بحري طراوة... ويا ناس بحري .. قالوا بتحبوا يلا حبونا..

Quote: ياابو محمد فؤاد كدى تعال وقرب كرسيك واضانك وما تكلم زول . في كورة القدم كان الخرطوم (تنظّم) وام درمان (تُشاهد) وبحري (تلعب وتبيع) ولماذا انت زعلان ياصاحب الفؤاد الطيب خلاص هذا امر لا محال منه وهذه الصفات اصبحت تجري في دمنا لاننا توارسناها ممن سبقوقنا في المنطقة العريقة (بحري ) الرياضه انتماء للنادي والمنطقة قبل كل شي للاسف هذا كان مفقود عند معظم لاعبينا (بيييييييييييييييييييييييييييييع) وانديتنا (بيييييييييييييييييييع ) في يوم من الايام وبعد ان انتقلت من اللعب من بحري الى ام درمان لفريق( الرابطة )وقمنا بتصعيد النادي الى الدرجة الاولى هذا ما فاجأني من اندية بحري . واثناء جلوسي مرضت في المعسكر فجزاه الله خير احد الاداريين اخدني من المعسكر الى بيته واثناء مرورنا ذهبنا الى حكم مباراة بين الرابطة ام درمان وفريق من (بحري ) ولم اضع اي شي في حساباتي وتلقيت العلاج وضربت حقنة بالصباح وعند المباراة اقنعوني لازم اشترك في المباراة فكانت حقيقة صدمه لي فوجدت نفس الحكم حاكم المباراة واثناء سير المبارة اخذت الكره بيدي والناس خارج استاد التحرير شافوها وسجلنا منها هدف قول واحد . بعد داك وجدت بعض اللاعبين بائعين الكورة فزعلت جدا لعدم التنافس وادعيت الاصابة والمرض و (تف والف تف على هذا مستوى اخلاقي في انديتنا )وخرجت من الملعب ووجدت بعض الادارة لهم ضلع بذلك ويا لحسرة مشجعين النادي وهم لم يعلموا شي وقامت القيامة من المشجين وضرب مع الحكم والجمهور واخرجتنا الشرطة من الملعب . وعلى مستوى الاندية كان انديتنا بتبيع بعض لمصلحة وكان بفتكروها نظرة فنية لما يدّمروا بعض حتى يكون لهم السبق في تسجيل لعيبة المنطقة .ففضل هذا ديدننا في الكره حتى سقطت الفريق الذي سبق هذه الصفات في باقي الاندية . والله يمهل ولا يهمل . ياخي اللاعب بكون بائع الكورة وهو نجم المباراة اكتر من كده في . طبعا من الذكريات والونسات في الكورة بتظهر اشياء لم يعلم بها الاخرين من كان يبيع ومن كان يستلم . يعني يا ابو محمد فؤاد سلب الاراضي شي طبيعي وبسيط جدا وانا عارف انك تطرقت لهذا الموضوع اكثر من مره . خدعوك وجرحوا سمعتك خدعوك هل جازوك شي من منيتك اغروك فقدت اعزّ شي في دنيتك والخونه ظنوهو اكتساب وما حاسبو راعوا يوم الحساب بس تأكد ليك رب يخلص حقوقك وينصفك . يا ابو محمد فؤاد معليش لعدم ترتيب الموضوع لاني بكتب وانا زعلان وزي ما عارف ظروف السفر كمان وهذا الموضوع اكبر من كدا وعايز نقاش مطوّل وتحياتي لكل البحرواية . انت يا عبد الكريم ناس بحري تغيب عنهم ما يسألوا عنك تجيهم ما يرحبوا بيك كدى المره الجاية بجي عن طريق شباك استاذة ناهد (ام هبه ) جس نبض وكده . كيفك ياود ميييييييييييييييييييييييييييييييييييييرغني . تحايا كمية للبحراوية والشعباوية . ودمتم .......... وليد عبد اللطيف

(عدل بواسطة عبدالكريم أحمد الامين on 06-13-2009, 01:08 PM)