|
|
|
 Re: بحري طراوة... وبس .....!!!!!!!!!!! (Re: عبدالكريم أحمد الامين)
|
بمزيد من الحزن والاسي ينعي تجمع ابناء بحري بالرياض-المملكة العربية السعودية واسرة بحري طراوه وعموم اهل بحري
الفقيده رباب الشيخ يسن شقيقة اللاعب الدولي عبده الشيخ يسن بالمزاد بحري
احر التعازي لاسرتهم الكريمة وللاخ العزيز مصطفي يوسف " ود ابو عكاز" وزوجته انتصار الشيخ يسن"
اللهم ارحمها وتقبلها قبولا حسنا وانزل عليها شابيب رحمتك يا الله انك سميع مجيب
انا لله وانا اليه راجعون
| |
 
|
|
|
|
|
|
|
|
Re: بحري طراوة... وبس .....!!!!!!!!!!! (Re: Kamal Karrar)
|
Quote: صاحبك معاويه مُش تقنطرا ليهو ,, لو وقفتا ليهو فى خط 6 بوديها السلك ,, أصلو كان مُدافع..
|
الاخ كرومة
ياخي انا قلت ليك منتظر افتتاح الجزء الثاني من بحري طراوة
عشان كده ما عاوز انافسكم انت وعماد فى افتتاح الصفحات .
يعنى منافستنا لناس كمال كرار بس
| |
|
|
|
|
|
|
|
|
 Re: بحري طراوة... وبس .....!!!!!!!!!!! (Re: معاوية محمد الحسن)
|
الاخ كرومة
ياخي انا قلت ليك منتظر افتتاح الجزء الثاني من بحري طراوة
عشان كده ما عاوز انافسكم انت وعماد فى افتتاح الصفحات .
يعنى منافستنا لناس كمال كرار بس
** ابو عوه..
** صباحك خير..
## نفهم من كلامك الفوق دا :- إنك بتلعب مع الكُبار فقط ياعادل إمام 
(ودام الود بيننا)
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
الأخ الـكــريـــم طـارق مــيـرغــنـى
عــمـيـد الـتـــوثــيـق الــمـبـدع عـمـاد
أخــوانــا الـمـســتـشــاريـن ديـــل الله يــديـهـم الـعـافـيـة
Quote: عبدالكريم أحمد الامين
** صاحبك معاويه مُش تقنطرا ليهو ,, لو وقفتا ليهو فى خط 6 بوديها السلك ,, أصلو كان مُدافع..
(ودام الود بيننا)
(ابو محمد فؤاد)
معاوية محمد الحسن
الاخ كرومة
ياخي انا قلت ليك منتظر افتتاح الجزء الثاني من بحري طراوة
عشان كده ما عاوز انافسكم انت وعماد فى افتتاح الصفحات .
يعنى منافستنا لناس كمال كرار بس
عبدالكريم أحمد الامين
** ابو عوه..
** صباحك خير..
## نفهم من كلامك الفوق دا :- إنك بتلعب مع الكُبار فقط ياعادل إمام
(ودام الود بيننا)
|
الأســئـلـة الـهـامــة هــى:
هــل دى دفــوعـات ومــســاءلات قـانـــونــيـة؟
هــل مــثـل هـذه الـمـداخــلات تـجـــوز قــانـونـا؟
هــل هــنـاك خــلـفـيـات لـهـذا "الـتـحـاور الـتـجـاذبـى" كـمـا كان يـســمـيـه
أحــد أصـدقــاءنـا أمــد الله فـى أيــامــه.
أدام الله عــلـى الـجـمــيـع الــتـوادد والـتـواصــل وكـمـان "الــتـمـالـح" إذا كـان يــمـكـن ان نـخـتـلـق كـلمـة كــهـذه.
(مــعـلـيـش عــربـيـتـنـا تـعــبـت).
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: عبدالرحمن إبراهيم محمد)
|
"عــربــيـتـنـا تــعـبـت" دى ذكــرتــنـى
مــوقــف طــريــف.
واحــد أخــونـا مـن دنــاقــلـة الـخـاتـمــيـة كـان بــيـتــكـلـم مــع واحــد جـارهــم
حــول ســوء فــهــم نــتــيــجــة لإسِـــتـعـمـال عــمـتـه الـجــايــة مــن الـبـلـد جــديـد لــكـلـمـة.
فـأثــنـاء الـحــوار جــا أخ آخــر مـــاعـنـده فـكـرة عـن الـمـوضــوع
بــس ســـمـع أخــونــا الـدنــقـلاوى بــيــقــول: "يـاخــى عــمـتـى دى عــربــيــتــهـا تــعـبـانـة خـــلاص"
فـنـط صـاحــبـنـا الـداخــل فـى الـخـط وقــال لـيــهـو بــكل جــديــة:
"يـاخــى مــا تــودوهــا لأحــمـد رجـب؛ والله يصــلـحــهـا".
(أحـمـد رجـب الـمـيـكـانـيـكـى لـو تـذكـروه)
الله يــديــم الـذكــريـات الـطـيـبـة.
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: عبدالرحمن إبراهيم محمد)
|
Quote: الأســئـلـة الـهـامــة هــى:
هــل دى دفــوعـات ومــســاءلات قـانـــونــيـة؟
هــل مــثـل هـذه الـمـداخــلات تـجـــوز قــانـونـا؟
هــل هــنـاك خــلـفـيـات لـهـذا "الـتـحـاور الـتـجـاذبـى" كـمـا كان يـســمـيـه
أحــد أصـدقــاءنـا أمــد الله فـى أيــامــه.
أدام الله عــلـى الـجـمــيـع الــتـوادد والـتـواصــل وكـمـان "الــتـمـالـح" إذا كـان يــمـكـن ان نـخـتـلـق كـلمـة كــهـذه |
** البروف عبده..
** صباحك خير ..
## أحياناً المهنه تؤثر فيما تود قوله سواء أكان صراحةً أو تلميحاً..
## التحاور التجاذبى هذا بيننا مُنذ نهاية السبيعنات والى مطلع الثمانينات إذ أننا فى فترة الجامعه وبالرغم من تجاورنا فى السكن بالمزاد فلقد أقمنا فى منزل واحد أثناء الدراسه الجامعيه ولمدة أربع سنوات ,, كانت من أجمل الايام..
### يابروف ماتطول علينا الغيبه ننتظر ماتجود به علينا من ذكريات كإنتظار الزُراع للمطر..
(ودام الود بيننا)
(ابو محمد فؤاد)
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
يــاســـعـادة الـمـســتـشـــار أبــو مـحــمـد فــؤاد
ســـلامـى وشـــكـرى للــتــوضـيــح. أدام الله الــود بــيــنــكــمــا.
والله الــنــيــة مـتــوفــرة فــى الــمــواصــلـة والـذكــريـات والـتـى كــتــبـت كـثـيــر مـنـهــا.
لــكـن عــلـم الله غـــرقــان. وكــلـمـا مـاأبــدأ، كـمـا شــايــف، يــجــد جــديـد يـحــرفـنـى عـن مــســارى.
أدعــوا الله أن يـيـســـر.
ولـك الـمــودة أبــدا.
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: عبدالرحمن إبراهيم محمد)
|
البروف عبد الرحمن
تحياتى
وحمدالله على سلامة العودة ..وكنت قد وعدتنا ببداية لسرد ذكرياتكم فى بحري ونادي التحرير تحديدا ولكن يبدو ان المشاغل العديدة لم تمكنكم من البداية وغايتو نحن لازلنا منتظرين ومترقبين
مابينى وصديقى كرومة عشرة عمر وملح وملاح وحي واحد ومدرسة واحدة وجامعة واحدة ومهنة واحدة وروح واحدة .
حفظه الله لنا ابو محمد فؤاد وابقاه (فهو اخونا الكبير الذى تعلمنا منه )
معليش ياعبدالكريم الكبير دى بس للتوضيح للبروف .
.| Quote: نفهم من كلامك الفوق دا :- إنك بتلعب مع الكُبار فقط ياعادل إمام |
كرومة
اللعب مع الكبار الفى البوست مامنو فائدة ..شوف لينا طريقة نلعب مع الكبار الفى السودان ديل ياخي انشاء الله شوط واحد،بس بسرعة قبل الانفصال عشان بعد داك حتنشف .
| |
|
|
|
|
|
|
|
|
 Re: بحري طراوة... وبس .....!!!!!!!!!!! (Re: معاوية محمد الحسن)
|
Quote: كرومة
اللعب مع الكبار الفى البوست مامنو فائدة ..شوف لينا طريقة نلعب مع الكبار الفى السودان ديل ياخي انشاء الله شوط واحد،بس بسرعة قبل الانفصال عشان بعد داك حتنشف . |
## صديقى أبو عوه..
** مساءك خير..
## الجماعه الفى السودان طريقه ليك أو لينا مافى معاهم ,, عايزين يشيلو كُل العشرات تــتـــو ,, فى زول إسكورو - 21 (والحريق 21) والناس كُلها فى الزوون ,, بيقسم ولى بيطلع زول بحقو..
## زى ماقالوا مابيسلموها إلا لعيسى ,, فمن المُستحسن والمُفيد وللضمان تلعب معانا هنا فى الطراوه ,, والجن البتعرفو أخير من الجن المابتعرفو (وتمها بمقولة المجنون إياها .......)
## اها لو حاولت تطلع بحقك منهم جيقولو ليك :- (جفت الأقلام ورُفعت الصُحف)
(ودام الود بيننا)
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: طارق ميرغني)
|
| Quote: الجماعه الفى السودان طريقه ليك أو لينا مافى معاهم ,, عايزين يشيلو كُل العشرات تــتـــو |
الاخ كرومة
هم العشرات شالوهاوخزنو حقها فى ماليزيا لكن لو لا قدر الله وحصل الانفصال وفقدوا دولارات البترول تانى ماعندهم غير البرتيتة حقت سيد البيت الحتجيهم من رسوم التصدير .
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: معاوية محمد الحسن)
|
لا حوله
والله يا معاويه وعبد الكريم
كلمة تتو دي لي زي ثلاثين سنه ما سمعتها
لمن قشيت اضاني مرتين وقعدت اتذكر .....
لا حول ولا قوة الا بالله ..........
امال لو جاكم حسن طه ولا كمال وحكوا ليكم
عن لعبة المرسال جاكم بريللا بريللا برلليلا
او الرمه والحراس او ام القحف تقولوا شنو؟؟؟
لغات اجنبيه ؟؟
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: طارق ميرغني)
|
Quote: كلمة تتو دي لي زي ثلاثين سنه ما سمعتها
|
ياباشمهندس طارق
ياخي كلمة تتو دى قالها ود عمتك ..انا ذاتى اول مرة اسمع بيها
اصلو ود عمتك حريف كوتشينة من النوع البقول ليك لعبناها فى رأس القطر
مع انو مافى قطر بمشي الهلالية .
| |
|
|
|
|
|
|
|
|
 Re: بحري طراوة... وبس .....!!!!!!!!!!! (Re: خالد درق)
|
*** من بريدى :- الراسل الكوتش عوض الله مُصطفى ..
### وبقول ليكم :- جُمعتكم مُباركه ياناس بحرى..
## لماذا نقول الحمد لله بعد العطس ؟؟؟؟
نقول "الحمد لله" بعد العطاس لأن القلب يتوقف عن النبض ثم يستأنف عمله بعد العطاس ...
والعطسة سرعتها 100 كلم في الساعة، فإذا عطست بقوة فإنه من الممكن أن تكسر ضلع من أضلاعك،
وإذا حاولت إيقاف عطسة مفاجئة من الخروج، فهذا يؤدي إلى ارتداد الدم في الرقبة أو الرأس ومن ثم إلى الوفاة ... أما إذا تركت عينيك مفتوحتين أثناء العطاس، فمن المحتمل أن تخرجا من محجريهما ...
وأثناء العطسة تتوقف جميع أجهزة الجسم التنفسي والهضمي والبولي، رغم أن زمن العطسة (ثانية أو أجزاء من الثانية) وبعدها تعمل إن أراد الله لها أن تعمل وكأنه لم يحصل شيء ...
والعطاس رد فعل طبيعي من الجسم عندما يكون هناك مواد دخلت للأنف قد تضر بصحة الإنسان فتأتي العطسة لتخرجها خارج الجسم بقوة طرد عالية لحماية الجسم ...
لذلك كان حمد الله تعالى وهو شكر لله على هذه النجاة!!!
فسبحان الله العظيـم ... يا ربنا لك الحمد على نعمك كما تحب وترضى وكما ينبغي لجلال وجهك
وعظيم سلطانك.
أقول لمن ارسل هذا الملف جزاك الله خير
لأن الكثير من الناس يكتم عطسته خجلا من الأخرين وأنا أقول لهم أعطس بكل قوتك ولا تبالي بأحد...
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
يــاســـعـادة الـمـســـتــشـــار
لـك كل الـتـحــايــا وأنــت تـــهــيـــج الــذكـــريــات
وتــنــكـأ جــراحــات الــشـــوق
وتــســـيـل اللـعــاب.
Quote: كان هنالك الحلواني الذي يديره عمنا محي الدين والد ناس عمر ظعموط
وكان يشتهر بفول ما اروعه. |
يــاخــى داك كان فــــول رهــيــب.
أيــام كــنـا فــى الأمــيـريــة واحــــد.
لــضــيـق الــوقـــت كــنـا نــجــرى فـى حـصــة الــفــطــور بــســـرعــة عــشــان نــاكـل ونــرجــع.
وكـان عــنـدهــم بـاســـطــة تــكــون يــادوب طـالــعـة ســـخــنـة:
واحــدة بــالـفــول وواحـــدة بـالـكــريــمـة.
أنــا كـنـت بـشـــتـرى البـى الـكـريــمـة. ولـمـن نـاس دكــتـور مــصــطـفـى نــور الــهـدى يــقـولـوا لــى
"يــاخــى الــبـيــلـفــول الـمـحـمـص دى ألــذ." أقــول لــيـهـم:
"أنـا مـــاعــويــر أنــا بأخــد أم كــريـمـة دى وبـعـديــن
أشــتـرى مـن حـاجـة حــوا فــول بـتـعــريـفــة آكـلـو مــع الـبـاســطـة بـالــكــريــمـة!!"
وبـالـصـبـاح قــبــل الـمـدرســة أو بـعـد الـــحــصــص نــشــتـرى مــنـهـم الـفـريـســكـة.
وكان عـنــدهـم واحـــد إســـمـه "اللـمــيـيـن" بــيـلـــز طــبـلــيـة بــعــجــــلات
يــبــيـع فــيـهـا " زبــادى مــا عــادى" كــمـا كـان يــنـادى.
وفــى الــصــيـف كـان يــبــيــع الــدانـدرمـــة. والـغـريــبـة كـان بــيـجــى لــغــايــة
بـيــوتــنـا فـى الأمــلاك والـخــتــمــيـة.
بــعـديـــن طــوروا الــعــمـلــيـات وإســتـعـمـلـوا الـعـجــلات بـالـمـقــطـورة.
ثــم الـمـقـطـورتــين: واحــدة للـدانـدرمــة والـثـانــيـة للـزبـادى والــفــريــســكـة.
والـعـجـيـبـة الـناس مــاكـان بـتــاخـد مــنـه الـبـاســـطـة أم كــريــمـة.
عــشــــان كـان فـى إشـــاعــة قـــويــة إنــو الـبـاســطـة بالـكـريــمـة بـتــســبب الـتـســمــم.
لـــربــمــا لأنــهـا كانــت بــتــخــمــر فـى الـسِـــخـانــة.
ولــكم كــل الـــود.
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
Quote: حــتى تـخـرج أكـبـرهــمـا عـثـمـان إدريــس مــن الـكـلـيـة الـحـربــيـة وأبــتـعـث
لــيـعــود مــع الـطـيـار الـكــدرو كـأحـد طــلائـع رواد ســـلاح الـطــيـران.
وتـخـرج أخــاه مــهــنـدســا.
] |
بركة بالعودة يا بروف...
المعنية بالكوتيشن أعلاه.. أعتقد أيضا والدة الحلاق (جردقة).. وأظن أسمه الحبر...
وهم أخوال أخونا الرشيد محمد سعيد من أبناء المزاد..
ولا أنا أوف سايد يا بروف؟؟؟
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Kamal Karrar)
|
عــزيــزنــا كــمـال:
لــك الـتــحــايـا:
Quote:
بركة بالعودة يا بروف...
المعنية بالكوتيشن أعلاه.. أعتقد أيضا والدة الحلاق (جردقة).. وأظن أسمه الحبر...
وهم أخوال أخونا الرشيد محمد سعيد من أبناء المزاد..
ولا أنا أوف سايد يا بروف؟؟؟ |
شـــكـــرا!!
أنـا مـتـابـع بـس مــرات بـكـون فـى مـحـلات مـافـيـهـا كـى بـورد عــربـى أو غــرقـان فـى الإلـتـزامـات.
صــدقــت يـاكــمال.
نــعـم الـحـــبــر هــو الأخ الأكـــبـر لــعـثــمـان إدريـس
وكــان فــعـــلا حـــلاق ويــلـقـب بــجـــردقـة لــمـرارة تــعــلـيـقـاتـه.
خــاصــة فـى مــواجــهـة صــديـقـه الـلــدود "أبــوالـهــول".
وكـان الـســـر وحــاتــم حـــســـن الــشــــيـخ إبــنــى عــمـــهــمــا
وحـســن الـشــيـخ كان أحـــد رواد تــجــارة قــطــع الإســــبـيـرات الــمــســـتـعـلــمـة فـى الــســـودان.
وكـان مــن طــلائـــع جــمــاعــة أنـصــار الـســـنـة الـمـحـمـديــة (أهــل الـكـتـاب والـســـنـة)
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: عبدالرحمن إبراهيم محمد)
|
ســـــعـادة الـمــســـتـشــار أبـو مــحــمـد فــؤاد:
لــك الـشـــكـر عــلـى رقـم دكـتــور مــصــطـفـى وعــلى الـمـداخــلات:
Quote: يابروف :- بحرى عالم أكثر من جميل وذكرياتها تُهيج الأشجان وتجعل الواحد فينا يتمنى أن تعود به عجلة الزمان ,,
ويضرب كوز ليمون من حسن نضيق ويعدى على هافانا يفطر ويديها سنده بعد الفطور من الاندلس ويتغدا فى الخيام.. |
نـســيـت فــول كــيــســـو وطــعـمـيـة الـشــاطــرى وفــســـيـخ أم جـــاد
وتـســـالـى أحـمـد أبــوكـــراع.وشـــاى أم ســــمـارة!!!
حــلــيــل الأيــام ديـــك و يــاريــتــهــا تــرجـــع!
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: عبدالرحمن إبراهيم محمد)
|
Quote: لذلك كان حمد الله تعالى وهو شكر لله على هذه النجاة!!!
فسبحان الله العظيـم ... يا ربنا لك الحمد على نعمك كما تحب وترضى وكما ينبغي لجلال وجهك
وعظيم سلطانك. |
الاخ عبدالكريم
تحياتي
يازول انت متأكد انو الكلام الفوق ده قالوا عوض الله .
كدي راجع شوف الايميل ده جاءك من وين ؟
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: معاوية محمد الحسن)
|
يا بروف
هيجت علينا الذكريات
نحن كانت حبوبه كما كان اللقب السائد في كل المدارس لست الفطور
كانت رحمة الله عليها جدة اخونا صلاح الطيب الصافي وكانت تخصه بحله صغيره بها مالذ وطاب وبما انه من يجاور السعيد يسعد فقد كنت اجد معامله خاصه جدا منها ايضا.
اما في بحر الثانويه فكان الفطور في مطعم والشيرينق كان خمسة قروش يجمعها مننا صلاح جرب ليطلع حق السيجاره" يعني من زمان نصاب".
وكان الشله من المرحوم جلال عثمان وكمال كرار واللواء عمر رجب وعبد العظيم ابو ديه وصلاح جرب ورمزي ونجت برسوم "عندما لم يكن هنالك قوانين سبتمبر او التفرقه بالدين" وربما الفريق تاج الدين خضر الجزولي ومحمد الحسن عبد المحمود وعلي قسم السيد وعزيز احمد كامل وطارق ميرغني.
لكن يا كمال حدد لي شلة الفطور لاني لا اذكر فالزمن طال والذاكره جعانه.
اما بعد انقلاب نميري ودخلنا بحري الثانوية فكان التربية الاسلامية اختياري فكنا نقضي الساعة في مرطبات عبد القادر حاج السيد عندها كانت الباسطه بثلاثة قروش وكوب الليمون بقرش ونص.
في زمن ناس حسن طه كان كوب الليمون واحد بقرش والتاني مجانا
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: معاوية محمد الحسن)
|
Quote: الاخ عبدالكريم
تحياتي
يازول انت متأكد انو الكلام الفوق ده قالوا عوض الله .
كدي راجع شوف الايميل ده جاءك من وين ؟ |
** ابو عوه..
** صباحك خير..
## الكوتش (ابو مُهند) بيقول ليك :- إنت صنفتو مع أبو لهب وجماعتو ..
## أها عشان تصدق أنو الرساله دى من عوض الله رسل ليك معاها تذكره (ONEWAY)
(ودام الود بيننا)
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
Quote: اما بعد انقلاب نميري ودخلنا بحري الثانوية فكان التربية الاسلامية اختياري فكنا نقضي الساعة في مرطبات عبد القادر حاج السيد عندها كانت الباسطه بثلاثة قروش وكوب الليمون بقرش ونص.
في زمن ناس حسن طه كان كوب الليمون واحد بقرش والتاني مجانا |
*** إبن خالى..
*** صباحك خير..
### فى زمنكم كان التربيه الإسلاميه قلت لى:- إختيارى _ أها فى زمنا عملوها إجبارى لكن شُلتنا عملتا إختيارى وغالباً ماتكون بعد الفطور ,, أها بعد نضرب السندوتشات عند إنصاف (كافتيريا مقابله لمحل عبدالعزيز مانجل وجنب بار ويصا) ونمر على عبدالقادر حاج السيد نضرب الليمون ,, القعده بتكون فى حديقة عبود ..
** معلومه خاطئه عن الزمن الذى كان فيه ود البوب ببحرى الحكوميه :- الليمون free مع إى حاجه تشتريها من مرطبات عبدالقادر حاج السيد حتى لو كانت سجاره
(ودام الود بيننا)
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
Quote: لكن يا كمال حدد لي شلة الفطور لاني لا اذكر فالزمن طال والذاكره جعانه.
] |
بس معقولة يا طارق مها تقادمت بك السنون تنسى فاكهة الفطور؟؟؟
أبو النور يا..... وطبعا كنا سواسيو.. وأبو النور ما شاء الله
ربنا أداه بسطة في الجسم آنذاك... فكان برضو بودي قارد غير متفرغ!!!
الشلة بتاعة الفطور مرات مرات كان فيها على الفراش.. وعمر الفاضل...
طبعا علي سعد قشرة وهو متابع جيد لهذا البوست... حينبسط جدا
من تداعي الذكريات...
كدي يا طارق أنت مسئول من الخير...
الراجل المصلع زي يول برينر .. وعندو نضارات سوداء ويكون واقف جنب المدرسة
في عزّ الظهيرة.. ويظهر عليه سايكوبتك.. داك بتتذكرو؟؟؟
وإن أنسى لا أنسى بوسة الحصان (بتاع الكارو) الكان واقف جنب المطعم
لللواء طيار عمر رجب.. ونحن ماشين للفطور..
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Kamal Karrar)
|
اخي كمال ابدا ببوسة الحصان لعمر رجب والله لا اذكرها
ارجو بالله قصتها بالكامل
________________________
بخصوص ابو النور
هل يخفي القمر في سماهو صديقي العزيز ابو النور لا ينسي
لكن ما علقت علي صلاح جربويه وغشنا
___________________
بخصوص يول براينر اتذكره جيدا وكان لا يغير مكانه البتة
وسرو غير معروف حتي الان ولم اعرف احد تعرف عليه ابدا
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: عبدالكريم أحمد الامين)
|
الاخ عبدالكريم
تذكرة عوض اللة وصلت
وطالما أكدت انو هو القال الكلام ده ..بعد ده مانستبعد لو سمعنا بيهو فى الحج .
وماشاء الله ياشيخ عوض الله مصطفى (برضها قريبة من شيخ عوض الله صالح) مش كده
.| Quote: أها بعد نضرب السندوتشات عند إنصاف (كافتيريا مقابله لمحل عبدالعزيز مانجل وجنب بار ويصا) ونمر على عبدالقادر حاج السيد نضرب الليمون ,, القعده بتكون فى حديقة عبود |
والله ياعبدالكريم كثر خيرك لو بعد ده كلو دخلت جامعة الفرع ، لانو بالحاجات دى المفروض تدخل السوق .
غايتو انشاء الله محمد فؤاد مايشوف الكاتبو ده .ويصر يعمل زى ما كنت بتعمل
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: معاوية محمد الحسن)
|
| Quote: والله ياعبدالكريم كثر خيرك لو بعد ده كلو دخلت جامعة الفرع ، لانو بالحاجات دى المفروض تدخل السوق . غايتو انشاء الله محمد فؤاد مايشوف الكاتبو ده .ويصر يعمل زى ما كنت بتعمل |
** ابو عــوه..
** مساءك خير..
## الجامعه دى جيناها بعد ماخلصنا شُغلنا فى مصر وفى سوق الله أكبر ,, دا السبب الخلانا بقينا دُفعه فى الجامعه ,, لو ماصياعة الاسواق دى كان الواحد درسك فى الجامعه..
(ودام الود بيننا)
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: طارق ميرغني)
|
B]توفيت صباح اليوم ببحري-الدناقله شمال الحاجه نعيمه خوجلي
والدة كل من صبري اسحق " الكجع " واخيه تيسير بالرياض ودفع الله بالخرطوم
اللهم ارحمها وتقبلها قبولا حسنا
اللهم انزل عليها شابيب رحمتك يا الله
انا لله وانا اليه راجعون[/B
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
الموهبة عزيز يس حاكم من أبناء حي المزاد ولعب للمريخ مباشرة من خلال تألقه في الدورة المدرسة وكان ذلك في العام 1977 م ,, لم يجد عزيز فرصة اللعب في المريخ لصغر سنه وحجمه وكان يعده المريخ لاعبا للمستقبل بعد أن يشتد ويقوى عوده ومالبث ان سافر بعد فترة قليلة إلى دولة أسبانيا للدراسة وممكن الأخوان عبد الكريم ومعاوية يضيفوا لنا شوية عنه بحكم سكنه معهما في نفس الحي .
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Haitham Labib)
|
جمعة مباركة على الجميع ..
اللهم يامالك الملك وياواسع العطاء ياحي ياقيوم ياذا الجلال والإكرام إني أسألك في هذا اليوم العظيم.. وبعدد من سجد لك في حرمك المكرم،،، من يوم خلقت الدنيا إلى يوم القيامة أن تعافي قارئ هذا الدعاء،،،وتحفظه، وأسرته، وأحبته وأن تبارك عمله، وتسعد قلبه وتفرج كربه،،وتيسر أمره،،وتغفر ذنبه..آمين يارب العالمين
مودتى ..
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Kamal Karrar)
|
| Quote: الموهبة عزيز يس حاكم من أبناء حي المزاد ولعب للمريخ مباشرة من خلال تألقه في الدورة المدرسة وكان ذلك في العام 1977 م ,, لم يجد عزيز فرصة اللعب في المريخ لصغر سنه وحجمه وكان يعده المريخ لاعبا للمستقبل بعد أن يشتد ويقوى عوده ومالبث ان سافر بعد فترة قليلة إلى دولة أسبانيا للدراسة وممكن الأخوان عبد الكريم ومعاوية يضيفوا لنا شوية عنه بحكم سكنه معهما في نفس الحي . |
** عمده (مُحب وعاشق بحرى)
** مشكور على إيراد سيرة الصديق والدفعه عزيز ياسين حاكم ..
** والده (د. يسن حاكم) لعب فى المريخ فى عصره الذهبى وعمل به إدارياً ,, برز عزيز وشقيقاته فى مجال السباحه ,, عندما كانت السباحه كنشاط رياضى لها أنديتها ومنافساتها ..
** لعب عزيز فى فريق التلال برابطة المزاد وزامل عثمان بوكو (لاعب التحرير) , وبعد إنتقال بوكو للتحرير إنتقل عزيز للمريخ الذى كان فى ذلك الزمان يذخر بنجوم الوسط وكان عزيز يجيد المراوغه كلاعب وسط ويلعب بكلتا قدميه كما يُُجيد ضربات الرأس ,, كان لاعب وسط تتوافر فيه كل المواصفات الفنيه والبدنيه ولكن فى فى ذلك الزمان كانت فرصته ضعيفه لكى يحجز مكاناً له..
** هاجر عزيز فى نهاية 1978 الى إسبانيا لدراسة هندسة تخطيط المدن ,, وقد لعب فى فريق درجه ثانيه بإسبانيا وزامل كابتن إنجلترا كيفين كيجان أشهر من إرتدى الرقم 7 ..
** الشُهره التى إكتسبها عزيز من السباحه أكثر من شُهرته فى كرة القدم فى ذلك الزمان..
** السباحه جعلته من اللاعبين الذين يمتلكون طاقه يمكن أن يلعب بها أكثر من مبارأه فى اليوم ..
(التعديل لشطب حرف زائد)
(عدل بواسطة عبدالكريم أحمد الامين on 11-05-2010, 05:15 PM)
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
شخصيات من بحري
نور الدين مدني
نور الدين مدني أبو الحسن من مواليد مدينة الحديد والنار ( عطبرة ) في العام 1941 م ,, تلقى دراسته الأولية والمتوسطة بمدارس البعثة التعليمية المصرية ولطبيعة عمل والده المتنقل بالسكة حديد درس المرحلة الثانوية بمدينة بور تسودان بمدرسة الثغر ,, نال بكالوريوس علم الاجتماع من جامعة القاهرة فرع الخرطوم في العام 1963 م بدرجة جيد .
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
عمل أولا كباحث اجتماعي برئاسة سجون السودان التي تتبع لوزارة الداخلية وقام مع مجموعة من الباحثين (الدسوقي محمد طه، علي الجاك، عبد الله عبد العزيز وزينب عثمان الحسين) بتأسيس نواة العمل الاجتماعي في السجون، وفي هذه الفترة أشرف على إصدار نشرة دورية برئاسة السجون، كما أشرف على تحرير صفحة (انفتاح الأسوار) التي تعبر عن الجوانب الإصلاحية في السجون وذلك بصحيفة الأحرار في نهاية الستينات، حيث عمل متنقلاً بمؤسسات الإصلاحيات والسجون خلال تلك الفترة بين الخرطوم والفاشر.
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
كانت بداية ولوجه للعمل الصحفي في العام 1972 م عندما عين الدكتور جعفر محمد علي بخيت رئيس مجلس إدارة الصحافة في ذلك الوقت مجموعة من الخريجين الذين اجتازوا الاختبارات التحريرية والشفهية، وأطلق عليهم في مقال شهير (الأربعة عشر كوكباً)، وكان من بينهم الأستاذ نور الدين مدني الذي تفرغ بعد ذلك للعمل بالصحافة، وكانت لديه إسهامات مقدرة في صحف الرأي العام في عهد إسماعيل العتباني وفي جريدة الصحافة في عهد عبد الرحمن مختار وفي صحيفة الأيام في نفس الفترة.
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
اشتهر نور الدين مدني بكتابة عموده اليومي ( كلام الناس ) وهو عمود سياسي اجتماعي فني ... الخ يعبر عن نبض ومشاكل وأحلام الجماهير بتناوله لقضايا وهموم الوطن والمواطنين. وبسبب أرائه القوية التي يسكبها مداده في ذلك العمود تعرض نور الدين مدني في لكثير من المرات للاعتقال ولإيقاف الصحيفة التي يعمل بها .
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
عمل نور الدين مدني في صحف الصحافة والأسبوع والقوات المسلحة وحاليا يعمل بصحيفة السوداني نائبا لرئيس التحرير كما عمل مراسلا لصحف الشرق القطرية وعمان العمانية ومديرا لمكتب جريدة الخليج الإماراتية ثم الاتحاد، وتعاون مع إذاعة أمدرمان في عدد من البرامج منها (برنامج الأسرة) و(برنامج الشباب) و(ركن الجنوب) الذي كان يشرف على إعداده وتقديمه مصطفى عوض السيد .
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
أصحابنا العزاز ناس بحري اللذاذ
( ايه رايك يا ود كرار علي هاذا الشعر الكبار ؟ )
العذر لكم جميعا علي هذا الغياب القسري
يا استاذ معاوية لم نشاهدك مساء الامس في ندوة رابطة القانونيين بفندق رامادا
" التداعيات القانونية والاقتصادية لحق تقرير مصير جنوب السودان "
لعل المانع خير
دمتم والي لقاء
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
تزوج نور الدين مدني في العام 1969م من السيدة الفضلى رقية عبد الله محمد علي وأنجب منها :
- هالة وهي فنانة تشكيلية ومتزوجة من علاء الدين عبد الرازق .
- عبد الرحمن وهو فنان تشكيلي ومتزوج من التشكيلية رنده عبدالمطلب وحاليا يترأس إتحاد التشكيلين السودانيين .
- هادية خريجة كلية النصر التقنية ومتزوجة من محمد عبد المنعم .
- هنادي خريجة كلية كمبيوتر مان ومتزوجة من التشكيلي غسان عباس سعيد أبن أخ الشاعر مهدي محمد سعيد .
- محمد خريج مختبرات طبية وعمل سابقا بزريبة الشيخ عبد الرحيم البرعي طيب الله ثراه ويعمل حاليا بشركة إيات في جنوب السودان .
ختاما من بوست ست الهوى والطراوة نبعث بخالص التحايا للصحفي المصادم نور الدين مدني مع أطيب أمنياتنا له بموفور الصحة والعافية ويطول عمره إن شاء الله .
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
Quote: - هالة وهي فنانة تشكيلية ومتزوجة من علاء الدين عبد الرازق .
- عبد الرحمن وهو فنان تشكيلي ومتزوج من التشكيلية رنده عبدالمطلب وحاليا يترأس إتحاد التشكيلين السودانيين .
- هادية خريجة كلية النصر التقنية ومتزوجة من محمد عبد المنعم .
- هنادي خريجة كلية كمبيوتر مان ومتزوجة من التشكيلي غسان عباس سعيد أبن أخ الشاعر مهدي محمد سعيد . |
** عُمده.. (مُحب وعاشق بحرى)
** ســلام..
## لاحظ عنصر الوراثه إذ أن أبناء الاستاذ نورالدين مدنى وأزواج بناته تخصصوا فى الفن التشكيلى وذلك لان عمهم هو الفنان التشكيلى صاحب البصمه المتفرده فى الرسم بقلم الرصاص ابوالحسن مدنى والذى أقام العديد من المعارض فى السبيعنات ,, وعلى ماأعتقد أنه كان مُقيم ببورتسودان فى ذلك الزمان..
(ودام الود بيننا)
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
توفيت صباح اليوم ببحري-الدناقله شمال الحاجه نعيمه خوجلي
والدة كل من صبري اسحق " الكجع " واخيه تيسير بالرياض ودفع الله بالخرطوم
اللهم ارحمها وتقبلها قبولا حسنا
اللهم انزل عليها شابيب رحمتك يا الله
انا لله وانا اليه راجعون[/B
ربنا يرحمها ويغفر لها ويجعل مثواها الجنة انشاء الله ...
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
Quote: ** عُمده.. (مُحب وعاشق بحرى)
** ســلام..
## لاحظ عنصر الوراثه إذ أن أبناء الاستاذ نورالدين مدنى وأزواج بناته تخصصوا فى الفن التشكيلى وذلك لان عمهم هو الفنان التشكيلى صاحب البصمه المتفرده فى الرسم بقلم الرصاص ابوالحسن مدنى والذى أقام العديد من المعارض فى السبيعنات ,, وعلى ماأعتقد أنه كان مُقيم ببورتسودان فى ذلك الزمان..
(ودام الود بيننا) |
بالطبع للوراثة الأسرية دورا في توجههم نحو الفن التشكيلي
والتشكيلي أبو الحسن مدني لازال يقيم بمدينة بورتسودان حتى
الأن .
تسلم أبو محمد فؤاد
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Emad Ahmed)
|
اخي كمال كرار
اشتركت وساهمت في موقع بحري طراوه في الفيسبوك
وردوا علي التحية باجمل منها
بس في رسالتهم علمت انهم زعلانين منك في استخدام كلمة " لطش"
التي ذكرتها اعلاه
ارجو التكرم بالاعتذار لهم مع علمي التام بحسن نيتك فيما عبرت
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: طارق ميرغني)
|
توفي بماليزيا الطالب - احمد ابن الاخ علي الفاضل ( علوبة ) وسيوارى الثري غدا الاحد بالامارات ...تغمده الله بواسع رحمته والهم اهلة واسرته حسن العزاء ..
وانا لله وانا اليه راجعون ...واللهم صبر ابويه واجعل مثواه الجنة يا رب العالمين ....
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: احمد محمد احمد عتيق)
|
كتب اخي الاستاذ عماد احمد
عن الصديق الشاعر الرقيق مبارك بشير
فذكرني مشكورا بايام قضيتها مع شاعرنا الرقيق لا تنسي
ايام الجامعة وما بعد التخرج
لا انسي تلك الامسيات امام البيت بالشعبية ومعي صديقي العزيز نحتسي شاي الحاجة الوالدة في المغربية باللبن المقنن.
كان لوالده يرحمه الله دكان بسوق الشعبية
الجانب الآخر من الاخ مبارك ( غير الشعر المتمكن ) انه انسان ذو اخلاق عالية ودود هادئ مرح مع جد وجد مع مرح انيق .....وغيرها من الصفات الجميلة التي جعلته محبوبا لدي الجميع.
التحية والتجلة له وشكرا اخي عماد.
ويا زمن ... وملعون ابو الغربة
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: حسن طه محمد)
|
Quote: [توفي بماليزيا الطالب - احمد ابن الاخ علي الفاضل ( علوبة ) وسيوارى الثري غدا الاحد بالامارات ...تغمده الله بواسع رحمته والهم اهلة واسرته حسن العزاء ..
B] |
تغمده الله بواسع رحمته...
وألهم أهله الصبر الجميل
سؤال:
هل هو إبن على الفاضل حسن أخ كل من عمر الفاضل وخالد وياسر
أرجو الرد شاكرا لتقديم واجب العزاء..
ولا حول ولا قوة إلا بالله
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Kamal Karrar)
|
Quote: بس في رسالتهم علمت انهم زعلانين منك في استخدام كلمة " لطش"
] |
والله ليهم حق يا طارق...
وأنا طبعا ما قصدت حرفية الكلمة..
لكن أنا مش أعتذرهم ليهم هنا بس...
بعتذر ليهم هنا وهناك..
مش كلها طراوة... أنا حبيت أن أحيي
أدبيات الحقوق الأدبية وبراءات الإختراع...
لم تسعفني اللغة أو قل لم أتدبرها... وكان همي
المحافظة على الحقوق...
يا ناس بحري طراوة فرع الفيس بوك.. لكم العتبى حتى ترضوا
مع كامل مودتي وإعتزازي بكم
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: معاوية محمد الحسن)
|
Quote: توفي بماليزيا الطالب - احمد ابن الاخ علي الفاضل ( علوبة ) وسيوارى الثري غدا الاحد بالامارات ...تغمده الله بواسع رحمته والهم اهلة واسرته حسن العزاء ..
وانا لله وانا اليه راجعون ...واللهم صبر ابويه واجعل مثواه الجنة يا رب العالمين .... |
اللهم طيب ثراه واكرم مثواه واجعل الجنة مستقره وماواه
وانا لله وانا اليه راجعون .
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: Kamal Karrar)
|
Quote: تغمده الله بواسع رحمته...
وألهم أهله الصبر الجميل
سؤال:
هل هو إبن على الفاضل حسن أخ كل من عمر الفاضل وخالد وياسر
أرجو الرد شاكرا لتقديم واجب العزاء..
ولا حول ولا قوة إلا بالله |
نعم علي الفاضل شقيق عمر وياسر وخالد واسامة الفاضل بالدناقلة شمال ...
لابنه الرحمه ولهم حزن العزاء
| |
|
|
|
|
|
|
|
|
|
Re: بحري طراوة... وبس .....!!!!!!!!!!! (Re: احمد محمد احمد عتيق)
|
Quote: كتب اخي الاستاذ عماد احمد
عن الصديق الشاعر الرقيق مبارك بشير
فذكرني مشكورا بايام قضيتها مع شاعرنا الرقيق لا تنسي
ايام الجامعة وما بعد التخرج
لا انسي تلك الامسيات امام البيت بالشعبية ومعي صديقي العزيز نحتسي شاي الحاجة الوالدة في المغربية باللبن المقنن.
كان لوالده يرحمه الله دكان بسوق الشعبية
الجانب الآخر من الاخ مبارك ( غير الشعر المتمكن ) انه انسان ذو اخلاق عالية ودود هادئ مرح مع جد وجد مع مرح انيق .....وغيرها من الصفات الجميلة التي جعلته محبوبا لدي الجميع.
التحية والتجلة له وشكرا اخي عماد.
ويا زمن ... وملعون ابو الغربة |
أخي المستشار حسن طه
أيضا عرف الشاعر الرقيق مبارك بشير بانه رياضي مطبوع وعرف بهلاليته الصارخة
وكان من المقربين لرئيس الهلال الراحل الطيب عبد الله .
لكما معا عاطر التحايا .
| |
|
|
|
|
|
|
| |
Emad Ahmed
عبدالكريم أحمد الامين
Kamal Karrar
معاوية محمد الحسن
عبدالرحمن إبراهيم محمد
وليد عبد اللطيف
حسن طه محمد
فيس بوك
تويتر
انستقرام
يوتيوب
بنتيريست