|
|
|
 Re: بحرى طراوة (Re: عماد الدين عبدالله)
|
عم عبد الرحيم
محمد الحسن سالم حميد
-****-
فتاح يا عليم
رزاق يا كريم
صلى على عجل
همهم همهمة
حصن للعباد
وهوزز سبحتو
ودنقر للتراب
هم فوق هم همـة
صنقع للسما
وكان فى الجو
فى غيم
وكم نجمات بعاد
وكان الدنيا صيف
لا قالتو كيف
كيف اصبحت كيف
لا لمسة حنان
لا لمسة وداد
لا رمشة طريف
من قلبا وفى
زى ايام زمان
ايام الدفى
***********
| |
 
|
|
|
|
|
|
|
|
Re: بحرى طراوة (Re: عماد الدين عبدالله)
|
كانت ماهـا فى
كانت فى المراح
شدتـلـو الحمار
تحلب فى الغنم
لى شاى الصباح
والطير ما نضم
ما رسل نغم
عم عبد الرحيم
اتوكل نزل
فى المشرع لقا
زملان الشقا
الجا من الجريف
الجا من الجبل
عل الناس بخير
صبح هاظرم
نقنق ناقرم
غاظوه نعل
وعم عبد الرحيم
ما بخبر زعل
كل الناس هنا
ما بتخبر زعل
تزعل من منو
وتزعل فى شنو
كل الناس حنان
كل الناس صحاب
كل الناس اهل
والماهم قراب
قربم العمل
الطاق اليطق
عشت ابو الزمل
بالحالة العليك
بالفال بالامل
**********
| |
|
|
|
|
|
|
|
|
|
Re: بحرى طراوة (Re: عماد الدين عبدالله)
|
عم عبد الرحيم
كت فتاح فى يوم
فى ايدك تنوم
على كيفك تقوم
لا دفتر حضور
لا حصة فطور
تقرع بالقمر
تزرع بالنجوم
لكن الزمن دوار آ بدوم
عم عبد الرحيم
ماشى على الشغل
فى البال القديم
اتعارض تكل
تنشايح جراح ..
يا كيف الغسل ؟
الدنيا ام صلاح
تبدأ من التكل
من حج الصباح
فى حق الملاح
فى اللبس الجديد
فى القسط القديم
وبيناتن عشم
فى الفرج البعيد
***********
| |
|
|
|
|
|
|
|
|
|
Re: بحرى طراوة (Re: عماد الدين عبدالله)
|
امونة الصباح
قالتلو النعال
والطرقة انهرن
ما قالتلو جيب
ما قالتلو جيب
شيلن يا الحبيب
غشهن النقلتى
والترزى القريب
بس يا ام الحسن
طقهن آبفيد !!
طقهن آبزيد !!
انطقن زمن
وان طق الزمن
لازمك توب جديد
وبى اية تمن
غصبًا للظروف
والحال الحرن
شان يا ام الرحوم
ما تنكسفى يوم
لو جاراتنا جن
مارقات لى صفاح
او بيريك نجاح
ده الواجب اذن
وايه الدنيا غير
لمة ناس فى خير
او ساعة حزن
**************
| |
|
|
|
|
|
|
|
|
|
Re: بحرى طراوة (Re: عماد الدين عبدالله)
|
عم عبد الرحيم يا حر
ماكا حر
ياريت التمر
يا ريت لو يشيل
كل تلات اشهر
والله ايام زمان
كانت ما تمر
كان ما جاك هوان
ما لاقاكى ضر
كان لا ضقت ضيق
لا اتغرغر فقر
لا شابيت غريق
لا طلوح صبر
وكان ما كان وكان
كان اكسيكى در
*******
| |
|
|
|
|
|
|
|
|
|
Re: بحرى طراوة (Re: عماد الدين عبدالله)
|
حيكومات تجى
وحيكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما
باقى على التمور
وارضك راقدة بور
لا تيراب وصل
لا بابور يدور
والماهية اف
عيشة هاك وكف
فى هذا الزمن
تب يا دنيا تب
فى هذ الزمن
تف يا دنيا تف
يا العبد الشقى
ما اتعود شكى
لكن الكفاف
فوقك منتكى
والسوق فيك ياسوق
حالا ما تسر
الا كمان فى ناس
فايتاك بالصبر
ساكنين بالايجار
لا طين لا تمر
واحدين بالايجار
ما لا قين جحر
سلعتم الضراع
والعرق اليخر
عمال المدن
كلات الموانى
الغبش التعانى
بحارة السفن
حشاشة القصوب
لقاطة القطن
الجالب الحبال
الفطن الفرن
الشغلانتو نار
والجو كيف سخن
فرقاً شتى بين
ناس عيشا دين
مجرورة وتجر
تقدح بالاجر
ومرة بلا اجر
عيشهم كمهو
ديل شوف كمهم
وديل شوف هان قدر
*********
| |
|
|
|
|
|
|
|
|
|
Re: بحرى طراوة (Re: عماد الدين عبدالله)
|
وناسا حالا زين
مصنع مصنعين
طين فى طينو وين ؟
ما مرابو مر
بارد همها
لا بعرق جبين
لا وشا يصر
عين والله عين
كلها كمها
عزها هان قدر
دى الجنة ام نعيم
الجنة ام قصر
يا عبد الرحيم
الا ورا القبر
يلكد فى الحمار
لا تسرح كتر
وان كان الفقر
يا عبد الرحيم
اشبه بالكفر
***********
| |
|
|
|
|
|
|
|
|
|
Re: بحرى طراوة (Re: عماد الدين عبدالله)
|
حكومات تجى
وحكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما باقى
على التمور
وارضك راقدة بور
لا تيراب وصل
لا بابور يدور
| |
|
|
|
|
|
|
|
|
|
Re: بحرى طراوة (Re: عماد الدين عبدالله)
|
نقرط للحمار
نقريط الحمار
لا تنسى النعال
الطرقة ، الخدار
اللبس الجديد
تسريح السفر
للماشى الصعيد
ماشى الديش نفر
والبــال اشتغل
والبال اشتعل
ب الابا مايعيد
الحول ما اشتغل
الغبن الشديد
السابة ورحل
الضيق المحل
الفرج القريب
الجا وما وصل
زى الحال دة يوم
لا كان لا حصل
والبال اشتغـل
*************
| |
|
|
|
|
|
|
|
|
|
Re: بحرى طراوة (Re: عماد الدين عبدالله)
|
السكة الحديد
يا عم القطر
يا عبد الرحيم
قدامك قطر
وسال الدم مطر
وطارت دمعتين
وانشايح وتر
يا طاحن الخبر
ما بين القضا
ومرحاكة القدر
الشهدو الدموم
و الدمع الهدر
ايدهم فى التراب
والعين فى القطر
عارفين الحصل
عارفين فى حذر
الخبر اليقين
بوخ وانتشر
اطفال القرى
وعمال الحضر
ادوهو الطيور
ودنو البحر
انصاع السحاب
وادفق مطر
عم عبد الرحيم
فى الشارع عصر
لى تالا اليسار
متفادى الكجر
عربية الكجر
دوية الكجر
جفلت الحمار
وطوح زى حجر
وعم عبد الرحيم
اتلافا القطر
فتاح يا عليم
سال الدم مطر
جرتق بالتراب
منشور بكتاب
روشتة وجواب
ماهية شهر
مفتاحا قراب
اورنيقين سهر
جم لبدة حمار
مقطوعين ضهر
عم عبد الرحيم
يا كم من بشر
عم عبد الرحيم
يا كم من بشر
صحى الموت سلام
ما يغشاك شر
صح فى الموت سلام
ما يغشاك شر
**********
| |
|
|
|
|
|
|
|
|
|
Re: بحرى طراوة (Re: عماد الدين عبدالله)
|
Quote: توفيت الي رحمة مولاها والدة الصديق ياسر عبد الحميد " جنابو " من ابناء الشعبية وابن خالة شيخ ادريس كباشي
اللهم ارحمها رحمة واسعة وانزلها منزل صدق مع الصديقين والشهداء وحسن اولئك رفيقا. |
اللهم ارحمها واغفر لها وادخلها فسيح جناتك
اللهم اغفر لها وارحمها والهمها الإجابة عند السؤال
اللهم ثبتها بالقول الصادق في الآخرة
اللهم اغسلها بالماء والثلج والبرد
ونقها من الخطايا كما ينقى الثوب الأبيض من الدنس
اللهم ادخلها جناتك يارحمن يارحيم
اللهم اغفـر لها وارحمها و اعف عنها واكرم نزلها ووسع مدخلها
واغسلها بالماء والثلج والبرد
و نقها من الخطايا كما ينقى الثوب الابيض من الدنس
و أبدلها دارآ خيرآ من دارها و أهلآ خيـرآ من أهلها وقها فتنة وعذاب القبر
اللهم ارحمها وعافها واعفو عنها واسكنها فردوسك الاعلى يا رحمن يا رحيم
انا لله وانا اليه راجعون والتعازي الصادقة للأخوان وليد وطارق وياسر وخوجلي
ومحمد الفاتح )
| |
|
|
|
|
|
|
|
|
|
Re: بحرى طراوة (Re: عماد الدين عبدالله)
|
| Quote: اغنية عم عبدالرحيم للشاعر محمد الحسن سالم حميد |
التحية لك اخي د.عماد الدين عبد الله وللشاعر الكبير محمد الحسن سالم حميد
وهو أحد رموز بحري الشعرية حيث سكن الديوم والشعبية شمال في فترات سابقة
والأن يسكن بالحاج الحاج يوسف .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
Quote: في منزل اخي ياسر عبد الحميد بالرياض للعزاء
قال انه قبل فتره واثناء وجودي بالسودان قابل السيد سفير السودان بالمملكه
ساله السيد السفير عن لماذا كل الكيانات والمناطق لها دور بالرياض ماعدا ابناء بحري
رغم ان لهم موقع بحري طراوه الذي اتضح انه يتابعه.
وان السيد السفير مستعد للدعم وهو كما يعلم الجميع من ابناء بحري حلة خوجلي
واتمني من الاخ عماد موثق بحري القاء الضوء علي اسرة السيد السفير وحسب علمي انه شقيق الشيخ نور
وهم من اقدم سكان حلة خوجلي ووالده من كبار رجالات الختميه وعلي ما اعتقد ان المرحوم فاروق عثمان حمد الله متزوج من شقيقتهم.
المهم تم النقاش بوجودي ووجود العديد من ابناء بحري علي راسهم الاخ عادل كربوج من ابناء الشعبية ايضا.
تم التفاكر في الموضوع علي ان يطرح في موقع كهذا لابداء الرأي.
نرجو ان يجد الوقت لطرحه علي طاولة التشريح |
اخي طارق
سلامات
وأضيف لما تم ذكره من حديث مهم لطارق أن الأخوان في منظمة بحري مدينتي لازالوا في
إنتظار دعم بوست بحري طراوة وأتمنى من الجميع طرح هذا الموضوع الهأم للنقاش الجاد ومثلما ذكر
الأخ / كمال كرار سابقا يمكننا ان نقدم شئ يحتذى به يتم إنزاله في أرض الواقع والكرة اصبحت
الأن في ملعبنا. . فماذا فاعلون نحن حيال ذلك .
سنحاول التوثيق لأسرة السفير خصوصا وأن السفير السابق والأديب / أحمد محمد الأمين والذي يسكن
حلة خوجلي سيمدنا خلال الفترة القادمة بالعديد من المواضيع عن شخصه وعن مدينة بحري
وسنطلب منه بالتأكيد الحديث عن زميله وجاره سفير السودان بالمملكة وأرسلت له الإيميل
وفي إنتظار كتاباته .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
Quote: الرائع عمدة
واصل توثيقك فنحن متابعون بشغف
بالله يا عمدة عايزين توثيق للمبدع
الرائع الفنان محمد ميرغني
ولك كل الشكر |
مشكور كتير ياعمدة . .
تم التوثيق للمبدع محمد ميرغني
سابقا في الصفحة رقم ( 14 ) ولكن
لابأس من أن نعيد ذلك الموضوع لان
الهكر قام بمسح الصور .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
مبدعين من بحري
الفنان محمد ميرغني
ولد الفنان المبدع ميرغني محمد ابنعوف مجذوب الشهير بـ ( محمد ميرغني ) في حي السيد مكي بمدينة امدرمان في العام 1945 م وبدأ دراسته الأولية بمدرسة شيخ أمين بجوار سينما الوطنية بالخرطوم بحري وأكمل تعليمه بمدارس الأحفاد با مدرمان ومعهد التربية بشندي والذي تخرج منه مدرسا ومارس مهنة التدريس وتردد على عدد من المدارس.
| |
|
|
|
|
|
|
|
|
|
Re: بحرى طراوة (Re: Emad Ahmed)
|
بدأ حياته الفنية بإجازة صوته في العام 1965 م وكانت لجنة إجازة الأصوات تضم في عضويتها الأساتذة إسماعيل عبد المعين وأحمد مرجان ومحمد عبد القادر والماحي إسماعيل ومكي سيد أحمد مقررا للجنة و الأغنيات التي تغنى بها أمام اللجنة وكانت جواز مرور صوته هي أغنيات انا والأشواق للشاعر السر دوليب وهي أول اغنياته الخاصة و البديع هواك سباني للشاعر ابوصلاح و أنة المجروح للشاعر سيد عبد العزيز و حبيبي انا فرحان للشاعر الجاغريو. . أول ظهور له عبر الأجهزة الإعلامية كان من خلال الإذاعة السودانية عبر برنامج أشكال وألوان للمذيع احمد الزبير في العام 1965 م . . وتعتبر فترة الستينيات هي الفترة الذهبية للغناء السوداني وكانت الساحة الغنائية تعج بالعمالقة أمثال احمد المصطفى وخضر بشير وحسن عطية وعثمان الشفيع وعثمان حسين وابوداؤود والتاج مصطفى وإبراهيم عوض ووردي والجابري وكابلي وغيرهم من القمم الفنية ولكن استطاع الفنان محمد ميرغني أن يشق طريقه وسط هؤلا العمالقة وان يقدم نفسه بصورة قوية لأنه يمتلك مقومات الفنان الأصيل وذلك بحسن اختياره للكلمة المنتقاة والألحان المعبرة وأدائه التطريبي الرائع الأخاذ ليتمكن من تقديم شخصيته الفنية ويضع بصمته الخاصة وهو ماأتاح له أن يكون احد فناني المقدمة في مجال الأغنية السودانية الحديثة .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
التحق بالمعهد العالي للموسيقى والمسرح في العام 1969 م إيمانا منه بضرورة التأهيل العلمي الأكاديمي الذي يصقل ويضيف الكثير للفنان في مسيرته الفنية .. ومن دفعته من زملائه في تلك الفترة بالمعهد العالي للموسيقي والمسرح الراحل علي ميرغني والملحن الماحي سليمان و الفنان عثمان مصطفى والملحن محمد سراج الدين والملحن عمر الشاعر وتخرج في العام 1974 م .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
سافر الفنان محمد ميرغني الى العديد من الدول مشاركا في مهرجانات فنية او بدعوات من الجاليات السودانية بتلك الدول ومن الدول التي زارها ايطاليا والسويد واليونان ويوغسلافيا السابقة والمغرب والجزائر وتونس وليبيا ومصر وسوريا ولبنان وتشاد وإثيوبيا واريتريا والصومال وجميع دول الخليج العربي وفي كل تلك الزيارات كان خير سفير للأغنية السودانية .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
من الفنانين المدركين لرسالته الفنية النبيلة فنجده يقوم بتشجيع الأصوات والمواهب الجديدة من اجل أن يكون هناك تواصل للأجيال ونتلمس ذلك في حضوره لكثير من حلقات برنامج نجوم الغد فنجده مشاركا بالغناء ومرشدا وموجها لأبنائه من مواهب برنامج نجوم الغد .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
يمتاز بالوفاء والاحترام الشديد لزملائه الفنانين اللذين سبقوه في المجال الفني وفي ذلك يقول إذا قارنا أداءنا بما قدمه كبار الفنانين فنحن لانزال نحبو في ظلهم الوارف ونتنفس ألحانهم أمثال ابوداؤود وعثمان الشفيع وعثمان حسين ونحن لازلنا صفرا على الشمال مقارنة بإنتاجهم الكبير وهم رحلوا بأجسادهم ولكنهم خالدين بيننا بابداعاتهم ). ذلك الحديث الطيب يدل على أصـالة وتواضع ووفاء الفنان الإنسان محمد ميرغني . . وهذا ماسطره يراع الفنان محمد ميرغني في ذكرى الراحل المقيم احمد المصطفى
في جريدة الصحافة في تاريخ 26/10/2000 م
حكايتي مع المغنى والأستاذ احمد المصطفى
في حي السيد مكي بأمدرمان تفتحت مشاعرنا وأحاسيسنا وحلقت أرواحنا في سماوات الإبداع الفني والأدبي والإجتماعي حيث كان الكروان كرومة والأديب الشاعر دكتور كامل الباقر والشاعر إسماعيل عبد الرحيم الذي كتب أغنية فؤادي لحمد المصطفى وصاحب الإنشاد الشعري الفريد الأستاذ احمد عمر الشيخ والشاعر الخالد حسن عوض أبو العلا وكانت أماسينا معطرة باريج المتصوفه الفواح وبالإنشاد والذكر ترتقي الأرواح أعلى درجات السمو . . جاء أحمد المصطفى وكان التلاقي مع الشاعر حسن عوض أبو العلا كان أحمد المصطفى فنانا مغنيا كاملا في صفته لان معلمه ألأستاذ محمد عبد الوهاب حاذق ذو طبع تام صحيح الأداء وصفات المغني التي عرفها الحسن بن احمد بن علي الكاتب المتوفي 625 هـ تصف الأستاذ أحمد المصطفى وتقول :
( الكامل في هذه الصناعة من طرب فأطرب وغنى فادى وحكى وروى وكان كله بصر بما أتى ) إن فنانا الخالد هو الموصوف بهذا الخلال , الطبع والاقتدار والشجا والمعرفة . . شدنا المبدع أحمد المصطفى إليه من خلال هذه المزايا . . كان الأستاذ أحمد المصطفى يغني فيصيب ويملأ الألحان بانفاسه فيستوفي السقم ويحس مقاطعه الطويلة والقصيرة في دراية ومعرفة .
أحببته منذ نعومة دواخلي وصدق احساسي الطفولي سرى في وجداننا و سحرنا , أسرنا وجرى فنه فينا مجرى الدم . . لازلت إلى اليوم أذكر أول نغما من صوته وانا طفل اتسلق أعمدة شباك منزل المرحوم حسن عوض أبو العلا الكائن بالقرب من منزلنا بحي السيد مكي وكان يردد ( أنسى الفؤاد ياقاسي واذ هواي ياناسي حياني حب ومآسي قاسيت كتير وبعاني ) كانت هذه هي الشرارة الأولى في دوران حركة الإبداع بيني وبين الأستاذ أحمد فكان أن تنسمته شربته حفظته فنا حقيقيا يملأ الجوانح ويسكن الوجدان . . علمنا الأستاذ فنون أدب الغناء , علمنا سلوكيات الفنان , علمنا كيف نغني ونختار الغناء علمنا وعلمنا وعلمنا . . وعلمني انا علمني . . لك الرحمة والمغفرة أستاذي ومعلمي الرائع .
تلميذك / محمد ميرغني
| |
|
|
|
|
|
|
|
|
|
Re: بحرى طراوة (Re: Emad Ahmed)
|
اشتهر بأنه لاعب كرة قدم ممتاز بنادي الأمير البحراوي وتميز بالسرعة وبمهاراته الفنية العالية وكان يشغل خانة الجناح الأيمن وجمـع بين ( الكفر والوتر ) ومن عاصرهم بنادي الأمير خلال تلك الفترة عمر ابوشمة وعبد الله بركية وإبراهيم عمر وسمير حسن بابكر وعبد القادراشولي وغيرهم وساهم مع زملائه في صعود الأمير في العام 1961 م الى دوري الدرجة الأولى . . وهو من محبي نادي الهلال العاصمي ومن المداومين على حضور مبارياته من داخل الإستاد . . ولاعبه المفضل الراحل الرهيف الحريف شيخ إدريس كباشي ( أفضل مدافع في تاريخ الكرة السودانية ) ويربط الكثيرون بينهما ويقولون من باب التشبيه : كورة شيخ إدريس تشبه غناء محمد ميرغني . اوبمعنى أخر من لم يشاهد شيخ إدريس كباشي يلعب فليستمع إلى غناء الفنان محمد ميرغني .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
يعمل الآن بإذاعة ( fm 104 ) ببحري جوار نادي الإتحاد البحراوي مديرا لقسم الموسيقى والملكية الفكرية . . متزوج وله من الأبناء بكري وعلي ووليد ومن البنات سلمى وسارة .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
الأغنيات :-
الشاعر إسماعيل حسن :- اشتقت ليك , حنان الدنيا , عيونك ديل , غريب , أفراح البلد .
الشاعر التجاني حاج موسى :- تباريح الهوى , حلو العيون , الكانوا قبلك , ياطير ياراجع لعشك , انا حبيتك آنت . ليلتين علي .
الشاعر مصطفى سند :- عشان خاطرنا .
الشاعر صلاح أحمد إبراهيم :- سهمك الفتاك .
الشاعر السر أحمد قدور :- حنيني إليك .
الشاعر حسن الزبير :- لابتفاصلي لابتواصلي , حالك باهي . الريدة , ولا الصابر انا ولا الباكي . جرح الحب .
الشاعر كامل عبد الماجد :- أخليك .
الشاعر عبد العزيز سيد احمد :- حبابن جن .
الشاعر صديق مدثر :- سبأ .
الشاعر علي شبيكة :- شفتك وابتهجت .
الشاعر محمد بشير عتيق :- شذى الياسمين .
الشاعر عثمان خالد :- سمحة سمحة الصيدة .
الشاعر صلاح حاج سعيد :- ما قلنا ليك , لوكان عصيت .
الشاعر السر دوليب :- لو قدرت تغيب علي , انا والأشــواق , مابتقدر تتوب ياقلبي , مين فكرك ياحبيب .
الشاعر محمد عبد القادر أبوشورة :- عاطفة وحنان , احترت فيك .
الشاعر و ( عازف الكمان ) علي ميرغني :- ست البنات .
الشاعر السر سيد احمد :- لو تعرفي حتى الوردة .
الشاعر حدربي محمد سعد :- النازلة ماشة على البحر .
الشاعر سعد الدين إبراهيم :- حبيبي كلما , الشارع الخالي .
الشاعر فضل الله محمد :- المطارات .
الشاعر عمر محمود خالد :- لما تضحك ياجميل .
من أغنيات الحقيبة والتي دائما مايتغنى بها الفنان محمد ميرغني ( ارجوك يانسيم روح ليه ) رائعة
محمد بشير عتيق وكرومة وأغنية البديع الهواك سباني رائعة ابوصلاح وكرومة.
| |
|
|
|
|
|
|
|
|
|
Re: بحرى طراوة (Re: Emad Ahmed)
|
ارتبط الملحن حسن بابكر بثنائية وثيقة مع صديقه الفنان محمد ميرغني أثمرت عن عدد من الدرر الرائعة
حيث قام بتلحين العديد من الأغنيات له ومنها ( اشتقت ليك , حنان الدنيا , عيونك ديل , عشان
خاطرنا , سهمك الفتاك , لابتفاصلي لابتواصلي , غريب , حالك باهي , حبابن جن , الريدة , سمحة سمحة
الصيدة , ما قلنا ليك , مابتقدر تتوب , لو قدرت تغيب علي , انا والأشواق , مين فكرك ياحبيب , لو
كان عصيت , احترت فيك , ولا الصابر انا ولا الباكي . بتلفحك . ورة هواك . أحلى مافي الدنيا
ريدنا ) .
الفنان الراحل المقيم العاقب محمد حسن لحن له أغنيتي حنيني إليك , شذى الياسمين .
الفنان السني الضوي لحن له أغنيتي شفتك وابتهجت , عاطفة وحنان .
الملحن محمد سراج الدين لحن له أغنية تباريح الهوى .
الملحن احمد الفكي لحن له أغنية أخليك .
الملحن وعازف الكمان المشهور عبد الله عربي لحن له أغنيات سبأ , أفراح البلد , ست البنات .
الشاعر التجاني حاج موسى :- حلو العيون .
الملحن وعازف الايقاع عبيد محمد أحمد :- المليحة .
الدكتور شوقي : بالصدفة شفتك في تعز ( وهو ملحن يمني ) .
اللحن الوحيد للفنان محمد ميرغني أغنية ليلتين علي للشاعر التجاني حاج موسى .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
ولازالت مسيرة الفنان محمد ميرغني حبلى بالجديد الرائع ومن أغنياته الجديدة :-
انا حبيبك للشاعر التجاني حاج موسى .
انت معاي للشاعر خالد شقوري .
بتلفحك للشاعرة مشاعر عثمان الجلال .
عنواني ملامحك للشاعرة مها .
وردة هواك للشاعر سعد الدين إبراهيم .
أحلى مافي الدنيا ريدنا للشاعرة بثينة رجب .
شقى الأيام للشاعرة أمنة خيري .
بالصدفة شفتك في تعز للشاعر محمد أحمد سوركتي في أول تعاون فني بينهما .
المليحة للشاعر محمد بابكر المبشر .
( لدي تسجيلات لكل هذه الأعمال الجديدة بس نتعلم كيفية إنزال الأغنيات وستكون تحت أمركم )
| |
|
|
|
|
|
|
|
|
|
Re: بحرى طراوة (Re: Emad Ahmed)
|
في المساحة القادمة بعض من كلمات أغنيات الفنان محمد ميرغني . .
كلمنى ياحلو العيون : كلمات التيجاني حاج موسى
كلمنى يا حلو العيون
حيرنى صمتك ياحنون
كلمنى حاول حس بي ..
عاتبنى ارمى اللوم على
كلمنى والكاين يكون
****
بفرق كثير .. ويتحسب كل يوم يمر
بفرق كثير .. طعم الحلو لو يبقى مر
وتمر بي من غير كلام
ولا حتى بس همسة سلام
***
لو شفتى كيف مرو الليالي
حال المساكين الحيارة كأنو حالي
بتذكرك انا والشواطي مع العصارى
همسك وصمتك والنسيم ساري فى خيالي
بتذكرك انا والهواجس والظنون
***
كلمنى حاول حس بي
عاتبنى ارمى اللوم على
كلمنى والكاين يكون
كلمنى يا حلو العيون
| |
|
|
|
|
|
|
|
|
|
Re: بحرى طراوة (Re: Emad Ahmed)
|
عيونك ديل - كلمات اسماعيل حسن
امسكى عليك عيونك ديل امسكيهن عيونك ديل
خليتنى تروح اتفك من شبكت عيونك ديل
شيتن اصلو ما شفنا لا فـى الناس ولا فى الريل
ده ما قدر الله جانا عديل امـسـكيهن
********
يتاوقن لى زى شـباك منور فـى ظلام اليل
يشـابن لى انا الغرقان انا الضهـبان
انا الخايف ذى القشه ارجف فـى مهاور الليل
عـليك ذاتك امسكى عـليك عـيونك ديل
*******
قليبى رهيف ما بقدر على الهباباى فى عز الصيف
قليبى رهيف اذا شـديتى خـايفه يقيف
قليبى رهـيف بشـيش تاتيه جـنب القيف
شـتن اصلو ماشفناه
| |
|
|
|
|
|
|
|
|
|
Re: بحرى طراوة (Re: Emad Ahmed)
|
حنيني اليك - كلمات السر احمد قدور
حنيني إليك وليل الغربة أضناني
وطيف ذكراك بدمع القلب بكاني
أقول ياريت زماني الفات يعود تاني
ألقاك يا حبيب عمري وتلقاني
تلقى الريد معايا لحظة ما نسيتك ولا نساني
وما بنساك وما بقدر ولا عايز بعد حبك أحب تاني
أهرب من خيال طيفك في عيني بلاقيهو
أعيش أيامي بالذكرى ألم أفراح أعيش بيهو
متين الليل يصافيني بنعود تاني من تاني
ألقاك يا وحيد عمري وتلقاني
تلقى الريد معايا لحظة ما نسيتك ولا نساني
حنيني إليك وليل الغربة أضناني
وطيف ذكراك بدمع القلب بكاني
| |
|
|
|
|
|
|
|
|
|
Re: بحرى طراوة (Re: Emad Ahmed)
|
عشان خاطرنا - كلمات مصطفى سند
عشـان خـاطرنا خـلى عيـونك
الحلـوات تــخـاصــمــنــا
ولما تمرى ابقى اقيفى
واســــــــألى عـــــن مشـاعرنا
زمـان غنينــا لعينيك اغـــانى
تحــنن القــــاســـــيـــن
هـدينالـــك معذ تــنا مشـينا
وراك ســــنين و ســــنين
بنينــــالك قصــور بالـشـوق
فرشــنا دروبـأ بالياسمين
وقلنا عساك تزورينا ترشى
البعجه فى ساحتا بعينيك تضويها
حلاتك انت ماشـه براك شــايله
الدنــيا بازهــاراوبالفيها
زمان بارينا ضحكاتك لقينا
صداها جاى معــاك وجايينا
وحاتك تانى لــــم تفــوتــى
ابقـى اقيفى سالمى الناس وحيينا
كفايه علينا لما نشوف
بسيماتك تصـابحـنا و تمـاسـينا
عشان نتملى من عينيك عشان نلقى
الصباح مسحوريعاين لصباح خديك
جهرتى الدنيا يا غربتنا ياروعتنا
ما همـاك جــهـرتينا
| |
|
|
|
|
|
|
|
|
|
Re: بحرى طراوة (Re: Emad Ahmed)
|
سمحة سمحة الصيدة - كلمات عثمان خالد
سمحه الصيده ما جارتنا
بت حارتنا بنريدا
مرت بالروح زى نسمه
لوحة فنان جمال رسمه
بى لفته تسالم منقسمه
تسال عن غنيه جديده
يا حلاة خطواتك فى دربنا
تنعش حارتنا وتطربنا
الشوق من بدرى معذبنا
تايه لو يلقى جنى الصيدا
خايفين من ريدا زمان كنا
خايفين وحياتك ما قلنا
شوف العينين كيف نشوانا
مـلـيـانـا دمـوع بيـك فـرحـانـا
| |
|
|
|
|
|
|
|
|
|
Re: بحرى طراوة (Re: Emad Ahmed)
|
انا والاشواق - كلمات السر دوليب
انا والاشواق فى بعدك
بقينا اكتر من قرايب
ما بنغيب عن بعض ابدا
زى اعز اتنين حبايب
كنت فاكر الشوق يغيب
لحظة واحدة عن فؤادى
مع الزمن يتلاشى وجدى
قلبى يسلا فى بعادى
وشوقى قال لى مستحيل
مرة يتحقق مرادى
ولازمنى ذى خلى الوفى
واصبح زى خلى الما بعادى
اى لحظة بعيدة عنك
و ضايعة من ايام زمانى
وكل يوم كلن لى فى قربك
اتمنى لو احياه تانى
وروحى لو غنيتا ليك ما
تصور كا اعانى
وحبى ابلغ من غناى وحبى
اسمى من المعانى
كم رسالة يا حبيبى بسطرا
اشكى ليك بالبعد يا ناسينى
واحلا كلمة منى ليك بضمنا
باغة من شوقى وحنيني
بين حروفا اشوف خيالك
وانت تتبسم لعينى
وقبل ما اختم كلامى
بتمنى لو ردك يجينى
| |
|
|
|
|
|
|
|
|
|
Re: بحرى طراوة (Re: Emad Ahmed)
|
احـترت فيـك - كلمات محمد عبد القادر ابوشورة
شـن اقـول
كـل الحـروف فى
الساعـه ديك صابـا الذهول
والـمـفـردات وقـفـن بعـيـد يـتـأملن
ستحر العقول
فى حضورٍ أجمعن
اسـراب زهور
فى حضورِ واتناثـر
النـور و حـور
واتهامسأَ
فاهمات ثغـور
والـكـون صبح
شلال عطـور
وغـن الوتـر طاب السمـر
بين النجوم نزل القـمـر
وفاح الـعبير
وبالطـيـب امـر
اللـيل بسم
والشوق رسم
ايقاع خطاب فى
الساحه كان اروع نـغم
لمـا القـوام بفـتنـا
مـاح وانقسم
وانأ يـا سـلام من غير
كلام حاضن عـنـاقيـد العـشـم
لـو يوم تحن ترحم قلوب
مـا شـوقـا ليك كادت تـجن
ما نـحـن ناس عند الجمـال
بنزوب حـنيـن ونـفيـض نـغـم
| |
|
|
|
|
|
|
|
|
|
Re: بحرى طراوة (Re: Emad Ahmed)
|
مين فكرك ياحبيب - كلمات السر دوليب
مين فكرك يا حبيبي مين الهداك اليا
جرحى قرب يطيب جددته تانى عليا
انا قولت حبنا راح مر الزمان وطواه
والباقى منة شجن وعذابنا فى ذكراه
لقيتة اكبر حب بين القلوب ماواه
ماقدرت يوم انساه ولا هان على اسلاه
لكنى رغم البين رغم الفراق الطال
كانت مشاعرى تقول ابدا فراقنا محال
ما ليا غيرك شريك ما ليك غيرى ماال
جمعت قلوبنا محبه ربطت حياتنا امال
يا حبيب كفانا خصامنا كفاناهم وضنا
ما بتقدر انت تلومنى وما بعاتبك انا
ما كان بيدنا شقا وما كان بيدنا هنا
حسد القدر فرقنا هو العلينا جنا
| |
|
|
|
|
|
|
|
|
|
Re: بحرى طراوة (Re: Emad Ahmed)
|
ماقلنا ليك - كلمات صلاح حاج سعيد
شوف كم زمن ما شلنا هم
ولا عشت يا قلبى العذاب
وسرحت فى ليل الشجون
ما عرفت لقلبك ماءاب
الحب طريق محفوف صعاب
وانت لسه فى اوله
ما رضيت كلامنا وجيت براك
اهو دا العذاب اتحمله
يا قلبى قالوا الحب عذاب
وافراحه حافيها الالم
قى ظله ما بنخشا المسير
فى صفاه ما بنفقد عشم
صدقنى مهما ليك ظلم ما
اظن حنان ه يبدله
ومرت سنين الشوق معاك
ولا هلا فى دنياك ربيع
عانيت جحيم الحب وفاء
قاسيت حلاوة الريد دموع
راضى وسعيد فى الويل
تضيع وتسيير طريق ما بتوصلو
| |
|
|
|
|
|
|
|
|
|
Re: بحرى طراوة (Re: Emad Ahmed)
|
لو كان عصيت امرك - صلاح حاج سعيد
لو كان عصيت امرك انا
وسبتك محلق فى زمان الامكنه
ما كنت وريتنى النجوم
عز النهار متلونه
انا ليك مدائن حب بنيت
شيدت ليك باقات منى
شيدت قصرك فى السحاب
وكتبت فيك اجمل غناء
بذلت روحى عشان
اجيك نتلاقا فى ساعة هناء
لكنى كان اجر جزاى
منك مواقف مره ومحزنه
قبال يكون بينا الغرام
وكلمات جميله مزوزنه
انا قلت ليك وكان قصدى
واوصل للحقيقه وامنا
انو الغرام فى الدنيا
واقع ما خيال
تبنيه انت ولا انا
واصلو سر الوجود
احساس ودود وا
سلعه نحن نتمنها
| |
|
|
|
|
|
|
|
|
|
Re: بحرى طراوة (Re: Emad Ahmed)
|
الريدة - كلمات حسن الزبير
ياريده مين بقدر عليك
مين بلقى في دنياك امان
أخضعتي تيجان الملوك و
هزمتي فرسان الزمان
وانا الضعيف
ياريدة كيف أتحملك
بعد عزيز وبعد ملك
أصبحت بي أمرك ملك
مرات أقول وامر قساك
مرات أقول ما أجملك
ياريده شوقك خففي
وحلمك علي إتلطفي
عبر الزمن سرك خفي
ونارك تقيد ما بتنطفي
سايباني في درب الشقا
ونادر علي تتعطفي
ياريدة يا سر الغُنا
لامتين أكون ضايع أنا
أديني يوم خاتم المنى
يسعدني بي أسعد منى
قسمتي للناس الهنا
وأنا لا هناك ولاهنا
| |
|
|
|
|
|
|
|
|
|
Re: بحرى طراوة (Re: Emad Ahmed)
|
تباريح الهوى - كلمات التجاني حاج موسى
ده الجانى منك ومن تباريح الهوى
وصفو بصعب يا جميل
وبعدت عنك ، ولما طال بى النوى
بقى لى أسيبك مستحيل
تبقى سيرتك هى الكلام
وتبقى صورتك هى الرؤى الحلوة البعيشها
فى صحوتى ، او حتى فى عز المنام
ويبقى اسمك هو الغنا
هو البجفف لى عذابات الضنى
ما الشفتو منك يا منى الروح يا أنا
وصفو بصعب يا جميل ....
وبعدت عنك .... ولما طال بى النوى
بقى لى أسيبك مستحيل
بشكى ليكم يا مظاليم الهوى
أصلى مجروح مرتين
يمكن القى الزيى فيكم
ضاق جراح الحب ومتعذب سنين
ويمكن القى وصفة تنفع ..
ولا يمكن القى حاجة تخفف الجرح القديم ..
حاجة تشفع ..
ده الجاني منك ومن تباريح الهوى
وصفو بصعب يا جميل
وبعدت عنك ، ولما طال بي النوى
بقى لى أسيبك مستحيل
| |
|
|
|
|
|
|
|
|
|
Re: بحرى طراوة (Re: Emad Ahmed)
|
لابتواصلي لابتفاصلي - كلمات حسن الزبير
لا بتواصلي لا بتفاصلي لا بتلومي
إنتي تعيشي يالكاتلاني قبال يومي
لا بتودي لا بتجيبي لا بتردي
خدك ده الخجل كاسيه ولا مندي؟
لا بتوالفي لا بتحالفي لا بتحني
خلقوك زينة عشان تشقينا
يلا أتهني
تشيلي الخطوة فوق خطوة
وأشيل أنفاسي
ماهماك نحن وراك كيف بنقاسي
تمشي هوينا يالماك هينه قدرك عالي
بس تكفينا نظرة حنينة ما تتعالي
شعرك سبسبو التسريح بعد متدلي
تجيبو النسمة فوق جبينك وإنتي تعلي
بدر إتدلى لي خلق الله وجهك ناير
والخد صورة زي بلورة خاتي مساير
لا بتسالمي لا بتكالمي بس تتهادي
لا سامعانا لاك معانا تيهي اتمادي
أرح وأردح وراك أرتاح ولو بي كلمة
إما أعيش وإما أموت وإما وإما
| |
|
|
|
|
|
|
|
|
|
Re: بحرى طراوة (Re: Emad Ahmed)
|
لا الصابر ولا الباكي - كلمات حسن الزبير
لا الصابر ولا الباكي
غايتو حكايتي بين أمرين
وراضي أتشاقى في ريدك
وأعيش بدل العمر عمرين
شوقي كتير وفرحي لرؤيتك
أكتر وحالي أخير تخليه
هو حال الحبَ بتشكر
إذا اتشاغلت عن الناس
يقولوا اتناسى واتنكر
وإذا إتشاغلت عن الناس
يقولوا اتناسى وإتنكر
وإذا إتشاغلت عن جرحي
يزيد في ضلوعي ويتوكر
خيالك عندي يوماتي
صباح خيري ومسا أفراحي
أعد ميعادو باللحظات
وسهري معاهو صباحي
عيونك فوق عيوني تنوم
وفوق آلامي ترتاحي
وريدك من عواتي الريح
ألمو وأضم علي جناحي
منو العزاك زيي أنا
ومنو المن قلبو غناك
خلاك فرحة للحزنان
وخلاك بسمة للشاكي
وطار بيك فوق مكان ومكان
وطاف بيك وين وداك
يقابل بالمحنة جفاك
ويشيل أشواقو ويرجاك
| |
|
|
|
|
|
|
|
|
|
Re: بحرى طراوة (Re: Emad Ahmed)
|
النّازلة ماشّة على البحر - كلمات حدربي محمد سعد
يا النّازلة ماشّة علي البحر
ساعة الحلب ساعة الشّمس يا دوب بتطلع
والشُّعاع من بين فتيحات الغصون
رقرق علي قش الدّرب
ماع النّدَى ووقّع
متل خرز السِّبَح خيطو إنقطع
يا النّازلة
*** . . . ***
السّمحة بوسط التّمُر دائماً تفوت
يتّنَّى بفوقها الجّريد
يلمس سبايب في الشّعَر
والقمري من عش ما بيطير
إعتاد عليها ووالفها
حتَّى السّبيط مدّ الشخاليب وإبتسم
مرّات تقيف مِنّو وتشيل
ومرّات تفوت مشغولة بشيتاً كُتُر
شجر الطّلح رمَّى البرم
أصفر تحت أقدامها مفروش قرمصيص
يا النّازلة
***. . . ***
واللوبة في صدر الجّرف
من عرقو فجّالها الدّرب
نوّارو مال فوق بعض
ووشوش وقال
السّمحة جات السّمحة جات
ولمّا إتشبك نوّارو في توبها الجّديد
مالت بشيش السّمحة مالت فكّتو
شان لا تحت نوّارو لا تقطع صفق
يا النّازلة
***. . . ***
شوفي البحر يا السّمحة إتقطّع تٌرَع
وأصبح بعيد
والتّرعة وسط الرملة
زي حبّة عسل
جابوها في صينيّة لفطرة عريس
حاشاها ما قالت بعيد
السّمحة مهما كان تريد
شان تسقي شتلات الحياة
وشان تسقي في البيت الأهل
يا النّازلة
| |
|
|
|
|
|
|
|
|
|
Re: بحرى طراوة (Re: Emad Ahmed)
|
بتلفحك - كلمات مشاعر عثمان
بتلفحك غيمة عمر
تبرق آمل في دنيتي
وتسعد قليب ليك
مشتهي ويافرحتي
********
بتلفحك بدفئ بجمر الغرام
لهفة قليبي البيك هام
في حضرتك ديمه الكلام
نقرا وجودك يامناي
في الدنيا ماطاب لي مقام
********
بتلفحك دعوات رجاء
وافراح سعد للبعرفها
والوان محبة بفتشها
وميلاد غرام في الكون بدا
وانا في رجاك . . وبتلفحك
********
بتلفحك ريدك معاي يصبح هناء
ينساب فرح طول السنه
يجمعنا كون انت وانا
( وهي من الأغنيات الجديدة للفنان محمد ميرغني )
| |
|
|
|
|
|
|
|
|
|
Re: بحرى طراوة (Re: Emad Ahmed)
|
من أغنيات الحقيبة والتي يتغنى بها الفنان محمد ميرغني
أرجوك يانسيم روح ليه - كلمات عتيق - الحان وغناء كرومة
أرجوك يا نسيم روح ليه
بي أشواقي صرح ليه
وأذكر صبوتي وسهادى
******
روح يا نسيم قول ليه
مثل شخصي واشرح ليه
إخلاصي وشعوري إليه
والأغرب كمان قول ليه
مع شغفي وميولي عليه
في تعذيبي برتاح ليه
بذكر حسنه في إنشادى
فأعجب مني شاعر وشادي
******
باللفظ الجميل آتيه
بين حالي واستفتيه
لو يصحى وبفيق من تيه
يتعطف يلين عاتيه
يشفي جراحي
وألقى صراحي
ويكون راحي
في رؤية خديده النادى
وقوامه الرشيق متهادى
******
هو حبيبي هو طبيبي
هو سميري هو أميري
حسن الكون تجسم فيه
يزدرى بالقمر لصفيه
ما دام كل عيب نافيه
أوصاف شعري كيف توفيه
ده الساكن ظلال في فؤادي
واختار في الهوى استعبادي
| |
|
|
|
|
|
|
|
|
|
Re: بحرى طراوة (Re: Emad Ahmed)
|
وايضا من أغنيات الحقيبة والتي يتغنى بها الفنان محمد ميرغني
البديع هواك سباني - كلمات ابو صلاح
يا البديع الهواك سباني يا أخا البدر يا مكمل
**********
كل من طرفه فيك تأمل قلبو من الغرام تحمل
كم عقل في هواك مهمل مزوى بين خصرك المزمل
المضمر فريعه باني علاه بدر الصفا المجمل
***********
يا جميل هجري طال تسلسل بين اياديك حبي ليك تمثل
يا رشيق عن قتيل هواك سل برقك المن سناك يرسل
نور عقيد درك الجمانى الضاوى بين فاطرك المعسل
***********
لي سواك قلبي لا يرى محل ومستحيل عن فؤادي ترحل
وما بجد عن شروط هواك حل والسهم منه جسمي ينحل
كم سحب لحظه سيف ازانى من طرفه السقيم وأكحل
*************
دول ايدك أم حرير مجدل والوريد ولا القامه اعدل؟
هل صباح بالمحى تبدل ودا الاسيس ولا ليل مسدل
والكتيف لي ضميره تاكى في أرائك الدروع مهدل
************
ركني ليه من هواك تزلزل والنفوس في رضاك تبذل
ياالرشيق الحشاك مهدل يا ملاك من علاك منزل
المريض في الهلاك يعانى يحي لو طرفه فيك تغزل
************
ياقمر في سماك مدلل شوقي زاد منامي قلل
الملك لي الغرام تذلل لي قلب برضاك تعلل
يا الهواك أضحى لي تهاني لابسه تاج بالدر مكلل
**************
كيف هواك عن فؤادي ينقل دا المحال ما أظنه يعقل
يا رقيق الحشا المفقل يضوى سيف طرفك المصقل
لو سحب لحظه هندوانى للجبال الرواسي قلقل
************
قلبي بى ذكركم تأهل وشوقي كاد منه عقلي يذهل
والدموع من عيوني تبهل ما أظن بالعلي تجهل
في الخيال أحيا لو تراني والنجوم من وصالك أسهل
| |
|
|
|
|
|
|
|
|
|
Re: بحرى طراوة (Re: Emad Ahmed)
|
صورة للفنان محمد ميرغني وهو على السرير الابيض بعد ان اجرى عملية
جراحية ناجحة بمستشفى الشرطة بالخرطوم قبل عدة أشهر . . صادق الأمنيات
للمبدع محمد ميرغني بدوام الصحة والعافية .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
حوار صحفي للفنان محمد ميرغني منقول من صحيفة اخر لحظة
الفنان محمدميرغني في حوارخاص مع(آخر لحظة)
حوار: إنصاف العوض
كُثر هم من شغل همهم ترقية الذوق وتهذيب الإبداع الفني لشعوبهم وقلة من وضعوا على عاتقهم تربية الأجيال وتعليمهم وتثقيفهم عقلاً وروحاً وكما كان الأستاذ المربي والفنان المرهف والملحن المبدع محمد ميرغني أحد هؤلاء القلة.. تجولت آخر لحظة داخل ردهات رحلته الإنسانية والفنية المتفردة طوقتها معه مغردة لحناً ونغماً وحباً لعشاقها
بداية نريد أن نلقي الضوء على البيئة التي شكلت الفنان محمد ميرغني؟
طبعاًً أنا نشأت في أم درمان تلك البيئة الغنية الثرية بجميع طوائف الفن من صوفية وغناء ومسرح وغيره، وكنت أذهب الى منزل الأستاذ الشاعر عوض أبوالعلا لأستمع الى أغنيات الفنان الرائع أحمد المصطفى ولقد حفظت جميع أغنيات أحمد المصطفى تقريباً ورددتها إضافة الى الحس الفني الراقي الذي تميز به الوالد رحمة الله عليه، فقد كان يحتفظ بأسطوانات لكبار الفنانين أمثال العملاقة أم كلثوم وعبدالحليم حافظ وغيرهم.
هل هذا يعني أن محمد ميرغني قرر أن يكون فناناًً منذ بواكير صباه؟
لا طبعا أنا لم أفكر يوماً أن أحترف الغناء في بداية حياتي، وذلك لأني كنت أهوى الرياضة ولي باع طويل فيها وكنت بطلاً في ألعاب القوى وكرة القدم حتى أنني كنت البطل الأول فيها عندما كنت بمعهد التربية.
إذن ما الذي غير مسارك لتصبح فناناً؟
طيلة تلك الفترة كنت كما ذكرت سابقاً أستمع للغناء وأعشق تقليد الأغاني التي تعجبني وخاصة التي للفنان أحمد المصطفى وعثمان حسين حتى ألتقيت بالفنان الصديق الطيب عبدالله والشاعر الصديق الأستاذ سوركتي وبدأت أغني معهم في المعهد وفي ذلك الوقت كان الفنان الطيب عبدالله يجيد العزف وله أعماله الخاصة غير أني كنت أتهيب دخول الساحة الفنية والتي كانت تعج بالعمالقة آنذاك، وبعد التخرج ظهر الفنان الطيب عبدالله بشكل ناجح وملفت للأنظار ولعل الغيرة من نجاح الطيب عبدالله ما دفعني لأقدم تجربتي الخاصة (ضاحكاً).. وبالرغم من الصداقة والعلاقة القديمة التي تربطني بالشاعر سوركتي لم أغن له إلا مؤخراً أغنية (بالصدفة شفتك في تعز) وهي أغنية لفتاة يمنية سبق وأن لحنها الدكتور شوقي وهو ملحن يمني كبير وأيضاً تغنى بها فنان يمني لا أذكر اسمه الآن ويقول مطلع القصيدة:
بالصدفة شفتك في تعز باين عليك ابن عز
ما بيعجبك قصر الرشيد وقليل عليك دهب المعز
وأيضاً شمس الصيف وغيرها وعقب تخرجي من معهد التربية عملت معلماً في مدارس بحري وكنت أحد لاعبي فريق نادي الأمير الرياضي وكان زملائي رؤسائي في النادي يشجعوني على الغناء وخاصة في الرحلات التي كان ينظمها النادي الى أن بدأت في إنتاج أعمالي الخاصة مثل أنا والأشواق والبديع الهواك سباني وأضيع أنا وقلبي يزيد عناه وغيرها من الأغنيات وتعلمت العزف على العود ولم أكن قد أجزت صوتي بعد لأن عملية إجازة الصوت آنذاك لم تكن بالأمر اليسير وخوفاً من أن أبدو بمستوى ضعيف أمام لجنة إجازة الصوت قررت أن أكون لجنة لنفسي من أعلام الفن آنذاك مثل الأستاذ محمد وردي وعثمان حسين ومحمد الأمين وشرحبيل أحمد وغيرهم ونظمت جلسة خاصة بهذه المناسبة وبعد نهايتها أثنى عليِّ الأستاذ محمد الأمين قائلاً (لقد أطربنا محمد ميرغني وكفى) وبعد هذه الشهادة تقدمت لإمتحان إجازة الصوت وكنا أكثر من ثمانين متنافساً لم ينجح منا سوى أنا والفنان عبدالله الحاج وكان ذلك في العام1965م.
الأستاذ محمد ميرغني العنصر النسائي إخترق ساحة الشعر والغناء العاطفي بقوة ما رأيك؟
هذا كلام صحيح فالمرأة صادقة في إحساسها وهي لا ترص الكلام رصاً كما يفعل بعض الشعراء وأنا شخصياً لديِّ أربع أغنيات لشاعرات سودانيات هن الصحفية مشاعر عثمان وهي صاحبة قصيدة (بتلفحك) وبثينة رجب (أحلى ما في الدنيا ريدنا) والأستاذة آمنة خيري (شقى الأيام)، وتتميز مفردات أشعار النساء بالصدق والشفافية كما أن أفكارهن جديدة ومميزة والقصائد بها جرس موسيقي عالي ومعانِ سامية مما يجعلها نموذجية في الغناء إضافة الى أن هناك أصواتاًً نسائية قويةٍ ومعبرة لفنانات عظيمات أمثال الأستاذة سمية حسن وآمال النور ذات الصوت العذب المتفرد وهن فنانات جديرات بالإحترام ومن الفنانات الواعدات هناك أيضاً أصوات رائعة وواعدة مثل الفنانة أسرار بابكر وشذى هيبان وسارة النور وهن يحملن كل مواصفات الفنانة.. وذلك لجديتهن وصقلهن لمواهبهن من خلال الدراسة المتخصصة في مجال الغناء والموسيقى إلا أن ذلك لا يمنع أن هناك فنانات يبحثن عن المادة عن طريق الفن وهن لا يحملن له أدنى ولاء ولا يعرفن أسباباً حقيقية لإمتهانهن هذه المهنة ولا أظن أن تلك القلة سوف تنال حظاً من النجاح كما وأنها تعد خصماً على الرصيد الفني السوداني.
الأغاني التي تسمى هابطة والتي هي المؤشر لمستوى المستمع في أي مجتمع ما هي الأسباب التي أدت الى ذلك التدهور في التذوق في رأيك؟
هي ليست مؤشراً لمستوى المستمع ودرجة تذوقه بل هي مؤشر الى حالة شرائح من المجتمع إقتصادياً وثقافياً.
محمد ميرغني القاسم المشترك بين الفن والحقل التعليمي؟
التعليم نفسه فن أما الفنان فهو موهبة ربانية ويشكلها الفنان بقدر ما حباه الله من مقدرات وأنا الحمد لله أعيش في توافق تام بين محمد ميرغني الفنان ومحمد ميرغني الأستاذ.
ماهو رأي محمد ميرغني في (حق الأداء العلني) الذي قرر من قبل المصنفات الفنية مؤخراً؟
يرى المسؤولون عن وضع القانون أنه قانون عالمي يؤكد على أن المؤلف والملحن أصحاب حق أصيل والفنان والفرقة الموسيقية أصحاب حق مجاور وأنا أرى أنه قانون جائر وهو من وضع البشر وليس قانوناً ربانياً ويجب تعديله لأنه ينقص من قدر المغني فصوت المغني الجميل هو السبب وراء إبراز عمل الشاعر والملحن فلولاه لما كتبت الخلود لأعمالهم وبعد كل ذلك يكون صاحب الحق المجاور وأني أرى أن الشاعر والملحن والمغني يجب أن يكونوا أصحاب حق أصيل خاصة المغني لأنه هو الذي أدى الى إشتهار العمل.
السودانيون يكرمون مبدعيهم بالتكريم المستحق بدلاًً من الدلاقين والخشب (تكريم وردي نموذجاً)؟
أرى أن التكريم الحقيقي يجب أن يأتي من الدولة وهي التي يجب أن تكرم وتقدر مبدعيها وتضعهم في اسمى الدرجات على نمط تكريم العمالقة خارج السودان أمثال عبدالوهاب وسيد درويش وأم كلثوم لدرجة أنهم صنعوا لهم تماثيل تحفظ في المتاحف، وأما بالنسبة لتكريم الأستاذ محمد وردي فاني أراه إيفاءً الحق لأهل الحق فهو قامة وقمة في دنيا الفن السوداني يستحق كل التكريم والإحتفاء والإعلامي الضخم الأستاذ الراحل حسن ساتي إعلامي صحفي نادر التكرار إضافة الى أنه فنان ذواقة يقدر معنى الإبداع والفن الأصيل وهو لفتة كانت متوقعة منه وأتمنى أن يكرم المبدعون على نفس النسق .
آخر أعمالك؟
لديِّ مشروع لأربع ألبومات جديدة إنتهيت من الأول وأجري في إعداد بروفات الثاني والثالث والرابع ويحتوي كل ألبوم ثلاث أغنيات جديدة على الأقل وفيها أقدم أول عمل من ألحاني وهي أغنية للشاعر الأستاذ التجاني حاج موسى واسمها (ليلتين عليِّ).
الصوفية في غناء محمد ميرغني؟
أنا صوفي بالفطرة تربيت على مديح السادة الإسماعيلية والسادة الختمية ولديِّ ثلاث قصائد دينية إحداها كتبها أخي (أحمد المكي إبراهيم) وهو طبعاًً أخي من جهة الوالدة واسمها مدينتك الهدى والنور.
كلمة أخيرة؟
أُحيي كل معجبي الفنان محمد ميرغني وأنا أستمد من محبتهم إبداعي الفني وقدرتي على العطاء والإبداع وأهديهم مقطعاً من أحدى أغاني لأنها تعبر عما أحسه حيالهم وهي تقول:
عنواني ملامحك لو تربع عرش إحساسك وأكون من ناسك وعطر أنفاسك وكل البيك.
| |
|
|
|
|
|
|
|
|
|
Re: بحرى طراوة (Re: Emad Ahmed)
|
أخر حوار صحفي للفنان محمد ميرغني
محمد ميرغني في لقاء الوضوح والصراحة على شذى الأوتار:
أحمد المصطفى هو من قدمني للوسط الفني من خلال أعمالي الخاصة
صندوق دعم المبدعين لافتة فقط ولا حاجة لنا به
نبحث عن الناقد المسؤول عما يكتب
سرقة الأغنيات تماثل سرقة الآثار والمتاحف
لا يختلف الناس حول دورة الآني في الساحة الفنية برغم ما اعترى مسيرة الفن على وجه العموم من عوامل أثرت على كثير من المبدعين بسبب ما يكتنف الوسط ودهاليزه من مظاهر سلبية، واثق باننا لن نختلف على عطائه ورصيده الضخم من اعمال خالدة اطربتنا وبعثت في دواخلنا اهازيج الفرح والمحبة والسلام، ناغمت نفوسنا بجمال المفردة وبديع الاداء، انه الفنان الفخيم محمد ميرغني، صاحب الصوت المخملي والاداء الذي يدغدغ المشاعر.. نغوص في دواخله ونقدم ما تعتمل به نفسه الفنانة من مشاعر متضاربة نتيجة ما يعانيه الفنان الحقيقي باحساسه المرهف الذي يحمل الداء والدواء.. فإلى سطور اللقاء ونحن نتكئ على أريكة شذى الأوتار.
الساحة الفنية ماذا تشكل لك في صورتها الحالية؟
نعيش في دائرة تدير الرؤوس.. نقف على مفترق طرق لا نعرف أي طريق نسلك؛ اجواء يكتنفها الضباب ويخنقها دخان كثيف انعدمت معه الرؤية، نكابد الامراض والجهل، وكماً هائلاً عن المشاكل تؤثر على حياتنا بمردود سالب على كل اوجه الحياة، لذا كان الفن ضحية هذه الحالة الانفصامية التي تضرب ساحة اقتصادنا ومجتمعنا؛ وهي افراز لسياسات وممارسات شاركت في تراجعنا، وكل الامل معقود على القرارات الاخيرة لاتحاد المهن الموسيقية في ان نجد بعدها طوق النجاة.
الأغنية السودانية تحتنق في محيطها الداخلي، والقنوات فشلت في إخرجها إلى خارج محيطنا؟
ليس عيباً في الاغنية الا ان المقدمات التي تهيئ لصورتها الجمالية لا توجد لدينا، وهي غير متوفرة من اجهزة تسجيل حديثة واستوديوهات رقمية ومهنية عالية رغماً عن ان استوديوهاتنا لا تخلو من حداثة وكفاءات، فقط تحتاج لمساحة من الحرية للتحرك والابتكار ، ومع كل هذه المؤثرات نجد ان للاغنية السودانية وجوداً في المحيط الخارجي بشكل محدود عربياً واكثر اتساعاً افريقياً.
لجان الأصوات والشعر وازدواجية وجودها في كل من المصنفات والإذاعة ما هو تأثيرها على الساحة؟
هي ازدواجية تدعو للحيرة ولابد من توحيد الجهود في جهة واحدة حتى لا تختلط الامور فقد تجيز جهة عمل ما وترفضه الاخرى.. والاذاعة هي الاحق بهذا العمل لعراقتها ومعرفتها.
تقييمك للأصوات التي تملأ الساحة الآن؟
هناك اصوات فرضت نفسها ولكن صوت الفنان الاصيل يضيع في الربكة التي تعاني منها الساحة، فحرام ألا تغني هادية طلسم ، وجريمة ان نهدم القيم الجمالية للبلابل بسرقة اعمالهن؛ فسرقة الغناء تماثل سرقة الآثار والمتاحف، فترديد اغاني الفنانين باصوات اخرى وصاحب الحق حي يرزق هي جريمة تستحق العقاب، والحمد الله ان القانون بدأ يستفيق من غفوته ولا انسى الاصوات المتميزة ، عادل مسلم ، على السقيد ، وقد هاجر بفعل ما يحدث على ساحة الغناء وبدوري افكر في الهجرة؛ فالمعايش جبارة وحنأكل طبشور ولا شنو؟!
النقد الفني هل يؤدي دوره كما ينبغي؟
السؤال خطير ، هناك سلبيات، محمد ميرغني يبدع ويضع خارطة تنظيم لانتاجه ويتعب في اختيار الكلمة واللحن واجراء البروفات ثم ببساطة يأتي احد الصحافيين وبجرة قلم يقول له كفاية، ماعدت مرغوباً.. النقد الفني يحتاج الى اتحاد يحدد اختصاصاته ويقدم لنا الناقد المسؤول عما يكتب..
دور الإذاعة والتلفزيون في مسيرة الغناء؟
هذه الاجهزة تضيق المساحة امام الغناء وتفسحها لبرامج اخرى واحياناً تبتر الاغنية المقدمة دون تكملتها بلا سبب مقنع.
صندوق دعم المبدعين، ماذا يقدم للفنان؟
هي مسميات ولافتات فقط.. كيف يكون للصندوق وجود ولا نتذكر المبدع الا حين يموت.. لا حاجة لنا بهذا الصندوق.
محمد ميرغني لا يرحب بترديد أغانيه بأصوات الغير؟
الامر ليس هكذا وترديد اغاني الغير فراش وثير يطول فوقه النوم فينسى المبدع نفسه، لماذا لا يخلق الفنان كياناً ويجتهد ليبرز ذاته وتجربتي خير برهان طرفها الآخر الراحل المقيم احمد المصطفى، ذهبت اليه ليس طلباً لاحدى اغنياته ولكن ليأخذ بيدي وينصحني وهذا ما حدث وهو يقدمني لوسائل الاعلام لاقدم اعمالي الخاصة فلماذا يمتطي الآخرون ظهور الآخرين ليصلوا ؟!
مرافئ الختام؟
كل سنة والشعب السوداني سعيد وطيب وفي عافية وصحة، ورمضان كريم لكل اهل الوسط الفني ولكم شكري في (حبيب البلد)
منقول من صحيفة حبيب البلد الرياضية .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
شكرا يا عماد على هذا المجهود الكبير
استاذنا الكبير محمد ميرغنى يستحق التوثيق لمسيرته الفنية الكبيرة
استمر ياعماد فهذا الرجل اثرى الوجدان ولم يجد من التكريم ما يناسبه و يناسب عطائه
| |
|
|
|
|
|
|
|
|
|
Re: بحرى طراوة (Re: هشام المجمر)
|
Quote: شكرا يا عماد على هذا المجهود الكبير
استاذنا الكبير محمد ميرغنى يستحق التوثيق لمسيرته الفنية الكبيرة
استمر ياعماد فهذا الرجل اثرى الوجدان ولم يجد من التكريم ما يناسبه و يناسب عطائه |
الشكر لك هشام المجمر على الإشادة
بلاشك الأستاذ محمد ميرغني أحد القمم السامقة الفنية
التي أثرت وجداننا كما ذكرت وهنالك الكثير من سيرته العطرة
سنقوم بإنزالها لاحقا إنشاء الله . . التحية والتجلة والإنحناءة له .
في إنتظار عودتك مرة أخرى
لرفد البوست بالكثير بحكم انك بحراوي أصيل .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
الفنان محمد ميرغني في حضرة عميد الفن الراحل المقيم أحمد المصطفى بمنزله ويظهر في الصورة
العازف الراحل علي ميرغني وهو يشارك بالعزف . . وتضم الصورة ايضا العازف عبد الله عربي
والراحل المقيم محجوب عبد الحفيظ إستماعا . . الصورة مهداة لكل البحراوية بصفة عامة
عامة ولهشام المجمر بصفة خاصة بمناسبة مروره على البوست لأول مرة .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
الاخ عماد
ياســـــــلام عليك يارائع .
يغنى محمد ميرغنى فننصت له والاشياء من حولنا،ياتى صوته طالعاً من جوف المعانى ،مدهشاً رائعاً كشلالات العسل المصفى ،متعه اللة بالعافية هذا المدهش الرائع كفنه تماماً.
محمد ميرغنى هو فنانى المفضل وقد كنت اتمنى ان يغنى لى حفل زواجى ،وقد تحققت لى هذه الامنية ،وهو بالاضافه لفنه الرائع فانه شخص خفيف الظل ومرح للحد البعيد أذكر اننى عندما ذهبت له مع أحد الاصدقاء فى منزله فى الختمية للاتفاق على الحفل حكى لنا كثيراً من النكات والطرائف التى اضحكتنا كثيرا
بالنسبة للعلاقة بين موهبة الراحل شيخ ادريس كباش وفن محمد ميرغنى ،فان محمد ميرغنى قام بتدريس شيخ ادريس فى مدرسة العزبة الابتدائية .
| |
|
|
|
|
|
|
|
|
|
Re: بحرى طراوة (Re: معاوية محمد الحسن)
|
| Quote: يغنى محمد ميرغنى فننصت له والاشياء من حولنا،ياتى صوته طالعاً من جوف المعانى ،مدهشاً رائعاً كشلالات العسل المصفى ،متعه اللة بالعافية هذا المدهش الرائع كفنه تماماً. |
كلام درر والله
ويديك انت كمان العافية يامعاوية . .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
Quote: في منزل اخي ياسر عبد الحميد بالرياض للعزاء
قال انه قبل فتره واثناء وجودي بالسودان قابل السيد سفير السودان بالمملكه
ساله السيد السفير عن لماذا كل الكيانات والمناطق لها دور بالرياض ماعدا ابناء بحري
رغم ان لهم موقع بحري طراوه الذي اتضح انه يتابعه.
وان السيد السفير مستعد للدعم وهو كما يعلم الجميع من ابناء بحري حلة خوجلي
وهم من اقدم سكان حلة خوجلي ووالده من كبار رجالات الختميه وعلي ما اعتقد ان المرحوم فاروق عثمان
حمد الله متزوج من شقيقتهم.
المهم تم النقاش بوجودي ووجود العديد من ابناء بحري علي راسهم الاخ عادل كربوج من ابناء الشعبية
ايضا.
تم التفاكر في الموضوع علي ان يطرح في موقع كهذا لابداء الرأي.
نرجو ان يجد الوقت لطرحه علي طاولة التشريح |
| |
|
|
|
|
|
|
|
|
|
Re: بحرى طراوة (Re: Emad Ahmed)
|
والله يا عمدة قمة الابداع
اننا لنفخر بك وانت تتحفنا
بهذه الروائع اني من محبي
الاستماع للمبدع الرائع
محمد ميرغني وخاصة
اغنية كلمني يا حلو العيون
Quote: كلمنى يا حلو العيون
حيرنى صمتك ياحنون
كلمنى حاول حس بي ..
عاتبنى ارمى اللوم على
كلمنى والكاين يكون |
لك كل الشكر وكل الحب وكل التقدير
وااااااااصل فنحن متابعين بشغف
| |
|
|
|
|
|
|
|
|
|
Re: بحرى طراوة (Re: عماد الدين عبدالله)
|
عمده ياملك التوثيق بلا منازع
توثيق رائع جدا للفنان القامه محمد ميرغني وياريت لو زدت لينا الجرعه شويه في
الجانب الرياضي للفنان الكبير ....تاريخه الرياضي قبل فريق الامير ان كان هناك معلومات عنه
لك التحايا
| |
|
|
|
|
|
|
|
|
|
Re: بحرى طراوة (Re: عماد الدين عبدالله)
|
Quote: كلام درر والله
ويديك انت كمان العافية يامعاوية |
شكراً ياعمدة ..وللامانة فانه ليس من الرأس وانما من الكراس ،فقد كتبه أحد الصحفيين فى الثمانينات واعجبنى وحفظته.
ابو محمد فؤاد
وينك ياراجل مختفى ليومين ..مايكون رجفة مازيميى جاءتك من الان .
كان معى قبل يومين فى المنزل اخونا عبد الحميد ابوقصيصة وهو يهديك السلام والتحية ،واول مرة اعلم منه بان مولانا صلاح غندور ايضا لديه ابن اسمه محمد فؤاد وان والدته هى شقيقة الشهيد محمد فؤاد
| |
|
|
|
|
|
|
|
|
|
Re: بحرى طراوة (Re: معاوية محمد الحسن)
|
Quote: كلمنى يا حلو العيون
حيرنى صمتك ياحنون
كلمنى حاول حس بي ..
عاتبنى ارمى اللوم على
كلمنى والكاين يكون |
تعرف يا عماد الاغنيه دي عندي معاها ذكري جميله!!!!!
عشان كده انا قريت توثيقك للا ستاذ محمد ميرغني سطر سطر...
شكرا” عماد شكرا” جزيلا”.
| |
|
|
|
|
|
|
|
|
|
Re: بحرى طراوة (Re: معتز مقبول)
|
كتب الاستاذ معاويه محمد الحسن.
وده طبعا” بعد التحيه والاذن يا استاذ.
مستفسرا” عن الاستاذ ابو محمد فؤاد.
| Quote: وينك ياراجل مختفى ليومين |
وانا اقول اين يا استاذ عبدالكريم انشاءالله المانع خير
نفتقد كتاباتك وتوزيعك للورديات .
ودمت للجميع يا استاذ
| |
|
|
|
|
|
|
|
|
|
Re: بحرى طراوة (Re: Emad Ahmed)
|
Quote: والله يا عمدة قمة الابداع
اننا لنفخر بك وانت تتحفنا
بهذه الروائع اني من محبي
الاستماع للمبدع الرائع
محمد ميرغني وخاصة
اغنية كلمني يا حلو العيون
Quote: كلمنى يا حلو العيون
حيرنى صمتك ياحنون
كلمنى حاول حس بي ..
عاتبنى ارمى اللوم على
كلمنى والكاين يكون
لك كل الشكر وكل الحب وكل التقدير
وااااااااصل فنحن متابعين بشغف |
تسلم ياعمدة ومشكور لإنزالك أغنية حلو العيون . .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
Quote: عمده ياملك التوثيق بلا منازع
توثيق رائع جدا للفنان القامه محمد ميرغني وياريت لو زدت لينا الجرعه شويه في
الجانب الرياضي للفنان الكبير ....تاريخه الرياضي قبل فريق الامير ان كان هناك معلومات عنه
لك التحايا |
العزيز حمزة
انشاء الله نزيد الجرعة في الجانب الرياضي للفنان محمد ميرغني
ومعرفة خبايا تاريخه الرياضي قبل فترة فريق الأمير البحراوي .
تحاياي
| |
|
|
|
|
|
|
|
|
|
Re: بحرى طراوة (Re: Emad Ahmed)
|
Quote: وانا اقول اين يا استاذ عبدالكريم انشاءالله المانع خير
نفتقد كتاباتك وتوزيعك للورديات .
ودمت للجميع يا استاذ |
| |
|
|
|
|
|
|
|
|
|
Re: بحرى طراوة (Re: معاوية محمد الحسن)
|
| Quote: يبدو انو الديناصورات لم يستطيعوا مجاراة سرعة ايقاع البوست ،فاثروا الاعتزال |
بالضبط ...!!!
لكن جاتني رساله علي الايميل من شدة جمالا
ناوي انزلا بعد الارشفة يعني اول اكتوبر العظيم...
| |
|
|
|
|
|
|
|
|
|
Re: بحرى طراوة (Re: طارق ميرغني)
|
احم احم....
نحن في حضرة جمال التوثيق...
أو إن شئت توثيق الجمال...
فإين نحن ديناصورات وحناكيش
من هكذا جمال...
عشتم يا ابناء بحري...
والتحايا مغزولة بعبق أغاني محمدميرغني...
والود لكم يا عماد عبدالله وأنت تعطر هذا
البوست برفدك الفوّاح...
| |
|
|
|
|
|
|
|
|
 Re: بحرى طراوة (Re: معاوية محمد الحسن)
|
Quote: ابو محمد فؤاد
وينك ياراجل مختفى ليومين ..مايكون رجفة مازيميى جاءتك من الان .
كان معى قبل يومين فى المنزل اخونا عبد الحميد ابوقصيصة وهو يهديك السلام والتحية ،واول مرة اعلم منه بان مولانا صلاح غندور ايضا لديه ابن اسمه محمد فؤاد وان والدته هى شقيقة الشهيد محمد فؤاد |
** ابو عوه..
** سلام ..
** قلنا بعد بحرى تمت نزول الحريق وحافظت ,, الشباب يسوقو البوست ,, وفعلاً سواقة الشباب تختلف م سواقة الديناصورات بمختلف درجاتهم الكُبرى والصُغرى..
** تحياتى للصديق عبدالحميد أبو قصيصه ولحرمه ..
** والدة الشهيد محمد فؤاد هى عمة مولانا صلاح غندور ,, وكذلك يوجد محمد فؤاد آخر وهو إبن الاخ على فؤاد على زكى ..
(ودام الود بيننا)
(ابو محمد فؤاد)
| |
|
|
|
|
|
|
|
|
 Re: بحرى طراوة (Re: عبدالكريم أحمد الامين)
|
## التحيه والتقدير والموده والحب لكل من سأل عنى ##
## مع الامانى بأن يكون هذا البوست مرجعاً لكل من يبحث عن معلومه خاصه بست الهوى والطراوه رياضيها , أحيائها , فنانينها , ظرفاءها , شعراءها , سياسيها , الخ.............
(ودوماً بحرى هى الانسان والمكان والإرتباط الكاثوليكى)
(ابو محمد فؤاد)
| |
|
|
|
|
|
|
|
|
|
Re: بحرى طراوة (Re: عبدالكريم أحمد الامين)
|
| Quote: التحيه والتقدير والموده والحب لكل من سأل عنى ] |
يا كرومة نحن ما سألنا منك...
لأنك دائما في الخاطر والبال...
أها أدينا نصيب مما شرهة المحبة الفوق دي...
كل سنة وأنت والأسرة بألف خير
| |
|
|
|
|
|
|
|
|
|
Re: بحرى طراوة (Re: Emad Ahmed)
|
شخصيات بحراوية
سليمان فارس ( السد العالي )
- ولد سليمان فارس في العام 1933 م بحلة خوجلي بالخرطوم بحري وبها اكمل تعليمه حتى المرحلة المتوسطة . . وبدا حياته الرياضية بفريق
التحرير البحراوي ثم انتقل الى فريق الهلال العاصمي في العام 1950 م وعاصر خلال هذه الفترة عمالقة الكرة بفريق الهلال امثال الأمير صديق
منزول وعثمان الديم وفيصل السيد وسبت دودو والهادي صيام وغيرهم من أفذاذ ذلك العصر الذهبي وفي العام 1951 م التحق بفريق الأهلي جدة
محترفا ومنه الى فريق الأهلي المصري في العام 1952 م . . ولعب للهلال العاصمي أكثر من 110 مباراة تنافسية وودية . . وكما لعب للفريق
القومي السوداني أكثر من 15 باراة دولية وودية . . لعب سليمان فارس 8 أعوام متواصلة لصفوف الأهلى من عام 1952 م وحتى عام 1960 م بإجادة
وتألق مع جيل الخمسينات الذى ضم العمالقة مكاوى وصالح سليم وحسين مدكور وعبد الجليل وهمامى وتوت وفؤاد صدقى وحلمى أبو المعاطى وغيرهم من
المع النجوم .
- نسبة لسطوع نجمه بصورة بارزة بصفوف الأهلي المصري اطلق عليه جمهور الأهلي لقب ( السد العالي ) نسبة لصلابته الدفاعية والتي أشتهر
بهاوتمتع هذا اللاعب العملاق بكل صفات لاعب الكرة المتكامل من قوام رياضى ممشوق وإجادة تامة لكل فنون اللعبة والتسديد القوى المتقن بكلتا
القدمين مع إجادة اللعب فى أكثر من مركز .
- وهذا بعض ما تمت كتابته في موقع النادي الأهلي المصري عن سليمان فارس :
( كان أداء العملاق الأسمر السودانى الأهلوى متعة فعلاً للمشاهدين ومحور رئيسى هام فى انتصارات الأهلى .. ففى أحد لقاءات الأهلى والزمالك فى
الخمسينات وكان سليمان فارس يلعب فى مركز قلب الدفاع .. قطع " المياه والنور " كما يقول التعبير الكروى عن كل مهاجمى الزمالك وحجب
تماماً وصولهم لمرمى عبد الجليل حميده حارس مرمى الأهلى وكان بحق نجم المباراة الأول وأحد أسباب فوز الأهلى الرئيسية على الزمالك فى هذا
اللقاء وإشادة من النقاد بعد اللقاء لدور سليمان فارس " السد العالى الأهلوى فى هذه المباراة التاريخية " صدرت الصفحة الرياضية من جريدة
الجمهورية ويتصدرها رسم " كاريكاتيرى " بطول الصفحة للعملاق سليمان فارس بملابس الكرة وهو يضع جميع مهاجمى الزمالك فى " جيب الشورت " .
- اعتزل اللعب في العام 1960 ومارس مهنة التدريب وتولى تدريب عدد من الفرق منها الهلال العاصمي والتحرير البحراوي وحي العرب بورتسودان
والزهرة الأمدرماني والأتحاد البحراوي وكما أشرف على تدريب الفريق القومي العسكري السوداني وتولى ايضا تدريب منتخب الخرطوم والذي واجه
فريق ليفربول الانجيلزي بطل أوربا في اوائل الثمانينات في مباراته الشهيرة والتي انتهت بالتعادل 1/1 .
- الرحمةوالمغفرة للراحل سليمان فارس طيب الله ثراه .
- المصادر : كتاب الفاضل دراج عام 2004 م وموقع النادي الأهلي المصري .
( الصورة من موقع نادي الهلال السوداني )
| |
|
|
|
|
|
|
|
|
|
Re: بحرى طراوة (Re: Emad Ahmed)
|
| Quote: فريق الهلال العاصمي ويظهر سليمان فارس وقوفا أقصى يسار الصورة . |
اخي عماد
اقصي يسار ولا يمين الصوره ؟؟ اعتقد يمين الصوره ... صاح!!
بالله يا عمده الاسماء في الصورة الثانية بلون ظاهر يعني غير الاخضر لو ممكن..عشان نعرفها
هذا هو الشكل الذي كنا نتمناه لبوست بحري طراوه للتوثيق لبحري وناس بحري
الاخوين عماد ومعتز بحق وحقيقه اضافة حقيقية للبوست
ونحن الديناصورات زي ما بيقولوا الحمد لله مرتاحين قنطرنا البوست و
البركه فيكم...
بالمناسبة وين اعزاءنا الدكتور عبد المحمود وعلي سرالختم ونزار عتيق ومحمد شمس الدين وشمس
الدين ساتي وعابدون تربيع وناهد بشير والمستشار حسن طه ....
| |
|
|
|
|
|
|
|
|
|
Re: بحرى طراوة (Re: طارق ميرغني)
|
Quote: اخي عماد
اقصي يسار ولا يمين الصوره ؟؟ اعتقد يمين الصوره ... صاح!!
بالله يا عمده الاسماء في الصورة الثانية بلون ظاهر يعني غير الاخضر لو ممكن..عشان نعرفها |
اخي طارق
تحياتي
أقصى يسار الصورة الذي يضع يديه بخلفه . .
بالنسبة لصورة الفريق القومي حاضرين وحانزل ليك واحدة ثانية بدون كتابة الأسماء
وتحتها مباشرة الأسماء .
| |
|
|
|
|
|
|
|
|
|
Re: بحرى طراوة (Re: Emad Ahmed)
|
Quote: عشتم يا ابناء بحري...
والتحايا مغزولة بعبق أغاني محمدميرغني...
والود لكم يا عماد عبدالله وأنت تعطر هذا
البوست برفدك الفوّاح... |
مساء الخيرات لكل البحراويين والزوار الكرام
هذه هي بحري التي نعرفها اخي كمال كرار
حبلى بالجميل والبديع
باهل الفن واهل الكرة
واهل السياسة واهل كل شئ
دمتي يا بحري ودمتم يا بحراويين لبحري
لكم كل الحب والاحترام
| |
|
|
|
|
|
|
|
|
|
Re: بحرى طراوة (Re: Emad Ahmed)
|
تكملة صور سليمان فارس
ويظهر في الصورة مع فريق الهلال العاصمي الثاني وقوفا من اليمين .
( معليش الصورة غير واضحة المعالم )
| |
|
|
|
|
|
|
|
|
|
Re: بحرى طراوة (Re: Emad Ahmed)
|
رساله جاءتني من اخي العزيز عادل صديق والذي لم اتشرف برؤيته سنين عددا:
هذه الرسالة الجميلة التي وعدتكم بنشرها:
Quote: الحبيب طارق.. كل عام وانت بخير.. ياخي معقول ما نسمع صوتك ولا نشوفك منذ نصف قرن من الزمان؟ من زمن عرس صاحبك ؟ والله كانت أيام طيبة... بس في فيلم انت ما عارفو..
المكان: نادي ضباط القوات المسلحة
الزمان: أمسية بهية في واحد من العقود التلاتة الأخيرة من القرن الماضي!!
الحدث: زواج واحد من أعز أصدقائك
الحضور: حشد كبير من الأقارب والأصدقاء ووجهاء المجتمع البحراوي بكل طوائفه..عباس تلودي يصدح ب "حبيبي جفا وجفا فؤادي.. وقلبي ليهو ينادي ينآآآآدي) فتميد معه القلوب وتميل.
فلاش باك
بطل الفيلم دا انت عارفو.. مهووس بالعرس من الوسطى.. ومشى جدة واشتغل حمال في الميناء (هو قال اشتغلت مترجم) لمدة سنة وشال القروش صرة في خيط ويا فلانة جاك زول.. المهم طبعا في الحنة بتاعتو اليوم الأول كانت دكاكينية ساكت وكان الفنان انت والشيالين أنا وجعفر الخليفة الله يطراهو بالخير (الحمد لله لسه ما وصلنا مرحلة فلان الله يرحمو ويحسن إليه).. وأول مرة أشوف لي حنة بغنوا فيها (بدري سامي علاهو ما بطولو سماهو.. حبي شاغل فكري..).. أول مرة أنتبه لعذوبة اللحن ورقة الكلمات.. في يوم العزومة صاحبنا عمر الفحيل غنى للصباح ملح طبعا.. في نادي الضباط انت جبت ليهو تلودي.. وحبيبي طبعا القريشات الجابها وزعها من بدري .. حتى حق الفندق دفعو مقدم لأنو ما عايز مفاجآت!! أها يوم حفلة نادي الضبط صاحبك متسنتر ومبسوووط.. أها بعد تلودي ما عمل الفاصل الأول وأمتعنا بالكاشف.. جا في الوصلة التانية وبدا ب "ذكرتني" وعينك تاني وحاتك ما شافت نور.. الكهربا قطعت.. اللحظة ديك أنا كنت جنبو في الكوشة .. وجنبنا طبعا العروس وخالها الضابط (الحجز لينا النادي).. فجأة اشوف ليك زولي اتنتر (نتيرتو البتعرفها ديك) ووجه كلامو للخال
: Iam ready for any generator
ما عارف يا طارق أنا ليه في اللحظة ديك اتذكرت قصة الفار الوقع في زق النبيذ ولما فرفر طلع .. اتنفض وقال (أين القطط؟)ولما جاهو الكديس أخو البنات أخذ يتمتم في صوت خفيض (لا تآخذوا السكارى بما يقولون).. المهم يا سيدي الأمانتي ليك الموضوع عدى وما عارف جنابو نقش الفيلم ولا الموضوع مشا عليهو وصاحبك مرق منها .. يعني يا طارق اللحظة ديك لو جنابو قال ليهو الجنريتر قاعد بس دايرين لينا عشرة جنيه نجيب بيها بنزين صاحبك كان اتورط!!
حبيت أسلم عليك وأبارك ليك العيد وأذكرك ببعض الايام الطيبة التي قضيناها بصحبتكم.. أرجو أن تكون بخير وعافية.. أنا في أبوظبي (الهجرة الثانية) والتالتة واقعة.. طبعا قعدت في السعودية 24 سنة .. لكن برضو ما قدر بطلنا الهمام.. كمال بي عضمة لسانو لما طلع من بحري الوكت داك أنا لسه في الجامعة !! طبعا هو معذور هو عاوز يضرب الرقم القياسي بتاع نسيبو الله يرحمو.. بمناسبة (الإبطاء) بلغة السعوديين.. قبل فترة مشينا مسقط لزيارة بعض أصحابنا وزملانا الكانوا شغالين معانا في سونا.. قضينا ويك اند خطير جدا ولما جينا مسافرين .. صاحبنا بشير عبد الدايم قال ( يا خوانا المرة الجاية نتلاقى في الموقف العظيم) قلنا ليهو ليه؟.. قال: هسه اتلاقينا بعد 30 سنة.. يعني تفتكرو لو اتلاقينا بعد نفس المدة حنتلاقى وين غير يوم القيامة؟
عزيزي طارق.. أتمني نتلاقى قبل يوم القيامة.. مع أطيب تحياتي وأرجو أن نتواصل
أخوك عادل صديق |
| |
|
|
|
|
|
|
|
|
|
Re: بحرى طراوة (Re: طارق ميرغني)
|
Quote: رساله جاءتني من اخي العزيز عادل صديق والذي لم اتشرف برؤيته سنين عددا:
هذه الرسالة الجميلة التي وعدتكم بنشرها: |
## إبن خالى..
** صباحك خير ..
** غايتو الفوق دى مارساله ,, دى المُعلقه الثامنه ,, السبعه مُش علقوهم على أستار الكعبه ,, أها دى نحنا حنعلقا على أستار ست الهوى والطراوه وذلك قبل إحتفال صاحبها باليوبيل الماسى لعيد ميلادو ,, والذهبى للغربه ..
## غايتو خوفاً من الهكر وكده ,, تمت طباعة 1000 نسخه منها للارشيف وللاخوان بس ماتفهموا الاخوان دى غلط ,,
## الاخ عادل صديق شكراً على هذه الرساله الوثيقه والتى تم تصنيفها بأنها المُلقه الثامنه ولقد تم إيداع نسخه منها لدى دار الوثائق المركزيه ونسخه لدى اليونسكو بباريس ..
(ودام الود بيننا)
(ابو محمد فؤاد)
| |
|
|
|
|
|
|
|
|
 Re: بحرى طراوة (Re: عبدالكريم أحمد الامين)
|
Quote: الاخ / ابو محمد فؤاد حمد لله على السلامة
غدا نلتقي مع شخصية بحراوية انشاء الله . . |
** ود عثمان أحمد ..
** صباحك خير ..
** نحمد الله من ماأستلمتو قيادة مترو بحرى ومعاك ود مقبول الصديق و ود عبد اللطيف و د. عماد عبدالله وبقية الشباب الديناصورات طلعوا كراسى القماش وشغالين رش بالخرطوش فى الشارع ويسقو فى الشجر وبقو يدخلوا البوست بنظام المفتشين بتاعين الصحه والقطارات فى الزمن الجميل والذى كانت بحرى تُدار إدارياً كما تُدار مدينة لندن بل كان تطبيق القوانيين أكثر صرامه من الانجليز..
** أها الوصيه بالذمه الخط الماشين فيهو دا ماتفكوهو ونحنا مصنقرين مع المفتشين كمساعدين تفتيش تحت التدريب وخاتين جبنتنا وشيشتنا مولعه وكتبنا وجرايدنا جنبنا ومره مره بنخش نشوف الحاصل شنو ..
(ودام الود بيننا)
(ابو محمد فؤاد)
| |
|
|
|
|
|
|
|
|
 Re: بحرى طراوة (Re: عبدالكريم أحمد الامين)
|
** ود مقبول الصديق ..
** صباحك خير ..
** ومشكور على سؤالك وتفقدنا..
** أها بالمناسبه دى ,, عايزنك نطلب منك تعمل لينا جوله تفقديه فى حلة حمد :-
** لاشهر الاُسر.
** اشهر السياسيين..
** اشهر لعيبة الكره ..
** ضباط الجيش والشرطه..
** نادى الثريا وأشهر اللاعبين فيهو ..
** وماتنسى أشهر من عملوا بالاذاعه والتلفزيون (الرحمه والمغفره للعم محمد عمر - مدير مكتبة الاذاعه فى السبيعنات)
** العلاقه بين حلة حمد ونادى التحرير (إستاك)..
(ودام الود بيننا)
(ابو محمد فؤاد)
| |
|
|
|
|
|
|
|
|
|
Re: بحرى طراوة (Re: عبدالكريم أحمد الامين)
|
** إنا لله وإنا إليه راجعون **
## شيعت مدينة بحرى بالامس القطب الاتحادى الاستاذ أحمد السيد حمد المُحامى ##
** له المغفره والرحمه بقدر ماقدم لبحرى والسودان والعمل السياسي **
| |
|
|
|
|
|
|
|
|
|
Re: بحرى طراوة (Re: عبدالكريم أحمد الامين)
|
** إنا لله وإنا إليه راجعون **
** توفى بالدناقله شمال مساء أول أمس مولانا عُثمان حاج أحمد (قاضى المحكمه العليا - سابقاً ونائب رئيس مجلس القضاء الشرعى بابوظبى) والد د. جمال الدين عثمان (مدير التلفزيون الاسبق) وصلاح القاضى وعزالدين وكابتن بهاء الدين بالخطوط الجويه القطريه والمهندسين كمال الدين ونصر الدين وضياء الدين **
** له الرحمه والمغفره والعزاء موصول للاهل بابوعشر والهلاليه وبالعاصمه..
| |
|
|
|
|
|
|
|
|
|
Re: بحرى طراوة (Re: عبدالكريم أحمد الامين)
|
وعابدون تربيع
حلوة وملعوبة يا باشمهندس
موجودين بس المشاغل وخوف الأنفلونزا
منعتنا من التواجد مع أبين كروش ونضارات قديمة
أمثال ود خالتك والمسمى بعاليه خوف العدوى وكدا
رحم الله القطب الإتحادى الشجاع أحمد السيد حمد الذى
أذكر وقفته الشجاعة فى وجه عصابة مايو أثناء محاكمته
الشهيرة للتشهير به فحاكمهم كما فعلت الصحفية الشجاعة
لبنى ..
صديقى العجوز ..وينك ..
| |
|
|
|
|
|
|
|
|
|
Re: بحرى طراوة (Re: شمس الدين ساتى)
|
عزيزي عبد الكريم
البركة فيكم انشاء اللة فى وفاة والد الاخ صلاح القاضى واخوانه ،نسال اللة له الرحمة والمغفرة وان يدخله فسيح جناته وان يلهم ابنائه واهله الصبر وحسن العزاء .
الاخ عمادعثمان
بمناسبة التوثيق للكوتش سليمان فارس فمعروف عن الكوتش انه كان شديد الاعتداد بنفسه ومن طرائفه فى ذلك عندما تم إختياره مدرباً لمنتخب الخرطوم الذى تم تكوينه لمقابلة فريق ليفربول الانجليزى فى الثمانينات وكان المنتخب معسكراً للمباراة فى فندق السودان ،وكان أن ذهبنا للفندق للحلاقة(رغم انو عبد الرازق مامصدق الحكاية دى ) المهم قابلنا فى بهو الفندق الاخ المرحوم شيخ ادريس كباشى وجلس معنا وكان هو نائب لكابتن المنتخب سامى عزالدين ،وحكى لنا انه كان لديهم مباراة اعدادية امام الموردة وطلب الكوتش سليمان فارس من سامى والشيخ بصفتهما الكابتن ونائبه ان يقوم كل منهم بوضع تشكيله لاداء المباراة وقال الشيخ انه قام بكتابة التشكيله التى يراها تاركا خانة الثيردباك والتى كان يلعب فيها هو شاغرة وقام بتسليم الورقة للكوتش وعندما ساله الكوتش عن سبب تركه لخانة شاغرة ذكر له الشيخ بان هناك لاعبين اخرين فى المنتخب يلعبون معه فى هذه الخانه وانه لايريد ان يزكى نفسه وترك للكوتش اختيار من يراه مناسبا لهذه الخانه ،فقال الشيخ بان الكوتش ضحك وقال له بلهجته المصرية انت حر فى نفسك ياكابتن لكن انا لو سالونى من هو أحسن مدرب حاقول سليمان فارس .
رحم اللة الاخ شيخ ادريس وسليمان فارس وسامى عزالدين فرسان ذلك الزمن الجميل
| |
|
|
|
|
|
|
| |
عماد الدين عبدالله
Emad Ahmed
هشام المجمر
معاوية محمد الحسن
حمزه بابكر الكوبي
Kamal Karrar
عبدالكريم أحمد الامين
شمس الدين ساتى
فيس بوك
تويتر
انستقرام
يوتيوب
بنتيريست