بحري طراوة... ويا ناس بحري .. قالوا بتحبوا يلا حبونا..

Quote: التاج شاكوش زميل ملاعب ولم يكن من المدافعين الذين يتعمدون الخشونه بل كان في اسلوب لعبه اقرب الي أسلوب المرحوم شيخ إدريس كباشي..

Quote: عليكم ورحمة الله تعالي وبركاته الاخ الاكبر كمال كرار عبرك ابعث بتحياتي لجميع الاخوة المتداخلين في بحري طراوة ونداوة صراحة المداخلات شيقة ورجعتنا لزمن بعيد خلاص زمن الديناصورات زمنكم حيث اننا لم نكن من حضور هذا الزمن الجميل زمن الزمن كان زين والشعر مغطي الاضنين ولذلك نعتبر انفسنا غير محظوظين غايتو نحنا لحقنا اخر هذا الزمن الجميل الله يديكم العافية بقدر ما امتعتونا وجعلها الله قناطير في ميزان حسناتكم كما قال اخي على حامد وعبرك ارسل تحية للاخ على حامد ولد حلتنا والاخ الاصغر وائل ود جيرانا وبقول لعلي حامد ايميلك ما طلع لي في البروفايل جاني بروفايل زول في امريكا وعلى حسب علمي انك في الشارقة ولا ماكده بالمناسبة اخي كمال وجميع الاخوة المتداخلين ورد ذكر الاخ جيمس لاعب التحرير السابق في هذا البوست أحب أن أخبركم بانه سوف يقام حفل خيري يوم الخميس 7/8/2008 بالمسرح الوطني بابوظبي لصالح علاجه وهذه دعوة مني للجميع للمساهمة واتمني ان تجدوا لكم طريقة للمساهمة في علاج احد ابناء بحري ربنا يشفيه بالله يا كمال بتعرف وداعة عمر يسن ياخي بالجد انت ديناصور اقول ليك حاجة وادعة ده قريبي ودخالة الوالدة يعني خالى باللفة وهو مقيم في ابوظبي وح اجره عشان يورينا ذكرياته برضو عبرك يا كيمو اهني الاخ عبد الكريم بقبوله في البورد واتمني له طيب الاقامة ورد ذكر محامي بحري احب أن اضيف احد المحامين وهو اليسع نصر الدين ورد ذكر التاج شاكوش والظاهر انو معظم المتداخلين دفعة التاج شاكوش طيب نسيتوا المرحوم أزهرى أحمد سعد لاعب الأملاك الحريف كان نفس دفعة التاج شاكوش وبخاري وبقية العقد الفريد يا كمال ما تدخل لي واسطة مع بكري ده عشان يرجع لي باسووردي ويا علي حامد لو في الشارقة اتصل على تلفوني موجود فوق صفحة سبعة تقريباً ولنا عوددددددددددة قريبة انشاء الله

Quote: الأعزاء أبناء بحـــرى الأوفياء ،اسف لطولة الغيبة عن هذا البوست التوثيقى لمديتنا الجميلة أرحب بالأستاذ عبدالكريم الأستاذ والمستشار بدبى وزميل المهنة، يأ أخى عبد الكريم منذ أن التقينا فى العام 2002 بالشارقة مع الأخ وليد محجوب كرار لم التقى بك نرجو ان نلتقى قريبا أنا فى أبوظبى أعمل بمكتب التميمى ومشاركوه. فيما يتعلق بمداخلة الأخ عبدالكريم التى اورد فيها بها بعض الشخصيات السياسية بمدينة بحرى ورد اسم المرحوم عباس بابكر 0 لعلكم تقصدون بابكر عباس، لأن عباس بابكر ابنه وهو لازال حيا يرزق نتمنى له دوام الصحة والعافية وطولة العمر) مع كل الحب والتحايا لكم سيف الدين نجـــار أبوظبى – دولة الإمارات العربية المتحدة

Quote: دار الوطني الاتحادي مقابل بقالة النقيشي وجوار منزل الشيخ موسي علي شارع الكوبرى وكان المسوؤلين عن العضويه والاشتراكات الشهريه الاخوين العظمين كمال العجب وكمال الزين وكلاهما من المزاد