بحري طراوة... ويا ناس بحري .. قالوا بتحبوا يلا حبونا..

Quote: طارق ميرغني (ابوعاج ) ياخي والله شفت صورتك قلت دا ابوعاج ولا شنو ياخي انت والمستشار قريبك يظهر عندكم قرابة مع الرئيس نميري . المهم في صوركم فيها نوع من الفخامة شفت الغزل اظن لما كان تجو حلتنا ما كان بقولو ليكم كده .ها ها ها . بالمناسبة والله قعدت ارجع للذاكرة الخربة ويظهر زي ما قال قريبك ابومحمد فؤاد يظهر الرطوبة اثرت فينا وابداً ما قدرت اتذكرك مع اصحاب الاستاذ محمد موسى لما كنا نجلس معهم ولكن (محمدو )اخوك حبيبنا وبمناسبة محمدو شقيقك مشيت اجازة السودان وحضرة مبارة طرفها الكدرو ومدربهم (يوسف مرحوم )ووحاتك يقوم فريقة ينهزمهم وتعال شوف سب العرب ليهو ومرقو العكاكيز والله لو ما حاتم حنكول واخوك محمدو صاحبنا مدرب الفريق (يوسف مرحوم ) كان راح فيها .فليس عندي شي غير ان حركت وجهي مره الى اليمين ومره الى اليسار مهزلة كروية فعلا . تخيل مدرب فريق يقومي ينزل مستواه ويدرب فرق الدرجة الثالثه وده حال الكرة في السودان .يعني لما بنت تظهر في التلفزيون وتتكلم عن كرة القدم وطريقة تحضين الكرة والاستحواذ والضغط على حامل الكرة .تاني فضل لينا شنو . وبالمناسبة كرة القدم تربية وانا تربية في نادي الاتحاد بحي الدناقله ووجدت فيهو ناس لم افضلهم عليك ولكن طيبين وحلوين لان علاقتي مع ابناء الحي اصبحت صداقة بعد ذلك . شكلك ياطارق ميرغني عايز تورطني وتقول انك ما فهمت حاجة ولكن اخوك مفتح اذا المستشار (ابومحمد فؤاد ) بيعمل لي حصانة ممكن اقول اكثر من ذلك . ياشيخ طارق والله نتمنى باقي الاخوان ينزّلوا صورهم حتى نفتكرهم اذا يوم قابلاناهم أم لا. وهاك وحده تحت تحت . مرة المدرب (سليمان فارس ) رفض يلعّب كابتن كبير من لعيبة بحري وقال (ياخي ده كفن ابوهو ببيعو ). فن كرة القدم في بحري والب................... كمان في بحري . ودمتم ......... وليد عبد اللطيف