|
Re: يانساء ورجال المنبر .. كدي تعالوا شوفوا الفتوى دي وخاصة النساء ..هام جدا !! (Re: نادية عثمان)
|
غايتو الواحد تاني يجي داخل شايل معاهو لسان العرب والمعجم الوسيط والقوقل سيرش وأي حاجة زاتو عشان يفهم مداخلة الناس والزول دا قاصد شنو وداسي ورا كلماتو شنو وووو إلخ إلخ إلخ!
معقولة لكن؟
هسي يا محمد الحسن سليمان قول لينا بالواضح عشان ما نقعد نفكـفكـ مداخلاتكـ: هل الصورة الواردة في هذا البوست في أكثر من مرة صورة محمد الحسن سليمان عضو البورد اللهو إنت شخصيا؟
نوبي .. بيلو .. تبلدينا .. الليلة ووووووووووووب
| |
|
|
|
|
|
|
Re: يانساء ورجال المنبر .. كدي تعالوا شوفوا الفتوى دي وخاصة النساء ..هام جدا !! (Re: بشير أحمد)
|
Quote: صراحةً محمد آي سليمان لم ينفي ان الصورة هي صورته ؛
|
بشير الزول ده من ناحية قال دي انا ما عندي فيها ادني شك.. وقد تكون انت ما شفت ..ولكن الثابت عندي انو قال..ولولا ذلك اصلا ماهو الاشكال هنا (مادام ماقال احنا متورين نفسنا هنا لييه اصلا..؟؟؟) عقب مسح البوست الذي اختفي.. كانت اولي اشارته هنا هي
Quote: بالمناسبة هناك شخص غيري يحمل اسم محمد الحسن سليمان
|
ممكن توريني يا بشير الجاب سيرة محمد الاخر شنو وليه وفي شنو..؟؟ انت صاح اشتهدت بنوبي وطالبتي بالاعتذار ولاغبار في ذلك.. ولكن غيرك اشتهد بقوله وطالبني بالاعتذار وعدم المكابرة..وهو اخ تحدثت اليه بكل احترام وتقديروبينت له امري.... والثابت عندو انو قال...دون ادني شك او تردد
| |
|
|
|
|
|
|
Re: يانساء ورجال المنبر .. كدي تعالوا شوفوا الفتوى دي وخاصة النساء ..هام جدا !! (Re: نادية عثمان)
|
Quote: نوبي .. بيلو .. تبلدينا .. الليلة ووووووووووووب |
ولا يا ود الصايم
لقيت يدك هههههههههه
غايتو كلو من نوبي القال لاقى محمد e سليمان والصورة ما بتخصوا
وتاني العضو (ما متذكر اسمو) القال أنو بعرف محمد الحسن سليمان الأستاذ بالجامعة السعودية (لأنو دفعتو) .. وأن محمد e سليمان ليس ذاك
يعني دي شهادة (راجلين)
===========
غايتو تاني لو كل البورد قال حاجة ما حأصدق إلا أن أرى بأم عيني
توبة يا حبوبة
=============
كيكي
شكراً لك..
| |
|
|
|
|
|
|
Re: يانساء ورجال المنبر .. كدي تعالوا شوفوا الفتوى دي وخاصة النساء ..هام جدا !! (Re: محمد البشرى الخضر)
|
Quote: يا كيكي كان تقول شنو و شنو الشغل الأخير - بتاع نمرة التلفون - جاك فيه باص من برة وكان ما اخاف الكضب من السعودية تحديدا صاح |
اقسم ليك يا ود البشري بالله.. الشغل الاخير بتاع التلفون ده بتاعي انا برااااي يا فردة.. وكان الموضوع ده حيكون عندكم هنا في المنبر لو ما الصيانة دي من اول امس بالليل..
وكنت ملاوز من انو ابو الشباب ده يلحق يغير التلفون في الموقع الثاني.. لكن برضو قدر يحذف (بوستين فيهم الرقم ده)..من الارشيف الظهرت منو الصورة المصورة..والثاني الاتنين بحححح من الارشيف..مع انهم كانو في..
| |
|
|
|
|
|
|
Re: يانساء ورجال المنبر .. كدي تعالوا شوفوا الفتوى دي وخاصة النساء ..هام جدا !! (Re: محمد البشرى الخضر)
|
Quote: من حلف بالله ما خلى شي , مصدقك يا كيكي لكن إذا المعلومة دي عندك من بداية البوست تكون طلعت بتاع تطويل و جاكات يا عمك و أديتنا صفحتين تلاتة زيادة ساي
|
المعلومة يا ود البشري بالذات بتاع التلفون بكل صدق ما كان اتحصلت عليها من الارشيف الا في الفترة التي قفل فيها بكري المنبر.وقفلت المنبر والمعلومة دي معاه جات علي بكاروشة الله لا رواك ليها .... فعلا المعلومة دي حاسمة ولو لقيتها من بدري كان الامر انتهي.. ولكن تاخيرها اعطاني فرصة اثبت زي 20 نقطة كده جات المعلومة ضربت اخر مسمار في القصة... عموما اشكر ليس قوقل بل اشكر (ياهو) البحث ياهو او بلاش...
يا ود البشري لك ابواب الحوار مشرعة في كل اللحظات في كل نقطة تريدها بكل تقدير واحترام يا عمك
| |
|
|
|
|
|
|
Re: يانساء ورجال المنبر .. كدي تعالوا شوفوا الفتوى دي وخاصة النساء ..هام جدا !! (Re: نادية عثمان)
|
Quote: هذا غير صحيح راجع مداخلة قيقراوي لم أكتب ما زعمه كيكي في البوست المحذوف كيكي كذب
|
مداخلة منو ؟ و الكاتب الكلام دا منو ؟ خلي مزاجك رايق او كما جاء في اعلان شاي الربيع . . . و خليها بيناتنا . . . .
اتمنى الا اضطر لعتالة نصوص من مكتبات الناس يا عمك . . . بعدين عتالة النصوص دي ما شغلتنا الا كان الظروف جبرتنا
في محاكمة العصر دي - العصر " درس العصر " و العصر الحدو مصر ذاتو " . . . الليلة هدو قداري
القضية هنا بين اثنين المتهم الثاني " كيكي " كما في صحيفة الاتهام و المدعي " صاحب الاقتباسات " و بالعكس و التهمة الـ " كذب " و بي قدرة قادر انت يا قيقا بي ذمتك الغرقانة دي شاهد نفي فيها . . . . و الله محن لكن . . . عليك الله بي جمال الـ D او البرين بلغة الفرنجة بتاعك دا ، دي قسمت معاك ؟ . . . رجلك جات في الخيّة ؟ . . . الليلة ضوق من كاساً اسقيتنا ياه حواء والدة يا بروف يا فردة انا ملتزم بموقفي من قضية البوست المنفتلة من خيطه الاساسي و مازالت اصابعي العشرة تنز حبر بصمتي على مداخلة الاستاذة داليا و ملتزم بتوجيهات مولانا تيسيير . . . العصر حدو مصر في حدود " المعرّف " و بس
| |
|
|
|
|
|
|
Re: يانساء ورجال المنبر .. كدي تعالوا شوفوا الفتوى دي وخاصة النساء ..هام جدا !! (Re: نادية عثمان)
|
Quote: هلا يا قيقا ويازول ولايهمك والغرقان قالو بحاول يشوف ليهو ولو قشة تطلعوا.. واصلا انت البينة القلتها انا احترمتها جدا ودي رايك وافاداتك حسب رويتك للحدث.. ولكن ابو الشباب ده كان في امره كالغريق.. فلك يا رجل كل الحب والتقدير.. |
يا كيكي اخوك مروق الـ D للآخر و امس في المنفى الاختياري عترت في كمين بينة بتأكد خطأ قرايتي
تابعت جعجعته الاسفيرية و قلت الـ D الجميل دا وراه فكي اليسمع " انا جبل البتاع الما بنطلع داك " * يقول صاحبك ما بقع كلو كلو لكن في قلوبيتي المسيكينة دي وقع . . . انت عارف انو مجرد انو يذكر انو قرأ مداخلة لي دا دليل ادانة دامغ ليهو بالتهمة . . . ؟ مش الكذب بتعريفه هو انو ذكر كلام مخالف لواقع الحال . . . اها خم و صر يا بروف
يا كيكي حبي القديم المقيم
------------------------------ مقولة شعبية قراية نصها الاصلي بالنخرة على مسئولية صاحبها
| |
|
|
|
|
|
|
Re: يانساء ورجال المنبر .. كدي تعالوا شوفوا الفتوى دي وخاصة النساء ..هام جدا !! (Re: نادية عثمان)
|
Quote: انقر هنا؛ وشوف محمد الحسن سليمان وليس محمدE سليمان |
والله يا بشير.. قضيتك دي خسرانة من أول جلسة
ما قاله محمد e سليمان وقتها - كما أذكر (طبعاً بدون اقتباس.. من الذاكرة بس) - أنو هناك عضو آخر باسم محمد الحسن سليمان بيكتب في المنبر العام
والزول داك أولاً ما عضو .. وثانياً ما قاعد يكتب في المنبر العام
بل كتب في صفحة الموقع بتاعة الأخبار والتحليلات
وأظن الفرق واضح
==========
الصح صح يا حبيب
| |
|
|
|
|
|
|
Re: يانساء ورجال المنبر .. كدي تعالوا شوفوا الفتوى دي وخاصة النساء ..هام جدا !! (Re: osman righeem)
|
كيكى ياكيكى
إنت وصلت للمطلوب فدع محمدإى سليمان يمشط جيوب مراوغته وكذبه عل سمعته تغتسل من الجنابة التى أصابتها بمواقعة الباطل للنباهة الأكاديمية الجميلة.
وهاك من تاريخ النابهين عبرة:
قيل أن بعض المقربين من الترابى (النابغة والأكاديمى المعروف) سألوه عن تهمة التخنيس المرتبطة بأحد قيادات الجبهة الإسلامية وأشهر إمام مسجد بالخرطوم. فقال لهم: ليس ذاك هو بل قرينه فالرجل أنظف من الماء والثلج والبرد.
فأخشى أن تزنق الرجل حتى يقول مثل ذلك أو مايشابهه..
| |
|
|
|
|
|
|
Re: يانساء ورجال المنبر .. كدي تعالوا شوفوا الفتوى دي وخاصة النساء ..هام جدا !! (Re: Balla Musa)
|
Quote: فقال لهم: ليس ذاك هو بل قرينه فالرجل أنظف من الماء والثلج والبرد. |
او روحا طاهرة في كيبورد نجس:D يا بلة السالفة بجاي خلاص انتهت فعلا والزول ده اكد بروحو احداثياتو الضوئية والمكانية والزمانية ولاعب علي حبال شطر ميت...وحنخليهو يمشط جيوب مراوغته انشاء الله يمشطها بوب مارلي ما شغلتنا تاني.. واصلا مادام الختم بتاع الجالوه الفوق داك اتخت تاني الابنص بكون خفيف عليهو
رغيم خلفية الصفحة السابعة رهيبة لمن غلط:D
| |
|
|
|
|
|
|
Re: يانساء ورجال المنبر .. كدي تعالوا شوفوا الفتوى دي وخاصة النساء ..هام جدا !! (Re: نادية عثمان)
|
كيكي وضيوف ناديه العزاز ,,,سلام
الاساءة للناس هي ما يدفع الناس للسؤال عن المسئ ’,,,,
والاساءة اسلوب غير حميد من البشر ايا كان ,,,
ومن يقوم بذلك فعلا محتاج ان يسال عنه "بضم الياء " وان يعرف اي نوع من البشر هو ,,,
ولولا لذلك لكان عيبا البحث خصوصية الانسان ,, ولكن انظروا الي كمية الشتائم التي هالها هذا الرجل علينا هنا ,,
وشتمنا وهو لايعرف عنا شيئا ,,,
سعدت جدا واكاد اقول انني حفظت تلك الاساءة والملفات المسحوبه والتي يتوقع سحبها فلعل الامر يحتاجها مستقبلا ,,,
ومعرفة هذا الرجل اراحتني شخصيا بدرجة كدت اطلق معها الرصاص فرحا بمعرفة الرجل الخفي الذي قال في حقي وحق زملاء كرام
حديثا ما كان ليقوله لو كان بجانبنا او كان يعرف اننا نعرف من هو ,,,,
كيكي النصر نصرنا جميعا ,,,
وليتنا نؤرخ لهذا اليوم ,,,,,,
| |
|
|
|
|
|
|
Re: يانساء ورجال المنبر .. كدي تعالوا شوفوا الفتوى دي وخاصة النساء ..هام جدا !! (Re: Ashraf el-Halabi)
|
أشرف سلامات كده وكيفك
Quote: هو بالله البوست دا ما بتاع كيكي!! |
البوست ده كيكي شالو بوضع اليد والملفات السرية واللياقة الإسفيرية ( وش قنعان) !!
كيكي التفكيكي سلام عليك وعلى( ضيوفك ) الكرام ( وش بعين نصف غامزة)
بوستي ده لغير المتابعين متابعة لصيقة كان موضوعه خبر فتوى طلعت مغلوطة و(فرية) كما قال أخي المحترم الفاروق .. ثم تحول لـ ونسة ثم لـ ( قرقراب) ماعارفة معناها شنو !!
ثم لبلاغات مفتوحة وقضية هوية وإتهامات متبادلة وعييييييك ..على راي بشاشا يطراهو بالخير وين الزول ده عساه طيب يارب
أنا أغايتو مشغولة حبة كده والله لكن مرة مرة كده بجي أسلم عليكم سمح ؟
فتكم بعافية جميعكم دون أي فرز ..
وواصلوا كما تريدون البوست حقكم كلكم .. يرحمكم الله ( وش كيف كيف) !
الوشوش مقطوعة ليه ياناس ؟!
| |
|
|
|
|
|
|
|