بيوت أخوالكم
او بيوت خالاتكم او ما ملكتم مفاتحه أو صديقكم ليس عليكم جناح ان تأكلوا جميعا أو شتاتا فإذا دخلتم بيوتا فسلموا على
انفسكم تحية من عند الله مباركة طيبة كذلك يبين الله لكم الآيات لعلكم تعقلون""
وهذا يعني ان الله سبحانه جعل مكانة الصديق في مكانة الأهل .. يعني لمن نجيكم زيارة في بيوتكم ممكن ناكل معاكم بدون حرج..
وان شاء الله الله يديم المحبة والصداقة والود ...
ودمتم جميعا بألف خير وصحة وعافية |
ونحن نفاخر بيكن الخلق
وربنا يديم الصداقة خالصة لله بيننا
تحياتي ومودتي
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
نشَرِّكبَها هنا وهناك ـ باقى بوستكن ده ملقوم
ملقوم دى بالقاف مش بالغين النشوفكن بتعرفوها
................................................
الرباطابى صاحبو هدى ليهو خروف ,, قال للمرة بدل نضبحو الـ نمسكو نامن
تجى الضحية عشان الخرفان بِقت مابتنهبش ,, اها بقى يشيل ويعلف فى الخروف نامن جات الضحية
يوم العيد عزم جاره انصار السنة يفطر معاهو ,, انصار السنة قال للرباطابى: بالمناسبة انا نسيت انَبِّهك
خروفك ده هدية والهدية لاتجوز تضحى بيها .. الرباطابى قال ليهو:
نان الخروف الضحى بيهو سيدنا ابراهيم داك جابو من المويلح؟
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
هلا بت عبدالرحيم ـ كل سنة وانت والاميرة طيبات
وكل الامانى الحلوة ليكن والسنة الجاية نشوفكن فى
بيت العدل ومعاكن الملكة وضاحة ـ ده طبعاً بعد ترجعن
من الحِجاز.
Quote: ويا ود حلتنا نسيبك ده داير ليك الخير في الدنيا والاخرة .. لكن فعلا
امنيته ليك ضحكتني ضحك شديد والحمد لله ما تماها " مع الصديقين والشهداء" |
كويس يابسمات نسيبى ده فى دعوته دى مافرز اخته
بى كدى البطن مافيها وجعة انا قُتَّا يمكن مكجِّنى براى
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
واحد جابوا ليهو نعجة هدية النعجة ولدت حمل سغير وماتت فى النفاس
وليداتو ربُّوا الحمل بالبزة نامن كبر وولَّف عليهن بقا يأكل مما يأكلون
ويشرب مما يشربون لى عِنْ بتيختو يختوها ليهو فى التلاجة وينوم وسط
سرايِرُنْ ـ ياخ لى عند المسلسل يحضرو معاهن...
الحمل ربرب وجات الضحية والابو فلسان شاور المرة ادتو الاوكى عشان يضبح الحمل ضحية ,,,
الراجل شال سكينه ومشى على الصالون عارف بلقى الحمل مع الوليدات ,, دخل عليهن لقاهن بقولوا:
ناس فلان جارنا داك اشتروا خروف كبييير وناس فلان جابوا ليهن خروفين من البلد ــ ـــ الحمل قال للولاد:
إنتو الناس كلها عندها ضحية نحن لييييه ماعندنا ضحية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: واحد جابوا ليهو نعجة هدية النعجة ولدت حمل سغير وماتت فى النفاس
وليداتو ربُّوا الحمل بالبزة نامن كبر وولَّف عليهن بقا يأكل مما يأكلون
ويشرب مما يشربون لى عِنْ بتيختو يختوها ليهو فى التلاجة وينوم وسط
سرايِرُنْ ـ ياخ لى عند المسلسل يحضرو معاهن...
الحمل ربرب وجات الضحية والابو فلسان شاور المرة ادتو الاوكى عشان يضبح الحمل ضحية ,,,
الراجل شال سكينه ومشى على الصالون عارف بلقى الحمل مع الوليدات ,, دخل عليهن لقاهن بقولوا:
ناس فلان جارنا داك اشتروا خروف كبييير وناس فلان جابوا ليهن خروفين من البلد ــ ـــ الحمل قال للولاد:
إنتو الناس كلها عندها ضحية نحن لييييه ماعندنا ضحية |
ههههههههههههه
علي بي الطلاق انت .......
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: إنت يامك الناس الـ فى بروفايل ودالبوش ديل ودالبوش ياتو فيهن؟
ياهو الزول ابـ جلابيتَن زى ازيار السجانة ده
ولا ابـ سديرى الزى اللمبة ام شَبَك الـ قزازتا مَكَسَّرة؟ |
بدور الصح ولا الجنبو
والله ماعارفو ياتو فيهم لكن فارسة وليد ريف ساكت بقول ود لبوش هو ابـ صديرية دا القرحة في وشو ( وليداً قارح مادلّا وماشاء الله )
والشي تاني بشبه صورة وليدو الفي البروقايل القديم
لكن ازيار السجانة لحقتو الصح ههههههههههههههههههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبد المنعم سيد احمد)
|
ايوووووووووووي هدو خروفي دابو طلع .. اريتها
شية هناكم والله تساهلوها ..
يا ود البوش ود البوش تعال شيل الصينية ما تبرد والله ما تجي الا اجي
اشيل الكشتينة بي طاولتها والحقها امات طه هههههههههه
الدكوة بردت لي الشطة كدي النزيد الشطة شوية مسافة يجي زول يشيل الصينية .
والصينية التانية دي وديها لي ناس اميرة الشباب يا ود البوش عليك الله قبال تبرد .
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
Quote: واحد جابوا ليهو نعجة هدية النعجة ولدت حمل سغير وماتت فى النفاس
وليداتو ربُّوا الحمل بالبزة نامن كبر وولَّف عليهن بقا يأكل مما يأكلون
ويشرب مما يشربون لى عِنْ بتيختو يختوها ليهو فى التلاجة وينوم وسط
سرايِرُنْ ـ ياخ لى عند المسلسل يحضرو معاهن...
الحمل ربرب وجات الضحية والابو فلسان شاور المرة ادتو الاوكى عشان يضبح الحمل ضحية ,,,
الراجل شال سكينه ومشى على الصالون عارف بلقى الحمل مع الوليدات ,, دخل عليهن لقاهن بقولوا:
ناس فلان جارنا داك اشتروا خروف كبييير وناس فلان جابوا ليهن خروفين من البلد ــ ـــ الحمل قال للولاد:
إنتو الناس كلها عندها ضحية نحن لييييه ماعندنا ضحية |
وفى رواية الحمل قال للشفع انتو نحن ماعندنا خروف ليييه ـ ـ عَدَّ نفسو واحد من ناس البيت.
كل سنة وانتوا طيبين ـ صينية بت عمسيب دى هفت نفسى لى زمن الجاهلية...
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
| Quote: ياهو الزول ابـ جلابيتَن زى ازيار السجانة ده |
هههههههههه
ان شا ء الله تقع في الجلابية والله يا الفاضلابي جلابية خالد الارباب دي مفروض تكون اتقطعت فوقو
يوم الجا بيها في الصورة دي ذاتا
واحد قال زي السخيل اللرزق المولود جديد
وواحد قال زي شيطة الحلو مر المحرقة
هههههههههههه
الصورة من اقصى اليسار
اب سديري ود البوش
ابو جلابية سوداء مسحورة خالد سعيد الارباب
اخونا مصطفى شرحفان
ثم هناك الصورة البعيدة ابوجهينة
وبرضو طالبك ضربة يا الفاضلابي
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
| Quote: وانت يا ود البوش السديرية دي مستلفها من الصادق المهدي |
ههههههههههه
والعمة العزبة كمان
وام الصادق المهدي كسارة قلم ماكميك حبوتنا عديل في الحساب
واهلنا كلهم انصار وهلالاب ههههههههه
لكن سمح العلم سمحة الشهادة مرقتنا من التابعية العمياء
والله يا الاميرة لمن الصادق المهدي جا للمصالحة مع حكم نميري ونزل من الطيارة وركب المارسيدس
عمي ود سكين الجوع ختا رقبتو تحت عجل المرسيدس وقال حرم انا جيت كرامة لي ود المهدي
ورب المهدي مابرجع حي خلو العربية تمشي فوق رقبتي وتكسرا كعععععع كرامة لود المهدي
.
.
حقيقة الصادق المهدي وكل آل المهدي حبهم جاري في دمنا ولكن في العقل شئ من حتى
.
.
تحياتي واحترامي يا اميرتنا وكل عام وانتي وبت مصطفى بخير وكل الناس المعاك
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
حمدلا بالسلامة ياودالبوش ـ ياخ دُوبينا وقطعنا القصيد لى
ولدنا الحسن والبنوت زغردن ـ وبت عمسيب دقت الدلوكة
انت ماتجى ساكت تاخُدلك شبال ـ اريتك تشب للشراد من
سجن الدامر ـ امانا ما اتلومت وكمان تسوق معاك اخوك
المسنوح جنا البردانة ؟ كدى عليك الله اسعل من خبرو
شوفوهو كان مو قادر يرجع السلطنة نِتقارط نشتريلو حق
ال(.........)كرة ـ ياخ حمدالله بالسلامة ــــ وانتى يابت السودنة بجيك
صاد علا كلمى بت السيد دى ماتطول الحكاية شنو اصلها
مشت تحِلَّلا قضية رقبة؟
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
واهلنا كلهم انصار وهلالاب ههههههههه
أكان كدى البوست ده عُدى فيهو عود بت عمسيب فى جزيرة الحِجة
ياخوانا الكلمة الـ فى المداخلة الفوق ال (.......)كرة دى انا كتبتها الـ ط زكرة
الكمبيوتر عامل فيها بيعرف قصدى اكتر منى قام غيرها للطريقة الشفتوها فوق دى (مِحن)
ياخ بكرى ده انا ماعارف الكرايتيريا بتاعتو دى جايبها من وين قاطعها من راسو ده ,,
ياخ كلمة حـ مير وكـ لب دى فى المصحف ربنا ماشخبتها تكتبها فى منبر بكرى تلقى سيستمو شلَّخا ـ
يعنى منبر بكرى ده مُقدَّس اكتر من كتاب ربنا ولا العبارة شنو؟
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: واهلنا كلهم انصار وهلالاب ههههههههه
أكان كدى البوست ده عُدى فيهو عود بت عمسيب فى جزيرة الحِجة |
هههههههههه
قول بسم الله قول بسم الله ديل اهلنا دا ما انا هههههههه
والله يا الفاضلابي محبة فيك يشهد الله ما بتمرق كان بقيت بعثي ومريخابي هههههههههه
.
.
اها اسع بتجيك بت عمسيب توريها جزيرة الحجة ههههه
وكل سنة وانت طيب وبت عمسيب طيبة وكل الكيبين الهنا وربنا احقق الامنيات
.
.
ها ناس افقدوا اخونا ود ضرار والنصيحة طالبني كم ضربة لكن اسع بتفقدوا ليكم
.
.
قلت لي في نيويورك وما بتروح هههههههههههه
حرم انا مرات في السوق العربي بروح ههههههههه
تب على المدن ام كورك
| |
|
|
|
|
|
|
|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: اريتك تشب للشراد من
سجن الدامر |
هههههههههههههههههههههه
مسنوووووووووح سناحتن بالغبا
وتاني اللابطوب وقع من بطني من فرفرة الضحك
اذكرت سجن الدامر بالنهار رتيلي وبالليل قراص ههههههه
.
.
والله من قبيل بفكر اضرب لك مع اني طالبك ضربة وما كتيرة عليك يا المك
والله متابعكم بالطوالة وسريتو بالي لكن النصيحة كنت متابع خرفان الضحية وخفت السنة دي اكسدن
لكن الله سخر لي زولا نجيض خلاس حرم اشترى 250 خروف براهو والباقي بعتوا قطاعي
.
.
عاين جاي
مافي تلفون للمسنوح نقولو هلو
وود اب سن ود اب سن قال عيد في السافل رجع الصعيد ول لاسع اتحرول
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
ها ناس عووووووووووووووووووووووك
انا ما قلت ليكم اتفقدوا ناسكم يا ناس
ضربت للفاضلابي ردت على المكنة قالت لي هلو باللنقليزي سقنل تو
قت ليها اهلهل حديد مكنتك يا العولق الزول مو في تقولي هلو
.
.
ضربت لمحمد عبدالقادر ود ضرار لقيتو حزين خلاس مرتو اجهضت ربنا اديها الصحة والعافية واعوضهم
وضربت لي ود اب سن ومن قولة هلو عرفتو متحسس قلت ليهو يا ود اب اتا عيان ؟
قال آي والله متألم شنو
مال عدوك
قال لي عندي ملاريا
الله اديك الصحة والعافية يا عبدالحفيظ اخوي واقومك لينا بالسلامة
الباقي لينا المسنوح ان شا ء الله اكون شبعان عنكوليب
.
.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
الله يجازى محنك ياود البوش ـ كنت فى صلاة الجمعة جيت لقيتك
بتتشاكل مع بتي ايثار فى التلفون ـ الرسالة الصوتية دى مسجلة
بي صوت ايثار بتى بتقول:
Hi, You have reached Fadlaby at (347--- ----) Leave a message if you wish .
اصحابى كتار زعلانين من المسج دى قالوا فيها مساخة اها انتو رايكن شنو؟ نغيرها,,
تعرف يامك لقيت لك ودالبوش زعلان دُت وينضم كُتر ,,,
هاى؟ والله قال هاى قال ـ بس بعوضك ليها باكر ان شاء المولى
| |
|
|
|
|
|
|
|
|
...................
بت السيد طولت شديد لأنها سافرت للسودان في اجازة العيد ويا دوبك رجعت لبلد النوافير - سويسرا- وحترجع من المامورية الرسمية في اوائل
شهر نوفمبر 2014م .. اول مرة سمعتها وكأنها قالت نوفمبر السنة الجاية .. قلت ليها معقولة تقعدي سنة كاملة
الحكاية شنو .. قالت والله اذا قعدت في البلد العجيبة دي يوم واحد زيادة إلا ابيع خاتم الدهب الوحيد العندي
وبعد داك ابيع هدومي في الدلالة.. دي بلد اغنياء وما بقدر يعيش فيها إلا ناس اولاد بن لادن اصحاب المليارات
وقلت ليها ويسلم وعائلته مشو وين؟؟ مكن تطلبي منهم المساعدة قالت ودي كمان قصة ثانية ما بتتحكي بالتلفون .. لمن اصلك!!
وتصدق وهي الكانت بتنبذ في نيويورك قالت نيويورك دي احسن وارخص مدينة في العالم.. شوفو العجب والناس هنا بتقول ان
نيويورك من أغلى مدن العالم...
أها ونحن منتظرين .. في انتظار جودو...
ودمت بألف خير وصحة وعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
بلحيل ياود البوش حكاية جزيرة الحِجة دى اذكرتها بمناسبة بت عمسيب
مِتَّلِّحة قضايا حقوق الانسان والسياسة كان فى السودان كان غيرو ,,
اها ـ عندنا جزيرة فى النيل اقرب للفاضلاب من البر الشرقى ـ اها الكنَّارة
وناس نواوى مداقرننا فيها وكل ماينزل البحر منها العكاز يدور بين الفاضلاب وناس الشرق ـ عمنا عبدالقادر جنا وداحمد (هكذا ينادونه)
هو ماعندو ارض فى الجزيرة لكن بمشى يضارب مع اهله الفاضلاب فنجرة ساكت ـ الخبر وصل لي عند عمه حاج الشيخ فى امدرمان ,, وحاج الشيخ ده زى بت عمسيب ده كان باقى للإنجليز فى حلِقُن
وواقف مع قضاياالتحرر فى افريقيا وفلسطين وغيرها ,, يوم عبدالقادر
توديهو الختوة ام درمان ,, يلم فيهو عمه حاج الشيخ:
إنت ياولد سمعت قالوا بتضارِب مع الفاضلاب فى جزيرة الحِجة إنت عندك فيها عود؟
عبدالقادر قال ليهو : أها نان إنت ياعمى نَهَارْتَن اتبرعت لي فلسطين
إنت فلسطين عندك فيها عود؟
عمه قال لو قوم ـ إنت واحد مسنوح بس.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
بت عبدالرحيم يا غالية الله اديك العافية
شوال كتابتك شووووووو انكشح ضرب دلجة الوطا تحت
واكي الشوال زين واللنكشح دا بنخم من الوطا ول ما بنخم ما بعرفو
.
.
الفاضلابي سلم علي البنية الحلوة دي واعفى علي كوركت فوقا ما قايلا دي بنيتك
ما شا اء الله وليداتكم من صغار بهرجو انجليقزي ماهن زينا نحنا اتعلمناهو من مان اندبان
.
.
طالبك ضربة ونص ههههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
شوال كتابتك شووووووو انكشح ضرب دلجة الوطا تحت
واكي الشوال زين واللنكشح دا بنخم من الوطا ول ما بنخم ما بعرفو
>>>>>>>>>>.................>>>>>>>>>>>.........>>>>>>>>>>>>
رأيك شنو حرف واحد ما فهمته من كلامك دي وبقى لي زي كلام الطير في الباقير..
ولي هسع انا مستغربة اشمعنا طير الباقير .. يعني طير الباقير بتكلم صيني والله شنو؟
وبكرة حأرسل الكلام لبت مصطفى للترجمة ..
وعشان ما بقدر اصبر لبكرة .. يا الله يا ابن حلتنا ترجم لينا..
ودمتم بصحة وعافية
.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
Quote: شوال كتابتك شووووووو انكشح ضرب دلجة الوطا تحت
واكي الشوال زين واللنكشح دا بنخم من الوطا ول ما بنخم ما بعرفو
>>>>>>>>>>.................>>>>>>>>>>>.........>>>>>>>>>>>>
رأيك شنو حرف واحد ما فهمته من كلامك دي وبقى لي زي كلام الطير في الباقير.. |
هههههههههههه
كنت عارف انك مدن ودارسة الكتاب لكن برضو قاليك زي التهجة بت خالي البلولة
ورطيني يا بت عبدالرحيم بين الشرح البفسد طلاوة حديسنا وبين معزتك في القلب
والله اقدرني على الشرح معزة فيك يا الغالية
الكلام الفوق دا كتبتو ليك بخصوص مداختلك الفوق ديك القبل مدخلتي البقت ليك كلام طير في الباقير ههههههه
مداخلتك لسبب ما لم تكتمل في مربع المداخلة ولكنها سقطت من المربع وتداخلت مع مداخلة الفاضلابي
يعني كتابتك اندفقت ووقعت في الوطا يعني تحت صندوق المداخلة
شوال العيش لمن الشوال يكون ما مربوط كويس العيش بندفق ائ ينكشح
واكي شوالك يعني اربطي خشم الشوال كويس هههههههه برضو اظنو كلام طير في الباقير هههههههه
غايتو شرح اكتر من كدي بجيب لي وجع نوايط ههههههههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
Quote: هههههههههه
ان شا ء الله تقع في الجلابية والله يا الفاضلابي جلابية خالد الارباب دي مفروض تكون اتقطعت فوقو
يوم الجا بيها في الصورة دي ذاتا
واحد قال زي السخيل اللرزق المولود جديد
وواحد قال زي شيطة الحلو مر المحرقة
هههههههههههه
الصورة من اقصى اليسار
اب سديري ود البوش
ابو جلابية سوداء مسحورة خالد سعيد الارباب
اخونا مصطفى شرحفان
ثم هناك الصورة البعيدة ابوجهينة
وبرضو طالبك ضربة يا الفاضلابي |
أخ أخ أخ يا ودالبوش
أمس لما قلتا اها يجيتكم افتكرت زي كُل مرة حجة وزوغة زي عوايدك لكن ركزتا
هيييييع عفارم عليك
والله كان عندي أحساس أنك أبـ سديري وبالله دا خالد الأرباب برضو تسماعنا هاتفياً لكن اول مرة أشوفو
طبعاً يا ودالبوش الراجل دا جدو الأرباب سعيد فارس ابوطليح اللذي قتل الضابط الأنجليزي وكم كبير من جنوده بسيفه السكاب
وفيه قيلت القصائد كُثر
هاك أسمع دي يا ودالبوش
أحد القصائد التي قيلت فيه
الأرباب سعيد
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: كنت ناوي اعيد معاك في بطن بيتك لكن زي تابعت معاي حماني القيد منع
ووقعت في شيتا ما بتلاوى ولا بصاقع
حكومة طرشا هههههههه
وخيرا وفي غيرا
وكل الاعوام وانت بخير يا الحبيب |
يا الحبيب ودالبوش والله كنت فرحان زي الشافع الجابو لي جلابية العيد ومعاها شبط من باتا
السعر 199 قرش
لكن برضو القلب كان مابي جيتك والسبب انت عارف وانا عارف والله عالم
المهم يا سيدي زي ما قتا القدم ليهو رافع وكُت قدر كلمتك وقاصدا طالبني ضربتين
ههههههههههههههههه
تحيات ومعزة ما ليها حدود
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: كنت ناوي اعيد معاك في بطن بيتك لكن زي تابعت معاي حماني القيد منع
ووقعت في شيتا ما بتلاوى ولا بصاقع
حكومة طرشا هههههههه
وخيرا وفي غيرا
وكل الاعوام وانت بخير يا الحبيب |
يا الحبيب ودالبوش والله كنت فرحان زي الشافع الجابو لي جلابية العيد ومعاها شبط من باتا
السعر 199 قرش
لكن برضو القلب كان مابي جيتك والسبب انت عارف وانا عارف والله عالم
المهم يا سيدي زي ما قتا القدم ليهو رافع وكُت قدر كلمتك وقاصدا طالبني ضربتين
ههههههههههههههههه
تحيات ومعزة ما ليها حدود
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: شوال كتابتك شووووووو انكشح ضرب دلجة الوطا تحت
واكي الشوال زين واللنكشح دا بنخم من الوطا ول ما بنخم ما بعرفو
>>>>>>>>>>.................>>>>>>>>>>>.........>>>>>>>>>>>> |
Quote: وعشان ما بقدر اصبر لبكرة .. يا الله يا ابن حلتنا ترجم لينا..
ودمتم بصحة وعافية |
ههههه يابت عبدالرحيم ـ ماقلتو ريَّافة
اها عملاً للخوة نشرح ليك
شوال كتابتك : يعنى كتبتى كتابة تملا ليها شوال.
شووووووو انكشح : يعنى إندَفق
ضرب دلجة الوطا تحت : وقع فى الأرض (الوطا)
والدلجة عكس الفرناغة.
واكي الشوال زين : يعنى اربطيهو بإحكام.
واللنكشح دا بنخم من الوطا ول ما بنخم ما بعرفو
يعنى اللِّندَفَق منك فى الارض ده مو معروف بِتْلَم من الأرض ام لا.
| Quote: ولي هسع انا مستغربة اشمعنا طير الباقير .. يعني طير الباقير بتكلم صيني والله شنو؟ |
حكاية الطير فى الباقير دى بحكيها ليك حين ميسرة بس ذكرينى
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: احلف صادقة بت مصطفى ما كضبت ابدا وفي حياتها ما كضبت
وعندها فراسة قوية جدا ... بس لمن قالت انتو ناس سمحين .. وبس وسكتت
ما كان عندها حق لأنها كانت مفروض تضيف انتو ناس سمحين وجميلين ورائعين
ومعرفتكم والله بالدنيا .. والله يفتح عليكم ويسهل ليكم اموركم ويحقق ليكم امنياتكم بمناسبة
هذا العيد السعيد لأنكم بتفرجو الغم والهم وبتيسروا لينا قساوة الغربة ..
ولوحة عبد المنعم لوحة رائعة
ولوحة ود البوش ايضا فيها المعني : وعلموا اولادكم الرماية والخشونة : واخشوشنوا فإن النعمة لا تدوم..
وصينية بت عمسيب جوعتنا .. وتعليق ود البوش خلانا وكأننا فعلا قاعدين في الحوش الوراني والرجال قاعدين
في الحوش القدامي راجين الغدا...
ونكات ابن حلتنا طلعتنا من صرة الوش إلى البسمة ومرات الضحك بصوت عالي
ووين الحبيب مختفي وكان بيعلق طوالي على نكات ود الفاضلابي...
ونقول ليكم مرة ثانية : وكيف كان يكون الحال اذا ما كنا بنقرأ من روائعكم دي..
وكل سنة وانتو طيبين ولامين في ساعة المسرة ..
ومسكينة بت مصطفى محرومة من المشهيات دي .. لكن العزاء انا بلخص ليها الحاصل من وقت لاخر..
ودمتم بألف خير وصحة وعافية |
نضميك وقولك يا بت عبدالرحيم
خلّا صوف رأسنا واقف زي شواطين المعناطيس
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
ضربت لمحمد عبدالقادر ود ضرار لقيتو حزين خلاس مرتو اجهضت ربنا اديها الصحة والعافية واعوضهم
وضربت لي ود اب سن ومن قولة هلو عرفتو متحسس قلت ليهو يا ود اب اتا عيان ؟
قال آي والله متألم شنو
مال عدوك
قال لي عندي ملاريا
الله اديك الصحة والعافية يا عبدالحفيظ اخوي واقومك لينا بالسلامة
الباقي لينا المسنوح ان شا ء الله اكون شبعان عنكوليب
يا ود ضرار ربنا يخلف عليكم وإن شاء ست الدار بصحة جيدة
وربنا يعوضكم
الحبيب ابوسن كفارة وسلامة شرك مسم علي الدقشم
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالعزيز الفاضلابى)
|
Quote: ههههه يابت عبدالرحيم ـ ماقلتو ريَّافة
اها عملاً للخوة نشرح ليك
شوال كتابتك : يعنى كتبتى كتابة تملا ليها شوال.
شووووووو انكشح : يعنى إندَفق
ضرب دلجة الوطا تحت : وقع فى الأرض (الوطا)
والدلجة عكس الفرناغة.
واكي الشوال زين : يعنى اربطيهو بإحكام.
واللنكشح دا بنخم من الوطا ول ما بنخم ما بعرفو
يعنى اللِّندَفَق منك فى الارض ده مو معروف بِتْلَم من الأرض ام لا. |
مسنووووووووووووووووح
الجنا دا اتقول والدنو في مطمورة هههههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالله ود البوش)
|
Quote: هههههههههههههه
يعني كنت ود راحات عندك مغطيس في جهلتك هههههههههه
حرم نحن المغطيس دا كان نشوفو عن كمال ود حاج بشرى
نحن ناس صنجييييييي ساهي وكتال اللم واللبو ههههههههه
وفرطوق الطين بتعرفو طاااااااااخ ولد اب زرد طيخ بت طخ ولد اطرش ههههههه |
ههههههههههههههههههههههه
قلتا لي فرطوق الطين
كيفن مابعرفو
انت قايلني مولود في الديات هههههههههههههه
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبدالحفيظ ابوسن)
|
Quote: عيد سعيد
شكرا ودالبوش وكتر خيرك
سعدت ان هنالك من يتجاوز الاسافيرليخلق علاقة ود معك
فرحت والله بالجد لتفقدك
شكرا ود المنسي
بت السيد ست البوست ش ي ن ة والله |
حمد الله علي السلامة عبدالحفيض
وكل سنة وأنت طيب
وعساك بلغت العافية
بت السيدما وصلتك كانت ثاني يوم في العيد في حي الرديف ودت جوابات حقت سلافة لاهلها
ومعاهن علبة حلاوة وملايات العيد
| |
|
|
|
|
|
|
|
خالد علي محجوب المنسي
عبدالعزيز الفاضلابى
مني عمسيب
عبدالحفيظ ابوسن
سليمان القرشي
عبدالله ود البوش
عبد المنعم سيد احمد
فيس بوك
تويتر
انستقرام
يوتيوب
بنتيريست