بحري طراوة... ويا ناس بحري .. قالوا بتحبوا يلا حبونا..

Quote: يابحراوية انتو كيف نحن طيبين . كتب المستشار (ابومحمد فؤاد ) طالما الوزيران نفسهما مفتوحه للتوثيق , لاأدرى اقول الشكر لهما أم أنه الواجب تجاه ست الهوى والطراوه. والله ياسعادة المستشار اولا الوزارة بعيده عننا بعد عنك وثانيها ده الواجب ياحبيبي وامس جلسنا انا وصديقي عماد عثمان واحبه جدا لابداعة المتواصل وتحادثنا كثيرا في امور البوستات فقلت له انت قوم بالبناء وانا بقوم بالتشطيب وتسليم المفتاح .وعندما يكتب في اي المواضيع صراحة يفتح الشهية وتجدني اعمل تلميع للموضوع حتى لانرجع اليه مره اخرى .وكمان لا تنسوا دايما احب تحفيزه عشان ما يتكاسل ويبخل علينا وانا اعرف جيدا ماذا في جُعبته .وبصراحة ياجماعة عندكم في بوست بحري الناس تشتكي وتحس بالتجاهل في عدم التفاعل مع مواضيعها اذا بالمدح او الزم او الاضافة لان الكمال لله وحده وهذا ما نعانية ايضا في بوست الشعبية ومن خلال اتصالاتي مع المتابعين وجدته هذا شعورهم .وبوست بحري بالذات ياجماعة لانه بوست توثيقي قبل كل شي يعني الواحد يحب الناس لا تترك المواضيع تمر مرور الكرام لان الناس كلها مكمله لبعضها . وطبعا عندي مواضيع كثيره في بوستيكم بداها اخي عماد ولم اكملها منها الجاغريو ووعدتكم قبل كده بوريكم كيف اولاد شمبات فتوهو فت مع اولاد المورده لما قالوا:- ياوحيد الكون السقم مساني اذا بعادك طال ابفى لاتنساني ومن مواقف هجرك شبت قبل اواني حبك امرض قلبي ورجعت اعاني والله يقدرني واكملها ليكم ياروائع بحري لان فيها متعه وروعه صراحة. كمال كرار (استاذنا ) سيد الحوش هل العجلة الفي البروفايل بتاعك ايجار ولا شنو والساعة بكم وفي حالة التأخير الغرامة شنو ياخي ادينا من وقتك شويه . بهذه المناسبة اذكر اشهر عجلاتي في حي الدناقله هو (سعودي العجلاتي ) وفاتح في بيت ناس الثعلب وياعمده ما تهبشو لينا ووثق لهذا الدكان . الاستاذه ناهد بشير (ست بحري ) كفاره البيك يزول وعمرو المرض ما كتلو زول اها يابحراوية تمسون على خير وارقدو عافية ودمتم ........... وليد عبد اللطيف