|
Re: بحرى طراوة (Re: Emad Ahmed)
|
وزير العدل والنائب العام الأسبق اللواء حقوقي أحمد محمود حسن
( حلة الميري ( الوابورات ) ثم المزاد شمال ( يمت لي بصلة القرابة عن طريق الوالدة ) ..
| |
|
|
|
|
|
|
Re: بحرى طراوة (Re: Emad Ahmed)
|
Quote: هههههههههههههههه ياخي عوض الله بالغ عديل كده
|
كابتن وليد تحياتي اخونا عو ض اللة شخصية طريفة جداً ولو جلست معاه حتموت من الضحك .
عماد ربنا يعطيك الصحة والعافية على هذا المجهود الكبير
Quote: بين مكة المكرمة والمدينة المنوّرة....
|
الحاج كمال ربنا يتفبل العمرة وانشاء اللة تذكرت صاحبك جرب ودعيت ليهو معاك
| |
|
|
|
|
|
|
Re: بحرى طراوة (Re: Kamal Karrar)
|
Quote: * ايوه انا فى كتابى «اولاد بحرى» عندى فصل عن الجن فى بحرى. * وين بنلقاهم ؟ * من حلة حمد وفندق قصر الصداقة والساحل الماشى بى حلة كوكو لغاية الجريف ده كلو جن بما فيها الكماين بتاعة الطوب. |
في هذه محق يا استاذنا أنور هاشم
اشتعر الاستاذ انور هاشم بخفة الدم و السخرية - اذكر ااني دخلت ذات مساء بحراوي دكان عمك المرحوم محمد الطيب بالدناقلة - ووجدت المخرج انور هاشم في نقاش مع البائع-ما مذكر اسمو دلوقتي- عن غلاء الاسعار بالدكانة - و كان علي ما اعتقد يجادل في سعر البيض - اذكر انه و بسخريته المعهودة و في نهاية الجدال و بعد ان اقتنع بانه لا فائدة مرجوة من جدال البائع - صرخ في وجهه : انتو بيضكم دا جني جداد ولا جني وزين ! فقد كان سيد الدكان من اهل العوض - و انفجر كل من كان بالدكان في ضحك هستيري
الهم انعم مخرجنا الكبير الصحة و العافية
| |
|
|
|
|
|
|
Re: بحرى طراوة (Re: مازن فيصل هلال)
|
Quote: جرب مع البسملة؟؟؟؟ أول ما تقول بسم الله ...أها جرب بيروح في حق الله |
** ود السر كرار.. ** صباحك خير.. [red]## كلامك الفوق دا :- قبل التوجه الحضارى وقُعاد الخور صاح 100%.. ## بعد التوجه الحضارى وصاحبى جرب إتحجب واصبح يُسرع الخُطى نحو الجوامع لو قال بسم الله :- إحتمال كبير تكون فى السودان ونهائى..
** كسره :- قال ليك واحد بتاع شربه فى جده مصلح صاح جات كشه من الترحيلات للطياره بالليل فى نفس اليوم.. ** وصل المطار لقى ليهو بوكس ماشى أُمبده نطا معاهم .. ** وصل البيت ونام الصباح قام لقى ليك الحوش الما غريب عليهو :- قال سبحان الله من جده الى أُمبده.. (ودام الود بيننا) (ابو محمد فؤاد)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
شخصيات بحراوية
البروفسير - علي محمد شمو
علي محمد شمو من مواليد مدينة النهود بغرب السودان في العام 1932 م ,, تلقى تعليمه الأولي بالنهود ثم بالمعهد العلمي ثم سافر إلى مصر في العام 1949 م والتحق بجامعة الأزهر وتخصص في التدريس والمجال التربوي في العام 1954، ثم نال الماجستير في التربية، وبعدها درس القانون المقارن في أول معهد أسسته الجامعة العربية للمتميزين من خريجي الجامعات في العالم العربي ,, وتحصل على الدكتوراه في علوم الاتصالات من الولايات المتحدة الأمريكية ,, بعد تخرجه من جامعة الأزهر في العام 1954 م عمل في إذاعة القاهرة ومعه الدكتور حسن عباس صبحي وعثمان محمد عوض، وهو سفير متقاعد، واستمر في العمل بها حتى عودته إلى السودان في فبراير 1955 م ,, وعند عودته اقترح عليه يحيى الفضلى، وكان حينها وزيراً للشؤون الاجتماعية، العمل في الإذاعة السودانية، وحينها أُعلنت وظيفة في جامعة الخرطوم وتم قبوله بها ليكون مساعد تدريس بكلية القانون ولكن أستمر في مجاله الإذاعي ثم عمل وكيلا لوزارة الثقافة والإعلام وأصبح وزيرا للثقافة والإعلام في عهد مايو وفي عهد الإنقاذ الوطني . خبير عالمي في الاتصالات وضيف مستدام في العديد من القنوات الفضائية لخبرته وباعه الكبير في ذلك المجال ,, عمل محاضراً بكلية الصحافة والإعلام بجامعة امدرمان الإسلامية .. وعمل أيضا أستاذ علوم اتصال زائرا في عدد من الجامعات في دول الخليج العربي ,, ألف أكثر من 15 كتاباً في مجال علوم الاتصال ,, نال جائزة أفضل مؤلف لكتابه في مجال الأقمار الصناعية في الوطن العربي ضمن فعاليات مهرجان الكتاب الدولي في القاهرة ,, يعمل الآن رئيس مجلس الصحافة والمطبوعات في السودان . تزوج من السيدة الفضلى سكينة إبراهيم شمو وأنجب : محمد وهدى وسهير ونبيلة وغادة وسناء ,, متعه الله بالصحة والعافية ويطول عمره إنشاء الله .
المصدر : موسوعة الأنساب والقبائل في السودان للبروفسير عون الشريف قاسم .
(عدل بواسطة Emad Ahmed on 04-10-2010, 12:10 PM)
| |
|
|
|
|
|
|
Re: بحرى طراوة (Re: Emad Ahmed)
|
مجلس وزراء نظام العهد المايوي ويظهر في الصورة من
الشخصيات البحراوية علي شمو والرشيد الطاهر بكر
وعمر محمد الطيب ومحمد هاشم عوض وأخرون ..
| |
|
|
|
|
|
|
Re: بحرى طراوة (Re: Emad Ahmed)
|
نجوم التسجيلات الجديدة ببوست ست الهوى والطرواة
ناصر فراج ومازن فيصل هلال كان لهم وجود فاعل في
الصفحة السابقة ,,
يدكم معانا ليتواصل ذلك الألق ..
| |
|
|
|
|
|
|
Re: بحرى طراوة (Re: عبدالكريم أحمد الامين)
|
أكاد أجزم أن هذا البوست سيغدو مرجعا بمجاهدات الأخ/ عماد التوثيقية...
غير أن ذلك لا يقمط من حق الأخوة الآخرين شيئا...
Quote: [وشرحبيل أحمد ( الختمية ) |
للتصحيح أخي عماد لو سمحت... شرحبيل سكن في المزاد المقفول...
وكان يفصل بيته عن بيت والدي (رحمه الله) بيتان ليس إلا...
لذا لزم التنويه....
| |
|
|
|
|
|
|
Re: بحرى طراوة (Re: Kamal Karrar)
|
Quote: للتصحيح أخي عماد لو سمحت... شرحبيل سكن في المزاد المقفول...
وكان يفصل بيته عن بيت والدي (رحمه الله) بيتان ليس إلا...
لذا لزم التنويه.... |
كلام صحيح أخي كمال كرار
الفنان شرحبيل أحمد سكن في المزاد المقفول وتم ذكر ذلك
في موضوع حي المزاد التوثيقي في الصفحات السابقة للبوست
معذرة لهذا الخطأ ..
| |
|
|
|
|
|
|
Re: بحرى طراوة (Re: طارق ميرغني)
|
Quote: معليش الانتخابات رافعه الضغط لدرجه لا يمكن تصورها ربنا يعين السودان وبحري |
** طارق .. ** قال ليك بحرى :- إشالبوها الشعبى والوطنى .. ياحليل زمن سعودى دراج ,, والرحمه لنصرالدين السيد ومبارك زروق والشيخ على عبدالرحمن ..
** ونبارك ليهم قبل مايفرزو نتيجة الإستفتاء ..
** تخيل واحد جارى فى سباق وهو براهو فى المضمار :- النتيجه الطبيعيه أنو حيكون الاول والطيش ,, ويشيل كل الميداليات بمافيهم الصفيحيه .. (ودام الود بيننا)
| |
|
|
|
|
|
|
Re: بحرى طراوة (Re: Emad Ahmed)
|
Quote: ** تخيل واحد جارى فى سباق وهو براهو فى المضمار :- النتيجه الطبيعيه أنو حيكون الاول والطيش ,, ويشيل كل الميداليات بمافيهم الصفيحيه .. |
ياسعادة المستشار ( ابومحمد فؤاد ) سلام كتير وكبير صراحة باقي الاحزاب خزلتنا وفي النهاية كنا نبحث عن الشخص الذي يستطيع تحريك السودان وماكان عندنا مانع يكون جنوبي شمالي شويعي شيعي حزب امه وتأكد فعلا عدا الانقاذ لايستطيع قيادة البلد وهذا من تواضعي في الحنكة السياسية واخد كلامي يا ابومحمد فؤاد كلام اركان في الشارع ومافعلته باقي الاحزاب دا بكون راي اي واحد في الشارع وبسيط زي كدا
--------------------- معليش اذا عرجنا لونسة السياسة في البوست ياسيد الحوش
| |
|
|
|
|
|
|
Re: بحرى طراوة (Re: عبدالكريم أحمد الامين)
|
Quote: تخيل واحد جارى فى سباق وهو براهو فى المضمار :- النتيجه الطبيعيه أنو حيكون الاول والطيش |
عبد الكريم سلام ليس بالضرورة أن يحدث ذلك يعني ممكن هذا المتسابق يحصل ليهو شد عضلي قبل خط النهاية لعدم صلاحية المضمار أو يحصل ليه إحباط شديد فينسحب من السباق فيلغي وفقاً لذلك هذا السباق أو يؤجل لأجل غير مسمى (غير مسمم)
| |
|
|
|
|
|
|
Re: بحرى طراوة (Re: عبد الرازق سعيد)
|
Quote: تخيل واحد جارى فى سباق وهو براهو فى المضمار :- النتيجه الطبيعيه أنو حيكون الاول والطيش |
عبد الرازق سعيد بركة بالعودة والشوفة انتخابات شنو يابورزقة القصة محسومة قبل ماتبدأ فى السودان نكتة تقول سكوت غريشن سال البشير انشاء اللة جاهزين للانتخابات ؟ فرد عليه البشير واللة حتى النتيجة جاهزة
| |
|
|
|
|
|
|
Re: بحرى طراوة (Re: Emad Ahmed)
|
علي شمو وحقيبة الفن بقلم د. حسن أبشر الطيب
إستهل الأستاذ علي شمو تقديمه للبرنامج حقيبة الفن بحذف كلمة ( من ) ليصبح ( حقيبة الفن ) عوضا من حقيبة الفن في عهد صلاح أحمد محمد صالح ,, كما تخلى عن صوت فتح الحقيبة الحديدية في بداية البرنامج وإغلاقها في نهايته ,, ثم أتى على الشعار فاستعاض عن العزف المنفرد على الكمان لموسيقى أغنية عازة في هواك بأبيات رائعات للشاعر محمد ود الرضي : جلسن شوفن حلاتن . ولعل من ابرز من السمات لبرنامج حقيبة الفن في عهد الأستاذ علي شمو هي ميله الواضح لتقديم الأغنيات من دون المساس بالحانها وأدواتها الموسيقية الأصلية ,, وبذلك فتح الباب واسعا امام كبار المغنين القدامي ليعودوا مجددا لساحة الغناء . . تحدث الأستاذ علي شمو في برنامج ظلال في حياة إنسان الذي كانت تقدمه عفاف الصادق حمد النيل عام 1988 م فقال : ( كان صلاح يأتي بالفنانين الحديثين ليؤدوا أغنيات الحقيبة بصحبة الفرقة الموسيقية ,, اما أنا فقد مزجت بين أغنية الحقيبة والعناصر الأصيلة في حقيبة الفن مثل أولاد شمبات وأحمد يوسف وعصفور السودان إبراهيم عبد الجليل والفاضل أحمد وأخرين كانوا يقدمون الأغنيات بايقاعاتها حيه وتركنا بعض المغنين مثل عبد العزيز محمد داؤود صاحب القدرات الرهيبة في الصوت يؤدون بالأسلوب المصاحب لآلات الموسيقية لان عنصر الصوت واضح الحضور في أغنية الحقيبة ويتجلى ذلك عندما يصدح عبد العزيز محمد داؤود في الطبقات العالية برائعة كرومة – جاهل وديع مغرور وإبراهيم الكاشف في درة الخليل – فلق الصباح ومع إحترامي لبعض المغنين الحديثين لايجارون أغنية الحقيبة إذا جردناهم من الأوكسترا ) . إبتدر علي شمو تقديمه لبرنامج حقيبة الفن بأغنيتين ( نظرة يا السمحة ام عجن ) التي قدمها سيد خليفة و ( نعيم الدنيا ) التي أداها كالعادة بإقتدار الفنان عبد العزيز محمد داؤود ,, إن النظرة المتأملة لعهد علي شمو في تقديمه برنامج حقيبة الفن تبرز إضافات مقدرة لما أبتدعه الأستاذ صلاح أحمد قد اضافت بعدا جديدا بتفضيل اداء العديد من الأغنيات بالرق عوضا عن الأوكسترا الكاملة وتشجيع عدد من المطربين الجدد امثال عوض الجاك لأعادة تقديم أغنيات خالدة ,, ولإخصاب درجة درجة من المنأفسة بين الرواد من المطربين أمثال أحمد المصطفى وعبد العزيز محمد داؤود وإبراهيم الكاشف لإثراء حقيبة الفن بنصوص بعض الأغنيات إلى منابعها الأصلية والتحقق من صورتها الكاملة . والأستاذ علي شمو إلى ذلك هو عظيم التذوق لأغاني الحقيبة وعلى معرفة بدررها وألحانها ومعاني كلماتها وعلى دراية مرجعية كبيرة بروادها من الشعراء والمطربين وقد تجلى كل ذلك بوضوح طوال فترة تقديمه لحقيبة الفن وهو تقديم يدل على فهم عميق للكلمات ولما وراء الكلمات وتذوق للألحان على اختلاف الوانها وظلالها وماتبعثه في النفس من نشوة الطرب ومن سعادة غامرة فيما أبدعه الصانع الجليل من آيات الحسن والجمال في الوطن وفي الطبيعة وفي الحسان اللآئي كن مركز الجذب والعناية والإهتمام لشعراء الحقيبة .
| |
|
|
|
|
|
|
Re: بحرى طراوة (Re: Emad Ahmed)
|
شخصيات بحراوية
الفاضل سعيد
الفاضل سعيد درار من مواليد حي بيت المال بمدينة أمدرمان في العام 1935 م ,, ينتمي أصله إلى قبيلة الدناقلة من ناحية والديه ,, بدأ دراسته بخلوة الفكي الحوري ( ودكنه ) ثم مدرسة الهدايا الأولية التي تقع مباشرة شرق منزل السياسي الراحل عبد الله خليل ,, درس المرحلة المتوسطة بمدرسة الأقباط المتوسطة والمرحلة الثانوية بمدرسة فاروق والتي سميت بعد ثورة يوليو المصرية باسم مدرسة جمال عبد الناصر .
| |
|
|
|
|
|
|
Re: بحرى طراوة (Re: Emad Ahmed)
|
التقى من خلال دراسته الأولية بمدرسة الهدايا بالفنان الراحل خالد أبو الروس قطب أقطاب فرقة السودان للتمثيل والموسيقى الذي كان يقوم بتدريس مادة الرياضيات ومنذ تلك الطفولة اليافعة عشق وتأثر بأستاذه خالد أبو الروس للنشاطات والأشكال التي كان يغطيها وقام بتكوين فرقة مسرحية بالمدرسة وكان يقتاد هذه الفرقة ليقيم عليها مسرح الملايا حيث يقوم بدق أربعة أعواد من القنا على الأرض وحولها يشر ثلاث ملايات في ثلاث اتجاهات بحيث تبقى الواجهة مفتوحة ويقدم من خلالها أعمال الفنان خالد أبو الروس الذي كان يتابعه في الليالي الساهرة ليقوم بمحاكاته ونقل مايشاهده إلى فرقته الصغيرة والتي كان تقدم عروضها في بيوت أعضاء الفرقة .
| |
|
|
|
|
|
|
Re: بحرى طراوة (Re: Emad Ahmed)
|
عندما كان يمثل تكون علقته مضمونة في صباح اليوم التالي على يد أستاذه خالد أبو الروس الذي وقف في طريقه باكرا وهو في هذه السن الصغيرة لكي يترك التمثيل وبعد أن أشتد الضرب وتكرر كثيرا تماسك ذات يوم وامتلاء شجاعة وتوكل على الحي الدائم وواجهه قائلا : لو التمثيل ده كعب كده وبدقو ليهو أنت بتمثل ليه ؟؟ فرد عليه الأستاذ خالد أبو الروس : يا ابني انصرف لتعليمك لأننا نريد فنانا متعلما وحينما يشتد عودك وتتفوق في دراستك تأتي فنانا ناضجا ومفيدا .
| |
|
|
|
|
|
|
Re: بحرى طراوة (Re: Emad Ahmed)
|
وهو على أعتاب المرحلة المتوسطة انتقلت أسرته من حي بيت المال إلى حي ودنوباوي ولحسن حظه كان منزل أسرته مواجه لباحة مسجد السيد عبد الرحمن المهدي حيث مقر فرقة الكشافة بساحة المسجد وكان يرعى هذه الفرقة السيد عبد الرحمن المهدي ومن بعده السيد عبد الله الفاضل حيث كانت تقام ليالي السمر في كل أسبوع وتنقسم فرقة الكشافة إلى مجموعات تتنافس في مجالات الشعر والتمثيل والغناء ,,, وبعد صراع شديد مع عائلته وإلحاح منه انضم إلى فرقة الكشافة وكان حينها أصغر كشاف وأصبح يمثل مع الفرق المتنافسة في التمثيل وعندما تشترك مجموعته في العروض يتوافد عدد كبير من الناس خصوصا سكان حي ودنوباوي لمشاهدته وكان هذا بداية اكتسابه للجمهور .
| |
|
|
|
|
|
|
Re: بحرى طراوة (Re: Emad Ahmed)
|
كان أهله لايمانعون في تقليده لخالد أبو الروس في المدرسة الأولية ويرون أن هذا التمثيل لعب عيال وبعد أن أضحى في طريقه لان يكون جد بعد أن أصبح هنالك متفرجون وجمهور فلا يمكنهم السكوت على ما أسموه بالمهازل وكان والده لايجد أي فرصة إلا يقوم بضربه حتى أخواله في بيت المال اللذين كانوا يحبونه غيروا وجههم عنه ,, وأمام هذه المواجهة العائلية كانت تقف بجانبه جدته مريم بت علي قيلي ( جدته لامه ) وقد كانت إمراة آميه ولكنها معروفة في حي بيت المال بطيبتها وسخريتها ولسانها اللاذع فقد كانت منحازة له في صراعه العائلي ليس لان التمثيل يعجبها ولكن لأنها كانت تحبه كثيرا ,, وأخذ من جدته السخرية والثقافة السودانية المليئة بالحكم والأمثال والأحاجي شأنها شأن كل حبوبه سودانية ,, أيضا السيد عبد الله الفاضل كان معجبا به كثيرا ويقوم بتشجيعه وتحفيزه ويكافئه وكثيرا ماكان تأتيه وفود وأقطاب الأنصار وغير الأنصار في نهاية الأربعينات وكان يرسل في طلبه ليقوم بإدخال البهجة والسرور في نفس ضيوفه عبر الفكاهة والتمثيل .
| |
|
|
|
|
|
|
Re: بحرى طراوة (Re: Emad Ahmed)
|
من خلال دراسته بمدرسة فاروق الثانوية تعرف على أساتذته الفنان الكبير أمين الهنيدي مدرس التربية الرياضية والأستاذ محمد أحمد المصري ( أبو لمعة ) مدرس الرسم والتربية الفنية والأستاذ مصطفى كامل مدرس الموسيقى وهو الذي وضع ركيزة الموسيقى السودانية وزامل خلال تلك الفترة الراحل محمد خوجلي صالحين الذي كان يسبقه في الفصول وكان مسئولا عن الإذاعة المدرسية وكذلك حمدي بولاد وحمدي بدر الدين الذين كانوا يمارسون هوايتهم بالإذاعة المدرسية وفي هذا الجو بدأ ممارسة هوايته مع التمثيل مرة أخرى بعد أن توقف بسبب الضغوط العائلية إبان نشاطه مع فرقة الكشافة ولأنه مزروع بالفكاهة التي تفتحت عيناه عليها في مسرح أبو الروس وجد الفكاهة على أصلها في مسرح نجيب الريحاني فراقت له ادوار الريحاني ووجد نفسه فيها مثل تمثيليات الدنيا ماشه كده والسكرتير الفني وغيرها من الأعمال الأخرى التي وفق في أداء أدوارها مما أدى إلى ظهوره وبروزه بروزا غير اعتيادي في المدرسة وأصبحت له قاعدة جماهيرية في الخرطوم أسوة بما تم في امدرمان فامتلأ ثقة بنفسه ومن خلال مسرح الريحاني عرف الفاضل سعيد أن للمسرح معنى وللنكتة مضمون .
| |
|
|
|
|
|
|
Re: بحرى طراوة (Re: Emad Ahmed)
|
كان يشارك الفاضل سعيد بالمدرسة في المهرجان السنوي الثقافي الذي يقام نهاية كل عام دراسي والذي كان يشرف عليه الأستاذ أبو لمعة غير انه في السنة الثالثة حدثته نفسه وسألته لماذا يتم التمثيل باللهجة المصرية ,, عندئذ شعر بالمسئولية وعمل على تكوين فرقة سودانية داخل المدرسة وعندما جاء موعد الأسبوع الثقافي السنوي نهاية العام الدراسي حدث أستاذه أبو لمعة عن نيته في الاشتراك بفرقته المسرحية السودانية في الأسبوع الثقافي وأبدى له أستاذه أبو لمعة موافقته ,, وعند ذهابه مع فرقته المكونة من ثلاثة عشر شخصا من ضمنهم أربعة فتيات إلى مسرح المدرسة لعمل البروفات قام الأستاذ أبو لمعة بطردهم من المدرسة بدعوى ان الفتاة السودانية لاتعرف تمثل ,, حينها شعر بإحباط شديد بعد ان طفشت الفتيات من الفرقة بعد هذه الطردة وتفرقت الفرقة ولم يشارك الفاضل سعيد في ذلك الأسبوع الثقافي المدرسي بعد موقف الأستاذ أبو لمعة معه ولكن كان قد سكنه هم أسمه المسرح .
| |
|
|
|
|
|
|
Re: بحرى طراوة (Re: Emad Ahmed)
|
مع اقتراب موعد الامتحانات كان قد حدد غايته ووجهته الا وهي المسرح ولا شئ غير المسرح وذلك بالدراسة بمعهد التمثيل العالي بمصر وأبدى رغبته هذه لأساتذته أمين الهنيدي وأبو لمعة غير أنهم لم يوافقوه الرأي عندما شاورهم وقالوا له : ( إذا كنت حقا فنانا فينبغي أن لاتضيع أربعة سنوات بالدراسة لان المعهد لايصنع فنانا وعليك ان تدرس شئ لتأمين مستقبلك خصوصا وانك إذا درست التمثيل لن تجد حقلا لتمارس فيه فنك ) ,, واقتنع برأيهم الذي نزع في جاذبية دراسة التمثيل في خاطره وفي نفس الوقت لم يدفعه الطموح في اختيار كلية او دراسة أخرى لأنه عرف لأول مرة الرسوب كان ذلك وهو ممتحن في العام الدراسي 1957 م – 1958 م ورسخ في ذهنه بأنه سوا درس التمثيل أم لم يدرس فانه لن يكون غير الفاضل سعيد ,, فزهد الدراسة الأكاديمية وصقل تجربته بالثقافة والإطلاع .
| |
|
|
|
|
|
|
Re: بحرى طراوة (Re: Emad Ahmed)
|
بعد رسوبه كانت نقطة الانطلاق إذ اتجه بكلياته إلى تكوين فرقة ( الشباب ) وضمت هذه الفرقة إلى جانبه محمود سراج ( أبو قبورة ) وعثمان أحمد حمد ( أبو دليبة ) وكان مسرحه هو الحدائق العامة وبيوت الأفراح وساحة المولد والأندية الرياضية ( الهلال والمريخ والموردة .. الخ ) حيث كانت تقوم تلك الأندية الرياضية بعمل حفلات يحييها كبار الفنانين أمثال عثمان حسين وأحمد المصطفى وحسن عطية وغيرهم حيث يقدم بين الفواصل الغنائية فاصل فكاهيا وكان يطلق على الممثلين في تلك الفترة اسم ( المشخصاتيه ) .
| |
|
|
|
|
|
|
Re: بحرى طراوة (Re: Emad Ahmed)
|
في العام 1959 م فرض الفاضل سعيد نفسه على المجتمع الفني وبدأت الصحف تتحدث وتكتب عنه مما لفت أنظار محمد عامر بشير فوراوي مدير مصلحة الاستعلامات والعمل آنذاك وأثناء جلوس الفاضل سعيد بقهوة جورج مشرقي في المحطة الوسطى بامدرمان والتي كانت عبارة عن منتدى ثقافي وفكري شامل لكل أوجه الحياة حضر إليه مدير الإذاعة خاطر واصطحبه إلى مكتب فوراوي ووجد بمكتبه الفنان أحمد المصطفى عندئذ أخرج فوراوي من درجه مجموعة جرائد وأشار إلى موضوعات تتحدث عن الفاضل سعيد وقال له : إنني لا أعرفك إلا من خلال ماكتب عنك وما قرأته عنك كفيل بان يجعلني أثق فيك فنحن نريد تأسيس مسرح للإذاعة يتولى فيه أحمد المصطفى هم الغناء فيما تتولى انت هم التمثيل ,, وهكذا فقد قام مسرح الإذاعة من البراميل والخشب وكانت نشأته هي نواة للمسرح القومي .
| |
|
|
|
|
|
|
Re: بحرى طراوة (Re: Emad Ahmed)
|
وأصبح الفاضل سعيد يتعاون مع الإذاعة ولكنه لم يكن يقدم فكاهة لأنها كانت ممنوعة وكانت مشاركته في ركن المزارع والمرأة وغيرها ويتقاضى نظير ذلك أجرا بالملاليم وبعد ذلك أصبح يقدم فكاهة وصار أجره بالساعة وأول أجر استلمه كان في العام 1959 م ثمانين جنيه وأستلم ذلك المبلغ وهو بين مصدق ومكذب وقام بوضعه داخل خزنة حديدية باعتبار أن ناس الإذاعة قد أخطأوا ومن الممكن ان يرجعوا في أي لحظة لاسترداد المبلغ وفي الشهر الذي يليه تسعين جنيها وهكذا أصبح الفاضل سعيد ضو البيت بعد أن كان عار البيت إبان مرحلة فرقة الكشافة.
| |
|
|
|
|
|
|
Re: بحرى طراوة (Re: Emad Ahmed)
|
يتمتع الفاضل سعيد أيضا بموهبة الشعر ولديه ديوانان باسم أغاريدي ومسرح الكلمات لم تطبع بعد ,, تعاون مع الفنان الراحل محمد أحمد عوض في أغنيات رجاء ( أبو ماتقول ليه لا ) والبوسطجي وضربت ليه تلفون ,, وتعود قصة أغنية أبو ماتقول ليه لا إلى سفر الفاضل سعيد في رحلة فنية بالقطار إلى مدينة بور تسودان مع الفنانين إبراهيم عوض وصلاح محمد عيسى ومحمد أحمد عوض وكان يرافقهم لتقديم وصلات فكاهية وأثناء الرحلة كان يقوم الفاضل سعيد بغناء قصيدة رجاء وكان حينها يعاني من أزمة عاطفية ونفسية بعد ان تقدم لخطبة زوجته ورفض من قبل أهلها لأنه ممثل وبعد أدائه للأغنية وجدت إعجاب من الجميع خصوصا من الفنان محمد أحمد عوض الذي تغنى بها بعد ذلك وأصبحت من أشهر الأغنيات السودانية .
| |
|
|
|
|
|
|
Re: بحرى طراوة (Re: Emad Ahmed)
|
عرف الفاضل سعيد بعشقه للمدينة الساحرة بور تسودان والتي زارها أول مرة في العام 1958 م في جولة فنية مع الفنانين إبراهيم عوض وصلاح محمد عيسى ومحمد أحمد عوض حيث يقدم فواصل فكاهية ,, وعندما قدم الفاضل سعيد مسرحيته أكل عيش في بداية الموسم المسرحي في نهاية الخمسينات غامر وذهب لتقديمها في بور تسودان وعند توقف القطار في بور تسودان وجد شيئا مدهشا .. الجماهير تستقبله في محطة القطار باللافتات والتصفيق كأنما تستقبل زعيما سياسيا في زمن لم يعتاد فيه الناس الجلوس لساعات بالمسرح إلا للغناء ,, ذات يوم وفي احد العروض بمسرح نادي الخريجين من نفس الرحلة تأخر الفاضل سعيد عن موعد بداية العرض لعدة دقائق وكان فناء النادي قد احتشد بالمتفرجين لذا أغلق شباك التذاكر وحينما كان خارج المسرح فقد فتح الباب له لكي يدخل غير انه مع انفتاح الباب تدفق الجمهور الذي كان خارج المسرح إلى داخله ثم أثاروا لغطا منع العرض ان يبدأ إذ أنهم قالو لن يبدأ العرض حتى نقطع تذاكر الدخول وهم بداخل المسرح ,, وفي طريقه من الباب حتى خشبة المسرح ملأوا جيوبه بالأوراق النقدية حتى فر منهم ,, وبادل بور تسودان عشقا بعشق حيث كان يبدأ موسمه المسرحي بمدينة بور تسودان وأطلق على أبنته ( مواهب ) أسم ثغر .
| |
|
|
|
|
|
|
Re: بحرى طراوة (Re: Emad Ahmed)
|
من أعماله :
مسرحيات : دستور يا سيادي , أكل عيش , الفي رأسه ريشة , الكسكته , الناس في شنو, نحن كده , النصف الحلو , التمر المسوس , جارة السوء , الحسكنيت. كل مسرحياته من تأليفه عدا مسرحية جارة السوء من تأليف السفير الكويتي الراحل عبد الله السريع الذي كتبها خصيصا له ,, مسرحية أكل عيش هي أول مسرحية عربية تعرض في التلفزيون المصري في العام 1969 م ,, كما قدم في العام 1980 م مسرحية نحن كده على مسرح البالون ومسرح مترو بولي وقدمها في أيضا في عدد من المدن مثل المنصورة وطنطا والزقازيق والإسكندرية وأسيوط وقد وجدت قبولا شديدا من الجمهور المصري . مسلسلات : موت الضأن وهو من أجود المسلسلات التلفزيونية وسلسلة رمضانيات ,, ونسبة لالتزامه بالمسرح كفن نجد تجاربه بالدراما التلفزيونية متقطعة . فيلم : رحلة عيون . مسرحيات كان ينوي الراحل الفاضل سعيد تقديمها لولا يد المنون التي كانت أسرع (التسوي تلقا , الثعبان والممثلة ) .
| |
|
|
|
|
|
|
Re: بحرى طراوة (Re: Emad Ahmed)
|
تزوج الفاضل سعيد في 23/11/1960 م من السيدة حسنه المدثر وأنجب : مجدي وجمال وناصر ومحمد وأكرم وإيهاب وانتصار ومواهب ,, ويجدر ذكره بان الراحل الفاضل سعيد سكن بحري ( بقر شمبات ) بجوار منزل الفنان الموسيقار محمد الأمين لمدة أكثر من ثلاثة عقود ولاتزال أسرته تقيم بذلك المنزل .
| |
|
|
|
|
|
|
Re: بحرى طراوة (Re: Emad Ahmed)
|
في يوم الجمعة الموافق 10/6/ 2005 م توفي الفنان الفاضل سعيد وهو يؤدي رسالته بمدينة بور تسودان حيث كان يقدم أخر أعماله مسرحية الحسكنيت وقدم خلالها ثلاثة عشر عرضا وفي تلك العروض كان يردد عبارة لم تكن موجود في النص وهي " أعفو مني لله والرسول " وكان يرد الجمهور يردد خلفه " لله والرسول " تلك كانت إضاءات من سيرة الراحل ملك الكوميديا الفاضل سعيد الذي أسس قاعدة متينة للعمل الدرامي في السودان وتجربته تحتاج بكل تأكيد لنقاد دارسين لتجد حقها من الدراسة والتحليل ,, إلا رحمه الله رحمة واسعة وجعل الجنة مثواه برفقة الشهداء والصديقين .
المصادر : موسوعة القبائل والأنساب للبروفسير عون الشريف قاسم مقالات في صحيفة الصحافة للصحفية لبنى أحمد حسين . صورتان فقط من موقع الفاضل سعيد على الشبكة العنكبوتية .
| |
|
|
|
|
|
|
Re: بحرى طراوة (Re: Emad Ahmed)
|
سلام يا شباب
الشكر الجزيل لك استاذنا عماد أحمد إبن بحري البار علي المجهود المقدر علي التوثيق في هذا البوست المميز لنجوم بحري
و اغتنم هذه السانحة و اطلب شاكرا لكم و مقدرا لجهدكم الهائل - اقول لي طلب و هو التوثيق لخالنا الاساتاذ المرحوم الاعلامي و السياسي السابق محمد خوجلي صالحين - فالرجل رحمة الله عليه و انت سيد العارفين كان من اميز و المع نجوم بحري الساطعة
سلم يراعك اخي عمدة
| |
|
|
|
|
|
|
Re: بحرى طراوة (Re: مازن فيصل هلال)
|
سلام أخي مازن
يديك العافية وده واجبنا تجاه محبوبتنا بحري ..
تم التوثيق للعلم البحراوي الراحل
محمد خوجلي صالحين في الصفحة رقم ( 73 )
Quote: شخصيات بحراوية
محمد خوجلي صالحين |
وفي نفس الصفحة يوجد توثيق لأهم معالم حلة حمد ( شارع الشلالية ) .
أكيد لديك الكثير من الإضافات في هذان الموضوعان .
| |
|
|
|
|
|
|
Re: بحرى طراوة (Re: Emad Ahmed)
|
Quote: تزوج الفاضل سعيد في 23/11/1960 م من السيدة حسنه المدثر وأنجب : مجدي وجمال وناصر ومحمد وأكرم وإيهاب وانتصار ومواهب ,, ويجدر ذكره بان الراحل الفاضل سعيد سكن بحري ( بقر شمبات ) بجوار منزل الفنان الموسيقار محمد الأمين لمدة أكثر من ثلاثة عقود ولاتزال أسرته تقيم بذلك المنزل . |
عماد كوتش ياخي تخيلتك تجيب لينا اغنية (ابوي انا ماتقوليهو لا ) ويقال ان هذه الاغنية كانت لها نقطة تحول في تلك الفتره وهي الحق للفتاة في اختيار شريك حياتها وهي من كلمات الاستاذ الفنان الراحل المقيم (الفاضل سعيد ) التي تغنى بها محمد احمد عوض ومن اجمل الذكريات لي في الثمانينات عندما حضرت حفل في سطوح منزلهم وتغنى في تلك الليله الفنان محمد عوض ومحمود عبد العزيز قبل ظهورة كفنان الحفل كان عبارة عن مسرحية مره تتضحك ومره تطرب حتى في الزيارات العادية عندما تدخل منزل الاستاذ الفاضل سعيد تضحك وجلست معه ياعماد في هذا المنزل والدته وكان مخصص مكان للبروفات رحم الله الاستاذ الشاعر والمسرحي الفاضل سعيد
| |
|
|
|
|
|
|
Re: بحرى طراوة (Re: Emad Ahmed)
|
رجاء - كلمات والحان الفاضل سعيد
غناء - محمد أحمد عوض
أبوي يا يابا ما تقول ليهو لا... وافق عليهو أنا راضية بيهو.. عليك الله ما تقول ليهو لا... ٭٭٭ من زمان بحبو وهو لي حبيب.. ما خان عهودو وجا قالّي خطيب... قابلو بي حنية وبي صدر رحب.. قولّوا ان شاء الله خير يبقى في النصيب... عليك الله ما تقول ليهو لا... ٭٭٭ يا با أرعى بتك وأفرح بي جديدها.. وريدن يابا سامي والدموع شهيدة... ما تحرم قلوب قصتهم قصيدة.. وقصة حبهم يا أخي في الغرام فريدة.. عليك الله ما تقول ليهو لا... ٭٭٭ يابا ما تشك فوقو وتدور الشورة.. بتك يابا بيهو سعادتها وسرورها.. ما تحرم فؤادها وما تجرح شعورها.. والخطاب لو بالغوا زادوا في مهورها.. عليك الله ما تقول ليهو لا
| |
|
|
|
|
|
|
Re: بحرى طراوة (Re: Emad Ahmed)
|
المزيد من صور البروفسير عون الشريف قاسم طيب الله ثراه
البروفسير عون الشريف قاسم والشيخ محمد متولي الشعراوي ..
| |
|
|
|
|
|
|
Re: بحرى طراوة (Re: Emad Ahmed)
|
شعراء من بحري
محمد أحمد سوركتي - الجزء الثاني
مواصلة لما سبق نستصحبكم في الجزء الثاني مع الشاعر الرقيق محمد أحمد سوركتي
في باقة من أشعاره وبعض منها قد تم التغنى به والأخر في طور التلحين لدي عدد من
الفنانين ..
الهوى الغلاب – محمد الأمين
معاك بختال مع النشوة .. وأعانق روعة الابداع .. وأجيب كل النجوم طايعات .. مداين بالجديد راحلات .. مواكب بالعديل جايات .. تردد في المدى الإيقاع .. معاك كل الدروب واصلات .. أقاصي اللهفة والإمتاع .. معاك بختال مع النشوة .. وأعانق روعة الابداع *** عشان انت الهوى الغلاب .. وبهجة عمري والأصحاب .. بشيلك ياهنا الأيام .. وأضمك ياصدى الأحلام .. أمل بسام .. وأخدر بيك كل يباب .. معاك ياست بنات النيل .. بسامر في جبينك ليل .. وأسالم في عيونك جيل .. على التعليل .. قضى الأيام دوام ملتاع .. معاك بختال مع النشوة .. وأعانق روعة الابداع *** معاك بتفوتني أحزاني .. ومعاك طعم الحنين تاني .. واحلق فوق رؤى الإحساس .. وأقول ليك يا اعز الناس .. عيونك ديمة أسراني .. واطرز ليك غناوي الشوق .. روائع تحكي عن ذاتي .. وأشتت ليك يوماتي .. شذى الياسمين .. وأجيب ليك سيرة الغايبين .. تبشر بي فرح أتي .. وترجع شوق سنينا الضاع .. معاك بختال مع النشوة .. وأعانق روعة الإبداع
| |
|
|
|
|
|
|
Re: بحرى طراوة (Re: Emad Ahmed)
|
حبك أنت – محمد الأمين
لو بحار اللهفة فاضت .. وتاني عادت .. واستقرت في يدي .. او نجوم الليل حتقدر .. في السهر تشبه عيني .. كنت زينت المرافئ .. وكنت نمقت القوافي .. وكنت بوصل ليك حافي ولو غمام الدنيا كلو .. عدى فارد لينا ضلو .. وضمخ الأحلام بفلو .. وجاب حنان الكون هدية .. برضي شايف هي هي .. اصلي بشتاق ليك أكثر .. وحبي فايت شوقي أكثر .. وعمري واقف ليك واكتر .. والغريبة .. لسه شايف هم شوية .. *** لاكلام يقدر يطولك .. لا مشاعر .. لا أحاسيس .. لانغم يقدر يسافر لي أصولك .. ما الحنان العندي ليك .. وكل غناي ياحلوة فيكي .. والأمان جنبك ويبكي .. والربيع دائما رسولك .. لي في جدب المواسم .. وديمة لأشواقي لاثم .. وفي جبين وجداني راسم .. حبك انت الباقي لي .. وبرضي شايف هي هي .. اصلي بشتاق ليك أكثر .. وحبي فايت شوقي أكثر .. وعمري واقف ليك واكتر .. والغريبة .. لسه شايف هم شوية ..
| |
|
|
|
|
|
|
Re: بحرى طراوة (Re: Emad Ahmed)
|
مقبلة وين – محمد وردي
تعال نرسم بصوت مسموع .. مساحات لزمن مذهل ومن لهفة حزين موجوع .. على صدرو الهموم تقدل تعال نسدل .. نهايات للأسى المخجل وتعال نشتل .. صباحات لفرح قادم .. عسى الأيام تحن تعدل .. زمان كانت خطاي وراك .. دوام ترحل .. وما بتسال .. مقبلة وين زمان كانت غناوي الريد .. بتتنفس هواك يقين تعال نكتب في وش الموج .. حكايات الغنا الممجوج وتهال قول لي حنعمل كيف .. إذا جارت علينا سنين تعال نحلم انت وانا .. وتعال نفرح وننسى الخوف وحول الذكرى والأشجان .. تعال خلينا نمشي نطوف حرام زيك يزوروا الهم .. وبدل تبسم سنين عمرو .. تقوم الدنيا تتلوم وماترحم .. قليب ملهوف
| |
|
|
|
|
|
|
Re: بحرى طراوة (Re: Emad Ahmed)
|
صدى الذكرى – محمد وردي
بفتش مرة في الذكرى .. لقيت صورتك على الجدران مكحلة بعصب وجدي .. وصبا باتي .. وندى التحنان اتاريك انت من بدري .. محكر جوه ياقدري .. وعلى صدر الشجن عنوان مشاوير ريدو مابتقصر .. ومابتقدر على النسيان أكيد كنت الفرح كلو .. وكنت الزاهي من ضلو .. ونضارة فلو يافنان مشيتا معاي دروب الريد .. وما خليت محطة هم وإلا نزلت فيها معاي .. وشلت الرهبة من جواي .. وسبت الشوق هناك ينجم عشان خاطر سنين كانت .. معاك بالروعة ازدانت .. وبيها الناس تتكلم .. تعال نتلم نعيد للذكرى ميلادا .. وتسكن تاني أبعادا .. ونرجع زي زمان نحلم
| |
|
|
|
|
|
|
Re: بحرى طراوة (Re: Emad Ahmed)
|
حاول كمان – عبد الكريم الكابلي
لو حاشتك عني الظروف .. أو عاندك مرة الزمان حاول كمان .. وخليك على الوعد القديم البينا كان .. ما أنت عارف شكلو إيه ريدنا الزمان حاول كمان ! ***** السكة طويلة علي براي هات ايدك على ايدي ويلا .. وخلينا نشيل زاد للرحلة زي كم منية .. وحاجات أحلى ونطير مع كل غمامة شوق .. من وادي لوادي ونتملا في عيون أحبابنا الحلوين .. ونقول لمتين نحن مسافرين ماشوقنا وحاتك ماعارفين .. سايقنا معاك على وين والله ***** ياعقد الفل ياهوى الأرواح من غيرك وين نلقى الأفراح .. وزي حضنك وين بتلاقي حنين .. وكمان نرتاح مافيك بنقولا غناوينا .. ومعاك النسمة تبارينا وتفوت بالبهجة خطاوينا .. ويجينا صباح من مدة مهاجر زي سواح .. من بعد رواح شايل أشواقنا الما بترتاح .. يا عقد الفل يا هوى الأرواح ..
| |
|
|
|
|
|
|
Re: بحرى طراوة (Re: Emad Ahmed)
|
النرجسة – عادل مسلم
لمتين مشاعرك تحبسا .. ولمتين تتوه حسرة وأسى مابين نداوة رقتك .. ومابين عبير النرجسة لمتين مشاعرك تحبسا *** من بعد ريدك اسر كل المشاعر ولونا صبحت دروب المستحيل .. ليك ياجميل .. زى ممكنة وسنين أنا .. بكتب على ضي النجوم .. اسمك قصيدة وازينا وأقول خلاص أشقتني ريدتك .. وفيني ريدتك مزمنة *** سايق خطاي الهم وراك .. كايس عيونك أصادفا واحكيلا عن أسباب شقاي .. ولوعة مشاعري المرهفة ولو تعرفا بالشوق تنادي عليك زمن .. وتدوب شجن ... متغربة ومتلهفة .. وحياة غلاوتك بس تنازل أنت مرة ولاطفا
| |
|
|
|
|
|
|
Re: بحرى طراوة (Re: Emad Ahmed)
|
الظروف – عادل مسلم
دائما نلوم نحن الظروف .. ونقول عليها كلام كتير .. وتعبنا من حشد الحروف .. في سكة الوهم الكبير .. وصدقني مهما العين تشوف .. حتلاقي بس نفس المصير .. دائما نلوم نحن الظروف .. *** مرسومة ليك في قوس قزح .. مكتوبة لي عبر المدى .. نمشي الطريق الكان قبيل .. وعارفين كمان ما ابعدا .. أحزان زمانك حاضنا .. وأشجاني فيك متمددة .. وانا في هواك تاهت خطاي .. لابقيت خبر لامبتدا .. *** لو ترضى بالمقسومة ليك .. أبدا محال مابتشقى يوم .. وكل الجمال يسأل عليك .. لاتشوف أسى لاتشيل هموم .. وحتى الغنا البنقولو فيك .. بيهو الهزار يقدل يحوم .. مابين قلوب تشتاق اليك .. وترتاح معاك بين النجوم ..
| |
|
|
|
|
|
|
Re: بحرى طراوة (Re: Emad Ahmed)
|
يديك العافية – حيدر بور تسودان
الله عليك .. يديك العافية يا الفتحت عيون الذكرى .. واندسيت في عنايا لبكرة .. ويا الصحيت أحلامنا الغافية الله عليك .. يديك العافية *** يا إحساس عايش جواك كان بيقول يمكن تلقاني .. وكان مكتوب ألقاك وأهواك ويا أيام حلوات راجياك تمشي السكة معاك لو حافية الله عليك .. يديك العافية *** دائما رائع في إحساسك .. ولون الفرحة عطر أنفاسك .. وين حنلاقي شبيه إخلاصك .. اصلو بقينا عيونك وناسك .. وانت بقيت اللمسة الوافية الله عليك يديك العافية
| |
|
|
|
|
|
|
Re: بحرى طراوة (Re: Emad Ahmed)
|
امرك عجيب – أبوبكر سيد أحمد
امرك عجيب .. مرات تشيل مني الفرح .. ومرات تجيب أجمل من الفرح اللي كان .. وتفضل تدوبني في حنان .. وأحلى المشاعر تستجيب امرك عجيب *** اللحظة في بعدك سنة .. والحلوة من غيرك ضنا .. وانا البدونك ما انا .. يا العمري من قبلك سراب .. وسكة مشاعر بلاك يباب وآمالي فيك تختى وتصيب .. امرك عجيب *** أحلام صباي .. وأجمل غناي .. خليتا لي ريدنا زاد .. وشديت شراع البهجة ليك .. مسكون بحبك والوداد وطول البعاد .. ومر السهاد .. خلوني من بعدك غريب امرك عجيب
| |
|
|
|
|
|
|
|